NATAL MAMBOAN HASADAON NI ROHA

Drama on patuduhon tu hita boha pesta Natal mamboan hasadaon ni roha tu angka
parkarejo. Marhite persiapan pesta Natal boi halak i mambahen sada parpunguan.
Para pelakon:
1. Rudi (parkarejo) 2. Benna (parkarejo) 3. Shito (parkarejo) 4. Kristina (parkarejo) 5.
Rida (parkarejo) 6. Posan (parkarejo) 7. Pak Uli (mandor) 8. Nai Ida (parkode) 9.
Guntur (orang luar) 10. Candra (mahasiswa)
BABAK I
(Tingki layar dibungka, tarida pigapiga halak na karejo)
Rudi

: (Huhut karejo) Saonari nunga bulan ualu. Satongkin nai bulan dua bolas nama.
Boha ninna roha muna molo tabahen sada kegiatan molo mulak hita tu huta?

Rida

: (Sambil papunguhon sesuatu huhut dipajonok tu si Rudi) Aha nimmu? Sada

kegiatan? Kegiatan aha maksudmu?

Rudi

: Sada drama misalna. Ndang denggan ninna roham?

Kristina

: (Huhut dipajonok tu si Rudi) Sada drama? Boi di dok roham marpungu

jala marsada ni roha hita?

Rida

: Ido tahe! Bereng ma. Molo adong sada na masa di hita, ise ma adong sian hita na
manganturehonsa?

Rudi

: Anggo i ndang hata i (huhut jongjong ibana). Adong do tong dongan na

mangurupi, alai sipata ndang dibereng angka dongan. Ninna rohangku, molo
mangurupi hita ndang pola dibereng angka dongan.

Kristina

: (Huhut jongjong) Adong na mangurupi? Unang holan hata. Boi do

memang taurupi di bagasan tangiang, alai ninna rohangku ndang marguna tangiang
i molo ndang taulahon aha na tatangiangkon.
Pak Uli: (Huhut muruk dohot suara na gogo) Bah...bah...bah...karejo do hamu manang
marnonang? Tole...sude karejo! (Sude halak i mamulai karejo be jala marsibuat
karejona be)
Rida

: Kris...! Boha do ninna roham usul ni si Rudi nangkin?

Kristina

: Ndang setuju ahu. Mamboan drama tu huta tingki natal on? Ndang adong

tingkingku tu si. Ho Rida...?

Rida

: Ahu pe songon i do. Molo na ingkon mardrama do, halak i ma di si. Ndang pola
dohotdohot iba di si.

Kristina

: Bah...nunga jam tonga sabolas (huhut mamereng jomna). Maradi ma hita.

Beta minum tu lapo an. (Sambil mangkatahatai laho ma nasida tu lapo. Andorang
so sahat dope halak i tu lapo i, di lapo i nunga adong pigapiga halak dongan
nasida disi).
Rudi

: Boha ninna roham. Ndang ninna roham tamba marsada ni roha hita molo tabaen
drama i?

Posan : Ndang huboto mandok manang dia. Godang do nian hita di son, alai hira na so
sahuta do hita.
Rudi

: (Huhut heran) Boasa songon i di dok ho?

Posan : (Huhut padengganhon parhundulna) Bereng ma Rudi... (sip ibana satongkin).

Molo taetong do godangta pangaranto di luat on, ninna rohangku adong do hita
lobi hurang 75 halak. Alai sipata hira so marsitandaan do hita... (sip muse ibana jala
unduk). Songon ho ma Rudi, diboto ho do marsahit si Shito dua minggu na salpu?
Rudi

: Marsahit? (huhut heran jala dipajonok parhundulna tu si Posan). Sahit aha?

Posan : Ima da Rudi. Hita ma angka ito ni halak i di pangarantoan on, hape marsahit
itonta i laos so taboto do. Boha ma mambahen drama hita songon on?
Rudi

: (Huhut ngongong) Bah...tutu hami on...

(Ro si Rida dohot si Kristina)

Rida

: (Huhut mambuat inganan) Bahen hamu jolo tu hami namboru goreng i. (Nai Ida
mambahen tu halak i goreng)

Posan : Ai nunga tahe mulak si Shito sian rumah sakit, Rida?

