‫ﺁﭼﻴﻖ ﺳﺆز ‪açıq söz‬‬

‫ﺻﻤﺪ ﺑﻬﺮﻧﮕﻰ و ﺑﻬﺮوز دهﻘﺎﻧﻰ ﻧﻴﻦ ﺁﻧﺎ‬

‫دﻳﻠﻴﻨﺪﻩ ﺗﻮﭘﻼدﻳﻘﻼری ﺁذرﺑﺎﻳﺠﺎن ﻧﺎﻏﻴﻠﻼری اوزرﻳﻨﺪﻩ ﭼﺎﻟﻴﺸﻤﺎﻻری‬

‫دوﻏﻤﺎ اﺋﻞ اوﻏﻠﻮ‪ ،‬ﻳﻮروﻟﻤﺎز ﺁﺧﺘﺎرﻳﺠﯽ و ﺑﺎرﻳﺸﻤﺎز ﻳﺎزﻳﭽﯽ ﺻﻤﺪ ﺑﻬﺮﻧﮕﯽﻧﻴﻦ ﭼﻮخ ﺳﺎﺣﻪﻟﯽ ادﺑﯽ‪-‬‬
‫ﺑﺪﻳﻌﯽ ﭼﺎﻟﻴﺸﻤﺎﻻرﻳﻨﻴﻦ ان اؤﻧﻤﻠﯽ ﻗﻮﻟﻼرﻳﻨﺪان ﺑﻴﺮﯼ‪ ،‬اوﻧﻮن اوﺷﺎق ﻓﻮﻟﮑﻠﻮروﻣﻮزو‪ ،‬ﺧﺎﻟﻖ ادﺑﻴﺎﺗﻴﻤﻴﺰ اﻳﻠﻪ‬
‫اﻳﻠﮕﻴﻠﻨﻤﻪﺳﯽ‪ ،‬ﺧﺎﻟﻖ ادﺑﻴﺎﺗﻴﻤﻴﺰﯼ ﺗﻮﭘﻼﻳﻴﺐ ﺁراﺷﺪﻳﺮﻣﺎﺳﯽ و ﻳﺌﺮﯼ ﮔﻠﻨﺪﻩ اوﻧﻼرﻳﻦ ﻧﺸﺮﯼ اوﭼﻮن‬
‫ﭼﺎﻟﻴﺸﻤﺎﺳﯽ‪ ،‬ﻓﻮﻟﮑﻠﻮروﻣﻮزون ان ﮔﻮﺟﻠﻮ ﻗﻮﻟﻮ اوﻻن ﻧﺎﻏﻴﻠﻼرﻳﻤﻴﺰدان اﻳﻠﻬﺎم ﺁﻻراق‪ ،‬دوﻧﻴﺎ ﻣﻘﻴﺎﺳﻴﻨﺪا‬
‫ﺷﺆهﺮت ﻗﺎزاﻧﺎن اوﺷﺎق ﻧﺎﻏﻴﻠﻼرﯼ‪ ،‬اؤز ﺁدﯼ اﻳﻠﻪ دﺋﺴﮏ‪ ،‬ﺻﻤﺪﻳﻦ ﻗﺼﻪﻟﺮﻳﻨﯽ ﻳﺎزﻳﺐ ﻳﺎراﺗﻤﺎﻗﺪا ﺷﺮﻓﻠﯽ‬
‫اﻣﮏ ﮔﻮﺳﺘﺮﻣﻪﺳﯽ اوﻟﻤﻮﺷﺪور‪.‬‬
‫ﺑﻮﺗﻮن ﭘﺪاﻗﻮژﯼ‪-‬ﺗﺮﺑﻴﻪوﯼ ﮔﺆروﺷﻠﺮﻳﻨﺪﻩ ﺑﻴﺮﻳﻨﺠﯽ ﻳﺌﺮﯼ اوﺷﺎﻗﻼرا وﺋﺮن و اوﻧﻼرى ﮔﻠﻪﺟﮏ دوﻧﻴﺎﻧﻴﻦ‬
‫ﻗﻮروﺟﻮﻻرﯼ اوﻟﺪوﻗﻼرﻳﻨﺎ اﻳﻨﺎﻧﺎن ﺻﻤﺪ‪ ،‬ﺁذرﺑﺎﻳﺠﺎن ﻓﻮﻟﮑﻠﻮروﻧﻮ ﺗﻮﭘﻼﻣﺎﻗﺪا ﺑﻴﺮﻳﻨﺠﯽ ﻳﺌﺮدﻩ اوﺷﺎﻗﻼرﻳﻦ هﺎﻣﻴﺪان‬
‫ﭼﻮخ ﻣﺎراﻗﻼﻧﺪﻳﻐﯽ و ﺳﺌﻮدﻳﮕﯽ ﻧﺎﻏﻴﻠﻼرا وﺋﺮﻣﻴﺸﺪﻳﺮ‪ .‬ﻣﻦ ﺳﻴﺰﻩ ﺻﻤﺪﻳﻦ و اوﻧﻮن ﻳﺎﺧﻴﻦ اﻣﮑﺪاﺷﻼرﻳﻨﺪان‬
‫ﺑﻬﺮوز دهﻘﺎﻧﻴﻨﻰ ﻧﺎﻏﻴﻠﻼرﻳﻤﻴﺰﯼ ﺗﻮﭘﻼﻳﻴﺐ ﻧﺸﺮ اﺋﺘﻤﮑﺪﻩ ﺻﺮف اﺋﺘﺪﻳﮑﻠﺮى ﺷﺮﻓﻠﻰ اﻣﮕﯽ ال ﻳﺎزﻣﺎ‬
‫ﻧﻮﺳﺨﻪﺳﯽ ﺗﺎﭘﻴﻠﺪﻳﻘﺪان ﺳﻮﻧﺮا ﻳﺎزدﻳﻐﻴﻢ ﺑﺎﺷﻼﻧﻴﺸﻼ ﺗﺎﻧﻴﺶ اﺋﺘﻤﮕﯽ ﻳﺌﺮﻟﯽ ﺳﺎﻧﻴﺮام‪.‬‬
‫اوﻧﻼر اﻳﮑﻴﺴﯽ ﺁذرﺑﺎﻳﺠﺎن دﻳﻠﻰﻧﻴﻦ ﻳﺎزﻳﺐ‪-‬اوﺧﻮﻣﺎﻏﯽ ﻳﺎﺳﺎق اوﻟﺪوﻏﻮ دﻳﻠﺪﻩ ﻳﺎزﻳﻼن ﮐﻴﺘﺎﺑﻼرﻳﻦ‬
‫ﻳﺎﻧﺪﻳﺮﻳﻠﻤﺎﺳﻴﻨﯽ اﺋﺸﻴﺘﺪﻳﻠﺮ و دوﻳﺪوﻻر‪ .‬اﺋﺸﻴﺘﺪﻳﮑﻠﺮﯼ و دوﻳﺪوﻗﻼرﯼ ﺑﻮ ﻣﺎﺟﺮادان ﻳﻮﮐﺴﻠﻦ ﺁﻟﻮو‪ ،‬اوﻧﻼرﻳﻦ‬
‫روﺣﻮﻧﺎ و وﺟﻮدوﻧﺎ ﮔﻮﻣﺪو و ﺑﻮﺗﻮن ﺣﻴﺎت ﺑﻮﻳﻮ اوﻧﻼرى دوﺷﻮﻧﺪوردو‪.‬‬
‫اوﻧﻼردان ﺑﻴﺮى‪ ،‬ﺻﻤﺪ‪ ،‬اؤز ﺁﻧﺎ دﻳﻠﻴﻨﻪ ﺑﺴﻠﻪدﻳﮕﻰ اﻳﻨﺎﻣﻰ ‪-١٣۴٢‬ﻧﺠﻰ اﻳﻠﺪﻩ‪ ،‬اﻳﻠﮏ اﺛﺮى ﺳﺎﻳﻴﻼن و اؤزو‬
‫دﺋﻤﻴﺸﮑﻦ اوﻧﻮ "ﺗﺎﻟﻴﻔﺎت ﺻﺎﺣﻴﺒﻰ" اﺋﻠﻪﻳﻦ "ﭘﺎرﻩ ﭘﺎرﻩ" اﻳﻠﻪ ﮔﺆﺳﺘﺮدى‪ .‬ﺑﻮ ﻳﺎراﺷﻴﻘﻠﻰ و ﻳﻴﻐﺠﺎم اﺛﺮﻩ‬
‫ﻋﻤﻮﻣﻰ ﺑﻴﺮ ﺑﺎﺧﻴﺶ ﺑﺌﻠﻪ‪ ،‬اوﻧﻮ ﺗﻮﭘﻼﻳﺎﻧﻴﻦ اؤز ﺁﻧﺎ دﻳﻠﻴﻨﺪﻩ درس اوﺧﻮﻳﺎ ﺑﻴﻠﻤﻪدﻳﮕﻴﻨﻪ ﺑﺎﺧﻤﺎﻳﺎراق‪ ،‬ﺑﻮ دﻳﻠﺪﻩ‬
‫ﭼﺎﻏﻼﻳﺎن ﺷﻌﺮﻳﻦ ان درﻳﻨﻠﻴﮑﺮﻳﻨﻪ وارﻣﺎﺳﻴﻨﺎ ﺟﺎﻧﻠﻰ ﺛﻮﺑﻮﺗﺪور‪ .‬او‪ ،‬ﺑﻮ ﻣﺠﻤﻮﻋﻪدﻩ ﻧﻈﺮﻩ ﺁﻟﺪﻳﻐﯽ و ﺗﻮﺧﻮﻧﺪوﻏﻮ‬
‫اوﺗﺎى‪-‬ﺑﻮﺗﺎى ﺷﺎﻋﻴﺮﻟﺮﻳﻨﻴﻦ ان ﮔﺆزل و ﻣﻀﻤﻮﻧﻠﻮ ﺷﻌﺮﻟﺮﻳﻨﻰ‪ ،‬ﻳﻮزدن ﭼﻮخ ﺧﺎﻟﻖ ﺑﺎﻳﺎﺗﻴﺴﯽ اﻳﻠﻪ‬
‫ﻳﺌﺮﻟﺸﺪﻳﺮﻣﻴﺸﺪﻳﺮ‪ .‬ﺑﻮ اﻳﻠﮏ اﺛﺮﻳﻦ ﺑﻮراﺧﻴﻠﻴﺸﯽ ﺻﻤﺪﻩ ﺑﺎهﺎ ﺑﺎﺷﺎ ﮔﻠﺪى‪ ،‬ﻣﺤﮑﻤﻪﻳﻪ ﭼﺎﻏﻴﺮﻳﻠﺪى‪ ٠‬ﮐﻴﺘﺎﺑﺪا‬
‫"ﺁذرﺑﺎﻳﺠﺎن" ﺷﻌﺮﻳﻨﻪ ﻳﺌﺮ وﺋﺮدﻳﮕﻰ اوﭼﻮن ﺗﺆهﻤﺘﻠﻨﺪى‪ .‬ﺑﺌﻠﻪﻟﻴﮑﻠﻪ ﮐﻴﺘﺎب ﻳﺎﺳﺎق اﺋﺪﻳﻠﺪى و ﭘﻬﻠﻮى رژﻳﻤﻴﻨﺪﻩ‬
‫اوﻧﻮن ﺑﻴﺮ داهﺎ ﭼﺎپ اﺋﺪﻳﻠﻤﻪﺳﻴﻨﻪ ﻳﻮل وﺋﺮﻳﻠﻤﻪدى‪.‬‬
‫ﻣﻨﻠﻪ ﺑﻮ اﻳﮑﯽ اﻣﮑﺪاﺷﻴﻦ ﺁراﺳﻴﻨﺪا‪ ،‬ﺑﻴﺮ‪-‬ﺑﻴﺮﻳﻤﻴﺰى ﮔﺆرﻣﻪدن ﺟﺎﻧﻼﻧﺎن ﺣﻀﻮرى دوﺳﺘﻠﻮق و ﻳﺎﺧﻴﻨﻠﻴﻘﺪا‬
‫اﺋﻠﻪ ﺑﻮ ﮐﻴﺘﺎﺑﻼ ﺑﺎﺷﻼدى‪ .‬اوﻧﻼر‪ ،‬او ﺑﻴﺮى اﻣﮑﺪاﺷﻼرى اﻳﻠﻪ ﺑﻴﺮﻟﻴﮑﺪﻩ‪ ،‬ﺁذرﺑﺎﻳﺠﺎﻧﺪا اﻳﻠﻠﺮﺟﻪ ﻏﺮﻳﺒﺴﻪﻣﻴﺶ و‬
‫ﺑﻮﺧﻮوﻻﻧﻤﻴﺶ ﺁﻧﺎ دﻳﻠﻴﻦ و ﻣﻴﻠﻠﻰ وارﻟﻴﻐﻴﻦ ﺟﺎرﭼﻴﺴﯽ و ﻣﻮﺷﺘﻮﻟﻮﻗﭽﻮﺳﻮ ﮐﻴﻤﻰ‪ ،‬ﭼﻮﺧﺪان ﺑﺮى ﻳﻮرد‪-‬‬
‫ﻳﻮواﺳﻴﻨﺪان دﻳﺪرﮔﻴﻦ دوﺷﻤﻮش ﺑﻴﺰﻳﻢ ﮐﻴﻤﻴﻠﺮﻳﻦ داواﻣﭽﻴﺴﯽ اوﻟﺪوﻻر‪.‬‬
‫اوﻧﻼر ﮐﻴﺘﺎب ﭼﺎﻧﺘﺎﺳﯽ ﭼﻴﮕﻴﻨﻠﺮﻳﻨﺪﻩ‪ ،‬ﮐﺎﻏﺎذ‪-‬ﻗﻠﻢ اﻟﻠﺮﻳﻨﺪﻩ‪ ،‬ﺧﺎﻟﻘﺎ و وﻃﻨﻪ ﺑﺴﻠﻪدﻳﮑﻠﺮﯼ دوﻳﻐﻮﻻر‬
‫اورﮐﻠﺮﻳﻨﺪﻩ‪ ،‬ﺑﻴﺮﻳﻨﺠﯽ ﻣﮑﺘﺐ ﻣﻮﻋﻠﻴﻤﯽ وﻇﻴﻔﻪﺳﻴﻨﺪﻩ ﺁذرﺑﺎﻳﺠﺎن ﮐﻨﺪﻟﺮﻳﻨﻪ ﻳﻮل ﺁﭼﺪﻳﻼر‪ ،‬ﺟﺎﻧﻼرﻳﻨﺪا ﺁﻟﻴﺸﺎن‬
‫ﺁﻟﻮو اوﺷﺎﻗﻼرا ﺁﺷﻴﻼدﻳﻼر‪ ،‬اوﻧﻼرﻻ ﻗﺎﻳﻨﺎﻳﻴﺐ ﻗﺎرﻳﺸﺪﻳﻼر‪ .‬اوﺷﺎﻗﻼر اوﭼﻮن ﺁﻗﺎ ﻣﻮﻋﻠﻴﻢ ﻳﻮخ‪ ،‬ﺑﻠﮑﻪ "ﺻﻤﺪ‬
‫ﻋﻤﻰ‪ ،‬ﺑﻬﺮوز ﻋﻤﻰ" اوﻟﺪوﻻر‪ .‬ﺗﺒﺮﻳﺰ اوﻧﻴﻮﺋﺮﺳﻴﺘﻪﺳﻴﻨﻰ ﺑﻴﺘﻴﺮدﻳﮑﻠﺮى اوﭼﻮن‪ ،‬اورﺗﺎ ﻣﮑﺘﺒﺪﻩ درس وﺋﺮﻣﮕﻪ‬
‫ﺣﺎﻗﻠﻰ اوﻟﺴﺎﻻر دا‪ ،‬ﺑﻴﺮﻳﻨﺠﻰ ﻣﮑﺘﺒﺪﻩ درس وﺋﺮﻣﮕﻰ داهﺎ دﮔﺮﻟﻰ ﺳﺎﻧﺪﻳﻼر‪ .‬ﺁذرﺑﺎﻳﺠﺎن ﻓﻮﻟﮑﻠﻮر‬
‫ﻧﻮﻣﻮﻧﻪﻟﺮﻳﻨﻰ دﻩ اﺋﻠﻪ هﻤﻴﻦ ﻣﮑﺘﺒﻠﺮﻳﻨﺪﻩ‪ ،‬درس وﺋﺮدﻳﮑﻠﺮى ﮐﻨﺪﻟﺮدن و ﺧﺎﻟﻖ اﻳﭽﺮﻳﺴﻴﻨﺪن ﺗﻮﭘﻼﻣﺎﻏﺎ‬
‫ﺑﺎﺷﻼدﻳﻼر‪ .‬ﺁﻏﻴﺰﻻردان ﭼﻮﺧﻠﻮ ﻧﺎﻏﻴﻞ‪ ،‬ﺑﺎﻳﺎﺗﯽ‪ ،‬ﺗﺎﭘﻤﺎﺟﺎ‪ ،‬ﻗﻮﺷﻤﺎﺟﺎ و اﺋﻞ ﺳﺆزﻟﺮى ﺗﻮﭘﻼدﻳﻼر‪ .‬ﺑﻴﺮ ﺳﻴﺮا‬
‫ﮐﻨﺪﻟﺮﻳﻦ ﻣﻮﻧﻮﻗﺮاﻓﻴﺎﺳﻴﻨﻰ ﻳﺎزدﻳﻼر‪ .‬ﺑﻮ اﻟﻪ ﮔﺘﻴﺮدﻳﮑﻠﺮﻳﻦ ﺑﻴﺮ ﻗﻴﺴﻤﻴﻨﻰ ﻳﺌﺮى ﮔﻠﻴﻨﺠﻪ او ﮔﻮﻧﮑﻮ ﻣﻄﺒﻮﻋﺎﺗﺪا و‬
‫ﺑﻴﺮ ﻗﻴﺴﻤﻴﻨﻰ دﻩ ﺁذرﺑﺎﻳﺠﺎن اﻓﺴﺎﻧﻪﻟﺮى )ﻓﺎرﺳﺠﺎ(‪ ،‬ﻗﻮﺷﻤﺎﺟﺎﻻر و ﺗﺎﭘﻤﺎﺟﺎﻻر ﻋﻮﻧﻮاﻧﯽ اﻳﻠﻪ ﭼﺎپ اﺋﺪﻩ‬
‫ﺑﻴﻠﺪﻳﻠﺮ‪ .‬ﻻﮐﻴﻦ اوﻧﻼرﻳﻦ ﺗﻮﭘﻼدﻳﻘﻼرى ﻓﻮﻟﮑﻠﻮر ﻧﻮﻣﻮﻧﻪﻟﺮﻳﻨﺪن هﻠﻪ ﭼﺎپ اوﻟﻤﺎﻳﺎﻧﻼرى دا واردﻳﺮ‪...‬‬
‫***‬
‫ﺻﻤﺪﻟﻪ ﺑﻬﺮوزون ﺁذرﺑﺎﻳﺠﺎن ﻧﺎﻏﻴﻠﻼرﻳﻨﺪان ﺗﻮﭘﻼدﻳﻘﻼرﯼ ﻧﺎﻏﻴﻠﻼر‪ ،‬ﺟﻨﻮﺑﯽ ﺁذرﺑﺎﻳﺠﺎﻧﺪا ﺑﻮ ﮔﻮﻧﻪ ﻗﺪر‬
‫ﻳﻴﻐﻴﻠﻤﻴﺶ ان دﮔﺮﻟﻰ ﻣﺠﻤﻮﻋﻪ ﻟﺮدن ﺑﻴﺮﻳﺴﻴﺪﻳﺮ‪ .‬ﻣﺎراﻗﻠﻰ ﺑﻮراﺳﻴﺪﻳﺮ ﮐﻰ‪ ،‬ﺑﻮ ﻣﺠﻤﻮﻋﻪﻧﻴﻦ دﻩ اﺋﻠﻪ اوﻧﻮ‬
‫ﺗﻮﭘﻼﻳﺎﻧﻼرﻳﻦ اؤزو ﮐﻴﻤﻰ ﻏﺮﻳﺒﻪ ﻃﺎﻟﻌﻰ اوﻟﻤﻮﺷﺪور‪.‬‬
‫اوﻧﻼر‪ ،‬اﺋﻞ اﻳﭽﻴﻨﺪن ﺗﻮﭘﻼدﻳﻘﻼرﯼ ﺑﻮ ﻧﺎﻏﻴﻼرﯼ واﺧﺘﯽ اﻳﻠﻪ ﺁذرﺑﺎﻳﺠﺎن دﻳﻠﻴﻨﺪﻩ ﻧﺸﺮ اﺋﺘﺪﻳﺮﻣﮕﻪ اﻳﻤﮑﺎن‬
‫اﻟﺪﻩ اﺋﺪﻩ ﺑﻴﻠﻤﻪدﻳﮑﻠﺮﯼ اوﭼﻮن ﭼﺎرەﺳﻴﺰ ﻓﺎرﺳﺠﺎﻳﺎ ﭼﺌﻮﻳﺮﻣﻴﺶ‪ ،‬اوﻧﻮن ﺑﻴﺮﻳﻨﺠﯽ ﺟﻴﻠﺪﻳﻨﯽ ﺗﺒﺮﻳﺰدﻩ و‬
‫اﻳﮑﻴﻨﺠﯽ ﺟﻴﻠﺪﻳﻨﯽ دﻩ ﺗﻬﺮاﻧﺪا ﻧﺸﺮ اﺋﺘﺪﻳﺮﻣﻴﺸﻠﺮ‪.‬‬
‫هﻤﻴﻦ اﻳﻠﻠﺮدﻩ ﺑﻴﺮ ﺗﺼﺎدوف اورﺗﺎﻳﺎ ﭼﻴﺨﺪي ﮐﯽ‪ ،‬ﻣﻦ ﺑﺎﻳﺎﺗﻲﻻردان ﺗﻮﭘﻼدﻳﻐﻴﻢ ﻣﺠﻤﻮﻋﻪﻧﯽ ﺗﺒﺮﻳﺰدﻩ و‬
‫ﺁذرﺑﺎﻳﺠﺎن دﻳﻠﻲ ﻗﺮاﻣﺮﻳﻨﻴﻦ اﺳﺎﺳﻼرﯼ )ﻣﺒﺎﻧﯽ دﺳﺘﻮر زﺑﺎن ﺁذرﺑﺎﻳﺠﺎن( ﮐﻴﺘﺎﺑﻴﻨﯽ ﺗﻬﺮاﻧﺪا ﭼﺎپ اﺋﺘﺪﻳﺮﻩ‬
‫ﺑﻴﻠﺪﻳﻢ‪ .‬ﺑﻮ ﮐﻴﺘﺎﺑﻼرﻳﻦ ﭼﺎپ اوﻟﻮب ﻳﺎﻳﻴﻠﻤﺎﺳﯽ ﺻﻤﺪﻟﻪ ﺑﻬﺮوزا ﻗﺎﻧﺎد وﺋﺮدﯼ و اوﻧﻼرﯼ ﮔﺆردوﮐﻠﺮﯼ اﻳﺸﺪﻩ ﺑﻴﺮ‬
‫داهﺎ روﺣﻼﻧﺪﻳﺮدﯼ‪ .‬ﺻﻤﺪ ﻣﺤﺒﺘﻠﻪ دوﻟﻮ ﺑﻴﺮ ﻣﮑﺘﻮﺑﺪا ﻗﺮاﻣﺮ ﮐﻴﺘﺎﺑﻰﻧﻴﻦ اورﺗﺎﻳﺎ ﭼﻴﺨﻤﺎﺳﻴﻨﻰ ﺑﺆﻳﻮﮎ ﺣﺎدﻳﺜﻪ‬
‫ﺳﺎﻧﺪﯼ و اوﻧﺪان دؤﻧﻪ‪-‬دؤﻧﻪ ﻓﺎﻳﺪاﻻﻧﺪﻳﻐﻴﻨﯽ ﺑﻴﻠﺪﻳﺮدﯼ و ﺑﻬﺮوز ﺑﺎﻳﺎﺗﻴﻼرﻳﻦ اﻳﮑﻴﻨﺠﻲ ﭼﺎﭘﻴﻨﯽ ﺣﺎﺿﻴﺮﻻﻣﺎﻗﺪا‬
‫ﺟﺎن ﺁﺗﻤﺎﻏﺎ‪ ،‬اوﻧﺎ ﺗﺼﻮﻳﺮﻟﺮ و ﺗﺎﺑﻠﻮﻻر ﭼﮑﺪﻳﺮﻣﮕﻪ ﺑﺎﺷﻼدى‪.‬‬
‫‪-١٣۴٧‬ﺟﯽ اﻳﻠﻴﻦ ﻳﺎﻳﻴﻨﺪا ﻣﻦ ﻳﺌﻨﻪ ﺗﺒﺮﻳﺰﻩ ﮔﻠﺪﻳﮕﻴﻢ ﺳﻴﺮادا ﺻﻤﺪ و دوﺳﺘﻼرى اﻳﻠﻪ ﮔﺆرﺷﺪوم‪ .‬ﺑﻬﺮوز او‬
‫اﻳﻞ هﺎﻧﺴﻰ ﺳﻤﻴﻨﺎردا‪-‬اوﻻ ﺑﻴﻠﺴﻴﻦ اوﺷﺎق ادﺑﻴﺎﺗﯽ ﺳﻤﻴﻨﺎرﻳﻨﺪا اﻳﺸﺘﻴﺮاﮎ اﺋﺘﻤﮏ اوﭼﻮن اﺳﭙﺎﻧﻴﺎﻳﺎ‬
‫ﮔﺌﺘﻤﻴﺸﺪﯼ‪ .‬ﺑﻴﺰ ﺁﻳﺮﻳﻼﻧﺪا ﺻﻤﺪ ﻣﻨﯽ ﺑﻴﺮ ﻃﺮﻓﻪ ﭼﮑﻴﺐ و دﺋﺪى ﻣﻦ ﻓﻮﻟﮑﻠﻮر ﺑﺎرﻩدﻩ ﻳﺎزﯼ‪-‬ﭘﻮزوﻻرﻳﻤﻴﺰﯼ هﺮ ﻧﻪ‬
‫وارﺳﺎ ﺳﻴﺰﻩ ﺗﺎﭘﻴﺸﻴﺮاﺟﺎﻏﺎم‪ .‬ﺑﻮﻧﻮ ﺑﻬﺮوز دا ﺑﻴﻠﻴﺮ‪ .‬ﺳﻴﺰ اوﻧﻼردان اﻳﺴﺘﻪدﻳﮕﻴﻨﻴﺰ ﮐﻴﻤﯽ‪ ،‬ﺣﺘﺎ ﺑﻴﺰﻟﺮدن ﺁد‬
‫ﺁﭘﺎرﻣﺎدان ﺑﺌﻠﻪ‪ ،‬ﻳﺌﺮﯼ ﮔﻠﻴﻨﺠﻪ اﻳﺴﺘﻴﻔﺎدﻩ اﺋﺪﻩ ﺑﻴﻠﺮﺳﻴﺰ‪ .‬دردﻳﺰﻩ دﮔﻤﻪﺳﻪ دﻩ‪ ،‬ﺑﻴﺮ ﻃﺮﻓﻪ ﺑﻮراﺧﺎرﺳﻴﺰ‪ .‬اﻳﻨﺪﯼ‬
‫اﻳﺴﺘﻪﻳﻴﺮﺳﻴﺰ ﻣﻦ اوﻧﻼرﯼ ﺳﻴﺰﻩ ﮔﺘﻴﺮﻳﻢ و اﻳﺴﺘﻪﻳﻴﺮﺳﻴﺰ دﻩ ﺗﻬﺮاﻧﺎ ﮔﺆﻧﺪرﻳﻢ؟ دﺋﺪﻳﻢ ﺗﻬﺮاﻧﺎ ﮔﺆﻧﺪرﻣﻪﻧﻴﺰ داهﺎ‬
‫ﻳﺎﺧﭽﻰ اوﻟﻮر‪.‬‬
‫ﺁز ﻣﻮدت ﺳﻮﻧﺮا ﺻﻤﺪﻳﻦ ﮔﺆﻧﺪردﻳﮕﻰ ﺑﺎﻏﻼﻣﺎ ان ﺗﻬﻠﻮﮐﻪﻟﻰ ﮔﻮﻧﻠﺮدﻩ ﮔﻠﻴﺐ ﻣﻨﻪ ﭼﺎﺗﺪى و ﻣﻦ اوﻧﺎ ال‬
‫وورﻣﺎدان‪ ،‬هﻠﻪ اؤز ال ﻳﺎزﻣﺎﻻرﻳﻤﻼ ﺑﻴﺮﻟﻴﮑﺪﻩ ﺑﻴﺮﻳﺴﻴﻨﻪ اﻣﺎﻧﺖ ﺗﺎﭘﻴﺸﻴﺮدﻳﻢ‪ .‬او اﻣﺎﻧﺖ ﺑﻮرادا داﻧﻴﺸﻤﺎﻏﺎ ﻟﻮزوﻣﻮ‬
‫اوﻟﻤﺎﻳﺎن ﺳﺒﺒﻠﺮدن ﺁﺳﻴﻠﻰ اوﻻراق‪ ٢۵ ،‬اﻳﻞ ﺳﻮﻧﺮا ﮔﻠﻴﺐ ﻳﺌﻨﻴﺪن ﻣﻨﻪ ﭼﺎﺗﺪى و هﻠﻪ ﻧﻪ ﻳﺎﺧﭽﻰ ﮐﻰ‪ ،‬ﮔﻠﻴﺐ‬
‫ﭼﺎﺗﺪى‪ ،‬اؤز ﻳﺎزى‪-‬ﭘﻮزوﻻرﻳﻤﺪان ﭼﻮخ ﺻﻤﺪ و ﺑﻬﺮوزون ﻓﻠﮑﻠﻮر ﺑﺎرﻩ دﻩ ﺗﻮﭘﻼدﻳﻘﻼرى ﻣﻨﻰ ﭼﻮخ ﺳﺌﻮﻳﻨﺪﻳﺮدى‪.‬‬
‫ﺁرزى اﺋﺪﻳﺮم و اﺋﻠﻪ ﺑﻴﻠﻴﺮم ﺑﻮ ﺻﻤﺪﻳﻦ و ﺑﻬﺮوزون دا ﺁرزوﺳﻮ اوﻟﻤﻮش اوﻟﺴﻮن‪ ،‬ﺑﻮ ﻧﺎﻏﻴﻠﻼر اﺋﻠﻪ هﻤﺎن‬
‫ﻳﺎزﻳﻠﺪﻳﻐﻰ اوﺳﻠﻮب و اﻳﻤﻼدا و اﻳﻤﮑﺎن ﻗﺪر اوﻧﻼردا ال ﺁﭘﺎرﻣﺎدان ﭼﺎپ اﺋﺪﻳﻠﺴﻴﻦ‪...‬‬
‫ﺻﻤﺪ ﺑﻬﺮﻧﮕﯽ و ﺑﻬﺮوز دهﻘﺎﻧﯽﻧﻴﻦ ﺳﻮﻧﺮادان ﺗﺎﭘﻴﻠﻤﻴﺶ ﺁذرﺑﺎﻳﺠﺎن ﻧﺎﻏﻴﻠﻼرﻳﻨﺎ ﻳﺎزﻳﻠﻤﻴﺶ ﺑﺎﺷﻼﻧﻴﺸﺪان‪.‬‬

