LAWRKHAWM

Sermon
Vol No. XIII | Issue No. 653 | Pathianni Kar tin chhuak | Date : 5
th
October, 2014
Kum 2014 Branch Thupui : I Puan In zauh rawh Isaia 54 : 2
Beihrual
Pathian hruaina in
Beihrual Programme chu
tluang takin kan lo hmang
zo leh ta a, a tlangpuia
lakin Kohhran mipute
inkhawm kan tha thei hle.
Pathian hnenah lawmthu i
sawi ang u.
Faith Promise
September thla Faith
Promise kan lakkhawm
chu Rs.12,450/- a ni a,
member ten thilpek ah tan
i la thar deuh deuh ang u.
Bial KTP Programme
Ni 6.10.2014 hian Bial
KTP Programme hmangin
Bial hruaitute leh Bial
Zaipawl ten Chhinga
Veng Kohhran ah hun
hman a ni ang a, kumin
chhunga Branch tlawh
programme an hman
hnuhnung ber a ni ang.
Pem lehkha chhiar
Tv. Lalrinsanga s/o
Vanchhuga (L) chu
Chawngtlai Presbyterian
Kohhran atanga a rawn
pemna lehkha chhiar a ni.
Lawmluh
Pu Henry Biakthansanga
leh a fapa Amosa
Hmingsangzuala chu
Roman Catholic atangin
kan Kohhranah lawmluh
an ni.
Hla Kutpui
Kan hma lawka Chhinga
Veng Pastor Bial Hla
Kutpui hman turah hla zir
turin Kohhran mipuite
inring ila, kan zavaiin tel
theuh i tum ang u.
Thalaite u, i buhte seng tur chuan ke i pen chhuak dawn lawm ni.
Chanchin Tha hril tur hian he ram hian a mamawh tak zet che a ni. Mahni
insit in kei ka tling silo tiin kan indawm kun a ni thei e. Mahse, kan Pathian chuan
mi tlingte chauh hi a rawngbawl tur hian a ruat bik lova, kan missionary tamtakte
pawh hi mi tling ber berte an nih avanga Chanchin Tha hrila ke pen chhuak an ni
vek kher lovang, mahse, he ram hian a mamawh zia hriain ke an pen chhuak a ni
zawk. Chuvangchuan, Lal Isua Krista thu la hrelo tamtak he ramah hian an awm a,
chung mite chuan Lal Isua Krista thu i hrilh hun tur an la nghak reng che a sin.
Pathian thu hre lovin an nun i hman tir reng dawn nge heng kan mite hnenah hian
Chanchin Tha i hril zawk dawn..?
CHANCHINTHA I PUANGDARH ANG U
Chanchin Tha la hre ngai reng
reng lote an awm tih kan hria a, puitu an
mamawh ngawih ngawih a ni tih hre reng
chunga Chanchin tha kan hrilh siloh
chuan kan thisen mawh chu Pathianin
kan chungah a la dawn a ni.
Home Mission South lamahte
phei hi chuan zirna kawngah te, rinna
kawngah te an la hnufual in an la chaklo
em em a, kaihhruai an la ngai nasa em
em a ni. Thingtlang khua chengkerh
Electric current pawh a la luh lohna
hmun a ni a, an chenna in te pawh rap in
mai maite a la ni hlawm a, a thente phei
chu ran pawh la khuahkhirh lohna hmun
te a la ni. Vawk te, ar te leh ui te nena
khawlaia la awm mai maite an la ni. Nu
leh pa thenkhatte phei chu thawmhnaw
hak nachang pawh la hrelo khawsak
phung mawl te te an la tam a. Pathian
aiin puithiaman la ring a, Pathian a awm
tih pawh la hrelo tamtak an la awm.
Hmun thenkhat phei chu Buddhist
hmunpui a ni a. Pathian ropui zia te pawh
an la hrelo a, Chanchintha la hre ngai
reng reng lo te pawh Home Mission
South-ah hian tamtak kan la awm a ni.
Loneia eizawng vek an ni a ei leh in tur
an hmuh chuan an lungawi tawk em em
a. Thil dang vei an neilo va, hmasawn
tumna reng reng an neilo a ni. Heng kan
mite hian min mamawh takzet a ni.
Chuvangchuan, Thalaite u kan thinlung
kai tho ila heng i ram mite hnena
Chanchin Tha hril tur hian ke i pen
chhuak ang u.
