Nagsisimula ang pagdiriwang ng buwan ng wika sa buwan ng Agosto alinsunod na
rin sa batas na pinirmahan ng dating Pangulong Fidel V. Ramos. Ang tema ng selebrasyon ngayong taon ay ang Wika ng Pagkakaisa na pinangungunahan ng Komisyon ng Wikang Filipino (KWF). Ang Buwan ng wika ay isang taunang pagdiriwang upang bigyang halaga ang ating pambansang wikang Filipino. Ipinagdiriwang ito sa bawat pampubliko o pribadong paaralan, kasama na rito ang Politeknikong Unibersidad ng Pilipinas (PUP). Makikiisa ang unibersidad sa pagdiriwang ng buwan ng wika sa pamamagitan ng pagkakaroon ng mga programa kagaya ng: patimpalak sa paggawa ng tula, pagbigkas ng tula at pagsulat ng maikling kwento o sanaysay gamit ang wikang Filipino. Maipapakita sa mga patimpalak na ito ang mga natatanging kagalingan sa paggamit ng wikang Filipino ng bawat estudyanteng lalahok sa nasabing mga aktibidad. Magtatanghal din ang ibat ibang organisasyon nang kanilang mga hinandang awitin at sayaw na lalong magpapaganda sa programang inihanda ng konseho ng mga mag-aaral . Makakatulong ang mga aktibidad na ito upang lalong mapayabong ng bawat mag-aaral ang kanilang kaalaman sa wikang Filipino at makakatulong din silang lalong mapaunlad ang ating wika. Lahat ng PUPians ay inaanyayahang pumunta at makilahok sa darating na Agosto 22 2014, Biyernes sa ganap na alas otso ng umaga hanggang alas dyis ng gabi. Ito ay gaganapin sa may Garden Plaza Mall (2nd floor). Hinihikayat namin kayong pumunta upang masaksihan ang magandang mangyayari sa araw na iyon. Mahalin natin ang ating sariling wika!