‫م‪٠‬ع‪٠‬ﻓﺮزاﻧﻪ‬
 ‫ﺣﻼﻟﺰادﻩ ﻗﺮدش اﻳﻠﻪ ﺣﺮاﻣﺰادﻩ ﻗﺮدش‬
‫ﺑﻴﺮ ﮔﻮن وار اﻳﺪﯼ‪ ،‬ﺑﻴﺮ ﮔﻮن ﻳﻮخ اﻳﺪﯼ‪ .‬ﺑﻴﺮ داﻧﺎ ﺣﻼﻟﺰادﻩ ﻗﺮدش وار اﻳﺪﯼ‪ ،‬ﺑﻴﺮ داﻧﺎ ﺣﺮاﻣﺰادا‪ ،‬ﺷﻬﺮدﻩ داهﺎ‬
‫اﻳﺶ ﻳﻮخ اﻳﺪى‪ .‬ﺑﻮﻧﻼر دﺋﻴﻪرﻟﺮ‪ :‬ﻧﻪ اﺋﻠﻴﻪﮎ‪ ،‬ﻧﻪ اﺋﻠﻪﻣﻴﻪﮎ؟ دﺋﻴﻪرﻟﺮ ‪ :‬دوراق ﮔﺌﺪﮎ ﺑﻴﺮ ﺁﻳﺮى ﺷﻬﺮدﻩ اﻳﺶ‬
‫ﺗﺎﭘﺎق‪.‬‬
‫ﺑﻮﻧﻼر دﺳﺘﻤﺎﻟﻼرﻳﻨﺎ ﭼﻮرﮎ ﺑﺎﻏﻼرﻻر‪ ،‬دوﺷﺮﻟﺮ ﻳﻮﻻ‪ .‬ﻧﺎهﺎر ﭼﺎﻏﯽ ﻳﺌﺘﻴﺸﺮﻟﺮ ﺑﻴﺮ ﺳﻮﻳﻮن ﺑﺎﺷﻴﻨﺎ‪ .‬ﺣﺮاﻣﺰادا‬
‫ﻗﺮدش دﺋﻴﻪر‪ :‬ﭼﺆرﻩ ﮔﻴﻨﯽ ﺁچ ﻳﺌﻴﻪﮎ‪ .‬ﺁﺧﺸﺎم دا ﻣﻨﻴﻤﮑﻴﻦ ﻳﺌﻴﻪرﻳﮏ‪.‬‬
‫ﺣﻼﻟﺰادﻩ ﻗﺮدش ﺑﻴﺮ ﺳﺆز دﺋﻤﺰ‪ .‬دﺳﺘﻤﺎﻟﻴﻦ ﺁﭼﺎر ﺑﺎﺷﻼرﻻر ﻳﺌﻤﻪﮔﻪ‪ .‬ﺳﻮﻧﺮا ﮔﻴﻨﻪ دوﺷﺮﻟﺮ ﻳﻮﻻ‪ .‬ﺁﺧﺸﺎم‬
‫ﭼﺎﻏﯽ ﻳﻮرﻏﻮن‪-‬ﺁرﻏﻴﻦ ﻳﺌﺘﻴﺸﺮﻟﺮ ﺑﻴﺮ ﻳﺌﺮﻩ‪ .‬ﺣﻼﻟﺰادﻩ ﻗﺮدش دﺋﻴﻪر‪ :‬ﻗﺮدش‪ ،‬اﻳﻨﺪﯼ دﻩ ﻣﻦ ﺁﺟﺎم‪ .‬ﮔﺘﻴﺮ‬
‫ﭼﺆرەﮔﻴﻨﺪن ﻳﺌﻴﻪﮎ‪ .‬دﺋﻴﻪر‪ :‬اوﻏﻼن‪ ،‬ﮔﺌﺖ اﻳﺸﻴﻨﻴﻦ داﻟﻴﺠﺎ! ﭼﺆرﻩ ﮎ ﺁﻧﺠﺎق ﻣﻨﯽ ﮔﺆرﻩ‪.‬‬
‫ﺑﻮ‪ ،‬ﻧﻪ ﻗﺪر اﻳﻠﻼﻩ اﺋﻠﺮ‪ ،‬اوﻟﻤﺎز‪ .‬ﺁﺧﻴﺮدا ﺑﻮﻧﻼر ﺳﺎواﺷﺎرﻻر‪ .‬ﺣﻼﻟﺰادە ﻗﺮدش ﺑﻴﺮ ﻃﺮﻓﻪ ﮔﺌﺪر‪ ،‬ﺣﺮاﻣﺰادا‬
‫ﻗﺮدش ﺑﻴﺮ ﻃﺮﻓﻪ‪.‬‬
‫ﺣﻼﻟﺰادﻩ ﺁج‪ ،‬ﺳﻮﺳﻮز ﮔﻠﺮ ﻳﺌﺘﻴﺸﺮ ﺑﻴﺮ ﻣﻐﺎرﻩﻳﻪ‪ ،‬دﺋﻴﻪر ﮔﺌﺠﻪﻧﯽ ﺑﻮرادا داﻟﺪاﻻﻧﻴﻢ ﺳﺤﺮ دوﺷﻮم ﯾﻮﻻ‪.‬‬
‫ﮔﻴﺮەر ﻣﻐﺎرﻩ ﻳﻪ ﮔﺆرەر هﺌﭻ ﮐﻴﻢ ﻳﻮﺧﺪو‪ .‬ﺑﻴﺮدن‪-‬ﺑﻴﺮﻩ ﮔﺆرەر ﺁﻳﺎق ﺳﺴﻰ ﮔﻠﻴﺮ‪ ،‬ﺗﺌﺰ ﻗﺎﭼﺎر ﮔﻴﺮەر ﺑﻴﺮ داﻟﺪا ﻳﺌﺮﻩ‬
‫ﮔﻴﺰﻟﻨﻪر‪.‬‬
‫ﮔﻮﻧﺒﻮﻟﺪوﻳﺎ‪-‬ﮔﻮﻧﺒﻮﻟﺪوﻳﺎ ﺑﻴﺮ داﻧﺎ ﺁﻳﯽ ﮔﻠﺮ ﺑﻴﺮ ﺁز ﺳﻮﻧﺮا ﺗﺎﭘﻴﻴﻠﺪﻳﺎ‪-‬ﺗﺎﭘﺒﻴﻠﺪﻳﺎ ﺑﻴﺮ ﻗﻮرد‪ ،‬ﺳﻮﻧﺮا ﺑﻴﺮ ﺗﻮﻟﮑﻮ‪ .‬ﺑﻮﻧﻼر‬
‫ﮔﻠﺮﻟﺮ اوﺗﻮرارﻻر ﻣﻐﺎرﻩﻧﻴﻦ اﻳﭽﻴﻨﺪﻩ‪.‬‬
‫ﻗﻮرد دﺋﻴﻪر‪ :‬ﺁﻳﯽ ﻗﺮدﻩش‪ ،‬ﮐﺌﻔﻴﻦ ﺑﺮﮎ ﮐﺆﮎ دﯼ‪ ،‬ﻧﻪ وار؟ دﺋﻴﻪر‪ :‬ﻧﻪ اوﻻﺟﺎق‪ ،‬ﺑﻴﺮ داﻧﺎ ﺧﺮاﺑﻪ ﺗﺎﭘﻤﻴﺸﺎم‬
‫ﺁﻟﺘﯽ ﺑﻮﺗﻮن ﺧﺰاﻧﻪ دﯼ‪ .‬ﮔﻮﻧﺪﻩ ﮔﺌﺪﻳﺮم اورا ﺑﻴﺮ‪-‬اﻳﮑﯽ ﺗﭙﻴﮏ وورورام ﮔﻮﻧﺒﻮﻟﺪور‪ .‬ﺳﻮﻧﺮا ﻗﻮﻻﻏﻴﻤﯽ داﻳﻴﺮام‬
‫ﻗﻮﻻق ﺁﺳﻴﺮام‪.‬‬
‫ﻗﻮرد دﺋﻴﻪر‪ :‬ﺑﺲ‪ ،‬ﻣﻨﺪن ﺧﺒﺮﻳﻦ ﻳﻮﺧﺪو‪ .‬ﭘﺎدﺷﺎهﻴﻦ ﻗﻴﺰﯼ ﻧﻮﺧﻮش دو‪ .‬هﺮ ﻧﻤﻨﻪ ﺣﮑﻴﻢ ﮔﺘﻴﺮﻳﺒﻠﺮ اوﻟﻤﺎﻳﻴﺐ‪.‬‬
‫داواﺳﻴﻦ ﻣﻦ ﺑﻴﻠﻴﺮم‪ .‬ﺑﻴﺮ داﻧﺎ ﺳﻮرو وار‪ ،‬اﻳﭽﻴﻨﺪﻩ ﺑﻴﺮ ﻗﺮﻩ ﻗﻮﻳﻮن‪ ،‬او ﻗﻮﻳﻮﻧﻮن ﺑﺌﻴﻨﻴﻦ ﻗﻮرودﺳﺎن‪ ،‬ﻗﻴﺰﻳﻦ ﺑﻮرﻧﻮﻧﺎ‬
‫ﭘﻮﻓﻠﻪﺳﻦ‪ ،‬ﻗﻴﺰ ﺗﻮﺧﺪار‪ .‬ﻣﻦ ﮔﻮﻧﺪﻩ ﮔﺆزﻟﻪﻳﻴﺮم اوﻧﻮ ﻗﺎﭼﻴﺮدام‪ .‬ﺁﻣﻤﺎ ﺣﻴﻒ ﮐﯽ‪ ،‬ﭼﻮﺑﺎن ﮔﺆز وﺋﺮﻳﺮ‪ ،‬اﻳﺸﻖ‬
‫وﺋﺮﻣﻴﺮ‪ .‬ﻣﻨﻴﻢ دﻩ ﺷﻮق‪-‬ذوﻗﻮم اوﻧﺎدﯼ‪.‬‬
‫ﺗﻮﻟﮑﻮ دﺋﻴﻪر‪ :‬اﺋﻠﻪ دﻩ ﻗﻮﻻق ﺁﺳﻴﻦ ﻣﻨﻪ‪ ،‬ﺑﻴﺮ داﻧﺎ ﺗﭙﻪ وار‪ ،‬اوﻧﻮن ﯾﺎﻧﻴﻨﺪا ﺑﻴﺮ ﺁﻗﭽﺎ ﺳﻴﭽﺎن ﻳﻮواﺳﯽ وار‪ .‬ﺑﻮ‬
‫ﺁﻗﭽﺎ ﺳﻴﭽﺎن ﮔﻮﻧﺪﻩ ﻗﻴﺰﻳﻠﻼرﯼ ﻳﻮواﺳﻴﻨﺪان ﭼﻴﺨﺎردار ﺳﺮەر ﮔﻮن ﻗﺎﺑﺎﻏﻴﻨﺎ اوﺳﺘﻮﻧﺪﻩ ﻣﻠﻼق ﺳﺎﻻر‪ .‬ﻣﻨﺪﻩ‬
‫اوﺗﻮرارام ﺗﭙﻪﻧﻴﻦ ﺑﺎﺷﻴﻨﺪا اوﻧﺎ ﺗﺎﻣﺎﺷﺎ اﺋﻠﻪرم‪.‬‬
‫ﺑﻮﻧﻼر ﺑﻴﺮ ﻗﺪردﻩ داﻧﻴﺸﺎﻧﺪان ﺳﻮﻧﺮا ﺑﺎﺷﻼرﻳﻦ ﻗﻮﻳﺎرﻻر ﻳﺎﺗﺎرﻻر‪.‬‬
‫اوﻏﻼن اؤز‪-‬اؤزﻧﻪ دﺋﻴﻪر‪ :‬ﺁﯼ ﺁﻻﻩ‪ ،‬ﻧﺌﺠﻪ اوﻻﯾﺪﯼ ﻣﻦ ﺳﺤﺮ ﭼﺎﻏﯽ ﺳﺎغ‪-‬ﺳﺎﻻﻣﺖ ﺑﻮرادان ﭼﻴﺨﻴﺐ‬
‫ﮔﺌﺪەﻳﺪﻳﻢ!‬
‫ﺳﺤﺮﭼﺎﻏﯽ ﺁﻳﯽ ﮔﻮﻧﺒﻮوﻳﺎ‪-‬ﮔﻮﻧﺒﻮﻟﺪوﻳﺎ ﮔﺌﺪر‪ ،‬ﻗﻮرد ﺗﺎﭘﺒﻴﻠﺪاﻳﺎ‪-‬ﺗﺎﭘﺒﻴﻠﺪاﻳﺎ‪ .‬ﺗﻮﻟﮑﻮ دﻩ ﮔﺌﺪر‪ .‬اوﻏﻼن ﭼﻴﺨﺎر‬
‫اﺋﺸﻴﮕﻪ‪ ،‬ﮔﺌﺪر ﺗﭙﻪﻧﻴﻦ ﯾﺎﻧﻴﻨﺎ‪ .‬ﮔﺆرەر ﺑﻠﯽ‪ ،‬ﺗﻮﻟﮑﻮ ﻗﺮدش اوﺗﻮروب ﺗﺎﻣﺎﺷﺎ اﺋﻠﻪﻳﻴﺮ ﺳﻴﭽﺎﻧﺎ‪ .‬ﺑﻴﺮ داش ﺁﺗﺎر‬
‫ﺗﻮﻟﮑﻮﻧﻮن ﻗﺎﺑﻴﺮﻗﺎﺳﻴﻨﺎ‪ .‬ﺗﻮﻟﮑﻮ داﺑﺎﻧﺎ ﻗﻮوت ﻗﻮﻳﺎر ﻗﺎﭼﺎر‪ .‬ﺳﻴﭽﺎن ﻗﻴﺰﻳﻠﻼرﯼ ﮔﻮن ﻗﺎﺑﺎﻏﻴﻨﺎ ﺳﺮﻳﺐ اوﺳﺘﻮﻧﺪﻩ‬
‫ﻣﻠﻼق ﺳﺎﻟﻴﺮدﯼ‪ .‬اوﻏﻼﻧﻴﻦ ﺳﺴﻴﻦ اﺋﺸﻴﺘﺠﮏ ﻗﺎﭼﺎر ﮔﻴﺮەر ﯾﻮواﺳﻴﻨﺎ‪ .‬اوﻏﻼن ﮔﻠﺮ ﻗﻴﺰﻳﻠﻼرﯼ ﮔﺆﺗﻮرەر‬
‫دوﻟﺪورار ﺟﻴﺒﻴﻨﻪ ﮔﺌﺪر ﺳﻮروﻧﻮن ﻳﺎﻧﻴﻨﺎ‪ .‬ﺑﻴﺮ ﻗﺪر ﭘﻮل وﺋﺮەر ﻗﺮﻩ ﻗﻮﻳﻮﻧﻮ ﺁﻻر‪ .‬ﺑﺎﺷﻴﻦ ﮐﺴﺮ‪ .‬ﻟﺸﻴﻦ وﺋﺮﻩ ر ﭼﻮﺑﺎﻧﺎ‪.‬‬
‫ﮔﺘﻴﺮەر ﺑﺌﻴﻨﻴﻦ ﻗﻮرودار ﺗﺆﮐﺮ ﺑﻴﺮ ﺷﻮﺷﻪﻳﻪ‪ .‬ﮔﻠﺮ ﺷﺎهﻴﻦ ﻋﻤﺎرﺗﻴﻨﻴﻦ ﻗﺎﺑﺎﻏﻴﻨﺪا ﺑﺎﺷﻼر‪ :‬ﺣﮑﻴﻤﻢ‪ ،‬ﻃﺒﻴﺒﻢ!‬
‫ﺷﺎهﻴﻦ ﺁداﻣﻼرﯼ ﭼﻴﺨﺎر دﺋﻴﻪر‪ :‬اوﻏﻼن اﻳﻨﺪﻳﻪﺟﻪ ﻧﻤﻨﻪ ﺣﮑﻴﻢ ﮔﻠﻴﺐ ﺑﻮ ﻗﻴﺰﯼ ﺗﻮﺧﺪادا ﺑﻴﻠﻤﻪﻳﻴﺒﻠﺮ‪ ،‬ﺷﺎﻩ‬
‫وﺋﺮﻳﺐ ﺑﺎﺷﻼرﻳﻦ ﮐﺴﻴﺒﻠﺮ‪ .‬ﮔﻞ ﻗﻮﯼ ﭼﻴﺦ ﮔﺌﺖ!‬
‫اوﻏﻼن دﺋﻴﻪر‪ :‬اوﻟﺴﻮن‪ ،‬ﻣﻦ دﻩ ﺑﺎﺟﺎرا ﺑﻴﻠﻤﻪﺳﻢ‪ ،‬ﻣﻨﯽ دﻩ اؤﻟﺪورﺗﺴﻮن‪.‬‬
‫اوﻏﻼﻧﻰ ﮔﺘﻴﺮەرﻟﺮ اﻳﭽﺮﻳﻪ‪ .‬دﺋﻴﻪر‪ :‬هﺎﻣﯽ اوﺗﺎﻗﺪان ﭼﻴﺨﺴﻴﻦ‪ .‬هﺎﻣﯽ ﭼﻴﺨﺎر‪ .‬ﻗﻴﺰﻳﻼن اوﻏﻼن ﺗﮏ ﻗﺎﻻرﻻر‪.‬‬
‫اوﻏﻼن ﺷﻮﺷﻪﻧﯽ ﭼﻴﺨﺎردار‪ ،‬ﺑﻴﺮ ﺁز ﭘﻮﻓﻠﺮ ﻗﻴﺰﻳﻦ ﺑﻮرﻧﻮﻧﺎ‪ ،‬ﻗﻴﺰ ﺁﺳﻘﻴﺮار دورار ﺁﻳﺎﻏﺎ‪.‬‬
‫ﺷﺎﻩ ﮔﺆرەر ﻗﻴﺰى ﺗﻮﺧﺪادﯼ‪ ،‬ﺳﺌﻮﻳﻨﺪﻳﮕﻴﻨﺪن ﺑﻴﻠﻤﺰ ﻧﻪ اﺋﻠﻪﺳﻴﻦ‪ .‬دﺋﻴﻪر‪ :‬ﻣﻨﻰ اﻳﺴﺘﻪﻳﻦ ﺑﻮﻧﺎ اﻧﻌﺎم‪٠‬‬
‫هﺮ ﻃﺮﻓﺪن اوﻏﻼﻧﻴﻦ ﺑﺎﺷﻴﻨﺎ ﻗﻴﺰﻳﻞ ﻳﺎﻏﺪﻳﺮارﻻر‪.‬‬
‫ﺷﺎﻩ دﺋﻴﻪر ﻣﻨﺪن ﺑﻴﺮزاد اﻳﺴﺘﻪ!‬
‫اوﻏﻼن دﺋﻴﻪر ﻣﻦ هﺌﭻ زاد اﻳﺴﺘﻪﻣﻴﺮم‪ ،‬دﺋﺪﻳﮕﻴﻦ ﮐﻴﻤﻰ ﻗﻴﺰﻳﻨﯽ وﺋﺮ ﻣﻨﻪ ﺑﻴﺮ دﻩ ﺷﻬﺮﻳﻦ اﺋﺸﻴﮕﻴﻨﺪﻩ‬
‫ﮐﻲ ﺧﺮاﺑﻪﻧﯽ‪.‬‬
‫ﺷﺎﻩ دﺋﻴﻪر‪ :‬اوﻟﺴﻮن‪ ،‬ﻗﻴﺰﻳﻤﯽ وﺋﺮدﻳﻢ ﺳﻨﻪ‪ .‬ﺧﺮاﺑﻪ دﻩ ﺳﻨﻴﻦ‪.‬‬
‫اوﻏﻼن ﮔﻠﺮ ﺧﺮاﺑﻪﻧﻰ ﺳﺆﮐﺪورەر‪ .‬ﺧﺰاﻧﻪﻧﯽ ﭼﻴﺨﺎردار‪ .‬ﺳﻮﻧﺮا ﺑﻴﺮ داﻧﺎ ﮔﺆزل‪-‬ﮔﺆﻳﭽﮏ ﻋﻤﺎرت دوزﻟﺘﺪﻳﺮﻩر‪،‬‬
‫ﺷﺎهﻴﻨﮑﻴﻨﺪان دا ﺁرﺗﻴﻖ‪ ،‬ﻗﻴﺰﯼ دا ﺁﻻر‪.‬‬
‫ﺑﻴﺮ ﮔﻮن ﮐﻮﻟﻪﻓﺮﻧﮕﯽ دﻩ اوﺗﻮرﻣﻮﺷﺪو ﮔﺆرەر ﺣﺮاﻣﺰادا ﻗﺮدش ﺟﻴﺮﻳﻢ‪-‬ﺟﻴﻨﺪا اﻳﭽﻴﻨﺪﻩ ال‪-‬ﺁﻳﺎق ﻧﻪ ﺷﻴﺨﺪا‬
‫اورادان ﮐﺌﭽﻴﺮ‪ .‬اوﻧﻮ ﻳﺎﻧﻴﻨﺎ ﭼﺎﻏﺮﻳﺘﺪﻳﺮار‪.‬‬
‫دﺋﻴﻪر‪ :‬اوﻏﻼن ﻣﻨﯽ ﺗﺎﻧﻴﺮﺳﺎن؟‬
‫دﺋﻴﻪر‪ :‬ﻗﻮرﺑﺎﻧﻴﻦ اوﻟﻮم‪ ،‬ﯾﻮخ!‬
‫دﺋﻴﻪر‪ :‬ﻣﻦ هﺎﻣﺎن ﺁداﻣﺎم ﮐﯽ‪ ،‬ﺑﻴﺮ ﺗﻴﮑﻪ ﭼﺆرﻩ ﮐﺪن اؤﺗﺮو ﻣﻨﺪن ﺁﻳﺮﻳﻠﺪﻳﻦ‪.‬‬
‫ﺑﻮ اوﻏﻼن ﺑﻴﺮ ﺑﺎﺷﻴﻦ ﻗﺎوزار دوروﺳﺖ ﺑﺎﺧﺎر ﮔﺆرەر اؤزودو‪.‬‬
‫دﺋﻴﻪر‪ :‬ﺳﻦ ﻧﻪ اﺋﻠﻪدﻳﻦ ﺑﺌﻠﻪ دؤوﻟﺘﻠﯽ اوﻟﺪون؟‬
‫اوﻏﻼن ﺑﺎﺷﻴﻨﺎ ﮔﻠﻦ ﺣﺎل‪-‬ﻗﻀﻴﻪﻧﯽ ﺑﻮﻧﺎ دﺋﻴﻪر‪.‬‬
 ‫دﺋﻴﻪر‪ :‬ﻣﻦ دﻩ ﮔﺌﺘﺴﻢ اوﻻر؟‬
‫دﺋﻴﻪر‪ :‬ﺑﻴﻠﻤﻴﺮم‪.‬‬
‫ﺣﺮاﻣﺰادا ﻗﺮدش دورار ﮔﺌﺪر ﻣﻐﺎرﻩدﻩ ﮔﻴﺰﻟﻪﻧﺮ‪ .‬ﺑﻴﺮ ﺁز ﺳﻮﻧﺮا ﮔﻮﻧﺒﻮﻟﺪوﻳﺎ‪ -‬ﮔﻮﻧﺒﻮﻟﺪوﻳﺎ ﺑﻴﺮ ﺁﻳﯽ ﮔﻠﺮ‪ .‬ﺳﻮﻧﺮا‬
‫ﺗﺎﭘﺒﻴﻠﺪاﻳﺎ‪-‬ﺗﺎﭘﺒﻴﻠﺪاﻳﺎ ﺑﻴﺮ ﻗﻮرد‪ .‬ﺳﻮﻧﺮا ﺗﻮﻟﮑﻮ‪ .‬ﺑﻮﻧﻼر ﺑﺌﮑﺌﻒ‪-‬ﺑﺌﺪاﻣﺎق اوﺗﻮرارﻻر ﻳﺌﺮﻩ‪ .‬ﺑﻴﺮدن ﺗﻮﻟﮑﻮ دﺋﻴﻪر‪:‬‬
‫ﻗﺮدﺷﻠﺮ‪ ،‬ﺑﻴﺰ اوﻧﺪا ﮐﯽ ﺑﻮرادا داﻧﻴﺸﻴﺮدﻳﻖ ﺣﺘﻤﺎ ﺑﻴﺮ ﻧﻔﺮ ﺑﻨﯽﺁدام ﻗﻮﻻق ﺁﺳﻴﺮﻣﻴﺶ‪ .‬دورون ﺑﻮراﻧﯽ ﺑﻴﺮ‬
‫ﺁﺧﺘﺎراق‪.‬‬
‫دورارﻻر ﺁﻳﺎﻏﺎ‪ .‬ﻣﻐﺎرﻩ ﻧﯽ ﺁﺧﺘﺎرارﻻر‪ .‬اوﻏﻼﻧﯽ ﺗﺎﭘﺎرﻻر‪ ،‬ﺑﻮدارﻻر‪.‬‬
 ‫ﺣﺎﺟﯽ ﺻﻴﺎد ﻗﻴﺰی‬
‫ﮔﻮﻧﻠﺮﻳﻦ ﺑﻴﺮ ﮔﻮﻧﻮﻧﺪﻩ ﺑﻴﺮ ﺣﺎﺟﯽ ﺻﻴﺎد وار اﻳﺪﯼ‪ ،‬ﺑﻴﺮ ﻣﺎﻟﻼ دوﺳﺘﻮ‪ .‬ﻣﺎﻟﻼ ﺣﺎج ى ﻧﻴﻦ ﻗﻴﺰﻳﻨﺎ درس دﺋﻴﻪردﯼ‪.‬‬
‫ﺑﻴﺮ ﮔﻮن ﺣﺎﺟﻲ ﺻﻴﺎد اﻳﺴﺘﺮ ﮔﺌﺘﺴﻴﻦ ﻣﮑﻪﻳﻪ‪ .‬اوﻏﻠﻮن ﺁروادﻳﻦ دا ﺁﭘﺎرﻳﺮدﯼ‪ .‬ﻣﺎﻟﻼ ﺣﺎﺟﻴﻨﯽ ﻗﻮرار ﮐﯽ‪ ،‬ﻗﻴﺰﯼ‬
‫ﭘﺮﻳﻨﯽ ﺁﭘﺎرﻣﺎﺳﻴﻦ‪ ،‬درﺳﺪن داﻟﯽ ﻗﺎﻻر‪ .‬ﺣﺎﺟﯽ ﺻﻴﺎد ﺑﻴﺮ ﺁدام ﺁﺧﺘﺎرﻳﺮدﯼ ﮐﯽ‪ ،‬ﭘﺮﻳﻨﯽ اوﻧﺎ ﺗﺎﭘﻴﺸﻴﺮا ‪.‬‬
‫ﻣﺎﻟﻼ دﺋﻴﻪر‪ :‬ﺣﺎﺟﯽ ﺁﻗﺎ اؤزوز ﺑﻴﻠﺮﺳﻴﺰ‪ ،‬ﺁﻣﻤﺎ ﻗﻮﻳﻮن ﻣﻨﻴﻢ ﻳﺎﻧﻴﻤﺪا‪ ،‬اؤزوم ﺳﻨﺪن ﺁرﺗﻴﻖ ﻣﻮﻏﺎﻳﺎت اوﻻرام‪.‬‬
‫ﺣﺎﺟﯽ دﺋﻴﻪر ﻋﻴﺒﯽ ﻳﻮﺧﺪو‪ .‬ﻗﻴﺰﯼ ﻗﻮﻳﺎر ﻣﺎﻟﻼﻧﻴﻦ ﻳﺎﻧﻴﻨﺪا‪ .‬ﺁروادﻳﻦ اوﻏﻠﻮن ﮔﺆﺗﻮرەر ﮔﺌﺪر‪ .‬ﺑﺌﺶ ﮔﻮن‪ ،‬اون‬
‫ﮔﻮن ﮐﺌﭽﺮ‪ .‬ﮔﻮﻧﻠﺮﻳﻦ ﺑﻴﺮﻳﻨﺪﻩ ﻣﺎﻻ اﻳﺴﺘﺮ ﻗﻴﺰا ﺳﺎﺗﺎﺷﺎ‪ .‬ﻗﻴﺰ دﺋﻴﻪرﮐﯽ‪ ،‬ﺁﻏﺎم ﻣﻨﯽ ﺳﻨﻪ ﺗﺎﭘﻴﺸﻴﺮب‪ .‬هﺌﭻ‬
‫اوﺗﺎﻧﻤﻴﺮﺳﺎن؟ ﭘﻴﺲ دﯼ‪ .‬ﺳﺎﻗﻘﺎﻟﻴﻨﺪان اوﺗﺎن ﺑﺎرﯼ‪.‬‬
‫ﻣﺎﻟﻼ دﺋﻴﻪر‪ :‬اوﻻن دﮔﻴﻞ‪ ،‬ﮔﺮﮎ ﺑﺎﺷﻴﻨﯽ ﻣﻨﻠﻦ ﺑﻴﺮ اﺋﻠﻴﻪ ﺳﻦ!‬
‫ﻗﻴﺰ ﮔﺆرەر ﻣﺎﻟﻼ ال ﭼﮑﻦ دﮔﻴﻞ‪ .‬دورار ﺁﻓﺘﺎﻓﺎ ﮔﺆﺗﻮرﻣﮏ ﺁدﻳﻨﺎ ﭼﻴﺨﺎر اﺋﺸﻴﮕﻪ‪ ،‬ﺑﺎش ﺁﻻر ﮔﺌﺪر‪ .‬ﭼﺆﻟﻠﻮ‪-‬ﺑﺮرﯼ‬
‫ﺑﻴﺎﺑﺎﻧﺪا ﻳﺌﺘﻴﺸﺮ ﭼﺸﻤﻪ ﻗﻴﺮاﻏﻴﻨﺎ‪ .‬ﺑﻴﺮ داﻧﺎ ﺁﻏﺎج وار اﻳﺪﯼ‪ .‬ﭼﻴﺨﺎر ﺁﻏﺎﺟﺎ‪ ،‬اوﺗﻮرﻣﻮﺷﺪو ﻓﻴﮑﻴﺮﻟﺸﻴﺮدﯼ ﮐﯽ‪،‬‬
‫ﮔﺆرەﺳﻦ ﻧﻪ اﺋﻠﻪﻳﻴﻢ‪ ،‬ﻧﻪ اﺋﻠﻪﻣﻪﻳﻴﻢ؟ ﮔﺆرەﺳﻦ ﺑﺎﺷﻴﻤﻴﻦ ﻗﻀﻮ‪-‬ﻗﺪرﯼ ﻧﻪ دﯼ؟‬
‫ﺳﻦ دﺋﻤﻪ ﭘﺎدﺷﺎﻩ ﮔﻠﻴﺮ ﺁﺗﻴﻦ ﺳﻮﻳﺎرﺳﻴﻦ‪ ،‬ﮔﺆرەر ﺁت ﺳﻮدان اوﻟﮑﻮر‪ .‬ﺑﺎﺧﺎر ﺳﻮﻳﺎ ﮔﺆرەر ﺁدام ﺷﻮﻗﯽ‬
‫دوﺷﻮب ﺳﻮﻳﺎ‪ .‬ﺑﺌﻠﻪ ﺑﺎﺧﺎﻧﺪا ﺁﻏﺎﺟﺎ‪ ،‬ﮔﺆزل ﺑﻴﺮ ﻗﻴﺰ ﮔﺆرەر‪ .‬ﺑﻴﺮ ﮔﺆﻳﻮﻟﺪن ﻣﻴﻦ ﮔﺆﻳﻮﻟﻪ ﻗﻴﺰا ووروﻻر‪.‬‬
‫ﻗﻴﺰ دﺋﻴﻪر‪ :‬ﻗﻴﺎﻣﺖ ﮔﻮﻧﻮ ﻗﺎرداﺷﻴﻢ‪ ،‬ﺑﺎﺧﻤﺎ ﻣﻨﻪ! ﮔﺆروﺳﻦ ﺑﺎش ﺁﭼﻴﻐﺎم‪ .‬ﻗﻮﯼ ﮔﺌﺖ اﻳﺸﻴﻨﻪ!‬
‫ﭘﺎدﺷﺎﻩ دﺋﻴﻪر‪ :‬اوﻟﻤﺎز‪ ،‬ﮔﺮﮎ دﺋﻴﻪﺳﻦ ﮐﻴﻤﺴﻦ؟ ﻧﻪ ﮐﺎراﺳﺎن؟ ﻧﻪ ﺳﻦ؟ ﮔﺮﮎ ﮔﻠﻪﺳﻦ ﻣﻨﻠﻦ ﮔﺌﺪﮎ‪.‬‬
‫ﻗﻴﺰ دﺋﻴﻪر‪ :‬ﮔﺆرورﺳﻦ ﺑﺎش ﺁﭼﻴﻐﺎم‪ .‬هﺌﭻ ﻳﺎﻧﺎ ﮔﺌﺪﻩ ﺑﻴﻠﻤﻪم‪.‬‬
‫ﭘﺎدﺷﺎﻩ دﺋﻴﻪر‪ :‬اﻳﻨﺪﯼ ﮐﯽ ﺑﺎش ﺁﭼﻴﻖ ﮔﻠﻨﻤﻪﺳﻦ‪ ،‬ﭘﺎﻟﺘﻮﻳﻮﻣﻮ ﺁﺗﻴﻢ‪ ،‬ﺳﺎل ﺑﺎﺷﻴﻨﺎ ﮔﺌﺪﮎ‪ .‬ﻗﻴﺰ ﺑﻮروﻧﺮ دوﺷﺮ‬
‫ﺁﺷﺎﻏﺎﻳﺎ‪ .‬ﭘﺎدﺷﺎﻩ اوﻧﻮ ﺁﻻر ﺁﺗﻴﻦ ﺗﺮﮐﻴﻨﻪ ﮔﺘﻴﺮەر ﺷﻬﺮﻩ‪ .‬ﻗﻴﺰ ﺁﭼﺎر ﺑﺎﺷﻴﻨﺎ ﮔﻠﻨﯽ دﺋﻴﻪر‪ .‬ﭘﺎدﺷﺎﻩ ﭘﻴﻐﻤﺒﺮﻳﻦ‬
‫ﺷﺮﻳﻌﺘﯽﻟﻦ‪ ،‬ﺁﻻهﻴﻦ ﺑﻮﻳﻮردوﻏﻮﻳﻼن ﻣﺎﻟﻼ ﭼﺎﻏﻴﺮار‪ ،‬ﮐﺒﻴﻦ ﮐﺴﺮ‪ ،‬ﻗﻴﺰﯼ ﺁﻻر‪ .‬وورار ﺑﻴﺮ ﻣﺪت ﺑﻮﻧﻮن اوﺳﺘﻮﻧﺪن‬
‫ﮐﺌﭽﺮ‪ .‬ﻗﻴﺰ ﺑﻴﺮ ﺟﻮت اوﻏﻼن دوﻏﺎر‪ .‬ﺑﻴﺮ اﻳﻞ‪ ،‬اﻳﮑﯽ اﻳﻞ‪ ،‬اوﻏﻼﻧﻼر اوﻻرﻻر اوچ‪-‬دؤرد ﻳﺎش‪ .‬ﺑﻮﻧﻼر ﺑﻮرادا‬
‫ﻗﺎﻟﻤﺎﻗﺪا اوﻟﺴﻮﻧﻼر‪ .‬ﺳﻨﻪ دﺋﻴﻴﻢ ﮐﻴﻤﺪن؟ ﺣﺎﺟﯽ ﺻﻴﺎددان‪ ،‬ﻣﺎﻟﻼدان‪.‬‬
‫ﭘﺮﯼ ﻗﻮﻳﻮب ﻗﺎﭼﺎﻧﺪان ﺳﻮﻧﺮا ﻣﺎﻟﻼ ﮔﺆﺗﻮرەر ﮐﺎﻏﺎز ﻳﺎزار ﮐﯽ‪ ،‬ﺣﺎﺟﯽ ﺑﺎﺷﻴﻨﺎ ﺧﻴﻴﺮ! ﻗﻴﺰﻳﻦ ﭘﻴﺲ‪-‬ﭘﻴﺲ‬
‫اﻳﺸﻠﺮدن ﭼﻴﺨﻴﺮ‪ .‬ﮔﻞ ﺻﺎﺣﺎب دور! ﻣﻦ ﻗﺎﺑﺎﻏﻴﻦ ﺁﻻ ﺑﻴﻠﻤﻴﺮم‪ .‬ﺣﺎﺟﯽ ﺻﻴﺎد دا اوﻏﻠﻮﻧﺎ دﺋﻴﻪر ﮐﯽ‪ ،‬اوﻏﻮل ﻣﻨﻴﻢ‬
‫ﺁﺑﺮﻳﻢ وار‪ ،‬داهﺎ ﺷﻬﺮﻩ ﮔﺌﺪﻩ ﺑﻴﻠﻤﻪرم‪ .‬ﮔﺌﺪﻩﺳﻦ ﺑﺎﺟﻴﻨﯽ اؤﻟﺪورﻩﺳﻦ‪ ،‬دوﻧﻮﻧﻮ ﻗﺎﻧﺎ ﺑﻮﻻرﺳﺎن‪ ،‬ﮔﺆﻧﺪەرەﺳﻦ‬
‫ﻣﻨﻪ‪ ،‬اوﻧﺪا ﮔﻠﻢ ﺷﻬﺮﻩ‪ .‬ﻳﻮﺧﺴﺎ ﻧﻪ ﻗﺪر ﺑﺎﺟﻴﻦ ﭘﺮﯼ دﻳﺮﯼدﯼ ﺷﻬﺮﻩ ﮔﻠﻨﻤﻪرم‪.‬‬
‫اوﻏﻼن ﮔﻠﺮ ﺷﻬﺮﻩ‪ ،‬ﺳﻮراﻗﻼﺷﺎر ﺑﻴﻠﺮ ﮐﯽ‪ ،‬ﺑﺎﺟﻴﺴﯽ ﮔﻮﻧﺎهﺴﻴﺰ اﻳﻤﻴﺶ‪ .‬ﺁﺧﺘﺎرار ﺑﺎﺟﻴﺴﻴﻦ ﺗﺎﭘﺎﻧﻤﺎز‪ .‬ﺑﻴﺮ‬
‫داﻧﺎ ﻗﻮش وورا ﺑﺎﺟﻴﺴﻴﻨﻴﻦ دوﻧﻼرﻳﻨﺪان ﺑﻴﺮﻳﻦ ﺑﻠﺮ ﻗﺎﻧﺎ ﮔﺆﻧﺪەرەر ددﻩ ﺳﻴﻨﻪ ﮐﯽ‪ ،‬ﺑﺎﺟﻴﻤﯽ اؤﻟﺪوردوم‪ ،‬ﮔﻞ‪.‬‬
‫ﺑﻴﻠﺮ ﮐﯽ ددەﺳﯽ ﻣﺎﻟﻼﻧﻴﻦ ﺳﺆزون ﻗﻮﻳﻮب اوﻧﻮن ﺳﺆزوﻧﻪ ﺑﺎﺧﻤﺎﻳﺎ ﺟﺎق‪ .‬هﺌﭻ زاد ﺑﻴﻠﺪﻳﺮﻣﺰ‪.‬‬
‫ﭘﺮﯼ ﺑﻴﺮ ﮔﻮن اوﺗﻮرﻣﻮﺷﺪو‪ ،‬ددﻩ‪-‬ﻧﻨﻪ ﺳﯽ ﻳﺎدﻳﻨﺎ دوﺷﺮ‪ ،‬اورﻩﮔﻰ ﺗﻮﺗﻮﻻر‪ ،‬ﺑﺎﺷﻼر ﺁﻏﻼﻣﺎﻏﺎ‪ .‬ﭘﺎدﺷﺎﻩ ﮔﻠﺮ‬
‫دﺋﻴﻪرﮐﯽ‪ ،‬ﭘﺮﯼ ﻧﻪ اوﻟﻮب؟ ﻧﻴﻪ ﺁﻏﻠﻴﺮﺳﺎن؟ ﻧﻪ ﻓﻴﮑﻴﺮﻳﻦ وار؟‬
‫ﭘﺮﯼ دﺋﻴﻪر‪ :‬ﺁﻟﻼهﺪان ﮔﻴﺰﻟﻴﻦ دﮔﻴﻞ‪ ،‬ﺳﻨﺪن ﻧﻪ ﮔﻴﺰﻟﻴﻦ‪ .‬ﺑﻪ‪ ،‬ﺑﺌﻠﻪ‪ ...‬ددﻩ‪-‬ﻧﻨﻪم ﻳﺎدﻳﻤﺎ دوﺷﻮب‪.‬‬
‫ﭘﺎدﺷﺎﻩ دﺋﻴﻪر‪ :‬ﻣﻨﻪ ﻣﻤﮑﻦ اوﻟﻤﺎز ﺳﻨﯽ ﺁﭘﺎرام‪ .‬هﺮ زاﻣﺎن دﺋﺴﻪن وزﻳﺮﻳﻤﯽ ﻗﻮﺷﻮم ﮔﺌﺖ ﮔﺆر ﮔﻞ‪.‬‬
‫ﭘﺎدﺷﺎﻩ وﺋﺮەر ﺳﻠﻪ‪-‬ﺳﻮﻗﺖ ﺗﻮﺗﺎرﻻر‪ ،‬ﮐﺠﺎوﻩ ﻳﻮﻧﺪورارﻻر‪ .‬وزﻳﺮﯼ ﻗﻮﺷﺎر دﺋﻴﻪر‪ :‬وزﻳﺮ ﺁﭘﺎر اؤﺗﻮر ددﻩﺳﯽ‬
‫اﺋﻮﻳﻨﻪ‪ ،‬ﻗﺎﻳﻴﺖ ﮔﻞ‪ .‬ﺳﻮﻧﺮا ﮔﺌﺪرﺳﻦ ﮔﺘﻴﺮەرﺳﻦ‪.‬‬
‫ﭘﺮﯼ اوﻏﻼﻧﻼرﻳﻦ دا ﮔﺆﺗﻮرەر وزﻳﺮﻳﻠﻪ ﻳﻮﻻ دوﺷﺮﻟﺮ‪.‬‬
‫ﺑﻴﺮ ﮔﻮن ﭼﺆﻟﺪﻩ دوﺷﻤﻮﺷﺪوﻟﺮ دﻳﻨﺠﻠﻤﻪﮔﻪ‪ .‬وزﻳﺮ ﻗﻴﺰا ﺑﻨﺪ اوﻻر‪ .‬دﺋﻴﻪرﮐﯽ‪ ،‬ﮔﺮﮎ ﺑﺎﺷﻴﻨﯽ ﻣﻨﻠﻦ ﺑﻴﺮ اﺋﻠﻴﻪ‬
‫ﺳﻦ! اﺋﻠﻪ ﻣﻪ ﺳﻦ ﺑﻴﺮ اوﻏﻠﻮﻧﻮن ﺑﺎﺷﻴﻦ ﮐﺴﺮم‪.‬‬
‫ﻗﻴﺰ ﮔﺆرەر ﭘﻴﺲ ﮔﺘﻴﺮﻳﺐ‪ .‬ﺁز دﺋﻴﻪر‪ ،‬ﭼﻮخ دﺋﻴﻪر‪ ،‬اوﻟﻤﺎز‪ .‬وزﻳﺮ دورار ﮔﺆزوﻧﻮن ﻗﺎﺑﺎﻏﻴﻨﺪا ﺑﻴﺮ اوﻏﻠﻮﻧﻮن ﺑﺎﺷﻴﻦ‬
‫ﮐﺴﺮ‪ .‬دﺋﻴﻪر‪ :‬اﻳﻨﺪﯼ ﻧﻪ دﺋﻴﻴﺮﺳﻦ‪ ،‬ﺑﺎﺷﻴﻨﯽ ﻣﻨﻠﻦ ﺑﻴﺮ اﺋﻠﻪ ﻳﻴﺮﺳﻦ ﻳﺎ ﻳﻮخ؟‬
‫ﭘﺮﯼ دﺋﻴﻪرﮐﯽ‪ ،‬ﻳﻮخ!‬
‫وزﻳﺮ دورار او ﺑﻴﺮﯼ اوﻏﻠﻮﻧﻮن دا ﺑﺎﺷﻴﻦ ﮐﺴﺮ‪ .‬دﺋﻴﻪر‪ :‬اﻳﻨﺪﯼ ﺑﺎﺷﻴﻦ ﻣﻨﻠﻦ ﺑﻴﺮ اﺋﻠﻪ ﻳﻴﺮﺳﻦ اﺋﻠﻪ‪ ،‬اﺋﻠﻪﻣﻪ‬
‫ﻳﻴﺮﺳﻦ اؤزوﻧﻮدﻩ اؤﻟﺪورﻩ ﺟﮕﻢ‪.‬‬
‫ﭘﺮﯼ دورار اﺋﺸﻴﮕﻪ ﭼﻴﺨﻤﺎق ﻣﺎهﺎﻧﺎﺳﻴﻨﺎ اوزاﻗﻼﻧﺎر‪ .‬ﭼﺮﻗﺘﻴﻦ ﺑﺎﺷﻴﻨﺎ ﺳﺎﻻر‪ ،‬اﮐﻴﻠﺮ‪ .‬وزﻳﺮ هﺎ ﮔﺆزﻟﺮ ﮔﺆرەر‬
‫ﭘﺮﯼ اوﺗﻮروب ﮔﻠﻤﻴﺮ‪ .‬ﮔﺌﺪر ﮔﺆرەر ﭘﺮﯼ هﺎرداﻳﺪﯼ‪ .‬دﺋﻴﻪر‪ :‬ﻗﺮﻳﺒﻪ اﻟﻴﻤﻪ رﻧﮓ ﻗﻮﻳﺪو‪ .‬ﻗﺎﻳﻴﺪار ﮔﻠﺮ ﭘﺎدﺷﺎهﺎ دﺋﻴﻪر‪:‬‬
‫ﺁﭘﺎردﻳﻢ اؤﺗﻮردوم‪ .‬ﺁﻣﻤﺎ ﭘﻴﺲ ﺁداﻣﺎ ﺑﻨﺰﻩ ﻳﻴﺮ‪ .‬هﺮدم دوروردو اوﻳﺎن‪-‬ﺑﻮﻳﺎﻧﺎ ﮔﺌﺪﻳﺮدﯼ‪ .‬ﺷﻬﺮﻟﺮﻳﻨﻪ اﺗﻮردوم ﮔﻠﺪﻳﻢ‪.‬‬
‫هﺌﭻ اﺋﻮﻟﺮﻳﻦ دﻩ ﺗﺎﻧﻴﻤﺎدﻳﻢ‪.‬‬
‫ﭘﺮﯼ ﺑﺎش ﺁﻻر ﮔﺌﺪر‪ .‬ﺑﻴﺮ ﭼﻮﺑﺎﻧﺎ راﺳﺖ ﮔﻠﺮ‪ .‬ﺑﻮﻳﻮن‪-‬ﻗﻮﻻﻏﻴﻨﺪاﮐﯽ ﻗﻴﺰﻳﻠﻼردان وﺋﺮەر ﺑﻴﺮ داﻧﺎ ﻗﻮﻳﻮن ﺁﻻر‪.‬‬
‫ﭼﻮﺑﺎﻧﺎ دﺋﻴﻪر ﺑﺎﺷﻴﻦ ﮐﺴﺮ‪ ،‬ﻗﺎرﻧﻴﻦ ﭼﻴﺨﺎردار‪ .‬اوﻧﻮ ﭼﺌﻮﻳﺮەر ﺑﺎﺷﻴﻨﺎ اوﻻر ﺑﻴﺮ ﮐﺌﭽﻠﺠﻪ‪ .‬ﺑﻴﺮ دﺳﺖ ﮐﺆهﻨﻪ‬
‫ﮐﻴﺸﯽ ﭘﺎﻟﺘﺎرﯼ ﺁﻻر ﮔﺌﺪر اؤز ﺷﻬﺮﻟﺮﻳﻨﻪ‪ .‬اوﻳﺎﻧﺪا‪-‬ﺑﻮﻳﺎﻧﺪا‪ ،‬ﺑﺎزاردا ﺳﺴﻠﺮ‪ :‬ﺁﯼ ﻣﻨﯽ ﻧﺆﮐﺮ ﺗﻮﺗﺎن!‪ ..‬ﺁﯼ ﻣﻨﯽ‬
‫ﻧﺆﮐﺮ ﺗﻮﺗﺎن!‪..‬‬
‫دورار ددﻩ ﺳﻴﻨﻪ راﺳﺖ ﮔﻠﺮ‪ .‬ﺣﺎﺟﯽ ﺻﻴﺎدﻳﻦ اورەﮔﯽ ﻗﻴﺰﯼ ﺧﻮﺷﻼر‪ .‬دﺋﻴﻪر‪ :‬اوﻏﻮل‪ ،‬ﻣﻨﻪ ﻧﺆﮐﺮ‬
‫اوﻻرﺳﺎن؟ دﺋﻴﻪر‪ :‬ﻧﻴﻪ اوﻟﻤﺎرام‪ .‬هﺎردا ﭼﺆرەﮎ ﭼﻴﺨﺎ‪ ،‬اوﻻرام‪.‬‬
‫ﭘﺮﯼ ﺳﻴﺮرﻳﻨﯽ ددﻩﺳﻴﻨﻪ ﺑﻴﻠﺪﻳﺮﻣﺰ‪ .‬ﺣﺎﺟﯽ ﺻﻴﺎد ﭘﺮﻳﻨﯽ ﺁﭘﺎرار اﺋﻮﻟﺮﻳﻨﻪ‪ .‬دﺋﻴﻪر‪ :‬ﺁرواد ﮔﻞ ﺑﺎخ! ﺑﻴﺮ داﻧﺎ ﻧﺆﮐﺮ‬
‫ﺗﺎﭘﻤﻴﺸﺎم‪.‬‬
‫ﺁروادﯼ ﺑﺎﺧﺎر دﺋﻴﻪر‪ :‬ﮔﺆزﻟﺮﯼ‪ ،‬ﻧﺌﺠﻪ ﻣﻨﻴﻢ ﻗﻴﺰﻳﻤﺎ ﺑﻨﺰﻳﺮ!‬
‫ﭘﺮﯼ اﺋﻮدﻩ ﺑﺎﺷﻼر اﻳﺸﻪ‪ .‬ﺣﺎﺟﯽ ﺻﻴﺎدﻳﻦ ﺁروادﯼ ﮔﺆرەر ﺑﻮ ﺑﺌﻠﻪ‪ ،‬ﻧﺆﮐﺮﭼﻴﻠﻴﮏ ﺑﺎﺷﺎرﻣﻴﺮ‪ .‬اﺋﻠﻪ اﺋﻮ اﻳﺸﻠﺮﻳﻦ‬
‫ﮔﺆرور‪ .‬ﻳﺎﺧﺠﯽ‪ ،‬اﺋﻮﻩ زﻳﻨﺖ وﺋﺮﻳﺮ‪ .‬اوﻏﻼن دا ﺑﺎﺧﻴﺮدﯼ ﭘﺮﯼ ﻳﻪ دﺋﻴﻴﺮدﯼ‪ :‬ﻧﻨﻪ‪ ،‬ﺑﺎخ ﮔﺆر ﻧﺌﺠﻪ ﺑﺎﺟﻴﻤﺎ ﺑﻨﺰﻳﺮ!‬
‫ﭘﺮﯼ اؤزوﻧﻪ ﭼﻮخ ﺣﺮﻣﺖ ﻗﺎزاﻧﺎر‪ .‬اﺋﻮدﻩ اوﻏﻮل ﺗﮑﻴﻦ اوﻻر‪.‬‬
‫ﺑﻮﻧﻼر ﺑﻮرادا ﻗﺎﻟﻤﺎﻗﺪا‪ ،‬ﺳﻨﻪ دﺋﻴﻴﻢ وزﻳﺮدن‪ ،‬ﭘﺎدﺷﺎهﺪان‪.‬‬
‫ﺑﻴﺮ ﮔﻮن ﭘﺎدﺷﺎﻩ اوﺗﻮرﻣﻮﺷﺪو‪ ،‬وزﻳﺮﻩ دﺋﻴﻪر‪ :‬وزﻳﺮ‪ ،‬ﻗﻴﺰ ﭼﻮخ ﻳﻮﺑﺎﻧﺪﯼ‪ ،‬دور ﮔﺌﺪﮎ ﺗﺎﭘﺎق ﮔﺘﻴﺮﮎ‪.‬‬
‫دورارﻻر درﺑﻴﺶ ﭘﺎﻟﺘﺎرﻳﻨﺪا ﮔﻠﺮﻟﺮ ﺷﻬﺮﻩ‪ .‬دوﻻﻧﻴﺮدﻳﻼر‪ .‬ﺑﻴﺮ ﮐﺌﭽﻠﺠﻪ ﺑﻮﻧﻼرﯼ ﮔﺆرەر ﺗﺎﻧﻴﺮ‪ .‬ﮔﻠﺮ اﺋﻮﻩ‪ .‬ﺣﺎﺟﯽ‬
‫ﺻﻴﺎدا دﺋﻴﻪر‪ :‬ﺁﻗﺎ‪ ،‬اﺟﺎزﻩ وﺋﺮﺳﻦ اﻳﮑﯽ داﻧﺎ ﻗﻮﻧﺎﻏﻴﻢ وار‪ ،‬ﺑﻮ ﮔﺌﺠﻪ ﻟﻴﮕﻪ ﺑﻮرادا ﻗﺎﻻرﻻر‪.‬‬
‫ﺣﺎﺟﯽ دﺋﻴﻪر‪ :‬اوﻏﻮل ﺑﻮﻻر ﻧﻪ ﺳﺆزدو؟ اﺋﻮ اؤزوﻧﻮﻧﮑﯽ دﯼ‪ .‬اﻳﮑﯽ اوﻟﻤﺎﺳﻴﻦ‪ ،‬ﻳﻮز اوﻟﺴﻮن‪.‬‬
‫ﮐﺌﭽﻠﺠﻪ ﮔﻠﺮ ﺑﻴﺮ دﻳﻠﻴﻠﻦ ﺑﻮﻧﻼرﯼ داﻧﻴﺸﺪﻳﺮار‪ .‬دﺋﻴﻪر‪ :‬ﮔﻠﻴﻦ ﮔﺌﺪﮎ ﮔﺌﺠﻪﻧﯽ ﻣﻨﻪ ﻗﻮﻧﺎق اوﻟﻮن‪.‬‬
‫دﺋﻴﻪرﻟﺮ‪ :‬ﺑﻮﺷﻼ ﭼﻴﺦ ﮔﺌﺖ! ﺳﻦ ﻧﺆﮐﺮ ﺑﺎﺑﺎﻧﻴﻦ ﺑﻴﺮﯼ‪ ،‬ﺳﻨﻴﻦ اﺋﻮﻳﻦ هﺎردا اﻳﺪﯼ ﮐﯽ‪ ،‬ﺑﻴﺰﯼ دﻩ ﻗﻮﻧﺎق‬
‫ﺁﭘﺎراﺳﺎن؟‬
‫دﺋﻴﻪر‪ :‬ﺳﻴﺰﻳﻦ ﻧﻪ اﻳﺸﻴﺰ وار؟ ﻣﻨﻴﻢ ﺁﻏﺎﻣﺎ ارﮐﻴﻢ وار‪.‬‬
‫ﮔﺆﺗﻮرﻩر وزﻳﺮﻳﻠﻦ ﭘﺎدﺷﺎهﯽ ﮔﺘﻴﺮەر‪.‬‬
‫ﮔﺌﺠﻪ اوﺗﻮرﻣﻮﺷﺪوﻻر داﻧﻴﺸﻴﺮدﻳﻼر‪ .‬ﭘﺮﯼ دﺋﻴﻪر‪ :‬ﺁﻗﺎ‪ ،‬اﺟﺎزﻩ وﺋﺮﺳﻦ ﻣﺎﻟﻼﻧﯽ دا ﭼﺎﻏﻴﺮاق‪ .‬ﻣﺎﻟﻼﻻر ﺧﻮش‬
‫ﺻﺤﺒﺖ اوﻻرﻻر‪ .‬داﻧﻴﺸﺴﻴﻦ ﻗﻮﻧﺎﻗﻼرﻳﻤﻴﺰ دارﻳﺨﻤﺎﺳﻴﻨﻼر‪.‬‬
‫ﺣﺎﺟﯽ دﺋﻴﻪر ﮐﯽ‪ ،‬ﮔﺌﺖ ﭼﺎﻏﻴﺮ‪ .‬ﻣﺎﻟﻼ دا ﮔﻠﺮ‪ .‬اوﺗﻮرارﻻر‪ ،‬ﻗﻴﺰ اوﻳﺎﻧﺪان‪-‬ﺑﻮﻳﺎﻧﺪان ﺻﺤﺒﺖ ﺳﺎﻻر‪ .‬ﭘﺎدﺷﺎﻩ‬
‫دﺋﻴﻪر‪ :‬ﻣﺜﻞ دن‪-‬زاد دان دﺋﻴﻴﻦ‪ .‬درﺑﻴﺸﻠﺮدﻩ ﺻﺤﺒﺖ ﭼﻮخ اوﻻر‪.‬‬
‫ﭘﺎدﺷﺎﻩ دﺋﻴﻪر‪ :‬ﮐﺌﭽﻠﻠﺮ ﻳﺎﺧﺠﯽ اوﺧﻮﻣﺎق‪ ،‬ﺷﻌﺮ ﺑﻴﻠﺮﻟﺮ‪ ،‬ﺳﻦ دئ ﻗﻮﻻق ﺁﺳﺎق‪.‬‬
‫ﭘﺮﻳﻨﻴﻦ دردﻟﺮﯼ دﺋﺸﻴﻠﺮ‪ .‬ﺁﭼﺎر ﺁﻏﺰﻳﻦ دﺋﻴﻪر‪:‬‬
‫ﺁدﻳﻢ ﭘﺮﯼ‪ ،‬ﺣﺎﺟﯽ ﺻﻴﺎد ﻗﻴﺰﯼ ﻳﺎم‪،‬‬
‫ﮔﺆﻳﺪﻩ ﭘﺎرﻳﻠﺪاﻳﺎن دان اوﻟﺪوزوﻳﺎم‪.‬‬
