Oo, Ikaw nga yung babae na iyon

Oo, ikaw yung babae nakatayo sa sulok

kanina ay nakaupo ka lang sa tahimik na upuang yari sa bakal
ngayon sumasayaw na ang mga mata mo, sa sayang nadarama mo
Oo, ikaw nga yung babae na iyon
Siya nga pala, may itatanong ako
paano mo nalusutan ang butas ng turnilyo mo?
ang alam ko'y nakalawang na ito dati pa
siguro'y may lalaki na naglinis nito
Oo, ikaw nga yung babae na iyon
Minsan iba iba, minsan pauli ulit
hihigupin ko sana ang butsi mong naglulumpasay
ngunit hindi maari, dahil ayaw mo
Oo, ikaw nga yung babae na iyon
Hindi mo pa rin kasi alam
na naka baon ang ginto ko sa nalilitong lupa
walang makakahukay, kahit sino pa
Oo, ikaw nga yung babae na iyon
Ang mga kamay ng orasan ay pasmado na
at kapag nabagot na siya ay titigil na ito
hindi na rin nila matatanggal ang busal sa bibig ko
hindi ko na matataktak ang latang kumakalembang sa tagal
Oo, ikaw nga yung babae na iyon