Professional Documents
Culture Documents
TKP Ramzotlang Unit Chanchinbu Petros Weekly Volume -X Issue No.45, Dt.22.2.15 Phk 1-na
chhanhim ang.
(Sam 41:1)
:
:
:
Manager :
:
Pro.Staff :
:
:
:
:
Ex-Officio :
:
Sermon chhunzawmna........
KNP Programme
(Chawhnu Fellowship 1:30)
Hruaitu
: Pi Anna Hmingmawii
Tantu
: Ruthi Remruatpuii
Thawhlawm : Moses Lalruatdika
Khawn turte : R.Lalvenhimi
Bible chhiar : Lalrosanga Hrahsel
Solo
: C.Lalhriathlua
Recitation : Lalpekhlui
1.
2.
3.
4.
Usher
1. Tv.Lalnghakliana Fanai(Leader)
2. Tv.Lalramenpuia Hrahsel (A.L)
3. Pu J.Lalruatfela
4. Tv.Lalrinsanga
5. Tv.Lalrochhunga
6. Pu ZD.Lalfakzuala
7. Tv.Vanlalruata Pachuau
8. Tv.Joseph.V.Lalruatpuia
9. Nl.P.Laldinpuii
10. Nl.Linda Lallawmzuali
11. Nl.Carolyn Lalbiaktluangi
12. Nl.Ng.Lalmuankimi
1.
2.
3.
4.
5.
1.
2.
3.
4.
5.
Published & Edited by Lalramenpuia Hrahsel for and on behalf of TKP Ramzotlang Unit Printed at BPP Serkawn 300/c
BCM Ramzotlang Kohhran Zaipawl : Bru Baptist Church(BBC) Assembly a kal report:
- Tv.Lalnghakliana Fanai
Bru Baptist Church(BBC) Assembly WAI 9-MA(Vawi 9-Na) Ramzotlang Kohhran Zaipawl ten kan
hmang ve a. BBC Assembly Vawi 9-na hi date 12th-15th February, 2015 Nghalimlui ah neih a ni a, keini BCM
Ramzotlang Kohhran Zaipawlte pawh nikum 2014 khan tel ve tura sawm kan ni. Zaipawl min enkawltu
Worship & Music Committee chuan Kohhran Zaipawl tirh ve ngei nise tiin kum 2015 planning ah a chhawp
ta rup mai a ni. Tichuan Zaipawl memberte chuan kan theih ang tawkin kan inbuatsaih ve a, Zaipawl hi
member 56 kan ni a,memberte kim taka kal kan tum laiin kan member mi 18 lai maite chu an remchan ve tak
loh avangin an kal ve theilo ta tlat mai, mahni hna lam leh damlohnate leh chhungkaw lam harsatna tawh
avangte a kal theilo kan ni hlawm a a pawi kan ti tak zet a ni. Tichuan Pathian khawngaihna vang liau liau
in Zaipawl member mi 38 lai maite chuan BBC Assembly vawi 9-Na(Wai 9-Ma) hmang ve turin kan inbuatsaih
ta mup mup mai a ni.
Day-I
Thlen kim ni 12th February, 2015 ah kan kal remchan theih loh avangin ni 13th February, 2015(Zirtawp
ni) ah kan kal thei chauh a ni. Zirtawp ni zing dar 5:00 a rik meuh chuan member-te chu kan Biak In chhak
kawng peng thuam laiah mahni thuam, kan zawh tawk theuh kengin kal turin kan inbuatsaih mup mup mai
a. Kan Kohhran Worship & Music Committee Chairman Upa KL Rodingliana chuan zing dar 5:27 ah
tawngtaina neiin kan kohhran nu leh pa thenkhatte nen min vai liam ta a ni. Member-te hian BCM Bus 1 leh
Sumo 2 in kan tum ram Nghalimlui chu kan pan ta.
Tichuan Pathian khawngaihna leh kaihhruaina in harsatna lian tham tawklo in kan kal zel a, Zing dar
8:30 a rikin Tawipui S ah tukthuan kan fak a, dar 10:30 am ah Lawngtlai kan lut a, tichuan tluang taka kal zelin
chawhnu her dar 1:15 ah Diltlang kan chuang chhuak ta hlawl mai. Diltlangah hian thingpui in in kan chawl a,
(helai hmun hi Zaipawl memberten kan theihnghilh ka ring tawhlo, hnunglam en a hmalam pana kal chu
tlukna a ni tih a langsung in kan hmu..). Tichuan Nghalimlui chu tlai/zantir dar 5:58 ah kan thleng ta.
Kan Kohhran member, TKP leh kan zaipawl member atanga Missionary ni ngat Tv C.Lalchansanga(Sena)
quarter luah ah kan lut a, mi 40 chuang ei tur chaw tui tak minlo buatsaih sak chu puar takin kan ei a, kan
thlenna (cham chhunga chaw kan eina tur) tura minlo ruat fel sak diam tawh chu min hrilh a, mipa ho zawng
Boys Hostel lamah kan riak khawm a, hmeichhe ho pawh girls Hostel lamah an riak bawk. Tv.Sena hi a kawppui
tur awm mi Pathian pek ala nghah rih avangin Assembly laia amah tawiawm leh puitu a pa Upa C.Vanlalmuana,
Tv Enga leh Pu Kawnga ten an awmchilh a ni, an chhuanawm tak meuh meuh a ni.
