BELOGGE MONDONG SANGSARA

OM SWASTYASTU.
Suksema dahat atur titiang ring ugrawakia , antuk galah sane kapaica ring dewek
titiang.
Inggih ratu ida dane sami , utaminipun para diaksa sane dahat wangiang titiang, para
semeton pamilet swayembara mapidarta sane tresna sihin titiang. Rasa angayubagia pisan
manah titian, riantuk ring galahe puniki titiang prasida masadu ajeng ngiring ratu ida dane
sinamian, melarapan antuk nyanggra wati warsa kota Denpasar, sajeroning ngemargiang pari
kramaning swayembara mapidarta.
Ratu Ida dane sane wangiang titiang, Sadurung titian ngalantur matur , ngawedar
daging pidartan titiang, pinih riin lugrayang titiang ngaturang parama suksemaning manah
ring Ida Sanghyang Parama Kawi, sane maraga sarining pangeweruh, sarining sastra,
duwaning janten pisan,wantah sangkaning pasuwecan Ida, titiang ngiring para semeton sami
prasida ngemargiang pidabdab sane dahat mautama puniki. Sakewanten melarapan antuk
tambet titiang kalintang, wimuda titiang ring yusa, tuna ring kaweruhan, tan pendah titiang
sekadi kunang- kunang anarung sasih, doh para titiang pacang sida nagingin pikayunan
Ratu ida dane sami. Napi malih bantang bebaosan sane kasudi,rasayang titiang dahat abot
pisan.
Ratu Ida dane sane wangiang titiang.unggwing daging pidarta sane jagi aturang
titiang wantah mamurda !"l#$" #ND#N$ S"N$S%R%. Napi mawinan sarat manah
titiang ngunggahang indike puniki. Kawiaktian ipun pangeweruh wiadin pendidikan punika
pinaka srana sane kaanggen ngukur inggil wiadin andap kehanan jatma lan wangsane.
&angsa sane maju pastika maduwe paletan ' paletan pemargin pendidikan sane maju.
&angsa sane kirang lingu ring pendidikan alit(alitnyane pastika sampun wangsane punika
pacang kasor rikala mapadu arep ring wangsa sane urati ring kepradnyanan parajanane. Napi
malih sekadi mangkin, yening iraga nenten sareng ngepung iptek punika janten pacang
kanistayang antuk wangsa sane lianan. Sekadi sasenggakane )sane dengkuk ketangkeb
sarung sane wikan nangkeb ipunggung*. anawita Ida dane sami sampun pawikan. Ring
aab jagat sekadi mangkin sane kebaos era globalisasai, kawentenan jagate awor tan pawates,
Iwang patut , becik kelawaning kaon sami dangan kapikolihang nanging meweh
kabinayang . yan tan wikan makta raga, sehananing parisolah kedasarain antuk wiweka
janten kauripane pacang rug tan paklatu.
Ratu ida dane sane dahat baktinin titiang. +ening Ida dane oneng tur urati miragiang
gatra ring majalah, surat kabar miwah tele,isine, ngenenin indik kehanan wangsa Indonesisne
janten rasa duhkita tan paingan pikayunane. Santukan yan tan iwang antuk titiang narka
menawi langkungan ring -. / gatrane setata maosang indik kesengsaran jagat duwene.
Saking semeng nyantos semeng malih sehananing media midartayang0 Ring widang
pemerintahan tan surut(sirut maosang indik kemewahan para pejabat,korupsi,kerugian
negaran sane nenten naenin puput . Sajeroning seni lan budaya para artis sane patut dados
duta budaya Indonesia sepatutne ngamiikang parinama wangsa Indonesiane, nangin akehan
wantah sida megatra indik kawin,cerai, selingkuh,,ideo porno. Sane mangkin maosang indik
ekspor lan impor0 sane paling kasub kaekspor ring Indonesia wantah 1K& sane tuna
kaweruhane mawastu ring genahe mekarya patut kaparikosa, kasiksa tur kabosang wangsa
budak. Ngiring kayunin, napi sane ngawinang asapuniki 222. Sang meraga wikan maosang
panegara Indonesiane kocap panegara sane sugih gemah ripah luhjinawi. )1ongkat kayu lan
batu dados tanaman*. 1ambang mas ,batubara sami wenten ring Indonesia.napi mawinan
wangsane nista dama sekadi mangkin.
&angsa sane inggil kaweuhannyane sarat ipun serahina mekarya sehananing piranti
ngawit saking mainan anak(anak, prabotan rumah tangga, sarana transportasi sane keekspor
ke dura Negara nyatos sida nyajah pasar dunia, tios ring punika taler sampun prasida mekarya
sehananing sanjata lan sarana perang sane mautama nganutin kemajuang teknologine sekadi
mangkin, mawastu para prajurit nyane merasa bangga reh sampun jangkep saranan ipun
rikala mabela pati nidihin wangsanyane rikalaning wenten meseh sane purun ngusak(asik lan
nganistayang jagat ipunne. Kemajuan teknologine sekadi mangkin jakti(jakti mawiguna
sajeroning kauripan ipun. awastu wangsane punika dahat kasumbungang ring jagate tan
wenten sane purun atandang wirang.
