Heto ako basang-basaaaa

Gabasa ko.
Gabasa ko,samtang ako galantaw nimu.
Sa lawas pa lang ug sa imung barog,
kabalo ko, gabasa ko.
Gabasa ko.
Gabasa ko, samtang gahinay-hinay ka
ug lakaw sa dalan paanhi sa ako
unya ikaw miingun
Day, trapuhi na imung sip-on,oh!.
Gabasa ko. Gabasa ka,
samtang nanglagsik atong
laway sa matag usa,
atong kitang duha perting pangatawa.
Gabasa ko. Gabasa ka.
Ngadtong ga ulan nga kita nagdula.
Unya kita nagtilap-tilap pagkagabie
sa ice cream nga asta ka yummy.
Ug karun gabasa ko, gabasa ko
gabasa ko, samtang gahilak diri sa akong kama
samtang gahuna-huna sa atong kaagi
atong kita pang duha.
Aha ka naman gipalid sa hangin
nga mao pud ang gadala sa imu
padulong sa akoa?
Siguro gibagyo na ka.
Gibagyo ug gibaha ka
ug napalayo sa akoa.
Napunta sa lain,
nalunod imung gugma.
Nganung sa ako wala
man ka mingkapit?
O ako ba gyud ning kanimo luag nakagunit?
Sakit sa panit!

Ang muhakop sa pisi nga ga balikos natong duha

Nganung ikaw nagpadala?

Nganung ikaw nagpaanod
sa baha nga taman ra sa tuhod?
Nabasa ko.
Nabasa ko sa baha, mao imung tubag.
Basin imung bot pasabot
Nangabit ko. Nangabit ko. Ayaw na ug palag.
Gabasa ko. Gabasa ko.
Karun akong luha nasad ang magbaha
Dili ka ba mangayo ug pasaylo
sa imung mga sala?
Dawat ko na man sa sugod atong miingun ka na
Undang na. Wala na. Pahawa sa akong kinabuhi kay humana nata.
Isa ka na lang sa akong maayong ala-ala.
Pero napasakitan ko nimu ug sobra-sobra
Ug tissue-tissue lang, di na madala.
Sa kada istorya nako nga Wala na.
Akong gusto ipaabot, Gihiguma pa tika.
Sakit dawaton nga diri nalang ta taman
Gimahal ba ko nimu maski gamay lang?
Mas maayo mubuhi ana akong amiga
Hilabi na ug wala na ka giampingan niya.
Ug basin sa imung pagbuhi mahulog ka sa tamang pwesto
ug ikaw masalo sa sakto nga tawo.
Gabasa ko. Gabasa ko
samtang ang mga singot galumbaanay ug dagan.
Pero in-ana na ba ko kabug-at para imung buhian?
Nagpasexy ko para mura nag si Dyesebel,
pero nalanay man ngali ka kuyog
sa fats sa akong bilbil.
Gabasa ko. Gabasa ko
samtang ang mga singot galumbaanay ug dagan
Pero ang kapaspas nimu tong ikaw nakigbulag
dili gyud maapsan.
Unta pwede ipiyong ang kasingkasing
Para sa mga butang nga di nimu gusto mabatian.
Unta pwede ka liguon ug kalayo,

para masunog nang imung kalag

ngadto sa emperno!
Emperno! Emperno!
Akong panan-aw nimu mura na ug demonyo
Dili ka madawat maski sa purgatory
Kung naa lang jud mas init pa sa emperno!
Pero karun di nako magbasa-basa, kapoy na
Basin ako mahilantan, samtang ikaw nagkatawa
Nagpalami, nagpakalipay, way pagmahay nga ning biya
Nganung magpakahubog man ko sa tuba,
nga madugay mahimo ra man kang suka?
Gabasa ko. Gabaso ko.
Pero dili na tungod nimo.