Website: http://zomirefugeecommittee.blogspot.

com/

ZRC A

Lom 4, Hawm (14)

WGING
Weekly News
Restoring Hope, Rebuilding Lives

IOM Contact Ki Ngahlo

Ning Do Lian (Pa Min = Khup Sian Mung)
Ning Do Lian pen November 3, 2015 (Tuesday) ni in
Cultural and Oreintation (CO) tintan a kah ding hi. Athei
kha ih om leh ZRC ahi zong IOM ah manlang thei pen
in zaksak ding ki sam hi.
August 17, 2010 maa in UNHCR Card/Laidal Ngahte
In UNHCR Zum Zasak Hamtang Ding
P2 (Group Resettlement Process) ih cih ciang in August
17, 2010 maa in UNHCR card ngahte ahi hi. Tulai tak in
UNHCR-RST zum pan lim kan mahmah uh hi. SMS
phone pan lai tawh zong hong ki khak kha ding hi. Phone
numbat a laih ten zong a manlang thei pen in na zaksak
ding uh ki sam hi. Group case sung ah Gam 3na apai thei
ding Chin state buppi sung pan case 2000 kiim omlai ci
uh hi. Tua ahihman in August 17, 2010 maa in UNHCR
card ngah na pin RST hong kisam nailo peuh mah in
ZRC zum a manlang thei pen in nong zasakna ding uh
leh. Min sayin nong piak na ding un kong theisak/Zasak
uh hi.
Fraud case (Min ki bang) aa a awk te ki hello ding hi.
Fraud case (min ki bang) aa a awk hi na pin vai teng
siang khin aa RSC a phyi ngei nailo limlim te zong ki hel
thei ding hi. Minsayin piak theih hun ding pen December
31, 2015 khit zawh ciang ki sang nawnlo ding hi. A tel
beh nuam ih om leh zong ZRC zum ah ki dawp ki dong
thei hi. Gam 3na tawh kisai in ZRC Awging Lom 4,
Hawm 12 ah zong a ki tel tak in ki gelh khin hi.
August 17, 2010 maa UN card na ngah lai in ah single
(zi/pasal) nei nailo aci peuh mah ten zi/pasal nei uh aa,
a zi/pasal ten August 17, 2015 maa in UN card a ngahsa
khat tawh aki teng zenzen vua leh tua te zong ki hel veve
ding aa, ahi zong in tua khit aa UN card ngahte ahi zong
a ngah nailo te a ten pih khak zenzen vua leh hih thu
(Programme) P2 ah ki hel kha thei nawnlo ding uh aa, P1
ah a tuak suk kik kul ding uh hi. Cih nopna in ah gam
3na leng thei nawnlo ding cihna hi tuanlo aa, ahi zong na
tangthu, na dawn dan tawh ki zui in hong ki manlang sak
ahi kei leh hong ki zakai sak thei kha ding uh hi.
August 17, 2010 maa UNHCR card na ngahlai in UN ah
zi/pasal leh ta nei khin aci akua mapeuhte ading in bang
hun bang hun in na lut pih hang in zong P2 case hi veve
ding aa, hih thu (Programme) ah ki hel veve kha ding hi.

08/11/2015

Ahi zong in RST ki sap lai in Zi/pasal hong tung nailo in

ngak ning aci akua mapeuh hih thu (Programme) ah ki
hello leuleu hi.
August 17, 2010 maa in UN card ngah mah hi veng, ahi
zong tettan ka to kik ciang ka card numbat hong laih sak
uh ci a, a om kha ih om leh zong ZRC zum ah min sayin
hongpia veve un!
UNHCR zum pan in hih anuai aa dan in Lai Hong
Kikhak Kha Ding Hi. Nang ii UN Numbat tawh aki tuak
zenzen leh UN ah amanlang thei pen in pai pah ding ki
sam hi.

!!!MEMSA Pan In Micina Kepdan Khoi Dan (Health

Care Providers Training) Om ding!!!
MEMSA Sang pen sang hoih mahmah khat hi aa,
Cidamna lam tawh kisai kep dan khoi dan sinna ahi hi.
Certificate (Laidal pi) zong hong kipia ding hi. Tua sang
pan a ong peuhpeuh in US (America), Canada, United
Kingdom ah khat peuhpeuh na tun ciang in zong cina kep
tawh kisai in nasep hoih ki ngah thei ding aa, khasum
zong hoih hi.
MEMSA Sang Akah Nuam Akua mapeuh ii theih ding:
1. MEMSA sang pen Level in ki khen aa... Level 1 in
Kha 6 sung sang kah kha ding hi. Level 1 zawh sial
in certificate ki pia ding hi.
2. Sang kah man Level 1 pen kha 6 sung hi aa, RM 500
hi ding hi. An leh Omna pia sa ahi hi.
3. Akah nuam peuh mah in December 30, 2015 a
nunung pen in ZRC zum ah min sayin pia in, Form
zong ki fill up thei pah hi.
4. Sang kahna ding mun pen MEMSA Training Center,
Bukit Beruntung ah hi ding hi.

5. A tel beh nuam ih om leh ZRC zum ah ki kaan/ki

dong thei hi .

