Bise Presidente sa Pananalapi at Administrasyon Kolehiyo ng Tomas Del Rosario Sa kinauukulan; Kapayapaan! Kami,mga miyembro ng ARTE-ETRA ay humihingi ng pahintulot na kuhanin ang lahat ng aming kagamitan na nasa kalinga ni Ms. Sahlita Bautista na ating Property Custodian. Nais ng aming organisasyon na kuhanin ang aming kagamitan dahil sa mga sumusunod na rason. 1.Para sa aming mga dagliang pangangailangan.Kung nasa amin po ang mga kagamitan ay mabilis po kaming makakapagsimula sa aming mga pagsasanay.Mayroon lamang po kaming limitadong oras sa aming mga preparasyon.Sa katotohanan po,higit po kaming naglalaan ng mahabang oras sa paghahanap ng aming mga gagamitin sa aming pagtatanghal kaysa sa tunay na paghahanda sa aming mga palabas. 2.Ang aming pong mga gamit ay sadyang aming ipinundar upang makatipid sa mga gastusin gaya ng pagbili ng mga paper plates,plastic cups ,kubyertos at maraming iba pa.Isa po sa layunin ng aming organisasyon ay ang maging responsable ang lahat ng miyembro sa lahat ng bagay. Hindi lamang po sining ng pagtatanghal ang nais mapaunlad ng organisasyon kundi maging ang pagkakatuto sa mga pangunahing gawain na dapat alam ng sinumang indibidwal. 3. Kami po ay madalas na nanghihiram ng gamit sa iba. Kaugnay po nito ay nais rin naming humiling ng isang silid. Isang silid kung saan kami ay magpupulong, magsasanay, at maghahanda. Isang silid na lalagakan ng aming mga kagamitan. Isang silid na magiging aming tahanan. Pagpalain nawa kayo ng Panginoon. Maraming Salamat po!