ညီချေသို့ ပီးစာ (၁)

ရွီးသူ-ကိုကျော်ဝင်းခိုင်

သို့
ညီချေ

ညီချေက ကိုယ့်လူမျိုးတိ ဘဝကို ကကောင်း တိုးတက်အောင်မြင်ဇီချင်ပနာ၊ ညီချေကိုယ်တိုင် တွေးနိန်၊ ခေါ်နိန်၊

လုပ်နိန်၊ ကိုင်နိန်စွာတိက လမ်းလွှဲနိန်ရေပိုင် အကိုကြီး ခံစားမိလို့၊ အားမလိုအားမရ ဖြစ်ပနာ
ဘဝတိုးတက်ကြီးပွားရေးအတွက် စဉ်းစားသင့်ရေ အချက်အလက်တိကို သိသလောက်၊ မှတ်သလောက် အကိုကြီး
ထောက်ပြပါမေ။ အမှားအမှန်ကို ညီချေကိုယ်တိုင်ရာ ချင့်ချိန်သုံးသပ်ပါ။
ပထမဆုံးအနိန်နန့် အကိုကြီး အသိပီးချင်စွာက "လောကမှာ ကိုယ့်အသိဥာဏ်ကို ထောင်ချထားစွာလောက် ကြောက်ဖို့
ကောင်းစွာ မရှိ။" ဆိုစွာပါ။ ယင်းအတွက်နန့် ဇာစကား၊ ဇာအယူအဆပင် ဖြစ်ဖြစ်၊ ရှေးရိုးစဉ်လာ၊ ကျမ်းဂန်လာလို့
လက်သင့်ခံ ယုံကြည် မနိန်ဘဲ၊ ကျကျယ်ပြပြန့် နန့် နနက်ချချိုင်း စဉ်းစားပြီးမှရာ လက်ခံတတ်ဖို့ လိုပါရေ။
ကဲ တိုင်းပြည်တပြည် တိုးတက်နှုန်းကို ဇာနန့် တိုင်းတာလဲ,ဆိုစွာကို အယင် လေ့လာကတ်ပါမေ။

တိုင်းပြည်တပြည် တိုးတက်, မတက်ကို income per capita လို့ ခေါ်ရေ တနိုင်ငံလုံး ကုန်ထုတ်စွမ်းအားကို
ယင်းတိုင်းပြည်က လူဦးရေနန့် စားလိုက်တေခါ ထွက်လာရေ လူတယောက် ပျမ်းမျှဝင်ငွေ နန့်ရာ အများဆုံး
တိုင်းတာပါရေ။ ယင်းအတွက်နန့် ကိုယ့် လူမျိုးကို တိုးတက်ဇီချင်ကေ ညီချေ အယင်ဆုံး လုပ်သင့်စွာက
ကိုယ့်လူမျိုးကို ဇာပုံဇာနည်းနန့် ဝင်ငွေများလာအောင် လုပ်ရဖို့လဲ,ဆိုစွာပါ။ ရခိုင်ပြည် ပထဝီဝင် တည်နိန်ရာက
စီးပွားရေးအတွက် ကဗာ့ အချက်အချာကျရေ နိန်ရာ တခုမှာ တည်ရှိနိန်ရေပိုင်၊ ရာသီဥတု အခြေအနေကလည်း
ကုန်ထုတ် စွမ်းအား တိုးတက်အောင် လုပ်နိုင်ရေ ကဗာ့ အကောင်းဆုံး ရာသီဥတုတမျိုးကို ပိုင်ဆိုင်ထားပါရေ။အဲ
အကိုကြီးရို့ ပြုပြင်ပြောင်းလဲရဖို့စွာက တခုရာ ရှိပါရေ။ ယင်းချင့်က အကိုကြီးရို့ “စိတ်ဓါတ်” ရာ ဖြစ်ပါရေ။

လက်တွိ မကျပနာ၊ တိုးတက်မှုကို အဟန့်အတား ဖြစ်စီနိုင်ရေ အတွေးအခေါ် အဟောင်းတိကို အကိုကြီးရို့ စွန့်လွှတ်

သင့်ပါဗျာလ်။ မဟုတ်ကေ အကိုကြီးရို့စွာ တိုးတက်လာရေ လူမျိုးတိက ကိုယ့်လူမျိုးကို တရိရိ ဝါးမြိုလာနိန်စွာကို
အေအတိုင်းလက်ပိုက်ကြည့်နိန်ရဖို့ရာကျန်ပါဗျာလ်။ ကောင်းရေဆိုတိုင်း မသုံးမသပ်ဘဲ လိုက်လုပ်နိန်ကတ်စွာကို
အကိုကြီးဥပမာတခုနန့်သုံးသပ်ပြပါမေ။
တရားထိုင်ရေဆိုစွာ ကောင်းရေ,ဆိုစွာ လူတိုင်း လက်ခံကတ်ပါရေ။ အကိုကြီးလည်း ရာနှုန်းပြည့် လက်ခံပါရေ။
ယကေလည်း တရားထိုင်စွာက စိတ်ဓါတ် တည်ငြိမ်အီးချမ်းမှုကို ပီးစွမ်းနိုင်ကေလည်း၊ အသိဉာဏ်ဖွံ့ဖြိုးတိုးတက်မှုကို
မပီးစွမ်းနိုင်ဆိုစွာကို လူတိုင်း သတိမထားမိကတ်ပါ။ နှစ်ပေါင်း ၅၀ လောက် တရားထိုင်နိန်ကေလည်း အဂု ခေတ်မှာ
လုပ်နိန်ကတ်တေ Nanotechnology တိ၊ Programming Language တိ၊ HTML Code တိကို အလိုလို
မတတ်လာနိုင်ပါ။ ခေတ် အသိပညာ မဖွံ့ဖြိုးလာနိုင်ရေအတွက် အကိုကြီး အထက်က ပြောခရေ လူတယောက်
ဝင်ငွေကို တိုးတက်အောင် တိုက်ရိုက် မလုပ်ဆောင်နိုင်ပါ။ ယင်းအတွက်နန့် တရားထိုင်စွာရေ
တိုင်းပြည်တိုးတက်နှုန်းကို တိုက်ရိုက် အထောက်အကူ မပြုပါ။

တိုင်းပြည်နန့် လူမျိုးကို အမှန်တကယ် ချစ်တေ ညီချေရို့ပိုင် လူတိက၊ ကိုယ့်လုပ်ရပ်က ဇာလမ်းကို

ဦးတည်လားရေဆိုစွာ သုံးသပ်တတ်ဖို့နန့် လမ်းမှားကို လူထုကို မညွှန်ပြမိဖို့ ကကောင်း အရေးကြီးပါရေ။ အထက်က
ပြောခရေအတိုင်း လူမျိုးအသီးသီး အမျိုးသားရေး လွန်ဆွဲနိန်ကတ်တေ အချိန်မှာ အသိဉာဏ် ဖွံ့ဖြိုးမှုနောက်ကို
လိုက်မလုပ်ဘဲ၊ စိတ်ဓါတ် တည်ငြိမ်အီးချမ်းရေး တခုတည်းကိုရာ တမျိုးသားလုံး ဦးတည်
လုပ်ဆောင်နိန်ကတ်ဖို့ဆိုကေ၊ အသိဉာဏ် ဖွံ့ဖြိုးမှုနောက်ကို တစိုက်မတ်မတ် လိုက်နိန်ရေ လူမျိုးတိနန့်
ယှဉ်လာလို့ရှိကေ ယင်းလူမျိုး ဇာနိန်ရာကို ရောက်လားနိုင်ရေဆိုစွာ ညီချေ သတိထားမိပါလိမ့်မေ။

ကိုယ့်ထက်သာရေ လူတိကို အမုန်းပွားနိန်စရာ မလိုပါ။ ကိုယ့်စွာကိုရာ အင်တိုက်အားတိုက်

ပြုပြင်ပြောင်းလဲလားကတ်ပါမေ။

အကိုကြီး နောက်နိန့် ဆက်ဆွေးနွေး ပီးပါမေ။

သတိတရ

အကိုကြီး

ညီချေသို့ ပီးစာ (၂)

သို့

ညီချေ

အကိုကြီး အယင် ထည့်လိုက်တေ စာကို ညီချေ ဖတ်ပြီးဗျာလ်လို့ ထင်ပါရေ။ အကိုကြီး ရွီးထားစွာတိကို ညီချေ
ချင့်ချိန်သုံးသပ်ဗြီးမှရာ လက်ခံပါ။ အကိုကြီးက ညီချေ ခံယူထားရေပိုင်ဗျာလ် ကိုယ့်လူမျိုး တိုးတက်မြင့်မားနိန်စွာကို
မြင်ချင်ရေ ဆန္ဒတခုတည်းနန့် စဉ်းစားသင့်စွာတိကို ထောက်ပြထားစွာရာ ဖြစ်ပါရေ။

ကိုယ် လက်ရှိ သိထားစွာကို အကောင်းဆုံးနန့် အမှန်ဆုံးလို့ ထင်တတ်စွာ လူ့သဘောသဘာဝ တခုပါ။ ယကေလည်း

ယင်းထက် ကောင်းစွာတခုကို တွိလာရရေခါ၊ ကိုယ် လက်ရှ
ရှိ သိထားသမျှစွာ အကောင်းဆုံးနန့် အမှန်ဆုံး
မဟုတ်ကြောင်း သဘောပေါက်ဖို့ လိုအပ်ပနာ၊ ပိုကောင်းစွာဖက်ကို ပြုပြုင်ပြောင်းလဲတတ်ဖို့လည်း လိုအပ်ပါရေ။

အဲ အေတခါလည်း တိုင်းပြည် တိုးတက်နှုန်းကို တိုင်းတာရေ income per capita လို့ဆိုရေ တိုင်းပြည်တပြည်လုံး

ကုန်ထုတ်စွမ်းအားကို တိုင်းပြည်လူဦးရေနန့် စားရေခါ ရလာရေ ပြည်သားတယောက် ပျမ်းမျှဝင်ငွေ
င အကြောင်းကို
ဆက်ဆွေးနွေးလားကတ်ပါမေ။

တိုင်းပြည်တပြည် တိုးတက်ဖို့အတွက် ယင်းတိုင်းပြည်မှာ ရှိရေ လူတိုင်း၊ ထုတ်နိုင်သမျှ လုပ်အားကို အစွမ်းကုန်

ထုတ်လားကတ်ဖို့ လိုရေပိုင်၊ ကုန်ထုတ်စွမ်းအား သူမျှ(၀)ရှိရေ လူတိကိုလည်း တဖြည်းဖြည်း နည်းအောင် လုပ်လားဖို့
လိုပါရေ။ ယင်းအတွက်နန့်လည်း တိုးတက်တေ နိုင်ငံတိမှာ အလုပ်လက်မဲ့ဦးရေ(ကုန်ထုတ်စွမ်းအား သူမျှ ရှိရေ
လူတိ)ကို အမြဲတမ်း စစ်တမ်း ကောက်နိန်စွာ ဖြစ်ပါရေ။ အင်း အဂု အကိုကြီးရို့ဘားကို ကောက်ကြည့်ကေ ၅၀%
အထက်မှာရာ ရှိဖို့ ထင်ပါယင့်၊ ညီချေ။

ယကေလည်း ယင်းပိုင် ဖြစ်ရစွာကို ထိုလူဒေလူကို အပြစ်တင်နိန်ဖို့အစား၊ အကြောင်းရင်းခံကို အကိုကြီးရို့

ကိုယ့်နည်းကိုယ့်ဟန်နန့် ရှာကြည့်ကတ်ပါမေ။

အကိုကြီး တွိထားစွာ တခုကို ညီချေကို ထောက်ပြပါမေ။

အကိုကြီးရို့ မိဖက သားသမီးကို ချစ်တေ အချစ်လောက်၊ ကောင်းရေ မိဖမေတ္တာမျိုး အေကဗာမှာ မရှိလို့ တချိန်က
ထင်ခဖူးပါရေ။ အနောက်တိုင်းက မိဖတိ မေတ္တာကိုလည်း၊ အထင်သေးခဖူးပါရေ။ ယကေလည်း လွန်ခရေ ၁၀
နှစ်ကျော်လောက်က အမေရီကန် သမ္မတ ကလိင်တန် မိန့်ခွန်းတခုကို ဖတ်ကြည့်လိုက်တေခါ၊ အကိုကြီး
ထင်ထားသမျှတက်တက်စင်လွဲနိန်မှန်းသိလိုက်ရပါရေ။
အကိုကြီးရို့ လူမှုဘဝကို လေ့လာကြည့်ကတ်ပါမေ။ သားသမီး အများစုက၊ မွီးခါကပင် တက္ကသိုလ် တဗြီးထိ၊
လက်မလှုပ်၊ ခြီမလှုပ် အပူအပင် ကကင်းနန့် မိဖအရိပ်အောက်မှာ နိန်ကတ်ပါရေ။ သားသမီးတိ ကောင်းဖို့ မိဖတိ
ဖြစ်ချင်ရေ လမ်းကို မရောက်,ရောက်အောင် တွန်းပို့ယင်း၊ ရှိသမျှ ဖေ့သာကို မိဖတိ ပုံအောစိုက်ထုတ်ကတ်ပါရေ။
သားသမီး အလုပ်အကိုင် တတည်ငြငြိမ် ဖြစ်အောင်ထိ၊ မိဖလောင်းရိပ်အောက်က မကင်းနိုင်ကတ်ပါ။ နောက်တခါ
သားသမီး အလုပ်အကိုင် တတည်ငြငြိမ်နန့် ဖြစ်လာရေခါ အားအင်ချိနဲ့နိန်ရေ မိဖတိကတလှည့်
သားသမီးအရိပ်အောက်မှာ ဝင်ခိုကတ်ရပါရေ။ ယင်းပိုင်နန့် အကိုကြီးရို့ မိဖတိနန့် သားသမီးတိစွာ၊ သူတလှည့်၊
ကိုယ်တလှည့် အမှီသဟဲ ပြုပနာ နိန်လားကတ်ရပါရေ။ လူမှုရေး ရှုထောင့်က ကြည့်ရေခါ ကကောင်း နနွီးထထွီးနန့်
အားရ ကျေနပ်ဖို့ ကောင်းပါရေ။

ကလိန်တန် ပြောခရေ အနောက်တိုင်း အယူအဆကို ကြည့်ကတ်ပါမေ။ အခြေခံ ပညာအဆင့်ကပင် သားသမီး

လုပ်ချင်ဖြစ်ချင်စွာကို မိဖက ဂရုတစိုက် စောင့်ကြည့်ကတ်ယင်း၊ လင်မယားနှစ်ယောက် အိုစာမင်းစာကို တပြိုင်တည်း
စုလားကတ်ပါရေ။ အလုပ် လုပ်နိုင်ရေ အထက်တန်းကျောင်းဗြီးခါကပင် သားသမီးဝါသနာ ပါရေ၊ အလုပ်ကို
စ,လုပ်ခိုင်းပနာ ကိုယ့်စွာကိုယ် ရပ်တည်တတ်အောင် မိဖက သင်ပီးလားပါရေ။ မှားနိန်ကေ ဖြစ်သင့်စွာကို မိဖက
အကြံပီးလားပါရေ။ တက္ကသိုလ်ကျောင်းစရိတ်ကို တတ်နိုင်သမျှ ရှာခိုင်းပနာ၊ လိုအပ်စွာကိုရာ မိဖတိက ပံ့ပိုးပီးပါရေ။
ယင်းပိုင်နန့် တက္ကသိုလ်ကျောင်း ဗြီးရေအချိန်မှာ သားသမီးတိစွာ မိဖလောင်းရိပ်အောက်က လုံးဝ ကင်းကွာ
လားရေပိုင်၊ မိဖနှစ်ပါးကလည်း တတည်ငြငြိမ်နန့် သားသမီးဘားက အမှီအခို ကင်းရေ ဘဝကို
တည်ဆောက်ကတ်ပါရေ။ အောင်မြင်မှု နောက်ကို တစိုက်မတ်မတ် လိုက်နိန်ရေ သားသမီးတိကိုရာ အဝီးကနိန်
အားပီးယင်း၊ အထီးကျန် ဘဝတိကို ဖြတ်သန်း လားကတ်ပါရေ။ လိုအပ်တေအချိန်မှာ သားသမီးအတွက်
မားမားမတ်မတ် ရပ်တည်ပီးလားကတ်ပါရေ။ လူမှုရေး ရှုထောင့်က ကြည့်ကေ နွီးထွီးမှု မရှိရေ၊ မိသားစုဘဝလို့
ခံစားလို့ရပါရေ။

ယကေလည်း စိတ်ဓါတ် မြင့်မြတ်ပုံချင်း မတူပါ၊ ညီချေ။ အရွယ်ရောက်အောင်ထိ အကိုကြီးရို့ သားသမီးတိစွာ၊

ကိုယ်လုပ်ချင်စွာကို လုပ်ဖို့ လူဖြစ်လာစွာ မဟုတ်ဘဲ၊ မိဖတိ ဖြစ်ချင်စွာကို လုပ်ပီးရဖို့ လူဖြစ်လာရပါရေ။
ယင်းအတွက်နန့်လည်း တတည့်ပပေါက် အောင်မြင်ရေ ရာခိုင်နှုန်းက ကကောင်း နည်းပါရေ။ တခါ လုပ်ချင်စွာကို
လုပ်နိုင်ရေ အချိန်ကို ရောက်လာခါလည်း၊ ကိုယ့်အရိပ်ကို ခိုနိန်ရေ မိဖတိမျက်နှာကို ထောက်ထားယင်း၊
မစွန့်စားဖြစ်ဘဲ လက်လွှတ်ဆုံးရှုံးလိုက်ရစွာတိက အများကြီးပါ။ ယင်းအတွက်နန့် အကိုကြီးရို့ အများစုစွာ ဘဝမှာ
အောင်မြင်သင့်သလောက် မအောင်မမြင်နန့် နိဂုံးချုပ်လားရပါရေ။

