Kwirinda amatsiko mabi

15/02/2016

Amatsiko na yo ni umutego.Iyamamazwa ryubutumwa bwiza rigenda ribangikanye

numurimo wimyuka iyobya. Ku bwamatsiko, ubanza gukinisha iyo myuka, vuba cyane
ukareshywa ukimara kurabukwa imikorere yimbaraga irenze iya kimuntu, ukaba
utagishoboye kwigobotora iyo mbaraga idakebakeba yubushake bwinzaduka.
Ibihome birinda umutima bikariduka. Ukazimiza imbaraga irwanya icyaha. Uhereye
ubwo, nta wamenya urugero rwo kononekara azageraho mu gihe yigijeyo uburinzi
bwIjambo ryImana akanga Umwuka wayo. (Pour un bon quilibre mental et spirituel,
vol. 2, p. 729; Jsus Christ, p; 242 (1898).
Aha hanze, mu bitabo, mu binyamakuru, televiziyo, mu myidagaduro no mu birori, mu
mikino, mu minsi mikuru, mu maguriro yimideri, aho hose umwanzi yarahategeye
ashaka indangare zabanyamatsiko. Aho ni ho hari imbaga yabareba imyambarire
idakwiriye, imyifatire itaboneye byabica urubozo, yabasambana kimwe nabambaye
ubusa, nabanywa ibiyobyabwenge nabashizi bisoni, nurubyiruko ruhangara
ababaruta.
Sodoma, natwe yatugezemo, ni yo yitwa imperuka. Ni byo abacyifashe bita ibyubu;
abatazi ibyanditswe bakabyita ibigezweho. Imanza zitabera zisubizwa inyuma no
gukiranuka kugahagarara kure, kuko ukuri kwaguye mu nzira, kandi gutungana
ntikubasha kwinjira. Ni ukuri koko, ukuri kurabuze, uretse ibibi aba umunyage.
(Yesaya 59:14-15).
Erega amaboko yahindanijwe namaraso, intoki zanyu zandujwe no gukiranirwa,
akanwa kanyu kavuga ibinyoma, nururima rwanyu ruvuga ibibi byibihwehwe! Nta
wuregera gukiranuka, kandi nta wuburana ibyukuri, ahubwo biringira ibitagira
umumaro, bakavuga ibinyoma, basama inda zigomwa bakabyara gukiranirwa
Ndetse barabaza bati Mbese igituma twiyiriza ubusa ntubyiteho ni iki? Ni iki gituma
twibabaza ukabyirengagiza? (Yesaya 59:3-4; 58:3)
Nimwumve Ijambo ryUwiteka mwa batware bi Sodomu mwe, mutege amatwi
mwumve amategeko yImana yacu, mwa bantu bi Gomora. Ibitambo byanyu bitagira
ingano muntambira bimaze iki? Ni ko Uwiteka abaza ibyaha bivanze no guterana
kwera bikurweho. (Yesaya 1:10-15)
Agasuzuguro kabantu kazacishwa bugufi nubwibone bwabantu buzashyirwa hasi,
uwo munsi Uwiteka ni we uzogezwa wenyine. Kuko hazaba umunsi wUwiteka
Nyiringabo wo gutungura ibyibona nibigamika byose nikintu cyose cyishyira hejuru,
bikazacishwa bugufi. (Yesaya 2:11-12)
Sodomu yiki gihe iteye ite? Ni abizera badakeneye kwezwa no kubana nabandi
amahoro. Ni abakuze batarangwaho ubupfura, ni abaturanyi babi batagira ubumuntu, ni
ubukwe bukorwa ba nyirabwo nta bwenge bwo kubaka bafite, ni abakozi batagira
amakenga ku bitari ibyabo, ni abayobozi batareba kure, ni abantu batitaye ku buzima
bwabo nubwababo. Abagabo bari guta abagore nabana babo, bamwe bakaba ibirara,
abandi bagatwarwa nindaya nabakozi babo cyangwa ababandi. Sodomu ya none, ni
abagabo nabagore basambana nibibumbano bifite ishusho yabantu. Ubu hari
namakwe yabantu ninyamaswa.
Nkuko ibyaha bya Sodomu byageze mu ijuru, nibya Babuloni ya none byo kubeshyera
Imana uko itavuze, no kuvuguruza ku mugaragaro ibyo yategetse, na byo byamaze
kugera mu ijuru. Bifite abahanuzi, abigisha nabaririmbyi bibinyoma, nababitera

inkunga. Imbaraga zubupagani, izidini nizubutegetsi ziri guhuruza isi yose ngo yihane,
iherere mu ruhande rwo kurwanya Imana. Ibyaha bya Babuloni byageze mu ijuru.
Irari rikomotse ku bunebwe, riratuma abagore basiga abagabo babo mu nzu, bakarara
mu mahoteli, umurimbo urenze urugero wabakobwa utuma bica ubusugi bwabo
bagasambana nuwabahaye uwo munsi. Abanyeshuri basimbuka ibigo, aho gucyura
amanota, bagacyura indwara, inda nimpinja.
Ni cyo gituma gushakira isugi nimanzi muri Sodomu ya none, ni nko gushaka imbuto
zumutini isarura rishize. Ubu ababyeyi benshi baramanjiriwe, abandi ni ba bakosha
badahannye, abandi bo bati Reka nzirye, ariko zizangaruka . Abandi bo bamaze
guheba, nta cyizere bafitiye urubyaro rwabo.
Hirya yibyo, hari nababyeyi bashimishwa numusaruro wazanywe nindaya nabajura.
Ngiyo ishusho ya Sodomu.