Professional Documents
Culture Documents
Ssss. Sikreto Lang Natin
Ssss. Sikreto Lang Natin
Shit!
Napapikit na lamang ako sa sobrang takot. Pero mukhang mali ang pasyang iyon dahil ng pumikit ako ay
napansin kong mas naging sensitibo ang aking pandinig at pakiramdam.
NAKADIDININIG AKO NANG MGA YABAG. MALAYO SUBALIT PALAKAS NG PALAKAS.
LUMALAPIT ITO SA KINALALAGYAN KO!
Napayakap na lamang ako sa aking tuhod sa kawalang pag-asa at sa paggalaw kong iyong ko lamang
napagtanto na nakaupo na pala ako sa sahig.
NGUNIT BAKIT BASA? BAKIT PAKIRAMDAM KO NAKALUBOG AKO SA TUBIG?!
Shit!
Napamulat na lang ako. Madilim pa rin. Wala pa rin akong makita. Ngunit napakalapit na ng mga yabag sa akin!
Napatayo ako at inalala kung nasaan ba ng pintuan na pinasukan ko kanina.
Patakbo kong tinungo ang dereksyon na sa palagay koy magdadala sa akin sa pinto. Hindi nga ako nagkamali.
Narito nga itong pinto.
Pero hindi ko pa rin magawang buksan. Diyos ko! Maawa ka!
Bunga ng paulit-ulit at ubos lakas kong paghila sa door knob gamit ang aking malagkit na mga kamay, dumulas
ang paghila ko at napasandal ako sa pader sa gilid ng pinto.
Laking gulat ko ng sumindi ang ilaw.
Akala ko ikatutuwa ko iyon subalit ng masaksihan ko ang kabuuan ng kwarto ay pinagsisihan kong nabuksan ko
ang ilaw.
PATAY-SINDI ANG ILAW AT TAKOT NA TAKOT KONG SINASAKSIHAN ANG PAGLALAHO SA DILIM
AT MULING PAGLITAW NG MAY-ARI NG MGA YABAG.
SA BAWAT PAGBABALIK NG ILAW AY MAS LUMALAPIT SYA SA AKIN.
Shit!
AT NANG LUMITAW SYA SA TAPAT KO, NARAMDAMAN KO NA LANG ANG PAGHALIK KO SA
MATUBIG NA SAHIG NG SILID.
---S-sino ba kayo?! Tili ko sa sobrang takot nang mapabalikwas ako sa higaan.
Nasaan ako?
Bakit ako naririto sa kawarto ko?
Nilingon ko ang oras sa lumang orasan sa taas ng pintuan nitong kwarto ko. Ala-sais.
Nakadinig ako ng pagtilaok ng mga manok.
Umaga?
Panaginip lang ba ng lahat?
Ilang minuto ng pagninilay-nilay ay pumasok sa isip ko ang dahilan kung bakit ako narito sa Mansion nang mga
Barramendina.
Naku! Dapat na akong gumayak para magluto nang almusal.
Sa kusina.
Binuksan ko ang naglilimahid na refrigerator at kumuha ng karne mula sa freezer.
Nakapagtataka. Palagi na lamang karne ang ulam namin. Hindi pa ako nakakaulam ng isda o gulay magmula
pumasok ako rito bilang kasambahay. Naibublong ko sa hangin.
Hindi kasi ako kumakain ng gulay. Saad ng isang pamilyar na tinig.
Binalingan ko ang nagsalita. Nakatayo sya sa may pinto nitong malawak na kusina. Sinyorita Meg, ang aga
niyo naman ho nagising. Naku, hindi pa ho ako nakakapagluto.
Hindi pa ako gutom. Hindi pa. nakangiti nyang saad bago ako iwan roon na takang-taka.
Biglang gumuhit sa isip ko ang huling kataga na narinig ko bago ako tuluyang mawalan ng malay sa panaginip
ko.
Tumigil ka na Sinyora Meg!
Bakit mo naman sinampal ang iyong sarili?
