Professional Documents
Culture Documents
Josephine Bacon
Josephine Bacon
Josphine Bacon
Ginette Tremblay, traduction
Tshin Innu
Tshin Innu, ushteshimau, nuitsheuakan
Katak(u) tshititan tshuenutishiunit
Kau tshiatuapaten tshitassi
Tshui nishtuapaten<Tshipashikun, nikan tshitaitapin
Pitshau tshimeshkanam
Tshitshishkutamak(u) etueuemakak
Tatuau e takussein
Tshipetamuan utei
Maim eshi-petamin tshitei
Mishtikuat tshitaimikuat
Utshekatikuat tshuashtenimakuat
Nutineteu tshiminik(u) tshetshi minu-shaputuetein<Tshin natukunish
Tshinanatushik(u)
Tshimititen tshimushum umeshkanam
Tau auen tshe mitimet anite ka pimutein
Tshipakatan tshishutshenitamun
Tshipakatan tshipakushenitamun
Tshipakatan tshitinniun
Tshimushumat tshitshitapamikuat
Apu unitaune tshishkata
Tshissenitamuat anutshish tshinitau-pimuten
Tshitashamat minuenitamuat
Josephine Bacon