‫ﮔﺌﺘﺪﯼ‪ ،‬ﮔﺌﺘﺪﯼ ﺑﻴﺮ دردﻩ اﻧﺪﻳﺮدﯼ‪،‬‬
‫اوﺗﻮران وزﻳﺮ ﺑﻴﺮ ﺟﻮت اوﻏﻠﻮم اؤﻟﺪوردو‪،‬‬
‫دوﺳﺘﻮم ﺁﻏﻼر‪ ،‬دوﺷﻤﺎﻧﻴﻤﯽ ﮔﻮﻟﺪوردو‪.‬‬
‫دﺋﺪﻳﻢ‪ :‬اﯼ ﻗﺎﻧﻴﻤﺎ ﻗﺎن ﺁﻻن درﺑﻴﺶ‪،‬‬
 ‫ﺁﺗﺎدان‪ ،‬ﺁﻧﺎدان ﻣﻬﺮﺑﺎن درﺑﻴﺶ!‬
‫ﻣﺎﻟﻼﻧﻴﻦ ﻣﻴﻼﺑﯽ دوﺷﺮ اﻳﭽﻴﻨﻪ‪ .‬وزﻳﺮﻳﻦ ﺳﻮﻳﻮ ﺳﻮزەر دوﺷﺮ ال‪-‬ﺁﻳﺎﻏﺎ‪ .‬ددﻩ ﺳﯽ اوﻳﺎﻧﺪان ﻗﺎﻟﺨﺎر‪ ،‬ﻧﻨﻪ‬
‫ﺳﯽ ﺑﻮﻳﺎﻧﺪان‪ ،‬دﺋﻴﻪرﻟﺮ‪ :‬اوﻏﻮل‪ ،‬او ﺳﺆزﻟﺮﯼ ﺑﻴﺮ دﻩ دﯼ!‬
‫ﭘﺮﯼ ﺑﺎﺷﻼر ﺑﺎﺷﻴﻨﺎ ﮔﻠﻨﯽ دﺋﻴﻪر‪ .‬اوﻧﺪان‪ ،‬ﺑﺆرﮐﻮن ﮔﺆﺗﻮرەر‪ .‬هﺎﻣﯽ ﺗﺎﻧﻴﺎر‪ .‬ﭘﺎدﺷﺎﻩ دا اؤزون ﮔﺆﺳﺘﺮەر‪.‬‬
‫ﺳﺤﺮ اوﻻر‪ ،‬ﻗﻴﺰﯼ ﺁﭘﺎرارﻻر ﺣﺎﻣﺎﻣﺎ‪ .‬ﭘﺎدﺷﺎﻩ وﺋﺮەر وزﻳﺮﯼ‪ ،‬ﻣﺎﻟﻼﻧﯽ ﺁﺳﺪﻳﺮار‪ .‬ﺣﺎﺟﯽ ﺻﻴﺎد وﺋﺮەر ﻳﺌﺪدﯼ‬
‫ﮔﻮن‪ ،‬ﻳﺌﺪدﯼ ﮔﺌﺠﻪ ﺗﻮﯼ‪-‬ﺗﺎﺑﺎق ﭼﺎﻟﺪﻳﺮار‪ .‬اﺋﻮﻟﺮ ﺷﻤﻊ ﭼﻴﺮاﻏﯽ‪ ،‬داﻏﻼر ﮔﻮﻩن ﭼﻴﺮاﻏﯽ‪ .‬ﻗﻴﺰﻳﻨﯽ ﺗﺎﭘﻴﺸﻴﺮار‬
‫ﭘﺎدﺷﺎهﻴﻦ اﻟﻴﻨﻪ‪ .‬ﭘﺎدﺷﺎﻩ ﮔﺆﺗﻮرەر ﮔﺌﺪر‪.‬‬
 ‫ﻳﺌﺪدی ﻗﻴﺰ ددﻩ ﺳﯽ‪ ،‬ﻳﺌﺪدی اوﻏﻼن ددﻩ ﺳﯽ‬
‫ﺑﻴﺮ ﮔﻮن وار اﻳﺪﯼ ﺑﻴﺮ ﮔﻮن ﻳﻮخ اﻳﺪﯼ‪ .‬ﺁﻟﻼهﺪان ﺳﻮاﯼ هﺌﭽﮑﺲ ﻳﻮخ اﻳﺪﯼ‪ .‬اﻳﮑﯽ داﻧﺎ ﻗﺮدش وار اﻳﺪﯼ‪.‬‬
‫ﺑﻴﺮﻳﻨﻴﻦ ﻳﺌﺪدﯼ ﻗﻴﺰﯼ‪ ،‬او ﺑﻴﺮﻳﻨﻴﻦ ﻳﺌﺪدﯼ اوﻏﻠﻮ‪ .‬ﻳﺌﺪدﯼ اوﻏﻼن ددﻩ ﺳﯽ هﺮ وﻗﺖ ﻗﺮدﺷﻴﻦ ﮔﺆرﻩﻧﺪﻩ‬
‫دﺋﻴﻪردﯼ‪ :‬ﺳﻼم ﻋﻠﻴﮑﻢ‪ ،‬ﻳﺌﺪدﯼ ﻗﺎﻧﺠﻴﻖ ﺁﺗﺎﺳﯽ! ﺑﻮ ﻗﺮدش ﺑﺎﺷﻴﻦ ﺳﺎﻻردﯼ ﺁﺷﺎﻏﺎ‪ ،‬ﮔﻠﺮدﯼ اﺋﻮﻩ‪.‬‬
‫ﺑﻴﺮ ﮔﻮن ﻳﺌﻨﻪ ﺗﻮﺗﻮﻟﻤﻮش‪ ،‬ﭘﻮزﻏﻮن اﺋﻮﻩ ﮔﻠﺮ‪ .‬ﺑﺆﻳﻮﮎ ﻗﻴﺰ دﺋﻴﻪر‪ :‬ﺁﺗﺎ‪ ،‬ﻧﻪ اوﻟﻮﺑﺪو؟‬
‫دﺋﻴﻪر ﮐﯽ‪ ،‬ﻋﻤﻴﺰ ﮔﻮﻧﺪﻩ ﺑﺌﻠﻪ دﺋﻴﻴﺮ‪...‬‬
‫ﻗﻴﺰ دﺋﻴﻪر‪ :‬ﺻﺎﺑﺎح ﺳﻦ دﻩ دﺋﻨﻪ " ﻋﻠﻴﮏ اﻟﺴﻼم" ﻳﺌﺪدﯼ ﮐﺆﭘﮏ اﻳﻴﻪﺳﯽ! ﺑﻴﺮ اوﻏﻼن ﺳﻨﺪن‪ ،‬ﺑﻴﺮ ﻗﻴﺰ‬
‫ﻣﻨﺪن‪ ،‬ﮔﺆﻧﺪر ﻗﻮﺷﺎق ﮔﺌﺘﺴﻴﻨﻠﺮ ﭼﺆرﮎ ﻗﺎزاﻧﻤﺎﻏﺎ‪ .‬ﮔﺆرەﮎ هﺎﻧﺴﯽ ﻳﺎﺧﺠﯽ ﻗﺎزاﻧﺎر"‬
‫ﺻﺎﺑﺎح ﻗﺮدش راﺳﺖ ﮔﻠﺮ‪ ،‬دﺋﻴﻪر‪ :‬ﺳﻼم ﻋﻠﻴﮑﻢ‪ ،‬ﻳﺌﺪدﯼ ﻗﺎﻧﺠﻴﻖ ﺁﺗﺎﺳﯽ!‬
‫ﺑﻮ ﺑﻴﺮﯼ ﻗﺮدش ﺑﺎﺷﻴﻦ ﻗﺎوزار دﺋﻴﻪر‪ :‬ﻋﻠﻴﮏ اﻟﺴﻼم‪ ،‬ﻳﺌﺪدﯼ ﮐﺆﭘﮏ اﻳﻴﻪ ﺳﯽ! ﺑﻴﺮ اوﻏﻼن ﺳﻨﺪن‪ ،‬ﺑﻴﺮ‬
‫ﻗﻴﺰ ﻣﻨﺪن‪ ،‬ﮔﺆﻧﺪر ﻗﻮﺷﺎق ﮔﺌﺘﺴﻴﻨﻠﺮ ﭼﺆرﮎ ﻗﺎزاﻧﻤﺎﻏﺎ‪ .‬ﮔﺆرﮎ هﺎﻧﺴﯽ ﻳﺎﺧﺠﯽ ﻗﺎزاﻧﺎر‪.‬‬
‫ﻗﺮدش ﺳﺌﻮﻳﻨﻪر‪ .‬اؤز‪-‬اؤزﻧﻪ دﺋﻴﻪرﮐﯽ‪ ،‬ﻗﻴﺰ هﺎرادان ﮔﺌﺪﻩﺟﮏ ﭼﺆرەﮎ ﻗﺎزاﻧﺎﺟﺎق‪.‬‬
‫هﺮﻩ اؤزوﻧﻮﻧﮑﻮﻧﻪ ﺁت‪ ،‬ﻳﻮل ﺧﺮﺟﻠﻴﮕﯽ وﺋﺮەر‪ .‬ﻋﻤﻮﻏﻠﻮ‪ ،‬ﻋﻤﻘﻴﺰﯼ ﻳﻮﻻ دوﺷﺮﻟﺮ‪ .‬ﻳﻮل ﺁﻳﺮﻳﻤﻴﻨﺎ ﻳﺌﺘﻴﺸﺮﻟﺮ‪.‬‬
‫ﮔﺆرەرﻟﺮ ﻳﺎزﻳﺒﻼر‪ :‬ﺑﻮ ﻳﻮﻻ ﮔﺌﺪن ﮔﻠﺮ‪ ،‬ﺑﻮ ﻳﻮﻻ ﮔﺌﺪن ﮔﻠﻤﺰ‪.‬‬
‫اوﻏﻼن دﺋﻴﻪر‪ :‬ﻋﻤﻘﻴﺰﯼ‪ ،‬ﻣﻦ ﮔﺌﺪﻳﺮم ﮔﺌﺪر ﮔﻠﻤﺰﻩ‪ .‬ﺳﻦ ﮔﺌﺖ او ﺑﻴﺮﻳﺴﻴﻨﻪ‪،‬‬
‫ﻗﻴﺰ دﺋﻴﻪر‪ :‬ﻳﻮخ‪ ،‬ﻣﻦ ﮔﺌﺪﻩﺟﮕﻢ ﮔﺌﺪر ﮔﻠﻤﺰﻩ‪ .‬ﺑﻴﺮ اﻳﻠﻪ وﻗﺖ وﺋﺮﻩﮎ‪ .‬هﺮ ﮐﻴﻢ ﺗﺌﺰ ﮔﻠﺴﻪ ﺑﻮرادا ﮔﺆزﻟﻪ ﺳﻴﻦ‪.‬‬
‫اوﻏﻼن دﺋﻴﻪر ﮐﯽ ﻳﺎﺧﺠﯽ‪ .‬هﺮﻩ ﮔﺌﺪر ﺑﻴﺮ ﻳﻮﻻ‪.‬‬
‫ﻗﻴﺰ ﮔﺌﺪر‪ ،‬ﮔﺌﺪر ﻳﺌﺘﻴﺸﺮ ﺑﻴﺮ ﺷﻬﺮﻩ‪ .‬ﺁﺗﻴﻦ ﺳﺎﺗﺎر‪ ،‬ﺑﻴﺮ دﺳﺖ اوﻏﻼن ﭘﺎﻟﺘﺎرﯼ ﺁﻻر ﮔﺌﻴﻪر‪ ،‬ﮔﺌﺪر دﻣﻴﺮﭼﯽ‬
‫ﺷﺎﮔﺮد اوﻻر‪ .‬دﻣﻴﺮﭼﯽ ﺑﻮﻧﻮن اﻳﺸﻴﻨﻪ ﺑﺎﺧﺎر‪ ،‬ﮔﺆرەر ﮐﯽ‪ ،‬ﺑﻮﻧﺪا ﻗﻴﺰ ﻧﻘﺸﻪ ﺳﯽ وار‪.‬‬
‫ﺑﻴﺮ ﻧﺌﭽﻪ ﮔﻮن ﮐﺌﭽﺮ‪ ،‬ﺑﻴﺮ ﮔﻮن دﻣﻴﺮﭼﯽ ﮔﻠﺮ ﻧﻨﻪﺳﻴﻨﻪ دﺋﻴﻪر‪:‬‬
‫ﻗﻮﻟﻮ ﻗﻮﻟﺒﺎغ ﻳﺌﺮﯼ دﯼ‪،‬‬
‫ﺑﻮﻳﻨﻮ ﮔﺮدن ﺑﻨﺪ ﻳﺌﺮﯼ‪.‬‬
‫ﺑﺎرﻣﺎﻏﯽ أوزوﮎ ﻳﺌﺮﯼ دﯼ‪،‬‬
‫ﺁﻧﺎ‪ ،‬ﺷﺎﮔﺮد ﻗﻴﺰ دﯼ‪ ،‬ﻗﻴﺰ!‬
‫ﻧﻨﻪ ﺳﯽ دﺋﻴﻪر‪ :‬اوﻏﻮل‪ ،‬ﺑﻮ ﻧﻪ ﺳﺆزدى؟ ﮔﺌﺖ اﻳﺸﻴﻨﻪ ﺑﺎخ‪ .‬ال ﭼﮏ ﺑﻮ ﺳﺆزﻟﺮﻳﻨﺪن‪ .‬ﻗﻴﺰدان دﻣﻴﺮﭼﯽ‬
‫ﺷﺎﮔﺮد اوﻟﻤﺎز‪.‬‬
‫دﻣﻴﺮﭼﯽ ال ﭼﮑﻤﺰ‪ .‬ﻧﻨﻪﺳﯽ دﺋﻴﻪر‪ :‬ﮔﺌﺠﻪ ﺑﻴﺮ ﺁز ﻗﻴﺰﻳﻞ ﮔﻮل ﺁل‪ ،‬ﺳﺎﻻق دؤﺷﮏ ﺁﻟﺘﻴﻨﺎ‪ .‬اوﻏﻼن اوﻟﺴﺎ‪،‬‬
‫اوﻏﻼن ﺁﻏﻴﺮ اوﻻر‪ ،‬ﻗﻴﺰﻳﻞ ﮔﻮﻟﻠﺮ داﻏﻴﻼر‪ ،‬ازﻳﻠﺮ‪ .‬ﻗﻴﺰ اوﻟﺴﺎ‪ ،‬ﺗﺮ ﻗﺎﻻر‪ ،‬هﺌﭻ زاد اوﻟﻤﺎز‪.‬‬
‫اﺋﻮدﻩ ﺑﻴﺮ ﺗﺎزﯼ وار اﻳﺪﯼ‪ .‬دﻳﻞ ﺑﻴﻠﺮدﯼ‪ .‬ﮔﺌﺪر ﻗﻴﺰا دﺋﻴﻪرﮐﯽ‪ ،‬اوﺳﺘﺎ ﺣﻠﻴﻢ ﺧﺎﻧﻴﻦ ﻧﻨﻪﺳﯽ ﺑﻮ ﻗﻮرﻗﻮﻧﻮ‬
‫ﻗﻮروب‪.‬‬
‫ﻗﻴﺰ دﺋﻴﻪر‪ :‬ﻧﻪ اﺋﻠﻪ ﻳﻴﻢ ﺑﻪ؟‬
‫دﺋﻴﻪر‪ :‬ﮔﺌﺠﻪ ﻳﺎﺗﺎﻧﺪا اوﻳﺎن‪-‬ﺑﻮﻳﺎﻧﺎ ﺁﻏﻨﺎ‪ ،‬ﮔﻮﻟﻠﺮ ازﻳﻠﺴﻴﻦ‪ .‬ﻗﻴﺰ دﺋﻴﻪر ﮐﯽ‪ ،‬ﻳﺎﺧﺠﯽ‪.‬‬
‫ﮔﺌﺠﻪ اﺋﻮﻩ ﮔﻠﻴﺐ ﻳﺎﺗﺎﻧﺪا‪ ،‬ﺳﺤﺮەﺟﻪ اﺋﺸﻴﻨﻪر‪ ،‬اوﻳﺎن‪-‬ﺑﻮﻳﺎﻧﺎ ﺁﻏﻨﺎر‪ .‬ﺳﺤﺮ دورار ﮔﺌﺪر ﺗﻮﮐﺎﻧﺎ‪ .‬دﻣﻴﺮﭼﻴﻨﻴﻦ‬
‫ﻧﻨﻪﺳﯽ ﻳﺌﺮﻟﺮﯼ ﻳﻴﻐﺎﻧﺪا ﮔﺆرەر ﻗﻴﺰﻳﻞ ﮔﻮﻟﻠﺮ ازﻳﻢ‪-‬ازﻳﻢ ازﻳﻠﻴﺒﻠﺮ‪ .‬اوﻏﻠﻮﻧﺎ دﺋﻴﻪر‪ :‬ﮔﺆردون ﺑﺎﻻ ﺷﺎﮔﺮد ﻗﻴﺰ دﮔﻴﻞ!‬
‫ﺑﻴﺮ داﻧﺎ ﺳﺎح ﮔﻮل ﻗﺎﻟﻤﺎﻳﻴﺐ‪.‬‬
‫ﮔﺌﺪر ﺗﻮﮐﺎﻧﺎ ﺑﺌﺶ‪-‬اون ﮔﻮن ﮐﺌﭽﺮ‪ .‬دﻣﻴﺮﭼﯽ ﻧﻨﻪﺳﻴﻨﻪ دﺋﻴﻪر‪:‬‬
‫ﻗﻮﻟﻮ ﻗﻮﻟﺒﺎغ ﻳﺌﺮﯼ دﯼ‪،‬‬
‫ﺑﻮﻳﻨﻮ ﮔﺮدن ﺑﻨﺪ ﻳﺌﺮﯼ‪.‬‬
‫ﺑﺎرﻣﺎﻏﯽ أوزوﮎ ﻳﺌﺮﯼ دﯼ‪،‬‬
 ‫ﺁﻧﺎ‪ ،‬ﺷﺎﮔﺮد ﻗﻴﺰ دﯼ‪ ،‬ﻗﻴﺰ!‬
‫ﻧﻨﻪﺳﯽ دﺋﻴﻪر‪ :‬اوﻏﻮل‪ ،‬ال ﭼﮏ! ﺑﻮﻻر ﻧﻪ ﺳﺆزدو؟ اوﺗﺎن!‬
‫دﻣﻴﺮﭼﯽ ال ﭼﮑﻤﺰ‪ .‬ﻧﻨﻪﺳﯽ دﺋﻴﻪر‪ :‬اﻳﻨﺪﯼ ﮐﯽ ال ﭼﮑﻤﻴﺮﺳﻦ‪ ،‬ﮔﺆﺗﻮر ﺁﭘﺎر ﻣﻴﻨﺠﻴﻖ داﻏﻴﻨﺎ‪ ،‬ﺑﻴﺮدﻩ ﻗﻴﻠﻴﻨﺞ‬
‫داﻏﻴﻨﺎ‪ .‬ﻣﻴﻨﺠﻴﻘﻼردان ﮔﺆﺗﻮرﺳﻪ‪ ،‬ﻗﻴﺰدﯼ‪ ،‬ﻗﻴﻠﻴﻨﺠﻼردان ﮔﺆﺗﻮرﺳﻪ‪ ،‬اوﻏﻼن دﯼ‪.‬‬
‫ﻳﺌﻨﻪ ﺗﺎزﯼ ﻗﺎﭼﺎر ﻗﻴﺰا ﺧﺒﺮ وﺋﺮەر‪ ،‬دﺋﻴﻪر‪ :‬اﺻﻼ ﻣﻴﻨﺠﻴﻘﻼرا اهﻤﻴﺖ وﺋﺮﻣﻪ‪ .‬ﺁﺧﺸﺎم ﺑﺎﺷﯽ دﻣﻴﺮﭼﯽ دﺋﻴﻪر‪:‬‬
‫ﮔﻞ ﺑﻴﺮ ﮔﺌﺪﮎ داﻏﯽ دوﻻﻧﺎق‪ .‬ﻧﻔﺴﻴﻤﻴﺰ ﺁﭼﻴﻠﺴﻴﻦ‪ .‬اول ﻣﻴﻨﺠﻴﻖ داﻏﻴﻨﺎ ﮔﺌﺪرﻟﺮ‪ .‬دﻣﻴﺮﭼﯽ ﺑﻴﺮ اوﻏﻮج‬
‫ﻣﻴﻨﺠﻴﻖ ﮔﺆﺗﻮرەر دﺋﻴﻪر‪ :‬ﺑﻪ ﺑﻪ! ﮔﺆر ﻧﻪ ﺧﻮش ﻣﻴﻨﺠﻴﻖ دﻳﻼر!‬
‫ﻗﻴﺰ ﻗﻴﺸﻘﻴﺮار دﺋﻴﻪر‪ :‬اوﺳﺘﺎ اوﻧﻼرﯼ ﻧﻪ اﺋﻠﻴﻪ ﺟﻴﻴﮏ؟ ﺑﻮﺷﻼ ﮔﺌﺪﮎ ﻗﻴﻠﻴﻨﺞ داﻏﻴﻨﺎ‪ .‬ﮔﺌﺪرﻟﺮ ﻗﻴﻠﻴﻨﺞ داﻏﻴﻨﺎ‪.‬‬
‫ﻗﻴﺰ ﺑﻴﺮ ﺁز ﭘﻴﭽﺎق‪ ،‬ﻗﻴﻠﻴﻨﺞ‪-‬زاد ﮔﺆﺗﻮرﻩر ﮔﻠﺮﻟﺮ اﺋﻮﻩ‪ .‬ﻧﻨﻪ دﺋﻴﻪر‪ :‬هﻪ‪ ،‬اوﻏﻮل‪ ،‬ﻧﺌﺠﻪ اوﻟﺪو؟‬
‫دﻣﻴﺮﭼﯽ اوﻻﻧﯽ دﺋﻴﻪر‪.‬‬
‫ﻧﻨﻪ دﺋﻴﻪر‪ :‬ﮔﺆردون ﺑﺎﻻ‪ ،‬ﻣﻦ دﺋﻴﻪن اوﻟﺪو اوﻟﻤﺎدﯼ؟ ﮔﺌﺖ ﺑﺎﺷﻴﻨﯽ ﺳﺎل اﻳﺸﻠﻪ‪.‬‬
‫ﻳﺌﻨﻪ أوچ‪-‬دؤرد ﮔﻮن ﮔﺌﭽﺮ‪ .‬دﻣﻴﺮﭼﯽ ﮔﺆرەر ﺷﺎﮔﺮددا ﻗﻴﺰ ﻧﻘﺸﻪﺳﯽ وار ﮐﯽ‪ ،‬وار‪ .‬ﮔﻠﺮ ﻳﺌﻨﻪ ﻧﻨﻪﺳﻴﻨﻪ‬
‫دﺋﻴﻪر‪:‬‬
‫ﻗﻮﻟﻮ ﻗﻮﻟﺒﺎغ ﻳﺌﺮﯼ دﯼ‪،‬‬
‫ﺑﻮﻳﻨﻮ ﮔﺮدن ﺑﻨﺪ ﻳﺌﺮﯼ‪.‬‬
‫ﺑﺎرﻣﺎﻏﯽ أوزوﮎ ﻳﺌﺮﯼ دﯼ‪،‬‬
‫ﺁﻧﺎ‪ ،‬ﺷﺎﮔﺮد ﻗﻴﺰ دﯼ‪ ،‬ﻗﻴﺰ!‬
‫ﻧﻨﻪ ﺳﯽ دﺋﻴﻪر‪ :‬اوﻏﻮل‪ ،‬اﻳﻨﺪﯼ ال ﭼﮑﻤﻴﺮﺳﻦ‪ ،‬ﺁﭘﺎر ﮔﺆﻟﺪﻩ اوزون‪ .‬اورادا ﺑﻴﻠﻴﻨﺮ اوﻏﻼن دﯼ ﻳﺎ ﻗﻴﺰ‪.‬‬
‫ﺗﺎزﯼ ﻗﺎﭼﺎر ﻗﻴﺰا دﺋﻴﻪر‪.‬‬
‫ﻗﻴﺰ دﺋﻴﻪر‪ :‬ﺑﻪ ﻣﻦ ﻧﻪ اﺋﻠﻪ ﻳﻴﻢ؟‬
‫ﺗﺎزﯼ دﺋﻴﻪر‪ :‬ﻗﻮﯼ اول او دوﺷﺴﻮن‪ .‬ﻣﻦ ﺳﻮﻳﻮ ﺑﻮﻻﻧﺪﻳﺮارام‪ .‬ﺳﻦ ﺗﺌﺰ دوش ﺑﻴﺮ ﻗﻮﻻﯼ ﺳﻮﻳﺎ ﺑﺎت ﭼﻴﺦ‪.‬‬
‫ﮔﻮن اورﺗﺎ ﭼﺎﻏﯽ دﻣﻴﺮﭼﯽ دﺋﻴﻪر‪ :‬ﮔﻞ ﺑﻴﺮ ﮔﺆﻟﻪ ﮔﺌﺪﮎ‪ .‬هﺎوا ﭼﻮخ اﻳﺴﺘﯽ دﯼ‪.‬‬
‫دﻣﻴﺮﭼﯽ ﻗﺎﺑﺎﻗﺠﺎ ﺳﻮﻳﻮﻧﺎر دوﺷﺮ ﺳﻮﻳﺎ‪ .‬ﺗﺎزﯼ دا ﺁﺗﻴﻼر ﺳﻮﻳﺎ ﺷﺎﺑﺎ‪-‬ﺷﺎپ ﺳﻮﻳﻮ داﺷﻼﻧﺪﻳﺮار‪ .‬ﻗﻴﺰ ﺗﺌﺰ‬
‫ﺳﻮﻳﻮﻧﺎر‪ .‬ﺑﻴﺮ ﻗﻮﻻﯼ ﺳﻮﻳﺎ ﺑﺎﺗﺎر‪ ،‬ﭼﻴﺨﺎر‪ .‬دﻣﻴﺮﭼﯽ ﺑﻴﺮدن ﺑﺎﺧﺎر ﮔﺆرەر ﺷﺎﮔﺮد ﭼﻴﺨﻴﺐ‪ .‬دﺋﻴﻪر‪ :‬ﺑﻪ ‪ ،‬ﻧﻪ ﺗﺌﺰ‬
‫ﭼﻴﺨﺪﻳﻦ؟‬
‫ﻗﻴﺰ دﺋﻴﻪر‪ :‬اوﺷﻮدوم ﭼﻴﺨﺪﻳﻢ‪.‬‬
‫ﺁﺧﺸﺎم اﺋﻮﻩ ﮔﻠﻨﺪﻩ ﻧﻨﻪ دﺋﻴﻪر‪ :‬هﻪ‪ ،‬اوﻏﻮل‪ ،‬ﻧﻪ ﮔﺆردون؟‬
‫دﺋﻴﻪر‪ :‬واﻟﻼﻩ‪ ،‬اوزدوﮎ‪ ،‬ﺁﻣﻤﺎ ﺑﻴﺮ زاد ﺁﻧﻼﻣﺎدﻳﻢ‪.‬‬
‫ﻧﻨﻪ دﺋﻴﻪر‪ :‬ﮔﺆردون اوﻏﻮل! دى ﺑﺎﺷﻴﻨﺪان ﭼﻴﺨﺎرت‪ ،‬اﻳﺸﻠﻪ‪.‬‬
‫ﺑﻴﺮ ﻧﺌﭽﻪ ﻣﺪت ﮐﺌﭽﺮ‪ .‬ﺑﻴﺮ ﮔﻮن ﻗﻴﺰ ﺗﻮﮐﺎﻧﺪا ﺗﮏ ﺑﺎﺷﻴﻨﺎ اوﺗﻮرﻣﻮﺷﺪو‪ .‬ﻓﻴﮑﻴﺮﻟﺸﺮ ﮔﺆرەر ﺑﻴﺮ اﻳﻞ ﻗﻮرﺗﺎرﻳﺐ‪.‬‬
‫دورار ﺗﻮﮐﺎﻧﯽ ﺑﺎﻏﻼر‪ ،‬ﻗﺎﭘﻴﺪا ﻳﺎزار‪:‬‬
‫ﻗﻴﺰ ﮔﻠﺪﻳﻢ‪ ،‬ﻗﻴﺰ ﮔﺌﺘﺪﻳﻢ ﺣﻠﻴﻢ ﺧﺎن!‬
‫دوز ﮔﻠﺪﻳﻢ‪ ،‬دوز ﮔﺌﺘﺪﻳﻢ ﺣﻠﻴﻢ ﺧﺎن!‬
‫ﺑﺎش ﺁﻻر ﮔﺌﺪر‪ .‬ﻳﻮل ﺁﻳﺮﻳﻤﻴﻨﺎ ﻳﺌﺘﻴﺸﺮ‪ .‬ﺑﻴﺮ ﮔﻮن ﮔﺆزﻟﺮ‪ ،‬ﮔﺆرەر ﻋﻤﻮﻏﻠﻮدان ﺧﺒﺮ اوﻟﻤﺎدﯼ‪ .‬دﺋﻴﻪر‪ :‬ﮔﺌﺪﻳﻢ‬
‫ﮔﺆروم ﻋﻤﻮﻏﻠﻮم هﺎرادادﯼ‪ .‬ﮔﺌﺪر‪ ،‬ﮔﺌﺪر ﻳﺌﺘﻴﺸﺮ ﺑﻴﺮ ﺷﻬﺮﻩ‪ .‬ﺁﺧﺘﺎرار ﺗﺎﭘﺎر ﮐﯽ‪ ،‬ﻋﻤﻮﻏﻠﻮﺳﻮ ﺗﻮﻻﻣﺒﺎردا‬
‫ﻗﻮﻳﻼﻧﻴﺐ ﮐﻮﻟﻪ‪ ،‬ﺑﻴﺮ ﺑﺎﺷﯽ اﺋﺸﻴﮑﺪﻩ‪ .‬هﺮ زادﻳﻦ دا ﺳﺎﺗﻴﺐ ﺧﺮﺟﻠﻪﻳﻴﺐ‪ .‬ﮔﺌﺪر ﭘﺎر‪-‬ﭘﺎﻟﺘﺎر‪ ،‬ﺁت ﺁﻻر ﮔﺘﻴﺮەر‪.‬‬
‫دﺋﻴﻪر‪ :‬ﻋﻤﻮﻏﻠﻮ‪ ،‬دور ﮔﺌﯽ‪ ،‬ﺁﺗﯽ ﻣﻴﻦ ﮔﺌﺪﮎ‪.‬‬
‫اوﻏﻼن ﭘﺎﻟﺘﺎرﻻرﯼ ﮔﺌﻴﺮ‪ ،‬ﺁﺗﯽ ﻣﻴﻨﺮ‪ ،‬ﻗﻮﻳﺎرﻻر ﮔﻠﺮﻟﺮ‪ ،‬اؤز ﺷﻬﺮﻟﺮﻳﻨﻪ ﺳﺎرﯼ‪.‬‬
‫ﺑﻮﻧﻼر ﺑﻮرادا ﮔﻠﻤﮑﺪﻩ اوﻟﺴﻮﻧﻼر‪...‬‬
‫ﺣﻠﻴﻢ ﺧﺎن ﮔﻠﺮ ﮔﺆرەر ﺗﻮﮐﺎﻧﯽ ﺑﺎﻏﻠﯽ‪ ،‬ﻗﺎﭘﻴﺪا ﻳﺎزﻳﺒﻼر‪:‬‬
 ‫ﻗﻴﺰ ﮔﻠﺪﻳﻢ‪ ،‬ﻗﻴﺰ ﮔﺌﺘﺪﻳﻢ ﺣﻠﻴﻢ ﺧﺎن!‬
‫دوز ﮔﻠﺪﻳﻢ‪ ،‬دوز ﮔﺌﺘﺪﻳﻢ ﺣﻠﻴﻢ ﺧﺎن!‬
‫اﻳﮑﯽ اﻟﯽ اوﻻر‪ ،‬ﺑﻴﺮ ﺗﭙﻪﺳﯽ‪ .‬ﮔﻠﺮ ﻧﻨﻪﺳﻴﻨﻪ دﺋﻴﻪر‪ :‬ﻧﻨﻪ ﮔﺆردون ﺷﺎﮔﺮد ﻗﻴﺰاﻳﻤﻴﺶ؟‬
‫ﺑﻴﺮ ﺁز ﺧﺮازﯼ ﻣﺎﻟﯽ‪-‬زادﯼ ﺁﻻر‪ ،‬دوﺷﺮ ﻗﻴﺰﻳﻦ داﻟﻴﺠﺎ‪.‬‬
‫ﺑﻮ ﻳﺎﻧﺪان ﻋﻤﻮﻏﻠﻮ‪ ،‬ﻋﻤﻘﻴﺰﯼ ﮔﻠﺮﻟﺮ ﻳﺌﺘﻴﺸﺮﻟﺮ اؤز ﺷﻬﺮﻟﺮﻳﻨﻪ‪ .‬هﺮﻩ ﮔﺌﺪر اؤز اﺋﻮﻳﻨﻪ‪ .‬ﻗﻴﺰ ﭼﻮﺧﻠﻮﺟﺎ ﭘﻮل‬
‫ﻗﺎزاﻧﻤﻴﺸﺪﯼ‪ ،‬وﺋﺮەر ددﻩﺳﻴﻨﻪ‪.‬‬
‫ﺑﻴﺮ ﮔﻮن اوﺗﻮرﻣﻮﺷﺪوﻻر‪ ،‬دﺋﻴﻪر‪ :‬ﺁﺗﺎ‪ ،‬ﻋﻤﻮﻏﻠﻮﻧﻮن ﺁﺗﯽ ﻣﻨﻴﻢ دﯼ‪ .‬دور ﮔﺌﺖ ﺁل ﮔﺘﻴﺮ‪.‬‬
‫ددﻩ دورار ﮔﺌﺪر‪ ،‬دﺋﻴﻪر‪ :‬ﻗﻴﺰﻳﻢ دﺋﻴﻴﺮ "ﻋﻤﻮﻏﻠﻮ‪ ،‬ﺁﺗﻴﻤﯽ وﺋﺮ!"‪.‬‬
‫اوﻏﻼﻧﻴﻦ ددﻩﺳﯽ ﺑﺎﺧﺎر ﻧﻨﻪﺳﻴﻨﻪ‪ ،‬ﻧﻨﻪﺳﯽ ﺑﺎﺧﺎر ددﻩﺳﻴﻨﻪ‪ .‬ﻗﻴﺰﻳﻦ ددﻩﺳﯽ ﺁﺗﯽ ﺁﻻر ﮔﺘﻴﺮەر‪.‬‬
‫ﺑﻴﺮ ﻧﺌﭽﻪ ﮔﻮن ﮐﺌﭽﺮ‪ .‬ﻗﻴﺰ دﺋﻴﻪر‪ :‬ﺁﺗﺎ‪ ،‬ﻋﻤﻮﻏﻠﻮﻧﻮن ﭘﺎر‪-‬ﭘﺎﻟﺘﺎرﯼ ﻣﻨﻴﻢ دﯼ‪ .‬دور ﮔﺌﺖ ﺁل ﮔﺘﻴﺮ‪.‬‬
‫ددﻩ دورار ﮔﺌﺪر‪ ،‬دﺋﻴﻪر‪ :‬ﻗﻴﺰﻳﻢ دﺋﻴﻴﺮ "ﻋﻤﻮﻏﻠﻮ ﭘﺎر‪-‬ﭘﺎﻟﺘﺎرﻳﻤﯽ وﺋﺮ!"‬
‫ﻳﺌﻨﻪ اوﻏﻼﻧﻴﻦ ددﻩ ﺑﺎﺧﺎر ﻧﻨﻪﺳﻴﻨﻪ‪ ،‬ﻧﻨﻪﺳﯽ ﺑﺎﺧﺎر ددﻩﺳﻴﻨﻪ‪ .‬ﻗﻴﺰﻳﻦ ددﻩﺳﯽ ﭘﺎر‪-‬ﭘﺎﻟﺘﺎرﯼ ﺁﻻر ﮔﺘﻴﺮەر‪.‬‬
‫اوﻏﻼن ﻗﺎﻻر ﻟﻮت‪-‬ﻋﻮرﻳﺎن‪.‬‬
‫اﻳﻨﺪﯼ ﺳﻨﻪ دﺋﻴﻴﻢ ﺣﻠﻴﻢ ﺧﺎﻧﺪان‪:‬‬
‫ﺣﻠﻴﻢ ﺧﺎن ﻳﺌﺘﻴﺸﺮ ﺷﻬﺮﻩ‪ .‬اوﺟﺎدان ﺳﺴﻠﻴﻪ‪-‬ﺳﺴﻠﻴﻪ دوﻻﻧﻴﺮدﯼ ﮐﯽ‪ ،‬ﻗﻴﺰ اﺋﺸﻴﺘﺴﻴﻦ ﭼﻴﺨﺴﻴﻦ‪ .‬ﻗﻴﺰ‬
‫دا اﺋﺸﻴﺪﻩ ر ﭼﻴﺨﺎر ﭼﺆﻟﻪ‪ .‬ﺣﻠﻴﻢ ﺧﺎﻧﯽ ﺗﺎﻧﻴﺎر‪ .‬ﺣﻠﻴﻢ ﺧﺎن دا اوﻧﻮ ﺗﺎﻧﻴﺎر‪ .‬داﻧﻴﺸﺎرﻻر‪ .‬ﺣﻠﻴﻢ ﺧﺎﻧﯽ ﮔﺆﺗﻮرەر ﮔﻠﺮ‬
‫اﺋﻮﻩ‪ .‬ددﻩﺳﻴﻨﻪ دﺋﻴﻪر ﮐﯽ‪ ،‬ﺑﻪ‪ ،‬ﺑﻮ او ﺁدام دﯼ‪ .‬ﺣﻠﻴﻢ ﺧﺎن دﺋﻴﻪر ﮐﯽ‪ ،‬ﺑﻪ ﻣﻦ دﻩ ﺳﻨﺪن اؤﺗﻮر ﮔﻠﻤﻴﺸﻢ‪.‬‬
‫ﻧﻨﻪﻣﻴﻦ ﮔﺆزو ﻳﻮﻟﺪادﯼ‪.‬‬
‫ﺗﻮﯼ ﺗﻮﺗﺎرﻻر‪ .‬ﭼﺎﻟﻴﺐ‪-‬ﭼﺎﻏﻴﺮارﻻر‪ .‬ﺣﻠﻴﻢ ﺧﺎن ﻗﻴﺰﯼ ﮔﺆﺗﻮرەر ﮔﺌﺪر‪.‬‬
‫ﮔﺆﻳﺪن ﺑﻴﺮ ﺁﻟﻤﺎ دوﺷﺪو‪ .‬اؤزو ﻣﻨﻴﻢ‪ ،‬ﭘﻮﻟﻮﺷﻮ اﺋﺸﻴﺪﻧﻠﺮﻳﻦ‪.‬‬
 ‫ﺁﻟﺘﻴﻢ ﺗﻮپ‬
‫ﮔﻮﻧﻠﺮﻳﻦ ﺑﻴﺮ ﮔﻮﻧﻮﻧﺪﻩ ﺑﻴﺮ داﻧﺎ ﺑﺎﺟﻰ وار اﻳﺪى‪ ،‬ﺑﻴﺮ داﻧﺎ ﻗﺮدش‪ ٠‬هﺌﭻ زادﻻرى ﻳﻮخ اﻳﺪى‪ ٠‬ﻗﺮدش ﮔﺌﺪردى‬
‫ﻗﻮش ﺷﻴﮑﺎر اﺋﻠﺮدى ﮔﺘﻴﺮەردى‪ ،‬اﻳﮑﻴﺴﻰ ﻳﺌﻴﻪردﻳﻠﺮ‪ ،‬دوﻻﻧﺎردﻳﻼر‪ ٠‬ﺁﺧﺸﺎم ﭼﺎﻏﻰ ﻗﺮدش ﮔﻠﻨﺪﻩ‪ ،‬ﺑﺎﺟﻰ‬
‫ﭼﻴﺨﺎردى دوراردى ﻗﺎﭘﻴﺪا‪ ٠‬ﻗﺮدﺷﻴﻦ ﺁﺗﻴﻦ ﺁﻻردى‪ ،‬ﺳﺎﻻردى ﻃﺆوﻟﻴﻪ‪ ،‬ﺁرﭘﺎ ﺗﺆﮐﺮدى‪ ،‬ﮔﻠﺮدى اﺋﻮﻩ‪ ٠‬اوﺗﻮراردﻳﻼر‬
‫ﺷﺎم ﻳﺌﻴﻪردﻳﻠﺮ‪ ،‬داﻧﻴﺸﺎردﻳﻼر‪ ،‬ﻳﺎﺗﺎردﻳﻼر‪٠‬‬
‫ﺑﻴﺮ ﮔﻮن ﻗﺮدش ﻳﺌﻨﻪ ﮔﺌﺘﻤﻴﺸﺪى ﺷﻴﮑﺎرا‪ ٠‬ﻗﻮﻳﻮدان ﺑﻴﺮ ﺳﺲ ﮔﻠﺮ‪ ٠‬ﻗﻴﺰ ﮔﺌﺪر ﻗﻮﻳﻮ ﺑﺎﺷﻴﻨﺎ‪ ٠‬دﺋﻴﻪر‪ :‬اى‬
‫ﻗﻮﻳﻮدا ﮐﻰ‪ ،‬ﺁداﻣﺴﺎن دﻳﻠﻠﻦ! ﺣﻴﻮاﻧﺴﺎن دﻳﻠﻠﻦ!‬
‫ﻗﻮﻳﻮدان ﺳﺲ ﮔﻠﺮ ﮐﻰ‪ ،‬اﻳﭗ ﺳﺎﻟﻼ‪ ،‬ﻣﻨﻰ ﭼﮏ اﺋﺸﻴﮕﻪ‪٠‬‬
‫ﻗﻴﺰ اﻳﭗ ﺗﺎﭘﺎﻧﻤﺎز‪ ،‬ﭼﺎدراﺳﻴﻦ ﺁﭼﺎر ﺳﺎﻻر‪ ٠‬ﮔﻮﺟﻦ‪-‬زوران ﭼﮑﺮ ﭼﻴﺨﺎردار‪ ٠‬ﮔﺆرەر ﺑﻴﺮ داﻧﺎ ﺳﺎرى دﺋﻮدى‪٠‬‬
‫ﻗﻴﺰ ﻗﻴﺸﻘﻴﺮار ﻗﺎﭼﺴﻴﻦ‪ ،‬دﺋﻮ‪ ،‬دﺋﻴﻪر‪ :‬ﻗﺎﭼﻤﺎ! اﻳﻨﺪى ﮐﻰ‪ ،‬ﻣﻨﻰ ﻗﻮﻳﻮدان ﻗﻮرﺗﺎردﻳﻦ‪ ،‬ﺳﻨﻰ ﻳﺌﻤﻴﺮم‪ ٠‬ﺁﻣﻤﺎ‬
‫ﮔﺮﮎ ﺳﻨﻰ ﺁﻻم‪٠‬‬
‫ﻗﻴﺰ دﺋﻴﻪر‪ :‬ﻳﻮخ‪ ،‬اوﻟﻤﺎز! ﻣﻦ ﺳﻨﻪ ﮔﻠﻨﻤﻪرم‪٠‬‬
‫دﺋﻮ دﺋﻴﻪر‪ :‬ﻣﻨﻪ ﮔﻠﻤﻪﺳﻦ‪ ،‬اؤزوﻧﻮدﻩ اؤﻟﺪورەرم‪ ،‬ﻗﺎرداﺷﻴﻨﻰ دا‪٠‬‬
‫ﺁﺧﻴﺮدا اوﻟﻤﺎز‪ ،‬ﻗﻴﺰ ﮔﺌﺪر دﺋﻮﻩ‪٠‬‬
‫ﺑﻮ ﻳﻮل‪ ،‬ﺁﺧﺸﺎم اوﻻﻧﺪا دﺋﻮ داﻟﺪا‪-‬ﺑﻮﺟﺎﻗﺪا ﮔﻴﺰﻟﻨﻴﺮدى ﮐﻰ‪ ،‬ﻗﻴﺰﻳﻦ ﻗﺮدﺷﻰ ﮔﺆرﻣﻪﺳﻴﻦ‪ ٠‬ﺳﺤﺮ اوﻟﺠﺎق‬
‫ﮐﻰ‪ ،‬ﻗﺮدش ﮔﺌﺪﻳﺮدى ﺷﻴﮑﺎرا‪ ،‬ﭼﻴﺨﻴﺮدى اﺋﺸﻴﮕﻪ‪٠‬‬
‫ﺑﻴﺮ ﮔﻮن ﺳﺎرى دﺋﻮ دﺋﻴﻪرﮐﻰ‪ ،‬ﻗﻴﺰ ﺑﺌﻠﻪﻟﻴﮕﻴﻠﻦ اوﻟﻤﺎز‪ ،‬ﮔﺮﮎ ﻗﺮدﺷﻴﻨﻰ ﮔﺆﻧﺪرەرم اؤﻟﻮﻣﻪ‪ ٠‬ﻣﻦ داهﺎ‬
‫داﻟﺪا‪-‬ﺑﻮﺟﺎﻗﺪا ﻗﺎﻟﻤﺎﻗﺪان ﻳﻮروﻟﺪوم‪٠‬‬
‫ﻗﻴﺰ دﺋﻴﻪر ﺁﺧﻰ ﻣﻨﻴﻢ دوﻧﻴﺎدا ﺑﻴﺮداﻧﺎ ﻗﺮدﺷﻴﻢ وار‪ ،‬اوﻧﻮ دا ﮔﺆﻧﺪرﺳﻦ اؤﻟﻮﻣﻪ‪ ،‬ﻧﺌﺠﻪ اﺋﻠﻪﻳﻴﻢ؟‬
‫دﺋﻮ دﺋﻴﻪر‪ :‬ﻣﻦ ﺑﺌﻠﻪ زادﻻرى ﺑﻴﻠﻤﻪرم‪ ٠‬ﺁﺧﺸﺎم ﮔﺮﮎ اؤزوﻧﻮ وورارﺳﺎن ﻧﻮﺧﻮﺷﻠﻮﻏﺎ‪ ٠‬ﻗﺮدﺷﻴﻦ ﮔﻠﻨﺪﻩ‪،‬‬
‫دﺋﻴﻪرﺳﻦ ﮐﻰ‪ ،‬درﻣﺎﻧﻴﻦ ﺁغ دﺋﻮ ﺑﺎﻏﻴﻨﺪا ﮐﻰ اوزوم دى‪٠‬‬
‫ﻗﻴﺰ ﺁﻏﻼر‪،‬ﺳﻴﺰﻻر‪ ٠‬ﺁﺧﺸﺎم اوﻻر‪ ٠‬ﻗﺮدش ﮔﻠﺮ ﮔﺆرەر ﺑﺎﺟﻰ هﺎﻣﺎن دﮔﻴﻞ‪ ،‬دﺋﻴﻪر‪ :‬ﺑﺎﺟﻰ ﺳﻨﻪ ﻧﻪ اوﻟﻮب؟‬
‫ﭼﻮﺧﺪاﻧﺪى ﺳﻦ هﺎﻣﺎن ﺑﺎﺟﻰ دﮔﻴﻠﺴﻦ‪ ٠‬ﺑﻪ او ﮔﻮﻧﻠﺮ هﺎردا ﻗﺎﻟﺪى؟ ﺑﻪ ﻧﻴﻪ ﺑﺌﻠﻪ اوﻟﻤﻮﺳﺎن؟‬
‫ﺑﺎﺟﻰ دﺋﻴﻪر‪ :‬ﻗﺮدش‪ ،‬ﺁﻟﻼهﺪان ﮔﻴﺰﻟﻴﻦ دﮔﻴﻞ‪ ،‬ﺳﻨﺪن ﻧﻪ ﮔﻴﺰﻟﻴﻦ‪ ٠‬ﭼﻮﺧﺪاﻧﺪى ﺳﺎﻧﺠﻴﻼﻧﻤﻴﺸﺎم‪ ٠‬دﺋﻴﻴﺮﻟﺮ‬
‫درﻣﺎﻧﻰ ﺁغ دﺋﻮ ﺑﺎﻏﻴﻨﺪاﮐﻰ اوزوﻣﺪى‪٠‬‬
‫ﻗﺮدش دﺋﻴﻪر‪ :‬دوﻧﻴﺎﻧﻴﻦ او ﺑﺎﺷﻴﻨﺪا دا اوﻟﺴﺎ‪ ،‬ﮔﺌﺪەرم ﮔﺘﻴﺮەرم‪ ٠‬ﺑﻮ ﮔﺌﺠﻪﻧﻰ ﻣﻨﻪ ﻣﻬﻠﺖ وﺋﺮ‪ ٠‬ﺻﺎﺑﺎح هﺮ‬
‫ﻳﺎﻧﺪان اوﻟﺴﺎ ﮔﺌﺪەرم‪٠‬‬
‫ﺳﺤﺮ ﮔﻮن ﺑﺎش وﺋﺮﻣﻪﻣﻴﺶ دورار ﺁﺗﻴﻦ ﻣﻴﻨﺮ ﻳﻮﻻ دوﺷﺮ‪ ٠‬ﺁز ﮔﺌﺪر‪ ،‬ﭼﻮخ ﮔﺌﺪر‪ ،‬ﻳﺌﺘﻴﺸﺮ ﺁغ دﺋﻮ ﺑﺎﻏﻴﻨﺎ‪٠‬‬
‫ﺁﺗﻰ ﺑﺎﻏﻼر ﺑﻴﺮ ﻳﺎﻧﺪا‪ ٠‬دوواردان ﺁﺷﺎر دوﺷﺮ ﺑﺎﻏﺎ‪ ٠‬دﺋﻮ اوﻳﺎﻧﺪان ﭼﻴﺨﺎر ﮔﻠﺮ‪ ٠‬دﺋﻴﻪر‪ :‬ﺁى ﺣﺮاﻣﺰادا‪ ،‬ﺳﻦ ﺑﻮردا‬
‫ﻧﻪ اﺋﻠﻴﺮﺳﻦ؟ اﻳﻨﺪﻳﺠﻪ ﺳﻨﻰ ﻗﺎﻧﻴﻨﺎ ﺑﻮﻻرام‪٠‬‬
‫ﻗﺮدش ﻳﻮﮔﻮرەر دﺋﻮﻳﻠﻦ ﮔﻮﻟﺸﻤﮕﻪ‪ ٠‬ﮔﺆﺗﻮرەر دﺋﻮى ﺑﺎﺷﻴﻨﺎ وورار ﻳﺌﺮﻩ‪ ٠‬اوﺗﻮرار ﺳﻴﻨﻪﺳﻰ اوﺳﺘﻪ‪ ٠‬دﺋﻮ‬
‫دﺋﻴﻪر‪ :‬ﺑﻴﺮدﻩ وور‪ ،‬ﺳﻮﻧﺮا اؤﻟﺪور‪٠‬‬
‫دﺋﻴﻪر‪ :‬ﺑﻴﺰﻟﺮدﻩ دب دﮔﻴﻞ‪٠‬‬
‫دﺋﻮ ﺑﻴﺮ ﺁﻧﻘﻴﺮار‪ ٠‬اﺋﻠﻪﮐﻰ‪ ،‬ﻗﺮدﺷﻰ ﺳﺎرى دﺋﻮ ﺳﺴﻴﻦ اﺋﺸﻴﺪر‪ ٠‬ﻗﻴﺰا دﺋﻴﻪرﮐﻰ‪ ،‬ﻗﺮدﺷﻴﻦ ﻗﺮدﺷﻴﻤﻰ‬
‫اؤﻟﺪوردو‪ ٠‬ﻗﻴﺰ ﺳﺌﻮﻳﻨﺮ‪٠‬‬
‫ﻗﺮدش ﺁغ دﺋﻮى اؤﻟﺪورەر‪ ،‬اؤزوﻣﻠﺮدن دﮔﺮ ﮔﻠﺮ‪ ٠‬دﺋﻴﻪر‪ :‬ﺑﺎﺟﻰ‪ ،‬ﺁل ﻳﺌﻪ! ﮐﺎش ﺳﻨﻴﻦ درﻣﺎﻧﻴﻦ اوزوم اوﻻ!‬
‫ﺑﺎﺟﻰ ﻳﺌﻴﻪر‪ ،‬ﺗﻮﺧﺪار! ﺑﺌﺶ ﮔﻮن‪ ،‬اون ﮔﻮن ﮐﺌﭽﺮ‪ ٠‬ﻳﺌﻨﻪ ﺳﺎرى دﺋﻮ ﺑﺎﺷﻼر ﮐﻰ‪ ،‬ﮔﺮﮎ ﻗﺮدﺷﻴﻨﻰ‬
‫ﮔﺆﻧﺪرەم اؤﻟﻮﻣﻪ‪ ٠‬اؤزوﻧﻮ وور ﻧﻮﺧﻮﺷﻠﻮﻏﺎ‪ ،‬دﺋﻨﻪ ﮐﻰ‪ ،‬درﻣﺎﻧﻴﻦ ﻗﺮﻩ دﺋﻮ ﺑﺎﻏﻴﻨﺪا ﮐﻰ ﻗﺎرﭘﻴﺰدى‪٠‬‬
‫ﻳﺌﻨﻪ ﻗﺮدش ﺁﺗﻴﻦ ﻣﻴﻨﺮ‪ ٠‬ﺁز ﮔﺌﺪر‪ ،‬ﭼﻮخ ﮔﺌﺪر‪ ،‬ﻳﺌﺘﻴﺸﺮ ﻗﺮﻩ دﺋﻮ ﺑﺎﻏﻴﻨﺎ‪ ٠‬ﺁﺗﻰ ﺑﺎﻏﻼر دوواردان ﺁﺷﺎر دوﺷﺮ‬
‫اوﻳﺎﻧﺎ‪ ٠‬دﺋﻮ ﭼﻴﺨﺎر ﮔﻠﺮ‪ ٠‬دﺋﻴﻪر ﺁى ﺣﺮاﻣﺰادا‪ ،‬ﺳﻦ هﺎرا‪ ،‬ﺑﻮرا هﺎرا؟ ﻗﻮش ﻗﻮﺷﻠﻮﻏﻮ اﻳﻠﻦ ﺑﻮردان ﮐﺌﭽﻨﻤﺰ‪٠‬‬
‫ﺳﻦ ﻧﺌﺠﻪ ﮔﻠﺪﻳﻦ؟ اﻳﻨﺪﻳﺠﻪ ﻗﺎﻧﻴﻨﺎ ﺑﻮﻻرام‪٠‬‬
‫ﻗﺮدش ﻳﺌﺮﻳﺮ ﻗﺎﺑﺎﻏﺎ‪ ٠‬ﮔﻮﻟﻪﺷﺮﻟﺮ‪ ٠‬ﮔﺆﺗﻮرەر دﺋﻮى وورار ﻳﺌﺮﻩ‪ ٠‬دﺋﻮ دﺋﻴﻪر‪ :‬ﺑﻴﺮدﻩ وور‪ ،‬ﺳﻮﻧﺮا اؤﻟﺪور دﺋﻴﻪر‪:‬‬
‫ﺑﻴﺰﻟﺮدﻩ دب دﮔﻴﻞ‪ ٠‬اﺋﻠﻪ ﺑﻴﺮ دﻓﻌﻪ وورارﻳﻖ‪٠‬‬
‫دﺋﻮ ﺑﺮﮐﺪن ﺁﻧﻘﻴﺮار‪ ٠‬ﺳﺴﻰ ﮔﻠﺮ ﭼﺎﺗﺎر ﺳﺎرى دﺋﻮﻳﻦ ﻗﻮﻻﻏﻴﻨﺎ‪ ٠‬دﺋﻴﻪر ﮐﻰ‪ ،‬ﻗﻴﺰ ﻗﺮدﺷﻴﻦ ﻗﺮدﺷﻴﻤﻰ‬
‫اؤﻟﺪوردو‪ ٠‬ﻗﻴﺰ ﺳﺌﻮﻳﻨﺮ‪٠‬‬
‫ﻗﺮدش دﺋﻮى اؤﻟﺪورەر‪ ،‬ﻗﺎرﭘﻴﺰ دﮔﺮ ﮔﻠﺮ‪ ٠‬دﺋﻴﻪر‪ :‬ﺑﺎﺟﻰ‪ ،‬ﺁل ﻳﺌﻪ! ﮐﺎش ﺳﻨﻴﻦ درﻣﺎﻧﻴﻦ ﻗﺎرﭘﻴﺰ اوﻻ‪٠‬‬
‫ﮔﻮﻧﻠﺮﻳﻦ ﺑﻴﺮ ﮔﻮﻧﻮﻧﺪﻩ ﻗﻴﺰ ﻳﺌﺮﻳﮑﻠﺮ‪ ،‬ﮔﻮن ﮐﺌﭽﺮ‪ ،‬ﺁى ﮐﺌﭽﺮ‪ ،‬وورار ﻗﻴﺰﻳﻦ اوﺷﺎﻏﻰ اوﻻر‪ ٠‬ال ﮔﻴﺮەر ﻗﻴﺰﻳﻦ‬
‫اورەﮔﻴﻨﻪ ﮐﻰ‪ ،‬ﺁﺧﺸﺎم ﻗﺮدﺷﻴﻢ ﮔﻠﺴﻪ ﻧﻪ دﺋﻴﻪﺟﮕﻢ؟ ﺑﻮ اوﻏﻼن اوﺷﺎﻏﻴﻨﻰ ﻧﻪ ﺗﻬﺮ اوزﻩ ﭼﻴﺨﺎرداﺟﺎﻏﺎم؟‬
