að komast til botns í því hvaða dýr skyldu verða að stjörnumerkjum í Kína. En þau mættu vera 12 og ekki fleiri. Þetta skyldi gert með kapphlaupi í veislu í höll keisarans þar sem haldið yrði upp á dýrahringinn.
Á leið í veisluna þurfti að fara yfir á.
Kötturinn og rottan voru verstu sunddýrin
í öllu dýraríkinu. Þrátt fyrir það að vera svona illa synd voru þau bæði gáfuð. Þau sáu að fljótasta og besta leiðin til að komast yfir ána var að hoppa upp á bakið á uxanum. Uxinn samþykkti að bera þau á bakinu yfir ána. Uxinn var eins og má sjá af þessu einfeldningur með gott hjartalag. Rottan þjáðist af hræðilegu keppnisskapi og til að verða sigurvegari, gerði hún sér lítið fyrir og steypti kettinum út í ána. Aldrei síðan hefur kötturinn getað fyrirgefið rottunni þetta og hatar vatn í ofanálag.
Rottan stökk fyrst allra í land um leið og
uxinn var kominn upp að landi og hreppti fyrsta sætið í keppninni.
Fast á eftir kom uxinn sterki og hann fékk
titilinn annað dýrið í dýrahringnum. Á eftir uxanum kom tígrisdýrið alveg að springa. Tígrisdýrið sagði að stríður straumur hefði næstum hrifsað sig með sér niður eftir ánni. En það tók þá á öllum sínum ógurlega krafti og komst í land. Tígrisdýrið var því kallað þriðja dýrið í hringnum.
Allt í einu heyrðist heilmikið skrjáf í grasi
og það var kanínan sem var komin. Hún sagði að hún hefði farið yfir ána með því að stökkva í flýti af einum steini yfir á þann næsta. Þegar hún var hálfnuð yfir ána hafði hún næstum því tapað kapphlaupinu en kanína var svo heppin að ná taki á trjágrein sem nokkru síðar skolaðist með hana á land. Að launum hlaut kanínan að verða fjórða stjörnumerkið í röðinni á hringnum. Í fimmta sætið kom svo drekinn fljúgandi og spúði eldi út í loftið. Keisarinn var hissa á því og spurði heldur betur forvitinn af hverju kraftmikil fljúgandi skepna eins og drekinn hefði ekki komið fyrstur í mark. Drekinn ógurlegi sagði frá því að hann hefði þurft að stoppa og gera regn til að hjálpa öllu fólkinu og skepnum jarðarinnar, og því hafði hann tafist ögn. Svo þegar hann var á leið að lokamarkinu sá hann litla hjálparlausa kanínu sem ríghélt sér í trjágrein í ánni og þurfti á góðverki að halda. Hann blés frá sér lofti á aumingja dýrið svo því skolaði á land. Keisarinn var mjög ánægður með þetta og drekanum var bætt í stjörnmerkjahringinn. Um leið og hann hafði lokið þessu verki sínu birtist hesturinn á stökki. Snákurinn lá í leyni á hófi hestsins og hesturinn fældist þegar snákurinn hrökk fram skyndilega. Hesturinn féll og lét snákinum eftir sjötta sætið á meðan hesturinn lenti í því sjöunda.
Litlu síðar og ekki þar langt frá, komu upp
á árbakkann hrúturinn, apinn og haninn. Þetta höfðu dýrin þrjú öll áorkað í sameiningu. Haninn fann fleka og tók hin dýrin tvö með sér á honum. Saman ruddu hrúturinn og apinn illgresinu burt úr veginum og ýttu og toguðu og komu á endanum flekanum hinum megin í land. Keisarinn gladdist yfir þessum samtakamætti og gerði hrútinn undir eins að áttunda dýrinu, apann að því níunda og hanann það tíunda.
Ellefta dýrið er hundurinn. Og hverjar
voru hans útskýringar á því hvað hann kom seint? Á ekki hundurinn að vera betri en allir hinir að synda? Hundurinn áleit sig hafa efni á góðu baði þar sem hann var á öllu þessu ferðalagi og tært vatnið í ánni var það mikil freisting að hann gat ekki annað en látið þetta eftir sér. Hann hafði næstum ekki komist í markið út af þessu uppátæki sínu. Keisarinn var um það bil búinn að segja þetta gott í dag þegar hann heyrði lítið svín hrína. Svínið varð svangt á hlaupunum, hætti þeim bara og fór að borða stóra máltíð, datt út af og sofnaði. Eftir þennan blund hélt svínið áfram í kapphlaupinu og kallaðist nú tólfta og seinasta merkið í dýrahringnum. Kötturinn kom of seint til að vinna sér inn stöðu í dagatalinu. Þrettánda merkið er ekki til. Það varð til þess að kötturinn hét sjálfum sér því að vera óvinur rottunnar um alla eilífð.
Sagan fundin á Wikipedíu og þýdd á íslenski af M24.