Day II
Inrinni chhun hi Assembly Rorel a nih avangin kan telpui a rem chiahlo bawk nen zing dar 7 ah
Vaseikai Bazar lamah kan lengthla hlawm a, mahni duh zawng zawng kan lei hlawm a a hlimawm khawp
mai. Tichuan zan lamah Pandal nuam leh zahpuiawm loh tak hnuaiah kan inkhawm a, Rev.Lalnunzira,
Area Co-ordinator, Lunglei Area in inkhawm a kaihruai a, Speaker Rev.Dr.K.Thanzauva thusawi tha tak
ngaithla in hla kan rem bawk. Kan hlawk tlang hlawm khawpin a lang. Tin, Zaipawl member-te min din tir
a kut beng hluah hluahin inkhawm hoten min lo lawm a kan hlim hle. 'Hming chu a awm' tih hla leh 'I
khawngaihna' tih hla kan rem a ni.
Day III
Pathianni zing inkhawmna ah hian BBC Pastor nemngheh inkhawmna neih a ni a, Rev.Lalzuitluanga,
ES BBC in hneh takin hun a kaihruaia, zaipawl ten Halleluiah Chorus kan rem a, kan theih tawk chinah
Pathian malsawmna kan dawng a kan lawm hle. Member thenkhat tang lutukin Halleluia Chorus thu an lo
phuahbelh zeuhte kan awm ni te pawhin a lang, kan hlimpui phian. Chawhnu lamah Lalpa Zanriah kilhona
neih a ni a, keini pawhin Amen Silfai ka ni tih hla remna hun Pathianin min siamsak leh a kan lawm hle a
ni. Tin, zan lam inkhawmna pawh a nuam khawp mai, Tripura lam atang kan Bru unaute report pawh a
hmuhnawm khawp mai (enge an sawi kan hre chiahlo a, kan thlir a hmuhnawm kan ti em em).
Inkhawmna ah hian Zaikhawm hla (Lengkhawm hla) Bru tawngin kan sa thin a (Mizo hla in vawi 2
emaw chu inkhawmpui chhung hian kan sa; tin, heng hlate hi Mizo hla Bru tawng a lehlin vek a ni) keini
lamin bru tawngin kan thiam chiah loh avangin mizo tawngin kan sa thung a, kan memberte lam kan awm
nual a kan hlawk khawp mai, mahse hla chang an sawi nawn khan khawi chang ber nge tih kan hre tawh
hlawm silo a, chang 1 vawi engemaw zat sa nawn pawh kan awmin a lang, bru unaute nen a lam ho dual
dual te, lam dan (style) dang deuhte nen a Pathian kan han fakho thei te, hengte hi Pathian khawngaihna kan
chan a ni tih kan hria a, kan lawm hle bawk.
Assembly tiak zan hian hla pahnih ' Lalpa ka dil love' leh 'Lei leh van siamtu' tih hla kan rem bawk.
Hla kan rem lai hian Pathian hnathawh member-te ah a lang chhuak a, ban phar chunga Halleluiah pe thei
kan awmte khan Pathian awmpuina kan chang tih a tilang hle a, Pathian awmpuina ropui tak kan chang a
kan lawm hle a ni. Tin, thil lang chiang tak pakhat chu kan memberte hian Pathian faka lam hi kan chak hle
a ni tih a hriat theih a ni.
Phek 4-na ah chhunzawm a ni...
Published & Edited by Lalramenpuia Hrahsel for and on behalf of TKP Ramzotlang Unit Printed at BPP Serkawn 300/c
Day IV
Ni 16.2.15 zing dar 6:20 a rik meuh chuan Pathian khawngaihna avanga hun hlimawm leh hlawkthlak
tak kan hmanna hmun BBC Assembly, Nghalimlui chu chhuahsanin Bru unaute nen intawn leh hun nghakin
kan liamsan ta a ni. Tin, kan chhuah hma hian KJD(Bru TKP) ten thingpui minlo buatsaih sak a, kan
inhnawhpuar hnu ah kan chhuak a, KJD te chungah kan lawm hle. Pathian zarah haw kawngah hian buaina
liantham engmah tawklo leh tluang takin kan haw thei a, Ramzotlang chu zan dar 7:30 ah kan thleng leh thei
ta a ni. Lalpa chu fakin awm zel rawh se.
Tlipna
Pathian khawngaihna kan chang nasa khawp mai; Pathian hian a rawngbawl tura kan tel ve a phal
avang ngawt pawh hian zaipawl memberte kan lawm hle a ni. Kan zinna ah hian kan hmahruaitu leh hnung
dawltu Pathian a ni a, kan lawm em em a ni. BBC Assembly kaihhruai a nih danah an inbuatsaihna a felfai
khawp mai, Ushering, refreshment leh thil dangah International level pawh a zahpuiawmloh tak a ni hlawm.