‫ﺁﺧﺸﺎم ﻗﺮدﺷﻰ ﮔﻠﺮ‪ ٠‬دﺋﻴﻪر‪ :‬ﺑﺎﺟﻰ‪ ،‬رﻧﮕﻴﻦ ﻧﻴﻪ ﺳﺎراﻟﻴﺐ؟‬
‫ﻗﻴﺰ دﺋﻴﻪر‪ :‬ﻗﺮدش‪ ،‬ﺁﻟﻼهﺪان ﮔﻴﺰﻟﻴﻦ دﮔﻴﻞ‪ ،‬ﺳﻨﺪن ﻧﻪ ﮔﻴﺰﻟﻴﻦ‪ ٠‬ﻗﺎﺑﺎﻏﺎ ﭼﻴﺨﻤﻴﺸﺪﻳﻢ‪ ٠‬ﮔﺆردوم ﻳﻮل‬
‫اوﺳﺘﻪ ﺑﻴﺮ اوﻏﻼن اوﺷﺎﻏﻰ‪ ٠‬دﺋﺪﻳﻢ ﻣﺤﻤﺪ هﻤﺘﻰ )اﻣﺘﻰ( دى‪ ،‬ﻳﺌﺮدﻩ ﻗﺎﻟﻤﺎﺳﻴﻦ‪ ،‬ﮔﺆﺗﻮردوم ﮔﻠﺪﻳﻢ اﺋﻮﻩ‪٠‬‬
‫ﺳﻮﻧﺮا ﻗﻮرﺧﺪوم ﮐﻰ‪ ،‬ﺁﺟﻴﻐﻴﻦ ﮔﻠﻪ‪٠‬‬
‫ﻗﺮدش اوﺷﺎﻏﺎ ﺑﺎﺧﺎر‪ ،‬ﻣﺤﺒﺘﻰ ﮔﻠﺮ‪ ٠‬ﺁدﻳﻦ ﻗﻮﻳﺎرﻻر " ﺁﻟﺘﻴﻢ ﺗﻮپ"‪ ٠‬ﺑﻴﺮ ﮔﻮن‪ ،‬اﻳﮑﻰ ﮔﻮن‪ ،‬اوچ ﮔﻮن‪٠٠٠‬‬
‫اوﺷﺎق اوﻻر دؤرد ﻳﺎﺷﻴﻨﺪا‪ ٠‬اﻟﺪن ﻳﺎﭘﻴﺸﻤﺎﻟﻰ‪ ٠‬اوﻏﻼﻧﺎ داﻳﻰ‪-‬داﻳﻰ دﺋﻴﻴﺮدى‪ ٠‬ﻗﺮدش ﭼﻮخ ﺳﺌﻮﻳﺮدى‪٠‬‬
‫ﺁﺧﺸﺎم اﺋﻮﻩ ﮔﻠﻨﺪﻩ ﺁﻟﺘﻴﻢ ﺗﻮپ ﻗﺎﭼﺎردى ﻗﺎﺑﺎﻏﻴﻨﺎ‪ ٠‬ﺁﺗﻰ ﭼﮑﺮدى ﻃﺆوﻟﻴﻪ‪ ،‬ﻳﺌﻢ وﺋﺮەردى‪ ،‬ﮔﻠﺮدى اوﺗﻮراردى‪٠‬‬
‫ﺑﻴﺮ ﮔﻮن ﺁﻟﺘﻴﻢ ﺗﻮپ ال ﭼﮑﻤﺰ‪ ،‬ﻗﻴﺰ ﺁﭼﺎر ﺑﺎﺷﻴﻨﺎ ﮔﻠﻨﻰ دﺋﻴﻪر‪ ٠‬دﺋﻴﻪر ﮐﻰ‪ ،‬ﺁﻣﺎ داﻳﻴﻨﺎ ﺑﻴﺮ ﺳﺆز دﺋﻤﻪ‪ ٠‬ﺁﻟﺘﻴﻢ‬
‫ﺗﻮپ دﺋﻤﺰ‪٠‬‬
‫دﺋﻮ ﻳﺌﻨﻪ ﺑﻴﺮ ﮔﻮن ﻗﻴﺰا دﺋﻴﻪر ﮐﻰ‪ ،‬ﻣﻦ ﺗﮏ ﻗﺎﻟﻴﺮام دارﻳﺨﻴﺮام‪ ٠‬ﺳﻨﻰ دﻩ ﺑﻮردا ﻗﻮﻳﻮب ﮔﺌﺪەﻧﻤﻴﺮم‪ ٠‬ﮔﺮﮎ‬
‫ﻗﺮدﺷﻴﻨﻴﻦ ﺧﻮرەﮔﻴﻨﻪ زهﺮ ﺗﺆﮐﻪﺳﻦ اؤﻟﻪ‪ ،‬ﻣﻦ ﭼﻴﺨﺎم اﺋﺸﻴﮕﻪ‪ ،‬ﻗﻴﺰ ﺁﻏﻼر‪ ،‬ﺳﻴﺰﻻر‪ ،‬دﺋﻮ ال ﭼﮑﻤﺰ‪٠‬‬
‫ﺳﻦ دﺋﻤﻪ ﺁﻟﺘﻴﻢ ﺗﻮپ دا اﺋﺸﻴﺪﻳﺮدى‪ ٠‬ﺁﺧﺸﺎم ﺑﺎﺷﻰ ﻗﺮدش اﺋﻮﻩ ﮔﻠﻨﺪﻩ ﮐﺴﺮ ﻗﺎﺑﺎﻏﻴﻦ دﺋﻴﻪر‪ :‬ﻣﻦ‬
‫ﮔﻠﻴﻨﺠﻪ ﻏﺬا ﻳﺌﻤﻪ‪ ٠‬ﻣﻦ ﮔﻠﻴﻢ ﺳﻮﻧﺮا‪٠‬‬
‫داﻳﻰ دﺋﻴﻪر ﻳﺎﺧﺠﻰ‪٠‬‬
‫ﺁﻟﺘﻴﻢ ﺗﻮپ هﺆوﻟﻰ ﺁﺗﻰ ﭼﮑﺮ ﻃﺆوﻟﻴﻪ‪ ،‬ﺁرﭘﺎ ﺗﺆﮐﺮ‪ ،‬ﮔﻠﺮ اوﺗﻮرار دﺳﺘﺮﺧﺎن ﺑﺎﺷﻴﻨﺪا‪ ،‬ﺑﻴﺮ داﻧﺎ ﺗﺎزﻳﻼرى وار‬
‫اﻳﺪى‪ ٠‬دﺋﻴﻪر‪ :‬اول ﺑﻴﺮ ﺗﻴﮑﻪ ﺗﺎزىﻳﺎ ﺁﺗﺎق‪ ،‬ﺳﻮﻧﺮا اؤزوﻣﻮز ﻳﺌﻴﻪﮎ‪٠‬‬
‫ﺗﺎزى ﺗﻴﮑﻪﻧﻰ ﻳﺌﻴﻪر‪ ،‬ﻳﻴﺨﻴﻼر اؤﻟﺮ‪ ٠‬ﻗﺮدش هﻴﺮﺳﻠﻨﻪر‪ ٠‬ﺑﻴﻠﺮﮐﻰ‪ ،‬ﺑﺎﺟﻴﺴﻰ زهﺮ ﺗﺆﮐﻮب‪ ،‬ﻗﻴﻠﻴﻨﺠﻰ ﭼﮑﺮ‬
‫وورار ﺑﺎﺟﻰ اؤﻟﺮ‪ ٠‬ﺁﻟﺘﻴﻢ ﺗﻮپ دﺋﻴﻪر‪ :‬داﻳﻰ‪ ،‬اوﻧﻮ ﻧﻴﻪ اؤﻟﺪوردون؟ او ﮔﻮﻧﺎهﺴﻴﺰ اﻳﺪى‪٠‬‬
‫ﺁﭼﺎر‪ ،‬ﺑﻮ ﻳﻮل ﻗﻀﻮ‪-‬ﻗﺪرى ﺳﺆﻳﻠﺮ‪ ٠‬ﻗﺮدش دورار ﺁﻳﺎﻏﺎ ﻗﻴﻠﻴﻨﺠﻰ ﭼﮑﺮ ﮐﺌﭽﺮ ﺳﺎرى دﺋﻮ ﻳﺎﻧﻴﻨﺎ‪ ،‬اوﻧﻮدا‬
‫اؤﻟﺪورەر‪ ٠‬ﻗﺎﻻرﻻر اﻳﮑﻴﺴﻰ‪ ٠‬ﺁﻟﺘﻴﻢ ﺗﻮپ اون ﺁﻟﺘﻰ ﻳﺎﺷﻴﻨﺪا‪-‬زاد دا اﻳﺪى‪ ٠‬داﻳﻰ دﺋﻴﻪر‪ :‬داى‪ ،‬ﺑﻮردا‬
‫ﻗﺎﻻﻧﻤﺎرﻳﻖ‪ ٠‬ﮔﺌﺪﮎ ﭼﺆﻟﺪﻩ‪-‬داغ ﺑﺎﺷﻴﻨﺪا ﻳﺎﺷﺎﻳﺎق‪ ٠‬اﺋﻮ‪-‬اﺋﺸﻴﮑﻠﺮﻳﻦ ﺳﺎﺗﺎرﻻر‪ ،‬ﺳﻮوارﻻر ﮔﺌﺪر داغ ﺑﺎﺷﻴﻨﺪا‬
‫ﭼﺎدر ﻗﻮرارﻻر‪ ،‬ﻗﺎﻻرﻻر‪ ٠‬ﺑﻴﺮ ﮔﺌﺠﻪ داﻳﻰ ﻳﺎﺗﻴﺮدى‪ ،‬ﺁﻟﺘﻴﻢ ﺗﻮپ ﺁﻳﺎق ﺁﻟﺘﻴﻨﺪا‪ ،‬ﺑﺎش اوﺳﺘﻮﻧﺪﻩ ﺷﻤﻊ ﻳﺎﻧﺪﻳﺮﻳﺮدى‪،‬‬
‫ﮐﺸﻴﮏ وﺋﺮﻳﺮدى‪ ،‬ﺑﻴﺮ ﮔﺌﺠﻪ دﻩ ﺁﻟﺘﻴﻢ ﺗﻮپ ﻳﺎﺗﻴﺮدى داﻳﻰ ﮐﺸﻴﮏ وﺋﺮﻳﺮدى‪٠‬‬
‫ﺑﻴﺮ ﮔﺌﺠﻪ ﻳﺌﻨﻪ ﺁﻟﺘﻴﻢ ﺗﻮپ ﮐﺸﻴﮏ وﺋﺮﻳﺮدى‪ ٠‬داﻳﻰﻧﻴﻦ ﺁﻳﺎق ﺷﻤﻌﻰ ﺳﺆﻧﺮ‪ ٠‬ﺁﻟﺘﻴﻢ ﻗﺎﻻر‪ ٠‬ﺑﻴﻠﻤﺰ ﮐﻰ‪،‬‬
‫ﺑﺎش اوﺳﺘﻪ ﺷﻤﻌﻰ ﻧﺌﺠﻪ ﻳﺎﻧﺪﻳﺮﺳﻴﻦ‪ ٠‬اوزاﻗﺪان ﺑﻴﺮ اﻳﺸﻴﻖ ﮔﻠﻴﺮدى‪ ٠‬دﺋﻴﻪرﮐﻰ‪ ،‬ﮔﺌﺪﻳﻢ اوردان ﻳﺎﻧﺪﻳﺮﻳﻢ‬
‫ﮔﻠﻴﻢ‪ ٠‬ﮔﺌﺪر‪ ،‬ﮔﺌﺪر ﮔﺆرەر درﻳﻦ ﭘﻴﻠﻠﻪ ﮐﺎن وار‪ ٠‬دوﺷﺮ ﮔﺌﺪر ﮔﺆرەر ﻗﻴﺮخ ﺣﺮاﻣﻴﻼر دوزوﻟﻮب دﺋﻴﻴﺮﻟﺮ‪-‬ﮔﻮﻟﻮرﻟﺮ‪٠‬‬
‫ﭼﺎل‪-‬ﭼﺎﻏﻴﺮدى‪ ٠‬ﺑﻴﺮ ﻳﺎﻧﺪا دوﻳﻮ ﺳﻮزورﻟﺮ‪ ٠‬ﺑﻴﺮ ﻳﺎﻧﺪا ﺳﺎﻣﺎوار ﻗﺎﻳﻨﻴﺮ‪ ٠‬ﮐﺌﭽﺮ ﻗﺎزان ﺑﺎﺷﻴﻨﺎ ﮔﺆرەر ﻧﺌﭽﻪ ﺣﺮاﻣﻰ‬
‫ﻳﺎﭘﻴﺸﻴﺐ ﻗﺎزاﻧﻰ ﻗﺎوزاﻳﺎﻧﻤﻴﺮﻻر‪ ٠‬ﮔﺆﺗﻮرەر ﺗﮏ ﺟﺎﻧﻴﻨﺎ ﻗﺎزاﻧﻰ ﺁﺗﺎر اوﻳﺎﻧﺎ‪ ،‬دﺋﻴﻪر‪ :‬داﻳﻴﻤﻴﻦ ﺁﻳﺎق ﺷﻤﻌﻰ‬
‫ﺳﺆﻧﻮب‪ ٠‬ﮔﻠﻤﻴﺸﻢ اوﻧﻮ ﻳﺎﻧﺪﻳﺮام‪٠‬‬
‫دﺋﻴﻪرﻟﺮ‪ :‬ﻋﻴﺒﻰ ﻳﻮﺧﺪو‪ ،‬ﻳﺎﻧﺪﻳﺮ‪٠‬‬
‫ﺁﻟﺘﻴﻢ ﺗﻮپ ﺷﻤﻌﻰ ﻳﺎﻧﺪﻳﺮار‪ ٠‬ﻗﺎﻳﻴﺪاﻧﺪا ﮔﺆرەر ﺗﺎﻗﭽﺎدا اﻳﮑﻰ ﺁﻟﻤﺎ وار‪ ٠‬ﺑﻴﺮﻳﻦ ﮔﺆﺗﻮرەر ﭼﻴﺨﺎر اﺋﺸﻴﮕﻪ‪٠‬‬
‫اﺋﺸﻴﮑﺪﻩ‪ ،‬دﺋﻴﻪر‪ :‬ﮔﺌﺪﻳﻢ او ﺑﻴﺮﻳﻦ دﻩ ﮔﺆﺗﻮروم ﺁﭘﺎرﻳﻢ داﻳﻴﻤﺎ‪ ٠‬ﮔﻠﺮ او ﺑﻴﺮى ﺁﻟﻤﺎﻧﻰ دا ﮔﺆﺗﻮرەر‪ ٠‬ﻗﻴﺮخ ﺣﺮاﻣﻰ‬
‫ﺑﺎﺷﻰ ﮔﺆرەر ﭼﻮخ زﻳﺮﮎ ﺟﻮان دى‪ ٠‬دﺋﻴﻪر‪ :‬ﮔﻞ ﺑﻴﺰﻳﻠﻦ ﺷﺮﻳﮏ اول‪ ٠‬ﺑﻮ ﮔﺌﺠﻪ ﮔﺌﺪەﺟﻴﻴﮏ ﺷﺎهﻴﻦ‬
‫ﺧﺰاﻧﻪﺳﻴﻦ ﮐﺴﮏ‪ ٠‬ﺳﻨﺪﻩ ﮔﻞ‪٠‬‬
‫ﺁﻟﺘﻴﻢ ﺗﻮپ دﺋﻴﻪر‪ :‬ﮔﺌﺪﻳﻢ داﻳﻴﻤﻴﻦ ﺁﻳﺎق ﺷﻤﻌﻴﻦ ﻗﻮﻳﻮم ﮔﻠﻴﻢ‪ ٠‬ﻗﺎراﻧﻠﻴﻘﺪا ﻗﺎﻟﻤﺎﺳﻴﻦ‪ ٠‬ﺁﻟﺘﻴﻢ ﺗﻮپ ﮔﺌﺪر‬
‫ﻗﺎﻳﻴﺪار‪ ٠‬ﻗﻴﺮخ ﺣﺮاﻣﻴﻼر دوﻻرﻻر ﺷﺎهﻴﻦ اﺋﻮﻳﻨﻪ‪ ٠‬ﺁﻟﺘﻴﻢ دﺋﻴﻪر‪ :‬ﺳﻴﺰ دورون اﺋﺸﻴﮑﺪﻩ‪ ٠‬ﻣﻦ ﮔﺌﺪﻳﻢ ﮔﺆروم‬
‫ﺁدام‪-‬ﻣﺎدام ﻳﻮﺧﺪو‪ ،‬ﺳﻴﺰى ﭼﺎﻏﻴﺮﻳﻢ ﮔﻠﻴﻦ‪٠‬‬
‫دوواردان ﺁﺷﺎر دوﺷﺮ ﺣﻴﻪﺗﻪ‪ ٠‬ﮔﺌﺪر ﮔﺆرەر ﮐﻴﭽﻴﮏ ﻗﻴﺰﻳﻦ اوﺗﺎﻏﻰ دى‪ ٠‬ﮐﺎﻏﺎذ ﻳﺎزار ﻗﻮﻳﺎر ﺳﻴﻨﻪﺳﻰ‬
‫اوﺳﺘﻪ ﮐﻰ‪ ،‬ﻗﺴﻤﺖ اوﻟﺴﺎ ﺳﻨﻰ ﺁﻻﺟﺎﻏﺎم اؤزوﻣﻪ‪ ٠‬ﺑﻴﺮدﻩ ﺑﻴﺮ اؤﭘﻮش ﺁﻻر‪ ٠‬ﺁﻟﻤﺎﻻردان دا ﺑﻴﺮﻳﻦ ﻗﻮﻳﺎر‬
‫ﺳﻴﻨﻪﺳﻰ اوﺳﺘﻪ‪ ،‬ﮐﺌﭽﺮ ﮔﺌﺪر ﮔﺆرەر ﺑﻮﻳﻮﮎ ﻗﻴﺰﻳﻦ اوﺗﺎﻏﻰ دى‪ ٠‬ﻳﺌﻨﻪ ﺑﻴﺮ ﮐﺎﻏﺎذ ﻳﺎزار ﻗﻮﻳﺎر ﺳﻴﻨﻪﺳﻰ‬
‫اوﺳﺘﻪ ﮐﻰ‪ ،‬ﻗﺴﻤﺖ اوﻟﺴﺎ ﺳﻨﻰ ﺁﻻﺟﺎﻏﺎم داﻳﻴﻤﺎ‪ ٠‬ﺑﻴﺮدﻩ ﺑﻴﺮ اؤﭘﻮش ﺁﻻر‪ ٠‬او ﺑﻴﺮى ﺁﻟﻤﺎﻧﻰ دا ﻗﻮﻳﺎر اوﻧﻮن‬
‫ﺳﻴﻨﻪﺳﻰ اوﺳﺘﻪ‪ ،‬ﮐﺌﭽﺮ ﮔﺌﺪر ﮔﺆرەر ﭘﺎدﺷﺎﻩ ﻳﺎﺗﻴﺐ‪ ٠‬ﺁﻏﺰى ﻳﺎﻧﻴﻨﺪا ﺑﻴﺮ ﺁدى ﺑﺎﺗﻤﻴﺶ اﻳﺴﺘﺮ ﮔﻴﺮﺳﻴﻦ‬
‫ﺁﻏﺰﻳﻨﺎ‪ ٠‬ﮐﺌﭽﺮ ﺷﺎهﻴﻦ ﺧﻨﭽﻠﻴﻦ ﭼﮑﺮ‪ ٠‬ﺁدى ﺑﺎﺗﻤﻴﺸﻰ ﺧﻨﭽﻠﻴﻦ اوﺟﻮﻧﺎ ﺗﺎﺧﺎر‪ ،‬ﻗﻮﻳﺎر ﺑﺎﺷﻰ اوﺳﺘﻮﻧﻪ‪ ٠‬اؤز‬
‫ﺧﻨﭽﻠﻴﻦ دﻩ ﺗﺎﺧﺎر ﺷﺎهﻴﻦ ﺑﺌﻠﻴﻨﻪ‪ ٠‬ﮔﻠﺮ ﭼﻴﺨﺎر دووار ﺑﺎﺷﻴﻨﺎ‪ ٠‬ﻗﻴﻠﻴﻨﺠﻴﻦ ﭼﮑﺮ‪ ٠‬ﻗﻴﺮخ ﺣﺮاﻣﻴﻼرا دﺋﻴﻪر‪ :‬ﺑﻴﺮ‪-‬ﺑﻴﺮ‬
‫ﭼﻴﺨﻴﻦ اوﺳﺘﻪ ﺳﺎﻟﻼﻳﻴﻢ اوﻳﺎﻧﺎ‪٠‬‬
‫ﻗﻴﺮخ ﺣﺮاﻣﻴﻼر ﺑﻴﺮ‪-‬ﺑﻴﺮ ﭼﻴﺨﺪﻳﻘﺠﺎ ﺁﻟﺘﻴﻢ ﺗﻮپ ﺑﺎﺷﻴﻦ ﮐﺴﺮ ﺳﺎﻻر ﺣﻴﻪﺗﻪ‪ ٠‬ﻗﻴﺮﺧﻴﻦ دا اؤﻟﺪورەر ﻗﻮﻳﺎر ﮔﺌﺪر‬
‫داﻳﻰﺳﻴﻨﻴﻦ ﻳﺎﻧﻴﻨﺎ‪٠‬‬
‫ﺳﺤﺮ اوﻻر‪ ،‬ﮐﻴﭽﻴﮏ ﻗﻴﺰ ﺁﻳﻴﻼر ﮔﺆرەر ﮐﻰ ﻧﻪ وار‪ ٠‬ﮔﺌﺪر ددەﺳﻴﻨﻴﻦ ﻳﺎﻧﻴﻨﺎ دﺋﻴﻪر‪ :‬ﺗﺨﺘﻴﻦ ﺗﺎﺑﻮت اوﻟﺴﻮن‪،‬‬
‫ﻳﺌﺮﻳﻦ ﻗﺎﻧﻴﻠﻦ دوﻟﺴﻮن‪ ،‬ﺳﻦ ﻧﻪ ﮔﻮﻧﻮن ﺷﺎهﻴﺴﺎن ﮐﻰ‪ ،‬ﮔﺌﺠﻪ اﺋﻮﻳﻨﻪ ﺁدام ﮔﻠﻴﺮ‪ ،‬ﻗﻴﺰﻳﻨﻴﻦ ﻳﺎﻧﻴﻨﺎ ﺑﺌﻠﻪ ﮐﺎﻏﺎذ‬
‫ﻗﻮﻳﻮر‪٠‬‬
‫اوﻳﺎﻧﺪان ﺑﺆﻳﻮﮎ ﻗﻴﺰ ﺁﻳﻴﻼر هﺎى ﺳﺎﻻر‪ ٠‬ﺑﻮﻳﺎﻧﺪان ﭘﺎدﺷﺎﻩ ﮔﺆرەر ﺁﻳﺮى ﺧﻨﭽﻞ ﺑﺌﻠﻴﻨﻪ ﺑﺎﻏﻼﻳﻴﺒﻼر‪ ،‬اؤز‬
‫ﺧﻨﺠﻠﻰ ﺑﺎش اوﺳﺘﻮﻧﺪﻩ اﺋﻠﻪ‪ ،‬ﻗﻴﺮخ ﺣﺮاﻣﻰ ﺑﺎﺷﻰ ﮐﺴﻴﮏ ﺗﺆﮐﻮﻟﻮب ﺣﻴﻪﺗﻪ‪ ٠‬ﺷﻬﺮﻩ ﺧﺒﺮ دوﺷﺮ‪ ٠‬ﭘﺎدﺷﺎﻩ‬
‫اﻣﺮ اﺋﻠﺮ‪ :‬ﺷﻬﺮﻳﻦ ﺁداﻣﻼرﻳﻦ ﺑﻴﺮ‪-‬ﺑﻴﺮ ﮔﺘﻴﺮﻳﻦ ﮔﺆروم ﺑﻮ اﻳﺶ ﮐﻴﻤﻴﻦ اﻳﺸﻰ دى‪٠‬‬
‫هﺎﻣﻴﻨﻰ ﮔﺘﻴﺮەرﻟﺮ‪ ٠‬هﺌﭻ ﮐﻴﻤﻴﻦ ﺧﺒﺮى اوﻟﻤﺎز‪ ٠‬ﭘﺎدﺷﺎﻩ دﺋﻴﻪر‪ ،‬ﮐﻴﻢ ﻗﺎﻟﺪى؟‬
‫دﺋﻴﻪرﻟﺮ‪ :‬هﺌﭻ ﮐﻴﻢ ﻗﺎﻟﻤﺎدى‪ ،‬ﺁﻣﻤﺎ داﻏﺪا اﻳﮑﻰ ﻧﻔﺮ وار‪ ،‬اوﻧﻼرﻳﻦ اﻳﺸﻰ اوﻟﻤﺎز‪ ٠‬اوﻧﻼر ﻓﻘﻴﺮ‪-‬ﻓﻘﺮا ﺑﻴﺮ‬
‫ﺁداﻣﺪﻳﻼر‪٠‬‬
‫ﭘﺎدﺷﺎﻩ دﺋﻴﻪر‪ :‬ﮔﺌﺪﻳﻦ اوﻧﻼرى دا ﮔﺘﻴﺮﻳﻦ!‬
‫ﭘﺎدﺷﺎهﻴﻦ ﺁداﻣﻰ ﮔﻠﻨﺪﻩ ﺁﻟﺘﻴﻢ دورار دﺋﻴﻪر ﮐﻰ‪ ،‬ﻧﻪ دﺋﻴﻴﺮﺳﻴﺰ؟ دﺋﻴﻪرﻟﺮ‪ ،‬ﺑﻪ‪ ،‬ﭘﺎدﺷﺎﻩ ﭼﺎﻏﻴﺮﻳﺮ‪ ٠‬ﺁﻟﺘﻴﻢ ﺗﻮپ‬
‫دﺋﻴﻪر‪ :‬ﮐﺌﭽﻴﻦ ﮔﺌﺪﮎ‪٠‬‬
‫داﻳﻰ دﺋﻴﻪر‪ :‬ﺑﺎﺑﺎ‪ ،‬ﺑﻮﺷﻼ ﮔﺌﺘﺴﻴﻨﻠﺮ! ﺷﺎهﻴﻦ ﺑﻴﺰﻳﻠﻦ ﻧﻪ اﻳﺸﻰ اوﻻﺟﺎق؟ ﺁﻏﺮﻳﻤﺎز ﺑﺎﺷﻴﻨﺎ ﻧﻴﻪ ﺳﺎﻗﻘﻴﺰ‬
‫ﺳﺎﻟﻴﺮﺳﺎن؟‬
‫ﺁﻟﺘﻴﻢ دﺋﻴﻪر‪ :‬داﻳﻰ ﺗﺌﺰ ﻗﺎﻳﻴﺪارام‪٠‬‬
‫ﮔﻠﺮﻟﺮ ﻳﺌﺘﻴﺸﺮﻟﺮ ﭘﺎدﺷﺎهﻴﻦ ﻳﺎﻧﻴﻨﺎ‪ ٠‬ﺁﻟﺘﻴﻢ ﭘﺎدﺷﺎهﺎ اوزاﻗﺪان ﺑﺎش اﮔﺮەر‪ ،‬ﮐﺌﭽﺮ دﺋﻴﻪر‪ :‬ﭘﺎدﺷﺎﻩ ﺳﺎغ‬
‫اوﻟﺴﻮن! ﮔﻞ ﻗﺎﺑﺎﻗﺠﺎ ﻣﻨﻴﻢ ﺧﻨﺠﻠﻴﻤﻰ وﺋﺮ اؤزوﻣﻪ‪ ،‬دﺋﻴﻴﻢ‪٠‬‬
‫ﺑﻮ ﻳﻮل ﺁﭼﺎر ﺑﺎﺷﺪان دﺋﻴﻪرﮐﻰ‪ ،‬ﻧﺌﺠﻪ ﮔﺌﺘﺪﻳﻢ ﺷﻤﻌﻰ ﻳﺎﻧﺪﻳﺮﻣﺎﻏﺎ‪ ،‬ﻗﻴﺮخ ﺣﺮاﻣﻰ ﺑﺎﺷﻰ ﻣﻨﺪن ﺧﻮﺷﻮ‬
‫ﮔﻠﺪى‪ ٠‬دﺋﺪى ﮔﺌﺪﮎ ﭘﺎدﺷﺎهﻴﻦ ﺧﺰاﻧﻪﺳﻴﻦ ﮐﺴﻤﮕﻪ‪ ،‬دﺋﺪﻳﻢ ﻳﺎﺧﺠﻰ‪ ٠‬ﮔﻠﺪﻳﻢ ﭼﻴﺨﺪﻳﻢ دووارا دﺋﺪﻳﻢ ﺳﻴﺰ‬
‫دورون ﻣﻦ ﺑﺎﺧﻴﻢ ﺳﺲ‪-‬ﺻﺪا اوﻟﻤﺎﺳﺎ ﺳﻴﺰى ﭼﺎﻏﻴﺮﻳﻢ‪ ٠‬ﮔﻠﺪﻳﻢ ﮐﻴﭽﻴﮏ ﻗﻴﺰﻳﻦ ﺑﺎﺷﻰ اوﺳﺘﻪ ﮐﺎﻏﺎذ ﻳﺎزدﻳﻢ‪،‬‬
‫ﻗﻮﻳﺪوم ﺳﻴﻨﻪﺳﻰ اوﺳﺘﻪ‪ ٠‬ﺑﻴﺮدﻩ ﺑﻴﺮ اؤﭘﻮش ﺁﻟﺪﻳﻢ‪ ٠‬ﺁﻟﻤﺎ ﻗﻮﻳﺪوم‪ ،‬ﮐﺌﭽﺪﻳﻢ ﺑﻮﻳﻮﮎ ﻗﻴﺰﻳﻦ اوﺗﺎﻏﻴﻨﺎ‪ ،‬اورادا دا‬
‫ﮐﺎﻏﺎذ ﻳﺎزدﻳﻢ‪ ،‬ﺑﻴﺮدﻩ ﺑﻴﺮ اؤﭘﻮش ﺁﻟﺪﻳﻢ‪ ،‬ﺁﻟﻤﺎ ﻗﻮﻳﺪوم‪ ٠‬ﮔﻠﺪﻳﻢ ﺳﻨﻴﻦ اوﺗﺎﻏﻴﻨﺎ‪ ٠‬ﮔﺆردوم ﺁدى ﺑﺎﺗﻤﻴﺶ اﻳﺴﺘﻴﺮ‬
‫ﮔﻴﺮﺳﻴﻦ ﺁﻏﺰﻳﻨﺎ‪ ٠‬ﺧﻨﭽﻠﻴﻨﻰ ﭼﮑﺪﻳﻢ‪ ،‬ﺁدى ﺑﺎﺗﻤﻴﺸﻰ ﺗﺎﺧﺪﻳﻢ اوﺟﻮﻧﺎ‪ ،‬اؤز ﺧﻨﭽﻠﻴﻤﻰ ﺑﺎﻏﻼدﻳﻢ ﺑﺌﻠﻴﻨﻪ‪ ٠‬ﮔﻠﺪﻳﻢ‬
‫ﭼﻴﺨﺪﻳﻢ دووار ﺑﺎﺷﻴﻨﺎ‪ ٠‬ﻗﻴﺮخ ﺣﺮاﻣﻴﻼرى ﺑﻴﺮ‪-‬ﺑﻴﺮ اؤﻟﺪودوم ﺗﺆﮐﺪوم ﺣﻴﻪﺗﻪ‪ ٠‬ﮔﺌﺘﺪﻳﻢ داﻳﻴﻤﻴﻦ ﻳﺎﻧﻴﻨﺎ‪ ٠‬اﻳﻨﺪى‬
‫اؤز ﻳﺎﻧﻴﻨﺪاﻳﺎم‪ ٠‬اؤﻟﺪورەﺟﮑﺴﻦ اؤﻟﺪور‪ ،‬ﺳﺎﺧﻼﻳﺎﺟﺎﻗﺴﺎن ﺳﺎﺧﻼ‪٠‬‬
‫ﭘﺎدﺷﺎﻩ ﮔﺆرەر زﻳﺮﮎ اوﻏﻼن دى‪ ٠‬ﭼﮑﺮ ﺁﻟﻨﻴﻨﺪان اؤﭘﺮ‪ ٠‬ﮔﺆﻧﺪەرەر داﻳﻴﻨﻰ دا ﭼﺎﻏﻴﺮارﻻر‪٠‬‬
‫ﻳﺌﺪدى ﮔﻮن‪ ،‬ﻳﺌﺪدى ﮔﺌﺠﻪ ﺗﻮى ﺗﻮﺗﺎرﻻر‪ ٠‬ﮐﻴﭽﻴﮏ ﻗﻴﺰى ﺁﻟﺘﻴﻢ ﺗﻮپ ﺁﻻر‪ ،‬ﺑﺆﻳﻮﮎ ﻗﻴﺰى داﻳﻰ‪ ٠‬ﭘﺎدﺷﺎﻩ دا‬
‫ﭘﺎدﺷﺎهﻠﻴﻐﻴﻦ وﺋﺮەر ﺁﻟﺘﻴﻢ ﺗﻮﭘﺎ‪ ٠‬داﻳﻴﻨﻰ دا اوﻧﺎ وزﻳﺮ اﺋﻠﺮ‪٠‬‬
‫ﻳﺌﺪى‪ ،‬اﻳﭽﺪى ﻣﻄﻠﺒﻴﻨﻪ ﻳﺌﺘﻴﺸﺪى‪٠‬‬
 ‫اﮐﻴﻨﭽﻰﻧﻴﻦ ﻗﻴﺰى‬
‫ﮔﻮﻧﻠﺮﻳﻦ ﺑﻴﺮ ﮔﻮﻧﻮﻧﺪﻩ ﺷﺎﻩ ﻋﺒﺎس دورار وزﻳﺮى ﮔﺆﺗﻮەر ﮔﺌﺪرﻟﺮ ﺷﻴﮑﺎرا‪ ٠‬ﭼﺆﻟﻠﻮ‪-‬ﺑﺮرى ﺑﻴﺎﺑﺎﻧﺪا ﮔﺆرەرﻟﺮ ﻗﻮﺟﺎ‬
‫ﺑﻴﺮ اﮐﻴﻨﭽﻰ وار‪ ٠‬ﺷﺎﻩ ﻋﺒﺎس ﮔﺆرەرﮐﻰ ﻗﻮﺟﺎ ﭼﻮخ دوﻧﻴﺎ ﮔﺆرﻣﻮﺷﺪو‪ ٠‬دﺋﻴﻪر‪ :‬ﻗﻮﺟﺎ ﻋﻤﻰ‪ ،‬اوزاﻗﺪاﺳﺎن‪،‬‬
‫ﻳﺎﺧﻴﻨﺪا؟‬
‫ﻗﻮﺟﺎ ﺷﺎﻩ ﻋﺒﺎﺳﻰ ﺗﺎﻧﻴﺎر‪ ٠‬دﺋﻴﻪر‪ :‬اوزاﻗﺪا اﻳﺪﻳﻢ‪ ،‬اﻳﻨﺪى ﻳﺎﺧﻴﻨﺪاﻳﺎم‪٠‬‬
 ‫ﺷﺎﻩ ﻋﺒﺎس دﺋﻴﻪر‪ :‬اﻳﮑﻴﺪەﺳﻦ‪ ،‬اوﭼﺪﻩ؟‬
‫ﻗﻮﺟﺎ دﺋﻴﻪر‪ :‬اﻳﮑﻴﺪە اﻳﺪﻳﻢ‪ ،‬اﻳﻨﺪى اوﭼﺪەﻳﻢ‪٠‬‬
‫ﺷﺎﻩ ﻋﺒﺎس دﺋﻴﻪر‪ :‬اﻳﮑﻴﺪەﺳﻦ‪ ،‬دؤرددە؟‬
‫ﻗﻮﺟﺎ دﺋﻴﻪر‪ :‬اﻳﮑﻴﺪەاﻳﺪﻳﻢ‪ ،‬اﻳﻨﺪى دؤردەﻳﻢ‪٠‬‬
‫ﺑﻮﺟﻮر ﺻﺤﺒﺘﻠﻪﺷﺮﻟﺮ‪ ٠‬ﻗﻮﺟﺎ دﺋﻴﻪر‪ :‬ﺑﻴﺰﻳﻢ اﺋﻮﻩ ﻗﻮﻧﺎق اوﻟﻮن‪ ٠‬ﺑﻮﻳﻮل‪ ،‬ﭘﺎدﺷﺎهﻰ‪ ،‬وزﻳﺮى ﮔﺆﺗﻮرەر ﺁﭘﺎرار‬
‫اﺋﻮﻳﻨﻪ‪ ٠‬ﻗﻮﺟﺎﻧﻴﻦ ﺑﻴﺮﺟﻪ ﻗﻴﺰى واراﻳﺪى‪ ٠‬ﺑﻴﺮ ﮔﺆزو ﭼﺌﺮى اﻳﺪى‪ ٠‬ﻗﻴﺰ دﺋﻴﻪر‪ :‬ددﻩ‪ ،‬ﺁرﭘﺎ ﮐﻮﮐﻪﺳﻴﻦ ﻧﻪﺟﻮر ﻗﻮﻳﺎق‬
‫ﻗﻮﻧﺎﻗﻼرﻳﻦ ﻗﺎﺑﺎﻏﻴﻨﺎ؟‬
‫ﻗﻮﺟﺎ دﺋﻴﻪر‪ :‬اوﻟﺴﻮن‪ ،‬ﻋﻴﺒﻰ ﻳﻮﺧﺪور‪٠‬‬
‫ﺷﺎﻩ ﻋﺒﺎس ﮔﺆرەر ﻗﻴﺰ ﺑﻴﻠﻴﺠﻰ ﻗﻴﺰدى‪ ٠‬ﺑﺎﺷﺪان ﻳﻮﺧﺎرى ﺑﺎﺧﺎر‪ ،‬دﺋﻴﻪر‪ :‬ﻗﻮﺟﺎ‪ ،‬ﺑﻮﺧﺎرى ﻳﺎﺧﺠﻰ ﺑﻮﺧﺎرى‬
‫دى‪ ،‬ﺑﺎﺷﻰ ﮐﮋدى‪٠‬‬
‫ﻗﻴﺰ ﻗﺎﻳﻴﺪى دﺋﻴﻪر‪ :‬ﮐﮋﻟﻴﮕﻴﻦ ﻧﻪ اﺋﻠﻴﺮﺳﻦ؟ ﺗﻮﺳﺘﻮﻧﻮ ﭼﮑﻤﻪﮔﻴﻨﻰ دﺋﻪ!‬
‫ﺷﺎﻩ ﻋﺒﺎس ﺑﺎرﻣﺎﻏﻴﻦ دﻳﺸﻠﺮ‪ ٠‬ﭼﺆرﮎ ﻳﺌﻴﻪرﻟﺮ دورارﻻر ﮔﺌﺘﻤﻪﮔﻪ‪ ،‬ﻗﺎﻳﻴﺪار ﭘﺎدﺷﺎﻩ ﻗﻮﺟﺎﻳﺎ دﺋﻴﻪر‪ :‬ﻗﺎز‬
‫ﮔﺆﻧﺪرﺳﻢ اؤﺗﺮﺳﻦ؟‬
‫ﻗﻮﺟﺎ دﺋﻴﻪر‪ :‬ﺁخ ﻧﺌﺠﻪ! اوﺳﺘﺎﺳﻰﻳﺎم‪٠‬‬
‫ﺷﺎﻩ وزﻳﺮ ﮔﻠﺮﻟﺮ ﻳﺌﺘﻴﺸﺮﻟﺮ ﺷﻬﺮﻩ‪ ٠‬وزﻳﺮ ﺳﻮروﺷﺎر‪ :‬ﺷﺎﻩ ﺳﺎغ اوﻟﺴﻮن‪ ،‬او ﺳﺆزﻟﺮ ﻧﻪ اﻳﺪى داﻧﻴﺸﺪﻳﺰ؟‬
‫ﺷﺎﻩ ﻋﺒﺎس دﺋﻴﻪر‪ :‬ﮔﺌﺖ ﻗﻮﺟﺎدان ﺳﻮروش اؤرﮔﺶ‪٠‬‬
‫وزﻳﺮ ﮔﺆرەر اؤزون ﺳﺎﺧﻠﻴﺎﻧﻤﻴﺮ ﮔﻠﺮ ﻗﻮﺟﺎﻧﻴﻦ ﻳﺎﻧﻴﻨﺎ‪ ،‬ﻗﻮﺟﺎ دﺋﻴﻪر‪ :‬هﺮ ﺳﺆزە ﻳﻮز ﺗﻮﻣﻦ ﺁﻻرام دﺋﻴﻪرەم‪٠‬‬
‫وزﻳﺮ ﻗﺒﻮل اﺋﻠﺮ‪ ٠‬ﻗﻮﺟﺎ دﺋﻴﻪر‪ :‬او ﮐﻰ‪ ،‬ﭘﺎدﺷﺎﻩ ﺳﻮروﺷﺪو " اوزاﻗﺪاﺳﺎن‪ ،‬ﻳﺎﺧﻴﻨﺪا!" ﻣﻨﻴﻢ ﮔﺆزﻟﺮﻳﻤﻰ‬
‫ﺳﻮروﺷﺪو‪ ٠‬ﻣﻦ دﻩ دﺋﺪﻳﻢ ‪ :‬ﻳﺎﺧﻴﻨﺪاﻳﺎم‪ "٠‬ﻳﺎﻧﻰ اوزاﻏﻰ ﮔﺆرەﻧﻤﻴﺮم‪ ٠‬اوداﮐﻰ‪ ،‬ﺳﻮروﺷﺪو "اﻳﮑﻴﺪﻩ ﺳﻦ‬
‫اؤﭼﺪﻩ؟" ﻳﺎﻧﻰ ﻋﺼﺎﻳﻼن ﻳﻮل ﮔﺌﺪرﺳﻦ ﻳﺎ ﻳﻮخ؟ ﻣﻦ دﻩ دﺋﺪﻳﻢ "اوﭼﺪەﻳﻢ" ﻳﺎﻧﻰ‪ ،‬ﺑﻌﻠﻰ ﻋﺼﺎﻳﻼن ﮔﺌﺪەرم‪ ٠‬اودا‬
‫ﮐﻰ‪ ،‬دﺋﺪى "اﻳﮑﻴﺪەﺳﻦ‪ ،‬دؤرددﻩ؟" ﻋﻴﻨﮑﻠﺮﻳﻤﻰ ﺳﻮروﺷﺪو‪ ٠‬ﻣﻦ دﻩ دﺋﺪﻳﻢ ﮐﻰ‪ ،‬دؤرددەﻳﻢ‪ ٠‬ﻳﺎﻧﻰ ﻋﻴﻨﮏ‬
‫ﺗﺎﺧﺎرام‪ ٠‬ﻗﺎزدا ﮐﻰ ﺳﻨﺴﻦ‪ ،‬ﮔﺆﻧﺪردى‪ ،‬ﻳﻮﻟﺪوم‪٠‬‬
‫وزﻳﺮ دﺋﻴﻪر‪ :‬او ﻧﻤﻨﻪدى ﮐﻰ‪ ،‬ﺑﺨﺎرى ﻳﺎﺧﺠﻰ ﺑﻮﺧﺎرى دى‪ ،‬ﺑﺎﺷﻰ ﮐﮋدى!‬
‫ﻗﻮﺟﺎ دﺋﻴﻪر‪ :‬اوﻧﻮدا ﻗﻴﺰﻳﻢ ﺑﻴﻠﺮ‪٠‬‬
‫ﮔﻠﺮ ﻗﻴﺰﻳﻦ ﻳﺎﻧﻴﻨﺎ‪ ٠‬ﻗﻴﺰ دﺋﻴﻪر‪ :‬ﻣﻦ اوﻧﻮ ﺗﺎﻧﻴﺪﻳﻢ ﺑﻴﻠﺪﻳﻢ ﮐﻰ ﭘﺎدﺷﺎﻩ دى‪ ٠‬ﺁرﭘﺎ ﮐﻮﮐﻪﺳﻰ دﻩ ﻣﻦ اؤزوﻣﻮ‬
‫دﺋﻴﻴﺮدﻳﻢ‪ ٠‬او دا دﺋﺪى ﮐﻰ‪ ،‬ﻗﻴﺰ ﻳﺎﺧﺠﻰ ﻗﻴﺰدى ﺁﻣﻤﺎ ﮔﺆزو ﭼﺌﺮى دى‪ ٠‬ﻣﻦ دﻩ دﺋﺪﻳﻢ ﮐﻰ‪ ،‬ﭼﺌﺮﻳﻠﻴﮕﻴﻨﻪ‬
‫ﺑﺎﺧﻤﺎ‪ ٠‬اﻟﻴﻨﻴﻦ اﻳﺸﻴﻨﻪ‪ ،‬اؤزوﻧﻮن ﺑﺎﺷﺎراﺟﻴﻐﻴﻨﺎ ﺑﺎخ‪٠‬‬
‫وزﻳﺮ اؤرﮔﻪﺷﺮ ﮔﻠﺮ‪ ٠‬ﺷﺎﻩ ﻋﺒﺎس دﺋﻴﻪر‪ :‬وزﻳﺮ او ﻗﻴﺰى ﮔﺮﮎ ﺁﻻﺳﻴﺰ ﻣﻨﻪ‪٠‬‬
‫وزﻳﺮ ﺁدام ﮔﺆﻧﺪەرﮐﻰ‪ ،‬ﻗﻮﺟﺎ‪ ،‬ﻗﻴﺰﻳﻨﻰ ﭘﺎدﺷﺎﻩ اﻳﺴﺘﻴﺮ‪ ٠‬ﻗﻴﺰ اﺋﺸﻴﺪر‪ ٠‬ﺳﺆز ﮔﺆﻧﺪەر ﮐﻰ‪ ،‬ﻣﻦ ﮔﻠﻤﻪرم‪٠‬‬
‫ﭘﺎدﺷﺎهﻴﻦ اﻟﻴﻨﺪﻩ ﺻﻨﻌﺖ ﻳﻮخ‪ ٠‬ﺑﻴﻪ ﺁدام دى‪-‬اﻳﺶ دى‪ ٠‬اﺋﻠﻪ اوﻟﻤﺎدى‪ ،‬ﺑﺌﻠﻪ اوﻟﺪو‪ ٠‬ﭘﺎدﺷﺎهﻠﻴﻘﺪان دوﺷﺪو‪٠‬‬
‫هﺎرادان ﭼﺆرەﮎ ﻗﺎزاﻧﺎر؟ ﻣﻦ ﺁج ﻗﺎﻻرام‪ ٠‬ﮔﺌﺘﺴﻴﻦ ﺻﻨﻌﺖ اؤرﮔﺸﺴﻴﻦ‪ ،‬ﺳﻮﻧﺮا ﻣﻨﻰ ﺁﻟﺴﻴﻦ‪٠‬‬
‫ﺷﺎﻩ ﻋﺒﺎس اؤزو‪-‬اؤزوﻧﻪ دﺋﻴﻪر‪ :‬ﻏﺮﻳﺒﻪ اﻳﺶ دى! اﮐﻴﻨﭽﻰ ﺑﺎﺑﺎﻧﻴﻦ ﻗﻴﺰﻳﻨﺪا اﻓﺎدەﻳﻪ ﺑﺎخ! ﻧﻪ ﻗﺪر اﺋﻠﺮ اوﻟﻤﺎز‪٠‬‬
‫ﻗﻴﺰ دﺋﻴﻪر‪ :‬ﺗﻮﻳﻮق ﺑﻴﺮ ﻗﻴﭽﻠﻰ دى ﮐﻰ‪ ،‬ﺑﻴﺮ ﻗﻴﭽﻠﻰ دى‪ ٠‬ﺻﻨﻌﺖ اؤرﮔﺸﻤﻪﺳﻪ ﮔﻠﻤﻪرم‪٠‬‬
‫ﺷﺎﻩ ﻋﺒﺎس ﻣﺠﺒﻮر ﻗﺎﻻر ﮔﺌﺪر ﺣﺼﻴﺮ ﺗﻮﺧﻮﻧﻤﺎق اؤﮔﺸﻪر‪ ٠‬ﻗﻴﺰ دﺋﻴﻪر هﻪ‪ ،‬اﻳﻨﺪى ﮔﻠﺮم‪٠‬‬
‫ﺷﺎﻩ ﻋﺒﺎس وﺋﺮر ﺗﻮى‪-‬ﺗﺎﺑﺎﻏﻴﻼن ﻗﻴﺰى ﮔﺘﻴﺮەرﻟﺮ‪ ٠‬ﺷﺎﻩ ﻋﺒﺎﺳﻴﻦ ﺑﻮﻧﺪان ﺳﻮاى‪ ،‬اﻳﮑﻰ ﺁروادى داهﺎ وار‬
‫اﻳﺪى‪ ٠‬ﺑﻴﺮ ﮔﻮن اﻳﺴﺘﺮ ﺁروادﻻرﻳﻦ ﻋﺎﻏﻴﻠﻼرﻳﻦ ﻳﻮﺧﻼﺳﻴﻦ‪ ٠‬ﺑﺆﻳﻮﮎ ﺁروادﻳﻦ ﻳﺎﻧﻴﻨﺎ ﮔﺌﺪر‪ ٠‬دﺋﻴﻪر‪ :‬ﺧﺎﻧﻴﻢ‪ ،‬ﺳﻦ‬
‫ﺳﺤﺮﭼﺎﻏﻰ ﻧﻪ ﺗﻬﺮ ﺁﻳﻴﻼرﺳﺎن؟‬
‫دﺋﻴﻪر‪ :‬ﻣﻨﻴﻢ ﺣﻴﻪﺗﻪ ﮔﺌﺘﻤﮕﻴﻢ اوﻻر ﺁﻳﻴﻼرام‪٠‬‬
‫ﺑﻮﻧﺪان ﺳﻮﻧﺮا دورار ﮔﺌﺪر ﺗﺎزا ﺁروادﻳﻦ ﻳﺎﻧﻴﻨﺎ‪ ٠‬دﺋﻴﻪر‪ :‬ﺧﺎﻧﻴﻢ‪ ،‬ﺳﻦ ﺳﺤﺮﭼﺎﻏﻰ ﻧﻪ ﺟﻮر ﺁﻳﻴﻼرﺳﺎن؟‬
‫ﻗﻴﺰ دﺋﻴﻪر‪ :‬ﭘﺎدﺷﺎﻩ ﺳﺎغ اوﻟﺴﻮن‪ ،‬ﺳﺤﺮﭼﺎﻏﻰ ﺑﻬﺸﺘﻴﻦ ﻗﺎﭘﻴﻼرى ﺁﭼﻴﻼر‪ ،‬ﺑﻴﺮ ﺧﻮش اﻳﻰ ﮔﻠﺮ‪ ٠‬او‪ ،‬ﻣﻨﻰ‬
‫ﺁﻳﻴﻠﺪار‪٠‬‬
 ‫ﭘﺎدﺷﺎهﻴﻦ ﺑﻴﺮ ﻣﺤﺒﺘﻰ واردﻳﺴﺎ‪ ،‬ﻣﻴﻦ اوﻻر‪ ٠‬ﮔﺆرەر ﻻﻳﻖ ﻗﻴﺰدى‪٠‬‬
‫ﮔﻮﻧﻠﺮﻳﻦ ﺑﻴﺮ ﮔﻮﻧﻮﻧﺪﻩ ﺷﺎﻩ ﻋﺒﺎس درﺑﻴﺶ ﭘﺎﻟﺘﺎرﻳﻨﺪا ﮔﺌﺪر ﺑﻴﺮ ﻗﺼﺎب ﺗﻮﮐﺎﻧﻴﻨﺎ‪ ٠‬دورار ﻧﻮﺑﻪﻳﻪ ات ﺁﻟﺴﻴﻦ‪٠‬‬
‫ﻗﺼﺎب ﺑﺎﺷﻰ دﺋﻴﻪر‪ :‬ﺑﺎﺑﺎ درﺑﻴﺶ‪ ،‬اﮔﻠﺶ اﻳﭽﺮﻳﺪﻩ وﺋﺮﮎ‪٠‬‬
‫ﺷﺎﻩ ﻋﺒﺎس اﻳﭽﺮى ﮐﺌﭽﻤﮏ هﺎﻣﺎن‪ ،‬ﺁﻳﺎﻏﻴﻨﻴﻦ ﺁﻟﺘﻰ ﺟﻮﻣﺎر‪ ،‬دوﺷﺮ ﺑﻴﺮ ﻗﺎراﻧﻠﻴﻖ ﻳﺌﺮﻩ‪ ٠‬ﮔﺆرەرﮐﻰ اؤزوﻧﺪن‬
‫ﺳﻮﻧﺮا ﺁﻳﺮى ﺁداﻣﻼر دا واردى‪ ٠‬دﺋﻴﻪرﻟﺮ ﮐﻰ‪ ،‬ﺑﻮ ﺗﻮﮐﺎﻧﺪا ﺁدام اﺗﻰ ﺳﺎﺗﺎرﻻر‪ ٠‬ﺑﻴﺰى دﻩ ﺗﻮﺗﻮﺑﻼر ﮐﻰ‪،‬‬
‫اؤﻟﺪورﺳﻮﻧﻠﺮ‪ ،‬اﺗﻴﻤﻴﺰى ﺳﺎﺗﺴﻴﻨﻼر‪٠‬‬
‫ﺷﺎﻩ ﻋﺒﺎس ﮔﺆرەر ﮐﻰ‪ ،‬اﻳﺸﻰ ﭘﻴﺴﻪ ﭼﮑﻴﺐ‪٠‬‬
‫ﺑﻴﺮ ﮔﻮن اوﺗﻮرﻣﻮﺷﺪو‪ ،‬ﺑﻴﺮ ﻧﻔﺮ ﮔﻠﺮ ﮐﻰ‪ ،‬دور ﮔﺆرەﮎ‪ ٠‬ﻧﻮﺑﻪ ﺳﻨﻴﻦ دى‪٠‬‬
‫ﭘﺎدﺷﺎﻩ دﺋﻴﻪر‪ :‬ﻣﻨﻴﻢ اﺗﻴﻤﺪن ﻧﺌﭽﻪ ﻗﺎزاﻧﺎرﺳﻴﺰ؟‬
‫دﺋﻴﻪر ﮐﻰ‪ ،‬ﻓﻼن ﻗﺪر‪٠‬‬
‫ﺷﺎﻩ ﻋﺒﺎس دﺋﻴﻪر‪ :‬ﻣﻦ ﻳﺎﺧﺠﻰ ﺣﺼﻴﺮ ﺗﻮﺧﻮﻣﺎق ﺑﺎﺷﺎررام‪ ٠‬ﻣﻨﻰ اؤﻟﺪورﻣﻪﻳﻴﻦ‪ ٠‬ﺳﻴﺰﻩ ﺣﺼﻴﺮ ﺗﻮﺧﻮﻳﻮم‪،‬‬
‫ﺁﭘﺎرﻳﻦ ﺳﺎﺗﻴﻦ‪ ،‬ﻳﻮز او ﻗﺪر ﭘﻮل ﻗﺎزاﻧﻴﻦ‪٠‬‬
‫دﺋﻴﻪر‪ :‬ﻳﺎﺧﺠﻰ‪٠٠٠‬‬
‫ﮐﻮﻟﺶ ﺁﻻرﻻر ﮔﺘﻴﺮەرﻟﺮ‪ ٠‬ﺷﺎﻩ ﻋﺒﺎس ﺑﺎﺷﻼر ﺣﺼﻴﺮ ﺗﻮﺧﻮﻣﺎﻏﺎ‪ ٠‬ﺗﻮﺧﻮﻳﺎ‪-‬ﺗﻮﺧﻮﻳﺎ ﺣﺼﻴﺮﻳﻦ ﺑﻴﺮ ﻳﺎﻧﻴﻨﺪا ﻳﺎزار‬
‫ﮐﻰ‪ ،‬وزﻳﺮ ﺁﻣﺎن دى ﻗﻮﺷﻮن ﮔﺆﺗﻮر ﮔﻞ‪ ٠‬ﻓﻼن ﻳﺌﺮدﻩ ﻗﺎﻟﻤﻴﺸﺎم‪ ٠‬ﻳﻮز ﺗﻮﻣﻦ دﺋﺴﻪﻟﺮ‪ ،‬ﺑﺌﺶ ﻳﻮز ﺗﻮﻣﻦ وﺋﺮ‬
‫ﺣﺼﻴﺮى ﺁل‪٠‬‬
‫ﺣﺼﻴﺮى ﻗﻮرﺗﺎرار دﺋﻴﻪر‪ :‬ﺁﭘﺎرﻳﻦ ﻓﻼن ﮐﻮﭼﻴﻪ‪ ٠‬اورادا ﻳﺎﺧﺠﻰ ﭘﻮﻻ ﮔﺌﺪر‪٠‬‬
‫ﺣﺼﻴﺮى ﮐﻮﭼﻪدﻩ دوﻻﻧﺪﻳﺮاﻧﺪا‪ ،‬وزﻳﺮﻳﻦ ﮔﺆزو ﺳﺎﺗﺎﺷﺎر ﺷﺎﻩ ﻋﺒﺎﺳﻴﻦ ﺧﻄﻴﻨﻪ‪ ٠‬ﺑﻴﻠﺮ ﮐﻰ‪ ،‬ﻧﻪ وار‪ ٠‬ﻳﻮز‬
‫دﺋﻴﻪرﻟﺮ‪ ،‬ﺑﺌﺶ ﻳﻮز وﺋﺮر ﺣﺼﻴﺮى ﺁﻻر‪ ٠‬ﺗﺌﺰ ﻗﻮﺷﻮن ﮔﺆﺗﻮرەر ﮔﺌﺪر ﻗﺼﺎب ﺗﻮﮐﺎﻧﻴﻦ دؤورەﻟﺮ‪ ٠‬ﺷﺎﻩ ﻋﺒﺎﺳﻰ‬
‫ﭼﻴﺨﺎردار‪ ٠‬ﺗﻮﮐﺎﻧﻰ داﻏﻴﺪار‪ ،‬ﮔﻠﺮﻟﺮ اﺋﻮﻩ‪٠‬‬
‫ﺷﺎﻩ ﻋﺒﺎس اﮐﻴﻨﭽﻰ ﻗﻴﺰﻳﻨﻴﻦ ﻋﻘﻠﻴﻨﻪ ﺣﺌﻴﺮان ﻗﺎﻻر‪ ،‬ﻣﺤﺒﺘﻰ ﭼﻮﺧﺎﻻر‪٠‬‬