In God We Trust

ZOMI Own-tune (IV) veina Om Kik Ding

Kong it ZOMI pih a kua ma ciat aw,
PASIAN in ih mi pihte sung ah La
phuak siam, lasa siam tam pi tak
hong pia hi. Tua te pen ih pah tawi
theihna ding leh Lasak na, la phuak
na lam ah ih khan toh sem sem nang
cih ngim na lian pi tawh A (4) vei na
ZOMI OWNTUNE ki demna ki pan
kik ta ding hi hang.
Hih ki dem na sung ah Zomi na hih naak leh ki hel thei
ding na hihman in nong ki hel kim ciat ding Zomi akua
mapeuh kong zawn uh hi.
La Ki Dem Dingte Theih Ding Thu
1. Zola hi hamtang ding a, zawlla lo siah kidem thei
ding hi.
2. December 6, 2015 (6) ni ciang a nunung pen la ki
pia thei ding hi.
3. December 10, 2015 ni in la kilem ding hi.
4. Karaoke (-1) tawh kua mah kidem saklo ding hi.
5. Band a nei ten na band tawh kidem thei ding hi.
6. La kidem man mihing 1 RM 70 hi dng hi.
7. Ki dem ni ding December 11, 2015 (Friday).
Kizopna ding: Pau Thawn: 018-253 7840
Nua Nuam : 017-317 0489
Maa Mang : 017-395 1504
ZRC Zum Ah Niik Leh Puan 2015 Latest Design
Tuamtuam Hong Tungta
ZRC zum ah Zoniik, leh adangdang Niik leh (Zaa puan),
kawlgam kawl lukhu hoih nono 2015 latest design hong
tungta hi. Alei masa ahampha hi ding hi. Niik leh puan
alei nuam peuh mah in aman lang thei pen in nong pai na
ding un thu hoih kong puak uh hi. Taman Sri Kuching ah
zong om hi. Niik leh puan tawh kisai ki zopna ding
Syamah Dimboih 010-287 9847
Zolia Te Ading Melhoih Kizepna
Aung Nan Daw te ii
thusiamna
tawh
Zolia te ading deih
sakna ngiat tawh
Kizepna sai ki hong
thakta hi. Sam tawh
kisai ki zepdan nam
khem peuh ut dandan, deih
dandan ki bawl theita hi. Mai
zong deih dandan in ki bawl sak theita hi. 3D latest set
van vive aki zang ahihman in muan huai mahmah in
lungkim huai mahmah hi. Tua bek thamlo in cinn zepdan
atuamtuam ki bawl sak thei aa, a sin nuam ih om leh zong
sin sak lai uh hi cih thu hoih kong hawm sawn uh hi.

ZRC zum honhun: Everyday (9:00 am 6:00pm)

Lungdam Kohna
Aung Nan Daw ansai pan in Pasian a zahtaakna uh leh
Zomite a it a vein a hang in ZRC zum ading in RM 100
hongpia khia ahihman in ki lungdam mahmah hi. Ih biak
Pasian in a tanu a tapa te thupha hong piaksak ta hen!
Zomite ading in nasem ahi ZRC ii nasepna te thapia
nuam ih om leh ZRC pan in lungdam tak in ki sang den
hi. Zomi ading in nasem khawm ni, maa pang khawm ni.
Dahpihna
Vaivet Khua ah teeng Pu Pau Ngaih Lang
ii tapa Pa Sut Muan Piang in November 5,
2015 (Thursday) ni in Malaysia pan hong
nusiatna tawh kizui in ZRC in zong a dah
a kap mimal akua maciat tawh aki bang in
ki dah ki kap hi.
Dahpihna:
Suangphei khua mi Nu Cing Khaw Huai (Kum 60) in
November 3. 2015 (Tuesday) ni in Malaysia pan in hong
nusiatna tawh ki zui in ZRC in zong a dah a kap mimal
akua maciat tawh aki bang in ki dah ki kap hi.

Nasep!! Nasep!! Nasep!!

1. DIAMEX Setzong Ah Numei 5 Kideih
Amun
: Port Klang
Omna
: Pia
Nasep hun : 8:00am-5:00pm-8:30pm
Nitha
: RM 34 ---------- RM 50
Off-day : Every Sunday
2. Korea Ansai ah Pasal 1 Kideih
Amun
: Petaling Jaya
Omna/An : Pia
Nasep hun : Nai 10 sung + OT
Khasum : RM 1000 + OT
3. Ansai Ah Pasal 3 Kideih
Amun
: KL Sungteng
Omna/An : Pia
Nasep hun : 2:00pm-12:00am
Off-day : Kal 2/ Ni 1
Khasum : RM 900
4. Innteng Nasep Numei 1 Kideih
Amun
: PJ
Omna/An : Pia
Khasum : RM 800
5. Vasa Mul Botna ah Numei 2 Kideih
Amun
: Rawang
Omna
: Pia
Nasep hun : 8am-7pm
Offday
: Sunday
Nitha
: RM 40
Kha 1an man: RM 100 Pia
Email:zrcmly@gmail.com ZRC Fax/Tel: 039-224 7283