Si Bembol Roco at Si Kapitan Kontra: Ang Salot na Tagapagtanggol
Si Kapitan Kontra ay isang arketipo ng mga warlord ng panahong feudal; makapangyarihan, armado, at marahas. Nang bigyan siya ng awtoridad sa Sta. Filomena at Dolores, kung saan hindi niya kailangang sumagot sa nakakataas basta itaboy niya ang mga rebelde at kaaway ng pamahalaan, siya ang naging batas doon. Hindi siya takot na gumamit ng mga walang awang pamamaraan upang puksain ang mga rebelde sa kanyang teritoryo, kahit na ang kapalit nito ay pagsupil maging sa kanyang mga inosenteng sinasakupan. Hinalintulad niya nga ang masa sa karagatan kung saan lumalangoy ang mga rebeldeng isda, at hindi siya magaatubiling tuyuin ang karagatan para mahuli ang mga rebelde. Ang kanyang grupo, ang Ora Pronobis ay iisa lamang sa maraming vigilante groups na nagkalat sa buong Pilipinas matapos ang rehimeng Marcos. Ang mga grupong na ito ay nagmistulang suportado ng pamahalaan at Simbahan, dahil ito raw ang unang pananggalang laban sa komunismo at ateismo. Ito raw ay binubuo lamang ng mga ordinaryong mamayang hindi armado; ngunit ayon kay Jimmy Cordero (Philip Salvador), isang dating robolusyonaryo at witness sa mga krimen ng Ora Pronobis, ang grupo daw ay kinabibiangan ng mga krimenal at maton. Subalit hindi pinaniwalaan si Jimmy ng mga politiko at pulis, at tila lalo pang inangat ang status ni Kontra nang paranagalan siya ng isang plaque bilang isang outstanding citizen.
Ipinasa ni: Lorenzo Torres 2013-56008
Fil 40
Dito natin makikita kung gaano kabulag at kawalang-pakielam ng
pamahalaan sa mga hinaing ng kanyang mamayan. Inuna ng gobyerno ang kanyang imahe na kontra komunismo (para ma-impress ang mga Amerikano siyempre), at para hindi sila mag-mukhang inutil sa pagbibigay ng awtoridad sa mga vigilante groups. Kung tutuusin ay gobyerno ang may likha at kumalinga sa mga gaya ni Kontra. Nagtatago sa huwad na alituntuning mapuksa ang mga mapang-abusong mga rebelde, mga pulis report na nagmamaskara sa mga salvage killings bilang engkwentro at ang kakulangan ng media at popular na opinion laban sa mga atrosidad sa mga probinsya, ang mga gaya ni Kapitan Kontra ay kinikilala bilang isang tagapagtanggol sa mata ng nakararami. Pero para sa mga nakakaalam at may pakielam, siya ang salot na dapat puksain. Ang lahat ng prinsipyo kuno na kanyang pinaglalaban ay siya mismo ang kumukontra. Lumalaban siya sa mga mapangabusong rebelde, pero siya mismo ang umaabuso sa tao. Pinoprotektahan niya ang simbahan ngunit meron siyang sarili siyang kulto at pumatay pa siya ng pari. Ipinagsisigawan niya ang demekrasya, pero wala siyang sinusunod na batas at hindi niya pinakikinggan ang mga tao. Henyo ang pagpangalan ni Lino Brocka sa karakter ni Kapitan Kontra, dahil kontra nga siya sa mga prinsipyong kanyang pinaglalaban, at sa mga atas ng gobyerno na tingin nilay pinaglalaban niya. Binigyang hustisya ni Bembol Roco ang pagganap niya sa pelikula gamit ang kanyang de kalibreng pagarte at script delivery, pero sa totoong-buhay, wala pa ring hustisya ang nakakamit ng mga pamilya ng biktima ng mga gaya ni Kapitan Kontra.