Jiyana bextewar

Guhdarên delal, îro em dixwazin hinekî li ser jiyana bextewar bêjin.

1. Jiyana bextewar çi ye û çawa çêdibe?

Zilamekî xort çû ba milyonêrekî bi nav û deng û ji her cûreyên pirsan pirs ji wî kiribûn. Çaxê
gihîştin dawiya galgala xwe, xort jê re weha got: «Di gumana min de, di vê dinyayê de tiştek
nemaye ku dilê te dixwaze.»
Yê milyonêr di cih de bersîva wî da, got: «Xortê delal, tu rast dibêjî, lê bi rastî, ez ji her tiştî
hinekî din jî dixwazim!»

Zilamekî din heye, wî li ser xwe weha got: «Ez hîn bûme ku ez qîma xwe bi halê xwe bînim.
Ez hem bi zehfheyînê û hem bi neyînê dizanim. Dixwazî bila ez têr bim, dixwazî bila ez birçî
bim, dixwazî bila ez di firehiyê de bim, dixwazî bila ez di hewcedariyê de bim, ez di her rewşê û
di her tiştî de sira vê yekê hîn bûme. Ez dikarim her tiştî bi destê wî Xwedayê ku hêzê dide min,
bikim.» (Filîpî 4:11-13)

Îcar jiyana kîjan ji van herduyan bextewartir e?

Rast e, ji bo jiyana me ya li ser vê dinyayê pere ji me re lazim in. Divê ku xwarin, cil û cihê
me yê rûniştinê hebe. Lê belê ev tiştên ha nikarin jiyaneke bextewar ji me re pêk bînin.

2. Mirov çawa bextewar dibe?

Yê ku mirov afirandin, Xwedê ye û bi rastî Xwedê mirov ne afirandin ku jiyana wan tije êş û
jan, tije zehmet û keder, tije tengahî û barên giran be. Xwedê her tiştê ku ji bo jiyana bextewar
lazim bû, dabû mirovên pêşî Adem û Hewayê. Lê wan guhê xwe neda gotinên wî û guneh kir, ji
Xwedê dûr ketin û ji baxçê Êdenê hatin avêtin. Ji hingê ve guneh û mirin, nexweşî û tengahî di
jiyana hemû mirovan de heye.
Lê belê Îsa Mesîh weha got: «Ez hatime, da ku jiyana wan hebe û jiyaneke bi firehî hebe... Ez
şivanê qenc im. Şivanê qenc ji bo miyan canê xwe dide. ... Ez şivanê qenc im. Ez ên xwe nas
dikim û yên min jî min nas dikin... Ez ji bo miyan canê xwe didim.» (Yûhenna 10:10.11.14.15)

1
 Îsa Mesîh li ser jiyaneke nû, yanî li ser jiyana herheyî digot û wî eşkere kir, ku divê ew di ber
mirovan de bimire, da ku ev jiyana bi firehî bikeve destê wan.

Xwedê Îsa Mesîh şand, da ku ew vê jiyana rast nîşanî me bide û pêşkêşî me bike. Bi vî awayî
Xwedê hezkirina xwe nîşanî me kir.
Lê belê çima ewqas mirov mana vê jiyana bextewar fêm nakin?
Sedem ev e: Her mirov ji Xwedê dûr ketiye. Êdî ew Xwedê bi awayekî rast nas nakin û
guhê xwe nadin peyvên wî. Hin mirov li hember Xwedê radibin û hinên din jî elaqa xwe ji tiştên
ku Xwedê dibêje naynin.

Loma Xwedê li ser mirovan weha dibêje: «Hemûyan guneh kir û ji rûmeta Xwedê bêpar
man.» (Romayî 3:23)
Rast e, gelek mirov dixebitin ku bi dîndariyê û bi jiyaneke qenc nêzîkî Xwedê bibin. Lê belê ji
ber ku ew nikarin guneh ji dilê xwe derxin, mirov jiyana bi firehî nabînin.
Di Zebûra 14’an de Dawid weha dibêje:
«Ji ezmanan Xudan li zarokên Adem dinêre,
Da ku bibîne, ka kesekî fêmdar û li Xwedê digere heye?
Hemû ji rê derketin, hmû bi hev re bêkêr bûn.
Tu kesê ku qenciyê dike tune, yek tenê jî tune.» (Zebûr 14:2-3)

Ji xwe jiyaneke tije sûc û guneh tu caran nikare jiyaneke bi firehî be. Loma jiyana nû ji me re
lazim e.

Rastiya diduyan a ku Kitêba Pîroz ji me re dibêje, ev e: Bi tenê riyeke xilasbûnê heye.

Hemû mirov gunehkar in û di vê yekê de tu kes nikare alîkariya yê din bike.
Di Zebûra 49’an de weha nivîsandî ye: «Mirov nikare berdêla jiyana birayê xwe bide, ew
nikare kefareta wî bide Xwedê.» (Zebûr 49:7)
Ji ber vê yekê, yekî ku ne wek hemû mirovên din be û bê guneh be ji me re lazim e.
Îsa Mesîh ji mirovan re li ser xwe got: «Hûn ji jêr in, ez ji jor im; hûn ji vê dinyayê ne, lê ez
ne ji vê dinyayê me.» (Yûhenna 8:24)
Û çaxê mirovan ji wî bawer nekir, wî weha jî got: «Kî ji we dikare nîşan bide ku guneh li ba
min heye? Madem ez rastiyê dibêjim, çima hûn ji min bawer nakin?» (Yûhenna 8:46)