Bru unaute leh kan Missionary-te inpekna a ropui thlawt mai. Tin, zing inkhawm hi dar 10:00 ah kan
tan a, zan lam hi dar 6:00 ah kan zai tan bawk a, hun an vawng dik hle. Nghalimlui hi tui a harsa khawp mai
a, mahse kan cham chhungin kan mamawh zualpui hman tur kan thlenna theuhin an lo thiar ngah hlawm a,
an fakawm khawp mai. Lui lama insilfai tura kal kan awm thin laia kan member thenkhat tui harsatna hmun
pawh a insil mang lova awm thei kan neite pawh a lawmawm leh zel e. Tin, Kan BCM Missionary te hi
tawngtaina lamah kan hriat reng hi a tha khawp mai, mahni in lam chhuahsan a Pathian tana inpe han hmuh
hian an inpekna a nasa a, Pathian awmpuina kan dil sak reng hi a tul hle a ni. Tin, mikhual min thlen danah
keini chuan sawisel tur kan neilo, an theihna sang ber leh a dawttu an chhuah tak meuh a ni tih a hriat theih.
He Assembly a thil lang pakhat leh chu Bru unaute hian Pathian thlarau thianghlim a harh tharna
chan hi an duh hle niin a lang, i tawngtaipui ang u. Tin, inkhawm lai hian chhuah chhuah leh thawm lo
neihte hmuh leh hriat tur a awm meuhlo, an fakawm khawp a ni.
Tin he Assembly ah hian Hebrai 6:1 "...PUITLIN LAM I PAN ANG U.." tih thupui a hman a ni a,
Speaker Rev Dr K.Thanzauva'n tawi fel fiah fai takin a sawi thin a, ngaihthlak a nuamin a hlawkthlak hle a
ni. Sermon hi Bru tawnga lehlin nghal zel a ni a, Speaker leh Tawnglettu(translator) an han inhnial fiam leh
zauh thin te khan inkhawm boruak uap lutuk tur a vawng dai thin a, a tha phian. Tin, Bru unaute leh an
hruaitu ten minlo nghakhlel thiam em em a, kan tello pawh a programme tha tak nei thei awm tho si kha,
kan tel ve avanga an programme duan lawk tha tak kha keimahni avangin a hlawhtlin phah ang hial ten min
chhuah thiam a, an fingin keimahni lamah pawh fuihna tha tak min hnutchhiah thiam a kan lawm hle a ni.
Tin, zaipawl member ten thu kan awihin hruaitute thusawi kan zawm tha hle mai a, a lawmawm tak meuh
meuh a ni.
Inthawina aia thuawihna duh zawk kan Pathianin malsawmna tam takin vur zel sela, a khawngaih
rawng kan bawl min phalsak zel avang pawhin lawmthu kan sawi a ni. Tin, kan nu leh pa kohhrante
tawngtaina zawng zawngah lawmthu kan sawi e. Tin, kan sawi hmaih hauhloh tur chu Pu K.Lalremruata
S/o Pu K.Thanhlira te chhungkaw chungah lawmthu sawi hi a ni. An ni chhungkua hian zaipawl member
ten kalna tur kan indaih meuhlo tih an hriatin engmah beisei let nei lovin an Sumo an rawn thawh a, kan
lawm tak meuh meuh a ni. Pu K.Lalremruata hian rawngbawlna ah ngaiin amah hi Driver ah a tang nghal
bawk, kan lawm e. Mahse, motor ke a chhiat a motor ke spare paina hrelo a darkar khat dawn min chawlhpui
atang khan Sumo Driver pangai a nilo tih a hriat theih, nimahsela he rawngbawlna atan hian a inpe thei
miau lawi si. Pathianin Driver fel leh tlawmngai tak Pu Ramtea leh Tv.Hriata min pe bawk a, kan vannei hle.
Pathianin a let tam takin malsawm sela tih hi kan tawngtaina a ni. Tin , he kan rawngbawlna a hlawhtlin
theih nana tha leh zung, sum leh pai thawhtu te chungah lawmthu Pathian hmingin kan sawi tak meuh
meuh e, Lalpan malsawm che u rawh se.
A tawp berah chuan, Lalpa hian rawngbawlna hun min la hawn sak avang leh min la phal sak ve
avang hian lawm ila, Lalpa hian min phal sak tawh loh hun a thlen hnu ah chuan rawng hi bawl tumin
zaipawlah te hian tel tum sa teh mah ila a theih tawh dawn chuanglo tih hi kan hriat nawn fo a tul thin.
Chuvangin kan phak ang tawk theuh a Pathian in rawngbawlna min pek/phalsakna ah hian lawm chungin
kan theih tawpin Lalpa rawng hi i bawl zel ang u.
Published & Edited by Lalramenpuia Hrahsel for and on behalf of TKP Ramzotlang Unit Printed at BPP Serkawn 300/c