(Ao amigo Cácá Fonseca di S.

Filipe)

Tóki Txiga Óra ...

By Dr. Azágua

Tóki txiga óra

Ka ten tádju!

Tóki txiga óra,

Ê óra ki txiga!

Tóki txiga óra,

Galu ta kanta
Burru ta zurra
Baka ta nberra
Kaxtó ta ladra
Terrál ta riska
Korpu ta labanta
Ten ki labanta...

Tóki txiga óra

Ka ten tádju!
Festa ta pára ó t’arranka;
Ta bendêdu ó ta dadu
Ta furtadu ó ta pistadu
Ta kondenadu ó ta perduadu.

Tóki txiga óra

Ka ten tádju!
Ê sin ó nãu
Ê dirróta ó vitória
Ê txakóta ó glória.

Tóki txiga óra

Ka ten tádju!
Só riba-rótxa
Mê-di-txada
Ó águ-mar
Ki ta para-nu.

Ka ten krus
Ka ten rozádi
Ka ten sêntru
Ka ten mal-fêtu;
Ka ten bedjáku
Ka ten mandjáku
nen djabakôzu;
Ka ten diábu
nen bujôn
Ka ten santu
nen satanás!
 Tóki txiga óra
Ka ten tádju!

Ka subi arkásu
Pamó ê pôdri;
K’anda kaminhu fálsu
Pa ka dâ topada.

Tóki txiga óra

Ka ten tádju!

Kér na ódiu
Kér n’amor;
Kér na tristéza
Kér na sabura;
Kér na txôru
Kér n’alegria;
Kér na gérra
Kér na pás.

Tóki txiga óra

Ka ten tádju!

Tóki txiga óra

Ê óra ki txiga!

Ê óra ki txiga!...