2
 Di cihekî din de nivîsandî ye: «Guneh ne tê de, Îsa Mesîh bi her awayî wek me hatiye
ceribandin.» (Îbranî 4:15)
Yanî, Îsa Mesîh wek hemûyan hat ceribandin, lê wî tu caran guneh nekir. Ew bi tevahî paqij û
bêkêmahî ye.
Loma kifş e ku Îsa Mesîh li ser xaçê ne ji ber sûc an gunehê xwe mir. Îsa Mesîh ji bo gunehên
me mir. Wek berxekî bêleke, ew ji dêla me ve cezayê gunehên me kişand. Îşaya pêxember li ser
vê yekê weha got:
«Me hemûyan wek miyan rê şaş kir,
Her yek ji me ket ser riya xwe;
Lê Xudan sûcê me hemûyan danî ser wî.» (Îşaya 53:6)

Xwedê ev gorî qebûl kir, loma piştî mirinê bi sê rojan Mesîh ji nav miriyan rabû û îro dijî û ji
hemû mirovan hez dike.

3. Bi tenê hûn van tiştên rast bizanin, ne bes e û têrê nake.

Divê mirov Îsa Mesîh xilaskarê xwe qebûl bikin û bixwazin ku ew bikeve jiyana we.
Baweriya ku Xwedê ji mirovan dixwaze, ev e. Kitêba Pîroz li ser vê yekê weha dibêje: «Emrê wî
ev e ku em baweriya xwe bi navê Kurê wî Îsa Mesîh bînin.» (Yûhenna I, 3:23)

Niha hûn dikarin di jiyana xwe de gavek herî girîng bavêjin û biryara xwe bidin ku hûn
dixwazin afûbûna gunehan û jiyana nû ya bi firehî bistînin.

Hûn dikarin bi vî awayî dua bikin, yanî bi Xudan re bipeyivin:

«Ya Xudan Îsa Mesîh, ez heta niha bê te jiyam û ez dizanim ku min li hember te guneh kir.
Gunehên min afû bike û bibe serdarê jiyana min û li gor daxwaza xwe, min biguhere. Amîn.»
Çaxê tu weha dua bikî, ji Xwedê re gunehên xwe eşkere bikî û tobe bikî, Xwedê wê te rizgar
bike. Eger hûn bi vî awayî ji Xwedê bixwazin, ewê her gav bi we re be. Ewê jiyana we bi aştî û bi
bextewariyê tije bike.

3
4. Em niha bi kurtvebirîn careke din van gavên ber bi jiyana nû ve bînin bîra we:

Gava pêşî ev e: Lazim e mirov rastiyê qebûl bike.

Her mirov li ber Xwedê gunehkar e û bi sûc e; tu mirov tune ku di çavê Xwedê de paqij be. Ji
ber vê yekê em di bin xezeba Xwedê de ne.

Hemûyan guneh kir û ji rûmeta Xwedê bêpar man. (Romayî 3:23)

Gava diduyan ev e: Lazim e mirov çavên xwe veke.

û bibîne ku hezkirina herî mezin, hezkirina Xwedê ye. Wî kurê xwe yê ruhanî Îsa Mesîh da,
da ku ew ji dêla me cezayê mirinê bikişîne, da ku em bijîn.

Xwedê hezkirina xwe ya ji me bi vê kifş dike ku hê em gunehkar bûn, Mesîh ji bo me mir.

(Romayî 5:8)

Gava sisiyan jî ev e: Lazim e, mirov gunehên xwe eşkere bike

Bi duakirinê, gunehên xwe ji Îsa Mesîh re eşkere bike û bi baweriyê hêvî ji wî bike, ku li her
sûcê te bibihûre.

Eger em gunehên xwe eşkere bikin, ew dilsoz û rastîparêz e ku li gunehên me bibihûre û me ji

her neheqiyê paqij bike. (Nama Yûhenna I, 1:9)

Gava çaran ev e: Baweriya xwe bi Îsa Mesîh bîne.

Hemûyên ku ew qebûl kirin û bawerî bi navê wî anîn, wî desthilatî da wan ku bibin zarokên
Xwedê. (Yûhenna 1:12)

Gava pêncan jî ev e: Di jiyana nû de rêve here.

• Her roj şikir ji Îsa Mesîh re bike ku ew li gunehên te bihûrtiye û jiyana herheyî daye te.
• Bihêle ku Îsa Mesîh jiyana te ya rojane li gor peyva xwe nû bike.
• Kitêba Pîroz bixwîne, an guhê xwe bide wê.
• Her roj bi duakirinê bi wî re bipeyive. Îsa dixwaze bibe dostê te û bi te re şa bibe. Tu
dikarî her tiştî jê re bêjî. Ji peyva wî, yanî ji Kitêba Pîroz, ewledar û piştrast be.
• Bi mirovên din ên ku li pey Îsa Mesîh diçin re bicive. Li civîna bawermendên Mesîh
bigere. Ya girîng ev e ku di civînê de mirov guhê xwe bidin Mesîh û peyva wî qebûl bikin.

4
• Baweriya xwe ya bi Îsa Mesîh veneşêre.
• Cesareta xwe winda neke! Îsa Mesîh her gav bi te re ye. Baweriya xwe bi Îsa û bi peyv û
sozên wî bîne. Xwedê te pîroz û bimbarek bike!

www.erf.de/mizgini