‫)اﻳﻠﮏ ﺑﺆﻟﻮﻣﻮن ﺳﻮﻧﻮ(‬

 ‫ﺁﭼﻴﻖ ﺳﺆز ‪açıq söz‬‬

‫)اﻳﮑﻴﻨﺠﻰ ﺑﺆﻟﻮم(‬

‫ﺻﻤﺪ ﺑﻬﺮﻧﮕﻰ و ﺑﻬﺮوز دهﻘﺎﻧﻰ ﻧﻴﻦ ﺁﻧﺎ‬

‫دﻳﻠﻴﻨﺪﻩ ﺗﻮﭘﻼدﻳﻘﻼری ﺁذرﺑﺎﻳﺠﺎن ﻧﺎﻏﻴﻠﻼری اوزرﻳﻨﺪﻩ ﭼﺎﻟﻴﺸﻤﺎﻻری‬

‫دوﻏﻤﺎ اﺋﻞ اوﻏﻠﻮ‪ ،‬ﻳﻮروﻟﻤﺎز ﺁﺧﺘﺎرﻳﺠﯽ و ﺑﺎرﻳﺸﻤﺎز ﻳﺎزﻳﭽﯽ ﺻﻤﺪ ﺑﻬﺮﻧﮕﯽﻧﻴﻦ ﭼﻮخ ﺳﺎﺣﻪﻟﯽ ادﺑﯽ‪-‬ﺑﺪﻳﻌﯽ ﭼﺎﻟﻴﺸﻤﺎﻻرﻳﻨﻴﻦ ان‬
‫اؤﻧﻤﻠﯽ ﻗﻮﻟﻼرﻳﻨﺪان ﺑﻴﺮﯼ‪ ،‬اوﻧﻮن اوﺷﺎق ﻓﻮﻟﮑﻠﻮروﻣﻮزو‪ ،‬ﺧﺎﻟﻖ ادﺑﻴﺎﺗﻴﻤﻴﺰ اﻳﻠﻪ اﻳﻠﮕﻴﻠﻨﻤﻪﺳﯽ‪ ،‬ﺧﺎﻟﻖ ادﺑﻴﺎﺗﻴﻤﻴﺰﯼ ﺗﻮﭘﻼﻳﻴﺐ‬
‫ﺁراﺷﺪﻳﺮﻣﺎﺳﯽ و ﻳﺌﺮﯼ ﮔﻠﻨﺪﻩ اوﻧﻼرﻳﻦ ﻧﺸﺮﯼ اوﭼﻮن ﭼﺎﻟﻴﺸﻤﺎﺳﯽ‪ ،‬ﻓﻮﻟﮑﻠﻮروﻣﻮزون ان ﮔﻮﺟﻠﻮ ﻗﻮﻟﻮ اوﻻن ﻧﺎﻏﻴﻠﻼرﻳﻤﻴﺰدان اﻳﻠﻬﺎم‬
‫ﺁﻻراق‪ ،‬دوﻧﻴﺎ ﻣﻘﻴﺎﺳﻴﻨﺪا ﺷﺆهﺮت ﻗﺎزاﻧﺎن اوﺷﺎق ﻧﺎﻏﻴﻠﻼرﯼ‪ ،‬اؤز ﺁدﯼ اﻳﻠﻪ دﺋﺴﮏ‪ ،‬ﺻﻤﺪﻳﻦ ﻗﺼﻪﻟﺮﻳﻨﯽ ﻳﺎزﻳﺐ ﻳﺎراﺗﻤﺎﻗﺪا ﺷﺮﻓﻠﯽ‬
‫اﻣﮏ ﮔﻮﺳﺘﺮﻣﻪﺳﯽ اوﻟﻤﻮﺷﺪور‪.‬‬
‫ﺑﻮﺗﻮن ﭘﺪاﻗﻮژﯼ‪-‬ﺗﺮﺑﻴﻪوﯼ ﮔﺆروﺷﻠﺮﻳﻨﺪﻩ ﺑﻴﺮﻳﻨﺠﯽ ﻳﺌﺮﯼ اوﺷﺎﻗﻼرا وﺋﺮن و اوﻧﻼرى ﮔﻠﻪﺟﮏ دوﻧﻴﺎﻧﻴﻦ ﻗﻮروﺟﻮﻻرﯼ اوﻟﺪوﻗﻼرﻳﻨﺎ‬
‫اﻳﻨﺎﻧﺎن ﺻﻤﺪ‪ ،‬ﺁذرﺑﺎﻳﺠﺎن ﻓﻮﻟﮑﻠﻮروﻧﻮ ﺗﻮﭘﻼﻣﺎﻗﺪا ﺑﻴﺮﻳﻨﺠﯽ ﻳﺌﺮدﻩ اوﺷﺎﻗﻼرﻳﻦ هﺎﻣﻴﺪان ﭼﻮخ ﻣﺎراﻗﻼﻧﺪﻳﻐﯽ و ﺳﺌﻮدﻳﮕﯽ ﻧﺎﻏﻴﻠﻼرا‬
‫وﺋﺮﻣﻴﺸﺪﻳﺮ‪ .‬ﻣﻦ ﺳﻴﺰﻩ ﺻﻤﺪﻳﻦ و اوﻧﻮن ﻳﺎﺧﻴﻦ اﻣﮑﺪاﺷﻼرﻳﻨﺪان ﺑﻬﺮوز دهﻘﺎﻧﻴﻨﻰ ﻧﺎﻏﻴﻠﻼرﻳﻤﻴﺰﯼ ﺗﻮﭘﻼﻳﻴﺐ ﻧﺸﺮ اﺋﺘﻤﮑﺪﻩ ﺻﺮف‬
‫اﺋﺘﺪﻳﮑﻠﺮى ﺷﺮﻓﻠﻰ اﻣﮕﯽ ال ﻳﺎزﻣﺎ ﻧﻮﺳﺨﻪﺳﯽ ﺗﺎﭘﻴﻠﺪﻳﻘﺪان ﺳﻮﻧﺮا ﻳﺎزدﻳﻐﻴﻢ ﺑﺎﺷﻼﻧﻴﺸﻼ ﺗﺎﻧﻴﺶ اﺋﺘﻤﮕﯽ ﻳﺌﺮﻟﯽ ﺳﺎﻧﻴﺮام‪.‬‬
‫اوﻧﻼر اﻳﮑﻴﺴﯽ ﺁذرﺑﺎﻳﺠﺎن دﻳﻠﻰﻧﻴﻦ ﻳﺎزﻳﺐ‪-‬اوﺧﻮﻣﺎﻏﯽ ﻳﺎﺳﺎق اوﻟﺪوﻏﻮ دﻳﻠﺪﻩ ﻳﺎزﻳﻼن ﮐﻴﺘﺎﺑﻼرﻳﻦ ﻳﺎﻧﺪﻳﺮﻳﻠﻤﺎﺳﻴﻨﯽ اﺋﺸﻴﺘﺪﻳﻠﺮ و‬
‫دوﻳﺪوﻻر‪ .‬اﺋﺸﻴﺘﺪﻳﮑﻠﺮﯼ و دوﻳﺪوﻗﻼرﯼ ﺑﻮ ﻣﺎﺟﺮادان ﻳﻮﮐﺴﻠﻦ ﺁﻟﻮو‪ ،‬اوﻧﻼرﻳﻦ روﺣﻮﻧﺎ و وﺟﻮدوﻧﺎ ﮔﻮﻣﺪو و ﺑﻮﺗﻮن ﺣﻴﺎت ﺑﻮﻳﻮ اوﻧﻼرى‬
‫دوﺷﻮﻧﺪوردو‪.‬‬
‫اوﻧﻼردان ﺑﻴﺮى‪ ،‬ﺻﻤﺪ‪ ،‬اؤز ﺁﻧﺎ دﻳﻠﻴﻨﻪ ﺑﺴﻠﻪدﻳﮕﻰ اﻳﻨﺎﻣﻰ ‪-١٣۴٢‬ﻧﺠﻰ اﻳﻠﺪﻩ‪ ،‬اﻳﻠﮏ اﺛﺮى ﺳﺎﻳﻴﻼن و اؤزو دﺋﻤﻴﺸﮑﻦ اوﻧﻮ‬
‫"ﺗﺎﻟﻴﻔﺎت ﺻﺎﺣﻴﺒﻰ" اﺋﻠﻪﻳﻦ "ﭘﺎرﻩ ﭘﺎرﻩ" اﻳﻠﻪ ﮔﺆﺳﺘﺮدى‪ .‬ﺑﻮ ﻳﺎراﺷﻴﻘﻠﻰ و ﻳﻴﻐﺠﺎم اﺛﺮﻩ ﻋﻤﻮﻣﻰ ﺑﻴﺮ ﺑﺎﺧﻴﺶ ﺑﺌﻠﻪ‪ ،‬اوﻧﻮ ﺗﻮﭘﻼﻳﺎﻧﻴﻦ اؤز ﺁﻧﺎ‬
‫دﻳﻠﻴﻨﺪﻩ درس اوﺧﻮﻳﺎ ﺑﻴﻠﻤﻪدﻳﮕﻴﻨﻪ ﺑﺎﺧﻤﺎﻳﺎراق‪ ،‬ﺑﻮ دﻳﻠﺪﻩ ﭼﺎﻏﻼﻳﺎن ﺷﻌﺮﻳﻦ ان درﻳﻨﻠﻴﮑﺮﻳﻨﻪ وارﻣﺎﺳﻴﻨﺎ ﺟﺎﻧﻠﻰ ﺛﻮﺑﻮﺗﺪور‪ .‬او‪ ،‬ﺑﻮ‬
‫ﻣﺠﻤﻮﻋﻪدﻩ ﻧﻈﺮﻩ ﺁﻟﺪﻳﻐﯽ و ﺗﻮﺧﻮﻧﺪوﻏﻮ اوﺗﺎى‪-‬ﺑﻮﺗﺎى ﺷﺎﻋﻴﺮﻟﺮﻳﻨﻴﻦ ان ﮔﺆزل و ﻣﻀﻤﻮﻧﻠﻮ ﺷﻌﺮﻟﺮﻳﻨﻰ‪ ،‬ﻳﻮزدن ﭼﻮخ ﺧﺎﻟﻖ ﺑﺎﻳﺎﺗﻴﺴﯽ‬
‫اﻳﻠﻪ ﻳﺌﺮﻟﺸﺪﻳﺮﻣﻴﺸﺪﻳﺮ‪ .‬ﺑﻮ اﻳﻠﮏ اﺛﺮﻳﻦ ﺑﻮراﺧﻴﻠﻴﺸﯽ ﺻﻤﺪﻩ ﺑﺎهﺎ ﺑﺎﺷﺎ ﮔﻠﺪى‪ ،‬ﻣﺤﮑﻤﻪﻳﻪ ﭼﺎﻏﻴﺮﻳﻠﺪى‪ ٠‬ﮐﻴﺘﺎﺑﺪا "ﺁذرﺑﺎﻳﺠﺎن" ﺷﻌﺮﻳﻨﻪ‬
‫ﻳﺌﺮ وﺋﺮدﻳﮕﻰ اوﭼﻮن ﺗﺆهﻤﺘﻠﻨﺪى‪ .‬ﺑﺌﻠﻪﻟﻴﮑﻠﻪ ﮐﻴﺘﺎب ﻳﺎﺳﺎق اﺋﺪﻳﻠﺪى و ﭘﻬﻠﻮى رژﻳﻤﻴﻨﺪﻩ اوﻧﻮن ﺑﻴﺮ داهﺎ ﭼﺎپ اﺋﺪﻳﻠﻤﻪﺳﻴﻨﻪ ﻳﻮل‬
‫وﺋﺮﻳﻠﻤﻪدى‪.‬‬
‫ﻣﻨﻠﻪ ﺑﻮ اﻳﮑﯽ اﻣﮑﺪاﺷﻴﻦ ﺁراﺳﻴﻨﺪا‪ ،‬ﺑﻴﺮ‪-‬ﺑﻴﺮﻳﻤﻴﺰى ﮔﺆرﻣﻪدن ﺟﺎﻧﻼﻧﺎن ﺣﻀﻮرى دوﺳﺘﻠﻮق و ﻳﺎﺧﻴﻨﻠﻴﻘﺪا اﺋﻠﻪ ﺑﻮ ﮐﻴﺘﺎﺑﻼ ﺑﺎﺷﻼدى‪.‬‬
‫اوﻧﻼر‪ ،‬او ﺑﻴﺮى اﻣﮑﺪاﺷﻼرى اﻳﻠﻪ ﺑﻴﺮﻟﻴﮑﺪﻩ‪ ،‬ﺁذرﺑﺎﻳﺠﺎﻧﺪا اﻳﻠﻠﺮﺟﻪ ﻏﺮﻳﺒﺴﻪﻣﻴﺶ و ﺑﻮﺧﻮوﻻﻧﻤﻴﺶ ﺁﻧﺎ دﻳﻠﻴﻦ و ﻣﻴﻠﻠﻰ وارﻟﻴﻐﻴﻦ‬
‫ﺟﺎرﭼﻴﺴﯽ و ﻣﻮﺷﺘﻮﻟﻮﻗﭽﻮﺳﻮ ﮐﻴﻤﻰ‪ ،‬ﭼﻮﺧﺪان ﺑﺮى ﻳﻮرد‪-‬ﻳﻮواﺳﻴﻨﺪان دﻳﺪرﮔﻴﻦ دوﺷﻤﻮش ﺑﻴﺰﻳﻢ ﮐﻴﻤﻴﻠﺮﻳﻦ داواﻣﭽﻴﺴﯽ اوﻟﺪوﻻر‪.‬‬
‫اوﻧﻼر ﮐﻴﺘﺎب ﭼﺎﻧﺘﺎﺳﯽ ﭼﻴﮕﻴﻨﻠﺮﻳﻨﺪﻩ‪ ،‬ﮐﺎﻏﺎذ‪-‬ﻗﻠﻢ اﻟﻠﺮﻳﻨﺪﻩ‪ ،‬ﺧﺎﻟﻘﺎ و وﻃﻨﻪ ﺑﺴﻠﻪدﻳﮑﻠﺮﯼ دوﻳﻐﻮﻻر اورﮐﻠﺮﻳﻨﺪﻩ‪ ،‬ﺑﻴﺮﻳﻨﺠﯽ ﻣﮑﺘﺐ‬
‫ﻣﻮﻋﻠﻴﻤﯽ وﻇﻴﻔﻪﺳﻴﻨﺪﻩ ﺁذرﺑﺎﻳﺠﺎن ﮐﻨﺪﻟﺮﻳﻨﻪ ﻳﻮل ﺁﭼﺪﻳﻼر‪ ،‬ﺟﺎﻧﻼرﻳﻨﺪا ﺁﻟﻴﺸﺎن ﺁﻟﻮو اوﺷﺎﻗﻼرا ﺁﺷﻴﻼدﻳﻼر‪ ،‬اوﻧﻼرﻻ ﻗﺎﻳﻨﺎﻳﻴﺐ‬
‫ﻗﺎرﻳﺸﺪﻳﻼر‪ .‬اوﺷﺎﻗﻼر اوﭼﻮن ﺁﻗﺎ ﻣﻮﻋﻠﻴﻢ ﻳﻮخ‪ ،‬ﺑﻠﮑﻪ "ﺻﻤﺪ ﻋﻤﻰ‪ ،‬ﺑﻬﺮوز ﻋﻤﻰ" اوﻟﺪوﻻر‪ .‬ﺗﺒﺮﻳﺰ اوﻧﻴﻮﺋﺮﺳﻴﺘﻪﺳﻴﻨﻰ ﺑﻴﺘﻴﺮدﻳﮑﻠﺮى‬
‫اوﭼﻮن‪ ،‬اورﺗﺎ ﻣﮑﺘﺒﺪﻩ درس وﺋﺮﻣﮕﻪ ﺣﺎﻗﻠﻰ اوﻟﺴﺎﻻر دا‪ ،‬ﺑﻴﺮﻳﻨﺠﻰ ﻣﮑﺘﺒﺪﻩ درس وﺋﺮﻣﮕﻰ داهﺎ دﮔﺮﻟﻰ ﺳﺎﻧﺪﻳﻼر‪ .‬ﺁذرﺑﺎﻳﺠﺎن ﻓﻮﻟﮑﻠﻮر‬
‫ﻧﻮﻣﻮﻧﻪﻟﺮﻳﻨﻰ دﻩ اﺋﻠﻪ هﻤﻴﻦ ﻣﮑﺘﺒﻠﺮﻳﻨﺪﻩ‪ ،‬درس وﺋﺮدﻳﮑﻠﺮى ﮐﻨﺪﻟﺮدن و ﺧﺎﻟﻖ اﻳﭽﺮﻳﺴﻴﻨﺪن ﺗﻮﭘﻼﻣﺎﻏﺎ ﺑﺎﺷﻼدﻳﻼر‪ .‬ﺁﻏﻴﺰﻻردان ﭼﻮﺧﻠﻮ‬
‫ﻧﺎﻏﻴﻞ‪ ،‬ﺑﺎﻳﺎﺗﯽ‪ ،‬ﺗﺎﭘﻤﺎﺟﺎ‪ ،‬ﻗﻮﺷﻤﺎﺟﺎ و اﺋﻞ ﺳﺆزﻟﺮى ﺗﻮﭘﻼدﻳﻼر‪ .‬ﺑﻴﺮ ﺳﻴﺮا ﮐﻨﺪﻟﺮﻳﻦ ﻣﻮﻧﻮﻗﺮاﻓﻴﺎﺳﻴﻨﻰ ﻳﺎزدﻳﻼر‪ .‬ﺑﻮ اﻟﻪ ﮔﺘﻴﺮدﻳﮑﻠﺮﻳﻦ ﺑﻴﺮ‬
‫ﻗﻴﺴﻤﻴﻨﻰ ﻳﺌﺮى ﮔﻠﻴﻨﺠﻪ او ﮔﻮﻧﮑﻮ ﻣﻄﺒﻮﻋﺎﺗﺪا و ﺑﻴﺮ ﻗﻴﺴﻤﻴﻨﻰ دﻩ ﺁذرﺑﺎﻳﺠﺎن اﻓﺴﺎﻧﻪﻟﺮى )ﻓﺎرﺳﺠﺎ(‪ ،‬ﻗﻮﺷﻤﺎﺟﺎﻻر و ﺗﺎﭘﻤﺎﺟﺎﻻر‬
‫ﻋﻮﻧﻮاﻧﯽ اﻳﻠﻪ ﭼﺎپ اﺋﺪﻩ ﺑﻴﻠﺪﻳﻠﺮ‪ .‬ﻻﮐﻴﻦ اوﻧﻼرﻳﻦ ﺗﻮﭘﻼدﻳﻘﻼرى ﻓﻮﻟﮑﻠﻮر ﻧﻮﻣﻮﻧﻪﻟﺮﻳﻨﺪن هﻠﻪ ﭼﺎپ اوﻟﻤﺎﻳﺎﻧﻼرى دا واردﻳﺮ‪...‬‬
‫***‬
‫ﺻﻤﺪﻟﻪ ﺑﻬﺮوزون ﺁذرﺑﺎﻳﺠﺎن ﻧﺎﻏﻴﻠﻼرﻳﻨﺪان ﺗﻮﭘﻼدﻳﻘﻼرﯼ ﻧﺎﻏﻴﻠﻼر‪ ،‬ﺟﻨﻮﺑﯽ ﺁذرﺑﺎﻳﺠﺎﻧﺪا ﺑﻮ ﮔﻮﻧﻪ ﻗﺪر ﻳﻴﻐﻴﻠﻤﻴﺶ ان دﮔﺮﻟﻰ ﻣﺠﻤﻮﻋﻪ‬
‫ﻟﺮدن ﺑﻴﺮﻳﺴﻴﺪﻳﺮ‪ .‬ﻣﺎراﻗﻠﻰ ﺑﻮراﺳﻴﺪﻳﺮ ﮐﻰ‪ ،‬ﺑﻮ ﻣﺠﻤﻮﻋﻪﻧﻴﻦ دﻩ اﺋﻠﻪ اوﻧﻮ ﺗﻮﭘﻼﻳﺎﻧﻼرﻳﻦ اؤزو ﮐﻴﻤﻰ ﻏﺮﻳﺒﻪ ﻃﺎﻟﻌﻰ اوﻟﻤﻮﺷﺪور‪.‬‬
‫اوﻧﻼر‪ ،‬اﺋﻞ اﻳﭽﻴﻨﺪن ﺗﻮﭘﻼدﻳﻘﻼرﯼ ﺑﻮ ﻧﺎﻏﻴﻼرﯼ واﺧﺘﯽ اﻳﻠﻪ ﺁذرﺑﺎﻳﺠﺎن دﻳﻠﻴﻨﺪﻩ ﻧﺸﺮ اﺋﺘﺪﻳﺮﻣﮕﻪ اﻳﻤﮑﺎن اﻟﺪﻩ اﺋﺪﻩ ﺑﻴﻠﻤﻪدﻳﮑﻠﺮﯼ‬
‫اوﭼﻮن ﭼﺎرەﺳﻴﺰ ﻓﺎرﺳﺠﺎﻳﺎ ﭼﺌﻮﻳﺮﻣﻴﺶ‪ ،‬اوﻧﻮن ﺑﻴﺮﻳﻨﺠﯽ ﺟﻴﻠﺪﻳﻨﯽ ﺗﺒﺮﻳﺰدﻩ و اﻳﮑﻴﻨﺠﯽ ﺟﻴﻠﺪﻳﻨﯽ دﻩ ﺗﻬﺮاﻧﺪا ﻧﺸﺮ اﺋﺘﺪﻳﺮﻣﻴﺸﻠﺮ‪.‬‬
‫هﻤﻴﻦ اﻳﻠﻠﺮدﻩ ﺑﻴﺮ ﺗﺼﺎدوف اورﺗﺎﻳﺎ ﭼﻴﺨﺪي ﮐﯽ‪ ،‬ﻣﻦ ﺑﺎﻳﺎﺗﻲﻻردان ﺗﻮﭘﻼدﻳﻐﻴﻢ ﻣﺠﻤﻮﻋﻪﻧﯽ ﺗﺒﺮﻳﺰدﻩ و ﺁذرﺑﺎﻳﺠﺎن دﻳﻠﻲ ﻗﺮاﻣﺮﻳﻨﻴﻦ‬
‫اﺳﺎﺳﻼرﯼ )ﻣﺒﺎﻧﯽ دﺳﺘﻮر زﺑﺎن ﺁذرﺑﺎﻳﺠﺎن( ﮐﻴﺘﺎﺑﻴﻨﯽ ﺗﻬﺮاﻧﺪا ﭼﺎپ اﺋﺘﺪﻳﺮﻩ ﺑﻴﻠﺪﻳﻢ‪ .‬ﺑﻮ ﮐﻴﺘﺎﺑﻼرﻳﻦ ﭼﺎپ اوﻟﻮب ﻳﺎﻳﻴﻠﻤﺎﺳﯽ ﺻﻤﺪﻟﻪ‬
‫ﺑﻬﺮوزا ﻗﺎﻧﺎد وﺋﺮدﯼ و اوﻧﻼرﯼ ﮔﺆردوﮐﻠﺮﯼ اﻳﺸﺪﻩ ﺑﻴﺮ داهﺎ روﺣﻼﻧﺪﻳﺮدﯼ‪ .‬ﺻﻤﺪ ﻣﺤﺒﺘﻠﻪ دوﻟﻮ ﺑﻴﺮ ﻣﮑﺘﻮﺑﺪا ﻗﺮاﻣﺮ ﮐﻴﺘﺎﺑﻰﻧﻴﻦ اورﺗﺎﻳﺎ‬
‫ﭼﻴﺨﻤﺎﺳﻴﻨﻰ ﺑﺆﻳﻮﮎ ﺣﺎدﻳﺜﻪ ﺳﺎﻧﺪﯼ و اوﻧﺪان دؤﻧﻪ‪-‬دؤﻧﻪ ﻓﺎﻳﺪاﻻﻧﺪﻳﻐﻴﻨﯽ ﺑﻴﻠﺪﻳﺮدﯼ و ﺑﻬﺮوز ﺑﺎﻳﺎﺗﻴﻼرﻳﻦ اﻳﮑﻴﻨﺠﻲ ﭼﺎﭘﻴﻨﯽ‬
‫ﺣﺎﺿﻴﺮﻻﻣﺎﻗﺪا ﺟﺎن ﺁﺗﻤﺎﻏﺎ‪ ،‬اوﻧﺎ ﺗﺼﻮﻳﺮﻟﺮ و ﺗﺎﺑﻠﻮﻻر ﭼﮑﺪﻳﺮﻣﮕﻪ ﺑﺎﺷﻼدى‪.‬‬
‫‪-١٣۴٧‬ﺟﯽ اﻳﻠﻴﻦ ﻳﺎﻳﻴﻨﺪا ﻣﻦ ﻳﺌﻨﻪ ﺗﺒﺮﻳﺰﻩ ﮔﻠﺪﻳﮕﻴﻢ ﺳﻴﺮادا ﺻﻤﺪ و دوﺳﺘﻼرى اﻳﻠﻪ ﮔﺆرﺷﺪوم‪ .‬ﺑﻬﺮوز او اﻳﻞ هﺎﻧﺴﻰ ﺳﻤﻴﻨﺎردا‪-‬‬
‫اوﻻ ﺑﻴﻠﺴﻴﻦ اوﺷﺎق ادﺑﻴﺎﺗﯽ ﺳﻤﻴﻨﺎرﻳﻨﺪا اﻳﺸﺘﻴﺮاﮎ اﺋﺘﻤﮏ اوﭼﻮن اﺳﭙﺎﻧﻴﺎﻳﺎ ﮔﺌﺘﻤﻴﺸﺪﯼ‪ .‬ﺑﻴﺰ ﺁﻳﺮﻳﻼﻧﺪا ﺻﻤﺪ ﻣﻨﯽ ﺑﻴﺮ ﻃﺮﻓﻪ ﭼﮑﻴﺐ‬
‫و دﺋﺪى ﻣﻦ ﻓﻮﻟﮑﻠﻮر ﺑﺎرﻩدﻩ ﻳﺎزﯼ‪-‬ﭘﻮزوﻻرﻳﻤﻴﺰﯼ هﺮ ﻧﻪ وارﺳﺎ ﺳﻴﺰﻩ ﺗﺎﭘﻴﺸﻴﺮاﺟﺎﻏﺎم‪ .‬ﺑﻮﻧﻮ ﺑﻬﺮوز دا ﺑﻴﻠﻴﺮ‪ .‬ﺳﻴﺰ اوﻧﻼردان‬
‫اﻳﺴﺘﻪدﻳﮕﻴﻨﻴﺰ ﮐﻴﻤﯽ‪ ،‬ﺣﺘﺎ ﺑﻴﺰﻟﺮدن ﺁد ﺁﭘﺎرﻣﺎدان ﺑﺌﻠﻪ‪ ،‬ﻳﺌﺮﯼ ﮔﻠﻴﻨﺠﻪ اﻳﺴﺘﻴﻔﺎدﻩ اﺋﺪﻩ ﺑﻴﻠﺮﺳﻴﺰ‪ .‬دردﻳﺰﻩ دﮔﻤﻪﺳﻪ دﻩ‪ ،‬ﺑﻴﺮ ﻃﺮﻓﻪ‬
‫ﺑﻮراﺧﺎرﺳﻴﺰ‪ .‬اﻳﻨﺪﯼ اﻳﺴﺘﻪﻳﻴﺮﺳﻴﺰ ﻣﻦ اوﻧﻼرﯼ ﺳﻴﺰﻩ ﮔﺘﻴﺮﻳﻢ و اﻳﺴﺘﻪﻳﻴﺮﺳﻴﺰ دﻩ ﺗﻬﺮاﻧﺎ ﮔﺆﻧﺪرﻳﻢ؟ دﺋﺪﻳﻢ ﺗﻬﺮاﻧﺎ ﮔﺆﻧﺪرﻣﻪﻧﻴﺰ داهﺎ‬
‫ﻳﺎﺧﭽﻰ اوﻟﻮر‪.‬‬
‫ﺁز ﻣﻮدت ﺳﻮﻧﺮا ﺻﻤﺪﻳﻦ ﮔﺆﻧﺪردﻳﮕﻰ ﺑﺎﻏﻼﻣﺎ ان ﺗﻬﻠﻮﮐﻪﻟﻰ ﮔﻮﻧﻠﺮدﻩ ﮔﻠﻴﺐ ﻣﻨﻪ ﭼﺎﺗﺪى و ﻣﻦ اوﻧﺎ ال وورﻣﺎدان‪ ،‬هﻠﻪ اؤز ال‬
‫ﻳﺎزﻣﺎﻻرﻳﻤﻼ ﺑﻴﺮﻟﻴﮑﺪﻩ ﺑﻴﺮﻳﺴﻴﻨﻪ اﻣﺎﻧﺖ ﺗﺎﭘﻴﺸﻴﺮدﻳﻢ‪ .‬او اﻣﺎﻧﺖ ﺑﻮرادا داﻧﻴﺸﻤﺎﻏﺎ ﻟﻮزوﻣﻮ اوﻟﻤﺎﻳﺎن ﺳﺒﺒﻠﺮدن ﺁﺳﻴﻠﻰ اوﻻراق‪ ٢۵ ،‬اﻳﻞ‬
‫ﺳﻮﻧﺮا ﮔﻠﻴﺐ ﻳﺌﻨﻴﺪن ﻣﻨﻪ ﭼﺎﺗﺪى و هﻠﻪ ﻧﻪ ﻳﺎﺧﭽﻰ ﮐﻰ‪ ،‬ﮔﻠﻴﺐ ﭼﺎﺗﺪى‪ ،‬اؤز ﻳﺎزى‪-‬ﭘﻮزوﻻرﻳﻤﺪان ﭼﻮخ ﺻﻤﺪ و ﺑﻬﺮوزون ﻓﻠﮑﻠﻮر ﺑﺎرﻩ دﻩ‬
‫ﺗﻮﭘﻼدﻳﻘﻼرى ﻣﻨﻰ ﭼﻮخ ﺳﺌﻮﻳﻨﺪﻳﺮدى‪ .‬ﺁرزى اﺋﺪﻳﺮم و اﺋﻠﻪ ﺑﻴﻠﻴﺮم ﺑﻮ ﺻﻤﺪﻳﻦ و ﺑﻬﺮوزون دا ﺁرزوﺳﻮ اوﻟﻤﻮش اوﻟﺴﻮن‪ ،‬ﺑﻮ ﻧﺎﻏﻴﻠﻼر‬
‫اﺋﻠﻪ هﻤﺎن ﻳﺎزﻳﻠﺪﻳﻐﻰ اوﺳﻠﻮب و اﻳﻤﻼدا و اﻳﻤﮑﺎن ﻗﺪر اوﻧﻼردا ال ﺁﭘﺎرﻣﺎدان ﭼﺎپ اﺋﺪﻳﻠﺴﻴﻦ‪...‬‬
‫ﺻﻤﺪ ﺑﻬﺮﻧﮕﯽ و ﺑﻬﺮوز دهﻘﺎﻧﯽﻧﻴﻦ ﺳﻮﻧﺮادان ﺗﺎﭘﻴﻠﻤﻴﺶ ﺁذرﺑﺎﻳﺠﺎن ﻧﺎﻏﻴﻠﻼرﻳﻨﺎ ﻳﺎزﻳﻠﻤﻴﺶ ﺑﺎﺷﻼﻧﻴﺸﺪان‪.‬‬

‫م‪٠‬ع‪٠‬ﻓﺮزاﻧﻪ‬

‫‪19‬‬
 ‫‪ -۶‬ﻗﺎرى ﻧﻨﻪﻧﻴﻦ ﺟﻮﺟﻪﺳﻰ‬

‫ﺑﻴﺮ داﻧﺎ ﻗﺎرى وار اﻳﺪى‪ ٠‬ﺑﻴﺮ داﻧﺎ ﺑﻮﻧﻮن ﺟﻮﺟﻪﺳﻰ وار اﻳﺪى‪ ،‬ﺑﻴﺮ داﻧﺎ دا ﮔﻴﺮدەﮐﺎن ﺁﻏﺎﺟﻰ‪ ٠‬ﻳﺌﻞ ووراردى‬
‫ﮔﻴﺮدەﮐﺎﻧﻼر ﺗﺆﮐﻮﻟﺮدى‪ ،‬ﺗﺆﮐﻮﻟﺪوﮐﺠﻪ‪ ،‬ﺟﻮﺟﻪ ﻳﺌﻴﻪردى‪٠‬‬
‫ﺑﻴﺮ ﮔﻮن ﻗﺎرى دﺋﻴﻪر‪ :‬ﮐﺆﭘﮏ اوﻏﻠﻮ ﺟﻮﺟﻪ‪ ،‬ﻗﻮﻳﻤﻴﺎﺟﺎﻗﺴﺎن ﺑﻴﺮ داﻧﺎ ﮔﻴﺮدەﮐﺎن درﻣﺎن اوﭼﻮن دە ﻗﺎﻟﺴﻴﻦ؟ اﻳﻨﺪﻳﺠﻪ‬
‫ﺳﻨﻴﻦﮐﻴﻦ ﺳﻨﻪ وﺋﺮەرم‪٠‬‬
‫ﮔﺘﻴﺮەر ﺑﻴﺮ ﻣﻨﻘﻞ اود ﻗﻮﻳﺎر‪ ٠‬ﺟﻮﺟﻪﻧﻰ ﺗﻮﺗﺎر‪ ٠‬ﮔﺆﺗﻮن ﻗﻮﻳﺎر اودا‪ ٠‬اؤﺗﻮرەر‪٠‬‬
‫ﻳﺌﻨﻪ ﻳﺌﻞ وورار ﮔﻴﺮدەﮐﺎﻧﻼر ﺗﺆﮐﻮﻟﺮ‪ ٠‬ﺟﻮﺟﻪ ﮔﺌﺪﻳﺐ ﻳﺌﻤﺰ‪ ٠‬ﻗﺎرى ﻧﻨﻪ ﺑﺎﺧﺎر اورەﮔﻰ ﻳﺎﻧﺎر‪ ٠‬دﺋﻴﻪر‪ :‬ﺟﻮﺟﻪم‪ ،‬ﮔﻞ!‪٠٠٠‬‬
‫ﮔﻞ!‪ ٠٠٠‬ﮔﻴﺮدەﮐﺎﻧﻼر دوﺷﻮﺑﺪو!‪٠٠٠‬‬
‫ﺟﻮﺟﻪ ﻳﺌﺮﻳﺮ‪ ،‬ﻳﺌﺮﻳﺮ‪ ،‬ﮐﻮﺳﻦ ﮐﻴﻤﻴﻦ اوﻟﻤﻮش دﺋﻴﻪر‪ :‬ﻗﺎرى ﻧﻨﻪ!‪ ٠٠‬ﮔﺆﺗﻮم ﭘﻴﺸﻴﺒﺪى!‪٠٠‬‬

‫‪ -٧‬ﺑﻰ ﺑﻴﻠﻰ ﺟﺎن هﺎ‪ ،‬ﺑﻰ ﺑﻴﻠﻰ ﺟﺎن!‪٠٠‬‬

‫ﺑﻴﺮﮔﻮن وار اﻳﺪى‪ ،‬ﺑﻴﺮ ﮔﻮن ﻳﻮخ اﻳﺪى‪ ٠‬ﺁﻟﻼهﺪان ﺳﻮاى هﺌﭻ ﮐﻴﻢ ﻳﻮخ اﻳﺪى‪ ٠‬ﺑﻴﺮ داﻧﺎ ﺑﺎﺟﻰ وار اﻳﺪى ﺑﻴﺮ داﻧﺎ‬
‫ﻗﺮدش‪ ٠‬ﺑﻴﺮﮔﻮن دﺋﻴﻪرﻟﺮ ﮐﻰ‪ ،‬دوراق ﮔﺌﺪﮎ ﺁﻳﺮى ﺷﻬﺮﻩ ﮔﺆرەﮎ ﻧﻪ اﺋﻠﻪرﻳﮏ‪ ،‬ﺑﻮردا ﺑﻴﺮ اﻳﺶ ﻳﻮﺧﺪو‪ ٠‬ﮔﺌﺪرﻟﺮ‪ ،‬ﮔﺌﺪرﻟﺮ‬
‫ﻳﻮﻟﺪا ﻗﺮدش ﺳﻮﺳﻮزﻻر‪ ٠‬دﺋﻴﻪر‪ :‬ﺑﺎﺟﻰ‪ ،‬ﻣﻦ ﺳﻮﺳﻮزام‪٠‬‬