Heng hote tan chauh hian
ngensak ka nilo, an thu avanga kei mi la
ring turte tan pawh ngensak ka ni bawk
e J ohana17:26
Lalpan a thu malsawm rawh se.
Lalfakmawii
Missionary
Nangnin, Buh sengna tur thla li a la awm, in ti lawm ni? Ngai rawh u, ka
hrilh a che u, dak ulang lote en rawh u, tun apangin seng turin a eng a ni.
A at tuin hlawh a hmu thin a, chatuana nun thlenga awm turin rah aseng
thin, a tuh tu leh a attu an lawm dun theih nan. J ohana 4:35,36
ZIAK LOH DAN -
tih hi Kohhran inkaihhruaina leh Pathian biaknaah hian Kohhran tana tangkai tur,
Kohhran Committee zinga mi, a hria leh hmangchang hriaten an sawi, ziaka dah ni
si lo; mahse, Kohhran kaihhruai nana an lo hman, a hnua miten an chhawm nun zel
chu a ni a. Tradition an tih thin hi a ni. Ziak loh dan chu inkaihhruaina dan leh
constitution tel lovin a mal din lo va, Dan awmsa nen tangkai takin hman a ni.

PUAL

N
A
U
P
A

N G
Page 2
Lalrinkima
Lalnghilhlova
R. Zomuansanga
H. Lalengmawii
Agents Agents
EDITORIALBOARD
Editor : Lalnunzira - 8732078931
J oint Editor : Lalhmangaiha - 9856954021
Lalbiakzuala Sailo - 9774378954
News Editor : R.Lalhmunsanga - 9774395131
Contributing Editors : Lalramhluni - 9856149280
B. Lalthanzami - 9862360331
H. Lalhmachhuani - 9774367236
Lalmuanpuii - 8575158771
R. Zohmingliana - 8974589814
H.Lalremruata - 9615715528
Circulation Manager : Lallawmsanga - 9862800141
Vanlalzawni
Lalrinchhani
Debbie Lalmuanawmi
C. Lalthlamuani
VAWI I N SUNDAY SCHOOL ZI RLAI
Beginner : Beram leh Kel
Primary : Jeremia
Junior : Romkhuaah chanchintha
Intermediate : Kohhran hna leh mawhphurhna
Sacrament : Tleirawlte leh media
Senior : Ringtu mawhphurhna- sawrkar lakah
Puitling : Fimkhur tura fuihna
Kum2014 Beihrual chu tluang takin kan lo
hmang zo leh ta reng mai, Kohhranho te pawh kan
inkhawmtha hlawmhle mai a, a lawmawmkhawp mai.
Chin chunzawmzel atan a tha khawp mai, heng kan
Beihrual hman te hian kan nunah rahtha chhuah sela,
chanchin tha kan hrilna kawngah leh kan
rawngbawlnaah te hian hmasawn phah nan hmang ila,
tan min lak zual tirtu nise la a duhawmngawt ang.
Tirhkoh chuan Chanchin tha hril mah ila,
chhuan tur reng reng ka nei si lo; chanchin tha hril suh
ila ka chung a pik dawn si a, tiin a sawi a.
A damchhan leh tih tur hre chiang Tirhkoh
Paula tan chuan kan Lalpa hna pawimawh ber chanchin
tha hril chu hlamchhiah rual a ni lo. Khawvela kan awm
chhung hian chanchin tha aia ngaihhlut leh ngaih
pawimawh hi kan ngah emmai a; Lal Isua ngaih
pawimawh ber Chanchin tha puan darh hian kan
thinlungah, kan chhungkuaah hmun a chang thei meuh
lo chu a ni e.
Kan nun hi inbih chiang ta zel ila, nang leh kei
hian Chanchin tha kan hril loh avang hian kan thawpik
nge kan engthawl zawk? Kan tu leh fate hnena hrilh
tur pawhin, mi dang tih turah kan dah fo mai, kan in
enchian a va ngai ta em. Mi malin emaw, chhungkuain
emaw, kohhranin emaw Lal Isua ngaih pawimawh ber
chanchin tha hi buaipui bera kan neih lova, kan
hlamchhiah phawt chuan chanchin thalo hi kan buaipui
tho tho dawn, thenkhat phei chuan kan tu kan fate nun
tha lo leh chanchin tha lo hi kan buaipui mek tawh zawk
a nih hi. Hetiang a nih mek avang hian Kohhranho ten
Chanchin tha hi a hma aia nasa zawka kan buaipui hi
a hun tawh tak zet a ni tih i hre thar leh teh ang u.
