Ang Pilipinas ay isang papaunlad na bansa sa Timog-Silangang Asya.
Noong 2004, ito ay nasa ika-24 na pwesto ng World Bank ayon sa
kanyang purchasing power parity. Ang Pilipinas ay isa sa mga bagong bansa sa mundo na nagiging industriyalisado.Ang mahahalagang sektor ng ekonomiya ng Pilipinas ay kinabibilangan ng agrikultura, tulad ng pagpoproseso ng pagkain, pananahi, at electronics at paggawa ng mga bahagi ng sasakyan. Karamihan sa mga industriyang ito ay nasa bahaging Kalakhang Maynila at mga karatig na lugar. Ang pag- mimina ay may malaking potensyal sa Pilipinas.
Simula ng matapos ang Ikalawang Digmaang Pandaigdig, ang
ekonomiya ng Pilipinas ay nagkaroon ng magkakahalong kasaysayan ng sensya ng pag-unlad at paglago. Sa mga taong lumipas, ang Pilipinas ay nanggaling sa pagiging pinakamaunlad na bansa sa Asya pagkatapos ng Hapon hanggang sa pagiging isa sa pinakamahihirap. Ang pag-unlad pagkatapos ng digmaan ay napakabilis, ngunit bumagal din sa paglipas ng panahon. Isang malalang resesyon noong 1984-85 ang naganap ang nagpakita ng pagliit ng ekonomiya ng mahigit 10%, sinimulan niya ang malawakang reporma para palaguin ang kalakalan at ang pamumunuhang ng mga dayuhan. Bilang resulta, nakitaan ang Pilipinas ng panahon ng mabilis na pag-unlad, ngunit ang Krisis Pinansyal sa Silangang Asya noong 1997 ay muling nagpabagal ng pag-unlad ng Pilipinas. Noong 1998, sinubukan ni Pangulong Joseph Estrada na ipagpatuloy ang reporma at pagbabago na sinimulan ng Administrasyong Ramos, na nagdulot ng katulad na pag-unlad. Sa kadahilan naman ng impeachment at ang pag-alis ni Pangulong Estrada ay nagdulot ng mababang pag-unlad. Ang kasalukuyang administrasyon sa pamumuno ni Pangulong Gloria Macapagal-Arroyo ay nagtutulak ng mabilis na pag- unlad ng ekonomiya. Noong 2004, ang ekonomiya ng Pilinas ay lumago ng 6.1%, na nalampasan ang estima ng pamahalaan. Noong 2005, ang Pisong Pilipino ay nag-appreciate ng 6% ang pinakamabilis sa rehiyon ng Asya. Ngunit, ang pana-panahong pagtaas ng halaga ng langis ay nagpapabagsak ng estima ng pamahalaan kada taon. Noong 2006, ang ekonomiya ay nagpakita ng 5.4% na pag-unlad, ngunit ang mga bagyong dumaan ang nagpabagsak sa sektor ng ekonomiya. Noong Pebrero 2007, nagtala ang merkado ng saping-puhunan ng pinakamataas na puntos sa kasaysayan at nasa 33 kada isang Dolyar ang Piso. ANG EKONOMIYA, ANG KALIKASAN at ANG LIKAS KAYANG KAUNLARAN ANG SIMULA NG ENVIRONMENTAL ACCOUNTING Noon pa mang 1972, natukoy na ng United Nations Conference on Human Environment ang posibilidad ng ugnayan ng kalikasan at ng kaunlaran. Mula rito, naglitawan na ang mga panawagan sa isang alternatibong kaunlaran sa harap ng lumalalang krisis pangkalikasan.Ganumpaman,nagpatuloy pa rin ang pagkawasak at pagkasira ng kalikasan dahil sa mga tradisyunal na patakarang pang-ekonmiya na hindi tumutugon sa mga usaping pangkalikasan hanggang humantong ito sa nakaaalarmang sitwasyon. Taong 1987 nang binuo ng United Nations ang Pandaigdigang Komisyon sa Kalikasan at Kaunlaran (World Commission of Environment and Development) para pag-aralan at bigyan ng kaukulang solusyon ang problema ng kalikasan at kaunlaran. Binigyang diin ng Komisyon na ang kaunlaran ay dapat tumugon sa pangangailangan ng kasalukuyang henerasyon, na may pagsasaalang-alang din sa mga pangangailangan ng mga susunod pang henerasyon o sa madaling sabi isang LIKAS KAYANG KAUNLARAN (Sustainable Development). Aanhin pa ang sosyo - ekonomikong kaunlaran kung ang kapalit naman nito’y pagkasira o pagkawala ng kalikasan” Ekonomiya?? Marami ang nangyari sa ating bansa na nakaapekto sa pagbaba at pagtaas ng ekonomiya ng Pilipinas, kaya bilang mga mamamayang Pilipino’y tungkulin natin na palaguin ang ekonomiya ng ating bansa at upang iyon ay ating makamit kailangan nating magkaisa sa pangangalaga sa ating likas na yaman na tanging biyaya ng ating Panginoon na pinakapangunahing pinagkukunan ng bawat bagay na kailangan natin upang ang ating ekonomiya’y umunlad.Ang ating bansang Pilipinas ay isa sa bansang pinagkalooban ng maraming biyaya dahil tayo’y biniyayaan ng mga likas na yaman na ating magagamit sa pagpapaunlad ng ating bansa upang ang bawat mamamayang Pilipino’y magkaroon din ng maginhawang buhay sa bansang kanilang sinilangan.Magtulungan tayo upang ang bawat mithiin natin para sa ikauunlad at ikagiginhawa hindi lamang ng ating bansa kundi maging ng sarili nating buhay ay ating makamit.Palaguin ang ating ekonomiya’t pangalagaan ang ating kalikasan upang Pilipinas ay yumaman.