Psaume 1

Սաղմոս ՛ի դաւիթ. ՜Ա.

1. ԵՐԱՆԵԱԼ Է ԱՅՐ ՈՐ Ո՛Չ գնաց ՛ի խորհուրդս ամպարշտաց, ՛ի

ճանապարհի մեղաւորաց նա ոչ եկաց, եւ յաթոռս ժանտից նա ո՛չ
նստաւ:

2. Այլ յօրէ՛նս տ[եառ]ն են կամք ն[ո]ր[ա], եւ յօրէնս ն[ո]ր[ա]

խորհեսցի նա ՛ի տուէ եւ ՛ի գիշերի.

3. եւ եղիցի նա ո[ր]պ[էս] ծա՛ռ որ տնկեալ է ՛ի գնացս ջուրց։ Որ

զպտուղ իւր ՛ի ժամու տացէ, եւ տերեւ նորա մի՛ թափեսցի. եւ
զա[մենայ]ն զոր ինչ արասցէ յաջողեսցի՛ նմա:

4. Ո՛չ այսպէս են ամպարիշտք, եւ ո՛չ այսպէս. այլ որպէս հողմ

զփոշի, զի հոսէ՛ ՛ի վ[ե]ր[այ] երեսաց երկրի:

5. Վասն այսորիկ ո՛չ յարիցեն ամպարիշտք ՛ի դատաստան, եւ ո՛չ

մեղաւորք ՛ի խորհուրդս արդարոց:

6. Քանզի ճանաչէ՛ տ[է]ր զճանապարհս արդարոց, ճանապարհք

ամպարշտաց կորիցեն։

Տունք. ՜զ:

Bible de Zohrab – édition de Venise, 1805