TÓKI NOTI DURMI

By Dr. Azágua

Tóki noti durmi

Ki sukuru fitxa...

N ta djobe séu

Séu ta djobe-m...

Ka ten suségu

Nen pa mi,

nen pa murségu.

Ta gatinha na sukuru

Pa djobe lus

P’odja kamin;

Ta gatinha na sukuru

Pa djobe pon

Pa mata fomi;

Ta gatinha na sukuru

Pa djobe águ

Pa mata sêdi.

Tóki noti durmi

Ki sukuru fitxa...

Ta bendêdu ó ta dadu

Ta potêkadu ó ta fiadu

Ta furtadu ó ta pistadu

Ta kondenadu ó ta perduadu.
 Tóki noti durmi

Ki sukuru fitxa...

Ka ten krédu

Ka ten krus;

Ka ten bedjáku

Ka ten mandjáku;

Ka ten diábu

Ka ten bujôn;

Ka ten santu

Ka ten satanás!

Tóki noti durmi

Ki sukuru fitxa...

Nen diamanti

Ta brilha-m nha korasãu;

Nen silênsiu nôti

Ta faze strélas brilha;

Di séu pa riba

Tud’ê mistériu y iluzãu.

Sen ixsesãu...