အနောက်နိုင်ငံသား အများစုကတော့ခါ ဘဝမှာ ဖြစ်ချင်စွာကို အတွယ်အတာမဲ့ လုပ်ကတ်ယင်းနန့်

ဘဝအနှစ်သာရကို ဆုံးခန်းတိုင် ခံစားလားကတ်ပါရေ။ ယင်းအတွက်နန့်လည်း ကြီးကျယ်ရေ လုပ်ဆောင်ချက်တိ
ထိပ်တန်းမှာ အမှီအခို ကင်းမဲ့ရေ ယင်းလူမျိုးတိကိုရာ အများဆုံး တွိရပါရေ။ သားသမီး တုံ့ပြန်မှုကို လုံးဝ
မမျှော်လင့်ဘဲ၊ သူရို့ ဖြစ်ချင်စွာကို ဖြစ်လားအောင် မွီးထုတ်ပီးလိုက်ရရေ မိဖတိကလည်း သူရို့ဘဝကို အမြဲတမ်း
ဂုဏ်ယူကတ်ပါရေ။ အစုန်ရာ ရှိရေ ယင်းသူရို့ မိဖမေတ္တာနန့် စိတ်ဓါတ်မြင့်မြတ်မှုက လေးစားဖို့ ကောင်းပါရေ။ သူရို့
တွေးစွာကို မှီအောင် မလိုက်နိုင်ရေအတွက်နန့် အကိုကြီးရို့ ယဉ်ကျေးမှုကို အကောင်းဆုံး ယဉ်ကျေးမှုလို့
ထင်ခမိရေပိုင်၊ ယင်းသူရို့ကလည်း သူရို့ကိုယ်သူရို့ ယဉ်ကျေးမှု မြင့်မားရေ လူမျိုးလို့ အယူခံပနာ၊
အာရှတိုက်သားတိကို ယဉ်ကျေးမှု နိမ့်ကျရေ လူမျိုးတိလို့ မြင်နိန်ကတ်စွာ ဖြစ်ပါလိမ့်မေ။
အဲ အကိုကြီး ပြောနိန်စွာလည်း ကြာနိန်ပါဗျာလ်။ အကိုကြီး အဓိက ပြောချင်စွာက အေပိုင် မတူညီရေ
ယဉ်ကျေးမှုနှစ်ခုက တိုင်းပြည်တိ တိုးတက်နှုန်းကို ဆီနန့်ရီပိုင် ကွာခြားအောင် လုပ်လားရေ,ဆိုစွာကိုပါရာ။
အလုပ်လက်မဲ့ ဦးရေ ဇာနားတိက ထွက်လာလဲ၊ အကိုကြီးရို့ ဇာအတွက် ဆင်းရဲနိန်ရစွာလဲ,ဆိုစွာကို ညီချေကိုယ်တိုင်၊
ချင့်ချိန် သုံးသပ်ကြည့်ပါ။ အကိုကြီး အေပိုင် စကားတိကို ပြောနိန်ရေ အချိန်မှာ အကိုကြီးရို့ မိဖတိ မေတ္တာကို အထင်
မသေးရေအပြင်၊ ကိုယ် ယူထားရရေ တာဝန်တိကိုလည်း လျှော့ချလားဖို့ လုံးဝ မစဉ်းစားပါ၊ ညီချေ။ ယဉ်ကျေးမှုတခုက
အဆိုးအပြစ်လို့ရာ မြင်ပါရေ။ အဲ အကိုကြီး လက်ထက်မှာတော့ခါ၊ အဂု ယဉ်ကျေးမှုထက် ပိုကောင်းရေ ယဉ်ကျေးမှုနန့်
တောက်ပြောင်ရေ နှောင်ကြိုးမဲ့ သားသမီးရတနာတိကို မွီးထုတ်ပီးလိုက်ဖို့လို့ ဆုံးဖြတ်ထားပါရေ၊ ညီချေ။ သိရေ
အချိန်မှာပြောင်းလဲဖို့အဆင်သင့်ပါ။

နောက်အားကေ၊ ဆက်ရွီးပီးပါမေ။

သတိတရ

အကိုကြီး

မှတ်ချက်။ ။ယဉ်ကျေးမှုတခုကို ကျင့်သုံးပုံ၊ ကျင့်သုံးနည်း လူတိုင်း မတူနိုင်ဆိုစွာကို သတိပြုပါ။

ညီချေသို့ ပီးစာ (၃)

သို့

ညီချေ

အကိုကြီး အယင် ထည့်ပီးလိုက်တေ စာ ၂ စောင်ကို ညီချေ ဖတ်ကြည့်ဗြီးဗျာလ် ထင်ပါရေ။ အကိုကြီး အဂု

ပြောနိန်စွာတိက လူတယောက် (ဝါ) လူမျိုးတမျိုး တိုးတက်ဖို့အတွက် အတွေးအခေါ်ပိုင်းဆိုင်ရာ
အခြေခံပြောင်းလဲပြုပြင်သင့်စွာတိကို ထောက်ပြစွာရာ ဖြစ်ပါရေ။ မှားမှန်ကို ညီချေကိုယ်တိုင် ချင့်ချိန်သုံးသတ်ပါ။
အေတခါလဲ အတွေးအခေါ်ပိုင်းဆိုင်ရာ အခြေခံပြောင်းလဲပြုပြင်သင့်ရေ နောက်တချက်ကို အကိုကြီး ထောက်ပြပါမေ။

"ဘဝဆိုစွာ ဇာလဲ။"

ဘဝကို အဓိပ္ပာယ်အမျိုးမျိုး ဖွင့်ထားကတ်စွာကို ညီချေ ကြားဖူးပါလိမ့်မေ။

ဇာပိုင်ပင် ကိုယ်လိုချင်ရေပိုင် ဆွဲပနာ အဓိပ္ပာယ်ဖွင့်ကတ်ကတ်၊ "ဘဝ" ဆိုစွာ "အချိန် အပိုင်းအခြားတခု ကြားက

ဖြစ်တည်မှု တခု" ရာ ဖြစ်ပါရေ။ အတိုချုံ့ ပြောဖို့ဆိုကေ "အချိန်" ရာ ဖြစ်ပါရေ။ ယင်းအတွက်နန့် လူ့ဘဝဆိုစွာ
အစမှတ်(မွီးဖွားခြင်း)နန့် အဆုံးမှတ်(သီဆုံးခြင်း) ကြားက အချိန် အပိုင်းအခြားကာလတခုမှာ အသက်ရှင် ဖြစ်တည်မှု
တခုရာ ဖြစ်ပါရေ။ အချိန်ကို ထိန်းချုပ်လို့ မရနိုင်ရေပိုင်၊ လူ့ဘဝ အစမှတ်က အဆုံးမှတ်သို့ တရွိရွိ လားနိန်ရေ
ကြီးပြင်းခြင်း(အိုမင်းခြင်း)ကိုလည်း တခုပိုင်လည်း ထိန်းချုပ်လို့ မရနိုင်ပါ။ ဒြပ်ဝတ္ထုတိုင်းစွာ ဖြစ်ချင်ချိန် ဖြစ်တတ်ပနာ၊
ပျက်ချင်ချိန် ပျက်တတ်တေဆိုရေ ရူပဗေဒ ကွန်တင်နိယာမ (Quantum Mechanic, Uncertainty Principle)
သဘောတရားပိုင်၊ လူတယောက်နန့် တယောက် အစမှတ်၊ အဆုံးမှတ် မတူနိုင်ရေပိုင်၊ ဖြစ်ပျက်ပုံချင်းလည်း တူနိုင်ဖို့
မဟုတ်ပါ။ အချိန်တိုင်း ဖြစ်ပျက်နိုင်ကေလည်း ဇာအချိန်လဲလို့ မသိနိုင်ရေ အဆုံးမှတ်(သီဆုံးခြင်း)ကို
ကြောက်လန့်ပနာ လက်ရှိအချိန်(ဘဝ)တခုလုံးကို ယင်းတခုတည်းအတွက် ပြင်ဆင်နိန်ဖို့ဆိုကေ၊ တန်ဖိုးရှိရေ
လက်ရှိအချိန်(ဘဝ)ကို တခုပိုင်လည်း အသုံး မချလိုက်ရဘဲ အလဟသ ဖြုန်းတီးပလိုက်စွာနန့် တူနိန်ပါလိမ့်မေ။
တခုပိုင်လည်း ရှောင်လွှဲလို့ မရနိုင်ဆိုစွာကို သိယင်းသားနန့် ဇာဖြစ်လို့ အလဟသ အချိန်ကုန်ခံပနာ လူ့သဘာဝကို
ဖီဆန်ဖို့ ပြင်ဆင်နိန်ပါဖို့သိမ့်လဲ။ ဖြစ်ချင်ခါမှ ဖြစ်လီ၊ ခေါင်းထဲ ထည့်မတွက်ထားဘဲ လုပ်စရာ ရှိစွာကိုရာ
တစိုက်မတ်မတ် လုပ်နိန်ဖို့ အရေးကြီးပါရေ။ အချိန်ကို ရပ်တန့်၊ ဆုပ်ကိုင်၊ ပြောင်းရွိလားလို့ မရနိုင်ရေပိုင်၊
ကိုယ့်ဘဝကိုလည်း ထိုနိန်ရာက စ၊ ဒေနိန်ရာက စ,လို့ ပြုပြင်ဖန်တီး၊ ပြောင်းရွိလားလို့ မရနိုင်ပါ။ ယင်းအတွက်နန့်
လက်ရှိအချိန်(ဘဝ)ကို အပိုင်နိုင်ဆုံး၊ အကောင်းဆုံး၊ အပျော်ရွင်ဆုံး၊ အသုံးချပနာ ကိုယ် ဖြစ်ချင်စွာကို
ဦးတည်လားနိန်ဖို့ရာ လိုအပ်ပါရေ။ တချိန်က အလုပ် တခု လုပ်ပခပနာ၊ နောက်တချိန်မှာ ရလာနိုင်ရေ
အကျိုးရလာဒ်ကို ထိုင်စောင့်နိန်ရေဆိုစွာ မသေချာ မရေရာမှု တခုရာ ဖြစ်ပါရေ။ ရာနှုန်းပြည့် သေချာချင်ကေ
အကျိုးရလာဒ်ကို ထိုင်စောင့်မနိန်ဘဲ လက်ရှိအလုပ်ကို စဉ်ဆက်မပြတ်၊ တစိုက်မတ်မတ် လုပ်နိန်ဖို့ရာ လိုအပ်ပါရေ။
ဇာမှန်းမသိရေ နောက်ဘဝဆိုစွာအတွက် ပြင်ဆင်နိန်ဖို့အစား၊ လာဖို့ အသက် ၃၀ အရွယ်အတွက်၊ လာဖို့ အသက် ၄၀
အရွယ်အတွက်၊ လာဖို့ အသက် ၅၀ အရွယ်အတွက်၊ လာဖို့ အသက် ၆၀ အရွယ်အတွက်၊ အစရှိရေပိုင်
လက်ရှိဘဝအတွက်ရာ အကောင်းဆုံး ပြင်ဆင်လားစွာက ညီချေအတွက် ပိုပြီး လက်တွိကျပနာ လူသားဆဆန်
ကြိုစားအားထုတ်မှုတခု ဖြစ်ပါလိမ့်မေ။

အဂု ထမ်းထားရေ အေခန္ဓာကို ပွန်းပဲ့လားမေ ကြောက်တေအတွက် လက်မြှောက်အရှုံးပီးမှုတိ၊ အမှန်တရားကို

မျက်နှာလွှဲထားမှုတိ၊ ရောင့်ရဲမှုတင်းတိမ်မှုတိနန့် ဖြေသိမ့်ပနာ ဂျောင်ချေမှာ ထိုင်ငိုင်နိန်ဖို့ဆိုကေ အေဘဝ လူဖြစ်ရကျိုး
နပ်လိမ့်မေ မဟုတ်ပါ။ တန်ဖိုးရှိရေ လူလို့ ဖြစ်လာခိုက်မှာ ဦးနှောက်ကို အဆုံးစွန် ဖျစ်ညစ်ထုတ်သုံးပနာ၊ ခန္ဓာကိုယ်ကို
ထထွတ်ကြွီ အသုံးချဗျာလ် လူ့လောကမှာ အကောင်းဆုံးဆိုစွာတိကို သုံးစွဲလားမှရာ နောက်ဆုံးမှတ်ကိုလည်း
ပြုံးပန်းဝဝေနန့် ဖြတ်ကျော်ယင်း လူဖြစ်ရကျိုး နပ်ပါလိမ့်မေ၊ ညီချေ။

မသေချာစွာတိကို ယုံကြည်ထားရေ လူတယောက်အတွက် ကိုယ့်စွာကို ယုံကြည်မှု တည်ဆောက်နိုင်ဖို့ ကကောင်း

ခက်ခဲပါရေ ညီချေ။ ကိုယ့်စွာကိုယ် ယုံကြည်မှု နည်းရေ လူစွာ၊ တခြားလူတိ လှည့်ကွက်ထဲမှာ အမြဲတမ်း ကဇာတ်ရုပ်
ဖြစ်နိန်ရတတ်ပါရေ။

ယင်းအတွက်နန့် ဘဝဆိုစွာကို အလဟသ တွေးလန့် ကြောက်နိန်ဖို့အစား၊ ကိုယ်လက်ဆုပ် ကိုင်ထားရေ တရွိရွိ

ကုန်ဆုံးနိန်ရေ လက်ရှိအချိန်(ဘဝ)ကိုရာ အာရုံစိုက်ဗျာလ် အကျိုးရှိရှိ အသုံးချယင်း၊ ကိုယ့်လုပ်နိုင်ခရေ အမြင့်ဆုံး
လုပ်ရပ်ကိုရာ တခြားလူတိ မြင်သာအောင် မှတ်တိုင် စိုက်ထူထားခပါ၊ ညီချေ။
တခု သတိထားရဖို့စွာက အလုပ်ကို အချိန်ကြကြာနန့် အပင်ပန်းခံ လုပ်တိုင်းလည်း၊ ရလဒ်ကောင်း မရနိုင်ဆိုစွာကိုပါ။
ရလဒ်ကောင်းကို ရဖို့၊ စနစ်တကျ တွေးပနာ လုပ်တတ်ကိုင်တတ်ဖို့ လိုပါရေ၊ ညီချေ။

အဂု ထောက်ပြလားရေ အကြောင်းအရာက လူလို့ ဖြစ်လာယင့်သားနန့် လူ့ဘဝစွာ မကောင်းလို့ အဓိပ္ပာယ်ဖွင့်

လွှဲချော်ပနာ ယောင်ဝါးဝါးနန့် ထိုမရောက် ဒေမရောက် ဘဝအချိန်တိ အလကား မကုန်လားရအောင်လို့ပါ။
ပိုအရေးကြီးစွာက ဘဝကို ပပိုင်နနိုင် အသုံးချရေ လူတိအောက်မှာ နင်းပြား မဖြစ်လားရအောင်လို့ပါ၊ ညီချေ။
အကိုကြီး လုပ်လက်စတိကို ဆက်လုပ်လိုက်ပါအုံးမေ။ နောက်နိန့်မှ ဆက်ရွီးပီးပါမေ။

သတိတရ

အကိုကြီး
(အေစာကို ရွီးဗြီးလို့ နောက် ၃ နာရီ အကြာမှာ နောက်ဆုံး အမှတ်ကို ဖြတ်လားခရေ ကျွန်တော့် ပါပါ စိုက်လားခရေ
ဘဝမှတ်တိုင်အတွက် ကျွန်တော် အမြဲတမ်း ဂုဏ်ယူပါရေ။)

ညီချေသို့ ပီးစာ (၄)

သို့
ညီချေ

အကိုကြီး တနား အားနိန်စွာနန့် ညီချေအတွက် နောက်ထပ် စာတစောင် ထပ်ရွီးပီးလိုက်ပါရေ။ အေတခါလည်း

စိတ်ပိုင်းဆိုင်ရာ အခြေခံပြုပြင်ပြောင်းလဲသင့်စွာတိအတွက် ရည်ရွယ်ထားစွာရာ ဖြစ်ပါရေ။ အေဟင့်တိ ဗြီးမှ
အောင်မြင်ဖို့အတွက် ဇာအချက်အလက်တိကို ထည့်သွင်းတပ်ဆင်ကတ်ရဖို့လဲဆိုစွာကို ထပ်ဆွေးနွေးကတ်ပါမေ။

အေတခါ ပညာရေး,ဆိုစွာကို သုံးသပ်ပြပါမေ။

ပညာရေး (Education) ဆိုရေ ဝေါဟာရစွာ Latin ဝေါဟာရ Educere က ဆင်းသက်လာပနာ Bring up၊
မြင့်တက်ဇီဖို့,လို့ အဓိပ္ပါယ်ရပါရေ။ ပညာရေး အဓိက ဦးတည်ချက်ထဲမှာ ပိုကောင်းရေ လူ့ဘဝအဆင့်အတန်းကို
အချိန်တတိုနန့် ရလာဇီဖို့အတွက်,ဆိုစွာရေ အရေးအကြီးဆုံး အချက် ဖြစ်ပါရေ။ တိုင်းပြည်တိုင်းမှာ လူအများစုကို
ဝင်ငွေ ပိုကောင်းလာအောင် အဓိက လုပ်ဆောင်ပီးနိုင်စွာက ပညာရေးရာ ဖြစ်ပါရေ။

