- Explotación extensiva: explotación agraria baseada en baixos
rendementos sobre altas extensións de terreo, xeralmente con poucas unidades de man de obra. - Parcela: extensión de terra que está baixo a mesma linde, rodeada por edificios, terras ou auga. - Minifundio: pequeña propiedade ou explotación agrícola, que expresa un reparto moi fragmentado do terrazgo. - Latifundio: propiedade agraria de grandes dimensións que en España domina no centro e sur peninsular por diversas causas históricas, e que se acostuma a explotar de forma extensiva. - Regadío: denomínanse así aquelas terras que posúen a condición de poderse regar por auga que non procede directamente das precipitacións. - Monocultivo: sistema de cultivo onde é exclusivo ou moi predominante un só cultivo nunca explotación agraria ou en todas as explotacións dunha rexión, dada a súa rendibilidade ou esecial adaptación ás condicións ambientais. - Campos pechados: paisaxe agraria onde as explotacións ou as parcelas aparecen delimitados por peches de diversas características (lousas, pedras, setos…) asociado ao individualismo. Denomínase tamén bocage. - Agricultura a tempo parcial: actividade agrícola que supón un complemento económico dunha actividade principal no propio sector primario (pesca), no secundario ou no terciario, ou ben unha mera ocupación de ocio na periferia das cidades. - Cultivo forraxeiro: cultivo adicado á produción de plantas forraxeiras, destinado á alimentación gandeira. - Estabulación gandeira: sistema de explotación gandeira que consiste en manter a cabaña total ou parcialmente instalada nun establo, onde se procede á súa manutención e explotación. - Acuicultura: conxunto de actividades referidas á cría e coidado de plantas e animais acuáticos (peixes, moluscos, crustáceos, algas…) cunha finalidade productiva e recolección controlada. - Pesca de baixura: actividade pesqueira que se realiza entre o litoral e as 50 ou 60 millas dentro das augas xurisdiccionais, con embarcacións de pequena tonelaxe. - Pesca de altura: actividade pesqueira que se realiza a considerable distancia do litoral, fóra das augas xurisdiccionais do país en cuestión, con embarcacións frigoríficas de gran tonelaxe. - Marisqueo: actividade de recolección de moluscos bivalvos nos bancos naturais da proximidade da costa, aproveitando a sucesión das mareas. - Cota Láctea: límite imposto á produción leiteira dun país, en este caso España, pola Unión Europea, para adaptarse ás directrices xerais da PAC. - Política Agraria Común (PAC): normas directivas de cohesión e coordinación das políticas e actividades agropecuarias entre países membros da Unión Europea. - Augas xurisdiccionais: augas mariñas sobre as que un estado exerce a súa soberanía e das que a súa extensión é considerada parte integrante do seu territorio. - Fontes de enerxía: recursos naturais dos que procede a forza motriz para a realización dalgún traballo. As máis importantes e utilizadas actualmente son os hidrocarburos (petróleo e gas natural). - Materias primas: producto básico que se emprega nun proceso de transformación industrial. Factor de localización industrial que foi perdendo importancia co tempo. - Enerxía térmica: enerxía liberada en forma de calor mediante a combustión dalgún combustible fósil (petróleo, gas natural ou carbón), ou obtida directamente da natureza (xeotérmica). - Enerxía nuclear: enerxía que se obten ao aproveitar as reaccións nucleares (sobre todo fisión) de certos elementos químicos, sobre todo uranio, pero tamén plutonio, torio,… - Enerxías alternativas: aquelas que se obteñen de fontes naturais aparentemente inesgotables, xa sexa pola inmensa cantidade de enerxía que conteñen (solar, maremotriz…), e outras porque son capaces de regenerarse de forma natural (biomasa…). - Industrialización: proceso polo cal un teritorio evoluciona dunha economía baseada na agricultura a outra fundamentada no desenrolo industrial. - Reconversión industrial: proceso polo que o tecido industrial dun territorio se adapta a novas condicións técnicas, políticas e sociais. - Agroindustria: conxunto de talleres ou fábricas nas cales se desenrolan procesos de carácter artesanal ou industrial destinados á transformación de productos provintes de calquera actividade agrícola ou gandeira. - Industria básica: industria que realiza a primeira transformación de materias primas, en productos semielaborados que pola súa vez serán transformados noutras industrias. - Industria de bens de consumo: actividades adicadas á transformación de recursos non elaborados ou semielaborados, en productos aptos para consumo. - Parque tecnolóxico: instrumento creado para o desenvolvemento económico dunha determinada área, consistente nun conxunto de instalacións destinadas a dotar de infraestructura a iniciativas empresariais viables. - Polígono industrial: espazo planificado e acondicionado para uso industrial do solo, por iniciativa pública e privada, co fin de fomentar o desenvolvemento industrial de certas zonas deprimidas ou descongestionar certas áreas industriais. - I+D: Investigación e desenrolo. Actividades de longo recorrido orientadas ao futuro en tecnoloxía ou ciencia copiando a investigación científica, non vinculándose tanto á búsqueda de beneficios. - Economía somerxida: actividade económica ilegal non suxeita a control fiscal que se aproveita de situacións de altos índices de desemprego e busca non pagar impostos, cotas á seguridade social, e o pago de salarios baixos. - PIB (Producto Interior Bruto): concepto económico que reflexa o valor total da produción de bens e servizos dun estado nun periodo de tempo (xeralmente 1 ano). - Pequena e mediana empresa (PEME): tipo de empresa cun reducido número de traballadores (xeralmente entre 50 e 120 empregados), cunha facturación escasa, pero a pesar disto, é unha gran xeneradora de emprego. - Globalización: proceso fundamentalmente económico que consiste na crecente integración das distintas economías nacionais nun único mercado capitalista mundial. - Transnacional: empresa que opera en varios estados a través de filiales que poden ser xurídicamente independentes.