‫‪20‬‬
 ‫ﺁت ﺁﻳﺎﻏﻴﻨﻴﻦ ﻳﺌﺮﻳﻨﺪﻩ ﺳﻮ دورﻣﻮﺷﺪو‪ ٠‬دﺋﻴﻪر ﺑﺎﺟﻰ‪ ،‬اﻳﭽﻪﺟﮕﻢ‪٠‬‬
‫ﺑﺎﺟﻰ دﺋﻴﻪر‪ :‬ﻗﺮدش‪ ،‬ﺑﺎﺷﻴﻨﺎ دوﻻﻧﻴﻢ‪ ،‬اﻳﭽﻤﻪ! ﺁت اوﻻرﺳﺎن‪٠‬‬
‫ﻗﺮدش اﻳﭽﻤﺰ‪ ،‬ﮔﺌﺪرﻟﺮ‪ ٠‬اﻳﺖ ﺁﻳﺎﻏﻴﻨﻴﻦ ﻳﺌﺮﻳﻨﺪﻩ ﺳﻮ دورﻣﻮﺷﺪو‪ ٠‬دﺋﻴﻪر‪ :‬ﺑﺎﺟﻰ‪ ،‬ﻣﻦ ﺳﻮﺳﻮزام‪ ،‬اﻳﭽﻪﺟﮕﻢ‪٠‬‬
‫ﺑﺎﺟﻰ دﺋﻴﻪر‪ :‬ﻗﺮدش ﺑﺎﺷﻴﻨﺎ دوﻻﻧﻴﻢ‪ ،‬اﻳﭽﻤﻪ! اﻳﺖ اوﻻرﺳﺎن‪٠‬‬
‫ﻗﺮدش اﻳﭽﻤﺰ‪ ،‬ﻳﻮﻻ دوﺷﺮﻟﺮ‪ ،‬اورادان ﮔﺌﺪرﻟﺮ‪ ٠‬ﺁهﻮ ﺁﻳﺎﻏﻴﻨﻴﻦ ﻳﺌﺮﻳﻨﺪﻩ ﺳﻮ دورﻣﻮﺷﺪو‪ ،‬ﻗﺮدش دﺋﻴﻪر‪ :‬ﺑﺎﺟﻰ‪ ،‬ﻣﻦ‬
‫ﺳﻮﺳﻮزام‪ ،‬اﻳﭽﻪﺟﮕﻢ‪٠‬‬
‫ﺑﺎﺟﻰ دﺋﻴﻪر‪ :‬ﻗﺮدش ﺁﻣﺎﻧﺪى‪ ،‬اﻳﭽﻤﻪ! ﺁهﻮ اوﻻرﺳﺎن‪٠‬‬
‫ﻗﺮدش دﺋﻴﻪر‪ :‬اؤﻟﺴﻢ دﻩ ﻗﺎﻟﺴﺎم دا ﮔﺮﮎ ﺑﻮﻧﺪان اﻳﭽﻢ‪٠‬‬
‫ﺑﺎﺷﻼر ﺳﻮدان اﻳﭽﺮ‪ ،‬اوﻻر ﺑﻴﺮ داﻧﺎ ﺁهﻮ‪ ٠‬ﺑﻮ ﻳﺎزﻳﻖ ﺑﺎﺟﻰ ﮔﺆﺗﻮرەر ﺁهﻮﻧﻮ دا ﺳﺎﻻر ﻳﺎﻧﻴﻨﺎ ﮔﺌﺪر اوﺗﻮرار داغ ﺑﺎﺷﻴﻨﺪا‪٠‬‬
‫ﭘﺎدﺷﺎﻩ ﺷﻴﮑﺎرا ﭼﻴﺨﻤﻴﺸﺪى‪ ٠‬ﮔﻠﺮ ﮔﺆرەر ﺑﻴﺮ ﮔﺆزل ﻗﻴﺰ اوﺗﻮروب داغ ﺑﺎﺷﻴﻨﺪا‪ ،‬ﺑﻴﺮ داﻧﺎ دا ﺁهﻮ اوﺗﺪور‪٠‬‬
‫ﭘﺎدﺷﺎﻩ دﺋﻴﻪر‪ :‬ﺑﻪ ﺑﻮرادا ﻧﻴﻪ؟ ﺑﻪ ﺑﻮﺟﻮر ﻧﻴﻪ؟‬
‫ﻗﻴﺰ ﺁﭼﺎر ﺑﺎﺷﻴﻨﺎ ﮔﻠﻪﻧﻰ ﺑﻮﻧﺎ دﺋﻴﻪر‪ ٠‬ﭘﺎدﺷﺎﻩ ﺑﻴﺮ ﮔﺆﻳﻮﻟﺪن ﻣﻴﻦ ﮔﺆﻳﻮﻟﻪ ﻗﻴﺰا ووروﻻر‪ ٠‬ﻗﻮﺷﻮﻧﺎ ﺧﺒﺮ وﺋﺮر ﮐﻰ‪ ،‬ﻣﻦ‬
‫ﺷﻴﮑﺎرﻳﻤﻰ اﺋﻠﻪدﻳﻢ‪ ٠‬ﺷﻴﮑﺎرﻳﻦ اﺋﻴﻠﻪن ﻗﺎﻳﻴﺘﺴﻴﻦ‪٠‬‬
‫ﮔﺆﺗﻮەر ﻗﻴﺰى دا‪ ،‬ﺁهﻮﻧﻮدا ﮔﺘﻴﺮەر‪ ٠‬وﺋﺮر ﺗﻮى ﺗﻮﺗﺎرﻻر‪ ٠‬ﻗﻴﺰى ﺁﻻر‪٠‬‬
‫ﻗﻴﺰﻳﻦ ﺑﻴﺮ داﻧﺎ ﻗﺮە ﻗﺎراواﺷﻰ وار اﻳﺪى‪ ٠‬ﺑﻴﺮ ﮔﻮن ﺑﻮﻧﻼن ﮔﺌﺪرﻟﺮ ﺣﺎﻣﺎﻣﺎ‪ ٠‬ﺳﻮﻳﻮﻧﺎرﻻر‪ ٠‬ﻗﺎراواش اﻳﺘﻪﻟﺮ ﻗﻴﺰى ﺳﺎﻻر‬
‫ﭼﺎل ﺣﻮوﺿﺎ‪ ٠‬ﻧﺎﻗﻘﺎ ﺑﺎﻟﻴﻖ ﻗﻴﺰى اوﺗﺎر‪ ٠‬ﻗﺎراواش دورار ﺧﺎﻧﻴﻤﻴﻦ ﭘﺎر‪-‬ﭘﺎﻟﺘﺎرﻳﻦ ﮔﺌﻴﻴﻨﻪر‪ ،‬ﮔﻠﺮ اﺋﻮﻩ‪٠‬‬
‫ﭘﺎدﺷﺎﻩ دﺋﻴﻪر‪ :‬ﻗﻴﺰ‪،‬ﺑﻪ ﻧﻴﻪ ﺑﻮﺟﻮر؟ ﻗﭗ‪-‬ﻗﺮﻩ ﻗﺮەﻟﻴﺐ‪-‬ﻳﺎﻧﻤﻴﺴﺎن‪٠‬‬
‫ﻗﺎراواش دﺋﻴﻪر‪ :‬ﺣﺎﻣﺎﻣﻴﻦ ﺳﻮﻳﻮ ﺑﻴﻠﻪﻣﻪ دوﺷﻤﻪدى‪٠‬‬
‫دﺋﻤﻪ ﺑﻪ‪ ،‬ﻗﻴﺰدا ﺑﻮﻳﻠﻮدو‪ ٠‬ﻧﺎﻗﻘﺎ ﺑﺎﻟﻴﻐﻴﻦ ﻗﺎرﻧﻴﻨﺪا دوﻏﺎر‪ ٠‬اوﻏﻠﻮ اوﻻر‪ ٠‬ﺁدﻳﻦ ﻗﻮﻳﺎر اﺳﻤﺎﻋﻴﻞ‪٠‬‬
‫ﺑﻴﺮ ﮔﻮن وورار ﻗﺮە ﻗﺎراواش ﻳﺌﺮﻳﮑﻠﺮ‪ ٠‬ﭘﺎدﺷﺎهﺎ دﺋﻴﻪر‪ :‬ﺁهﻮﻧﻮ ﮐﺴﻴﻦ‪ ،‬ﻣﻦ ﻳﺌﻴﻴﻢ‪٠‬‬
‫ﭘﺎدﺷﺎﻩ دﺋﻴﻪر‪ :‬ﻗﻴﺰ‪ ،‬ﺑﻮ ﻧﻪ ﺳﺆزدور! او ﺳﻨﻴﻦ ﻗﺮدەﺷﻴﻦ دى‪٠‬‬
‫دﺋﻴﻪر‪ :‬اوﻟﻤﺎز‪ ٠‬ﺁهﻮ اﺗﻴﻨﻪ ﻳﺌﺮﻳﮑﻠﻪﻣﻴﺸﻢ‪ ٠‬ﮔﺮﮎ ﮐﺴﻪﺳﻴﺰ‪ ،‬ﻳﺌﻴﻪم‪٠‬‬
‫ﭘﺎدﺷﺎﻩ ﮔﺆرەر اوﻻن اﻳﺶ دﮔﻴﻞ‪ ٠‬دﺋﻴﻪر‪ :‬ﺁهﻮﻧﻮ ﮔﺘﻴﺮﻳﻦ ﮐﺴﻴﻦ‪٠‬‬
‫ﺁهﻮﻧﻮ ﮔﺘﻴﺮەرﻟﺮ ﮐﺴﻤﮕﻪ‪ ٠‬ﺁهﻮ اؤزون دوﻻﻧﺪﻳﺮار ﭘﺎدﺷﺎهﺎ‪ ٠‬اؤز دﻳﻠﻴﺠﻪ‪ :‬ﻗﻮﻳﻮن ﮔﺌﺪﻳﻢ ﺑﻴﺮ دوﻻﻧﻴﻢ‪ ،‬ﮔﻠﻴﻢ ﮐﺴﻴﻦ‪٠‬‬
‫ﭘﺎدﺷﺎﻩ دﺋﻴﻪر‪ :‬ﻗﻮﻳﻮن ﮔﺌﺘﺴﻴﻦ دوﻻﻧﺴﻴﻦ ﮔﻠﺴﻴﻦ‪٠‬‬
‫ﺁهﻮ ﺑﺎش ﺁﻻر ﮔﺌﺪر ﭼﺎل ﺣﻮوﺿﺎ‪ ،‬دﺋﻴﻪر‪:‬‬
‫ﺑىﺒﻴﻠىﺠﺎن هﺎ‪ ،‬ﺑىﺒﻴﻠىﺠﺎن!‬
‫ﺑىﺒﻴﻠىﺠﺎن ﻗﻮرﺑﺎﻧﻴﻦ اوﻟﺴﻮن!‬
‫ﺁﺳﻴﻠﻰ ﻗﺎزاﻧﻼر ﺁﺳﻴﻠﻴﺐ‪،‬‬
‫اﻳﺘﻴﻠﻰ ﭘﻴﭽﺎﻗﻼر اﻳﺘﻴﻠﻴﺐ‪:‬‬
‫ﻗﺮە ﻗﺎراواش اﺗﻴﻤﻪ ﻳﺌﺮﻳﮑﻠﻪﻳﻴﺐ‪٠‬‬
‫ﭼﺎل ﺣﻮوﺿﺪان ﺳﺲ ﮔﻠﺮ‪:‬‬
‫ﺑﻰﺑﻴﻠﻰﺟﺎن هﺎ‪ ،‬ﺑىﺒﻴﻠىﺠﺎن!‬
‫ﺑﻰﺑﻴﻠﻰﺟﺎن ﻗﻮرﺑﺎﻧﻴﻦ اوﻟﺴﻮن!‬
‫ﻗﺮە ﻗﺎراواش ﺁﺗﻴﺒﺪى‬
‫ﻧﺎﻗﻘﺎ ﺑﺎﻟﻴﻖ ﺗﻮﺗﻮﺑﺪو‬
‫ﺷﺎﻩ اوﻏﻠﻮ ﺷﺎﻩ اﺳﻤﺎﻋﻴﻞ‬
‫ﻗﻮﺟﺎﻏﻴﻤﺪا ﻳﺎﺗﻴﺒﺪى‪٠‬‬
‫ﺳﺎﭼﻰ دا ﮔﺮدﻧﻴﻤﻰ ﺗﻮﺗﻮﺑﺪو‪٠‬‬
‫ﺁهﻮ ﻗﺎﻳﻴﺪار ﮔﻠﺮ‪ ٠‬اﻳﺴﺘﺮﻟﺮ ﺑﺎﺷﻴﻦ ﮐﺴﺴﻴﻨﻠﺮ‪ ،‬ﻳﺌﻨﻪ ﺁهﻮ اؤز دﻳﻠﻴﺠﻪ دﺋﻴﻪر‪ :‬ﻗﻮﻳﻮن ﺑﻴﺮ ﮔﺌﺪﻳﻢ دوﻻﻧﻴﻢ ﮔﻠﻴﻢ‪٠‬‬

‫‪21‬‬
 ‫ﭘﺎدﺷﺎﻩ دﺋﻴﻪر‪ :‬ﻗﻮﻳﻮن ﮔﺌﺘﺴﻴﻦ‪٠‬‬
‫ﺁهﻮ ﺑﺎش ﺁﻻر ﮔﺌﺪر ﭼﺎل ﺣﻮوﺿﺎ‪ ٠‬ﭘﺎدﺷﺎﻩ دوﺷﺮ ﺣﻴﻮاﻧﻴﻦ داﻟﻴﺠﺎ ﮐﻰ‪ ،‬ﮔﺆروم ﺑﻮ ﺣﻴﻮان هﺎرا ﮔﺌﺪﻳﺮ ﻗﺎﻳﻴﺪﻳﺮ‪ ٠‬ﮔﺌﺪر‬
‫ﮔﺆرەر ﺁهﻮ دوروب ﭼﺎل ﺣﻮوض ﺑﺎﺷﻴﻨﺪا‪ ،‬دﺋﻴﻴﺮ‪:‬‬
‫ﺑﻰﺑﻴﻠﻰﺟﺎن هﺎ‪ ،‬ﺑﻰﺑﻴﻠﻰﺟﺎن!‬
‫ﺑﻰﺑﻴﻠﻰﺟﺎن ﻗﻮرﺑﺎﻧﻴﻦ اوﻟﺴﻮن!‬
‫ﺁﺳﻴﻠﻰ ﻗﺎزاﻧﻼر ﺁﺳﻴﻠﻴﺐ‪،‬‬
‫اﻳﺘﻴﻠﻰ ﭘﻴﭽﺎﻗﻼر اﻳﺘﻴﻠﻴﺐ‪:‬‬
‫ﻗﺮﻩ ﻗﺎراواش اﺗﻴﻤﻪ ﻳﺌﺮﻳﮑﻠﻪﻳﻴﺐ‪٠‬‬
‫ﭼﺎل ﺣﻮوﺿﺪان ﺳﺲ ﮔﻠﺮ‪:‬‬
‫ﺑﻰﺑﻴﻠﻰﺟﺎن هﺎ‪ ،‬ﺑىﺒﻴﻠىﺠﺎن!‬
‫ﺑﻰﺑﻴﻠﻰﺟﺎن ﻗﻮرﺑﺎﻧﻴﻦ اوﻟﺴﻮن!‬
‫ﻗﺮە ﻗﺎراواش ﺁﺗﻴﺒﺪى‬
‫ﻧﺎﻗﻘﺎ ﺑﺎﻟﻴﻖ ﺗﻮﺗﻮﺑﺪو‬
‫ﺷﺎﻩ اوﻏﻠﻮ ﺷﺎﻩ اﺳﻤﺎﻋﻴﻞ‬
‫ﻗﻮﺟﺎﻏﻴﻤﺪا ﻳﺎﺗﻴﺒﺪى‪٠‬‬
‫ﺳﺎﭼﻰ دا ﮔﺮدﻧﻴﻤﻰ ﺗﻮﺗﻮﺑﺪو‪٠‬‬
‫ﭘﺎدﺷﺎﻩ اﺋﺸﻴﺘﻤﻪﻟﻴﺴﻴﻨﻰ اﺋﺸﻴﺪر‪ ،‬ﺑﻴﻠﻤﻪﻟﻰ ﺳﻴﻨﻰ ﺑﻴﻠﺮ‪ ٠‬اﻣﺮ اﺋﻠﺮ ﭼﺎل ﺣﻮوﺿﻮن ﺁﻳﺎﻏﻴﻦ ﭼﮑﺮﻟﺮ‪ ٠‬ﻧﺎﻗﻘﺎ ﺑﺎﻟﻴﻐﻰ‬
‫ﭼﻴﺨﺎردارﻻر‪ ٠‬ﻗﺎرﻧﻴﻦ ﺳﺆﮐﺮﻟﺮ‪ ٠‬ﻗﻴﺰى‪ ،‬اوﺷﺎﻏﻰ ﭼﻴﺨﺎردارﻻر‪ ٠‬ﭘﺎدﺷﺎﻩ ﮔﺆرەر ﺳﺎچ دوﻻﺷﻴﺐ ﻗﻴﺰﻳﻦ ﺑﻮﻳﻨﻮﻧﺎ‪٠‬‬
‫ﭘﺎدﺷﺎﻩ دﻳﺌﻪر‪ :‬ﺑﻮردا ﻧﻴﻪ؟‬
‫ﻗﻴﺰ دﺋﻴﻪر ﮐﻰ‪ ،‬ﻗﺮﻩ ﻗﺎراواش اﻳﺘﻪﻟﻪدى دوﺷﺪوم‪٠‬‬
‫ﻗﺮﻩ ﻗﺎراواش اﺋﻮدﻩ اوﺗﻮرﻣﻮﺷﺪو‪ ٠‬ﮔﺆرەر هﺎى ‪-‬ﮐﻮﻳﻮﻟﻦ ﻗﻴﺰى ﮔﺘﻴﺮدﻳﻠﺮ‪ ٠‬ﭘﺎدﺷﺎﻩ وﺋﺮەر ﻗﺮﻩ ﻗﺎراﺷﻰ ﺑﺎﻏﻼﺗﺪﻳﺮار‪،‬‬
‫ﻗﺎﻃﻴﺮﻻرﻳﻦ ﻗﻮﻳﺮوﻏﻮﻧﺎ‪ ٠‬داﻏﻰ‪-‬داﺷﻰ او ﻗﺪر دوﻻﻧﺪﻳﺮارﻻر ﮐﻰ‪ ،‬ﺗﻮﮐﻠﺮى ﻗﺎﻻر‪ ،‬ﻗﺎﻃﻴﺮﻻرﻳﻦ ﻗﻮﻳﺮوﻏﻮﻧﺪا‪٠‬‬
‫ﺑﻮدا ﺳﻴﺰﻳﻦ ﺳﺎﻏﻠﻴﻐﻴﺰا!‬

‫‪22‬‬
 ‫‪ -٨‬ﭘﻴﺲ‪-‬ﭘﻴﺴﻠﻰ ﺑﺎﺟﻰ‬

‫ﮔﻮﻧﻠﺮﻳﻦ ﺑﻴﺮ ﮔﻮﻧﻮﻧﺪﻩ ﺑﻴﺮداﻧﺎ ﭘﻴﺲ‪-‬ﭘﻴﺴﻠﻰ وار اﻳﺪى‪ ٠‬ﺑﻴﺮ ﮔﻮن دﺋﻴﻪرﮐﻰ‪ ،‬دوروم ﮔﺌﺪﻳﻢ اؤزوﻣﻪ ﺑﻴﺮ داﻧﺎ ار ﺗﺎﭘﻴﻢ‪٠‬‬
‫دورار ﭼﺎدراﺳﻴﻦ ﺳﺎﻻر ﺑﺎﺷﻴﻨﺎ‪ ،‬ﮔﺌﺪر ار ﺗﺎﭘﻤﺎﻏﺎ‪ ٠‬ﮔﺆرەر اﻳﺖ ﮔﻠﻴﺮ‪٠‬‬
‫اﻳﺖ دﺋﻴﻪر‪ :‬هﺎرا ﮔﺌﺪﻳﺮﺳﻦ ﭘﻴﺲ‪-‬ﭘﻴﺴﻠﻰ ﺑﺎﺟﻰ؟‬
‫دﺋﻴﻪر‪ :‬ﮔﺌﺪﻳﺮم ﺑﻴﺮ داﻧﺎ ار ﺗﺎﭘﺎم‪٠‬‬
‫دﺋﻴﻪر‪ :‬ﮔﻞ ﻣﻦ ﺳﻨﻰ ﺁﻟﻴﻢ‪٠‬‬
‫دﺋﻴﻪر‪ :‬دؤﻳﻪﻧﺪﻩ ﻧﻪ اﻳﻠﻦ دؤﻳﻪﺳﻦ؟‬
‫دﺋﻴﻪر‪ :‬ﻗﻮﻳﺮوﻏﻮﻣﻼ وورارام ﺑﺎﺗﺎرﺳﺎن زﻳﻐﺎ‪٠‬‬
‫دﺋﻴﻪر‪ :‬ﻳﺌﺮى‪ ،‬ﻳﺌﺮى!‪ ٠٠‬ﻣﻦ ﺳﻨﻪ ﮔﻠﻤﻪرم‪٠‬‬
‫ﮔﺌﺪر ﮔﺆرەر ﺑﻴﺮداﻧﺎ ﻗﻮرﺑﺎﻏﺎ ﮔﻠﻴﺮ‪٠‬‬
‫ﻗﻮرﺑﺎﻏﺎ دﺋﻴﻪر‪ :‬ﭘﻴﺲ‪-‬ﭘﻴﺴﻠﻰ ﺑﺎﺟﻰ هﺎرا ﮔﺌﺪﻳﺮﺳﻦ؟‬
‫دﺋﻴﻪر‪ :‬ﮔﺌﺪﻳﺮم اؤزوﻣﻪ ار ﺗﺎﭘﺎم‪٠‬‬
‫دﺋﻴﻪر‪ :‬ﮔﻞ ﻣﻦ ﺳﻨﻰ ﺁﻟﻴﻢ‪٠‬‬
‫دﺋﻴﻪر‪ :‬ووراﻧﺪا ﻧﻪ اﻳﻠﻦ وورارﺳﺎن؟‬
‫دﺋﻴﻪر‪ :‬ﺁﺗﻴﻼرام ﻣﻴﻨﻪرم ﺑﺎﺷﻴﻨﺎ‪ ،‬ﻗﺎﻻرﺳﺎن اوردا ﺑﻮﻏﻮﻻرﺳﺎن‪٠‬‬
‫دﺋﻴﻪر‪ :‬ﻳﺌﺮى‪ ،‬ﻳﺌﺮى!‪ ٠٠‬ﻣﻦ ﺳﻨﻪ ﮔﻠﻤﻪرم‪٠‬‬
‫ﻳﺌﻨﻪ ﺑﻴﺮ ﺁز ﮔﺌﺪر‪ ،‬ﮔﺆرەر ﺑﻴﺮ داﻧﺎ ﺳﻴﭽﺎن ﮔﻠﻴﺮ‪٠‬‬
‫ﺳﻴﭽﺎن دﺋﻴﻪر‪ :‬ﭘﻴﺲ‪-‬ﭘﻴﺲ ﺑﺎﺟﻰ هﺎرا ﮔﺌﺪﻳﺮﺳﻦ؟‬
‫دﺋﻴﻪر‪ :‬ﮔﺌﺪﻳﺮم اؤزوﻣﻪ ار ﺗﺎﭘﺎم‪٠‬‬
‫دﺋﻴﻪر‪ :‬ﮔﻞ ﻣﻦ ﺳﻨﻰ ﺁﻟﻴﻢ‪٠‬‬
‫دﺋﻴﻪر‪ :‬ووراﻧﺪا ﻧﻪ اﻳﻠﻦ وورارﺳﺎن؟‬
‫دﺋﻴﻪر‪ :‬ﻗﻮﻳﺮوﻏﻮﻣﻼ ﮔﺆزوﻧﻪ ﺳﻮرﻣﻪ ﭼﮑﻪرم‪٠‬‬
‫دﺋﻴﻪر‪ :‬ﮔﻠﺮم‪٠‬‬

‫‪23‬‬
 ‫ﺳﻴﭽﺎن ﭘﺎدﺷﺎهﻴﻦ اﺋﻮﻳﻨﺪﻩ ﻳﻮواﺳﻰ وار اﻳﺪى‪ ٠‬ﭘﻴﺲ‪-‬ﭘﻴﺴﻠﻴﻨﻰ ﮔﺆﺗﻮرەر ﮔﺌﺪر اﺋﻮﻩ‪٠‬‬
‫ﺑﻴﺮ ﮔﻮن ﺑﺘﺮ ﻳﺎﻏﻴﺶ ﻳﺎﻏﻤﻴﺸﺪى‪ ٠‬ﭘﻴﺲ‪-‬ﭘﻴﺴﻠﻰ دﺋﻴﻪر‪ :‬ﻣﻦ ﮔﺌﺪﻳﺮم ﺣﺎﻣﺎﻣﺎ‪٠‬‬
‫ﺳﻴﭽﺎن دﺋﻴﻪر ﮐﻰ‪ ،‬ﺟﺎﻧﻴﻢ ﺑﻮﺷﻼ! ﻳﺎﻏﻴﺶ ﻳﺎﻏﻴﺐ‪ ٠‬ﮐﻮﭼﻪﻟﺮ زﻳﻎ دى‪ ،‬اوﺟﻮر‪-‬ﺑﻮﺟﻮر‪ ٠‬ﭘﻴﺲ‪-‬ﭘﻴﺴﻠﻰ ﺳﺎﻳﻤﺎز‪ ٠‬دورار‬
‫ﮔﺌﺪر‪ ،‬ﺁت ﺁﻳﺎﻏﻴﻨﻴﻦ ﻳﺌﺮﻳﻨﺪﻩ ﺳﻮ دورﻣﻮﺷﺪو‪ ٠‬ﺁﻳﺎﻏﻰ ﺑﻮدورەر دوﺷﺮ ﻗﺎﻻر اورادا‪ ٠‬هﺮ ﻧﻪ اﺋﻠﺮ ﭼﻴﺨﺎﻧﻤﺎز‪٠‬‬
‫ﺑﻴﺮ ﺁز ﮐﺌﭽﺮ‪ ،‬ﮔﺆرەر ﺗﺎﭘﺐ‪-‬ﺗﻮپ ﮔﻠﻴﺮ‪ ٠‬ﭘﺎدﺷﺎهﻴﻦ ﺁﺗﻠﻴﻼرى ﮐﺌﭽﻴﺮدى‪٠‬‬
‫دﺋﻴﻪر‪:‬‬
‫ﺗﺎﭘﺒﻮر‪-‬ﺗﻮﭘﺒﻮر ﺁﺗﻠﻴﻼر!‬
‫ﺗﻴﺮﻣﻪ ﻗﺮﻩ ﺑﺆﺗﺪوﻟﺮ!‬
‫ﺷﺎﻩ اﺋﻮﻳﻨﻪ ﮔﺌﺪرﺳﻴﺰ‪،‬‬
‫ﭘﻨﻴﺮ‪-‬ﭼﺆرەﮎ ﻳﺌﻴﻪرﺳﻴﺰ‪،‬‬
‫ﺳﻴﭽﺎن ﺑﮕﻪ دﺋﻴﻪرﺳﻴﺰ‪:‬‬
‫ﭘﻴﺲ‪-‬ﭘﻴﺴﻠﻰ ﭘﻮﺳﺘﻪ ﺧﺎﻧﻴﻢ‪،‬‬
‫ﺳﺎﭼﻰ داﺑﺎﻧﻰ اوﺳﺘﻪ ﺧﺎﻧﻴﻢ‪،‬‬
‫دوﺷﻮﺑﺪو ﺁت ﺁﻳﺎﻏﻴﻨﻴﻦ ﻳﺌﺮﻳﻨﻪ‪،‬‬
‫ﮔﻠﺴﻴﻦ اوﻧﻮ ﭼﻴﺨﺎرﺗﺴﻴﻦ‪٠‬‬
‫ﺁﺗﻠﻴﻼر ﺑﻴﺮ اوﻳﺎﻧﺎ ﺑﺎﺧﺎرﻻر‪ ،‬ﺑﻴﺮ ﺑﻮﻳﺎﻧﺎ‪ ٠‬دﺋﻴﻪرﻟﺮ‪ :‬ﺑﻮ ﮐﻴﻢ دى‪ ،‬ﮐﻴﻢ دﮔﻴﻞ؟ ﻗﻮﻳﺎرﻻر ﮔﺌﺪرﻟﺮ ﭘﺎدﺷﺎهﻴﻦ اﺋﻮﻳﻨﻪ‪ ٠‬دﺋﻴﻪرﻟﺮ‪:‬‬
‫ﻳﻮﻟﺪا ﮔﻠﻴﺮدﻳﮏ‪ ،‬ﺑﻪ‪ ،‬ﺑﻮﺟﻮر اﺋﺸﻴﺘﺪﻳﮏ‪٠٠٠‬‬
‫ﺳﻴﭽﺎن ﺑﮓ اﺋﺸﻴﺪر‪ ٠‬دورار ﮔﻠﺮ‪ ٠‬ﮔﺆرەر ﭘﻴﺲ‪-‬ﭘﻴﺴﻠﻰ ﺧﺎﻧﻴﻢ دوﺷﻮب ﺁت ﺁﻳﺎﻏﻴﻨﻴﻦ ﻳﺌﺮﻳﻨﻪ ﭼﻴﺨﺎﻧﻤﻴﺮ‪ ،‬دﺋﻴﻪر‪:‬‬
‫ﭘﻴﺲ‪-‬ﭘﻴﺴﻠﻰ ﭘﻮﺳﺘﻪ ﺧﺎﻧﻴﻢ‪،‬‬
‫ﺳﺎﭼﻰ داﺑﺎﻧﻰ اوﺳﺘﻪ ﺧﺎﻧﻴﻢ‪،‬‬
‫اﻟﻴﻦ وﺋﺮ ﻣﻨﻪ‪ ،‬ﭼﮑﻴﺠﻰ!‪٠٠‬‬
‫دﺋﻴﻪر‪ :‬ﻳﺌﺮى‪ ،‬ﻳﺌﺮى! ﻣﻦ ﺳﻨﺪن ﮐﻮﺳﻮﺟﻰ!‪٠٠‬‬
‫ﺳﻴﭽﺎن ﺑﮓ دﺋﻴﻪر‪:‬‬
‫ﭘﻴﺲ‪-‬ﭘﻴﺴﻠﻰ ﭘﻮﺳﺘﻪ ﺧﺎﻧﻴﻢ‪،‬‬
‫ﺳﺎﭼﻰ داﺑﺎﻧﻰ اوﺳﺘﻪ ﺧﺎﻧﻴﻢ‪،‬‬
‫ﮔﻮﻣﻮش ﻧﺮدووان ﻗﻮﻳﺴﺎم ﭼﻴﺨﺎرﺳﺎن؟‪٠٠‬‬
‫دﺋﻴﻪر‪ :‬ﻳﺌﺮى‪ ،‬ﻳﺌﺮى!‪ ٠٠‬ﻣﻦ ﺳﻨﺪن ﮐﻮﺳﻮﺟﻰ!‪٠٠‬‬
‫ﺳﻴﭽﺎن ﺑﮓ دﺋﻴﻪر‪:‬‬
‫ﭘﻴﺲ‪-‬ﭘﻴﺴﻠﻰ ﭘﻮﺳﺘﻪ ﺧﺎﻧﻴﻢ‪،‬‬
‫ﺳﺎﭼﻰ داﺑﺎﻧﻰ اوﺳﺘﻪ ﺧﺎﻧﻴﻢ‪،‬‬
‫ﻗﻴﺰﻳﻞ ﻧﺮدووان ﻗﻮﻳﺴﺎم ﭼﻴﺨﺎرﺳﺎن؟‬
‫دﺋﻴﻪر‪:‬ﻳﺌﺮى‪ ،‬ﻳﺌﺮى!‪ ٠٠‬ﻣﻦ ﺳﻨﺪن ﮐﻮﺳﻮﺟﻰ!‪٠٠‬‬
‫ﺳﻴﭽﺎن ﺑﮓ ﮔﺆﺗﻮرەر ﺑﻴﺮ ﭘﺎرﭼﺎ ﭘﺎﻟﭽﻴﻖ ﭼﺎﻻر ﭘﻴﺲ‪-‬ﭘﻴﺴﻠﻴﻨﻴﻦ اوﺳﺘﻮﻧﻪ‪٠‬‬
‫دﺋﻴﻪر‪ :‬ﻗﺎل ﮐﺆﭘﮕﻴﻦ ﻗﻴﺰى‪ ،‬اؤل!‬

‫‪24‬‬
 ‫‪-٩‬اذاﻧﭽﻰ‬

‫ﺑﻴﺮ ﮔﻮن وار اﻳﺪى‪ ،‬ﺑﻴﺮ ﮔﻮن ﻳﻮخ اﻳﺪى‪ ٠‬ﺑﻴﺮ داﻧﺎ درﺑﻴﺶ وار اﻳﺪى‪ ٠‬ﺑﻮ درﺑﻴﺶ ﮔﺌﺪر ﺑﻴﺮ داﻧﺎ ﻗﺎﭘﻴﻨﻰ دؤﻳﻪر‪ ،‬ﮔﺆرەر ﺑﻴﺮ‬
‫دؤورى ﻗﻴﺰﻳﻞ ﮔﻠﺪى‪ ٠‬دؤوروﺳﻮدﻩ ﻗﻴﺰﻳﻞ‪ ،‬ﺳﺮﭘﻮﺷﻮدﻩ ﻗﻴﺰﻳﻞ‪ ٠‬ﺑﻮﻳﻮل‪ ،‬ﺑﻮﺷﺎﻟﺪى ﻗﺎﺑﻼرﻳﻦ وﺋﺮر‪ ٠‬دﺋﻴﻪرﻟﺮﮐﻰ‪ ،‬ﺑﺎﺑﺎ‬
‫درﺑﻴﺶ هﺎﻣﻴﺴﻰ ﺳﻨﻴﻨﮑﻰ دى‪ ٠‬ﮔﺆﺗﻮر ﮔﺌﺖ‪٠‬‬
‫ﻗﺎﺑﻼرى ﮔﺆﺗﻮرەر ﮐﺌﭽﺮ او ﺑﻴﺮى ﻗﺎﭘﻴﻨﻰ دؤﻳﻪر‪ ٠‬ﻳﺌﻨﻪ ﮔﺆرەر ﺑﻴﺮ دؤورى ﻗﻴﺰﻳﻞ ﮔﻠﺪى‪ ٠‬دؤوروﺳﻮدﻩ ﻗﻴﺰﻳﻞ‪ ،‬ﺳﺮﭘﻮﺷﻮدا‬
‫ﻗﻴﺰﻳﻞ‪ ٠‬ﺑﻮﺷﺎﻟﺪى‪ ٠‬ﻗﺎﺑﻼرى وﺋﺮﻧﺪﻩ دﺋﻴﻪرﮐﻰ‪ ،‬ﺑﺎﺑﺎ درﺑﻴﺶ هﺎﻣﻴﺴﻰ ﺳﻨﻴﻨﮑﻰ دى‪ ٠‬ﮔﺆﺗﻮر ﮔﺌﺖ‪٠‬‬
‫ﻗﺎﺑﻼرى ﮔﺆﺗﻮرەر ﮐﺌﭽﺮ‪ ،‬ﻳﺌﺪدى ﻗﺎﭘﻰ دؤﻳﻪر‪ ٠‬ﻳﺌﺪدﻳﺴﻴﻨﺪﻩ دﻩ ﺑﻴﺮ دؤورى ﻗﻴﺰﻳﻞ ﺁﻻر‪ ٠‬ﻳﺌﺪدىﻤﻴﻴﻨﺠﻰ ﻗﺎﭘﻴﺪا‬
‫دﺋﻴﻪرﮐﻰ‪ ،‬ﺑﻪ ﺑﻮ ﻧﻪ اﻳﺶ دى؟ دﺋﻴﻪرﻟﺮﮐﻰ‪ ،‬ﺑﻮ ﻗﺎﭘﻴﻼرﻳﻦ ﻳﺌﺪدﻳﺴﻰ دﻩ ﺑﻴﺮ ﻧﻔﺮﻳﻦ دى‪ ٠‬اﺋﻠﻪ هﺮ ﮐﻴﻢ ﮔﻠﺴﻪ ﺑﻮﺟﻮر‬
‫ﻗﻴﺰﻳﻞ وﺋﺮر‪٠‬‬
‫درﺑﻴﺶ ﻗﻮﻳﺎر ﮔﺌﺪر ﭘﺎدﺷﺎهﻴﻦ اﺋﻮﻳﻨﻪ‪ ٠‬ﻗﺎﭘﻴﻨﻰ دؤﻳﻪر‪ ٠‬ﮔﻠﺮﻟﺮ ﮔﺆرەرﻟﺮ درﺑﻴﺶ دى‪ ٠‬ﮔﺘﻴﺮەرﻟﺮ ﺑﻮﻧﺎ‪-‬اؤز دﻳﻠﻴﻤﻴﺰ‪ ،‬ﺑﺌﺶ‬
‫ﻗﻴﺮان ﭘﻮل وﺋﺮەرﻟﺮ‪ ٠‬درﺑﻴﺶ دﺋﻴﻪر‪ :‬اوﻟﻤﺎز‪ ٠‬ﻣﻦ ﮔﺮﮎ ﭘﺎدﺷﺎهﻴﻦ اؤزون ﮔﺆرەم‪٠‬‬
‫ﭼﮑﻴﺶ‪-‬ﺑﺮﮐﻴﺶ‪ ٠٠٠‬اوﻟﻤﺎز‪ ٠‬ﭘﺎدﺷﺎهﺎ ﺧﺒﺮ ﭼﺎﺗﺎر‪ ٠‬دﺋﻴﻪر‪ :‬ﻗﻮﻳﻮن ﮔﻠﺴﻴﻦ‪٠‬‬
‫درﺑﻴﺶ ﮔﺌﺪر ﭘﺎدﺷﺎهﻴﻦ ﻳﺎﻧﻴﻨﺎ‪ ٠‬دﺋﻴﻪر‪ :‬ﺑﻪ‪ ،‬ﻗﻴﺒﻠﻪﻳﻰ ﻋﺎﻟﻢ ﺳﺎغ اوﻟﺴﻮن‪ ،‬ﺑﻮرا ﭘﺎدﺷﺎﻩ اﺋﻮى دى‪ ،‬ﻣﻨﻪ ﺑﺌﺶ ﻗﻴﺮان‬
‫ﭘﻮل وﺋﺮدﻳﻠﺮ‪ ،‬ﻓﻴﻼن ﻳﺌﺮدﻩ ﻳﺌﺪدى ﻗﺎﭘﻰ وار‪ ،‬ﻳﺌﺪدﻳﺴﻰ دﻩ ﺑﻴﺮ ﺁداﻣﻴﻦ‪ ٠‬هﺮ ﻗﺎﭘىﻴﺎ ﮔﺌﺘﺪﻳﻢ ﺑﻴﺮ دؤورى ﻗﻴﺰﻳﻞ ﮔﺘﻴﺮدﻳﻠﺮ‪٠‬‬
‫دؤوروﺳﻮدﻩ ﻗﻴﺰﻳﻞ‪ ،‬ﺳﺮﭘﻮﺷﻮدا‪ ٠‬ﺑﻪ‪ ،‬ﺳﻦ ﻧﻪ ﮔﻮﻧﻮن ﭘﺎدﺷﺎهﻴﺴﺎن؟‬
‫ﭘﺎدﺷﺎﻩ دورار درﺑﻴﺸﻠﻴﮏ ﭘﺎﻟﺘﺎرى ﮔﺌﻴﻪر ﮔﺌﺪر‪ ٠‬ﻳﺌﺪدى ﻗﺎﭘﻴﺪان ﭘﺎى اﻳﺴﺘﺮ‪ ٠‬درﺑﻴﺸﻪ وﺋﺮن ﺗﮑﻴﻦ ﺑﻮﻧﺎ دا وﺋﺮﻟﺮ‪٠‬‬
‫ﻳﺌﺪدى ﻣﻴﻨﺠﻰ ﻗﺎﭘﻴﺪا دﺋﻴﻪر‪ :‬ﺑﺎخ‪ ،‬ﻣﻦ ﺑﻮ ﻗﻴﺰﻳﻠﻰ دا اﻳﺴﺘﻪﻣﻴﺮم‪ ٠٠٠‬ﻣﻨﻰ ﺑﻮ ﺳﻴﺮرﻳﺪان ﺁﮔﺎﻩ اﺋﻠﻪﻳﻴﻦ ﮔﺆروم ﺑﻮ ﻳﺌﺪدى‬
‫ﻗﺎﭘﻰ ﮐﻴﻤﻴﻦ دى‪٠‬‬
‫ﻗﺎﭘﻴﭽﻴﻼر دﺋﻴﻪرﻟﺮ‪ :‬ﺑﻴﺰﻳﻢ ﺧﺎﻧﻴﻤﻴﻤﻴﺰﻳﻦ دى‪٠‬‬
‫ﭘﺎدﺷﺎﻩ دﺋﻴﻪر‪ :‬ﻣﻨﻰ ﺁﭘﺎرﻳﻦ اوﻧﻮن ﻳﺎﻧﻴﻨﺎ‪٠‬‬
‫ﭘﺎدﺷﺎﻩ ﮔﻠﺮ ﮔﺆرەر ﺑﻴﺮ داﻧﺎ ﺁرواددى‪ ،‬ﻗﺮﻩ ﮔﺌﻴﻴﻨﻴﺐ اوﺗﻮروب‪ ٠‬دﺋﻴﻪر‪ :‬ﺁى ﺧﺎﻧﻴﻢ‪ ،‬ﻣﻨﻰ‪ ،‬ﺑﻮ ﺳﻴﺮرﻳﻨﺪان ﺁﮔﺎﻩ اﺋﻠﻪ ﮔﺆروم‬
‫ﺳﻨﻴﻦ ﻧﻪ ﻗﺪر ﻗﻴﺰﻳﻠﻴﻦ وار ﮐﻰ‪ ،‬ﺑﺌﻠﻪ ﺑﺎﻏﻴﺸﻼﻳﻴﺮﺳﺎن؟‬
‫ﺁرواد دﺋﻴﻪر‪ :‬ﻣﻦ ﺳﻴﺮرﻳﻤﻰ هﺌﭻ ﮐﻴﻤﻪ دﺋﻤﻪرم‪ ٠‬ﻓﻴﻼن ﺷﻬﺮدﻩ ﺑﻴﺮداﻧﺎ ﻗﺎﻟﺘﺎق ﺳﺎز وار‪ ٠‬ﮔﻮﻧﺪﻩ ﺑﻴﺮ ﻗﺎﻟﺘﺎق ﻗﺎﻳﻴﺮار‪٠‬‬
‫اوﺳﺘﻮﻧﺪﻩ اﻳﮑﻰ داﻧﺎ ﻋﮑﺴﻰ ﭼﮑﺮ‪ ٠‬ﺁﺧﺸﺎم اوﻟﻮ‪ ،‬ﺑﻮﻧﻮ ﺑﻴﺮداﻧﺎ ﺁﺗﺪى ﮔﻠﺮ ﺁﻻر‪ ٠‬اﺋﻠﻪ ﮐﻰ ﺁﻟﺪى‪ ،‬ﭘﻮﻟﻮن وﺋﺮدى‪ ،‬اﻳﺴﺘﺮ‬
‫ﮔﺌﺪﻩ‪ ،‬ﻗﺎﻟﺘﺎق ﺳﺎز دﺋﻴﻪر‪ :‬وﺋﺮ ﮔﺆروم‪ ،‬ﺑﻴﺮ ﻳﺌﺮى ﻗﺎﻟﻴﺮ‪ ،‬دوزەﻟﺪﻳﻢ وﺋﺮﻳﻢ‪ ٠‬ﭘﻮﻟﻼرﻳﻦ وﺋﺮر اﻟﻴﻨﻪ‪ ٠‬ﺁﻻر ﺳﻴﻨﺪﻳﺮار ﺁﺗﺎر اوﻳﺎﻧﺎ‪٠‬‬
‫ﺗﻮﮐﺎﻧﻰ دوﻟﻮدو ﺑﻮ زادﻻرﻳﻼن‪ ٠‬ﺳﻦ ﻣﻨﻰ ﺑﻮﻧﻮن ﺳﻴﺮرﻳﻨﺪان ﺁﮔﺎﻩ اﺋﻠﻪ‪ ،‬ﻣﻨﺪﻩ ﺳﻨﻰ اؤز ﺳﻴﺮرﻳﻤﺪان ﺁﮔﺎﻩ اﺋﻠﻪﻳﻴﻢ‪٠‬‬