ဇာဖြစ်လို့ ပညာသင်သင့်လဲ။ ဥပမာ - လူတယောက် အနှစ် ၆၀ ဖြစ်သန်းခရေ ဘဝတလျှောက်လုံး အတွိအကြုံတိကို

စာနန့် ရွီးချလိုက်ကေ စာမျက်နှာ ၂၀၀ လောက်ရှိရေ စာအုပ်တအုပ်စာလောက်ရာ ရှိကောင်း ရှိနိန်ပါလိမ့်မေ။
စာဖတ်တေ လူတယောက်က ယင်းစာအုပ်ကို ၂ နာရီလောက်နန့် တထိုင်တည်း ဖတ်ပနာ နှစ် ၆၀ အတွိအကြုံကို ၂
နာရီတည်းနန့် လှုပ်ရှားစရာ တခုလည်း မလိုဘဲ ရလားနိုင်လို့ပါ။ ကဗာ့ စဉ်းစားတွေးခေါ်ဥာဏ် အကောင်းဆုံး
လူသားထဲမှာ အပါအဝင်ဖြစ်တေ အောလ်ဘာ့တ် အိန်စတိန်း ၁၅ နှစ်လောက် စဉ်းစားထားရေ ရူပဗေဒ သီအိုရီ
တခုကို စာနန့် ရွီးချလိုက်တေခါ စာကြောင်း ၅ ကြောင်းလောက်ရာ ရှိပါရေ။ ယင်းချင့်ကို စာဖတ်ရေ လူက နာရီပိုင်း
အတွင်းမှာ ဖတ်ပနာ ယင်းအတွေးအခေါ်ကို ရလားနိုင်ပါရေ။ အေချင့်စွာ စာဖတ်ခြင်း အနှစ်သာရ ဖြစ်ပနာ၊
ကျောင်းပညာသင်ရေဆိုစွာ ယင်းပိုင် စာအုပ်စာတန်းတိ အများကြီးကို တစုတဝေးတည်းနန့် တနိန်ရာတည်းမှာ
သင်နိုင်စွာကို ပြောစွာရာဖြစ်ပါရေ။ ယင်းအတွက်နန့် လူငယ်တယောက် တိုးတက်ဖို့အတွက် ကျောင်းမှာ
ပြဌာန်းထားရေ စာအုပ်တိစွာ ကကောင်း အရေးကြီးပါရေ။

ပညာမှာလည်း အကြောင်းအရာပိုင်းဆိုင်ရာ အသိဥာဏ် ဗဟုသုတတိကို ဖွံ့ဖြိုးအောင် သင်ပီးရေ ဝိဇ္ဇာပညာ နန့်

လက်တွိလုပ်ရပ်တိကို တတ်သိလာအောင် သင်ပီးရေ သိပ္ပံပညာဆိုဗြီးကေ နှစ်မျိုး ရှိပါရေ။ နိုင်ငံတနိုင်ငံ
ဖွံ့ဖြိုးတိုးတက်ဖို့အတွက် အစဦးပိုင်းမှာ လက်တွိအသုံးချ ပညာရပ်တိကို တတ်သိထားရေ ပညာရှင်တိကို ပို
လိုအပ်လေ့ ရှိပါရေ။

ပညာဆိုစွာ ဂုဏ်ပြိုင်ဖို့၊ မောက်မာဖို့အတွက် မဟုတ်ပါ။ ဝင်ငွေ ပိုကောင်းပနာ၊ လူနိန်မှုဘဝ မြင့်မားဖို့အတွက်ရာ

ဖြစ်ပါရေ။ လူများတိ အတွေးအခေါ်လုပ်ရပ်ကို ဖတ်မှတ်ပနာ ပုံတူကူးချထားရေ ကိုယ့်ပညာလောက်နန့်
ဂုဏ်ပြိုင်မောက်မာနိန်ဖို့ မသင့်ပါ။ တဖက်မှာလည်း လက်ရှိ ကဗာမှာ ပညာရပ်ခွဲပေါင်း သိန်းသန်းချီ ရှိနိန်ပါရေ။
ယင်းအထဲက ဆီးပညာရပ်ကို ကျွမ်းကျင်ရေ ဆရာဝန် တယောက်စွာ စိုက်ပျိုးရေးပညာကို
လယ်သမားတယောက်လောက် မကျွမ်းကျင်နိုင်ပါ။ ဆောက်လုပ်ရေးအတတ်ပညာကို ကျွမ်းကျင်နှံ့စပ်တေ
အိန်ဂျင်နီယာ တယောက်ကလည်း၊ တံငါသယ်တယောက်လောက် ငါးဖမ်းဖို့ အတတ်ပညာကို မကျွမ်းကျင်နိုင်ပါ။
ယင်းအတွက်နန့် ပညာရပ်တခုကို ကျွမ်းကျင်နှံ့စပ်ရုံနန့် အကြောင်းအရာတိုင်းကို လူတိုင်းထက် ပိုသိရေ,ဆိုရေ
စိတ်ကြီးဝင်မှုကို ဖျောက်ဖျက်လို့ လိုအပ်ရေပိုင် ပညာတတ်ဆိုပနာ ယင်းလူ ပြောသမျှ အကြောင်းအရာတိုင်းကို
အဟုတ်ထင်နိန်တတ်ကေ အကျင့်ဆိုးကိုလည်း ဖြေဖျောက်လားဖို့ လိုပါရေ။ လူတိုင်းမှာ ကိုယ့်ကျွမ်းကျင်မှုပညာနန့်
ကိုယ်စီ ရှိကတ်ပနာ၊ ကိုယ်တတ်တေ ပညာနန့် ကျန်ရေ လူ တတ်တေ ပညာကို နှိုင်းချိန်စရာလည်း မလိုပါ။
နောက်တခုက ကိုယ့်ပညာနန့် မသက်ဆိုင်ရေ အကြောင်းအရာကို မလေ့လာ မဆည်းပူးမိဘဲ၊
တတ်သိနားလည်ရေပိုင် စိတ်ကူးသတ်သတ်နန့် အရေးကြီးရေ အချိန်အခါမျိုးမှာ မပြောမိဖို့ ကကောင်း
အရေးကြီးပါရေ။ အထူးသဖြင့် တိုင်းပြည်အတွက် ဆုံးဖြတ်ချက် ချတေ နိန်ရာမျိုးမှာ ရာထူးဂုဏ်ရှိန်ကို အထင်ကြီးပနာ
မှားယွင်းရေ ဆုံးဖြတ်ချက်တိကို ချမှတ်တတ်လို့ပါ။

ပညာရာထူး အားကိုးနန့် အခွင့်အရေးယူရေ အကျင့် (prioritism) နန့် မျက်နှာသာပီးရေ အကျင့် (favoritism) ကို
ဖျောက်ဖျက်ပနာ ယောက်ျား၊ မ,မ၊ အသက်အရွယ်၊ ဘာသာ၊ လူမျိုး မခြွဲ ခားဘဲ လူတိုင်းကို တန်းတူညီမျှ မြင်တတ်တေ
အကျင့် (equalism) ကို လက်ရှိ ရခိုင်ပြည်မှာ ကျင့်သုံးလားကတ်ဖို့ အရေးကြီးပါရေ။ အဗြီးမှရာ တယောက်ကို
တယောက် လေးစားသမှုနန့် အပြုသဘောဆောင်ပနာ အနှစ်သာရ ပြည့်ဝရေ ရခိုင်လူ့ဘောင်ကို
တည်ဆောက်နိုင်ပါဖို့။
ယင်းအတွက်နန့် ဝင်ငွေ ရှာရေအချိန်မှာ ထိုပညာနန့် ရှာမှ၊ အေပညာနန့် ရှာမှ,ဆိုရေ ခွဲခြားမှု မလိုရေပိုင်၊ ထိုပညာ
ပိုကောင်းရေ၊ ဒေပညာ ပိုကောင်းရေ,ဆိုစွာလည်း မရှိနိုင်ပါ။ ဝင်ငွေ ပိုကောင်းဖို့အတွက် ကိုယ် စိတ်ဝင်စားပနာ
တတ်ကျွမ်းရေပညာရပ်ကိုကျွမ်းကျင်နှံ့စပ်ဖို့ရာပိုအရေးကြီးပါရေ။
ရခိုင်လူမျိုးတိ မတိုးတက်စွာ ဘောင်ခတ်ခံထားရလို့ မဟုတ်ပါ။ ဘောင်ကို ကျော်ပနာ မတွေးတော၊ မကြံဆလို့ရာ
ဖြစ်ပါရေ။ တွေးတောကြံဆစွာကို ဘောင်ခတ်ထားလို့ မရနိုင်,ဆိုစွာကို သတိမူပါ၊ ညီချေ။

အကိုကြီး နောက်နိန့် ဆက်ဆွေးနွေး ပီးပါမေ။

သတိတရ

အကိုကြီး

ညီချေသို့ ပီးစာ (၅)

သို့

ညီချေ

ဦးနှောက်နန့် ခန္ဓာကိုယ် မအားလပ်ဇီချင်လို့ ညီချေအတွက် အကိုကြီး နောက် စာတစောင် ထပ်ရွီးထည့်လိုက်ပါရေ။

ရှိက ရွီးခရေ စိတ်ဓါတ် ပြုပြင်ပြောင်းလဲရေး စာတိလည်း မနည်းပါဗျာလ်။ ညီချေလည်း ညှိမ်းနိန်လောက်ဗျာလ်
ထင်ပါယင့်။ ယင့်အတွက်နန့် အေတခါ ဘဝမှာ တိုးတက်အောင်မြင်အောင် ထည့်သွင်းစဉ်းစားရဖို့ အချက်တချက်ကို
ပြောပြပါမေ။

သာယာအီးချမ်းရေ ဘဝတခုကို ပိုင်ဆိုင်ဖို့ ဇာလိုအပ်လဲ,လို့ မိန်းလာကေ ညီချေ စိတ်ကူးထဲက အဖြေတခုကို

ဖြေမိပါလိမ့်မေ။ တယောက်နန့် တယောက် ထပ်တူကျဖို့တော့ခါ မလွယ်ရေ အတွက်နန့် အကိုကြီး အဖြေနန့်လည်း
ကွဲလွဲနိန်ပါလိမ့်မေ။ အကိုကြီးကတော့ခါ “ပုံမှန်ဝင်ငွေ” စွာ သာယာအီးချမ်းရေ ဘဝတခုကို တည်ဆောက်ဖို့
အရေးအကြီးဆုံးလို့ ထင်ပါရေ။

အူး၊ ယင်းပိုင်ဆိုကေ ညီချေမှာ လက်ရှိ အလုပ်အကိုင်နန့် လတိုင်း ပုံမှန်လစာ ရနိန်ရေဝါ။ ယကေလည်း

သာယာအီးချမ်းမှုက မရှိပါကာ အကိုကြီး,လို့ စောဒက တက်မိပါလိမ့်မေ။ ဟုတ်ပါရေ၊ ညီချေ။ ညီချေ အဂု ရနိန်စွာက
ပုံမှန်ဝင်ငွေ မဟုတ်ပါ။ ပုံမှန်လစာရာ ဖြစ်ပါရေ။ အလုပ် လုပ်မှရာ ဝင်ငွေ ရှိပနာ၊ အလုပ် မလုပ်စွာနန့် ဝင်ငွေ မရှိစွာကို
ပုံမှန်ဝင်ငွေလို့ မခေါ်ပါ။ ပုံမှန်ဝင်ငွေဆိုစွာ အလုပ်,မလုပ်ကေလည်း ပုံမှန်ဝင်နိန်ရေ ဖေ့သာမျိုးကို ပြောစွာပါ။ ယာ၊
အလုပ် မလုပ်ဘဲနန့်လဲ ဖေ့သာ ရနိုင်လာ,လို့ ညီချေ ထင်ပါလိမ့်မေ။ ဟုတ်ပါရေ။ ရနိုင်ပါရေ။ အေချင့်ကို
ဖေ့သာစီမံခန့်ခွဲမှု (financial management) လို့ ခေါ်ပါရေ။

အလုပ်ရှိနိန်ပနာ၊ လစာကောင်းနိန်စွာနန့်ပင် မြိုင်းမနိန်ပါကဲ့။ ငါ့ဘဝ လုံခြုံ၊ စိတ်ချရဗျာလ်လို့ စိတ်ကြီး ဝင်မနိန်ပါကဲ့၊

ညီချေ။ လုပ်ခလစာစွာ ဘဝမှာ အခြေခံ လိုအပ်ချက်လောက်ကိုရာ ဖြည့်ဆည်းပီးနိုင်ပါရေ။ ဘဝမှာ အလုပ်ကို
ကြိုးစားလုပ်တိုင်း၊ အချိန် အများကြီး အလုပ်,လုပ်တိုင်း မအောင်မြင်နိုင်ပါ။ တွေးတောကြံဆ လုပ်ကိုင်မှရာ
အောင်မြင်မှုကို ရနိုင်ပါရေ။ ယင်းအတွက်နန့် ကိုယ့်မှာ ဝင်လာရေ ဖေ့သာကို ဇာပိုင် တိုးပွားအောင် လုပ်ဖို့လဲ,ဆိုစွာကို
အမြဲတမ်း တွေးတောကြံဆ၊ ဖတ်မှတ် လေ့လာနိန်ရပါဖို့။ ချမ်းသာဖို့အတွက် ဝင်ငွေစွာ အဓိက မကျပါ။
စုဆောင်းတတ်မှုနန့် တိုးပွားအောင် လုပ်တတ်မှုကရာ အခရာ ပိုကျပါရေ။ နောက်တခုက ဖေ့သာဆိုစွာ
သိမ်းထားဖို့စွာမျိုး မဟုတ်ပါ။ ဆင့်ပွားတိုးတက်နိန်အောင် လုပ်နိန်ရပါဖို့။ ယင်းအတွက်နန့် အလုပ်,လုပ်လို့၊ ဝင်ငွေ
တရပ် ရနိန်ရေပိုင်၊ ကိုယ့်ပိုင်ဆိုင်မှုကလည်း ဝင်ငွေတရပ်ကို ဖန်တီးနိန်ရပါဖို့။ ကိုယ့်ပိုင်ဆိုင်မှုက သူမျှ(၀)ဝင်ငွေ
ဖြစ်နိန်ဖို့အစား၊ တပြားနှစ်ပြား တိုးနိန်စွာကလည်း ကိုယ့်ပိုင်ဆိုင်မှုကို ဆင့်ကဲတိုးပွားနိန်ရေဆိုစွာ သတိထားပါ၊ ညီချေ။
အလုပ် လုပ်သည်ဖြစ်စေ၊ မလုပ်သည်ဖြစ်စေ ဝင်နိန်ရေ ဖေ့သာမျိုးကိုရာ ပုံမှန်ဝင်ငွေ,လို့ ခေါ်ပါရေ။ တချိန်ချိန်မှာ
ယင်းပုံမှန်ဝင်ငွေရာ ကိုယ့် လုပ်ခလစာ ဝင်ငွေလောက်ကို ဝင်လာဗျာလ်ဆိုကေ၊ အလုပ်သမား ဘဝက ညီချေ
ကျွတ်လွတ်နိုင်ပါဗျာလ်။ ယင်းထက် ပိုအရေးကြီးစွာက စားချင်ချိန် စား၊ လားချင်ချိန် လား၊ အိပ်ချင်ပိုင် အိပ်၊ နိန်ချင်ပိုင်
နိန်နိုင်ရေ အပူအပင် ကင်းမဲ့ရေ ဘဝတခုကို ညီချေ ရနိုင်ပါဗျာလ်။ ဘဝမှာ အလုပ်ချင်ဆုံး အလုပ်တိကိုလည်း ညီချေ
အပူအပင် ကကင်းနန့် လုပ်နိုင်ပါဗျာလ်။

ယင်းအတွက်နန့် ပုံမှန်ဝင်ငွေ တခုကို ဇာပိုင် တည်ဆောက်ရဖို့လဲ,ဆိုစွာကို အမြဲတမ်း ဖတ်မှတ်လေ့လာ၊ ကြံဆလို့

နိန်ပါ၊ ညီချေ။ တိုက်ခန်း ဝယ်ပနာ အိမ်ငှား တင်ထားဖို့လား။ ဆိုင်ခန်း ဝယ်ပနာ ငှားစားထားဖို့လား။ ဆိုင်ခန်းတခန်း
ဝယ်ပနာ မန်နေဂျာ တယောက်နန့် ရောင်းခိုင်းထားဖို့လား။ မန်နိန်ဂျာ တယောက်နန့် စပါးပေါရေခါ
ကောက်ဝယ်ခိုင်းပနာ၊ ဈီးတက်တေခါ ထုတ်ရောင်းခိုင်းဖို့လား၊ အစရှိရေပိုင် ပုံမှန်ဝင်ငွေ တည်ဆောက်နည်း
နည်းလမ်းပေါင်း သိန်းသန်းကုဋ္ဋေ ရှိနိုင်ပါရေ။

နိုင်ငံခြားသားတိ အလုပ်အများဆုံးက အစုရှယ်ယာ ဝယ်ရေ အလုပ်ပါ။ ဥပမာ- ဒေါ်လာ ၂ သန်းတန်ရေ