VAN SANG-A IN SAK THU
Hmanlai hian mi pakhat, a hming Abunuvasa
hi a awm a. A rethei na in a fing hle a. Lal leh mi
hausate thiltih diklo mipui zing ah a hai lang fo va,
chuvangin an hua a, tihhlum an duh a.
Vawi khat chu lal chuan Abunuvasa chu a ko
va, Abunuvasa, i fing hle tih ka hria. Ni thum
chhungin vanah in min sak sak tur a ni.. hnathawktu
pawh i mamawh zat apiang ka pe ang che. I theihloh
erawh chuan ka that ang che, a ti a. Abunuvasa
chuan, Ka sa ang e, lal ber, a ti a. In ah a haw a,
lehkhachaih lian tak a siam a. a lehkhachaih siamah
chuan dar a tawn bet a,thliin a chem zawngin dar
chu a inkhawng ri val val thin a.
Abunuvasa chuan lehkhachaih chu sang tak
in a chaih a, a chaihna hrui chu thingah a thlung bet
a. Lehkhachaih a dar ri chu mipuite leh lal te chuan
an hria a, an lo pung khawmthuai a. Abunuvasa chuan
, Aw... lal ber, van-a in- sak chu peih ani thuai dawn
e. Dar ri kha ilo hria em? Hnathawktu ten van a
tangin an lo tiri a nih kha. Tunah hian inchung a chih
tur rangva an mamawh a,i sipaite tir thuai la, va pe
rawh se, a ti a.
Lal chuan, Engtin nge ka sipai te vanah an
lawn theih ang? a lo ti a. A lawnna tur kawng ka
siamtawh a lawm, Abunuvasa chuan a ti a. Lal chuan
a sipaite chu inchunga chih tur rangvate keng in
Abunuvasa chu zui turin a ti a. Abunuvasa chuan
lehkhachaih thlunna hrui chu kawkin, Hei hi van
lawnna kawng chu a nih hi, lawn ula, inthleng thuai
mai ang, a ti a.
Sipaite chuan hruia lawn tum chuan an bei a,
an lawn thei lova. Abunuvasa chuan Tang ta che u,
inchung tur hi in ken theih loh zawngin lal a thinur
hle dawn a nia, a ti a. Sipaite chuan nasa takin an
bei a, an thei chuang lo va. Lal hnenah, Lalpa, tumah
vanah hian an lawn thei lo vang, an ti ta a.
Lal chu a ngawi vung vung a, a tawpah chuan,
A dik e, tumah vanah an lawn thei lo vang, a ti
nghut a. Chutihlai chuan Abunuvasa chuan, Aw...
lal ber, i ti dik e. Tumah an lawn thei lo vang;
amaherawhchu, eng vanga he thil tih theihloh hi mi
tih tir tum nge i nih? a ti a.
Lal chuan a ngaihna reng reng a hre lo va.
Abunuvasa chu a lehkhachaih thlunnaah chuan a va
kal a, hrui chu a tichat a, lehkhachaih chu a thawk bo
ta a ni.

Page 3
Isua Krista rinna leh Amah anna kawnga thalaite hruai Kohhran Kutke ni tura thalaite buatsaih
Kohhran hnathawh tihpuitlin Krista Chanchintha puandarh
K.T.P THIL TUMTE
Kan Kohhran hming chu, Welsh Mission a ni lo va, Presbyterian Kohhran tih a ni zawk a.
Welsh rama miten an rawn chhuahpui avangin Welsh Mission tih hi a pu ve mai a ni.
ARTICLE
1. Presbyterian Kohhran bulzia chu, a chhui thui thei
berte chuan Mosia damlaiah khan an tan a ni: Thlalera
Mosian Israelte a kilkawi lai khan a pu J ethroa a lo
zin a, mipui chunga rorel dan tur chu a zirtir a,
Pathian tih mi deuh deuhte thlang chhuak la, mi
sangkhat chunga hotute, za khat chunga hotute, sawm
nga chunga hotute, sawm chunga hotute siam la;
chung chuan thil tenau deuhte an lo rel thlu ve thei
ang a, engkimah in zangkhai dawn nia, a ti a. Chu
chu Presbyterian Kohhran rorel dan intanna a ni, an
ti a.
