Sa mga Magulang: Magandang araw! Nais ko pong ipaalala sa inyo ang pagpapasa ng dokumento ng inyong anak na Palagiang Talaan sa Mababang Paaralan (Form137). Ito ay lubos na mahalaga sa pagpapanatili ng rekord ng inyong anak lalo na dahil siya ay isang transferee. Naipadala ko na sa kanya ang request letter para sa naturang dokumento ngunit hanggang ngayon ay wala pa ring naipapasa. Dahil dito, nagpasya ako na magbigay pa ng palugit hanggang sa katapusan ngayong buwan. Kung hindi pa rin maibibigay, ako ay mapipilitang tanggalin na siya sa opisyal na listahan ng mga magaaral. Kung mayroon naman kayong personal na kadahilanan na nais ninyong iparating, marapat na magpunta sa eskwelahan para magkaroon ng maayos na pagkakaunawaan. Maraming salamat sa inyong pang-unawa.
Lubos na gumagalang, Harley Jay M. San Pedro Gr. V-5 adviser