maawawagan ti Binalatongan, adda napatakder a simbaan nga addaan ti higante a kampana. Gapu ti kadakkelna, masapul ti sangapulo a tao a mangbatangtang ta saan a kabaelan ti maymaysa.
Napigsa ken agallangugan no
mabatangtang daytoy. No nabatangtang daytoy, maalisan dagiti masikog a babbai ti kinapigsa ken kinatinggaw ti unina nga uray la agarigengen ti daga. . Idi naipatakder ti baro a simbaan, nagkaysa dagiti tattao nga iyakar ditoy ti dakkel a kampana.
Ngem saan a nadaras nga aramiden daytoy
ta masapul nga agballasiwda ti karayan sakbay a madanonda ti baro a simbaan. Malaksid daytoy, dakkel unay ti kampana ket uray no sangagasut a baka ket saanda makabaelan a bagkaten
Uray timmulong dagiti kadakkelan ken kapigsaan a
lallaki ket marigatanda latta. Idi makapatengngada iti karayan natinnag ti kampana ket limned daytoy iti kaadalman a paset ti karayan.
Manipud idin saanen a nabirokan dagiti tattao ti higante
a kampana. Ti kuna dagiti tattao, banbantayan daytoy ti napintas a sirena
Nalaing a kumanta ti sirena ngem ti
kuna dagiti tattao, tay makay-ayo a timekna ket isu met ti makagapu ti peggad kadagiti natutured a tattao nga addaan ti gandat a sapulen ti kampana. Siasinuman nga aggandat a mangala ti kampana ket malmes.