2. Midang leh chuan, J uda-te Babulon sal tang lo
chhuah hnu khan lal an nei ta lo va, zawlneite pawh
an nei ta lo thuai a. Rorel pawl an insiam ta a, a
hmingah, Sanhedrin an ti a. Sanhedrin member
siam dan chu,
Puithiam lalte 24
Danhremi 24
Hnamtin upa 24
An vaiin 72 an ni thin a.
Hei hi Presbyterian pawl rorel dan lo
chhuahna bul a ni. Kristian bul tan tute kha Juda mi
vek an ni a, Sanhedrin dan engkim hre mi an ni.
Kristian Kohhran an han siam tirh khan invawn dan
chu Sanhedrin dan ang deuh hian an siam ve ta a; hei
hi Presbyterian rorel dan lo chhuah tanna a ni ber,
an ti a. Presbytery member siam dan pawh hi chi
thum an ni ve a:
Tirhkohho
Kohhran Upaho
Kohhran tin palaite an ni.
3. Midang leh chuan heti hian an sawi bawk: Juda-te
khan khawtinah Sunagog an nei a, Sonagog-ah chuan
Upa 10 an awm thin a. Chungte chu Grik ramah chuan,
Presbyter(Presbytery Upa) an ti thin. Chanchin Tha
sawi hmasa tu Apostol-te leh midangte pawh kha
J uda mi vek an ni a, Isua kha Messia a lo ni ngei tih
sawi fiah tumin Sunagog-ah hian an sawi tan zel a.
Chutichuan, khawtinah kristian an lo awmnaah chuan
Sunagog dan ang in Upa chu an han siam tan phawt
thin a ni. Chutichuan, Kristian Kohhran hmasa berte
zinga hotu chu Upa an ti a, khawtinah Upa hi an
siam zel thin. Heng changte hi enteh mah, T.T.
15:4,6,22; 20:17; 21:18; I Tim. 5:17,19; Tita 1:5; I
Pet. 5:1; II Johana 1:1; III J ohana 1:1.
Hengah hian Kohhran hmasate awmdan chu
a lang chiang tawk hle mai a, khawtinah upa an nei a,
chutih lai Kohhran hotute chu Tirhkohte leh Upate
an ni mai. Kristian rorel khawmpui hmasa ber chu
A.D. 50-ah Paula te damlaiin J erusalemah an nei a,
chu khawmpui a roreltute chu (T.T.15:4,6,22 en la).
Chuvangin, Kristian Kohhran hmasate chu kan Pres-
byterian Kohhran dan ang tak hian an khawsa a ni tih
kan hre thei a ni.
Tin, A.D. 100-naah hian Paula te thih zawh
hnu in khawmpui a awmleh a, (Thuthlung Thar buah
chuan a lang lo na a, Kohhran chanchin dangah kan
hmu a) chutah pawh roreltute chu Tirhkohte leh
Upate an ni a. Tirhkohte hian khua an fang thin a,
Kohhran an tlawh vel thin a, an enkawl thin a ni.
Tirhkohte zingah chuan lal bik leh hotu bik an awm
chuang lo va, a lo upa deuh leh fing deuhte kha
hruaituah an hmang mai thin a ni.
Chutichuan, kan Presbyterian Kohhran hotu
neih dante hi a inang hle mai a; chuvangin, kan
Kohhran hi chu Chanchin Tha Kohhran (Evangeli-
cal Church) tih kan ni thin a ni.Hei hi Presbyterian
Kohhran bul chhuttute chhut dan a ni a.
PRESBYTERIAN KOHHRAN CHANCHIN
Liangkhaia
August 1949
Changvawn
Pathian ram chu ei leh in lam thu a ni si lo va, felna te,
remna te, Thlarau Thianghlima lawmna te a ni zawk e.
Tupawh chung thu-ah chuan Krista rawngbawl chu
Pathian lawmzawng leh mihring fakin a awm thin a ni.