‫‪25‬‬
‫ﭘﺎدﺷﺎﻩ ﻗﺎﻳﻴﺪار‪ ٠‬دﺋﻴﻪر‪ :‬ﺑﺎﺑﺎ درﺑﻴﺶ‪ ،‬ﺳﻦ اوﺗﻮرﻣﺎﻟﻰ اوﻟﺪون‪ ،‬ﻣﻦ ﮔﺌﺘﻤﻠﻰ‪ ٠‬ﮔﺌﺪر‪ ،‬ﮔﺌﺪر ﻳﺌﺘﻴﺸﺮ ﻗﺎﻟﺘﺎق ﺳﺎزﻳﻦ‬
‫ﺗﻮﮐﺎﻧﻴﻨﺎ‪ ،‬ﮔﺆرەر‪ ،‬ﺑﻌﻠﻰ‪ ،‬ﺑﻴﺮداﻧﺎ ﻗﺎﻟﺘﺎق ﻗﺎﻳﻴﺮﻳﺐ‪ ،‬اﻳﮑﻰ ﻋﮑﺴﻰ‪-‬ﺑﻴﺮى اوﻏﻼن‪ ،‬ﺑﻴﺮى ﻗﻴﺰ اوﺳﺘﻮﻧﺪﻩ ﭼﮑﻴﺐ‪ ٠‬ﺁﺧﺸﺎم ﺑﻴﺮ‬
‫داﻧﺎ ﺁﺗﻠﻰ ﮔﻠﺮ ﺑﻮﻧﻮ ﺁﻻر‪ ٠‬ﭘﻮﻟﻼرﻳﻦ وﺋﺮر‪ ،‬اﻳﺴﺘﺮ ﮔﺌﺪﻩ‪ ،‬ﮐﻴﺸﻰ دﺋﻴﻪر‪ :‬وﺋﺮ ﮔﺆروم ﻗﺮدش‪ ،‬اوراﺳﻴﻦ دوزەﻟﺪﻳﻢ وﺋﺮﻳﻢ‪٠‬‬
‫ﺁﻻر ﺳﻴﻨﺪﻳﺮار‪ ،‬ﭘﻮﻟﻼرﻳﻦ وﺋﺮر‪ ٠‬ﺁﺗﻠﻰ ﭼﻴﺨﺎر ﮔﺌﺪر‪٠‬‬
‫ﭘﺎدﺷﺎﻩ ﮐﺌﭽﺮ دﺋﻴﻪرﮐﻰ‪ ،‬ﺑﻮ ﮔﺌﺠﻪﻧﻰ ﺳﻨﻪ ﻗﻮﻧﺎﻏﺎم‪٠‬‬
‫ﮔﺌﺠﻪﻧﻰ ﻗﺎﻟﺘﺎق ﺳﺎزا ﻗﻮﻧﺎق اوﻻر‪ ٠‬ﺷﺎم ﮔﺘﻴﺮەرﻟﺮ‪ ٠‬ﭘﺎدﺷﺎﻩ دﺋﻴﻪر‪ :‬ﮔﺮﮎ ﺳﻴﺮرﻳﻨﺪان ﻣﻨﻰ ﺁﮔﺎﻩ اﺋﻠﻴﻪﺳﻦ‪ ،‬ﺳﻮﻧﺮا‬
‫ﺷﺎم ﻳﺌﻴﻪم‪٠‬‬
‫دﺋﻴﻪرﮐﻰ‪ ،‬ﺷﺎﻣﻴﻨﻰ ﻳﺌﻪ درﺑﻴﺶ ﺑﺎﺑﺎ‪ ٠‬ﻣﻦ اﻳﻨﺪﻳﻪﺟﻪ هﺌﭻ ﮐﻴﻤﻰ ﺳﻴﺮرﻳﻤﺪان ﺁﮔﺎﻩ اﺋﻠﻪﻣﻪﻣﻴﺸﻢ‪ ٠‬ﻓﻴﻼن ﺷﻬﺮدﻩ‬
‫ﺑﻴﺮ اذاﻧﭽﻰ وار‪ ٠‬هﺮ ﮔﻮن ﭼﻴﺨﺎر ﮔﻮﻟﺪﺳﺘﻪﻳﻪ اذان وﺋﺮر‪ ٠‬اذان وﺋﺮەر ﻗﻮرﺗﺎرار‪ ٠‬او ﻗﺪر ﺁﻏﻼر ﮐﻰ‪ ،‬ﻳﻴﺨﻴﻼر ﻗﺶ اﺋﻠﺮ‪٠‬‬
‫ﺗﻮﺗﺎرﻻر ﻗﻮﻳﺎرﻻر ﻳﺌﺮﻩ‪ ٠‬ﺑﻴﺮ ﺁزدان ﺳﻮﻧﺮا ﺁﻳﻴﻼر‪ ٠‬اوﻧﻮن ﺳﻴﺮرﻳﻦ ﺳﻦ ﻣﻨﻪ دﺋﺴﻪن‪ ،‬ﻣﻦ دﻩ ﺳﻴﺮرﻳﻤﻰ ﺳﻨﻪ دﺋﻴﻪرم‪٠‬‬
‫ﭘﺎدﺷﺎﻩ ﺷﺎﻣﻴﻦ ﻳﺌﻴﻪر‪ ،‬ﺑﺎﺷﻴﻦ ﻗﻮﻳﺎر ﻳﺎﺗﺎر‪ ٠‬ﺳﺤﺮ دورار ﮔﺌﺪر اذاﻧﭽﻴﻨﻴﻦ ﺷﻬﺮﻳﻨﻪ‪ ٠‬اذان ﭼﺎﻏﻰ ﮔﺆرەر‪ ،‬ﺑﻌﻠﻰ‪ ،‬ﺑﻴﺮى‬
‫ﭼﻴﺨﺪى ﮔﻮﻟﺪﺳﺘﻪﻳﻪ‪ ٠‬اورادا اذان وﺋﺮدى‪ ٠‬ﻗﻮرﺗﺎراﻧﺪان ﺳﻮﻧﺮا ﺑﺎﺷﻼدى ﺁﻏﻼدى‪ ٠‬ﺁﻏﻼدى‪ ،‬ﺁﻏﻼدى ﻗﺶ اﺋﻠﻪدى‪،‬‬
‫ﻳﻴﺨﻴﻠﺪى‪ ٠‬ﺗﻮﺗﺪوﻻر ﻗﻮﻳﺪوﻻر ﻳﺌﺮﻩ‪٠‬‬
‫اﺋﻠﻪﮐﻰ اذاﻧﭽﻰ ﺁﻳﻴﻼر‪ ،‬ﭘﺎدﺷﺎﻩ ﮐﺌﭽﺮ دﺋﻴﻪر‪ :‬ﺑﻮ ﮔﺌﺠﻪﻧﻰ ﺳﻨﻪ ﻗﻮﻧﺎﻏﺎم‪٠‬‬
‫دﺋﻴﻪر‪ :‬ﻋﻴﺒﻰ ﻳﻮﺧﺪو‪ ٠‬ﮔﺆزوم اوﺳﺘﻪ ﻳﺌﺮﻳﻦ وار‪٠‬‬
‫ﮔﺌﺠﻪ ﻳﺌﻤﮏ ﮔﺘﻴﺮەرﻟﺮ‪ ٠‬ﭘﺎدﺷﺎﻩ دﺋﻴﻪر‪ ،‬ﻳﺌﻤﻪرم‪ ٠‬ﺳﻦ ﺳﻴﺮرﻳﻨﻰ ﻣﻨﻪ دﺋﻤﻪﻳﻴﻨﺠﻪ ﻳﺌﻤﻪرم‪٠‬‬
‫اذاﻧﭽﻰ دﺋﻴﻪر‪ :‬درﺑﻴﺶ ﻗﺮدش‪ ،‬ﺷﺎﻣﻴﻨﻰ ﻳﺌﻪ‪ ٠‬واﻟﻼﻩ ﻣﻦ ﺳﻴﺮرﻳﻤﻰ ﻧﻪ ﺑﻴﺮ ﺁداﻣﺎ دﺋﻤﻴﺸﻢ‪ ،‬ﻧﻪ دﻩ ﺑﻴﺮ ﺁدام ﻣﻨﻴﻢ‬
‫ﺳﻴﺮرﻳﻤﻰ ﺑﻴﻠﻴﺮ‪ ٠‬ﻓﻴﻼن ﺷﻬﺮدﻩ ﺑﻴﺮ ﻧﻔﺮ وار‪ ٠‬ﺑﻴﺮ داﻧﺎ ﻗﻔﺴﻪ ﻗﻴﺰ ﺳﺎﻟﻴﺐ‪ ٠‬ﺑﻴﺮداﻧﺎ اوﻧﻮن اﻳﺘﻰ وار‪ ٠‬ﺑﻴﺮ داﻧﺎ دا ﺁغ‬
‫ﺳﺎﻗﻘﺎﻟﻰ ﻗﻮرو ﮐﻠﻠﻪ وار‪ ٠‬ﮔﺘﻴﺮەر اﻳﺘﻴﻦ ﻗﺎﺑﺎﻏﻴﻨﺎ ﭘﻴﻠﻮو ﻗﻮﻳﺎر‪ ٠‬اﺋﻠﻪﮐﻰ اﻳﺖ ﻳﺌﺪى دوﻳﺪو‪ ،‬ﺁرﺗﻴﻐﻴﻦ وﺋﺮر ﻗﻴﺰا ﻳﺌﻤﺰ‪ ٠‬ﮔﺌﺪر‬
‫ﺑﺎﺷﻰ ﮔﺘﻴﺮەر ﺑﻮ ﻗﻴﺰﻳﻦ ﻳﺎﻧﻴﻨﺪا ﺁﻏﺎﺟﻴﻼن دؤﻳﻪر‪ ٠‬ﻗﻴﺰ دﺋﻴﻪر دؤﻳﻤﻪ ﻳﺌﻴﻴﻢ‪ ٠‬اوﻧﻮن ﺳﻴﺮرﻳﻨﺪان ﺳﻦ ﻣﻨﻰ ﺁﮔﺎﻩ اﺋﻠﻪﺳﻦ‪،‬‬
‫ﻣﻦ دﻩ ﺳﻨﻰ اؤز ﺳﻴﺮﻳﻤﺪان ﺁﮔﺎﻩ اﺋﻠﻪرم‪ ٠‬ﺁﻣﻤﺎ ﺑﻮﻧﻮدا ﺑﻴﻞ ﮐﻰ‪ ،‬ﭼﻮﺧﻼر ﮔﺌﺪﻳﺐ اوﻧﻮن ﺳﻴﺮرﻳﻦ ﮔﺘﻴﺮەﻧﻤﻪﻳﻴﺐ‪ ،‬اؤﻟﻮﺑﻠﺮ‪٠‬‬
‫ﻳﺌﻨﻪ ﺳﺤﺮ اوﻻر‪ ،‬دورار ﮔﺌﺪر ﻳﺌﺘﻴﺸﺮ ﺑﻴﺮ ﭼﻴﻨﺎر ﺁﻏﺎﺟﻴﻨﺎ‪ ٠‬دﻳﺒﻴﻨﺪﻩ ﻳﺎﺗﻤﻴﺸﺪى ﮔﺆرەر ﭼﻴﻐﻴﺮ‪-‬ﺑﺎﻏﻴﺮ ﮔﻠﻴﺮ‪ ٠‬دورار ﮔﺆرەر‬
‫اژدهﺎ دﻳﺮﻣﺎﺷﻴﺮ ﺳﻴﻤﻴﺮﻳﻐﻴﻦ ﺑﺎﻻﻻرﻳﻦ ﻳﺌﺴﻴﻦ‪ ٠‬ﻗﻴﻠﻴﻨﺠﻴﻦ ﭼﮑﺮ اژداهﺎﻧﻰ اﻳﮑﻰ ﺷﻘﻘﻪ اﺋﻠﺮ‪ ٠‬ﺑﻴﺮ ﺷﻘﻘﻪﺳﻴﻦ وﺋﺮر‬
‫ﺑﺎﻻﻻر ﻳﺌﻴﻪر‪ ٠‬ﺑﻴﺮ ﺷﻘﻘﻪﺳﻴﻦ دﻩ ﺁﺗﺎر اوﻳﺎﻧﺎ ﮔﻠﺮ ﻳﺎﺗﺎر‪٠‬‬
‫ﺑﻮﻳﻮل‪ ،‬ﺳﻴﻤﻴﺮﻳﻖ ﮔﻠﺮ‪ ٠‬اؤز‪-‬اؤزوﻧﻪ دﺋﻴﻪر‪ :‬ﺁهﺎن‪ ،‬ﻣﻨﻴﻢ ﺑﺎﻻﻻرﻳﻤﻰ اﻳﻠﺪﻩ ﺑﻮ ﻳﺌﻴﻴﺮﻣﻴﺶ‪ ٠‬ﮔﺌﺪر ﺑﻴﺮ داش ﮔﺘﻴﺮەر‬
‫ﺳﺎﻟﺴﻴﻦ ﺑﺎﺷﻴﻨﺎ‪ ٠‬ﺑﺎﻻﻻرى هﺎى ﺳﺎﻻرﻻر ﮐﻰ‪ ،‬ﻧﻨﻪ ﺁﻣﺎن دى اوﻧﻮ اؤﻟﺪورﻣﻪ‪ ،‬ﺑﻴﺰى او ﻗﻮرﺗﺎرﻳﺐ‪٠‬‬
‫ﺁﭘﺎرار ﻗﻮﻳﺎر ﻳﺌﺮﻳﻨﻪ‪ ،‬ﮔﻠﺮ ﻗﺎﻧﺎدﻳﻦ ﺑﺎﺳﺎر ﺳﻮﻳﺎ ﭼﮑﺮ‬ ‫ﺳﻴﻤﻴﺮﻳﻖ ﺑﺎﺧﺎر اژداهﺎﻧﻴﻦ ﺷﻘﻘﻪﺳﻴﻦ ﮔﺆرەر‪ ٠‬داﺷﻰ‬
‫ﭘﺎدﺷﺎهﻴﻦ اوﺳﺘﻮﻧﻪ‪ ٠‬ﭘﺎدﺷﺎﻩ ﻳﻮﺧﻮدان ﺁﻳﻴﻼر‪٠‬‬
‫ﺳﻴﻤﻴﺮﻳﻖ دﺋﻴﻪر ‪ :‬هﺎرا ﮔﺌﺪﻳﺮﺳﻦ؟ ﺑﻮﻳﻮزﻟﺮدﻩ ﻧﻪ ﻗﺎﻳﻴﺮﻳﺮﺳﺎن؟‬
‫دﺋﻴﻪرﮐﻰ‪ ،‬ﺑﺲ ﺑﺌﻠﻪ‪ ٠‬ﮔﺌﺪﻳﺮم ﻓﻴﻼن ﻳﺌﺮﻩ‪٠‬‬
‫ﺳﻴﻤﻴﺮﻳﻖ دﺋﻴﻪر‪ :‬اورا ﮔﺌﺪن ﻗﺎﻳﻴﺘﻤﺎز‪ ٠‬او‪ ،‬ﺳﻴﺮرﻳﻦ هﺌﭽﮑﺴﻪ دﺋﻤﻪز‪ ،‬دﺋﺴﻪدﻩ اؤﻟﺪورەر‪٠‬‬
‫دﺋﻴﻪر‪ :‬ﮔﺮﮎ ﮔﺌﺪم‪ ،‬اوﻻن دﮔﻴﻞ‪٠‬‬
‫ﺳﻴﻤﻴﺮﻳﻖ ﺑﻴﺮ دﺳﺘﻪ ﺗﻮﮐﻮﻧﺪن وﺋﺮر دﺋﻴﻪر‪ :‬هﺎرادا داردا ﻗﺎﻟﺪﻳﻦ ﺗﻮﮐﻮﻣﻮ اوﺗﺎ ﺗﻮت‪ ،‬ﻣﻦ ﮔﻠﻴﻢ‪٠‬‬
‫ﭘﺎدﺷﺎﻩ ﮔﺌﺪر‪ ،‬ﮔﺌﺪر اوراﻧﻰ ﺗﺎﭘﺎر‪ ٠‬ﮔﺆرەر اﻋﻴﺎﻧﻰ ﺑﻴﺮ ﻳﺌﺮدى‪ ٠‬ﻗﺎﭘﻴﻨﻰ دؤﻳﺮ‪ ٠‬دﺋﻴﻪر‪ :‬ﮔﺌﺠﻪﻧﻰ ﺑﻮرادا ﻗﻮﻧﺎﻏﺎم‪ ،‬ﮔﺌﺪر‬
‫ﮔﺌﺠﻪﻧﻰ اورادا ﻗﻮﻧﺎق ﻗﺎﻻر‪ ٠‬ﮔﺆرەر ﮐﻴﺸﻰ اﻳﺘﻴﻦ ﻳﺎﻧﻴﻨﺪا اوﺗﻮردو‪ ،‬اﺋﻠﻪﮐﻰ ﺷﺎم واﺧﺘﻰ ﮔﻠﺪى‪ ،‬ﮔﺆرەر ﺑﻴﺮ داﻧﺎ دﻣﻴﺮ‬
‫ﻗﻔﺲ ﮔﺘﻴﺮدى‪ ،‬اﻳﭽﻴﻨﺪﻩ ﺑﻴﺮ داﻧﺎ ﻗﻴﺰ‪ ،‬ﺑﻮﺷﻘﺎﺑﺪا ﭘﻴﻠﻮو ﮔﺘﻴﺮدى‪ ،‬ﻗﺎﺑﺎﻗﺠﺎ ﻗﻮﻳﺪو اﻳﺘﻴﻦ ﻗﺎﺑﺎﻏﻴﻨﺎ‪ ٠‬اﺋﻠﻪﮐﻰ اﻳﺖ ﻳﺌﺪى دوﻳﺪو‪،‬‬
‫وﺋﺮدى ﻗﻴﺰا‪ ٠‬ﻗﻴﺰ ﻳﺌﻤﻪدى‪ ٠‬ﮔﺌﺘﺪى ﻗﻮرو ﮐﻠﻠﻪﻧﻰ ﮔﺘﻴﺮدى‪ ٠‬ﺑﻴﺮ‪-‬اﻳﮑﻰ دؤﻳﻪﻧﺪﻩ ﻗﻴﺰ دﺋﺪى‪ :‬وورﻣﺎ‪ ،‬ﻳﺌﻴﻴﻢ! ﻗﻴﺰ ﺑﺎﺷﻼدى‬
‫ﻳﺌﺪى‪ ٠‬ﮐﻴﺸﻰ ﺁﭘﺎردى ﮐﻠﻠﻪﻧﻰ‪ ،‬ﻗﻔﺴﻰ ﻗﻮﻳﺪو ﻳﺌﺮﻳﻨﻪ ﻗﺎﻳﻴﺘﺪى‪٠‬‬
‫ﭘﺎدﺷﺎﻩ دﺋﻴﻪر‪ :‬ﺳﻨﻰ ﺁﻧﺪ وﺋﺮرەم ﺳﻨﻰ ﻣﻨﻰ ﻳﺎرادان ﺁﻟﻼهﺎ! ﺳﻴﺮرﻳﻨﺪان ﻣﻨﻰ ﺁﮔﺎﻩ اﺋﻠﻪ ﮔﺆروم ﺑﻮ ﻧﻪ اﻳﺶ دى‪٠‬‬
‫ﮐﻴﺸﻰ دﺋﻴﻪر‪ :‬ﻣﻨﻴﻢ ﺳﻴﺮرﻳﻤﻰ هﺌﭽﮑﺲ ﺑﻴﻠﻤﻪﻳﻴﺐ‪ ،‬ﺑﻴﻠﻤﺰ‪ ٠‬ﭼﺆرەﮔﻴﻦ ﻳﺌﻪ‪ ،‬ﻧﺌﭽﻪ ﮔﻮن ﻗﺎﻻﺟﺎﻗﺴﺎن ﻗﺎل‪ ،‬ﭼﻴﺦ‬
‫ﮔﺌﺖ‪ ،‬ﻗﻮﻧﺎﻗﺴﺎن‪٠‬‬
‫ﭘﺎدﺷﺎﻩ ال ﭼﮑﻤﺰ ﮐﻰ‪ ،‬ﺣﺆﮐﻤﺎن دﺋﻪ‪٠‬‬
‫ﮐﻴﺸﻰ دورار ﭘﺎدﺷﺎهﻰ ﺁﭘﺎرار ﺑﻴﺮ داﻧﺎ ﻗﺒﺮﺳﺘﺎﻧﺎ‪ ٠‬دﺋﻴﻪر‪ :‬ﺑﺎخ‪ ،‬ﺑﻴﺮ ﺑﺌﻠﻪ ﺁداﻣﻰ ﮔﺆرورﺳﻦ؟ هﺎﻣﻴﺴﻴﻨﺎ دﺋﻤﻴﺸﻢ‬
‫اؤﻟﺪورﻣﻮﺷﻢ‪ ٠‬ﻣﻦ ﻗﻮﻳﻤﺎرام ﺳﻴﺮرﻳﻢ ﭼﻴﺨﺎ اﺋﺸﻴﮕﻪ‪٠‬‬
‫ﭘﺎدﺷﺎﻩ دﺋﻴﻪر‪ :‬دﺋﻪ‪ ،‬ﻣﻨﻰ دﻩ اؤﻟﺪور‪٠‬‬
‫ﮔﻠﺮﻟﺮ اوﺗﻮرارﻻر‪ ٠‬ﮐﻴﺸﻰ دﺋﻴﻪر ﮐﻰ‪ ،‬واﻟﻼﻩ اﻳﻨﺪى ﮐﻰ ﺑﺌﻠﻪ اوﻟﺪو ﻗﻮﻻق ﺁس دﺋﻴﻴﻢ‪:‬‬

‫‪26‬‬
‫‪-‬ﮔﻮﻧﻠﺮﻳﻦ ﺑﻴﺮ ﮔﻮﻧﻮﻧﺪﻩ ﻋﻤﻘﻴﺰﻳﻤﻰ ﺁﻟﺪﻳﻼر ﻣﻨﻪ‪ ٠‬ﮔﺌﺠﻪﻧﻴﻦ ﺑﻴﺮ واﺧﺘﻰ ﺁﻳﻴﻼردﻳﻢ ﮔﺆرەردﻳﻢ ﺑﻮم‪-‬ﺑﻮز ﮔﻠﻴﺮ‪ ،‬دﺋﻴﻪردﻳﻢ‪:‬‬
‫ﻋﻤﻘﻴﺰى هﺎرداﻳﺪﻳﻦ؟ دﺋﻴﻪردى‪ :‬ﻋﻤﻮاوﻏﻠﻮ‪ ،‬زهﺮ ﺁزارﻳﻨﺎ دوﺷﻤﻮﺷﻢ‪ ٠‬ﺑﻴﺮ ﮔﺌﺠﻪ اؤز‪-‬اؤزوﻧﻪ دﺋﺪﻳﻢ ﮐﻰ‪ ،‬ﺑﺌﻠﻪ دﻩ دﮔﻴﻞ‬
‫ﮐﻰ ﺑﺌﻠﻪ اوﻻ‪ ٠‬ﺑﺎرﻣﺎﻏﻴﻤﻰ ﮐﺴﺪﻳﻢ‪ ٠‬ﻳﺌﺮﻳﻨﻪ دوز ﺑﺎﺳﺪﻳﻢ‪ ٠‬اؤزوﻣﻮ ووردوم ﻳﻮﺧﻮﻳﺎ‪ ٠‬ﮔﺌﺠﻪﻧﻴﻦ ﺑﻴﺮ واﺧﺘﻰ اوﻟﺪو‪ ٠‬دوردو‬
‫ﮔﺌﻴﻴﻨﺪى‪ ،‬ﺷﻤﺸﻴﺮﻳﻤﻰ ﮔﺆﺗﻮردو دﺋﺪى‪ :‬ﻳﺎﺗﻤﻴﺴﺎن؟ اوﻳﺎﻗﺴﺎن ﺑﻮﻳﻨﻮن ووروم‪ ٠‬ﺳﺴﻴﻤﻰ ﭼﻴﺨﺎرﺗﻤﺎدﻳﻢ‪ ٠‬ﻣﻬﺘﺮ ﺁﺗﻴﻤﻰ‬
‫ﺣﺎﺿﺮ ﺳﺎﺧﻼﻣﻴﺸﺪى‪ ٠‬ﻣﻴﻨﺪى ﮔﺌﺘﺪى‪ ٠‬ﻣﻦ دﻩ داﻟﻴﺠﺎ ﮔﺌﺘﺪﻳﻢ‪ ٠‬ﺑﻮ ﮔﺌﺘﺪى‪ ،‬ﻣﻦ ﮔﺌﺘﺪﻳﻢ‪ ٠‬ﺑﻴﺮ ﻳﺌﺮدن اﻳﺸﻴﻖ ﮔﻠﻴﺮدى‪٠‬‬
‫ﻗﺎﭘﻴﻨﻰ دؤﻳﺪو‪ ٠‬ﺁﭼﺪﻳﻼر‪ ٠‬ﮔﻴﺮدى اﻳﭽﺮى‪ ٠‬ﺁﺗﻴﻤﻰ ﺑﺎﻏﻼدﻳﻢ‪ ٠‬دوواردان دوﺷﺪوم‪ ٠‬ﮔﺆردوم ﻗﻴﺮخ ﺣﺮاﻣﻴﻼر اوﺗﻮروﺑﻼر‪ ٠‬ﺁغ‬
‫ﺳﺎﻗﻘﺎل‪ ،‬ﺑﺎش ﻗﻮﺟﺎ ﻗﻴﺮخ ﺣﺮاﻣﻰ دا ﺑﺎﺷﺪا اوﺗﻮروب‪ ٠‬دﺋﺪى‪ :‬ﭼﭙﺮ ﺣﺮاﻣﺰادا هﺎرداﺳﺎن؟ ﺗﺌﺰ اول ﺳﺎﻗﻰ دوﻻﻧﺪﻳﺮ‪٠‬‬
‫ﻋﻤﻘﻴﺰﻳﻢ دﺋﺪى‪ :‬ﮐﺆﭘﮏ ﻳﻮﺧﻼﻣﺎﻣﻴﺸﺪى‪ ٠‬ﻗﻴﺮخ ﺣﺮاﻣﻰ ﺑﺎﺷﻰ دﺋﺪى‪ :‬ﺻﺎﺑﺎح ﺑﺎﺷﻴﻦ ﮐﺲ ﮔﺘﻴﺮﻣﻨﻪ‪ ٠‬دﺋﺪى‪ :‬ﻋﻴﺒﻰ‬
‫ﻳﻮﺧﺪو‪ ٠‬ﻣﻦ ﮔﺆردوم ﺑﻮﻧﻼرﻳﻼن ﺑﺎﺷﺎراﻧﻤﺎرام‪ ٠‬ﮔﻴﺮدﻳﻢ ﻃﺆوﻟﻴﻪ‪ ٠‬ﺁﺗﻼرى ﻗﺎﺗﺪﻳﻢ ﺑﻴﺮ‪-‬ﺑﻴﺮﻳﻨﻪ‪ ٠‬ﺑﻴﺮ ﮔﻮر هﺎ ﮔﻮر‪-‬ﭼﺎل هﺎ ﭼﺎل‬
‫اوﻟﺪو ﮐﻰ‪ ،‬ﮔﻞ ﮔﺆرەﺳﻦ‪ ٠‬ﻃﺆوﻟﻪﻧﻴﻦ ﻳﺎﻧﻴﻨﺪا دوردوم‪ ٠‬ﺑﻴﺮ‪-‬ﺑﻴﺮ ﮔﻠﺪﻳﮑﺠﻪ ﺑﻮﻳﻮﻧﻼرﻳﻦ ووردوم ﺗﺆﮐﺪوم ﻃﺆوﻟﻴﻪ‪٠‬‬
‫ﻋﻤﻘﻴﺰﻳﻤﻼن ﺁغ ﺳﺎﻗﻘﺎل ﮐﻴﺸﻰ ﻗﺎﻟﺪﻳﻼر‪ ٠‬ﮔﻴﺮدﻳﻢ اﺋﻮﻩ‪ ٠‬ﻋﻤﻘﻴﺰﻳﻢ دﺋﺪى‪ :‬ﺁهﺎن‪ ،‬اؤزو ﮔﻠﺪى‪ ٠‬ﺗﻮت اؤﻟﺪور‪ ،‬ﻳﺨﻪم‬
‫ﻗﻮرﺗﻮﻟﺴﻮن‪ ٠‬ﻗﻴﺮخ ﺣﺮاﻣﻰ ﺑﺎﺷﻰ ﻳﻮﮔﻮردو ﻣﻨﻴﻢ اوﺳﺘﻮﻣﻪ‪ ،‬ﭼﻨﮕﻠﻪﺷﺪﻳﮏ‪ ٠‬اوﺗﻮردو ﺳﻴﻨﻪم اوﺳﺘﻪ‪ ٠‬دﺋﻤﻪ ﺑﺲ اﻳﺘﻴﻢ‬
‫دﻩ ﻣﻨﻠﻦ ﮔﻠﻴﺐ‪ ٠‬ﺧﻨﭽﻠﻰ ﭼﮑﻴﺐ ﻣﻨﻰ اؤﻟﺪورﻣﮏ اﻳﺴﺘﻪﻳﻪﻧﺪﻩ اﻳﺖ داﻟﻴﺪان ﺧﺎﻳﺎﻻدى‪ ٠‬ﻗﻴﺮخ ﺣﺮاﻣﻰ ﺑﺎﺷﻰ ﮐﻴﺮﻳﺨﻴﺐ‬
‫دوﺷﺪو‪ ٠‬ﻗﺎﻟﺨﺪﻳﻢ ﺑﺎﺷﻴﻦ ﮐﺴﺪﻳﻢ‪ ٠‬ﺑﻮ ﻗﻴﺰى دا ﮔﺆﺗﻮردوم ﮔﻠﺪﻳﻢ‪ ٠‬اﻳﻨﺪى ﺑﻮ اﻳﺖ هﺎﻣﺎن اﻳﺖ دى‪ ،‬ﺑﻮ ﻗﻴﺰ هﺎﻣﺎن ﻗﻴﺰ‪٠‬‬
‫ﺑﻮ ﮐﻠﻠﻪدﻩ ﻗﻴﺮخ ﺣﺮاﻣﻰ ﺑﺎﺷﻴﻨﻴﻦ ﮐﻠﻠﻪﺳﻰ‪ ٠‬اودوﮐﻰ‪ ،‬ﮐﻠﻠﻪﻧﻰ ووراﻧﺪا ﻗﻴﺰ دﺋﻴﻴﺮ‪ :‬وورﻣﺎ‪ ،‬ﻳﺌﻴﻴﻢ! اﻳﻨﺪى ﮐﻰ ﻣﻨﻴﻢ‬
‫ﺳﻴﺮرﻳﻤﻰ ﺑﻴﻠﺪﻳﻦ دور ﮔﺌﺪﮎ اؤﻟﺪوروم‪٠‬‬
‫ﭘﺎدﺷﺎﻩ دﺋﻴﻪر‪ :‬دوروم ﻧﺎﻣﺎزﻳﻤﻰ ﻗﻴﻠﻴﻢ‪ ،‬اوﻧﺪان ﺳﻮﻧﺮا اؤﻟﺪور‪٠‬‬
‫ﺁﻓﺘﺎﻓﺎ ﮔﺆﺗﻮرەر ﭼﻴﺨﺎر‪ ،‬ﮔﺆرەر هﺮﻳﺎن ﻗﺮاوول دو‪ ٠‬ﻓﻴﮑﻴﺮﻟﺸﻴﺮدى ﮐﻰ‪ ،‬ﻧﻪ ﺟﻮر ﭼﻴﺨﺴﻴﻦ ﮔﺌﺘﺴﻴﻦ‪ ٠‬ﺑﻴﺮدن‪-‬ﺑﻴﺮﻩ ﺗﻮﮎ‬
‫ﻳﺎدﻳﻨﺎ دوﺷﺮ‪ ٠‬ﺗﻮﺗﺎر اوﺗﺎ‪ ٠‬ﺳﻴﻤﺮﻳﻖ ﺣﺎﺿﺮ اوﻻر‪ ٠‬ﺑﻮﻧﻮ ﮔﺆﺗﻮرەر ﮔﺌﺪر‪٠‬‬
‫ﮐﻴﺸﻰ اﺋﻮدﻩ هﺎ ﮔﺆزﻟﺮ ﮔﺆرەر ﺧﺒﺮ اوﻟﻤﺎدى‪ ٠‬ﭼﻴﺨﺎر اﺋﺸﻴﮕﻪ‪ ٠‬ﺑﻴﻠﺮ ﮐﻰ‪ ،‬درﺑﻴﺶ ﻗﺎﭼﻴﺐ‪ ٠‬اؤز‪-‬اؤزوﻧﻪ دﺋﻴﻪرﮐﻰ‪،‬‬
‫ﻣﻨﻴﻢ ﮐﻰ ﺳﻴﺮرﻳﻢ اﺋﺸﻴﮕﻪ ﭼﻴﺨﺪى‪ ،‬ﻗﺎﻟﻤﺎﻏﻴﻤﻴﻦ ﻓﺎﻳﺪاﺳﻰ ﻳﻮﺧﺪو‪ ٠‬ﮔﻠﺮ هﻤﻰ ﻗﻴﺰى‪ ،‬هﻤﻰ اؤزون اؤﻟﺪورەر‪ ٠‬ﭘﺎدﺷﺎﻩ‬
‫دا ﮔﻠﺮ اذاﻧﭽﻴﻨﻴﻦ ﻳﺎﻧﻴﻨﺎ‪ ٠‬دﺋﻴﻪر ﮐﻰ‪ ،‬ﺑﺲ ﺑﺌﻠﻪ‪ ،‬ﺑﻮﺟﻮردو‪ ،‬اوﺟﻮردو‪ ٠‬اذاﻧﭽﻰ دﺋﻴﻪر‪ :‬اﻳﻨﺪى ﺳﻨﻪ ﺳﻴﺮرﻳﻤﻰ ﺑﻴﻠﺪﻳﺮرەم‪٠‬‬
‫دﺋﻴﻪر‪ :‬ﮔﻮﻧﻠﺮﻳﻦ ﺑﻴﺮ ﮔﻮﻧﻮﻧﺪﻩ ﭼﻴﺨﺪﻳﻢ اذان وﺋﺮﻣﮕﻪ‪ ٠‬ﺁﻟﻼهﺎ ﻳﺎﻟﻮاردﻳﻢ ﻳﺎﺧﺎردﻳﻢ‪ ٠‬ﺑﻴﺮ ﺁﻧﺪا ﮔﺆردوم ﻳﺌﻞ اﺳﺪى‪ ،‬ﺗﻮﻓﺎن‬
‫ﻗﻮﭘﺪو‪ ٠‬ﻣﻦ ﻳﻴﺨﻴﻠﺪﻳﻢ‪ ،‬اؤزوﻣﺪن ﭼﻴﺨﺪﻳﻢ‪ ٠‬ﮔﺆز ﺁﭼﺪﻳﻢ ﮔﺆردوم ﺁﻳﺮى ﺷﻬﺮدەﻳﻢ‪ ٠‬دوردوم ﺁﻳﺎﻏﺎ‪ ،‬اوﻳﺎﻧﺎ‪-‬ﺑﻮﻳﺎﻧﺎ ﺑﺎﺧﺪﻳﻢ‪،‬‬
‫ﺁﺟﺎﻟﻤﻴﺸﺪﻳﻢ‪ ٠‬هﺮ ﻳﺎﻧﺪان ﭘﻮل وﺋﺮدﻳﻢ ﭼﺆرەﮎ ﺁﻻم‪ ،‬اﻟﻪ ﺳﺎﻟﺪﻳﻼر‪ ٠‬ﺑﻴﺮ ﻗﻮﺟﺎ وار اﻳﺪى‪ ٠‬دﺋﺪﻳﻢ‪ :‬ﭘﻮل وﺋﺮﻳﺮەم ﭼﺆرەﮎ‬
‫وﺋﺮﻣﻴﺮﻟﺮ‪ ٠‬ﻗﻮﺟﺎ دﺋﺪى‪ :‬اوﻏﻮل ﺑﻮرادا وﺋﺮﻣﺰﻟﺮ‪ ٠‬ﺑﻮرادا هﺮزاد ﺻﻼواﺗﺎدى‪ ٠‬ﮔﺌﺘﺪﻳﻢ هﺮ ﻳﺎﻧﺪا ﺻﻼوات ﭼﺌﻮﻳﺮدﻳﻢ‪ ،‬ﭼﺆرەﮎ‬
‫اﻳﺴﺘﻪدﻳﻢ وﺋﺮﻣﻪدﻳﻠﺮ‪ ٠‬ﮔﺌﺘﺪﻳﻢ ﻗﻮﺟﺎﻳﺎ دﺋﺪﻳﻢ ﮐﻰ‪ ،‬وﺋﺮﻣﻴﺮﻟﺮ‪ ٠‬ﺁﭘﺎردى ﻣﻨﻰ ﭼﺸﻤﻪﻳﻪ‪ ،‬دﺋﺪى‪ :‬دوش ﺑﻮرادا ﻳﻮﻳﻮن ﮔﺌﺖ‪،‬‬
‫هﺎرادا ﺻﻠﻮات ﭼﺌﻮﻳﺮﺳﻦ وﺋﺮەرﻟﺮ‪ ٠‬دوﺷﺪوم ﭼﺸﻤﻪدﻩ ﻳﻮﻳﻮﻧﺪوم‪ ،‬ﮔﺌﺘﺪﻳﻢ ﭼﺆرەﮎ ﺁﻟﺪﻳﻢ‪ ٠‬ﻗﻮﺟﺎ ﻣﻨﻰ ﺁﭘﺎردى اﺋﻮﻟﺮﻳﻨﻪ‪٠‬‬
‫ﺑﻴﺮ داﻧﺎ ﻗﻴﺰى وار اﻳﺪى‪ ،‬دﺋﺪى‪ :‬ﮔﻞ ﻗﻴﺰى وﺋﺮﻳﻢ ﺳﻨﻪ‪ ٠‬ﻣﻦ دﻩ ﺁﻟﺪﻳﻢ‪ ٠‬ﻗﻴﺰ ﺷﺮط‪-‬ﺷﻮرط اﺋﻠﻪدى ﮐﻰ‪ ،‬هﺮ ﻧﻪ دﺋﺴﻢ‬
‫ﻣﻨﻪ دﺋﻴﻴﻨﻴﺐ‪-‬دﻳﻨﻤﻴﻪﺳﻦ‪ ٠‬دﺋﺪﻳﻢ‪ :‬ﻋﻴﺒﻰ ﻳﻮﺧﺪو‪ ٠‬ﺑﻴﺮ زاﻣﺎن ﮐﺌﭽﺪى‪ ٠‬اوﺷﺎﻏﻴﻤﻴﺰ اوﻟﺪو‪ ٠‬ﺑﻴﺮﮔﻮن ﮔﻠﺪى دﺋﺪى ﮐﻰ‪،‬‬
‫ددەم ﮔﻴﻠﻰ ﻗﻮﻧﺎق ﭼﺎﻏﻴﺮﻣﻴﺸﺎم‪ ٠‬ﻣﻦ ﺁﺟﻴﻘﻼﻧﺪﻳﻢ ﮐﻰ‪ ،‬اﻳﻨﺪى ﮐﻰ ﻗﻮﻧﺎق ﭼﺎﻏﻴﺮاﺟﺎﻏﻴﺪﻳﻦ‪ ،‬ﻣﻨﻪ دﺋﻴﻪﻳﺪﻳﻦ! اﻳﮑﻰ‬
‫ﺑﺎرﻣﺎﻗﻠﻰ ﺑﻴﺮ ﺳﻴﻠﻠﻰ ووردوم ﺑﻴﻠﻪﺳﻴﻨﻪ‪ ٠‬ﻳﺌﻨﻪ ﻳﺌﻞ اﺳﺪى‪ ،‬ﺗﻮﻓﺎن ﻗﻮﭘﺪو ﮐﻰ‪ ،‬اﺋﻠﻪ ﺑﻴﻞ ﻗﻴﺎﻣﺖ دى‪ ٠‬دوﺷﺪوم اؤزو‬
‫ﻗﻮﻳﻠﻮ‪ ٠‬اﺋﻠﻪ ﮐﻰ ﻳﺌﻞ ﻗﻮرﺗﻮﻟﺪو‪ ،‬ﮔﺆزوﻣﻮ ﺁﭼﺪﻳﻢ‪ ،‬ﮔﺆردوم ﺑﻮراداﻳﺎم‪ ٠‬اﻳﻨﺪى‪ ،‬اودو ﮐﻰ هﺮ اذان وﺋﺮﻧﺪە ﺁﻏﻼرام ﮐﻰ‪ ،‬ﻳﺌﻨﻪ‬
‫ﮔﺌﺪم ﺷﻬﺮﻩ‪ ،‬اوﻟﻤﺎز‪ ٠‬ﺑﻮدا ﻣﻨﻴﻢ ﺳﻴﺮرﻳﻢ‪٠‬‬
‫ﭘﺎدﺷﺎﻩ ﻗﻮﻳﺎر ﮔﻠﺮ ﻗﺎﻟﺘﺎﻗﺴﺎزﻳﻦ ﻳﺎﻧﻴﻨﺎ‪ ٠‬اذاﻧﭽﻴﻨﻴﻦ ﺳﻴﺮرﻳﻦ دﺋﻴﻪر‪ ٠‬ﮔﺌﺠﻪ ﮔﺌﺪﮎ اﺋﻮﻩ‪ ،‬ﻣﻦ دﻩ ﺳﻴﺮرﻳﻤﻰ دﺋﻴﻴﻢ‪٠‬‬
‫ﮔﺌﺠﻪ ﮔﺌﺪرﻟﺮ اﺋﻮﻩ‪ ٠‬ﺷﺎم ﻳﺌﻴﻪرﻟﺮ‪ ٠‬ﻗﺎﻟﺘﺎﻗﺴﺎز دﺋﻴﻪر‪ :‬ﻣﻦ ﺑﻴﺮ ﺗﮏ اوﻏﻼن اﻳﺪﻳﻢ‪ ٠‬ﺳﺤﺮ ﮔﺌﺪردﻳﻢ اﻳﺸﻴﻤﻪ‪ ،‬ﺁﺧﺸﺎم‬
‫ﮔﻠﺮدﻳﻢ‪ ٠‬اؤزوم ﭘﻴﺸﻴﺮەردﻳﻢ‪ ،‬اؤزوم ﻳﺌﻴﻪردﻳﻢ‪ ٠‬ﺑﻴﺮ ﮔﻮن ﮔﻠﺪﻳﻢ اﺋﻮﻩ ﮔﺆردوم اﺋﻮ ﺳﻮﭘﻮروﻟﻮ‪ ،‬هﺮﻳﺎن ﺗﺮ‪-‬ﺗﻤﻴﺰ‪ ،‬ﺷﺎم‬
‫ﭘﻴﺸﻴﺮﻳﻠﻴﺐ‪ ٠‬هﺎ ﺁﺧﺘﺎردﻳﻢ‪ ،‬هﺎ ﻓﻴﮑﻴﺮﻟﺸﺪﻳﻢ‪ ،‬ﺑﻴﺮ زاد ﺗﺎﭘﺎ ﺑﻴﻠﻤﻪدﻳﻢ‪ ٠‬ﺻﺎﺑﺎح دا اﻳﺸﺪن ﮔﻠﺪﻳﻢ ﮔﺆرودم ﺑﻮﻧﻮن ﺗﺎﻳﻰ‪ ،‬ﺑﻴﺮ‬
‫ﮔﻮن اﺋﻮدﻩ ﮔﻴﺰﻟﻨﺪﻳﻢ ﮐﻰ‪ ،‬ﮔﺆروم ﺑﻮ ﮐﻴﻢ دى ﮔﻠﻴﺮ اﺋﻮى ﺳﻴﻠﻴﺮ‪-‬ﺳﻮﭘﻮرور‪ ٠‬دورﻣﻮﺷﺪوم ﮔﺆردوم ﺑﻴﺮ داﻧﺎ ﮔﺆﻳﺮﭼﻴﻦ‬
‫دوﺷﺪو ﺣﻴﻪﺗﻪ‪ ٠‬ﺟﻴﻠﺪﻳﻨﺪن ﭼﻴﺨﺪى اوﻟﺪو ﺑﻴﺮ ﮔﺆزل ﻗﻴﺰ‪ ٠‬ﻣﻦ ﮔﻴﺰﻟﻨﻤﻴﺸﺪﻳﻢ‪ ٠‬ﮐﺌﭽﺪى اﻳﺸﻠﻪرﻳﻤﻰ ﮔﺆرﺳﻮن‪ ،‬ﺟﻴﻠﺪﻳﻦ‬
‫ﮔﺆﺗﻮردوم‪ ٠‬اﺋﻠﻪ ﮐﻰ هﺮﻳﺎﻧﻰ ﺳﻴﻠﺪى‪ ،‬ﺳﻮﭘﻮردو‪ ،‬اﻳﺸﺪن ﻗﻮرﺗﻮﻟﺪو‪ ،‬ﮔﻠﺪى ﺟﻴﻠﺪﻳﻦ ﮔﺆﺗﻮرﺳﻮن‪ ،‬ﮔﺆردو ﻳﻮﺧﺪو‪ ٠‬دﺋﺪى‪:‬‬
‫ﺁﻧﺪ وﺋﺮەرم ﺳﻨﻰ ﻣﻨﻰ ﺧﻠﻖ اﺋﻴﻠﻪن ﺁﻟﻼهﺎ‪ ،‬اؤزوﻧﻮ ﻣﻨﻪ ﻋﻴﺎن اﺋﻠﻪ ﮔﺆروم ﮐﻴﻤﺴﻦ‪ ،‬ﻣﻨﻴﻢ ﺟﻴﻠﺪﻳﻤﻰ ﻧﻴﻪ ﮔﺆﺗﻮرﻣﻮﺳﻦ؟‬
‫ﻣﻦ ﭼﻴﺨﺪﻳﻢ‪ ،‬دﺋﺪى‪ :‬ﻣﻦ اﺋﻠﻪ ﺳﻨﺪن اؤﺗﻮر ﮔﻠﻴﺮم‪ ٠‬ﺁﻣﻤﺎ ﮔﺮﮎ ﻣﻦ ﮔﺌﺪم‪ ٠‬ﺑﻨﻰ ﺁدﻣﺪﻩ وﻓﺎ اوﻟﻤﺎز‪ ٠‬ﺳﻦ ﻣﻨﻰ‬
‫ﺳﺎﺧﻼﻳﺎﻧﻤﺎزﺳﺎن‪ ٠‬دﺋﺪﻳﻢ‪ :‬ﻳﻮخ‪ ،‬ﮔﺮﮎ ﻣﻦ ﺳﻨﻰ ﺁﻻم‪ ،‬ﻗﻮﻳﻤﺎرام ﮔﺌﺪەﺳﻦ‪ ٠‬ﺷﺮط اﺋﻠﻪدى ﮐﻰ‪ ،‬ﻣﻦ هﺮﻧﻪ دﺋﺴﻪم‬
‫ﮔﺮﮎ اوﻻ‪ ،‬ﻣﻨﻰ وورﻣﺎﻳﺎﺳﺎن‪ ،‬هﺮﻧﻤﻨﻪ اﺋﻠﻪﺳﻢ دﻳﻨﻤﻴﻪﺳﻦ‪ ٠‬دﺋﺪﻳﻢ‪ :‬ﻳﺎﺧﺸﻰ‪ ٠‬ووردو ﺑﻴﺰﻳﻢ اوﻏﻠﻮﻣﻮز اوﻟﺪو‪ ٠‬ﺑﻴﺮ ﮔﻮن‬
‫ﭼﺆرەﮎ ﭘﻴﺸﻴﺮﻳﺮدﻳﮏ‪ ٠‬اوﻏﻼن دا ﺑﺆﻳﻮﻣﻮﺷﺪو‪ ٠‬دورﻣﻮﺷﺪو ﺗﻨﺪﻳﺮ ﺑﺎﺷﻴﻨﺪا‪ ٠‬ﭼﺆرەﮎ ﻗﻮرﺗﻮﻟﺪو‪ ،‬ﺁرواد ﮔﺆﺗﻮردو اوﻏﻼﻧﻰ‪،‬‬
‫ﺗﻨﺪﻳﺮ اودﻟﻮ‪-‬اودﻟﻮ‪ ،‬ﺁﺗﺪى ﺗﻨﺪﻳﺮﻩ‪ ،‬دﺋﺪى‪ :‬ﺑﺎﺟﻰ ﮔﺆﺗﻮر ﺑﻮﻧﻮ دا‪ ،‬ﻣﻦ ﻗﻮرﺧﻮدان دﻳﻨﻪ ﺑﻴﻠﻤﻪدﻳﻢ‪ ٠‬ووردو ﺑﻴﺰﻳﻢ ﺑﻴﺮ ﻗﻴﺰﻳﻤﻴﺰ‬
‫اوﻟﺪو‪ ٠‬ﻳﺌﻨﻪ ﺑﻴﺮ ﮔﻮن ﭼﺆرەﮎ ﭘﻴﺸﻴﺮﻳﺮدﻳﮏ‪ ٠‬ﻗﻴﺰ دورﻣﻮﺷﺪو ﺗﻨﺪﻳﺮ ﻗﻴﺮاﻏﻴﻨﺪا‪ ٠‬ﻗﻮرﺧﺪوم ﻳﺌﻨﻪ ﺑﻮﻧﻮدا ﺁﺗﺎ ﺗﻨﺪﻳﺮﻩ‪ ،‬ﮐﺌﭽﺪﻳﻢ‬
‫دوردوم ﻳﺎﻧﻴﻨﺪا‪ ٠‬اﺋﻠﻪﮐﻰ ﭼﺆرەﮎ ﻗﻮرﺗﻮﻟﺪو‪ ،‬ﻣﻨﻴﻢ ﻳﺎﻧﻴﻤﺪا ﻳﺎﭘﻴﺸﺪى ﻗﻮﻟﻮﻧﺪان ﺁﺗﺪى ﺗﻨﺪﻳﺮﻩ ﮐﻰ‪ ،‬ﮔﺆﺗﻮر ﺑﺎﺟﻰ ﺑﻮﻧﻮدا‪ ،‬ﻣﻦ‬
‫اؤزوﻣﻮ ﺳﺎﺧﻼﻳﺎﻧﻤﺎدﻳﻢ‪ ٠‬اﻳﮑﻰ ﺑﺎرﻣﺎﻗﻠﻰ اﺋﻠﻪ ﺑﻴﺮ ﺳﻴﻠﻠﻰ ووردوم ﮐﻰ‪ ،‬اوزو ﻗﭗ‪-‬ﻗﺮﻩ اوﻟﺪو‪ ،‬ﺻﻔﺘﻰ‪-‬زادى دﮔﻴﺸﻴﻠﺪى‪٠‬‬
‫ﺑﺌﺶ‪-‬ﺁﻟﺘﻰ ﺁﻳﺪان ﺳﻮﻧﺮا ﻳﺌﻨﻪ ﭼﺆرەﮎ ﭘﻴﺸﻴﺮﻳﺮدﻳﮏ‪ ٠‬دوردوم ﺗﻨﺪﻳﺮ ﺑﺎﺷﻴﻨﺪا ﮐﻰ‪ ،‬ﺑﻮ ﻳﻮﻟﺪا اؤزون ﺁﺗﺎر‪ ٠‬اﺋﻠﻪ ﮐﻰ ﭼﺆرەﮎ‬
‫ﻗﻮرﺗﻮﻟﺪو‪ ،‬اﻟﻴﻦ اوزاﺗﺪى ﺗﻨﺪﻳﺮە ﮐﻰ ‪ ،‬ﺑﺎﺟﻰ وﺋﺮ اوﻏﻼﻧﻰ‪ ،‬اوﻏﻼﻧﻰ ﺳﺎغ‪-‬ﺳﺎﻟﻢ ﭼﻴﺨﺎرﺗﺪى‪ ،‬ﺳﻮﻧﺮادا ﻗﻴﺰى‪٠‬‬
‫ﺑﺌﺶ‪-‬ﺁﻟﺘﻰ ﮔﻮن ﮐﺌﭽﺪى‪ ٠‬دﺋﺪى‪ :‬ﺑﻴﺰى ﺁﭘﺎر ﭼﺆﻟﻪ‪ ،‬دارﻳﺨﻤﻴﺸﻴﻖ‪ ٠‬دوردوق ﮔﺌﺘﺪﻳﮏ ﭼﺆﻟﻪ‪ ٠‬ﺁرواد ﻳﺎﭘﻴﺸﻤﻴﺸﺪى‬
‫اوﺷﺎﻗﻼرﻳﻦ اﻟﻴﻨﺪن‪ ٠‬ﻗﻮﻳﻮ وار اﻳﺪى‪ ٠‬دﺋﺪﻳﻢ‪ :‬اوﻳﺎﻧﺎ ﮔﺌﺘﻤﻪ‪ ،‬ﻗﻮﻳﻮ وار‪ ،‬ﺳﺎﻳﻤﺎدى‪ ٠‬ﻗﻮﻳﻮﻳﺎ ﻳﺌﺘﻴﺸﻨﺪﻩ اؤزو اﻳﻠﻪ اوﺷﺎﻗﻼرى‬

