Prado, Michelle Micah C.

The Essence of Christianity, Ludwig Feuerbach

Para ki Feuerbach, ang relihiyon ang nagsusuway sa tawo sa saiyang sadiri. Sinasabi na
igwa ang tawo ning likas na katalingkasan asin kaisipan pero nin huli ta sa paglaog kang
relihiyon, nagkaigwa na kita nin manlaen laen na perspektibo siring sa mga bagay bagay. Imbes
na sadiring isip ta ang magmanipular sato, kita ang namamanipular kang relihiyon.
Sinasabi kan tawo na ang buhay ay pano ning kasakitan asin kabikuan. An kasalan ay
saro sa manifestasyon kang dae pagakakapantay pantay kang tawo sa satuyang kinaban. Nagigi
kitang miserable asin mamundo sa satuyang pagkabuhay ta nakabase ang satuyang pamumuhay
sa man laen laen na lebel kang paagi nin pamumuhay kang mga tawo. Pero imbis na hanapon
asin itama ta an bagay na nagkakawsa kan pag kamundo sato, pigbabasol ta sa sadiri ta ang
gabos. An kasalan man lang an nagsasabi na kita maraot, malain asin dae tanos na nilalang. Sa
hudok na kaanggapan kang tawo sa kaugmahan asin kamarayan kang buhay, lugod naggibo ang
tawo ning perpektong nilalang huli sa produkto kang kaisipan niya na masisimbag ang gabos
nindang panganagaepo, Diyos na mahiro para mahali ang kasakitan niya asin maparahay an
buhay niya.
Kaya para ki Feuerbach, ang Diyos mayong iba kundi ang mga sadiri ta man sana. Ang
kaisipan kang Diyos ay sarong anthropomorphic projection sana kang isip kan tawo, asin sa
likod kayan kabaing ang kaisipan kang tao sa saiyang naturalesa. An gabos na kalidad kan
divinong kinaban, ay iyo man lang ang gabos na naturalesa kang tawo pero ang kaibahan, sa
tawo, limitado. Ang nakakatakot, sa nahihiling ni Feuerbach, na satuyang pigninigaran ang

satuyang naturalesa na garo kita sarong dayuhan na dae nag aaram kung ano kitang mga tao sa
pagtubod na ang satuyang pagkatao hali sa moral na order na iyo an naturalesang divino.
Prado, Michelle Micah C.
PHISOO3 - Philosophy of Religion
Repleksiyon: The Essence of Christianity, Ludwig Feuerbach
Yaon ba talaga ang Diyos? O an sentido kan saiyang pageksistir ay mayong iba kundi
garo nakatagong pag asa na nganig ang pigmauwot kang tawo marealisar? Totoo ba ang Diyos
o saro sana siyang ilusyon, na garo pangiturugan pag banggi?
An kaisipan ni Feuerbach siring sa relihiyon ay bakong bagay na tinindog kang Diyos,
kundi gibo nin tawo. Ineksplikar ni Ludwig Feuerbach na katupadan sana nin mga pagnanais an
kaisipan kang proseso na kung sain ang relihiyon naimbento. Ang Diyos, base ki Feuerbach, ay
prodyeksiyon nin huli sa matinding mga hangaron kan katauhan.
Para saiya, ang kagayunan na mahihiling sa Kristiyanismo ay nin huli sa promesa kang
kawarang-kagadanan. Ang tawo kadakol kinakatakutan, pero sa gabos, kinakatakutan ta ang
kagadanan. Ang Kristiyanismo, na nagpopromesa nin buhay na daeng katapusan, nagaalok para
mahale ang katakutan na nasa satuyang mga tawo. Na kung kita sana malugod na mapayag na
maglaog sa relihiyon, kita makakahawas sa satong mga katakutan asin mamumuhay nin
nagaapaw na kaugmahan na daeng kamalayan sa satong pagkasawi o pagkagadan. Ini ang huli ta
sa pagiging kaakit akit kan relihiyon, ang kusog kang pagsunggab kani sa isip kan mga tawo.
Nganing ang prosesong ini mangyare dae kita madesisyon na maglaog sa relihiyon para sana
makahawas kita kan satong mga kinakatakutan. Arog kaya kita kayang mga tawo na minsan mas
pinapanginutan kita kang mga namamati ta kaysa ning isip ta. Kaya ngani dakula man ang

nagigibo satong mga tawo kang piloposiya ta natatabangan kita mag isip ning hararom,
magrason ning makatwiran nganig may padudumanan ang kada desisyon na satuyang mga
ginigibo.
Magayon isipon na kung ang Diyos mayong iba kundi ang mga sadiri ta sana, magigibo
ta na an gabos na muya tang gibuhon. Pero igwa man ining maraot na tao na baad mapariwara an
buhay ta huli ta mayong mas halangkaw na nilalang na mamando kung ano an dapat tang
gibuhon asin ma-giya sa sato. Dakulang responsibilidad man ang yaon sa saimo ni huli ta
kaipuhan mong mag konsidera muna kang mga makakawsa kani sa ibang tawo asin sa
pangkagabusan na kinaban. Bago ka mahiro, kaipuhanan na aramun mo gabos an pwedeng
manyari.