Kafshët shtëpiake (domestike)

Çdo ditë e më tepër rritet numri i njerëzve që shëtisin me kafshë domestike nëpër
këmbë apo në krahë, raca të ndryshme qensh, nga pekinezi e deri tek dobermani.
Ndonjëherë madje të krijohet ideja që nuk janë njerëzit që nxjerrin shëtitje qentë,
por janë kafshët që nxjerrin shëtitje njerëzit...
Kjo dukuri ndodh në raport të drejtë, me rritjen e numrit të njerëzve që jetojnë në
skamje.

Nga njëra anë njerëz që zgjasin duart për bukën e gojës, nga ana tjetër njerëz që bredhin
supermakete për të gjetur ushqimin e preferuar të kafshës së tyre. Nga njëra anë njerëz që
nuk kanë një strehë ku ti shpëtojnë erës, shiut apo vapës, nga ana tjetër njerëz që
ndërtojnë streha për kafshë domestike.

Sa vaksinohen kafshët shtëpiake dhe a njihen rreziqet që mund ti kanosin këto

kafshë, njerëzve, apo më keq fëmijëve të vegjël ?

Sa e shëndetshme mund të jetë për rracë qensh garash psh. të banojë në pallat dhe
sa e shëndetshme është për fqinjtë tuaj të dëgjojnë papushim të lehurat e qenve nga
ballkoni juaj ?

Si ndjeheni kur shkëmbeheni në rrugë me një jetim, ndërkohë që ju rrisni një

kafshë ?.

Mesazhi i këtij shkrimi nuk është kundra kafshëve, pasi edhe ato kanë të drejtën e jetës.
Një tjetër pikë që doja të prekja është prania e qenve "rrugaçë" në Shqipëri..
Qen që kanë shqyer dhe infektuar njerëz, qen që bëjnë ligjin natën, e ku ka zona ku nuk
lëvizet pa mbushur xhepat me gurë... Edhe ndonjë shkop me vete, s'do ishte i tepërt.
F. Niçe : Qeni nuk është kafsha më besnike, ajo e do njeriun për interes e pronar të vetin
ka interesin.

Eshtë më mirë të rrisim kafshë ?

Apo të rrisim fëmijë ?

Një shprehje thotë se sa më shumë njoh njerëzit, aq më shumë dashuroj kafshët. Eshtë
pikërisht kjo kategori njerëzish që e ndot titullin NJERI !

Shkroi dhe përgatiti : Stop Injorancës