Isang ineng ang iniluwal sa Kalookan Na'syang magiging bahagi nang kasaysayan Kikilalanin bilang Lakambini ng Katipunan Kabiyak nang Supremo, ina nang digmaan Lalaban, susugod, itataguyod ang bayan Iyan ay si Ako, Oriang ang pangalan. O anong sakit kung aalalahanin Na ang aking kaarawan na maibigin Ay nasapit at pumatak sa bisperas din Nang kabiyak ang kamatayan ay sapitin Ako ay nagmula sa pamilyang karaniwan Gobernadorcillo ang ama nang tahanan Matalinong estudyante, mahusay sa paaralan Nanguna sa test kayat may karangalan Kailangan ko sa pag-aaral ay huminto Upang magpatuloy dalawang bunso Pagsapit naman sa edad na disi-osto Akoy niligawan nang Bayaning Bonifacio Anim na buwan, inibig ko na siya Kahit pa tutol ang aking Ama Pagiging mason niya, hindi ko alintana O pag-ibig, tunay at dakila Napapayag si Papa, kinasal sa Binondo Upang siya ay matuwa, sa Simbahang Katoliko Sa Katipunan kinasal kami, sumunod na lingo Lakambini ng samahan, aking titulo. Ang aking tungkulin aytagatago Mga sandata, baril at palaso Tagapag-alaga rin sa buong hukbo Tuwing silay may sugat o kayay nasilo
Sa kabila nang lahat nang aking pagpagal
Ang samahang minahal ay di marangal Inibig nang tunay ngunit anong sampal Ang iginanti sa irog kot mahal Siya ay pinagtulungan kahit walang laban Nang inibig at binuo niyang samahan Siya ay pinarusahan kahit walang sala Binitay nang hindi maling akala Pinagkaisahan nang buong kalipunan Na buong lakas nyang pinagsilbihan Sariling lahi siya ay kinalaban Pinatay sa kamay nang inakalang kaibigan Ito ang aking kwento na ibabahagi sa inyo Nawa ay kapulutan nag aral at tuto Ito ang aking kwento na ibabahagi sa inyo Nawa ang lumabas lang ay pawang totoo Tapos ang panahon na ang kalat ay huwad Na ang buhay ko ay buhay nang iba Tapos ang panahon na ang buhay ay luwad Na ang kwento ay hinabi nang iba Ako si Oriang at sinasabi ko ito Kaya makinig ang lahat at matuto Sa pagtampok sa akin bilang Babae nang Katipunan Itinago nila ang siyang tunay na katotohanan Ibinandila nila ang giting sa digmaan Ngunit ikinubli ang tunay na karahasan Silang pumatay, nagtaksil sa aking kabiyak SIla ngayong kinilalang bayaning tiyak Kaya aking pagsisigawan sa buong kapuluan Hanggang marinig sa umpisat dulo nang kasaysayan Ang pagtangis ko at pag-aasam nang katarungan Para sa iniibig kong Bayani at Lakan