Xa Nôti Durmi !

By Dr. Azágua

Xa nôti durmi sê sónu!

Xa kada korpu konxe sê dónu!

Xa kada alma konxe sê mundu,

y ôtu mundu!

Xa silênsiu mata movimentu !

Xa tenpu vive sê mumentu!

Xa dia korda na sê óra!

Xa sol subi na séu!

Xa tenpu konta sê óra!

Xa núbri kubri sê véu!

Es ta korda nôti,

Es ta straga dia...

Na korpu,

Na alma,

Na korasãu...

Es ta korda nôti,

Es ta paga lus,

Sen lisénsa,

Sen bensôn...

Es ta korda nôti,
 Fitxa odju

Bu odja nôti;

Liberta bu tristéza;

Ko ben ku kulpa

Y nen diskulpa.