Interlingua Italia

1



Que diabolo es interlingua?
Avante toto, in le stylo del Oculo, nos dice lo que Interlingua NON ES:
...un practica erotic moderate (anque si plure de nos ha nihil contra isto)
...le penose experientia que on essaya serrante le proprie lingua inter le dentes
...un sorta de "piercing" (ornamento perforante) que provoca plure enoios de sanitate
...le lingua parlate ante le turre de Babel (quando un certe Zamenhof initiava parlar
Esperanto, causante le confusion del linguas)
...le lingua que le nord-americanos va parlar intra 50 annos (omne sape que illes va
parlar Espaniol
1
)
...un lingua fabricate in laboratorio
...le substituto del Anglese
...un association que organisa excambios cultural de studentes de paises diverse
2

Post haber disembarassate le campo de iste equivocos periculose, vos ha probabilmente
le sensation de saper le mesmo que antea in re Interlingua: nulle timor, nos pote
disvelar de plus.
Le revelationes del Oculo
(suspense...tension...anxietate...un organo remote produce un musica inquietante)
3

Interlingua plus que un lingua es un constatation: le vocabulario commun del linguas
occidental pote functionar como un lingua franca. Le nomine de iste lingua es
Interlingua.
Interlingua es un lingua...

1
secundo altere scientistas, illes va parlar Chinese; ma tote le scientistas, particularmente illes del
Regno Unite, es de accordo que le nord-americanos jammais parlava Anglese.
2
anque si isto poterea esser un bon idea pro financiar nostre movimento
3
subtitulo a cura del section Atmospheras del Oculo
Interlingua Italia

2



...auxiliar
...appertinente a nemo
...ponte
quasi-neutre
...que consente de dicer lo que on vole, anque si il es melio esser caute quia illo es
comprensibile sin studio anterior
Esque il non ancora suffice a vos?
(Vos es sin dubita un pauc insistente)
Le scopo principal de Interlingua es le comprensibilitate immediate (sin o al plus con
pauc studio) per un auditorio de occidentalophones.
Non fabricate in laboratorio -- Interlingua non es un lingua artificialmente fabricate
secundo preferentias particular de un sol persona o de un gruppo isolate de individuos.
Le linguas occidental ha un fonte commun, e isto es particularmente evidente in lor
vocabulario. Illo ha su origines in le linguas latin e grec, que deveniva tanto importante
pro le cultura, primarimente in Europa ma postea anque in le mundo integre.
Per 25 annos alcun linguistas experte studiava profundemente le elementos commun in
le linguas principal europee, elaborante certe principios pro le selection e le forma del
parolas in Interlingua.
Le principios fundamental es:
Un parola es adoptate in Interlingua si illo es commun a al minus tres del linguas
anglese, francese, espaniol, portugese, italian e - in certe casos - german e russe.
Le forma standardisate de un parola debe esser maximalmente conforme al
linguas mentionate, i.e. apparer como le "denominator commun" del vocabulos
e elementos in le linguas fonte.
Le composition del grammatica e syntaxe es determinate per le collection de
regulas e structuras in le linguas de base producente le systema le plus simple
que es possibile pro possibilisar le uso del vocabulario in un lingua coherente.
Pro exemplo, isto significa le exclusion de varie particularitates e formas specific
del linguas constituente, ergo nulle generes grammatical, nulle declinationes e
nulle conjugationes irregular de verbos;
Interlingua Italia

3



ni le vocabulario ni le grammatica o syntaxe de Interlingua es fixe, ma illos seque
le evolution del linguas fonte. In le ultime 30 annos plus que 20000 vocabulos
nove entrava in le vocabulario de Interlingua.
Le avantages es:
Pro personas qui es familiar con le vocabulario pan-occidental, Interlingua es
comprensibile a prime vista;
per un texto in Interlingua on pote attinger un vaste pubblico multinational
cultivate.
Interlingua offere un utile introduction al tresor universal del vocabulos
scientific, technic e cultural, quia illo affronta scientificamente le mesme
problema de communication que le scientistas o le homines de litteras e cultura
europee habeva in le passato.
Illo anque facilita le studio de linguas romanic. Interlingua es in effecto un
profitabile factor supplementari in studios linguistic. Le internationalitate del
vocabulario e le simplicitate del grammatica pone tosto le cognoscitor de
Interlingua in le position de un active usator de Espaniol, Francese, Italiano,.
Portugese, Romaniano, etc.
Interlingua es le sol lingua "politicamente correcte" quando alcun personas de
linguas occidental diverse debatte themas delicate, pro exemplo un contracto o
un conflicto de opinion o un litigio.