ILONGGO NEWS 22 APRIL 2015

BALITA NATIONAL

COMELEC-SMARTMATIC, ginpawalang bisa sang korte suprema

Tigayon nga ginpawalang bisa sang korte suprema ang kontrata sa tunga sang Commission on Elections
(COMELEC) kag smartmatic TIM para sa 300 milyon diagnostics kag repair sang kapin 80,000 ka
precinct count optical scan (PCOS) nga pagagamiton sa 2016 elections.
Suno kay Supreme Court spokesman Theodore Te, kadungan sang summer session sa Baguio City
gindampigan sang pinakamataas nga hukom ang hangyo nga petisyon sang Automated Elections System
kag Integrated Bar of the Philippines batok sa Comelec-Smartmatic deal.
Sa bahin sang Comelec, ginpasiguro ni Comelec spokesman James Jimenez nga pagasundon nila ang
desisyon sang korte suprema.
Pero sa oras nga makakuha sila sang kopya sang ruling sang korte paga estudyuhan sini ang Comelec kon
puwede pa mag file sang motion for reconsideration.
Ginpasiguro naman sang Comelec nga indi matabo ang no-election scenario.//

Pagreview sang BBL, 75 porsiyento natapos, 25 porsiyento ang

nabilin
Nagbaskog pa gid ang kumpiyansa ni House Committee on the Bangsamoro Chairman kag Cagayan de
Oro Representative Rufus Rodriguez nga malagas pa nila ang target date kag mapalusot sa Kamara ang
Bangsamoro Basic Law (BBL).
Ginhimo sang kongresista ang pahayag makaligad ang ginpahigayon nga hearing sang tinalikdan nga
adlaw kung sa diin 75% ang natapos sa pagrebyu sang BBL.

Posible nga matapos ang diskusyon sa BBL sa Abril 30 tuig dos mil kinse.
Sa Lunes ay paga-atubangon naman sang komite sa Kamara ang mga miyembro sang National
Peace Council nga ginapangunahan ni Manila Archbishop Luis Antonio Cardinal Tagle kag iban
pa nga mga miyembro sanday anay Chief Justice Hilario Davide Jr., businessman Jaime Augusto
Zobel de Ayala, anay Philippine Ambassador to the Holy See and Malta Howard Dee, kag Bai
Rohaniza Sumndad-Usman, ang founder sang Teach Peace, Build Peace Movement.
Una na dire nga sentro sang debate sa kamara ang mga patakaran sang police operation sa
pagatukuron nga Bangsamoro government.//