Rida

: Nantuari (huhut unduk, dijama sisilonna). Tamba marniang do ibana, jala sadari
on ndang karejo dope ibana.

Rudi

: Ai sahit aha do huroha si Shito i, Rida?

Rida

: Tipus ninna mantari... (hohom ibana satongkin). I do alana asa pola opat ari ibana
i rumah sakit.

Nai Ida: Molo songon i godang do ra utangna tu rumah sakit, ate!

Kristina

: Ima da namboru, porsuk do hami pangaranto on. Molo pola do opat ari i

rumah sakit sian dia be ninna roha muna hepeng lao manggarar pasiubatna.

Nai Ida: Ai adong do hubege tabungan muna. Boi do ra disali ibana tabungan muna i laho
manggarar utangna i, i rumah sakit.
Posan : Songon i ma tutu ate...(huhut mamereng jomna). Beta hamu ma muse na karejo
on, muruk annon mandurta. (laho halak i karejo huhut ditutup layar).
BABAK II
(Dung sidung mangan sibodarina)
Kristina

: Tingki karejo hami nangkin didongkon si Rudi do asa mambahen sada

drama hita tingki natal on. Boha ninna roham Shito?

Shito : Drama??? Drama Natal??? Boha do bahenon mambahen drama natal. Boi do
ninna roham hita marpungu laho latihan? Jala muse ise na boi manguluhon hita?
Rida

: I do tahe...! Unang ma jolo ise na manguluhon, ninna rohangku molo mambahen

sada drama porlu do hasadaon ni roha. Boi do songon hita on marsada ni roha???
Bereng ma, tingki marsahit ho Shito... piga halak ma na ro tu rumah sakit laho
mamereng ho? Hape pola do

opat ari ho di rumah sakit. Unang ma jolo

mangurupi, mamereng pe ndang piga, boha ma ninna roham laho mambahen drama
songon i?
Benna : Ahu pe ndang huboto mandok manang dia. Las do nian rohangku molo adong
sada parpunguan di hita. Unang ma jolo tutu mambahen sada drama, mambahen
sada parpunguon pe tung mansai denggan do i.
Rida

: Ndang tu aha parpunguan i. Molo porlu parpunguan, tabahen ma parpunguanta

na sa jabu. Tingki marsahit si Shito holan hita na sajabu do laho tu rumah sakit
maningkir dohot martangiang rap dohot si Shito. Horas ma nian, ndang pola i.

Benna : Unang songon i antong Rida. Molo hita na sa jabu do ndang parpunguan didok
goarna i, di jabu on pe nunga marpungu hita. Jala muse, molo adong parpunguan,
boi hita rap dohot dongan manghatahatai molo adong kejadian tu hita dohot
marrencanahon ulaon laho tu hadengganon.
Kristina

: Ninna rohangku porlu do tutu tabahen sada parpunguan. Molo adong

parpunguanta, jala diboto angka natuatuanta i, ninna rohangku las do roha nasida.
Muse molo nunga adong parpunguan di hita, manang songon dia barita ni dongan
godang otik boi taboto.
Rida

: Nunga adong hian parpunguan muna dison, kan?

Benna : Tingki i memang nunga adong. Alai ndang binoto manang ala ni aha gabe mate so
mate mangolu so mangolu do parpunguan i.
Rida

: (Dohot bohi na minar) Ima. I do asa hudokhon ndang porlu bahenon be

parpunguon. Tu aha i molo mate so mate mangolu so mangolu do. (Ro si Rudi
dohot si Guntur sian pintu)

Rudi

: (Jongjong dope di pintu) Bah...songon na jebu do pangkataion muna. Nunga

sahat tudia deba dihatai hamu? Nunga sahat tu luar negeri?

Kristina
Rudi

: Hmm...hmm... Pahundul hamu ito.

: Olo ito bah...(huhut dibuat hundulanna). Didia si Shito? Ai nunga mulak ibana
sian rumah sakit?

Rida

: Shito...Shito...(manjou si Shito)

Shito : (Sian kamar) Aha... Aha i...?

Rida

: Bereng on. Adong mangalului ho.

Shito : Ise i?! (huhut mullop sian kamar).

Rudi

: Horas ma ito (huhut manjalang) mauliate ma tu Tuhan i nunga malum hamu.