ကုမ္ပဏီတခုက အစုရှယ်ယာ တခုကို ၁ ဒေါ်လာနန့် အစုရှယ်ယာပေါင်း ၂ သန်း ထုတ်ရောင်းကေ၊ အောင်မြင်နိုင်ဖို့
အခွင့်အလမ်းကို မြင်ရေ လူတိက အစုရှယ်ယာကို လိုက်ဝယ်ထားကတ်ပါရေ။ ၅ နှစ်ကြာလို့ ဒေါ်လာ ၂ သန်းတန်
ကုမ္ပဏီစွာ ဒေါ်လာ ၁၀ သန်းတန် ကုမ္ပဏီ ဖြစ်လားကေ၊ ၁ ဒေါ်လာ အစုရှယ်ယာစွာ ၅ ဒေါ်လာ ဖြစ်လားပါရေ။
ကိုယ့်ပိုင်ဆိုင်မှုစွာ ၅ နှစ်မှာ ၅ ဆ တိုးပွားလားပါရေ။ အစုရှယ်ယာတိကိုလည်း ရှုံးဖို့၊ မြတ်ဖို့ အနိန်အထားကို
ကြည့်ပနာ အမြဲတမ်း အရောင်းအဝယ် လုပ်နိုင်ပါရေ။ လူအများကြီးက ပိုင်ဆိုင်ထားရေ ကုမ္ပဏီ
ဖြစ်တေအတွက်နန့်လည်း ကုမ္ပဏီ မပြိုကွဲအောင် အစုရှယ်ယာ ဝင်ပေါင်း သိန်းသန်းမက လူတိက
ကျားကန်ပီးထားကတ်ပါရေ။ ယင်းအတွက်နန့်လည်း အေပိုင် ကုမ္ပဏီတိက မိသားစုပိုင် ကုမ္ပဏီတိကို
တဖြည်းဖြည်းနန့် လွှမ်းမိုးလာစွာ ဖြစ်ပါရေ။ အေပိုင် အများပိုင် ကုမ္ပဏီကို ကော်ပိုရေးရှန်းလို့ ခေါ်ပါရေ။
အကိုကြီးရို့ဘားက လူတိ အသိများရေ ဒေဝူးကော်ပိုးရေးရှန်းစွာ ယင်းပိုင် ကုမ္ပဏီတခုထဲမှာ ပါ,ပါရေ။ ယင်း
ကုမ္ပဏီမှာ နိုင်ငံတကာက ပင်စင်လခစားတိ အစုရှယ်ယာ အများကြီး ပါနိန်ပါရေ။ အေပိုင် ကော်ပိုးရေးရှန်းမျိုး
အကိုကြီးရို့ဘားမှာ ဇာဖြစ်လို့ မတည်ဆောက်လို့ ရနိုင်ပါဖို့လဲ။ အေအကြောင်းကို အကိုကြီး နောက်ဆွေးနွေး ပီးပါမေ။

ငါ လုပ်စွာလောက် တခုလည်း စိတ်မချရ,ဆိုရေ အတွေးစွာ စီးပွားရေးစီမံခန့်ခွဲမှုပိုင်းမှာ အောက်ဆုံး အတွေးအခေါ်မျိုး

ဖြစ်ပါရေ။ ဥပမာ - တလ တသိန်းတန် ဝင်ငွေ ရှိရေ အလုပ် တခုကို ကိုယ်,ကိုယ်တိုင် လုပ်နိန်ရေ အတွက်နန့်
ကိုယ့်ဝင်ငွေစွာ တလ တသိန်းရာ ရှိပနာ၊ ကိုယ်လည်း တလ ၁ သိန်းတန် ဖြစ်နိန်ပါရေ။ ယင်းပိုင် လုပ်ဖို့အစား
ကိုယ့်ထက် ယင်းလုပ်ငန်းမျိုးမှာ ကျွမ်းကျင်ရေ မန်နေဂျာ တယောက်ကို တလ ၅ သောင်း ပီးပနာ လုပ်ခိုင်းပါ။
ကိုယ်တိုင် လုပ်စွာလောက် စိတ်တိုင်း မကျကေလည်း ပြဿနာ မရှိပါ။ ကိုယ်,ကိုယ်တိုင် လုပ်စရာ မလိုရေ
အတွက်နန့် ယင်းပိုင် မန်နေဂျာမျိုး ၁၀ ယောက်လောက် ငှားပနာ၊ အလုပ် ၁၀ ခု လုပ်ခိုင်းကေ တလဝင်ငွေ ၅
သိန်းထိ တိုးလာနိုင်ပါရေ။ အကိုကြီး အယင် လုပ်ခရေ တလကို ဒေါ်လာ တသန်း အမြတ် ရနိန်ရေ ကုမ္ပဏီ ပိုင်ရှင်က၊
၅ နှစ်အတွင်းမှာ ပထမဆုံးအကြိမ် ကုမ္ပဏီကို ရောက်လာပနာ မင်းရို့ ဇာပိုင် အလုပ်မျိုး လုပ်နိန်ကတ်စွာလဲလို့
တအံ့တသြနန့် မိန်းလားခဖူးပါရေ၊ ညီချေ။ တလကို ဒေါ်လာ ၁ သန်း ဝင်နိန်ရေ ကိုယ့်ဖေ့သာတောင်
ဇာပိုင်အလုပ်မျိုးက ရနိန်လေ,ဆိုစွာ သဌေးက မသိပါ။ ဇာအတွက် ယင်းလူတိ ချမ်းသာလဲ,ဆိုစွာ ညီချေ
သဘောပေါက်ပါလိမ့်မေ။ အကိုကြီး ပြောနိန်စွာလည်း ကြာနိန်ပါဗျာလ်။

နောက်ဆုံး ပြောချင်စွာက လက်ထဲက ဖေ့သာကို စနစ်တကျ စီမံခန့်ခွဲပါ။ လိုချင်စွာထက်၊ လိုအပ်တေ နိန်ရာတိမှာရာ

ဖေ့သာကို သုံးပါ။ ဖေ့သာကို အတတ်နိုင်ဆုံး နောက်အကျဆုံး အချိန်ထိ ဆွဲထားပြီးမှ သုံးပါ။ ဖေ့သာကို အမြဲတမ်း
တိုးပွားအောင် တွေးတောကြံဆနိန်ပနာ၊ ပုံမှန်ဝင်ငွေ တခုကို ချက်ချင်းတည်ဆောက်ပါ၊ ညီချေ။ အရွယ် ၃ ပါး,ဆိုစွာ
၂၀ ရာစုကပင် နိဂုံးချုပ်လားပါဗျာလ်။ လုပ်စရာ ရှိစွာကို အဂု စ,လုပ်ပါ။ ကိုယ့်စွာကိုယ် ဘောင်ခတ် မထားပါကဲ့။

နောက် ဆက်ဆွေးနွေးပီးပါမေ။

သတိတရ

အကိုကြီး

ညီချေသို့ ပီးစာ (၆)

သို့

ညီချေ

အကိုကြီး အလုပ်တစိချေ များနိန်လို့ ညီချေနန့် စာ အဆက်အသွယ် ပြတ်လားပါရေ။ အယင်က အကိုကြီး

ရွီးခစွာတိမှာ ညီချေ လက်ခံနိုင်စွာတိပါ၊ လက်မခံနိုင်စွာတိပါ ရှိနိန်ပါလိမ့်မေ။ ဇာဖြစ်ဖြစ် ညီချေမှာ ကိုယ်ပိုင်
အတွေးအခေါ် ရှိရေအတွက်နန့် ကိုယ့်စွာကိုယ် ချင့်ချိန်သုံးသပ်ပြီးမှရာ လက်ခံပါ။

ဘဝမှာ အောင်မြင်မှု၊ ကျရှုံးမှုတိစွာ ကိုယ်ပိုင် ဆုံးဖြတ်ချက်တိ(Self-Determinations)ကရာ ဖြစ်ထွန်းလာပါရေ။ ယင်း

ဆုံးဖြတ်ချက်တိကိုလည်း အခြေအနေ အရပ်ရပ်ကို သုံးသပ်ပနာ ကိုယ့်စွာကို ယုံကြည်ချက်(Self-esteem)နန့်
ခန့်မှန်း(Guess)တတ်ကတ်ပါရေ။ ယင်းအတွက်နန့် Guess လုပ်စွာနန့် ပတ်သတ်တေ နမူနာချေ တခုကို ပြောပြပါမေ။
အယင်တပတ်က လူ ၄၀ ရှိရေ သင်တန်းတခုကို တက်ဖြစ်ပါရေ။ ယင်းသင်တန်းမှာ ဆရာက Guess လုပ်စွာနန့်
ပတ်သတ်လို့ သူ့အသက်ကို ခန့်မှန်းခိုင်းပါရေ။ သင်တန်းသား ၂၀ ကို တယောက်ချင်းစီ လိုက်မိန်းပါရေ။ လူတိုင်းစွာ
ကိုယ့်စွာကို ယုံကြည်ချက် အပြည့်နန့် ဆရာအသက်ကို ခန့်မှန်းကတ်တေ နိန်ရာမှာ ၃ ယောက်က ၄၂ နှစ်၊ ၅
ယောက်က ၄၃ နှစ်၊ ၃ ယောက်က ၄၄ နှစ်၊ ၄ ယောက်က ၄၅ နှစ်၊ ၂ ယောက်က ၄၆ နှစ်၊ ၂ ယောက်က ၄၇ နှစ် နန့်
နောက်ဆုံး ၁ ယောက်က ၄၉ နှစ်လို့ ဖြေကတ်ပါရေ။ အငယ်ဆုံး အသက်က ၄၂ နှစ်နန့် အကြီးဆုံး အသက်က ၄၉
နှစ်၊ ကွာခြားချက်က ၄၉ - ၄၂ = ၇ နှစ် ရှိပါရေ။ (အောက်က ဇယားမှာ ကြည့်ပါ။)

အရေးကြီးစွာက ကိုယ့်စွာကိုယ် ယုံကြည်မှု အပြည့်ရှိရေ လူတိ ခန့်မှန်းချက် မတူကတ်စွာပါ။ ဆရာက အယောက် ၂၀

ခန့်မှန်းထားရေ အဖြေ အားလုံး မှားနိန်ရေလို့ ပြောပါရေ။ အပြီးကေ ယင်း ပထမ ခန့်မှန်းချက် အခု ၂၀ ကို ဇယား
Guess A လို့ သတ်မှတ်ပနာ၊ ဇယား Guess B ကို ဆွဲဗျာလ် တနားက လူတိကို နောက်တခါ ခန့်မှန်းခိုင်းပါရေ။

အေတခါ ခန့်မှန်းစွာမှာ အထောက်အကူ ဖြစ်အောင် ဆရာက အရိပ်အမွက်တခုကို ပီးပါရေ။ “ကျွန်တော် အေနိုင်ငံမှာ

တက္ကသိုလ် မတက်ခရပါ။ အမေရိကားမှာ လားတက်ခပါရေ။ ကျွန်တော့် အိမ်ရှင်မက အမေရီကန် နိုင်ငံသူပါ။ အဂု
အချိန်မှာ ကျွန်တော့် သားက အသက် ၃၀ ရှိနိန်ပနာ၊ အေနိုင်ငံက ပိုလီကျောင်းတကျောင်းမှာ ဆရာ
ဝင်လုပ်နိန်ပါရေ။” လို့ ပြောပါရေ။ ဆရာ ပြောလိုက်တေ အရိပ်အမွက်ကို ကြားရစွာနန့် တနားက ခန့်မှန်းခရေ
လူတိစွာ သင်္ချာနည်းနန့် ထပ်ဆင့် ဖြည့်စွက်တွက်ချက်ကတ်ပနာ တခါ အသက်ကို ခန့်မှန်းကတ်ပါရေ။

ပထမဆုံး ၄၂ နှစ်,နှစ်လို့ ပြောခရေ လူက၊ ၅၄ နှစ်လို့ ပြောလာပါရေ။ ပထမ ခန့်မှန်းချက်နန့် ဒုတိယ ခန့်မှန်းချက်စွာ
အသက် ၁၂ နှစ် ကွာလားပါရေ။ အေဟင့်ကို ကြည့်ပနာ ကျွန်တော်ရို့ ခန့်မှန်းချက်တိစွာ ဘလောက်ထိ
လွှဲချော်နိုင်ရေ,ဆိုစွာကို သတိထားသင့်ပါရေ။ ယင်းပိုင်နန့် လူ ၄ ယောက်က ၅၂ နှစ်၊ ၁ ယောက်က ၅၃ နှစ်၊ ၆
ယောက်က ၅၄ နှစ်၊ ၅ ယောက်က ၅၅ ယောက်၊ ၂ ယောက်က ၅၆ နှစ်၊ ၁ ယောက်က ၅၇ နှစ်နန့် နောက်ဆုံး ၁
ယောက်က ၅၉ နှစ်လို့ ဖြေကတ်ပါရေ။ အေတခါ အသက် အငယ်ဆုံး ၅၂ နှစ်နန့် အကြီးဆုံး ၅၉ နှစ် ရှိပနာ
ကွာခြားချက်က ၅၉ - ၅၂ = ၇ နှစ် ရှိနိန်ပြန်ပါရေ။

ဆရာက ပြောပါရေ။ မမှန်သိမ့်ပါလတ်။ အေတခါ ဇယား Guess C ကို ဆွဲပနာ ပထမဆုံး သင်တန်းသားကို တခါ
ခန့်မှန်းခိုင်းပါရေ။ ပထမ သင်တန်းသားက ဇယား Guess B မှာ မပါခရေ၊ ဖြစ်နိုင်ခြေ အရှိဆုံး အသက် တခုကို
ပြောလိုက်ပါရေ။ ၅၈ နှစ်ပါလတ်။ ဆရာက ဇယား Guess C ကိုလည်း ကြက်ခြီခတ်လိုက်ပါရေ။

နောက်တခါ ဇယား Guess D ကို ထပ်ဖြည့်ပနာ နောက် တယောက်ကို ဖြေဖို့ ပြောပါရေ။ အေတခါ ဖြေရေ လူက
ဇယား Guess A၊ ဇယား Guess B နန့် ဇယား Guess C မှာ မပါရေ အဖြစ်နိုင်ဆုံး အသက်ကို ပြောလိုက်ပါရေ။
အသက် ၆၀ ပါ။

ဆရာက ပြုံးပနာ လုံးဝ မှားပါရေလတ်။ အခန်းထဲမှာ ကိုယ့်စွာကိုယ် အတော်ဆုံးလို့ အထင် ရှိနိန်ကတ်တေ လူ

အယောက် ၂၀ က၊ လူ တယောက် အသက်ကို အကြိမ်ပေါင်း ၄၂ ကြိမ် ခန့်မှန်းကတ်စွာ တောင် အဖြေမှန်ကို မရနိုင်ပါ။
အဂု ဆရာ အသက်က ၅၀ ပါ။ အိမ်ရှင်မနန့် အထက်တန်း ကျောင်းမှာကပင် တွိခကတ်စွာလို့ ပြောပါရေ။

အဲ အကိုကြီး အဓိက ပြောချင်စွာက လူတိုင်းစွာ ကိုယ့်စွာကိုယ် အတော်ဆုံး၊ အမှန်ဆုံးလို့ ထင်မှတ်တတ်ကတ်ပါရေ။

အထက်က သာဓကကို ကြည့်ပနာ အတော်ဆုံးလို့ အထင်ရှိနိန်ကတ်တေ လူ ၂၀ က၊ လူတယောက် အသက်ကို ၄၂
ခါ ခန့်မှန်းစွာတောင် မမှန်နိုင်ခကေ၊ ကိုယ်တယောက်တည်း ဆုံးဖြတ်ချက်တိစွာ အမှန်တရားနန့် ဘလောက်
လွှဲချော်နိုင်လဲ,ဆိုစွာကို အသိပီးချင်စွာပါ။ မအောင်မြင်မှု၊ ကျရှုံးမှုတိစွာ ကိုယ့် ဆုံးဖြတ်ချက်တိ လွှဲချော်မှုက
ပေါက်ဖွားလာစွာရာ ဖြစ်ပါရေ၊ ညီချေ။ အပြင်လူ တယောက်ကိုလည်း အပြစ် မတင်ပါကဲ့။
ယင်းအတွက်နန့် ညီချေ ဆုံးဖြတ်ချက်တိ မှန်ကန်အောင် နိန့်စိုင်နိန့်တိုင်း တွိမြင်ရသမျှ Knowledge တိကို Absorb ပါ။
ကိုယ့် Skill ကို Develop လုပ်ပနာ ကိုယ့် Ability ကို အမြင့်ဆုံး မြှင့်တင်လားပါ၊ ညီချေ။

အကိုကြီး ပြောနိန်စွာ ကြာလားပါဗျာလ်။ နောက်ဆက်ရွီးပီးပါမေ။

သတိတရ

အကိုကြီး
 ညီချေသို့ ပီးစာ (၇)

သို့

ညီချေ

အကိုကြီး မုန်တိုင်း ကယ်ဆယ်ရေးအတွက် အလုပ်များလားစွာနန့် စာအဆက်အသွယ်တောင် အင်တန်

ပြတ်လားပါရေ။ အဂုလည်း အကိုကြီး အငြိမ် မနိန်နိုင်လို့ စာတစောင် ထပ်ရွီးလိုက်ပါရေ။

အကိုကြီးရို့ ရခိုင်လူမျိုး ဖွံ့ဖြိုးတိုးတက်ဖို့အတွက် စိတ်ဓါတ်ပြုပြင်ရေးကို ဦးတည်ပနာ နောက်ထပ်ဆွေးနွေးပီးပါမေ။

အမှားအမှန်ကို ညီချေ ကိုယ်တိုင် ချင့်ချိန် သုံးသပ်ပြီးမှ လက်ခံပါ။

အကိုကြီးရို့ ဇာကို ကြည့်ကြည့် အသိတခုတည်းနန့်ရာ ကြည့်တတ်ကတ်ပါရေ။ ယင်းပိုင် ကြည့်တတ်အောင်လည်း

