LOCAL NEWS

Inaprubahan kahapon sa isinagawang session ng Sangguniang

Panlalawigan ang official tagline ng South Cotabato na land of
the Dreamweaver
Sinabi ni Provincial Tourism Officer Mr. Cesar Sulit, na matagal
nilang pinag-aralan ang nasabing tagline para magkaroon ng
pagkakakilanlan ang lalawigan.
Ilan lamang sa mga pagbabago ay magkakaroon ng Tnalak design ang
lahat ng mga sasakyan na pagmamay-ari ng Provincial Government,
ang mga official communications at stationary ng lalawigan, at
mga souvenir items.
Ito umano ang pagkilala na ibinigay ng lalawigan sa yumaong
national artist na si Boi Lang Dulay ng lake Sebu na nagbigay ng
inspirasyon sa tribu upang makahabi ng magandang tela ng Tnalak.
Nabatid na hinabol ang pag appruba sa the land of the
Dreamweaver para maisabay at makilala ito sa darating na 50th
Foundation Anniversary at 17th Tnalak Festival ng Lalawigan.
---------00000000000000----------------0000000000-------Umabot sa halos 84 na mga internet caf sa Koronadal City ang
hindi pa naaacredit ng Internet operation regulatory board o
IORB.
Sinabi ni Judith Amido, City Information Officer, na
nagkakaproblema pa umano ang kanilang tanggapan sa sketching at
tracing ng mga internet caf sa ibat-ibang barangay. Dagdag pa
nito na umabot sa halos 13 na mga internet caf ang kanilang
pinaghahanap dahil mali umano ang address ng mga ito.
Umabot naman sa halos 71 na mga internet caf ang natapos nang
maacredit ng IORB.
Dahil sa walang pasok, sa ngayon ay nakatutuk ang IORB sa mga
kagamitan sa loob ng internet cafs, mga cubicle, at mga satanic
o pornographic sites.
Binigyan diin nito na dapat lahat ng internet caf sa lungsod ay
sumusunod sa ordinansya.

------0000000000000---------00000000-----------000000000---Nagsagawa ng sugarcane stakeholders dialogue ang DOLE 12 o

Department of labor and employment sa pakikipagtulungan ng
district tripartite council 12 sa tulunan, north cotabato.
Nagpasalamat naman si OIC Regional Director Albert Gutib sa lahat
ng mga dumalo sa stakeholders dialogue. Dagdag pa nito na
makakatulung umano ang forum para ma solusyunan ang mga issues at
mga problema ng mga field workers, planters, mill owners at mga
LGU.
Inimbitahan din ng ahensya ang mga stakeholders na bumisita sa
kanilang tanggapan sa Koronadal City para maipasok ang mga ito sa
kanilang Social Amelioration Program.
Umabot naman sa 84 stakeholders ang dumalo at nabigyan ng
orientation sa SAP ng DTI, BIR at DOST.
Ilan naman sa mga problema na sinagot ng mga ahensya ng gobyerno
ay ang pahirapan na pagfile ng income tax at ang pag apply ng tax
identification number.

----------000000000------------000000000--------0000000
Nagpapatuloy ngayong araw ang ginagawang Tuli Festival ng City
Governemnt ng Koronadal.
Sinabi ni Dr. Jean Genevive Aturdido, na bukas ang pagpapatuli sa
lahat basta ito lamang ay naka lista sa kanilang Barangay.
Nabatid na ngayong araw, tumatangap ang City Health Office ng mga
gusting magpatuli mula sa Barangays Assumption, Cacub,
Topland,Magsaysay, San Roque, Conception, New Pangasinan, Saravia
at Paraiso.
Una umanong tatapusin ang mga malalayong barangay ng lungsod bago
ang mga malalapit.
Isinagawa naman ngayon ang tuli festival para maisabay umano ito
sa pagtatapos ng Summer Training Festival ng Lungsod. Paliwanag
ni Aturdido na aabutin lamang ng halong isang lingo ang healing
period ng sugat matapos na matuli.

-------0000000000---------000000000000-------------0000000
Nagpapagaling pa sa South Cotabato Provincial Hospital ang isang
BPAT matapos nitong aksidenteng mabaril ang kanyang sarili dakong
alas 10 ng gabi habang nagpapatrolya.
Kinilala ang BPAT member na si Julio Arostique, 48 anyos at
residente ng Colongolo, Surallah, South Cotabato.
Sa report, nagtamo ng sugat sa kanyang kaliwang hita si Arostique
ng aksidenteng makalabit ang kanyang .45 caliber na armas.
Lumalabas sa imbestigasyon, na inilagay ni Arostique ang armas sa
kanyang tagiliran habang ito ay nagpapatrol. Dahil umano sa
lubak-lubak na daan ay kanyang kinuha ang baril at pinulupot sa
tela. Aksidente namang nakalabit nito ang baril.
-----0000000---------00000000000-------0000000000-------