Ratu ida dane sane baktinin titiang. Duke riin wangsa Indonesiane kasub tur kaloktah
ring dura Negara pinaka macan %sia.wangsa sane sura dira ksatria darma utama.+adiastu
sarana sane kadruwenang kantun doh tanding ring panagara lianan, sakewanten medasar
antuk mental lan moral wangsane sane suci nirmala tan pacang ajerih metandang wirang
lascarya ngetohang jiwa pramana mapag iduratmaka mawastu jagate sida merdeka sekadi
mangkin. Para jana sane ngawikanin ring pemargin sejarah perjuangan puniki sinah bangga
tan paingan ring pemargin para panglingsire sane nguni .
Ratu Ida dane sane wangiang titiang. sami anake maosang yening jamane sayan maju,
teknologine sayang canggih, tur jatmane sayang wikan,sepatut nyane jagate lan kauripanne
sayan dirgayusa nanging napi mawinang jagat lan wangsa indonesianne asapuniki
kawentenanne tan surut(surut manggih kasengsaran2 +en kemanah antuk titiang sane
ngaranayang nenten wenten lian wantah kabelogan iragane sareng sami sane nenten naenin
karaseyang. Sering iraga nenten merasa kabelog(belog antuk wangsa lianan buka sesenggake
)kuluk medem di jalikanne kuduk(kuduk anget bulune liglig* sane mangkin asapunapi antuk
nitenin mangda kautaman wangsane sida kapikolihang2 Nenten jhe lian pamekas para
yowananne mangda seleg malajahang angga ngemargiang swadarmaning brhamacari asrama
madasar antuk seneng ngewacen sehananing pustaka utawi buku(buku ring sekolah,toko
buku utawi perpustakaan.
Inggih ida dane sane wangiyang titiang ring sajeroning nincapang kawikanan sumber daya
manusia taler nincapang pangeweruh para sisianen janten nenten pisan dados kakirangan
sarane utawi piranti sane patut kawacen sekadi cakepan(cakepan ,duaning buku utawi
cakepan punika pinaka srana uttama sane ngawinang para yowananne sayang nincap
kawikananne. Sering piragi titiang para jnane maosang perpustakaan punika risaksat gudang
ilmu pengetahuan,perpustakaan punika taler kabaos jiwapramana lembaga pendidikan,yening
lembaga pendidikan punika nenten madue perpustakaan tan pendah sekadi )pedang tanpa
rai*. Punika mawinang perpustakaan patut katitenin lan kaupapira duaning mabuat
pisan,pinaka unit pelayanan teknis ring wewidangan pendidikan mental lan spiritual sane
prasida ngamedalang jatma sane wikan,mawiweka,madue jatiraga mawasana antuk budaya
sane adiluhung. Nanging ring aab jagate sekadi mangkin akeh perpustakaan druene sane
durung polih uratian minakadi ipun buku(buku sane wenten kantun marupa buku(buku sane
sampun ilu sane sampun nenten manut ring aab jagate sekadi mangkin. Sarana panunjang
ring sajeroning perpustakaan sekadi komputer taler durung jangkep kesiageyang. Punika
pinaka cihna perpustakaan druene durung polih uratian sepatutnyane,punika mawinang sarat
manah titiang mapinunas ring sang angaurat mangda yukti(yukti perpustakaan druene
kapicayang uratian mangda para yowana lan para sisia molihang sekancan sane kaaptiang
mangda sida atandang wirang nenten kasor ring wangsa sane lianan .
Ratu ida dane sane wangiang titiang malarapan antuk babaosan inucap prasida cutetan titiang
Kapartama swadarmaning sisia patut jemet melajah,guru susrusa satinut ring sapakon guru
madasar antuk seneng ngawacen sehananing piranti nenten waneh melajahang raga
ngutsahayang ngeret indria mangda nenten kagoda antuk I panca wisaya.
Kapingkalih majeng ring sang angaurat mangda siaga nitenin tur nyiagayang buku(buku
utawi sarana paplajahan sane sida nincapang kawikanan para yowanane mangda sida
ngewangiyang jagat lan wangsa druene.
Sane kapingtiga ngiring jengah tur wirang sutindih ring wangsa lan Negara mejalaran antuk
tan surut(surut ngamecikang raga ngeruruh sahananing kawikanan malarapan antuk seneng
ngawacen.tur sampunang lali bakti ring ida Sang 3yang &idhi.
Inggih ratu ida dane sane wangiang titiang. &antah asapuniki titiang presida matur yening
wenten tuna luwih lugrayang titiang nunas geng sinampura. Suksma atur titiang majeng ring
ida dane antuk uratiang ida dane mogi(mogi napi sane kawedar titiang iwawu pacing wenten
pikenoh ipun. Inggih,pinaka pamuput atur titiang ngaturang paramasanthi
#m Santhi,Santhi,Santhi #m