အမြဲတမ်း သွန်သင်ဆုံးမစွာကို ခံနိန်ရပါရေ။ ယင်းပိုင် နိန်သားကျနိန်ရေ တဖက်မြင် အကြည့်ကြောင့်ပင်လည်း
အကိုကြီးရို့ လူနိန်မှု ဘဝကို မွဲပြာကျလားဇီပါရေ။

ဥပမာ အနိန်နန့် အကိုကြီးရို့အတွက် သည်းခံနိုင်မှု မရှိဆုံး၊ ကိုယ်ပိုင် သုံးသပ်မှု အနည်းဆုံး ဘာသာရေး ရှုဒေါင့်က
ကြည့်ကတ်တေ အကြည့်တချက် နှစ်ချက်ကို အယင် တင်ပြပီးပါမေ။

အတွေးအခေါ်ပညာရှင်တိ ဗုဒ္ဓဘာသာကို လက်မခံကတ်စွာ အချက်တိထဲက အဓိက အချက် ၂ ချက်ကို

တင်ပြပီးပါမေ။ နံပတ် ၁ အချက်က ဗုဒ္ဓမြတ်စွာဘုရား ကျင့်ခရေ ကျင့်စဉ်ကြောင့်လို့ ပြောပါရေ။ ယင်းကျင့်စဉ်တိထဲက
ဘုရားလောင်း ဝေသန္တရာမင်းကြီး လုပ်ရပ်စွာ ဗုဒ္ဓဘာသာဝင်တိအတွက် အလွန့်အလွန် မြင့်မြတ်တေ စွန့်လွှတ်မှု
တခုလို့ မြင်နိန်ကတ်ကေလည်း၊ လူမှုဗေဒပညာရှင်တိ လူမှုရေး ရှုဒေါင့်က ကြည့်ဖို့ဆိုကေ ဝေသန္တရာမင်းကြီး
လုပ်ရပ်စွာ ကကောင်း အော့နှလုံး နာဖို့ ကောင်းရေ လူကျင့်ဝတ် ချိုးဖောက်မှု ဖြစ်နိန်ပါရေ။ ကိုယ့်သားသမီး အရင်း
ခေါက်ခေါက်ကို လူဘားမှာ ကျွန်ခံခိုင်း၊ ကိုယ့် မယားကိုတောင် လူများကို အပ်လိုက်တေ လုပ်ရပ်မျိုးကို လုပ်ဝံ့ရေ
လူတယောက်ကို လူမှု နယ်ပယ်မှာ ဇာပိုင် မြင်ကတ်ပါဖို့လဲ။ ကိုယ့် ယောက်ဖက ယင်းပိုင် လုပ်ရပ်မျိုးကို လုပ်နိန်ကေ၊
ကိုယ့် လင်ယောက်ျားက ကိုယ့်ကို ယင်းပိုင် ဆက်ဆံခကေ ဇာပိုင် ခံစားရပါဖို့လဲ။ ယင်းပိုင် လူမျိုးကို ညီချေ မြင်ခကေ
ဇာပိုင် လူမျိုးလို့ ပြောပါဖို့လဲ။ ညီချေကိုယ်တိုင်ရာ ဆုံးဖြတ်လီပါ။ ယင်းအတွက်နန့် ဘာသာရေး ရှုဒေါင့်နန့် လူမှုရေး
ရှုဒေါင့် ကွာခြားစွာကို ညီချေ သတိထားမိဖို့ လိုပါရေ။

နောက် နံပါတ် ၂ အချက်က ဗုဒ္ဓဘာသာစွာ တွိကြုံ ရသမျှကို ဒုက္ခလို့ သမုတ်ပနာ၊ ပျော်ရွင်စရာ,လို့ တခါလည်း
အသိအမှတ် မပြုရေ မကောင်းမြင်ဘာသာ လို့ ပြောကတ်ပါရေ။ ဘာသာရေး အမြင်နန့် စိတ်ငြိမ်းချမ်းသာမှုအတွက်
လောဘကို သတ်ပနာ ဘဝကို ရောင့်ရဲတတ်အောင် ဒုက္ခလို့ ရှုမြင်တတ်အောင် သွန်သင်မှုပီးနိုင်ကေလည်း၊ စီးပွားရေး
အမြင်နန့် ကြည့်ကေ လောကမှာ အရင်းအနှီး မပြုဘဲ အလကား ရနိုင်စွာ တခုလည်း မရှိပါ။ ကိုယ် မယူကေ ကျန်ရေ
လူတိ ယူလားဖို့စွာ သေချာပါရေ။ ဟုတ်မဟုတ်ကို ရခိုင်ပြည်သားတိ လက်ရှိ အခြေအနေကို လေ့လာကြည့်ပနာ
သိနိုင်ပါရေ။ ရောင့်ရဲတတ်တေ ရခိုင်ပြည်က ထွက်ကုန်တိကို မရောင့်ရဲတတ်တေ နိုင်ငံခြားသားတိ ယူငင်နိန်လို့
ရခိုင်သားတိမှာ ကိုယ်ပိုင်ပစ္စည်းကိုတောင် မသုံးစွဲနိုင်ရေ ဘဝကို လက်တွိခံစားနိန်ကတ်ရပါရေ။ ယင်းပိုင်ဗျာလ်
လူမှုဘဝမှာ ပျော်ရွင်စရာ မရှိရေ ဘဝဆိုစွာ လူဖြစ်ရကျိုး ရှုံးရေ ဘဝ,ဆိုစွာ ကို ရခိုင်ပြည်နန့် ဝီးနိန်ကတ်တေ
ရခိုင်သားတိုင်း ခံစားကြည့်လို့ ရပါရေ။ ယင်းအတွက်နန့် အေအချက်မှာလည်း ဘာသာရေး ရှုဒေါင့်၊ စီးပွားရေး ရှုဒေါင့်
နန့် လူမှုရေး ရှုဒေါင့် ကွာခြားနိန်စွာကို ညီချေ သတိထားပနာ ဆင်ခြင်တတ်ဖို့ အရေးကြီးပါရေ။
အဲ အကိုကြီး အဓိက ပြောချင်စွာက ဇာကို ကြည့်ကြည့် အသိတခုတည်းနန့် ခြုံမကြည့်ကတ်ပါကဲ့။ ခြုံ
မပြောကတ်ပါကဲ့။ စီးပွားရေး လုပ်တေ အချိန်မှာ စီးပွားရေး အတွေး တွေးပါ။ လူမှုရေး လုပ်တေ အချိန်မှာ လူမှုရေး
အတွေး တွေးပါ။ ဘာသာရေး လုပ်တေ အချိန်မှာ ဘာသာရေး အတွေး တွေးပါ။ ရှုဒေါင့်မျိုးစုံက ကြည့်တတ်တေ
အကျင့်ကို ရခိုင်သားတိ ကျင့်သုံးတတ်ဖို့ လိုအပ်ပါရေ။ အားလုံးကို ရောထွီးပနာ အမြင်တခုတည်းနန့်
ကြည့်နိန်ကတ်ဖို့ဆိုကေ အကိုကြီးရို့ ရခိုင်လူမျိုး လူနိန်မှုဘဝ အေထက်မက ဆင်းရဲတွင်းနက်ဖို့သိမ့်လို့ အကိုကြီး
မြင်ယောင်ပနာ အားမလိုအားမရနန့် ရွီးလိုက်ပါယင့်။ နောက် ဆက်ရွီးပီးပါမေ။

သတိတရ

အကိုကြီး

စကချပ်။ ။အကိုကြီး ကိုယ်တိုင် ကံ၊ ကံဧ။် အကျိုးကိ

ုး လက်ခံရေ ဗုဒ္ဓဘာသာဝင် တယောက် ဖြစ်ကေလည်း၊ ကိုယအတ္တ
့်အတ္တ
လောကုတ္တရာ နိဗ္ဗာန်လမ်းကြောင်းကို ရောက်ဖို့စွာထက် ပရ တာဝန်ကို ထမ်းပိုးနိုင်ရေ တာဝန်သိ လောကီလူသား
တယောက်အဖြစ် ပီပီသသ နိန်ထိုင်နိုင်ခကေ အေဘဝ လူဖြစ်ရစွာကို ဆယ်ခါမက ကျေနပ်မိပါယင့်။

ညီချေသို့ ပီးစာ (၈)

သို့

ညီချေ

အကိုကြီး သတိတရနန့် စာတစောင် ရွီးလိုက်ပါရေ။ ညီချေတယောက် အစစအရာရာ အဆင်ပြေပါဇီလို့ အကိုကြီး

ဆုတောင်းပီးပါယင့်။

အကိုကြီး အယင်ထည့်လိုက်တေ စာတိကို ညီချေ ဖတ်ပြီးဗျာလ်လို့ ထင်ပါရေ။ သဘောထား တိုက်ဆိုင်ချင်မှ

တိုက်ဆိုင်ပါဖို့။ အကိုကြီးက လူတယောက် (ဝါ) လူမျိုးတမျိုး တိုးတက်ဖို့အတွက် ရိုးရာဘာသာထုံးတမ်းစဉ်လာ
ပိတ်ပင်မှုတိနန့် နှောင့်နှေး၊ လမ်းလွှဲ မလားဇီဘဲ အဓိက လိုရင်းပန်းတိုင်ကို ဆိုက်ဆိုက်မြိုက်မြိုက် ရောက်စီဖို့အတွက်
ဆွေးနွေးတင်ပြပီးစွာပါ။ ဆင်ခြင်သုံးသပ်ပြီးမှရာ ညီချေ လက်ခံပါ။

အကိုကြီးရို့ လူမျိုးတိ လက်ရှိ အခြေအနေကို လေ့လာသုံးသပ်ကြည့်တိုင်း ရီမြီသဘာဝ ပထဝီဝင်အနိန်အထားအရ

ကကောင်း ချမ်းသာသင့်ရေ လူမျိုးတမျိုး ဖြစ်သင့်ကေလည်း လက်ရှိ အခြေအနေမှာ အကိုကြီးရို့
ဆွေမျိုးသားချင်းတိစွာ ကဗာ့အဆင်းရဲ အမွဲတေဆုံး စာရင်းမှာ ထိပ်ဆုံးနိန်ရာကို ရောက်နိန်ပနာ ပုံမှန်
လူသားတယောက် ရခသင့်ရေ စည်းစိမ်ချမ်းသာတိကိုတောင် မတို့ထိ မစံစားခရပါ။ ပထဝီဝင် အနိန်အထားအရ
ဆင်းရဲကတ်တေ အာဖရိကလူမျိုးတိ ဘဝအခြေအနေကို နားလည်ခံစားနိုင်ကေလည်း၊ ရွှေဘုံထက်မှာ ထိုင်ပနာ
ကုန်းကောက်စရာ မရှိ မွဲတေနိန်ရေ အကိုကြီးရို့ ဆွေမျိုးသားချင်းတိ အဖြစ်ကို မြင်တိုင်း ကကောင်းကြီး ယူကျုံးမရ
ဝမ်းနည်းမိပါရေ။

အေပိုင် ဇာအတွက် ဖြစ်နိန်ရလဲ။ ရှင်းပါရေ။ ခံယူထားရေ အယူအဆ မှားယွင်းနိန်လို့ ဖြစ်ပါရေ။ တိုးတက်အောင်

လုပ်တေဆိုစွာ မရှိစွာကို ရှိအောင် လုပ်စွာရာ ဖြစ်ပါရေ။ ယင်းအတွက်နန့် အေနိန့်က စပနာ ရှိစွာကို မရှိအောင်
လုပ်တေ အယူအဆအားလုံးကို လုံးဝ ဝေးသတ်ပလိုက်ကတ်ပါမေ။ ယင်းအတွက်နန့် အကိုကြီးရို့ ဘဝအခြေခံ
လမ်းညွှန်ကိုလည်း ပြောင်းလဲလားကတ်ပါမေ။
အသက် ၁ နှစ် က ၂၃ နှစ်ထိ

ကြိုးစားဖို့ အခွင့်အရေး ပီးလာရေ အချိန်မှာ အမြင့်ဆုံး ပန်းတိုင်ကို ဦးတည်ပနာ ကြိုးစားပါ။ ပညာရေးဆိုစွာ

ဘဝတိုးတက်မှုအတွက် မရှိမဖြစ် လိုအပ်တေ တဇာပလာတိကို စုပေါင်းထားရေ နိန်ရာပါ။ ယူနိုင်သမျှကို ကိုယ့်ဘဝ
လွယ်အိတ်ထဲ ကောက်ထည့်လားဖို့ မမိပါကဲ့။ တဇာပလာ အများကြီး ရှိလီ၊ ဘဝကို ရင်ဆိုင်ရရေခါ လွယ်ကူလီ
ဖြစ်တေဆိုစွာကို သတိရပါ။ ကိုယ် စိတ်အဝင်စားဆုံး ဘာသာရပ်နန့် အသက်မွီးဖို့ ကြိုးစားပါ။ ရှိသမျှ စွမ်းအားကို
အစွမ်းကုန် ထုတ်သုံးပါ။ ကိုယ်ခန္ဓာ ကျန်းမာသန်စွမ်းမှ မှန်ကန်ရေ အတွေးကို ချမှတ်နိုင်ရေ အတွက်
ကျန်းမာရေးအတွက် လေ့ကျင့်ခန်းတခုကို ပုံမှန် လုပ်ပါ။ လုပ်သမျှကို နှစ်ဦးနှစ်ဖက် အကျိုးရှိပနာ အကောင်းဆုံး
ဖြစ်အောင် လုပ်တတ်တေ အကျင့်ကို အမြဲတမ်း မွီးလားပါ။ လဲနိန်ရေ လူကို ဆွဲထူပီးတတ်တေ လက်နှစ်ဖက် ပိုင်ရှင်
ဖြစ်အောင် လေ့ကျင့်ပါ။

အသက် ၂၃ နှစ် က ၃၅ နှစ်ထိ

အတွိအကြုံကို အများဆုံး ယူပါ။ ဘက်ပေါင်းစုံက သုံးသပ်တတ်တေ အလေ့အထကို မွီးမြူပါ။ လက်ရှိ အလုပ်ကို

အကောင်းဆုံး လုပ်ပနာ အောင်မြင်မှုကို အမြဲတမ်း ပန်ဆင်ထားပါ။ ပိုကောင်းရေ ဝင်ငွေကို မျက်ခြည်မပြတ်
ကြည့်ပနာ၊ လုပ်အပ်တေပိုင် အပြောင်းအလဲ လုပ်ပါ။ မိဖ လိုအပ်ချက်ကို မျက်ခြည်မပြတ် ကြည့်တတ်ပနာ
ဖြည့်ဆည်းတတ်ပါဇီ။ စိတ်သဘောထား တူရေ အိမ်ထောင်ဖက်ကို ရှာပါ။ ရာနှုန်းပြည့် မတူနိုင်ကေလည်း အဓိက
သဘောထားအမြင်တိ တူနိုင်ပါဇီ။ ကျွဲတဖက်၊ နွားတဖက် ဖိနပ်စီးရေခါ ရရေ အရှက်မျိုးကို တသက်လုံး မရဇီချင်ကေ
ဆင်တူ အိမ်ထောင်ဖက်ကို လက်တွဲပါ။ အိမ်ထောင်ကို ဝန်ထုတ်ဝန်ပိုးလို့ မမြင်မိဇီဖို့နန့် ဝင်ငွေ ပိုတိုးဇီဖို့
နှစ်ယောက်လုံး ကိုယ့်ခြီထောက်မှာ ရပ်တည်နိုင်ရေ လူတိ ဖြစ်အောင် လုပ်ပါ။ ပြင်ပေါ်ရီထက် အနှစ်သာရ ရှိရေ
အိမ်ထောင်ရေးကို တည်ဆောက်ပါ။ ကိုယ့်ဖက်က တာဝန်ကို လုံးဝ မလှစ်ဟင်းဇီပါကဲ့။ ကိုယ့် တဘဝလုံး
အဖော်မွန်အတွက် အကြင်နာဆုံး နွီးထွီးမှုကို ထာဝရ ဖြည့်ဆည်းပီးပါ။ ကိုယ် အနိန်ချင်ဆုံး နိန်ရာမှာ ခြံတခြံ ဝယ်ဖို့
ပြင်ဆင်ပါ။