National News
K-12 program ng department of education ay hindi ganun kadali
upang basta na lamang na balewalain at ibasura.
Ito ang sinabi ni Maria Linda Ventinilla, Chief School Governance
and Operations Division, nakapaloob sa isang batas ang K-12
Program kayat hindi ito madaling buwagin.
Ayon sa DepEd, hindi basta matatanggal ang implementasyon ng K-12
Program ng ahensya sa kabila ng pahayag ni presumptive President
Rodrigo Duterte na nais nitong alisin ang naturang programa.
Nabatid na unang sinabi ni Duterte na ibabasura nito ang programa
hanggang maliwanagan at makausap ang ilang opisyal ng DepEd.
---------000000000000000---------00000000000000000-----Sisimulan na ngayong haponangpag-canvass sa boto ng mga
presidentialatvicepresidential candidates.
Itoangnakasaad saHouseConcurrent Resolution No. 015 na
magkakaroon ng joint public session ang kongreso para maiproklama
ang mga nanalong president at bise president noong nakaraang
eleksyon.
Base sa nasabing resolusyon,sisimulanang canvassing alas 2
ngayonghaponsaSession Hall ng Batasan Complex napamumunuan
nina Senate President Franklin Drilon at House Speaker Feliciano
Belmonte Jr.
Baserinsaadvisory ng liderato ng Kamara, ang mga ballot box
na naglalaman ng Certificate of Canvass (COC) at Election Returns
(ERs) na nasa pangangalaga ng Senado ay ililipat sa kamara
kaninang alas-5 ng umaga.
Tinatayang 43 milyon ang botong ika-canvass ngSenadoatKamara
na uupo bilang National BoardofCanvasser (NBOC) kung saan naging runaway winner si Davao City Mayor Rodrigo Duterte bilang
Pangulo at si Camarines sur representative Leni Robredo na

nagtala lamang ng halos 130 thousand na kalamangan sa kay Sen.

Bongbong Marcos Jr.

-------000000000000000000------------0000000000000000
Muling nagpasaring si Presidente Benigno "Noynoy" Aquino III sa
nakaraang administrasyong Arroyo kahit pa patapos na ang kanyang
termino.

Ginawa ng Pangulong Aquino ang pasaring nito sa Arroyo

administration kasabay ng pagtanggap sa dibidendo ng mga
Government-Owned and Controlled Corporations (GOCCs).

Sinabi ni Pangulong Aquino, ang mga korporasyon noong nakaraan,

imbes na maglingkod sa taongbayan ay una pang binigyan ang sarili
ng sari-saring mga allowance at bonus.
Maliban umano sa mga regular na sahod at umento ay nakatanggap
din sila ng mid year bonus, productivity bonus, anniversary
bonus, yearend bonus, grocery incentive at financial assistance.
Pagdating naman ng pasko ay may Christmas bonus pa ang mga
namumuno sa GOCCs at may traditional na Christmas package.

INTERNATIONAL NEWS
Ikinagulat ng mga otoridad sa California ang kalagayan ng isang
aso matapos na nagpositibo sa shabu at heroin.
Ayon kay Tustin Police Lt. Robert Wright, ang asong pinangalanang
Bubba ay natagpuan sa isang hotel room matapos isilbi ang arrest
warrant kay Joshua West, 40 anyos sa Orange County.
Nahalata umano ng mga pulis na nanghihina ang aso kayat agad nila
itong inobserbahan.
Isinailalim sa test ang ihi ng aso at lumabas sa resulta na
positibo ito sa shabu at heroin.
Bagamat hindi alam ng mga pulis kung paano nakain ng aso ang
naturang droga ay naniniwala silang si West ang may kagagawan
nito.
----------000000000000-----------------000000000000000--Inako ng teroristang ISIS ang serye ng sunod-sunod na
pagpapasabog sa Tartous at Jaba sa Syria na ikinamatay ng 78
katao.
Ayon sa ulat, Tatlong pagsabog ang sumiklab sa isang bus station
sa Tartous at apat naman sa residential areas ng Jabla.
Ang Tartous ay isa sa mga lugar na madalas puntahan ng mga Syrian
soldiers na naka-leave at isa rin itong malawak na lugar ng
military garrison.
Lumalabas naman sa report ng London-based Syrian Observatory for
Human Rights na umakyat na sa 101 ang namatay sa insidente.
--------0000000000000------------000000000000------Inanunsyo ni U.S. President Barack Obama ang pagbawi ng arms
embargo sa Vietnam na magbibigay daan sa pagbenta ng Amerika ng
armas sa Hanoi.
Ito ay kasabay ng pagdalaw ni Obama sa Vietnam.
Ayon kay Obama, matatag na ang tiwala ng dating magkalabang mga
bansa kabilang ang armed forces ng U.S. at Vietnam kaya tinanggal
ang arms embargo.

