Professional Documents
Culture Documents
By Dr. Azágua
Ó Déngi! Ó Déngi!
Ki bentu ki traze-bu?
Fra-m ki bentu ki traze-bu?!
Bo é pior ki satanás!
Pamó bu kal xa-nu en pás!
Bu ben spórti
Lâ di nórti
Sen pasapórti
Má du ta da-u kórti!
Ó Déngi! Ó Déngi!...
Pamó bu kal ba bu terra?!
Ba bu terra!
Ba fási!
Más fási ki bu pode
Pô ka ba leba pó
Na tésta má na tôtís!
Obí…
Du ta da-u ku pó
Du ta tra-u ku pó
Du ta lonba-u pô
Du ta xagua-u pó
Di nôti tê manxê!
Dj’obí?
Bárbunkadu fatuzés!
Ba!
Ba ta bai!...
Ba fási própi
Pô ka spreadu
Dentu kêl ôdju di diabu!
Kêl bentu ki traze-bu
El-mé el ta torna leba-bu!
Bai!
Ba ta bai!
Ben!
Ben, satanás!
Ben ku kêl kara lerés
Sima fatuzés!
Sima kêl bódi di Simianu
Sima kêl burru Xalé di Keitanu
Sima kêl tôru di Kintilianu
Ku kêl dôs gánxu sima denti katxás
Ku kêl dôs txífri sima kabra di Djózé
Stikadu pa séu sima saúdi
Ta garanhâ sima karangêju!
Sondâ bu ben!
Bu pode ben!
Berbunkadu fatuzés!
Bu ka n’un Muzés!
Ba!
Ba bu terra, disgrasadu!...
Ba gósin!
Gósin própi, pô ka nterradu
Sen nodjadu
Lokadu
ku séti kadiadu!