၃၅ နှစ် က ၆၅ နှစ်ထိ

ကိုယ် လိုချင်ရေ ပုံစံကို သားသမီးကို ပုံသွင်းတတ်တေ အတ္တကြီးမိဖမျိုး လုံးဝ မဖြစ်ဇီပါကဲ့။ သားသမီး ဖြစ်ချင်ရေ
လမ်းကြောင်းထက်ကို ရောက်အောင် ပို့ပီးနိုင်ရေ ဂုဏ်ယူစရာ မိဖမျိုးဖြစ်ပနာ၊ သားသမီး လေးစားမှုကို ရယူပါ။
လုပ်နိုင်ရေ စွမ်းအား ကန့်သတ်မှုနန့် ရာနှုန်းပြည့် အကျိုးခံစားခွင့် မရှိရေ လခစား အလုပ်သမား ဘဝကနိန်
စွမ်းအားပြည့် လုပ်နိုင်ပနာ၊ လုပ်နိုင်သမျှ အကျိုး ခံစားနိုင်ရေ ကိုယ်ပိုင် စီးပွားရေး လုပ်ငန်းဖက်ကို ခြီဦးလှည့်ပါ။ ပုံမှန်
ဝင်ငွေ တခုကို အဓိက တည်ဆောက်ပါ။ ကိုယ့် စိတ်ကူးအတိုင်း အိမ်တအိမ် ဆောက်ပါ။ တတ်နိုင်သမျှ အကောင်းဆုံး
ကားတစီး ဝယ်စီးပါ။ အသိပညာ၊ အတတ်ပညာတိကို နှီးနှောဖလှယ်ပါ။ လိုအပ်တေ လူတိကို မျှဝီပီးပါ။
တတ်နိုင်သလောက် ကိုယ့်ပတ်ဝန်းကျင်က လိုအပ်နိန်ရေ လူတိကို မြေထောင် မြှောက်ပီးပါ။ သားသမီးတိ
ကိုယ့်လမ်းကြောင်းထက်မှာ လျှောက်လားနိန်ရေခါ ယင်းသူရို့ ခြီထောက်ကို လိုက်ဖက်ထားရေ မိဖမျိုး လုံးဝ အဖြစ်
မခံပါကဲ့။ သားသမီး အထောက်အပံ့နန့် လုံးဝ မရပ်တည်ပါကဲ့။ အမြင့်ဆုံး တက်နိန်ရေ သားသမီးတိ အစွမ်းကို
ကြည့်ပနာ ပီတိ ဖြစ်ပါ။ အမြဲတမ်း နနွီးထထွီး အားပီးနိုင်ပါဇီ။ အချိန်ရတိုင်း မိသားစု၊ မိတ်ဟောင်းဆွေဟောင်းတိနန့်
တွိဆုံပါ။ လင်မယားနှစ်ယောက် ခရီးလားရေ အလေ့အထကို လုပ်ပါ။
၆၅ နှစ် အထက်

လုပ်နိုင်သလောက် အတွိအကြုံတိကို ဝီမျှပါ။ ကဗာပတ်ပနာ အတွိအကြုံသစ်နန့် ပီတိကို ရှာပါ။ နောက်ဆုံး အချိန်ထိ

လူတယောက် လုပ်နိုင်သမျှ အလုပ်ကို အမြင့်ဆုံး လုပ်ကိုင်နိုင်ခရေ တာဝန်သိ လူသားတယောက်အဖြစ် ဘဝမှတ်တိုင်
စိုက်ပခပနာ လက်မ ထောင်လားပါ။

အထက်က အချက်တိစွာ ရခိုင်သားတိုင်း အရောက် လားရဖို့ အခြေခံ ဘဝလမ်းညွှန်မျိုး ဖြစ်သင့်ပါရေ။

လူ့လောကအတွက် တခုလည်း ဟုတ်တိပတ်တိ အကျိုးမပြုခရဘဲ တဖုတ်ဖုတ်နန့် သီလားကတ်တေ
မျိုးဆက်ဟောင်းတိ အတွေးအခေါ် အယူအဆဟောင်းတိကို ခါချပစ်ပနာ အတွေးသစ်၊ ရည်မှန်းချက်သစ်နန့်
လမ်းကြောင်းသစ်ကို လျှောက်လားကတ်ပါမေ၊ ညီချေ။

အေပိုင်ရာ ရခိုင်သားတိ စိတ်ဓါတ်ကို လုံးဝ ပြုပြင်ပြောင်းလဲလားကတ်ဖို့ဆိုကေ၊ မရှိစွာကို ရှိအောင် လုပ်နိန်ကတ်တေ

စင်္ကာပူရို့၊ ဂျပန်ရို့ပိုင် တိုးတက်မှုကို နှစ်အနည်းချေ အတွင်းမှာ ရလာပနာ လူမျိုးတိုင်း လေးစားခံရရေ လူမျိုးတမျိုး
ဖြစ်လာဖို့ မြေကြီး လက်သတ် မလွဲပါ၊ ညီချေ။

အားကေ ထပ် ဆွေးနွေးပီးပါမေ၊ ညီချေ။

သတိတရ

အကိုကြီး

ညီချေသို့ ပီးစာ (၉)

အကိုကြီး သတိတရ စာရွီးလိုက်ပါရေ၊ ညီချေ။

အေတခါ အကိုကြီး ယပြတ် ပြောနိန်ရေ "ရခိုင်သားတိ အောင်မြင်ဖို့ အရေးကြီးရေ။" ဆိုရေ စကားနန့် ပတ်သတ်လို့
၁၉၉၉ ခုနှစ်မှာ Fortune Magazine က "Manager of the Century" “ရာစုနှစ် အကောင်းဆုံး စီမံခန့်ခွဲရေးမှူး”
ဘွဲ့ကို အပီးခံရရေ ကဗာကျော် General Electric ကုမ္ပဏီကြီးက အမှုဆောင် အရာရှိချုပ်ဟောင်း Jack Welch
ပြောရေ "ဇာဖြစ်လို့ အောင်မြင်ဖို့ ကိစ္စတိဗျာလ် ပြောရလေ။" "Why winning matters." ဆိုရေ ရှင်းလင်းချက်ကို
အောက်က ဗွီဒီယိုကို ဖွင့်ပနာ နားထောင်ကြည့်ကတ်ပါမေ။

http://www.youtube.com/watch?v=DNF5E6dyrS4&feature=player_embedded#at=14

Jack Welch ပြောခရေ စကားကို အတိုချုံ့လိုက်ကေ "ငါ လုပ်သမျှစွာ အောင်မြင်ဖို့ အတွက်ရာ ဖြစ်တေ။ ငါ တခု
ပြောပါရဇီ။ မင်း လုပ်နိန်သမျှ အလုပ်တိုင်း၊ စီမံချက်တိုင်းမှာ အောင်မြင်ချင်စိတ် ရှိရဖို့။ အောင်မြင်ရေဆိုစွာ
ကောင်းစွာရာ ဖြစ်တေ။ အောင်မြင်စွာကရာ အရာရာကို ကောင်းအောင် လုပ်နိုင်ရေ။ ဇာဖြစ်လို့ အောင်မြင်စွာက
အရာရာကို ကောင်းအောင် လုပ်နိုင်ရေလို့ ပြောရလေဆိုကေ၊ အောင်မြင်ရေ လူတိကရာ အကျိုးအမြတ်ကို
ပြန်မျှဝီနိုင်ရေ။ အောင်မြင်ရေ လူတိကရာ စိတ်ကူးတိကို အကောင်အထည် ပေါ်အောင် လုပ်နိုင်ရေ။ အောင်မြင်ရေ
လူတိကရာ လူတိကို အလုပ်ခန့်နိုင်ရေ။ အောင်မြင်ရေ လူတိကရာ အခမဲ့ အကူအညီတိကို ပီးနိုင်ရေ။ ရှုံးနိမ့်ရေဆိုစွာ
အတိဒုက္ခ ကျရောက်စွာနန့် အလားတူရေ။ လူတိုင်းစွာ ကျရှုံးနိုင်ရေ။ အောင်မြင်ရေ လူတိကရာ အစိုးရအတွက်
အမြတ်ခွန်တိ ပီးဆောင်နိုင်ရေ။ အစိုးရ ထောက်ပံ့နိုင်စွာဆိုလို့ တခုလည်း မရှိ။ အစိုးရက အမြတ်ခွန်တိကိုရာ
စနစ်တကျ ကောက်ခံပနာ ရလာရေ ဖေ့သာတိနန့် တိုင်းသူပြည်သားတိအတွက် တရားစီရင်ရေး၊ လုံခြုံရေး အစရှိရေ
လိုအပ်ချက်တိကို လုပ်ဆောင်ပီးရေ။ ယင်းဖေ့သာတိ အားလုံးစွာ အောင်မြင်ရေ လူတိနန့် ယင်းလူတိ ပိုင်ဆိုင်ရေ
ကုမ္ပဏီ ဝန်ထမ်းတိဘားက ကောက်ခံထားရေ အမြတ်ခွန်တိရာ ဖြစ်တေ။ ယင်းအတွက်နန့် မင်း လုပ်ဆောင်သမျှစွာ
အောင်မြင်ဖို့ အရေးကြီးရေ။ မင်း အောင်မြင်ရေဆိုစွာ မင်း ပတ်ဝန်းကျင် အသိုင်းအဝိုင်း တခုလုံး အောင်မြင်စွာ
ဖြစ်တေ။ မင်း ရှုံးရေဆိုကေ မင်း ပတ်ဝန်းကျင် အသိုင်းအဝိုင်းလည်း မင်းဘားက တခုလည်း မရနိုင်။ ယင်းအတွက်နန့်
လူလို့ ဖြစ်လာစွာနန့် လူသားတယောက် အဓိက တာဝန်သိတတ်ရဖို့စွာက ကိုယ့်စွာကိုယ် အောင်မြင်အောင်
လုပ်ရဖို့စွာ ဖြစ်တေ။ မင်း အောင်မြင်မှရာ မင်းပတ်ဝန်းကျင် အသိုင်းအဝိုင်း တိုးတက်ဖို့အတွက် ကူညီနိုင်ဖို့။ မင်း
အောင်မြင်မှရာ လူတိ အသက်အိုးအိမ်၊ တရားဥပဒေကို ကာကွယ်ဖို့ အစိုးရကို ဖေ့သာ ထောက်ပံ့နိုင်ဖို့။ မင်း
အောင်မြင်မှရာ အလုပ်သစ်တိကို ဖန်တီး ပီးနိုင်ဖို့၊ လူ့ အသိုင်းအဝိုင်းတိ လိုအပ်ချက်ကို ဖြည့်ဆည်းပီးနိုင်ဖို့။
အောင်မြင်ရေ ဘဝတိကို ဖန်တီးပီးနိုင်ဖို့။ ကျန်းမာ သန်စွမ်းရေ လူ့အသိုင်းအဝိုင်း ဖြစ်ဖို့ လိုအပ်တေ
အရည်အသွေးပြည့် အစားအသောက် အသုံးအဆောင်တိကို အောင်မြင်ရေ ကုမ္ပဏီတိကရာ ထုတ်လုပ်နိုင်ရေ။
အစိုးရက ထုတ်လုပ်ပီးစွာ မဟုတ်။ အစိုးရက အောင်မြင်ရေ လူတိ ထောက်ပံ့မှုနန့် ထိန်းသိမ်းပီးနိုင်စွာရာ ရှိရေ။” လို့
အဓိပ္ပါယ် ရရေ။

Jack Welch ပြောရေ စကား မှန်လာ၊ မမှန်လာ,ဆိုစွာကို လက်ရှိ အကိုကြီးရို့ လူမှုဝန်းကျင်ကို ကြည့်ပနာ သိနိုင်ရေ။
ရခိုင်လူမျိုးတိစွာ အမျိုးကို ကကောင်း ချစ်ကတ်ကေလည်း ကိုယ့်စွာကိုယ် အောင်မြင်အောင် လုပ်ဖို့ သတိ
မရခကတ်လို့ ကိုယ့်လူမျိုး ဆင်းရဲမွဲတေ အတိဒုက္ခရောက်နိန်ကတ်ရစွာကို အေအတိုင်း လက်ပိုက်
ကြည့်နိန်ကတ်ရရေ။

အေနိန်ရာမှာ အနောက်နိုင်ငံသားတိနန့် အကိုကြီးရို့ အဓိက ကွာခြားချက် တခုက ရှိနိန်ရေ။ အနောက်နိုင်ငံသားတိက

နိန့်တိုင်း ကြုံတွိနိန်ရသမျှ တခုတည်းကိုရာ အာရုံ စူးစိုက်ပနာ ကောင်းသထက် ကောင်းအောင်၊ မြင့်သထက်
မြင့်အောင် လက်တွိ စီမံ ကြိုးပမ်းနိန်ကတ်တေ အချိန်မှာ အကိုကြီးရို့ လူတိကတော့ခါ တခုလည်း မမြင်ရရေ ရှိကို
ကောင်းလာဖို့လို့ မှန်းဆပနာ တခုလည်း မလုပ်မကိုင်ဘဲ စဉ်းစားတွေးခေါ် ငြင်းခုံနိန်ကတ်ယင့်။

ဘဝဆိုစွာ အဂု အချိန်ရာ ဖြစ်တေ။ ၂၄ နာရီ ရှိရေ နိန့်ရက်တိုင်းစွာ တခုပိုင်လည်း မပြောင်းလဲနိုင်။ ပြောင်းလဲနိန်စွာက
ဆင့်ကဲ ဖြစ်ပေါ်နိန်ရေ အကြောင်းအရာတိရာ ဖြစ်တေ။ ယင်းအကြောင်းအရာတိကို ကိုယ်ကရာ လိုအပ်ရေပိုင်
ပြောင်းလဲပီးလားရဖို့။ ထိုင်ကြည့်နိန်လို့ ပြောင်းလဲလာစရာ အကြောင်းမရှိ။ အဂု အချိန်မှာ ကိုယ် လိုချင်ရေပိုင်
ပြောင်းလဲအောင် မလုပ်နိုင်ကေ နောက်လာဖို့ အချိန်မှာလည်း ကိုယ်လိုချင်ရေပိုင် ပြောင်းလဲလာနိုင်စရာ အကြောင်း
မရှိ။ ယင်းအတွက်နန့် အကိုကြီး အဓိက ပြောချင်စွာက "ရခိုင်သားမှန်ကေ လုပ်တေ အလုပ်တိုင်းမှာ အောင်မြင်အောင်
လုပ်ရဖို့။" အောင်မြင်ရေ ရခိုင်သားတိ များလာမှရာ ဂေါင်းမော့လာရေ ရခိုင်ပြည်ကြီးကိုလည်း ပြန်မြင်ရဖို့။

အကိုကြီး နောက်ဆက်ရွီးပီးပါမေ။

သတိတရ

အကိုကြီး
 ညီချေသို့ ပီးစာ (၁၀)
၁၀)

ညီချေ၊ အကိုကြီး ထည့်လိုက်တေ စာတိလည်း အဂုဆိုကေ ၁၀ စောင်တောင် ရှိလားပါဗျာလ်။ ညီချေနန့် အကိုကြီး