Shito : (Manjalang si Guntur muse huhut dibuat ingananna)

Benna : Ate ito Rudi, didok hamu ninna asa mambahen drama natal hita libur natal on tu
huta.
Rudi

: Ai ido dihatai hamu andorang so ro dope hami nangkin?

Rida

: Adong do saotik taringot tu si!

Rudi

: Jadi apala aha do huroa?

Benna : Andorang so ro hamu nangkin, huhatai hami do taringot tu drama na nidok muna
i. Jadi ninna roha nami, boha ma mambahen sada drama molo ndang boi hita
marsada ni roha.
Rudi

: Jadi ninna roham boha ma baenonta!

Benna : Hmm...hmm...(huhut batuk saotik). Ninna rohangku songon on do ito. Andorang

so mambahen drama hita, porlu jolo marsada ni roha hita. Tabahen sada
parpunguan.
Guntur : Ninna rohangku pe tingkos pandohan ni si Benna i. Alana molo nunga adong
parpunguan i jala nunga marpungu hita godang, baru pe asa tahatai mambahen
sada drama.
Rida

: Na uju i adong do parpunguan, alai saonari so binoto be musmusna.

Rudi

: Ninna rohangku songon on ma i. Tapaboa ma jolo rencana on tu angka donganta

be, manang boha do tanggapan nasida taringot tu usul on.

Kristina

: Ninna rohangku setuju do sude angka dongan. Alana jotjot do binege sian

angka dongan lomo do roha nasida molo adong sada parpunguan. Na borat
dipikkiri nuaeng ima, ise ma na gabe manguluhon parpunguan i?
Guntur : I do tutu. Ingkon adong nian sahalak na manguluhon hita.
Rudi

: Ninna rohangku songon i ma jolo ate (huhut jongjong). Nunga borngin mulak ma
jolo hami. Rap mamingkiri ma hita, boha asa denggan parpunguanta on. Mulak ma
hami ate ito... (huhut laho halak i).

Kristina

: Mauliate godang di hamu ito (huhut mardalan tu pintu).

Tutup layar
BABAK III

(Tingki dibungka layar tarida ma si Benna dohot si Shito laho tu parkarejoanna)

Benna : Denggan ma nian molo adong parpunguonta, boi hita pajumpang dohot angka
dongan sahutanta.
Shito : Ima da..Porlu do tutu i. Alai ise na manguluhon hita?
Benna : (Huhut marpikkir) Adong do sahalak hutanda sian hutanta di kota on. Molo
tapaboa tu ibana, ninna rohangku olo do ibana. Boha ninna roham Shito...
Shito : Ninna rohangku hatop ma paboa tu Ibana.
Shito : (Dung sahat tu inganan parkarejoan) Selamat karejo Ben...
Benna : Selamat Shito...(huhut mandada)
Tutup layar
(Saleleng karejo, sai marpingkiri do si Benna boha do tutu asa adong na manguluhon
parpunguon i)
Buka layar
BABAK IV
(Tingki dibukka layar tarida ma si Posan, Benna, Kristina dohot si Rudi hundul di kantin)
Posan : Songon na sipsip ho sadari on Benna. Ai aha na masa??
Benna : Na sai hupingkiri do boha ma asa adong nian parpunguonta.
Posan : Ahu pe las do nian rohangku. Alai ise ma na manguluhon hita?
Kristina

: Ahu pe songon i do. Ise sian hita na boi manguluhon??

Benna : Ima da. Ahu pe tong do sungkunsungkun rohangku (huhut hehe laho karejo).
Alai adong do hutanda sahalak parhutanta na kuliah di son. Molo tapaboa tu ibana
olo do ra ibana manguluhon hita.
Kristina

: (huhut mardalan sian kantin i) Nunga denggan tutu i. Dokkon ma tu

ibana.
Rudi

: Denggan do tutu i.
Tutup layar
BABAK V

(Tingki layar dubukka tarida si Candra manjaha bukku, hundul di kursi)

