Tóki Sukuru Fitxa

By Dr. Azágua

Tóki notisê,
Ki sukuru fitxa...
N ta djobe lua
Lua ta djobe-m...
N ta lenbra di nôti...
N ta djobe suségu
Na nôti serénu.

Tóki notisê,
Ki sukuru fitxa...
Nôti ê di-mê,
Di-mê ku lua;
Mi ku nha lua.

Pa nu dizabafa
Nos paixãu
P’el sinti
nha korasãu ta bate.

Stréla ta kurti-nu,
El ta guia-nu ku karinhu
El ta brilha-nu nos dizêju
El ta guarda-nu nos segrédu.

Nôti ta durmi
Tenpu ta pasa;
Divagar, divagar...
N ta sunha na sê pêtu
N ta erda sê amor.

N ta erda sê amor!