PARAAN UPANG MAS MADALI ANG PAGTANGGAP NG MGA BATANG MAY
KANSER SA KANILANG SITWASYON
Nahahati sa ibat ibang salik ang mga paraan upang mapadali ang pagtanggap ng mga batang may kanser sa kanilang sitwasyon. Ito ay ang proseso ng dayagnosis o pagsusuri sa kanser. Ang pagsusuri sa kanser ay may mahalagang epekto sa pamilya, at mga kaibigan. Mahalaga ang pakikibagay sa mga limitasyon ng bawat kasapi ng pamilya. Ang may kanser, mga magulang, mga anak at mga kaibigan ay nangangailangan ng mga pamamaraan sa pagharap sa sitwasyon. Kinakailangan ang malawak na pananalig sa Diyos na gagaling sa mahabang panahon na tatahakin at may dahilan kung bakit ibinigay ang ganoong sitwasyon sa pamilya at sa batang may kanser. Ang pasyente/ batang may kanser, sa pagdaan ng panahon ang mga bata ay umuunlad at tumatanda at may mga pangangailangang pangkalusugan tulad ng mga kaedad niya, para sa pananaw ng mga batang may kanser iniisip nila na sagabal ang kanilang sakit sa kanila mismo, sa pamilya, paaralan at sa kanilang buhay. Tumatanim sa isip nila na dulot ng kanilang sakit ang maging pabigat sa pamilya at maging sa pera na gagastusin sa pagpapagamot. Karaniwang nawawala ang matagal ng pakikipagkaibigan ng pasyente. Ang mga reaksiyon ng mga nagmamahal sa batang may kanser ay makakaapekto sa mga reaksiyon ng bata o ang impormasyon tungkol sa sakit na kanser ay makatutulong sa bata upang madama na may partisipasyon siya sa proseso ng gamutan. Nakakaapekto rin ang pisikal na hitsura, pisikal at intelektwal na maaaring matamo, pagkontrol sa sariling buhay, paghangad na mahalin at maunawaan. Karaniwan sa may sakit na kanser ang lumayo 0 umiwas sa mga tao. Ang pag-iwas na ito ay hindi dapat na ipakahulugan sa nagbibigay ng suporta sa pasyente, na isang pagtanggi. Maaaring magrebelde ang kabataan may kanser sanhi ng kanilang pakiramdam na walang kalayaan, mga takot at pagnanais na maging katulad ng iba. Ang pagtanggap sa sakit ay lubhang naaapektuhan ng uri ng pakikisama ng pasyente sa mga magulang, pamilya at mga kaibigan.
Ang mga magulang o tagapag-alaga, ang emosyong mararamdaman pagkatapos na masuri na may kanser ang pasyente ay madarama sa panahon ng pagkakasakit - pagsusuri, paggamot, pagpapaospital, mga epekto ng sakit, binat, impeksiyon at kamatayan. Pangkaraniwan sa mga magulang o tagapag-alaga na tumanggi sa katotohanang may sakit na kanser ang anak; magkaroon ng kalungkutan, panghihinang pisikal, pagkagalit, pagiging marahas at pagsisi sa sarili. Napakalaking pangangailangan ang nakapataw sa pamilya at bata sa pagpapaospital, gastos, madalas na pagkunsulta sa doktor, pagkabalam ng pamumuhay ng pamilya. Ang mga kapatid, ang ibang kamag-anak at kaibigan ng pamilya, Dapat na ipaalam sa mga kapatid ang tungkol sa sakit na kanser kung sila ay nakakaunawa na ang damdamin nila tungkol sa pasyenteng may kanser ay tulad din ng nararamdaman ng mga magulang. Dapat ipadama sa ibang malulusog na kapatid na mahalaga pa rin sila at hindi nakakalimutan upang maiwasan ang pangingimbulo dahil sa lubusang pag-aasikaso sa pasyente. Dapat na payagan ang mga kapatid na bumisita sa ospital. Ang suportang maibibigay ng mga kapatid ay hindi kasing-laki ng ibinibigay ng magulang. Ang pangingimbulo ng mga kapatid ay karaniwan lamang. Lahat na kasapi ng pamilya at mga malalapit na kaibigan ay naaapektuhan kapag natuklasan na ang isang kamag-anak ay may kanser. Sila ay maaaring makatulong sa pamamagitan ng pag-aalaga, pagbabantay sa batang may kanser habang ang mga magulang ay wala sa piling ng may sakit. Maaaring maging malaking suliranin sa magulang ng batang may kanser Ang mga kamag-anak at kaibigan kung ang mga ito ay hindi mauunawaan at matatanggap ang pagkakaroon ng kanser ng bata o maaaring ang labis na pagkaawa ng mga.kamag-anak at kaibigan ay tumungo sa pagbibigay ng labis na proteksiyon sa may sakit. Pag-aaral ng batang may sakit na kanser sa panahon ng gamutan at pagbabalik sa paaralan, Ang mga batang may kanser na hindi makakapasok sa paaralan ay dapat na hikayating mag-aral sa bahay. May mga pasyenteng patuloy na nag-aaral habang nasa ospital. Ang patuloy na pag-aaral ng may sakit na nasa bahay/ospital na nagagawa sa pamamagitan ng pagtawag sa telepono, pagbibisita, pagpapadala ng kard na nagsasaad ng maagang paggaling o ng mga gawaing pampaaralan ay makapagbibigay pag-asa sa may sakit. Ang mga ospital na may mga gawaing pang- paaralan para sa mga may kanser ay nagbibigay ng pagkakataong maibahagi sa iba ang ganitong karanasan para sa may sakit na kanser. Ang mga batang may kanser ay kailangang bumalik din agad sa paaralan. Makapagbibigay ito ng pagkakataong makasama muli ang mga kaibigan. Makatutulong din ito sa may sakit na hangarin pang lumakas at mabuhay. Dapat makipag-ugnayan ang paaralan sa mga magulang upang malaman kung gaano ang kalagayan ng sakit na kanser ng bata. Dapat na makipag-ugnayan ang mga magulang sa mga guro upang masiguro ang seguridad at maipaliwanag maigi ng guro ang kaso ng sakit na kanser sa ibang normal na bata upang maiwasan ang pang-aalaska sa batang may kanser.