Benna : (Mengetuk pintu) Candra.... Candra...
Candra : Ise i (huhut laho mambungka pintu)? Bah... hamu do hape ito? Masuk hamu.
(Dung sahat tu meja) pahundul hamu ito. (Dung hundul) Adong na porlu?
Benna : Ndang pola nian ito. Di dia angka dongan muna?
Candra : Ndang pola huboto. Adong ra na kuliah, adong deba balanja. Nunga mangan
hamu?
Benna : Nunga. Di inganan karejo nangkin. Dung sae karejo nangkin, langsung do ahu tu
son. Ndang kuliah hamu sore on?
Candra : Ndang. Aha hian na porlu, atik dia boi niurupi.
Benna : Songon on ito. Molo tabereng do godangta di pangarantoan di luat on, ninna
rohangku boi do tabahen sada parpunguan. Nunga huhatai hami memang, alai
borat hupingkiri hami ima taringot na manguluhon.
Candra : Maksud muna?
Benna : Naeng mangido do hami tu hamu, asa hamu na manguluhon parpunguan i.
Candra : Boasa ingkon ahu (huhut laho tu dapur mangalap tes)? (Dung ro sian dapur)
Sebagai anggota olo ahu dohot, alai anggo na manguluhon do ninna rohangku
antara hamu na di si i ma antong.
Benna : Songon on do ito.
Candra : Inum hamu tes muna i.
Benna : Mauliate ma ito. Maksud nami songon on ito. Godang do memang hami di san.
Alai ninna roha nami undenggan do molo hamu na manguluhon parpunguan i.
Alana molo hami do, nunga marsiberengan tiap ari, alai molo hamu tamba tabo do

parpunguan i. Huhut pengalaman muna nunga asing sian hami. Molo hata nami pe
nunga sai jotjot dibege angka dongan.
Candra : Antong songon on ma i. Ro pe ahu ari Sabtu on jam tolu sibotari. Alai ndang na
manguluhon alai holan mandongani do ahu.
Benna : Molo songon i laho ma jolo ahu ito. Mauliate ma di hamu. Hupaboa pe tu angka
dongan asa marpungu ari Sabtu on jam tolu sibotari (huhut jongjong laos mardalan
tu pintu).
Candra : Mauliate ma di hamu (huhut mardalan mandongani si Benna tu pintu).
BABAK VI
(Dung dibukka layar tarida ma pigapiga halak hundul)
Benna : Dung sae karejo nangkin, laho do ahu tu jabu ni si Candra. Hupaboa tu ibana
rencananta i.
Shito : Boha ninna ibana?
Benna : Olo ninna ibana. Ibana pe hape nunga leleng disangkap rohana asa mambahen
sada parpunguon hita. (Rudi, Posan dohot si Guntur ro sian pintu)
Rudi

: Horas ma di hita. Songon na sipsip hamu sude, adong na masa?

Kristina

: Pahundul hamu ma ito asa denggan hita manghatai!

Benna : Songon on ito. Nangkin laho do ahu tu jabu ni si Candra. Jala olo do nasida
menguluhon parpunguanta i.
Guntur : Jadi... boha ninna ibana?
Benna : Didok nasida asa marpungu hita di jabu on ari Sabtu on jam tolu sibotari.
Shito : Molo songon i songon on ma i. Tapapungu ma godang angka donganta. Tapaboa
be ma tu donganta asa marpungu hita ari Sabtu on di jabu on.
Posan : Antong molo songon i mulak ma jolo hami asa hupaboa hami tu angka donganta
(huhut laho nasida).
Tutup layar
BABAK VII
(Tingki dibukka layar, nunga pigapiga halak marpungu)
Candra : Horas ma di hita sude na.
Sude

: Horas ma ito (huhut marsijalangan)

Candra : Di dia angka dongan sude? (Ndang dialusi halak i). Manang holan hamu do na
naeng marpungu?

Kristina

: Nunga hudok hami hian nian asa marpungu sadari on di jabu on.

Candra : Hape?
Rida

: Adong na balanja, adong na tudia.

Candra : Balanja? Hamu huroa ndang balanja?

Benna : Ima da ito. Dung mulak ahu sian jabu muna, langsung do hupaboa tu sude
dongan asa marpungu sadari on di jabu on. Alai songon on dope tingkina. Boha
bahenon sabar ma jolo hamu.
Shito : (Huhut mamboan tes) Minum hamu ito, nunga loja hamu hape angka dongan pe
ndang marpungu.
Candra :

(Huhut

manjalo)

Mauliate

ma

ito.