‫‪27‬‬
‫ﺁﺗﺪى ﻗﻮﻳﻮﻳﺎ‪ ٠‬دا‪ ،‬ﺧﺒﺮﻳﻢ اوﻟﻤﺎدى‪ ٠‬ﻣﻦ‪ ،‬اودو ﮐﻰ اوﻧﺪان ﺑﻮﻳﺎﻧﺎ اوﺷﺎﻗﻼرﻳﻦ ﻋﮑﺴﻴﻦ ﭼﮑﺮەم اﻳﺴﺘﻪرم ﺳﺎﺗﺎم‪،‬‬
‫اورەﮔﻴﻤﺪن ﮔﻠﻤﺰ‪ ،‬ﺁﻻرام ﺳﻴﻨﺪﻳﺮارام‪ ،‬ﺑﻮدا ﻣﻨﻴﻢ ﺳﻴﺮرﻳﻢ‪٠‬‬
‫ﭘﺎدﺷﺎﻩ اورادان دورار ﮔﻠﺮ ﻗﻴﺰﻳﻞ وﺋﺮەن ﻳﺌﺮﻩ‪ ٠‬ﻗﺎﻟﺘﺎﻗﺴﺎزﻳﻦ ﺳﻴﺮرﻳﻦ دﺋﻴﻪر‪ ٠‬ﺁرواد ﺑﺎﺷﻼر ﮐﻰ‪ ،‬اﻳﻨﺪى ﮐﻰ ﺑﺌﻠﻪ‬
‫اوﻟﺪو ﻣﻦ دﻩ ﺳﻴﺮرﻳﻤﻰ دﺋﻴﻪرم‪:‬‬
‫‪-‬ﻣﻨﻴﻢ دروﻳﺶ ارﻳﻢ وار اﻳﺪى‪ ٠‬اؤزو ﮐﻴﻤﻴﺎ دوزەﻟﺪردى‪ ٠‬ﮔﺌﺪر دوﻻﻧﺎردى‪ ،‬ﮔﻮﻧﺪﻩ دﻩ اوچ‪-‬دؤرد ﻗﻮﻧﺎق ﮔﺘﻴﺮەردى‪٠‬‬
‫ﭘﻴﺸﻤﻴﺸﻠﺮﻳﻨﻪ ﮐﻴﻤﻴﺎ ووراردى اوﻻردﻳﻼر ﺷﻮش ﻗﻴﺰﻳﻞ‪ ٠‬ﺑﻴﺰﻳﻢ ﻧﺆﮐﺮﻳﻤﻴﺰدﻩ وار اﻳﺪى‪ ٠‬ﻣﻨﻪ ﺑﻨﺪ اوﻟﺪو ﮐﻰ‪ ،‬ﮔﻞ ﻣﻨﻴﻠﻦ‬
‫ﺑﺎﺷﻴﻨﻰ ﺑﻴﺮ اﺋﻠﻪ‪ ٠‬ﻣﻦ ﺁﺟﻴﻘﻼﻧﺪﻳﻢ‪ ٠‬ﻧﺆﮐﺮ ال ﭼﮑﻤﮑﻪدى‪ ٠‬ﺑﻴﺮ ﮔﻮن ﺷﺎم ﭼﮑﻤﻴﺸﺪﻳﻢ‪ ٠‬دﺋﻤﻪ ﺑﺲ ﻧﺆﮐﺮ ﮐﻴﻤﻴﺎ‬
‫اوﻏﻮرﻻﻳﻴﺐ ﮐﻴﺸﻴﻨﻴﻦ ﭘﺎﻳﻴﻨﺎ ووروب‪ ٠‬ﮐﻴﺸﻰ اول ﺗﻴﮑﻪﻧﻰ ﮔﺆﺗﻮردو‪ ،‬اﻳﮑﻰ ﻣﻴﻨﺠﻰ ﺗﻴﮑﻪﻧﻰ ﮔﺆﺗﻮرەﻧﺪﻩ اوﻟﺪو ﻗﻴﺰﻳﻞ‪٠‬‬
‫ﻧﺆﮐﺮ دﺋﺪى‪ :‬اﻳﻨﺪى ﻧﻪ دﺋﻴﻴﺮﺳﻦ؟ ﮔﺆردوم اوﻟﻤﻴﺎﺟﺎق‪ ،‬دﺋﺪﻳﻢ‪ :‬ﻳﺎﺧﺸﻰ دا‪ ،‬ﻗﻮى اﻳﺪدەم ﭼﻴﺨﺴﻴﻦ ﺳﻮﻧﺮا ﮔﻠﺮەم‬
‫ﺳﻨﻪ‪ ٠‬ﺑﻴﺮ ﮔﻮن ﻧﺆﮐﺮﻳﻦ ﭘﻴﺸﻤﻴﺸﻴﻨﻪ ﮐﻴﻤﻴﺎ ووردوم‪ ٠‬اول ﺗﻴﮑﻪﻧﻰ ﮔﺆﺗﻮردو‪ ،‬اﻳﮑىﻤﻴﻨﺠﻰ ﺗﻴﮑﻪﻧﻰ ﺁﻏﺰﻳﻨﺎ ﻗﻮﻳﺎﻧﺪا اوﻟﺪو‬
‫ﺷﻮش ﻗﻴﺰﻳﻞ‪ ،‬دﮔﺪى ﻳﺌﺮﻩ‪ ٠‬اﻳﻨﺪى ﺑﻮ ﻗﻴﺰﻳﻠﻼرى ﭘﺎﻳﻼرﻳﻴﺮام ﮐﻰ‪ ،‬ﮐﺎﺳﺐ‪-‬ﮐﻮﺳﻮب ﺁﭘﺎرﺳﻴﻦ ﺧﺮﺟﻠﻪﺳﻴﻦ‪٠‬‬
‫ﭘﺎدﺷﺎﻩ دﺋﻴﻪر‪ :‬ﺁﺧﻰ ﺳﻨﻴﻦ ﻧﻪ ﻗﺪر ﻗﻴﺰﻳﻠﻴﻦ وار ﮐﻰ‪ ،‬ﺑﺌﻠﻪ ﭘﺎﻳﻠﻴﺮﺳﺎن؟‬
‫ﺁرواد دورار ﭘﺎدﺷﺎهﻰ ﺁﭘﺎرار ﺑﻴﺮ ﻳﺌﮑﻪ ﻳﺌﺮەﮐﻰ‪ ،‬ﺁداﻣﻼر ﺑﻴﺮ‪-‬ﺑﻴﺮﻳﻨﻴﻦ اوﺳﺘﻮﻧﻪ ﻗﺎﻻﻧﻴﺐ هﺎﻣﻴﺴﻰ دا ﻗﻴﺰﻳﻞ‪ ٠‬ارﻳﻦ دﻩ‬
‫داﻳﺎﻳﻴﺐ دووارا‪٠‬‬
‫ﭘﺎدﺷﺎﻩ دﺋﻴﻪر‪ :‬ﮔﻞ ﺳﻨﻰ ﻣﻦ ﺁﻟﻴﻢ‪٠‬‬
‫ﺁرواد دﺋﻴﻪر‪ :‬ارى ﻧﻪ اﺋﻠﻪﻳﻴﺮم؟ ﭘﺎدﺷﺎهﺪان ﭼﻮخ وارﻳﻢ وار‪٠‬‬
‫دﺋﻴﻪر‪:‬ﻣﻦ اﺋﻠﻪ ﭘﺎدﺷﺎهﺎم‪ ٠‬ﺳﻨﺪن اؤﺗﻮر ﻧﺌﭽﻪ اﻳﻠﺪﻳﺮ ﭼﺆﻟﻠﺮﻩ دوﺷﻤﻮﺷﻢ‪٠‬‬
‫ﺁرواد ﻗﻴﺰﻳﻠﻼرﻳﻦ ﻳﺎرﻳﺴﻴﻦ وﺋﺮەر ﭘﺎدﺷﺎهﺎ‪ ،‬دﺋﻴﻪر‪ :‬ﻳﻮخ‪ ،‬ﮔﻠﻤﻪرم‪٠‬‬
‫ﭘﺎدﺷﺎﻩ ﻗﻮﻳﺎر ﮔﻠﺮ اؤز اﺋﻮﻳﻨﻪ‪ ٠‬دروﻳﺶ دﺋﻴﻪر‪ :‬ﭘﺎدﺷﺎﻩ‪ ،‬ﺑﻴﺮ ﺑﺌﻠﻪ واﺧﺘﻰ هﺎراداﺳﺎن؟‬
‫ﭘﺎدﺷﺎﻩ ﺁﭼﺎر ﺑﺎﺷﻴﻨﺎ ﮔﻠﻨﻰ ﻧﻘﻞ اﺋﻠﺮ‪ ٠‬دﺋﻴﻪر‪ :‬ﺑﺎﺑﺎ دروﻳﺶ‪ ،‬ﺳﻦ وزﻳﺮ اول‪ ،‬ﻣﻦ دﻩ ﭘﺎدﺷﺎﻩ‪٠‬‬

‫‪ -١٠‬ﻧﺎرﺧﺎﺗﻴﻦ‬

‫ﺑﻴﺮ داﻧﺎ ﻧﻨﻪ وار اﻳﺪى‪ ،‬ﺑﻴﺮ داﻧﺎ ﻗﻴﺰ‪ ٠‬ﻗﻴﺰﻳﻦ ﺁدى ﻧﺎرﺧﺎﺗﻴﻦ اﻳﺪى‪ ٠‬ﻧﻨﻪدﻩ ﺑﻴﺮداﻧﺎ دﺋﻮﻩ ﻋﺎﺷﻴﻖ اوﻟﻮب ﮔﺘﻴﺮﻳﺐ‬
‫ﺳﺎﻟﻤﻴﺸﺪى ﺑﻴﺮداﻧﺎ اوﺗﺎﻏﺎ‪٠‬‬

‫‪28‬‬
‫ﺑﻴﺮ ﮔﻮن ﺁﭼﺎر ﻗﺎﻟﻤﻴﺸﺪى ﻳﺌﺮدە‪ ٠‬ﻗﻴﺰ ﮔﺌﺪر اوﺗﺎﻏﻰ ﺁﭼﺎر ﮔﺆرﺳﻮن ﻧﻤﻨﻪ وار‪ ٠‬ﺁﭼﺎر ﮔﺆرەر ﺑﻴﺮداﻧﺎ دﺋﻮدى‪ ٠‬ﺁﭼﺎرﻻرى‬
‫ﮔﺘﻴﺮەر ﻗﻮﻳﺎر ﻳﺌﺮﻳﻨﻪ‪ ٠‬ﺁﺧﺸﺎم ﻧﻨﻪﺳﻰ ﮔﻠﺮ ﮔﺌﺪر دﺋﻮى ﮔﺆرﺳﻮن‪٠‬‬
‫دﺋﻮە دﺋﻴﻪر‪ :‬ﻧﻪ ﺳﻦ ﮔﺆزەل‪ ،‬ﻧﻪ ﻣﻦ ﮔﺆزەل‪ ،‬اﻳﻠﻼﻩ ﮐﻰ‪ ،‬ﺁﻗﺎ دﺋﻮ ﮔﺆزەل!‬
‫دﺋﻮدە دﺋﻴﻪر‪ :‬ﻧﻪ ﺳﻦ ﮔﺆزەل‪ ،‬ﻧﻪ ﻣﻦ ﮔﺆزەل‪ ،‬اﻳﻠﻼﻩ ﮐﻰ ﻧﺎرﺧﺎﺗﻴﻦ ﮔﺆزەل!‬
‫دﺋﻴﻪر‪ :‬ﺳﻦ ﻧﺎرﺧﺎﺗﻴﻨﻰ هﺎرادا ﮔﺆردون؟‬
‫دﺋﻴﻪر‪ :‬ﮔﻠﻤﻴﺸﺪى ﺑﻮراﻳﺎ‪٠‬‬
‫ﺁرواد ﻗﻴﺰى ﭼﻴﺨﺎردار اؤﺗﻮرەر اﺋﺸﻴﮕﻪ‪ ،‬ﻗﻴﺰدا ﮔﺌﺪر ﮔﺆرەر ﺁﺧﺸﺎم اوﻟﺪو‪ ،‬ﺑﻴﺮ ﻗﺎﭘﻰ ﺁﭼﻴﻖ دى‪ ،‬ﮔﺌﺪر اورا‪ ٠‬ﮔﺌﺪر دوﻻﻧﺎر‬
‫هﺮ ﻳﺎﻧﻰ‪ ٠‬ﮔﺆرەر هﺌﭽﮑﺲ ﻳﻮﺧﺪو‪ ٠‬ﺁدام‪-‬زاد ﻳﻮﺧﺪو‪ ٠‬اوﺗﻮرﻣﻮﺷﺪو ﮔﺆرەر ﻳﺌﺪدى داﻧﺎ اوﻏﻼن ﮔﻠﺪى‪ ٠‬دﺋﻤﻪ ﻳﺌﺪدى‬
‫ﻗﺮدش اﻳﺸﻤﻴﺸﻠﺮ‪ ٠‬دﺋﻴﻪرﻟﺮ‪ :‬ﻗﻴﺰ‪ ،‬ﺳﻦ ﺑﻮرادا ﻧﺌﻴﻠﻴﺮﺳﻦ؟‬
‫دﺋﻴﻪر‪ :‬ﺑﻮﺟﻮر‪ ،‬ﻧﻨﻪم دﺋﻮﻩ ﻋﺎﺷﻴﻖ اوﻟﻤﻮﺷﺪو‪ ٠‬دﺋﻮ ﻣﻨﻰ ﮔﺆروب‪ ،‬ﻧﻨﻪم ﻣﻨﻰ اؤﺗﻮروب اﺋﺸﻴﮕﻪ‪ ٠‬دا‪ ،‬ﺑﻴﺮ ﻳﺎﻧﻴﻢ‬
‫ﻳﻮﺧﺪو‪ ٠‬ﮔﻠﻤﻴﺸﻢ ﺑﻮراﻳﺎ ﻣﻦ دﻩ‪٠‬‬
‫دﺋﻴﻪرﻟﺮ‪ :‬ﻻپ ﻳﺎﺧﺸﻰ‪ ،‬ﺳﻦ دﻩ ﺑﻴﺰﻳﻢ ﺑﺎﺟﻴﻤﻴﺰ‪٠‬‬
‫ﺑﻮﻳﻮل‪ ،‬اوﻏﻼﻧﻼر ﮔﻮﻧﺪوز ﮔﺌﺪﻳﺮدﻳﻠﺮ اﻳﺸﻪ‪ ،‬ﺁﺧﺸﺎم ﺑﺎﺟﻴﻼرﻳﻼن ﻳﺌﻴﻴﺮدﻳﻠﺮ‪ ،‬اﻳﭽﻴﺮدﻳﻠﺮ‪٠‬‬
‫ﻳﺌﻨﻪ ﺑﻴﺮ ﮔﻮن ﺁرواد ﮔﺌﺪر دﺋﻮﻳﻦ ﻳﺎﻧﻴﻨﺎ‪ ٠‬دﺋﻴﻴﻪر‪ :‬ﻧﻪ ﺳﻦ ﮔﺆزەل‪ ،‬ﻧﻪ ﻣﻦ ﮔﺆزەل‪ ،‬اﻳﻠﻼە ﮐﻰ‪ ،‬ﺁﻗﺎ دﺋﻮ ﮔﺆزەل!‬
‫دﺋﻮ دﺋﻴﻪر‪ :‬ﻧﻪ ﺳﻦ ﮔﺆزەل؛ ﻧﻪ ﻣﻦ ﮔﺆزەل؛ اﻳﻠﻼﻩ ﮐﻰ‪ ،‬ﻧﺎر ﺧﺎﺗﻴﻦ ﮔﺆزەل!‬
‫دﺋﻴﻪر‪ :‬واى ﮐﺆﭘﮏ اوﻏﻠﻮ‪ ،‬ﻧﺎرﺧﺎﺗﻴﻨﻰ اﺋﺸﻴﮕﻪ دﻩ اوﺗﻮردوم ال ﭼﮑﻤﻪدﻳﻦ؟‬
‫اﻳﻨﺪى ﮔﺌﺪﻳﺐ ﻳﺌﺪدى ﻗﺮدﺷﻠﺮﻩ ﺑﺎﺟﻰ اوﻟﻮب‪٠‬‬
‫ﺁرواد‪ ،‬ﺑﻮﻳﻮل‪ ،‬دﺋﻮﻳﻦ ﻳﺎﻧﻴﻨﺪان ﭼﻴﺨﺎر ﮔﻠﺮ‪ )٠‬ﻧﺎرﺧﺎﺗﻴﻦ دا ﺳﺎﻗﻘﻴﺰى ﭼﻮخ ﺳﺌﻮرﻣﻴﺶ( ﺑﻴﺮ ﺁز ﺳﺎﻗﻘﻴﺰ ﺁﻻر ﮔﺘﻴﺮەر زهﺮ‬
‫ﺑﻮﻧﺎ وورار‪ ،‬ﮔﻠﺮ‪ ،‬ﺑﻮﻳﻮل‪ ،‬ﻧﺎرﺧﺎﺗﻴﻦ اوﻻن ﻳﺌﺮى ﺗﺎﭘﺎر‪ ،‬ﻳﺌﺪدى ﻗﺮدﺷﻠﺮﻳﻦ ﻳﺌﺮﻳﻦ‪٠‬‬
‫ﻗﺎﭘﻰ دؤﻳﻮﻟﺮ‪ ٠‬ﻗﻴﺰ ﮔﺌﺪر ﻗﺎﭘﻰ ﻳﺎ ﮔﺆرەر ﻧﻨﻪﺳىﺪى‪ ٠‬ﻧﻨﻪﺳﻰ هﺮﻧﻪ اﺋﻠﺮ ﮐﻰ‪ ،‬ﺁچ ﻗﺎﭘﻴﻨﻰ‪ ،‬ﺁﭼﻤﺎز‪ ٠‬ﺑﻮﻳﻮل‪ ،‬ﻧﻨﻪﺳﻰ‬
‫ﺳﺎﻗﻘﻴﺰى ﻗﺎﭘﻴﻨﻴﻦ ﺁﻟﺘﻴﻨﺪان ﺳﺎﻻر‪ ٠‬دﺋﻴﻪر‪ :‬ﺳﺎﻗﻘﻴﺰ ﺁﻟﻤﻴﺸﺪﻳﻢ ﺳﻨﻪ‪ ،‬ﮔﺆﺗﻮر ﺁﭘﺎر ﭼﺌﻴﻨﻪ‪٠‬‬
‫ﺑﻮ‪ ،‬ﺑﻮﻳﻮل‪ ،‬ﮔﺆﺗﻮرەر ﺳﺎﻗﻘﻴﺰى‪ ،‬ﮔﻠﺮ ﺣﻮوض ﺑﺎﺷﻴﻨﺎ‪ ٠‬ﺳﺎﻗﻘﻴﺰى ﭼﻴﺌﻨﺮ اورادا‪ ٠‬ﺳﺎﻗﻘﻴﺰدا ﺁﺧﻰ زهﺮﻟﻰ اﻳﺪى‪ ،‬ﺑﻮ‪،‬‬
‫ﺑﻮﻳﻮل‪ ،‬ﻳﻴﺨﻴﻼر اورادا‪ ،‬ﺣﻮوض ﺑﺎﺷﻴﻨﺪا‪ ،‬ﻗﺎﻻر‪ ٠‬ﺁﺧﺸﺎم ﻗﺮدﺷﻠﺮ ﮔﻠﺮ ﻗﺎﭘﻴﻨﻰ دؤﻳﺮ ﮔﺆرەر ﮐﻰ‪ ،‬ﺁﭼﺎن اوﻟﻤﺎدى‪ ٠‬ﺑﻴﺮ‪-‬ﺑﻴﺮﻳﻨﻪ‬
‫دﺋﻴﻪرﻟﺮﮐﻰ‪ ،‬ﺑﻮدا ﺑﻴﺰﻩ ﺑﺎﺟﻰ اوﻟﻤﺎدى‪ ،‬اﺋﻮ‪-‬اﺋﺸﻴﮕﻴﻤﻴﺰى دﻩ ﮔﺆﺗﻮردو ﺁﭘﺎردى‪٠‬‬
‫دوواردان دوﺷﺮﻟﺮ ﮔﻠﺮﻟﺮ ﮔﺆرەرﻟﺮ ﺑﺎﺟﻴﻼرى ﺣﻮوض ﺑﺎﺷﻴﻨﺪا ﻳﺎﺗﻴﺒﺪى‪ ٠‬دﺑﺮدرﻟﺮ ﮔﺆرەرﻟﺮ ﺑﻮ اؤﻟﻮب‪ ،‬دا‪ ٠‬زهﺮ وﺋﺮﻳﺒﻠﺮ‪٠‬‬
‫ﺣﮑﻴﻤﻪ‪-‬زادا ﺁﭘﺎرارﻻر‪ ٠‬ﺣﮑﻴﻢ دﺋﻴﻪر‪ :‬دا‪ ،‬ﻋﻼﺟﻰ اوﻟﻤﺎز‪ ٠‬ﺑﻮﻧﺎ زهﺮ وﺋﺮﻳﺒﻠﺮ‪٠‬‬
‫ﺑﻮﻳﻮل‪ ٠‬ﺑﻮﻧﻼر ﮔﻠﺮ‪ ٠‬ﺣﻴﻔﻠﺮى ﮔﻠﺮﮐﻰ‪ ،‬ﺑﺎﺟﻴﻤﻴﺰى ﻧﺌﺠﻪ ﻗﻮﻳﻠﻮﻳﺎق؟ ﺑﻴﺮ ﺧﻮرﺟﻮن ﮔﺘﻴﺮەرﻟﺮ‪ ٠‬ﺑﻴﺮ ﺗﺎﻳﻴﻨﺎ ﻗﻴﺰﻳﻞ‬
‫دوﻟﺪورارﻻر‪ ،‬ﺑﻴﺮﺗﺎﻳﻴﻨﺎ دا ﺑﻮ ﻗﻴﺰى ﻗﻮﻳﺎرﻻر‪ ٠‬ﺳﺎﻻرﻻر ﺁﺗﻴﻦ اوﺳﺘﻮﻧﻪ ﮔﺆﺗﻮرەرﻟﺮ ﭼﺆﻟﻪ‪ ،‬هﺮﮐﻴﻢ ﻋﻼج اﺋﻴﻠﻴﻪ ﺑﻴﻠﺴﻪ‪ ،‬ﺑﻮ ﻗﻴﺰ‬
‫ﺑﻮدا ﭘﻮل!‬
‫ﭘﺎدﺷﺎﻩ ﭼﻴﺨﻤﻴﺸﺪى ﺷﻴﮑﺎرا‪ ٠‬ﮔﺆرەر ﺑﻴﺮ ﺁت‪ ،‬ﺑﻴﺮ ﺧﻮرﺟﻮن ﻗﻴﺰﻳﻞ‪ ،‬ﺑﻴﺮدﻩ ﻗﻴﺰ‪ ٠‬ﮔﺆﺗﻮرەر ﭘﺎدﺷﺎﻩ ﺑﻮﻧﻮ ﺁﭘﺎرار‪ ٠‬ﻣﻴﻦ‬
‫ﮔﺆﻳﻮﻟﺪن ﺑﻴﺮ ﮔﺆﻳﻮﻟﻪ اؤﻟﻮﻳﻪ ووروﻻر‪ ٠‬ﺣﮑﻴﻤﻠﺮ دﺋﻴﻪر‪ :‬ﻳﺌﺪدى ﺣﻮوض ﺳﻮت وﺋﺮ دوﻟﺪورﺳﻮﻧﻼرر‪٠‬‬
‫ﺑﻮﻧﻮ‪ ،‬ﺑﻮﻳﻮل‪ ٠‬ﺑﺎﺳﺎرﻻر ﺑﻴﺮ ﺣﻮوﺿﺎ‪ ،‬ﺑﻴﺮ ﺁز ﻗﺎﻻر‪ ،‬اورادان او ﺑﻴﺮى ﺣﻮوﺿﺎ‪ ٠‬ﺁﺧﻴﺮدا ﮐﻰ‪ ،‬ﺣﻮوﺿﺪا ﮔﺆرەر ﺑﻮ ﺑﻴﺮ ﺁز‬
‫ﺁﻳﻴﻠﻴﺮ‪،‬دوزەﻟﻴﺮ‪ ٠‬ﻧﺎرﺧﺎﺗﻴﻦ دﻳﺮﻳﻠﺮ‪ ٠‬ﭘﺎدﺷﺎﻩ ﺑﻮﻧﻮ ﺁﻻر‪ ٠‬ﺑﻴﺮ اﻳﻠﺪن ﺳﻮﻧﺮا ﺑﻴﺮ ﺟﻮت اوﻏﻠﻮ اوﻻر‪ ٠‬اوﺷﺎﻗﻼر ﺑﻴﺮ ﺁز ﺑﺆﻳﻮﻣﻮﺷﺪو‪،‬‬
‫ﮔﻮﻧﺪﻩ ﮔﺌﺪردﻳﻠﺮ ﭘﺎدﺷﺎهﺎ ﺳﻼﻣﺎ‪٠‬‬
‫ﻳﺌﻨﻪ ﺑﻴﺮ ﮔﻮن ﻧﺎرﺧﺎﺗﻴﻨﻴﻦ ﻧﻨﻪﺳﻰ ﮔﺌﺪر دﺋﻮﻳﻦ ﻳﺎﻧﻴﻨﺎ‪ ٠‬دﺋﻴﻪر‪ :‬ﻧﻪ ﺳﻦ ﮔﺆزل‪ ،‬ﻧﻪ ﻣﻦ ﮔﺆزل؛ اﻳﻼﻩ ﮐﻰ‪ ،‬ﺁﻗﺎ دﺋﻮ ﮔﺆزەل!‬
‫دﺋﻮ دﺋﻴﻪر‪ :‬ﻧﻪ ﺳﻦ ﮔﺆزەل‪ ،‬ﻧﻪ ﻣﻦ ﮔﺆزل؛ اﻳﻠﻼﻩ ﮐﻰ‪ ،‬ﻧﺎرﺧﺎﺗﻴﻦ ﮔﺆزل!‬
‫دﺋﻴﻪر‪ :‬واى! ﺳﻦ‪ ،‬ﻧﺎرﺧﺎﺗﻴﻨﻰ اؤﻟﺪوردون دﻩ ال ﭼﮑﻤﻪدﻳﻦ؟‬
‫دﺋﻴﻪر‪ :‬اؤﻟﻤﻪﻳﻴﺐ‪ ،‬اﻳﻨﺪى ﭘﺎدﺷﺎهﻴﻦ ﺁروادى دى‪ ،‬ﺑﻴﺮﺟﻮت دﻩ اوﻏﻠﻮ وار‪ ٠‬ﺑﻮ ﻧﻨﻪ‪ ،‬ﺑﻮﻳﻮل‪ ،‬دورار ﮔﻠﺮ‪ ٠‬ﺁز ﮔﻠﺮ ﭼﻮخ ﮔﻠﺮ‪،‬‬
‫ﮔﻠﺮ ﺑﻮ ﭘﺎدﺷﺎهﻴﻦ اﺋﻮﻳﻦ ﺗﺎﭘﺎر‪ ٠‬دﺋﻴﻪر ﮐﻰ‪ ،‬ﻣﻦ ﻧﺎرﺧﺎﺗﻴﻨﻴﻦ ﻧﻨﻪﺳىﻴﻢ‪٠‬‬
‫ﺑﻴﺮ ﮔﻮن ﻗﺎﻻر‪ ،‬ﻗﻴﺰ دﺋﻴﻪر ﭘﺎدﺷﺎهﺎ‪ :‬ﻣﻦ ﻧﻨﻪﻣﺪن ﻗﻮرﺧﻮرام‪ ٠‬ﺳﺎﺧﻼﻣﺎﻳﻴﻦ ﺑﻮرادا‪ ٠‬ﭘﺎدﺷﺎﻩ دﺋﻴﻪر‪ :‬ﻗﻴﺰ ﻧﻨﻪن دى‪ ،‬دا!‬
‫ﻧﻪ ﻳﻴﻨﺪن ﻗﻮرﺧﻮرﺳﺎن؟‬
‫ﮔﺌﺠﻪ‪ ،‬ﺑﻮﻳﻮل‪ ،‬ﻳﺎﺗﻤﻴﺸﺪﻳﻼر‪ ٠‬ﻗﻴﺰﻳﻦ ﻧﻨﻪﺳﻰ دورار اوﺷﺎﻗﻼرﻳﻦ اﻳﮑﻴﺴﻴﻨﻴﻦ دﻩ ﺑﺎﺷﻴﻦ ﮐﺴﺮ‪ ٠‬ﭘﻴﭽﺎﻏﻰ دا ﮔﺘﻴﺮەر‬
‫ﻗﻮﻳﺎر ﻧﺎرﺧﺎﺗﻴﻨﻴﻦ ﺟﻴﺒﻴﻨﻪ‪ ٠‬ﺳﺤﺮ اوﻻر ﮔﺆرەرﻟﺮ ﮐﻰ‪ ،‬ﺑﻮ اوﺷﺎﻗﻼر ﭘﺎدﺷﺎهﺎ ﺳﻼﻣﺎ ﮔﺌﺘﻤﻪدى‪ ،‬ﭘﺎدﺷﺎﻩ ﺁدام ﮔﺆﻧﺪەرەرﮐﻰ‬
‫اوﺷﺎﻗﻼر ﮔﻠﻤﻪﻳﻴﺐ‪ ٠‬ﮔﻠﺮﻟﺮ ﮔﺆرەرﻟﺮ اوﺷﺎﻗﻼرﻳﻦ ﺑﺎﺷﻴﻦ ﮐﺴﻴﺒﻠﺮ‪ ٠‬دا‪ ،‬ﻧﺎرﺧﺎﺗﻴﻦ دا ﺑﻴﻠﻤﺰ ﮐﻰ‪ ،‬ﭘﻴﭽﺎﻏﻰ ﻗﻮﻳﻮﺑﻼر‬

‫‪29‬‬
‫ﺟﻴﺒﻴﻨﻪ‪ ٠‬ﺑﻮﻳﻮل‪ ،‬ﻧﺎرﺧﺎﺗﻴﻨﻴﻦ ﻧﻨﻪﺳﻰ دﺋﻴﻪرﮐﻰ‪ ،‬هﺎﻣﻴﻨﻴﻦ ﺟﻴﺒﻴﻦ ﺁﺧﺘﺎرﻳﻦ‪ ،‬هﺮﮐﻴﻤﻰ ﺟﻴﺒﻴﻨﺪن ﻗﺎﻧﻠﻰ ﭘﻴﭽﺎق ﭼﻴﺨﺴﺎ‪،‬‬
‫ﺑﻴﻠﻴﻦ او ﮐﺴﻴﺒﺪى‪٠‬‬
‫هﺎﻣﻴﻨﻴﻦ ﺟﻴﺒﻴﻦ ﺁﺧﺘﺎرارﻻر‪ ٠‬هﺌﭽﮑﺴﺪن ﭼﻴﺨﻤﺎز‪ ٠‬ﺑﻮ ﻳﻮل دﺋﻴﻪرﮐﻰ‪ ،‬ﺁﺧﻰ ﻧﺎرﺧﺎﺗﻴﻨﻴﻦ دا ﺟﻴﺒﻴﻦ ﺁﺧﺘﺎرﻳﻦ‪٠‬‬
‫دﺋﻴﻪرﻟﺮ‪ :‬ﻧﻴﻪ؟ ﻧﻨﻪ دﻩ ﺑﺎﻻﺳﻴﻨﻴﻦ ﺑﺎﺷﻴﻦ ﮐﺴﺮ؟‬
‫ﭘﺎدﺷﺎﻩ دﺋﻴﻪر‪ :‬ﺁﺧﺘﺎرﻳﻦ!‬
‫ﺁﺧﺘﺎرارﻻر‪ ،‬ﺑﻮﻧﻮن ﺟﻴﺒﻴﻨﺪن ﭼﻴﺨﺎر ﻗﺎﻧﻠﻰ ﭘﻴﭽﺎق‪ ٠‬ﻧﻨﻪﻟﺮﻳﻨﻴﻦ ﺟﻴﺒﻴﻨﺪن‪ ٠‬ﭘﺎدﺷﺎﻩ اؤزوﻧﻮن دﻩ ﮔﺆزﻟﺮﻳﻦ ﭼﻴﺨﺎرﺗﺪﻳﺮار‪،‬‬
‫اوﺷﺎﻗﻼرﻳﻦ دا اؤﻟﻮﺳﻮن وﺋﺮر ﺑﻮﻧﻮن ﻗﻮﺟﺎﻏﻴﻨﺎ‪ ،‬ﺷﻬﺮﻳﻨﺪن اﺧﺮاج اﺋﻠﺮ‪ ٠‬دﺋﻴﻪر‪ :‬ﮔﺆﺗﻮر ﮔﺌﺖ‪ ،‬ﺑﻮرادان!‬
‫ﺑﻮ ﮔﺌﺪر ﻣﭽﻴﺪﻩ‪ ،‬ﻳﺌﺮ ﺗﺎﭘﻤﺎز‪ ،‬ﻣﭽﻴﺪ دﻩ ﺁﻏﻼر‪ ،‬ﺁﻏﻼر ﻳﻴﺨﻴﻼر اورەﮔﻰ ﭘﻴﺲ اوﻻر‪ ٠‬ﻳﻮﺧﻮدا ﮔﺆرەرﮐﻰ‪ ،‬ﺑﻴﺮ ﻧﻔﺮ ﮔﻠﺮ ﺑﻮﻧﺎ‬
‫دﺋﻴﻪر‪ :‬ﻧﻴﻪ ﺁﻏﻠﻴﺮﺳﺎن؟ دﺋﻴﻪر‪ :‬دا‪ ،‬ﻧﻴﻪ ﺁﻏﻠﻴﺎﺟﺎﻏﺎم؟ ﺑﻮﺟﻮر دا اوﺷﺎﻏﻴﻤﻴﻦ ﺑﺎﺷﻴﻦ ﮐﺴﻴﺒﻠﺮ‪ ،‬ﭘﺎدﺷﺎﻩ دا اؤزوﻣﻮن‬
‫ﮔﺆزﻟﺮﻳﻤﻰ ﭼﻴﺨﺎردﻳﺐ؛ ﮔﻠﻴﺐ ﻗﺎﻟﻤﻴﺸﺎم ﺑﻮرادا‪٠‬‬
‫ﻳﻮﺧﻮدا ﮔﺆرەن ﺁدام اﻟﻴﻦ ﭼﮑﺮ ﺑﻮﻧﻮن ﮔﺆزﻟﺮﻳﻨﻪ‪ ،‬اوﺷﺎﻗﻼرﻳﻦ دا ﺑﺎﺷﻴﻨﺎ‪ ،‬ﺑﻴﺮ اوﻏﻮج دا ﺗﻮرﭘﺎق ﺗﺆﮐﺮ اﺗﮕﻴﻨﻪ‪ ،‬دﺋﻴﻪر‪ :‬دور‬
‫ﺁﻳﺎﻏﺎ‪ ،‬هﺌﭻ زادﻳﻦ دﮔﻴﻞ‪٠‬‬
‫ﺑﻮﻳﻮل ﻳﻮﺧﻮدان ﺁﻳﻴﻼر ﮔﺆرەرﻟﺮ اوﺷﺎﻗﻼر ﻣﭽﻴﺪﻳﻦ اﻳﻮاﻧﻴﻨﺪا اوﻳﺎن‪-‬ﺑﻮﻳﻮﻧﺎ ﻗﺎﭼﻴﺮﻻر‪ ،‬اؤزوﻧﻮن دﻩ ﮔﺆزﻟﺮى دوزەﻟﻴﺐ‪ ،‬ﺑﺎﺧﺎر‬
‫ﮔﺆرەر اﺗﮕﻴﻨﺪﻩ ﮐﻰ ﺗﻮرﭘﺎق دا اوﻟﻮب ﺟﻮاهﺮات‪ ،‬ﻗﻴﺰﻳﻞ‪ ٠‬دورار‪ ،‬ﺑﻮﻳﻮل‪ ،‬اوﺷﺎﻗﻼرﻳﻦ دا ﮔﺆﺗﻮرەر ﮔﺌﺪر‪ ٠‬ﭼﺆﻟﺪﻩ ﺑﻴﺮ دام‬
‫دوزەﻟﺪر اوﺗﻮرار‪ ٠‬ﺟﻮاهﺮاﺗﻰ دا ﺧﺮﺟﻠﻪدﻳﮑﺠﻪ ﺁزاﻟﻤﻴﺮدى ﻧﻪ ﻗﺪر اﻳﺪى‪ ،‬اﺋﻠﻪ او ﻗﺪر ﻗﺎﻟﻴﺮدى‪٠‬‬
‫ﻧﺎرﺧﺎﺗﻴﻦ اوﺷﺎﻗﻼرﻳﻦ ﻗﻮﻳﺎر ﻣﮑﺘﺒﻪ‪ ٠‬اوﺷﺎﻗﻼر ﺑﻴﺮ ﺁز ﺑﺆﻳﻮﻣﻮﺷﺪو‪ ،‬درس اوﺧﻮردوﻻر‪ ،‬ﮔﺘﻴﺮەر ﭼﺆﻟﺪﻩ ﺑﻴﺮ ﻋﻤﺎرت‬
‫ﺳﺎﻟﺪﻳﺮار‪ ،‬ﻧﻪ ﮔﺆزەﻟﻠﻴﮑﺪﻩ‪ ٠‬ﻳﻮز دﻓﻌﻪ ﭘﺎدﺷﺎهﻴﻨﮑﻴﻨﺪان ﺁرﺗﻴﻖ‪ ،‬ﺑﻴﺮ ﮐﺮﭘﻴﺠﻰ ﻗﻴﺰﻳﻠﺪان‪ ،‬ﺑﻴﺮ ﮐﺮﭘﻴﭽﻰ ﮔﻮﻣﻮﺷﺪن‪٠‬‬
‫اوﺷﺎﻗﻼر ﭼﻴﺨﺎرﻣﻴﺸﻼر ﭼﺆﻟﺪﻩ‪-‬زاد دا اوﻳﻨﺎرﻣﻴﺸﻼر‪ ٠‬ﭘﺎدﺷﺎﻩ ﺑﻮﻟﻮﻳﻤﻮش‪ ،‬ﺷﻴﮑﺎرا‪-‬زادا ﮔﺌﺪﻧﺪﻩ اوﺷﺎﻗﻼرى‬
‫ﮔﺆرەرﻣﻴﺶ‪ ،‬ﻋﻤﺎرﺗﻰ دﻩ ﮔﻮدرﻣﻴﺶ ﮔﻮﻧﺪﻩ‪ ،‬ﺑﻮﻳﻮل‪ ،‬وزﻳﺮﻳﻠﻦ ﮐﺌﭽﻨﺪﻩ دﺋﻴﻪرﻣﻴﺶ‪ :‬وزﻳﺮ‪ ،‬ﺑﻮ ﻋﻤﺎرت ﮔﺆرەﺳﻦ ﮐﻴﻤﻴﻦ دى‬
‫ﺑﻮﺟﻮر دوزەﻟﺪﻳﺐ؟‬
‫ﭘﺎدﺷﺎﻩ اوﺷﺎﻗﻼرى ﭼﻮخ ﺳﺌﻮﻳﺮﻣﻴﺶ‪ ٠‬ﮔﻠﻴﺐ ﮐﺌﭽﻨﺪﻩ دﻳﻨﺪﻳﺮەرﻣﻴﺶ اﻳﮑﻴﺴﻴﻨﺪﻩ‪ ٠‬ﻧﺎرﺧﺎﺗﻴﻦ اؤرﮔﻪدر اوﺷﺎﻗﻼرا‬
‫ﮐﻰ‪ ،‬ﭘﺎدﺷﺎﻩ ﺳﻴﺰى دﻳﻨﺪﻳﺮەرﻧﺪﻩ‪ ،‬ﺳﻮواﺷﻴﻦ ﻗﻴﭽﻼرﻳﻨﺎ ﮐﻰ‪ ،‬ﮔﻞ ﮔﺌﺪﮎ ﺑﻴﺰﻩ‪٠‬‬
‫ﺑﻴﺮ ﮔﻮن ﭘﺎدﺷﺎﻩ ﮐﺌﭽﻨﺪﻩ اوﺷﺎﻗﻼر ال ﭼﮑﻤﺰﻟﺮ‪ ٠‬ﭘﺎدﺷﺎﻩ دﺋﻴﻪر‪ :‬ﺁﺧﻰ ﺳﻴﺰﻳﻦ اﺋﻮﻳﺰ هﺎردادى؟‬
‫دﺋﻴﻪرﻟﺮ ﮐﻰ‪ ،‬ﺑﺲ‪ ،‬او ﻋﻤﺎرت ﺑﻴﺰﻳﻤﺪى‪٠‬‬
‫اوﺷﺎﻗﻼر ﭼﻮخ اﺋﻠﺮ‪ ،‬ﭘﺎدﺷﺎﻩ ﮔﺌﺘﻤﺰ‪ ٠‬ﮐﺌﭽﺮﻟﺮ ﮔﺌﺪرﻟﺮ‪ ٠‬وزﻳﺮ دﺋﻴﻪر‪ :‬ﻗﺒﻠﻪ ﻋﺎﻟﻢ ﺳﺎغ اوﻟﺴﻮن! ﮔﺮگ اﻳﺪى ﮔﺌﺪﻳﺪن‪،‬‬
‫اوﺷﺎﻗﻼر ﻣﺎﻳﻮس اوﻟﺪو‪ ٠‬ﺑﻮ دﻓﻌﻪ دﺋﺴﻪﻟﺮﮔﺌﺪﮎ‪٠‬‬
‫ﻳﺌﻨﻪ ﺑﻴﺮدﻩ ﭘﺎدﺷﺎﻩ اورادان ﮐﺌﭽﻨﺪﻩ ﺑﻮ اوﺷﺎﻗﻼر ال ﭼﮑﻤﺰ ﮐﻰ‪ ،‬ﮔﻞ‪ ،‬ﮔﺌﺪﮎ ﺑﻴﺰﻩ!‬
‫وزﻳﺮ دﺋﻴﻪر‪ :‬ﻗﺒﻠﻪ ﻋﺎﻟﻢ ﺳﺎغ اوﻟﺴﻮن! اﯙرﮐﻠﺮﻳﻨﻰ ﺳﻴﻨﺪﻳﺮﻣﺎﻏﺎ ﮔﻠﻤﺰ‪ ٠‬ﮔﺮﮎ ﺁﻳﺎق اوﺳﺘﻪ ﺑﺎش ووراق‪٠‬‬
‫ﮔﺌﺪرﻟﺮ ﭘﺎدﺷﺎهﻴﻼن وزﻳﺮ‪ ٠‬ﭘﺎدﺷﺎﻩ ﮔﺆرەر ﮐﻰ‪ ،‬ﻗﺮﻳﺐ ﺑﺎﻻم ﺑﻮرا ﻳﺎﺧﺸﻰ ﻋﻤﺎرت دى‪ ،‬ﻗﺮﻳﺐ دﺳﺘﮕﺎﻩ دى! ﺑﻴﺮ ﺁز‬
‫اوﺗﻮرارﻻر‪ ،‬دورار ﺑﻮﻧﻼر ﮔﺌﺘﺴﻴﻦ‪ ٠‬اوﺷﺎﻗﻼرﻳﻦ دا ﻧﻨﻪﺳﻰ اؤرﮔﺘﻤﻴﺸﺪى "ﻗﻴﺰﻳﻞ ﭼﺎى ﻗﺎﺷﻴﻐﻴﻦ ﺁﭘﺎرﻳﻦ ﺳﺎﻟﻴﻦ‬
‫ﭘﺎدﺷﺎهﻴﻦ ﺑﺎﺷﻤﺎﻏﻴﻨﻴﻦ اﻳﭽﻴﻨﻪ"‪٠‬‬
‫ﺑﻮﻧﻼر دورارﻻر ﮔﺌﺘﻤﮕﻪ‪ ،‬اوﺷﺎﻗﻼر دﺋﻴﻪر‪ :‬ﺁﺧﺘﺎراﺟﺎﻳﻴﻖ!‪٠٠‬‬
‫هﺎﻣﻴﻨﻰ ﺁﺧﺘﺎرارﻻر‪ ٠‬ﭘﺎدﺷﺎهﻴﻦ ﺑﺎﺷﻤﺎﻏﻴﻨﻴﻦ اﻳﭽﻴﻨﺪن ﻗﺎﺷﻴﻖ ﭼﻴﺨﺎر‪٠‬‬
‫ﻧﺎرﺧﺎﺗﻴﻦ دا دورﻣﻮﺷﺪو ﭘﺮدﻩ داﻟﻴﻨﺪان ﻗﻮﻻق ﺁﺳﻴﺮدى‪٠‬‬
‫وزﻳﺮ دﺋﻴﻪر‪ :‬اوﻻن‪ ،‬ﭘﺎدﺷﺎﻩ دا اوﻏﻮرﻟﻮق اﺋﻠﺮ؟‬
‫اورادان ﻧﺎرﺧﺎﺗﻴﻦ دﺋﻴﻪر‪ :‬ﺑﺲ ﻧﻨﻪدﻩ ﺑﺎﻻﺳﻴﻨﻴﻦ ﺑﺎﺷﻴﻦ ﮐﺴﺮ؟‬
‫وزﻳﺮ دﺋﻴﻪر‪ :‬ﺑﻮ ﻧﻪ ﺟﻮر ﺳﺆزدو؟‬
‫ﺑﻮﻳﻮل‪ ،‬اوﺷﺎﻗﻼرﻳﻦ ﻧﻨﻪﺳﻰ ﭼﻴﺨﺎر ﭘﺮدﻩ داﻟﻴﻨﺪان اﺋﺸﻴﮕﻪ‪ ،‬دﺋﻴﻪر‪ :‬ﺑﺲ ﺑﻮﻧﻼر ﺳﻨﻴﻦ اوﻏﻼﻧﻼرﻳﻦ دى‪ ،‬ﻣﻦ دﻩ‬
‫ﺳﻨﻴﻦ ﺁروادﻳﻦ ﻧﺎرﺧﺎﺗﻴﻨﺎم‪٠‬‬
‫ﺁﭼﺎر ﺑﺎﺷﻴﻨﻴﻦ ﻗﻀﻴﻴﻪﺳﻴﻦ ﻧﺎﻏﻞ اﺋﻠﺮ ﭘﺎدﺷﺎهﺎ‪ ٠‬ﭘﺎدﺷﺎﻩ ﺑﻮﻧﻮن ﻧﻨﻪﺳﻴﻦ دﻩ ﺗﺎﭘﺎر اؤﻟﺪورەر‪ ،‬او دﺋﻮى دﻩ‪ ٠‬ﻳﺌﻴﻪر اﻳﭽﺮ‬
‫ﻣﻄﻠﺒﻴﻨﻪ ﻳﺌﺘﻴﺸﺮ‪٠‬‬

‫)اﻳﮑﻴﻨﺠﻰ ﺑﺆﻟﻮﻣﻮن ﺳﻮﻧﻮ(‬

‫‪30‬‬
31