Isa itong simbolo sa pagbabago sa relasyon ng dalawang bansa na

dati ay nagkaroon ng giyera.
-----------0000000000---------0000000000-----000000000000---

SHOWBIZ NEWS

Naging trending topic kaagad sa social media ang beteranang

actress na si Jaclyn Jose na siyang kauna-unahang Pinay na
palaring nag-uwi ng best actress award sa prestihiyong
international film festival ng Cannes.
Kasabay nito ay nagpaabot din ng kanilang pagbati ang mga pinoy
celebrities at mga politico.
Pinuri ng young actor na si Jake Ejercito ang talento ni Jaclyn
na sinabing pang world class at deserved nito ang naiuwing
panalo.
Tinawag namang historical ng aktres na si Dawn Zulueta ang
tagumpay ni Jose.
Nagpaabot rin ng kanilang congratulatory message si Sen. Sonny
Angara at Sen. Francis "Kiko" Pangilinan.
Nabatid na ito ang ikatlong pagbida ng 53-year-old actress sa
pelikula na ginawa ni director Brillante Mendoza.
Una siyang lumabas sa pelikulang "Masahista" ni Direk Brillante
noong 2005 at "Serbis" taong 2008 na nominado rin sa
prestihiyosong Palm d'Or ng Cannes.
---------000000000--------000000000----------000000000
Dumepensa naman ang mga myembro ng hurado ng Cannes Film Festival
sa kanilang naging desisyon sa paghirang sa aktres na si Jaclyn
Jose bilang best actress.
Una ditto ay may ilang kritiko na kumwekwestyon sa panalo ni Jose
dahil mistulang supporting role lamang daw ang kanyang papel sa
drama film na "Ma Rosa" kaysa sa lead role.
Mabilis namang kinontra ng beteranong Hollywood actor at isa sa
jury na si Donald Sutherland ang pahayag ng mga kritiko na
sinabing mali raw ang mga ito at iginiit na big time leading role
ang ginampanan ni Jose.
Hindi rin napigilan ng kapwa hurado at French director na si
Arnaud Desplechin na maglabas ng kanyang saloobin na sinabing si
Jaclyn ang mismong nagdala sa pelikula na nagbigay raw sa kaniya
ng heartbreak.

Binubuo ng walong miyembro ng jury ang Cannes na pawang mga

batikang aktor, direktor, script writer at producer.
Tinalo ni Jose ang mga Hollywood actress na sina Charlize Theron,
Kristen Stewart at French actress na sina Marion Cotillard at
Isabelle Hupert.
----------0000000000000--------000000000000---------0000000000

SPORTS NEWS

Maglalabas ang NBA ng desisyon sa kaso ni Golden State star

Draymond Green anomang oras ngayong araw matapos nitong sipain
ang pribadong bahagi ni Steven Adams ng Oklahoma City Thunder
kahapon sa Game Three ng Western Conference finals.
Posibleng umanong patawan ng suspension ang power forward ng
defending champion dahil sa nasabing pangyayari.
Ipinaliwanag naman ni Green na hindi niya sinasadyang masipa ang
private area ni Adams sapagkat may hinahabol lamang daw sana
siyang tira nang mangyari ang insidente.
Inihayag din nito na tinangkang gantihan din daw sana siya ni
Russell Westbrook ng Thunder ngunit nagawa niya umanong makaiwas.
Samantala, iginiit naman ni Adams na posibleng sadya talaga
siyang tamaan ni Green sa maselang bahagi sapagkat ginawa rin daw
ito ng Warriors forward sa Game Two ng conference finals.

---------0000000000000000--------------00000000000-------Sinibak ng FIFA si deputy general secretary Markus Kattner dahil

sa financial "breaches" na may kaugnayan sa kanyang trabaho.
Naging acting general secretary si Kattner matapos ma-dismiss din
ang dating general secretary na si Jerome Valcke dahil sa
iregularidad.
Si kattner na isang German ay matagal nang FIFA financial
director.
Uupo naman bilang bagong general secretary si Fatma Samoura sa
susunod na buwan.
--------------00000000000000-------------0000000000000----

HEALTH NEWS

Totoo na marami sa mga kababaihan ang tinatamaan ng breast cancer

at nagiging sanhi ng kamatayan. Kapansinpansin din ang pag-akyat
ng bilang ng mga kababaihan na may ovarian cancer.
Lumalabas sa pagsisiyasat na inilathala sa international journal
of molecular sciences, na ang konsepto ng dalawang nakamamatay na
sakit ang posibleng na develop sa parehong paraan at pwedeng
gamutin sa magkaparehong istilo.
Ayon sa mga researchers na kanilang kinumpara ang genetic, microenvironmental, stromal at epigenetic changes na magkapareho sa
breast at ovarian cancer cells. Lumalabas na ilan sa mga genes
katulad ng oncogenes at tumor suprpressor genes ay magkapareho sa
dalawang uri ng kanser.
Ipinaliwanag din ng pag-aaral kung paano ang nga growth promoting
genes ay mapaayos at ang growth inhibiting genes naman ang mawala
para mapigilan ang pagkakabuo cancer cells.