Rom14:17&18
SEPTEMBER THLA PATHIAN RAM
THAWHLAWM
Ip lut zat : 147
Ip lut Percentage : 79.45%
Pathian ram : Rs. 1,15,688.00
Ramthar : Rs. 68,784.00
Tualchhung : Rs. 1,90,203.00
Total : Rs. 3,74,675.00
Published & Typeset by TheKristian Thalai Pawl : Chhinga Veng East Branch. Printed at T.M Offset, Canteen kual, Aizawl. Copies 180
Thiltha ti atan Krista Isuaah chuan siama awmin, Ama kutchhuak kan ni si a,
chu thiltha tih chu kan awmna turin Pathianin a buatsaih lawk a ni. (Ephesi 2:10)

Page 4
I N K H A W M P R O G R A M M E
Chawhma : Sunday School
Zirlai 37-na
Chawhnu
Tantu : Pu R. Darchhinga
Thusawitu : Upa Darthanga
Zan
Thusawitu : Pu P.C. Lalbiakzauva
PATHIANNI KTP TAWNGTAI INKHAWM
Hruaitu : Pu Lalthansanga Sailo
Tantu : Tv. B. Lalthanzuala
THAWHTAN ZAN KTP INKHAWM
Hruaitu : Pu Lalramluaha
Tantu : Tv. Lalnunpuia
Thilpek : Nl. Lalbiakhlui
lakhawmtu Nl. Lalrinpuii
Thusawitu : Tv. K.L. Laltanpuia
NAUPANG CHAWHNU INKHAWM
Hruaitu : Tv. Daniel Vanlalfala
Tantu : Ruthi Vanlalhruaii
Hun hman dan :
Variety : NPSS Inkhawmpui a Special
Programme Items nei te atangin
TLEIRAWL INKHAWM
Hruaitu : Pu Lalbiakzuala Sailo
Tantu : H. Lalmuanpuia
Hun hman dan : Group in elna (Debate &
Extempore Speech)
Hun hmangtu : Tv. Lalawmpuia
Zai hruaitu : 1. Lalrammawia
2. Lalruatlawka
3. R. Zomuansanga
KOHHRAN HMEICHHE INKHAWM
7.10.2014 (Thawhleh zan)
Tawngtai Tlaivar Programme
Hun 1- na Biak I n
Hruaitu : Pi C. Lalrengliani
Tantu : Pi Lalparliani
Thilpek : Pi Zothanmawii
Lakhawmtute Pi F. Lalnunpuii
Thupui : Thawh harh a hun ta.
Sawitu : Upa C Zothansanga
Hun 2- na Kohhran Hall
Hruaitute : Pi Lalhmachhuani
Pi Lalbiakzuali
KOHHRAN PAVALAI INKHAWM
A hun : 9.10.2014 Dar 7:00 P.M
A hmun : Kohhran Hall
Hruaitu : Upa Lalzuitluanga
Tantu : Pu J ames Lalduatpuia
Thilpek : Pu Vanlalhlua
lakhawmtu
Sermon : Pu Thangzamuana
(I ssue hmasa chhunzawmna)
BIAK IN CHHUNGA INCHEI DAN TUR LEH
AWM DAN MAWI KAIHHRUAINA
(SEC. 235:20)
BIAK IN CHHUNGA AWMDAN MAWI
Kohhran ho ten Pathian ni a - a Biak In-a kan inkhawm
hian Biak In chhung awm dan tur kan infuih thar reng
a ngai a, chutiang atan chuan a hnuaia mi te hi zawm
tlan tum ni se:
1) Inkhawmna-ah Bible leh Hla bu ken thin tur a ni a,
thu zir tur bik awm tumah chuan zirlaibu ken thin a
mawi.
2) Biak In-a luhin thutfel veleh tawngtai tur a ni. Inkhawm
chhung chuan chhuah loh hram ni se, loh theih loha
chhuah a tul pawhin tha taka luh leh ni se, tul bik thil
a nih loh chuan inkhawm ban hmain haw loh hram ni
se.
3) Biak In chhung hi kan zah tur a ni a, bula mite nena
inbiak te, thil ei te, thial leh hmuam lam chi te tih loh
tur a ni a, mit rin leh inhnawih lam chi te pawh tih loh
tur a ni.
4) Biak In-a luh dawnin Mobile phone hmeh hlum
(Switch off) emaw, ri chhuak lo (silent) emaw a dah
thin tur a ni a, Biak In chhungah hman loh tur a ni.
REV. LALCHHUANMAWIA
Secretary
Synod Mission Board, Synod Office, Aizawl.
ENGKIM TAN HUN A AWM
Tharum thawh hun a awm a,
Dam diaia tih hun a awm a.
A huhova thawh hun a awma,
Mahni chauhva tih hun a awm.
Inbakkaih hun a awma,
Inhmangaih hun a awm.
Lungchhe taka tah hun a awma,
Hlim taka nuih hun a awm.
Nawr hun a awma,
Inhnuhdawh a that zawk hun a awm.
Sawi hun a awma,
Ngaihthlak hun a awm.
Hmanhmawh hun a awma,
Muangchan hun a awm.
Source : Alasbasta 2