TARIDA

MANGHATAHATAI, MUSIK MANGKU- LING,

DOPE

HALAK

TINGKI MUSIK DI

PANANGET,
Candra : Antong molo songon i mulak ma jolo ahu ito. Ari Sabtu on tong do marpungu
hita, jala di si ma sude tahatai hombar tu parpunguon i (huhut manjalangi sude).
Mulak ahu ate... (huhut mandada).
BABAK VI
(Tingki dibukka layar, nunga tarida godang halak i marpungu).
Benna : Hamu sude angka dongan, saonari marpungu hita asa naeng ma nian ninna
rohanta tabaen sada parpunguanta. Ro do nuaeng donganta, goarna si Candra, na
laho manguluhon hita. Alani i dos ni rohanta, tapasahat ma acara on tu ibana.
Candra : Hamu angka dongan saluhutna. Ahu ro tuson ndang na laho manguluhon hita
sude, alai laho mandongani hita mambahen sada parpunguan jala ahu pe olo gabe
anggota di parpunguan i. Parpunguanta sadari on ima perpunguan las ni roha
dohot parpunguan sada ni roha. Di tagam rohanta do asa adong nian sada
parpunguanta. Antong tapasahat ma parpunguanta on tu Amanta Debata marende
ma hita (sahalak manguluhon ende dung sae marende martangiang ma muse).
Tapasada ma rohanta, martangiang ma hita... (Sude mangalusi amen dung sidung
tangiang i).
Candra : Hamu sudena angka dongan. Las situtu do rohangku di papunguanta sadarion.
Boasa hudok songon i, alana on ma hape tingkina boi hita rampak angka na sahuta
di luat pangarantoan, marsiberengan hita jala marsitandaan hita. Didok angka

natuatua do: Molo nitinggalhon ina ingkon dapotonongkon do ina. Nueang pe

nunga tabaen parpunguan on sai anggiat ma tamba sada rohanta tu joloan ni ari on.
Si sada panghilalaan jala saparsitaonon ma hita rampak mengkel molo ria ni roha
jala rampak tangis molo ro sitaonon.
Shito : Songon tanda ni sada rohanta, boha molo tabahen sada drama boanonta mulak
libur natal on tu huta songon siluanta tu angka natuatuanta?
Candra : Boha angka dongan setuju do hamu sude?
Sude

: Setuju!

Candra : Antong denggan ma i. Di son adong do huboan sada teks drama. Bereng hamu
ma jolo, molo denggan do asa tapillit angka pemainna (sude halak i mamereng teks
drama i, jala marebutan halak i).
Rida

: Nunga denggan i. On ma taboan.

Candra : Setuju sude?

Sude

: Setuju!

Candra : Antong molo songon i pembagianna taserahkon ma tu si Benna (ilean si Candra

teks drama i tu si Benna).
Benna : Drama on judul na NATAL MAMBOAN HASADAON NI ROHA. Ninna
rohangku ta tontuhon ma angka pemainna.: Ise olo sebagai Rudi, ise olo sebagai
Benna, ise olo sebagai Shito, ise olo sebagai Kristina, ise olo sebagai Rida, ise olo
sebagai Posan, ise olo sebagai Pak Uli, ise olo sebagai Nai Ida, ise olo sebagai
Guntur, ise olo sebagai Candra (setiap didokkon ise na olo.. Sude halak i martudu)
Molo songon i on ma angka peminna: Sebagai Rudi= ... Sebagai Benna=... Sebagai
Shito=... Sebagai Kristina=... Sebagai Rida=... Sebagai Posan=... Sebagai Pak
Uli=... Sebagai Nai Ida=... Sebagai Guntur=... Sebagai Candra=... Antong latihan
ma hita dohot denggan, asa denggan annon dibereng angka natuatuanta drama i.
Marsogot mulai ma hita latihan. Setuju??
Sude

: Setuju!

Candra : Antong molo songon i mauliate dipasahat roha nami tu hamu di siala ni hasadaon
ni rohanta on. Tapaujung ma parpunguanta on, marende ma hita... (dung sae
marende sahalak mambahen tangiang).
Kristina

: Martangiang ma hita.

TAMAT