သဘောထား အမြင် မတူစွာချေတိ ရှိကောင်း ရှိနိန်ပါလိမ့်မေ။ အကိုကြီး တွေးရေ အတွေးမျိုးကို ညီချေ လက်ခံရဖို့လို့
အကိုကြီး မဆိုလိုပါ။ လွှမ်းမိုးမှုကင်းရေ ရှုဒေါင့် တနိန်ရာက အကိုကြီး ကြည့်ရေခါ မြင်ရေ အမြင်တိကို တင်ပြစွာရာ
ဖြစ်ပါရေ။ ညီချေ ကိုယ်တိုင် စဉ်းစားဆုံးဖြတ်ပြီးမှရာ လက်ခံပါ။
အေတခါ အယင် အကိုကြီး ပြောခဖူးရေ အကြောင်းအရာတခုကို ထပ်ဆင့် ဆွေးနွေးပီးပါမေ။
အဂုအချိန်မှာ ရခိုင်သားတိ အယင်ကထက် အလုပ်ကို ပိုလုပ်လာကတ်ပါရေ။ နိုင်ငံရပ်ခြားကို စွန့်စားပနာ
ရခိုင်သားတိနန့် ဒန်းတူ ရခိုင်သမတိပါ အလုပ် လုပ်လာကတ်ပါရေ။ အလုပ် လုပ်တိုင်းမှာ အရေးအကြီးဆုံးက ရလဒ်
ဖြစ်ပါရေ။ အလုပ်ကို အချိန် ကြကြာနန့် ပပင်ပပန်း လုပ်တိုင်း ရလဒ်ကောင်း မရနိုင်ပါ။
လိမ္မာပါးနပ်ပနာ လုပ်ကိုင်တတ်မှရာ ရလဒ်ကောင်း ရပါရေ။ ယင်းအတွက်နန့် ရခိုင်သားတိုင်း လိမ္မာပါးနပ်ပနာ အလုပ်
လုပ်ကိုင်တတ်အောင် လေ့ကျင့်သုံးသပ်လားဖို့ လိုပါရေ။
ခန့်မှန်းခြေ ရခိုင်သား၊ ရခိုင်သမ ၂ သိန်းလောက် နိုင်ငံခြားမှာ အလုပ် လုပ်လို့ ရှိဂတ်ပါရေ။ ပျမ်းမျှ ရခိုင်သား
တယောက်စီ တလကို ဒင်္ဂါး ၁ သိန်း(US$ 100)ဇီ ပြည်တွင်းက ကိုယ့် မိသားစုကို ပို့ကတ်ဖို့ဆိုကေ၊ ပြည်တွင်းက
ရခိုင်သားတိဘားကို တလ ဝင်ရေ ဖေ့သာ ပမာဏစွာ သိန်း ၂ သိန်း (၀ါ) သန်း ၂ သောင်း (၀ါ) US$ 20,000,000
(ဝါ) US$ 20 millions ရှိနိန်ပါဖို့။ ပြည်တွင်းမှာ အလုပ် လုပ်နိန်ကတ်တေ ရခိုင်သားတိ အရေအတွက်က ၁၀ ဆ မက
ပိုများပနာ၊ ဝင်ငွေ ပမာဏ စုစုပေါင်းကလည်း အေထက် ၃ ဆ မက ပို များပါဖို့။ ယလောက် ရခိုင်သားတိ အလုပ်
လုပ်ပနာ ကိုယ့်မိသားစုကို ဖေ့သာ ထောက်ပံ့နိန်ကတ်ကေလည်း ရခိုင်ပြည်စွာ ထင်သလောက် မတိုးတက်လာပါ။
ယင်းဖေ့သာတိ ဇာကို ရောက်လားပါလေ။
ဟုတ်ပါရေ။ ရခိုင်သားတိ အတိုင်းအတာနန့် ဖေ့သာ အများကြီး ဝင်နိန်ကတ်တေ မိသားစုတိ
ရခိုင်ပြည်မှာ မနိန်ကတ်လို့၊ ယင်း ဖေ့သာတိ ရခိုင်ပြည်ထဲကို မရောက်လာပါ။ ရခိုင်သားတိ သွီးချွေးနန့် ဘဝ ရင်းပနာ
လုပ်ထားရေ ဖေ့သာတိ ရခိုင်သားတိ လက်ထဲကို မရောက်လာပါ။
ဖေ့သာဆိုစွာ တယောက် လက်က တယောက် လက်ကို စီးဆင်းတတ်ပါရေ။ မိုးသောက် အိပ်ယာက
ထစွာနန့် လဖက်ရည်သောက်၊ ဆိုက္ကားစီး၊ ကားစီး၊ ဈီးဝယ်၊ ထမင်းချက်၊ တီဗွီကြည့် အားလုံးစွာ ဖေ့သာနန့်
လည်ပတ်နိန်ရေ နိန့်တဓူဝ ကိစ္စတိပါ။ ယင်းအတွက်နန့် ဝင်လာသမျှ ဖေသာတိစွာလည်း ကိုယ်
နိန်ထိုင်ရေ နိန်ရာမှာရာ ရပ်တည်ဖို့ ကြိုးစားယင်း ပြန် ကုန်လားပါရေ။ ရခိုင်ပြည်မှာ မနိန်ရေ မိသားစုတိ အသုံးစရိတ်
အားလုံးစွာ ရခိုင်လူမျိုးတိ လက်ထဲကို စီးဆင်း မလာဘဲ၊ ယင်းသူရို့ လက်ရှိ နိန်ထိုင်ရေ နိန်ရာကိုရာ စီးဆင်းလားပနာ၊
ယင်း ဒေသတိကိုရာ ထပ်ဆင့် တိုးတက်ဖွံ့ဖြိုးအောင် လုပ်လားပါရေ။
မိုးသောက် အိပ်ယာက ထစွာနန့် ရခိုင်သားရောင်းရေ လဖက်ရည်ကို သောက်၊ ရခိုင်သား နင်းရေ ဆိုက္ကားကို စီး၊
ကားကို စီး၊ ရခိုင်သား၊ ရခိုင်သမ ရောင်းရေ ငါး၊ ဟင်း၊ ဆန်၊ ဆီ၊ ထင်းကို ဝယ်၊ လျှပ်စစ်မီတာကို သုံးကတ်ဖို့ဆိုကေ
ကိုယ့် ဝင်ငွေတိလည်း အလွှာပေါင်းစုံက ကိုယ့် ရခိုင်လူမျိုးတိ လက်ထဲကိုရာ
စီးဆင်းလားပနာ ဆင်းရဲဒုက္ခတွင်းနက်ထဲက ကိုယ့် အမျိုးသားတိကို လက်ဆွဲတင်ပီးလားနိုင်ပါဖို့။
အေပိုင် တခုလည်း အပို လုပ်စရာ မလိုဘဲ နိန့်တဓူဝ နိန်ထိုင်ကျင့်ကြံစွာကိုက လက်တွိကျရေ အမျိုးသားရေး
ထိန်းသိမ်းစောင့်ရှောက်မြှင့်တင်ပီးစွာ ဖြစ်နိန်ပါရေ။ အေအတွေးမျိုးကို ရခိုင်သားတိုင်း အမျိုးသားရေး
အသိစိတ်ဓါတ်နန့် ကျင့်ကြံလားဖို့ လိုပါရေ။
နောက်ထပ် တဆင့် တိုးပနာ နိုင်ငံခြားက ရလာရေ အတွိအကြုံ၊ အသိပညာ၊ အတတ်ပညာတိနန့် ကိုယ့်ဒေသမှာ
စီးပွားရေးလုပ်ငန်းတိ အခြေချ လုပ်ကိုင်လာကတ်ဖို့ဆိုကေ ငိုက်စိုက်ကျနိန်ရေ ရခိုင်ပြည်ကြီး
ခေါင်းမော့၊ပြန်ထလာဖို့စွာက မြေကြီးလက်ခတ်မလွှဲပါ၊ ညီချေ။
ယင်းအတွက်နန့် နိုင်ငံတကာရောက် ရခိုင်သားတိ၊ ရခိုင်သမတိကို အကိုကြီးက “ရခိုင်သားမှန်ကေ ရခိုင်ပြည်မှာ
ခြံတကွက် ပိုင်နိုင်အောင် အယင်ဆုံး လုပ်ကတ်ပါ။” “ရခိုင်ပြည်မှာ ပြန်အနိန်ချဖို့ ကြိုးစားကတ်ပါ။” လို့ အကြံပီး
တိုက်တွန်းချင်ပါယင့်။

ကိုယ် ပပင်ပပန်းနန့် ဘဝရင်းပနာ လုပ်လို့ ရလာရေ ဖေ့သာတိကို ကိုယ် ချစ်တေ ကိုယ့်လူမျိုးတိ လက်ထဲကို
အများဆုံး စီးဆင်းဇီပနာ ကိုယ့်လူမျိုးတိ တိုးတက်ဖွံ့ဖြိုးရေးကို လက်တွိအကောင်အထည်ဖော် တည်ဆောက်ပီးပါ၊
ညီချေ။
လူလို့ ဖြစ်လာကေ ကိုယ် ဖြစ်သန်းရရေ ဘဝဖြစ်စဉ်ကို ကျကျေနနပ် နိန်ထိုင်လားတတ်ဖို့ အရေးကြီးရေပိုင်၊ ကိုယ်
ရင်းခရသမျှကိုလည်း အနှစ်သာရ ပြည့်ဝရေ ရလဒ်ကောင်းတိနန့် လဲလှယ်လားတတ်ဖို့ လိုပါရေ။
အကိုကြီး နောက် ဆွေးနွေးပီးပါမေ။

သတိတရ
အကိုကြီး

မှတ်ချက်။ ။ ရခိုင်ပြည်မှာ ဒေါ်လာ ၅၀၊ ၁၀၀ နန့် ရနိုင်ရေ မြီကွက်တိ အဂုထိ ပိုင်ရှင်
ရခိုင်သားတိကို စောင့်မျှော်နိန်တုန်းပါ။

ညီချေသို့ ပီးစာ (၁၁)

၁၁)

သို့

ညီချေ

အကိုကြီး အလုပ်တိ ပိနိန်စွာနန့် စာအဆက်အသွယ်တောင် ကကောင်း ပြတ်လားပါဗျာလ်။ ဇာဖြစ်ဖြစ်

ညီချေတယောက် အစစအရာရာ အဆင်ပြေရေ ကြားရလို့ အကိုကြီး ဝမ်းသာပါရေ။ အေတခါလည်း အကိုကြီး
ပြောချင်၊ မှာချင်စွာတိကို ထပ်ပြောပါမေ။

အကိုကြီး အဘိဓာန်ထဲမှာ “ဒုက္ခ” ဆိုရေ စကလုံးကို လုံးဝ မထည့်ထားပါ။ လူလို့ ဖြစ်လာကေ လူတယောက်အတွက်
ဖြစ်နိုင်ခြေရှိစွာ အခြေအနေတိ အားလုံး အကိုကြီးရို့ဘားကိုလည်း ဖြစ်နိုင်ရေဆိုစွာကို လက်ခံထားရပါဖို့။ ယင်းချင့်ကို
တွေးပူကြောက်နိန်လို့ မရပါ။ “ကိုယ် လိုချင်စွာအတွက် ပီးဆပ်ရဖို့စွာ” ကို “ဒုက္ခ” လို့ မြင်ပနာ တခုလည်း
မလုပ်မကိုင်ဘဲ တွေးကြောက်နိန်ဖို့ဆိုကေ တခုလည်း လက်တွိ မလုပ်ဖြစ်ဘဲ ဘဝမှာ လိုချင်စွာတိ တခုလည်း ရလီဖို့
မဟုတ်ပါ။ ယင်းအတွက်နန့် အချိန် ကန့်သတ်ထားရေ ဘဝမှာ လူဖြစ်ရကျိုးလည်း နပ်လီဖို့ မဟုတ်ပါ။

လူလို့ ဖြစ်လာကေ လူ့ဘဝမှာ ရသင့်ရထိုက်စွာ အားလုံးကို ရနိုင်အောင် ကြိုးစားရပါဖို့။ အမြင့်ဆုံး ရည်မှန်းချက်ကို

ထားရပါဖို့။ ကိုယ်လိုချင်စွာတိကို လက်တွိ ဖြစ်လာအောင် လုပ်ရပါဖို့။ တခုလည်း လက်တွိ မလုပ်ကိုင်ဘဲနန့်
“ကိုယ့်စိတ်ကို ဖြေသိမ့်ယူရေ အတွေးအခေါ်မျိုး၊ အလုပ်အကိုင်မျိုး” ကို အကိုကြီး လက်မခံပါ။ အေပိုင်
ဖြေသိမ့်နိန်ကတ်လို့လည်း အကိုကြီးရို့ လူမျိုးတိစွာ ဝိရိယ စိုက်ထုတ်သင့်သလောက် မစိုက်ထုတ်ကတ်ဘဲ
အလိုက်သင့် မျှောနိန်ကတ်လို့ ဆင်းရဲတွင်း နက်နိန်ကတ်စွာရာ ဖြစ်တေလို့ အကိုကြီး မြင်ပါရေ။

ဘဝမှာ အရင်း မစိုက်ထုတ်ဘဲ တခုလည်း အလကား မရနိုင်ပါ။ ထီ မထိုးဘဲနန့် ထီ ပေါက်ဖို့ မမျှော်လင့်ပါကဲ့။ တပြား
ရင်းပြီးကေ တရာ မြတ်ချင်စွာမျိုး မတွေးပါကဲ့။ အချောင် ယူချင်ရေ ဆိုစွာ စိတ်ဓါတ်ညံ့ဖျင်းရေ လူတိအတွက်ရာ
ဖြစ်ပါရေ။ ယင်း စီးကြောင်းထဲမှာ ကိုယ် မျှော မပါရအောင် သတိထားပါ။ ကိုယ် ပိုင်ဆိုင်ထားစွာတိ အားလုံးစွာ ကိုယ့်
အင်အား စိုက်ထုတ်မှုကရာ ရလာစွာမျိုး ဖြစ်ပါဇီ။ ကိုယ် မျိုချနိန်ရေ ထမင်းလုပ်တိုင်းမှာ လူများ မျက်ရည်ပေါက်တိ
မပါပါဇီကဲ့။ သန့်ပြန့်ရေ လုပ်ရပ်နန့် အသက်ရှင်ပနာ လူ ဖြစ်ရကျိုး နပ်ပါဇီ။

လူချင်း အတူတူ သူ့ထက် ကိုယ်သာရေ၊ ကိုယ့်ထက် သူသာရေ ဆိုစွာမျိုး မရှိပါ။ အားလုံး တန်းတူရာ ဖြစ်ပါရေ။ ငါက
ဇာဖြစ်တေ၊ ယင်းသူက ဇာဖြစ်တေ ဆိုရေ အတွေးမျိုးတိစွာ ကိုယ့်စွာကို ဖန်တီး ယူဆနိန်ကတ်စွာတိရာ ဖြစ်ပါရေ။
ယင်းအတွေးမျိုးတိ ရှိနိန်လို့လည်း တကဗာလုံး ပေါလောရိုက်ပနာ ဆူပူနိန်ကတ်စွာ ဖြစ်ပါရေ။ လူများကို ဖိနပ်ဖို့
ကြိုးစားရေ လူမျိုးအတွက်၊ လူများဘားမှာ ပြန် ဖိနှိပ်ခံရစွာက မထူးဆန်းပါ။ ယင်းအတွက်နန့် ရခိုင်သားတိမှာ
စစ်တွေသား၊ ရမ်းဗြဲသား၊ ကျောက်ဖြူသား၊ မာန်အောင်သား၊ တောင်ပိုင်းသား၊ မြောက်ပိုင်းသား၊ ခမွီး၊ ချောင်းသား
ဆိုစွာမျိုး မရှိသင့်ပါ။ ကုလား လူမျိုးကိုတောင် တန်းတူရွယ်တူ ဆက်ဆံရပါဖို့။ နိုင်ငံသား ဖြစ်ပိုင်ခွင့်၊
မဖြစ်ပိုင်ခွင့်ဆိုစွာက နိုင်ငံမှာ ပြဌာန်းထားရေ အခြေခံ ဥပဒေနန့်ရာ ဆိုင်ပါရေ။ လူမှုဆက်ဆံရေးနန့် တခုလည်း
မသက်ဆိုင်ပါ။ လူတိုင်း မျှတရေ စိတ်နန့် ကိုယ်စွမ်းကိုယ်စ စိုက်ထုတ်ပနာ ပြိုင်ရပါဖို့။ ကောက်ကျစ်ရေဆိုစွာက
ရင်ဘောင်တန်း မပြိုင်ဝံ့ရေ ကိုယ့် ညံ့ဖျင်းမှုကို ပြနိန်ပနာ၊ ယင်းလှည့်ဖျားမှုကလည်း တဖက်လူ မရိပ်မိခင် တနားချေ
အထိရာ ခံပါရေ။ ကိုယ်တွေးရေ အတွေးမျိုးကို လူတိုင်း တွေးနိုင်ရေ ဆိုစွာ သိထားရပါဖို့။ ကိုယ့်စွာကို ကကောင်း
ဟုတ်နိန်ဗျာလ်လို့ ထင်နိန်စွာကိုက ကိုယ့်အတွေးအခေါ် မမြင့်သိမ့်စွာကို ပြနိန်စွာ ဖြစ်ပါရေ။

လောကမှာ သီလသမာဓိ မြင့်မြတ်မှုကို အမြဲတမ်း ပိုင်ဆိုင်ထားရေ လူဆိုစွာ မရှိပါ။ သီလသမာဓိ မြင့်မြတ်မှုကို

ရအောင် အမြဲတမ်း ထိန်း(လုပ်)နိန်ရရေ လူတိရာ ရှိပါရေ။ ကိုယ်ကျင့်တရားဆိုစွာ ပိုင်ဆိုင်မှုတမျိုး မဟုတ်ပါ။
စောင့်ထိန်းနိန်ရရေ အလုပ်တမျိုးရာ ဖြစ်ပါရေ။ ယင်းအတွက်နန့် ကိုယ့်မှာ မရှိခကေတောင် လုပ်ယူလို့ ရပါရေ။
လုပ်သမျှကို သတိထားပနာ ထိန်းလုပ်လားဖို့ရာ လိုပါရေ။ တကူးတက အရင်းစိုက်ထုတ်စရာ မလိုပါ။ ယင်းပိုင်ဗျာလ်
သီလသမာဓိ ကောင်းရေဆိုတိုင်း ဘဝတခုလုံး ပုံအောပနာ မယုံသင့်ပါ။ လူ့စိတ်ဆိုစွာ အခြေအနေကို
မူတည်ပနာ ပြောင်းလဲဖို့ လွယ်ပါရေ။

အဲ အကိုကြီး ပြောနိန်စွာလည်း ကြာလားပါဗျာလ်။ အကိုကြီး အတိုချုံ့ ပြောချင်စွာက လူလို့ ဖြစ်နိန်ရေ အချိန်တိုင်းမှာ

အဆုံးစွန်ထိ ကြိုးစားလားပနာ ကိုယ့် အရည်အသွေးကို အမြင့်ဆုံး မြင့်တင်လားပါ။ လူသားတယောက် လုပ်နိုင်ရေ
အမြင့်ဆုံး လုပ်ရပ်တိကို သသန့်ရှရှင်း ပြုကျင့်လားပနာ၊ မှတ်တိုင်သစ် ထူထားခပါ။ နောက်ဆုံး မျက်လုံး
မှိတ်လိုက်တေ အချိန်မှာ အကောင်းဆုံး ကျေနပ်ပြုံးကို ပြုံးနိုင်ပါလိမ့်မေ။

ညီချေ၊ ရွင်လန်း ချမ်းမြေ့နိုင်ပါဇီ။ အကိုကြီး အားကေ ဆက်ရွီးပီးပါမေ။

သတိတရ

အကိုကြီး

ညီချေသို့ ပီးစာ (၁၂)

၁၂)

သို့

ညီချေ
 ညီချေတယေက် အလုပ် အိန်တာဗျူးတခု ရထားရေဆိုလို့ အိန်တာဗျူးနန့် ပတ်သတ်တေ အကိုကြီး
သိသမျှ အကြောင်းအရာတိကို ရွီးပီးလိုက်ပါရေ။

၁) အိန်တာဗျူး လားရေခါ အင်္ကျီ၊ ဘောင်းဖီ အသစ်စက်စက်၊ တတောက်ပြပြောင်မျိုးကို မဝတ်လားပါကဲ့။

ကိုယ့်စွာကို သတိထားလွန်းအားကြီးလို့ တခြား အပိုင်းတိမှာ အာရုံစူးစိုက်မှု နည်းလားနိုင်ပါရေ။ သာမန် ရုံး
အဝတ်အစားမျိုးကို ရွီးဝတ်လားတတ်ဖို့ အရေးကြီးပါရေ။ အရပ်ဝတ် အဝတ်အစားမျိုး လုံးဝ လုံးဝ မဖြစ်ပါဇီကဲ့။

၂) အိန်တာဗျူး မိန်းရေ လူတိစွာ ကိုယ့်ကို အမျိုးမျိုး ညဉ်းပန်းဖို့ ကြိုးစားနိန်ကတ်စွာ မဟုတ်ပါ။ တင်ကြို