Kung ano-ano kasi ang naiisip nitong baliw kong utak eh. Wala sa sarili kong sagot sa tanong ng isang hindi
pamilyar na boses.
Teka?
Nilingon ko ang nagtanong at nagitla ako ng matagpuan sa may bintana nitong kusina ang isang dalagita.
Siguroy labing anim na taong gulang, itim ang tuwid at hanggang balikat nitong buhok. Nakasuot ito ng
bistidang puti na abot hanggang sahig.
S-sino ka naman? T-taga rito ka ba? usisa ko.
Nakapagtataka. Sa pagkakaalam ko at ayon sa kwento ni Nana Mer, apat lamang kami rito sa bahay. Kung
gayun maaari kayang m-multo?
Hindi kita sasaktan, Jeli. Sa katunayan, ako ang nagligtas sa iyo kagabi. Subalit, hindi ko maipapangako na
matutulungan pa kita ulit. Sana tulungan mo kami. At magiingat ka. Seryoso niyang saad bago ako talikuran at
tumungo sa malaking bintana.
Kung g-ganon, hindi pala panaginip ang lahat?
Subalit hindi nya pa rin sinagot ang aking tanong. Nagulat na lamang ako ng umakyat sya sa bintana at tila ba
nagbabalak tumalon.
U-uy bata! naisigaw ko na lamang at patakbong tinungo ko ang bintana kung saan sya lumundag. Laking
gulat ko ng wala akong makitang anuman sa hardin sa baba nitong bintana.
Pero kitang-kita ko na tumalon sya!
Anak, hindi natin maililibing ang katawan ng Itay mo. Naabo na raw kasi ng pagsabog ng kotse, magkatulad
ang sinapit nila ng Senior Miguel.
Kung gayon bakit? Paanong? Nasa ref ang singsing ni Itay?
Nagmamadali kong inayos ang aking mga gamit. Hindi na ako dapat abutan ng umaga rito. Dapat na akong
makaalis.
Marahan akong lumabas ng kwarto.
Lumalangitngit ang bawat baiting ng kahoy na hagdan dahilan ng abot-abot na kabog ng aking dibdib.
Tanging liwanag lamang ng buwan ang ilaw ko sa aking maingat na paglalakad.
Hayun na ang main door.
Inilingon ko ang tingin sa sabitan ng susi. Naroon banda.
Nang palapit na ako roon ay --Wala rito ang susi?!
Anak ng! nasa banyo, sa kwarto ko. Naiwan ko!
Saan ang punta mo, Jeli? usisa ni Nana Mer.
Nilingon ko sya. Hindi ko mapigil ang panginginig ng mga tuhod ko.
Ito ang unang pagkakataon na tinawag nya ako sa pangalan ko.
Marahil ang mga umiiyak na babae ay mga biktima nila.
Kaya siguro madalas na akong Tawagin sa kung ano-anong pangalan.
S-sinigurado ko lamang ho kung naisara ko ang pinto.
Bakit marami kang dalang gamit?
A-ah, i-ibinaba ko na rin ho. Para ho bukas eh, dito ko na lamang ho kukunin.
Ganun ba?
eh, b-bakit ho kayo may dalang kutsilyo?
Ah, naghahanda kasi ako ng recado para sa lulutiin kong espesyal na menu mamayang medaling araw. May
kakatayin kasi si Marcus.
Napaatras ako at naluha nang biglang may magsalita sa aking likuran.
Sariwa. Permi na lang kasi stock sa ref ang kinakain namin. Oras na para makatikim naman kami ng sariwa.
Lumitaw si Marcus sa kadiliman.
K-kami ho?
Oo. Ani Marcus.
Nakakatakot ang kanyang hitsura.
Saan ang punta mo,Jeli? ani Marcus na may hawak na kutsilyong pangkatay.
Magpapaklusot na sana ako subalit naramdaman ko na lang--ANG KUTSILYO NA NAKATARAK SA AKING NOO.
--END--