Inspired by my Lit.1 class. Final presentation for our summer class 24th May 2007.

Presented at Moodcourt of USP University, 25th May, 2007.

“SA AKONG BIYAHE”

Sa dihang nagbarog ko sa veranda sa barko,

Ang matahum nga talan-awon naglingaw gyud kanako.
Bisag halayo na ug wa na’y matataw,
Ang ka-blue sa langit ug dagat daw nagtukaw.

Apan ang panghitabo nga akong gibiyaan,

Gusto gyud mosingit sa akong panumduman.
Ug daw mi-onong ang dogdog ug kilat,
Kay ang makusog nga ulan natagak sa dagat.

Ang kangitngit misapaw sa kahayag,

Akong hunu-huna gusto gyud mo palag!
Apan kalisang, mipukaw sa akong panan-aw,
Kay may usa ka may-ong nga daw way uwaw.

Gadali-dali ko’g pahawa sa akong pwesto.

Dayo’g suro-suroy samtang nagka-on ko’g puto.
Apan ang huyuhoy sa hangin ug kasikas sa balod,
Nag-aghat kanako pag balik ug sulod.

Samtang nag-andam ko aron mopahuway,

Ang usa ka may-ong nga daw way dagway.
Sa akong nahimutangan ming-duol ang panuway!
Nagtingsi nagngisi mora’g wa mi gaaway.

Ay, pastilan! Ang uyab kong gilikayan,

Aron unta sa halayo ako mahuwasan.
Misakay usab diay sa akong gisakyan,
Sa akong biyahe, sakit sa dughan, naulian.