ဆုံးဖြတ်ထားရေအတိုင်း အေလူကို ဆက်ထားဖို့လား၊ မထားဖို့လား သိချင်လို့ ကိုယ့် အကြောင်းကို အချိန်အတိုချေနန့်
သိနိုင်အောင် နှိုက်ထုတ်ဖို့ ကြိုးစားနိန်ကတ်စွာရာ ဖြစ်ပါရေ။ ဒေပိုင် ယင်းသူရို့ ဇာကို ရှာနိန်ကတ်စွာလဲ ဆိုစွာကို
သိထားမှရာ ကိုယ်က ဇာ အဖြေမျိုးကို တတိကျကျ ဖြေရဖို့လဲ ဆိုစွာကို တန်ပြန်သိနိန်ပါဖို့။ ယင်းပိုင်
သိနိန်မှရာ ကြောက်စိတ်နန့် စိတ်လှုပ်ရှားမှုကို ထိန်းနိုင်ပါဖို့။

ကိုယ့် အကြောင်းကို အကောင်းဆုံး သိလားကတ်အောင် ပြောပြတတ်ဖို့ အယင်ဆုံး ပြင်ဆင်ထားပါ၊ ညီချေ။

၃) ပြိုင်ဆိုင်ရစွာမျိုး ဆိုကေတောင်၊ အိန်တာဗျူး သဘောတရားစွာ အပြိုင်အဆိုင် လုပ်ရစွာမျိုး မဟုတ်ပါ။ တခြား

လူတိနန့် ပြိုင်နိန်ရေလို့ တွေးနိန်ဖို့အစား ကိုယ့်စွာကို ပဂျီဆရာ တယောက်ပိုင် မြင်လိုက်ပါ။ ကိုယ့်ပုံကို ဖြူဖွေးနိန်ရေ
ပိတ်ကားတချပ်မှာ ချဆွဲကြည့်ပါ။ ကုမ္ပဏီတိုင်းက ကြိုက်ပနာ ခေါ်ချင်ရေ ရုပ်မျိုး ဖြစ်ပါဇီ။ လေးစားခန့်ညားမှုတိ
ပါနိုင်ပါဇီ။

အိန်တာဗျူးအတွက် ၉၉% မပြင်ဆင်နိုင်ကေလည်း ၅၀% တော့ခါ အနည်းဆုံး ပြင်ဆင်ထားတတ်ရပါဖို့။

၎) အိန်တာဗျူး အောင်ရေ၊ မအောင် ဆိုစွာက "မင်း ဇာသူလဲ။" ဆိုရေ မေးခွန်းမျိုးလောက်ကို ဖြေရေ

ကိုယ့်အရည်အချင်းမှာရာ မူတည်ပါရေ။ အိန်တာဗျူးနိန်စွာရေ အရောင်းအဝယ် လုပ်စွာ
တမျိုးလည်း ဖြစ်ပါရေ။ အေအနိန်အထားမှာ ကိုယ်က ရောင်းကုန် ဖြစ်တေပိုင်၊ အရောင်းသမားလည်း ဖြစ်နိန်ပါရေ။
ကိုယ့် အားသာချက်တိနန့် အကြောင်းအရာတိကို အစီအစဉ်တကျ စီစဉ်မထားဘဲ ပြောနိန်ဖို့ဆိုကေ အိန်တာဗျူးနိန်ရေ
လူကို "ဝယ်ပါ။" လို့ တခုပိုင်လည်း ဆွဲဆောင်နိုင်ဖို့ မဟုတ်ပါ။

အကိုကြီး သိထားရေ အချက်တခုက အိန်တာဗျူးဖို့ လာရေ လူအများစုစွာ ကိုယ့်အကြောင်းကို ပြောဖို့ တခုပိုင်လည်း

တင်ကြို မစီစဉ်ထားကတ်ဆိုစွာပါ။

၅) နောက်အတွိအကြုံ တခုက အိန်တာဗျူးရေ လူတိစွာ ကိုယ် ခန့်ဖို့ လူစွာ အလုပ်ချိန် ဗြီးကေ ဇာလုပ်တတ်လေ
ဆိုစွာကို စိတ်ဝင်စားတတ်ကတ်ပါရေ။ ယင်း အလုပ်ချိန် နောက်ပိုင်း လှုပ်ရှားမှုတိကိုလည်း အလုပ်ခန့်စွာမှာ
ထည့်စဉ်းစားတတ်ပါရေ။ အလုပ်မှာ ဂျိုးကပ်နိန်တိုင်း အလုပ်သမားကောင်း မဖြစ်နိုင် ဆိုစွာကို နားလည်ထားကတ်လို့
ဖြစ်ပါရေ။ ယင်းအတွက်နန့် အလုပ်ချိန် ပြင်ပမှာ ဇာပိုင် လူမှုရေးအလုပ်တိ လုပ်တတ်တေ ဆိုရေ
မှတ်တမ်းမျိုးကိုလည်း စနစ်တကျ ပြင်ဆင်ထားဖို့ လိုပါရေ။ ဇာပိုင် အတွိအကြုံမျိုးတိ ရှိဖူးရေ ဆိုစွာကို
အသေးစိတ် ပြောပြနိုင်ကေ ပိုတောင် ကောင်းပါရေ၊ ညီချေ။

၆) လူများတိထက် ပညာပိုင်းဆိုင်ရာ ပို ကျွမ်းကျင်နိန်ကေတောင် အလုပ်တူ တမျိုးတည်းအတွက် ကိုယ့် ရှိက

လူတိထက် ပိုပနာ အိန်တာဗျူး လားချင်ကေ လားဖူးပါလိမ့်မေ။ ယင်းချင့်စွာ ကိုယ့် ပညာ ကျွမ်းကျင်မှုနန့် မဆိုင်ပါ။
ဗဟုသုတနန့် အတွိအကြုံနန့်ရာ ဆိုင်ပါရေ။ ယကေလည်း အေနိန့်အချိန်မျိုးမှာ သက်လုံ ကောင်းတတ်ဖို့လည်း
လိုလာပါရေ။ ရိုးသားမှု၊ ဉာဏ်ပညာကြွယ်ဝမှု၊ စိတ်ပိုင်းဆိုင်ရာ ကျန်းမာမှုတိကိုလည်း ပွဲမဝင်ခင်ကပင် ကိုယ့်စွာကို
တိုင်းတာထားတတ်ဖို့ လိုပါရေ၊ ညီချေ။
 ၇) တချို့ အိန်တာဗျူးရေ လူတိစွာ ဖုန်းခေါ်ပနာလည်း တဖက်လူ အခြေအနေကို လေ့လာတတ်ကတ်ပါရေ။
ဖုန်းခေါ်ပနာ မိန်းရေ အဓိက ရည်ရွယ်ချက်က လူချင်း အိန်တာဗျူးဖို့ စဉ်းစားထားရေ အတွက်နန့် တဖက်လူ
အနိန်အထားကို ကကွဲပြပြား သိအောင် လုပ်ပနာ လူချင်းတွိ အိန်တာဗျူးက ဖြုတ်ချပလိုက်ချင်လို့ ဖြစ်ပါရေ။ ယင်းပိုင်
မိန်းလိုက်စွာနန့် အမှန်တကယ် အတွိအကြုံနန့် CV မှာ ရွီးထားရေ အတွိအကြုံ ကွာခြားနိန်ပနာ၊ ဆက်ဆံရေး
ညံ့ဖျင်းစွာကိုလည်း သိနိုင်ပါရေ။ အတတ်ပညာပိုင်း အားနည်းစွာကိုလည်း သိနိုင်ပါရေ။ အေအဆင့်ကို ကျော်နိုင်မှရာ
အတိုချုံ့ လူတွိ အိန်တာဗျူး နာမေစာရင်းထဲမှာ ရောက်လားပါဖို့၊ ညီချေ။

၈) လူချင်းတွိ အိန်တာဗျူး အဓိက ရည်ရွယ်ချက်က အားကိုးရလောက်တေ ဝန်ထမ်းတိကို မန်နိန်ဂျာတိက လူချင်းတွိ

ရွီးထုတ်ချင်လို့ ဖြစ်ပါရေ။ လူချင်းတွိ အိန်တာဗျူး ဝင်ရဗျာလ်ဆိုစွာနန့် စပါးလုံး ထုတ်ပြီးသား
စံဂိုးထဲကို ရောက်နိန်ဗျာလ်ဆိုစွာကို သိလိုက်ပါဖိ။ အတွိအကြုံ ရှိရေ အိန်တာဗျူးရေ
လူတိစွာ ဂျောင်ပိတ်တေ မေးခွန်းမျိုးနန့် အလုပ်အတွက် အကျိုးမရှိရေ မေးခွန်းတိကို မိန်းလေ့ မရှိပါ။
နည်းအမျိုးမျိုးနန့် မိန်းကေတောင် ယင်းလူတိ မိန်းဖို့ မေးခွန်းမျိုးတိကို ခန့်မှန်းလို့ ရနိုင်ပါရေ။ ယကေလည်း
အမှန်တကယ် အလုပ် ခန့်ချင်ရေ မန်နိန်ဂျာတိစွာ အိန်တာဗျူး အတွိအကြုံ ကောင်းကောင်း ရှိချင်မှ ရှိပါဖို့။
ယင်းလူတိစွာ လုံးဝ မထင်မှတ်ထားရေ မေးခွန်းမျိုးတိကို မိန်းနိုင်ပါရေ၊ ညီချေ။

၉) အိန်တာဗျူးရေ လူက ဇာပြောပြော၊ ကိုယ့်စွာကို ရှိတိုးဖို့ရာ အမြဲတမ်း ပြင်ဆင်ထားပါ။ ကိုယ်က ခြီတလှမ်း

ယင်နိန်ဖို့ အရေးကြီးပါရေ။ လူခေါ်ဖို့ အိန်တာဗျူးရေ မန်နိန်ဂျာတိစွာ ကိုယ်မှာ ရှိရေ ကျွမ်းကျင်မှုနန့် နောက်ကြောင်းမှာ
ရှိခရေ အချက်အလက်တိထက် ပိုပနာ သိချင်နိန်ကတ်တေ ဆိုစွာကို သိထားဖို့လိုပါရေ။ ယင်းသူရို့စွာ သဘော
မတွိစရာတိကို ရှာနိန်ကတ်ပနာ၊ ယင်းသူရို့ ဌာနမှာ လုပ်ဖို့ အမှန်တကယ် ကိုယ်ညီရေ အရည်အချင်း ရှိရေ လူကို
စောင့်နိန်ကတ်စွာ ဖြစ်ပါရေ၊ ညီချေ။

၁၀) ပြုံးမြဲတမ်း ပြုံးထားပါ။ အယောင်ဆောင် အပြုံးမျိုး မဖြစ်ပါဇီကဲ့။ သသာယယာနန့် ဘဝင် အီးဇီရေ

အပြုံးမျိုးရာ ဖြစ်ပါဇီ။ ယင်းပိုင် မဆီမဆိုင်ရေ ဘေးထွက် လုပ်ရပ်တိလည်း ဆုံးဖြတ်ချက်တိ ပီးစွာမှာ
အကျုံးဝင်လားတတ်ပါရေ။ အသူမဆို အလွယ်တကူ သဘောထား ရှိတတ်တေ လူတိနန့်ရာ အလုပ်
လုပ်ချင်တတ်ပါရေ။ လျှောက်ထားရေ နိန်ရာအတွက် အမှန်တကယ် လုပ်ချင်နိန်ရေ
ပုံစံမျိုးကို ဖော်ထုတ်ပြပါ။ ဖောချောတော့ခါ လုံးဝ မလုပ်ပါကဲ့၊ ညီချေ။

အေလောက်ဆိုကေ အိန်တာဗျူး သဘောတရား အကြမ်းဖျင်းကို ညီချေ သိလောက်ဗျာလ် ထင်ပါယင့်။ ကျန်ရေ

အချက်တိကို အကိုကြီး အားခါ ဆက်ရွီးပီးပါမေ။

ညီချေ၊ ဆန္ဒတိ ပြည့်ဝနိုင်ပါဇီ။

သတိတရ

အကိုကြီး

ညီချေသို့ ပီးစာ (၁၃)

၁၃)

သို့

ညီချေ
အကိုကြီး အယင်အပတ်က ရွီးခရေ အိန်တာဗျူးနန့် ပတ်သတ်တေ စာကို ညီချေအတွက် အထောက်အကူ ပို
ဖြစ်အောင် BARCLAYS CAPITAL က ထုတ်ထားရေ Interview Skills ကို ထပ်ဖြည့်ပနာ ရွီးပီးလိုက်ပါရေ။

အလုပ် အိန်တာဗျူးနိန်ချိန်စွာ ကိုယ် လိုချင်ရေ အလုပ်တခု ရဖို့၊ မရဖို့ကို အဓိက ဆုံးဖြတ်ပီးနိန်ရေ အချိန်
ဖြစ်တေအတွက်နန့် လူတိုင်းကို စိတ်လှုပ်ရှားစီစွာ မဆန်းပါ။ ယင်းအတွက်နန့် "ကိုယ်နန့် မျက်နှာချင်းဆိုင်မှာ
ထိုင်နိန်ရေ လူတိ ဇာကို တွေးနိန်ကတ်လေ" ဆိုစွာကို ကြိုသိထားစွာက ကိုယ့်အတွက် သက်တောင့်သက်သာ ပို
ဖြစ်စီနိုင်ပနာ၊ အလုပ်ရဖို့ အခွင့်အလမ်းလည်း ပို များစီနိုင်ပါရေ။

စနစ်ကျရေ အိန်တာဗျူး တခုမှာ အဓိက မိန်းခွန်း ၄ မျိုး မိန်းလေ့ ရှိပါရေ။ ယင်း ၄ မျိုးက -

၁) အေ အလုပ်ကို လျှောက်ရရေ အကြောင်းရင်းကို နှိုက်ထုတ်တေ မိန်းခွန်းမျိုး (Motivation Questions)

၂) လုပ်ငန်းသဘောတရားကို ဘလောက်ထိ နှိုက်နှိုက်ချွတ်ချွတ် သိထားလေ ဆိုစွာကို နှိုက်ထုတ်တေ မိန်းခွန်းမျိုး
(Business Awareness Questions)

၃) လုပ်ရည်ကိုင်ရည်ကို နှိုက်ထုတ်တေ မိန်းခွန်းမျိုး (Competency-based Questions) နန့်

၎) လုပ်ရဖို့ နိန်ရာအတွက် အရည်အချင်း ပြည့်မပြည့်ကို နှိုက်ထုတ်တေ မိန်းခွန်းမျိုး (Role-specific Questions)

ရို့ ဖြစ်ပါရေ။

၁) အေ အလုပ်ကို လျှောက်ရရေ အကြောင်းရင်းကို နှိုက်ထုတ်တေ မိန်းခွန်းမျိုး (Motivation Questions)

အိန်တာဗျူး တခုမှာ "ဇာဖြစ်လို့ အေအလုပ်ကို လျှောက်ရလေ။" ဆိုရေ မိန်းခွန်းမျိုးက မပါ မဖြစ်ပါ။ အလုပ်ရှင်တိုင်းက
အလုပ်ခန့်ဖို့ အလုပ်သမားတယောက် "ဘလောက်ထိ အလုပ်ကို တာဝန်ယူချင်စိတ် ရှိလေ။" "အေ အလုပ်
သဘောတရားနန့် ပတ်သတ်ပနာ ဘလောက်ထိ နားလည်ထားလေ။" ဆိုစွာကို သိချင်စွာ မဆန်းပါ။

ယင်းအတွက်နန့် "ဇာဖြစ်လို့ အေပိုင် အလုပ်မျိုးနန့် အေပိုင် တာဝန်ကို လျှောက်ရပါရေ။" ဆိုရေ အဖြေမျိုးကို

ပီးဖို့အတွက် ကိုယ့်စွာကိုယ် စနစ်တကျ အယင် ပြင်ဆင်ထားပါ။ အများကြီး ပြင်ဆင်ထားလီ၊ ဖြေရေခါ ပို
လွယ်ကူလီ ဖြစ်ပါဖို့။ အဗြီးမှလည်း အိန်တာဗျူးရေ လူကို အေအလုပ်ကို အမှန်တကယ် လုပ်ဖို့ စိတ်ထက်သန်နိန်ရေ
လူ ဖြစ်တေ ဆိုစွာကို သက်သီ ပြနိုင်ပါဖို့။

မိန်းနိုင်ရေ မိန်းခွန်း နမူတိက

က) ဇာဖြစ်လို့ အေပိုင် လုပ်ငန်းမျိုးမှာ လုပ်ချင်ရစွာလေ။ (Why do you want to work in this industry?)

ခ) အေပိုင် နိန်ရာမျိုးကို ဇာအတွက် လျှောက်ချင်ရစွာလေ။ (What is it about this role that appeals to you?)

ဂ) ဇာဖြစ်လို့ ကျွန်တော်ရို့ ကုမ္ပဏီ အလုပ်ကို လျှောက်ရစွာလေ။ (Why did you apply to our firm?)

လုပ်ထားသင့်စွာတိ

က) စနစ်တကျ ပြင်ဆင်ထားပါ။ (Do your research)

ခ) ကိုယ် ပြင်ဆင်ထားရေအတိုင်း ပြောပြပါ။ (Talk about your research)

ဂ) ကိုယ် ယင်းအလုပ်အတွက် စိတ်ဝင်တစား ရှိရေ ဆိုစွာကို ပြပါ။ (Show your enthusiasm)

၂) လုပ်ငန်း သဘောတရားကို ဘလောက်ထိ နှိုက်နှိုက်ချွတ်ချွတ် သိထားလေ ဆိုစွာကို နှိုက်ထုတ်တေ မိန်းခွန်းမျိုး

(Business Awareness Questions)

လုပ်ငန်း သဘောတရားကို နားလည် သဘောပေါက်ထားဖို့စွာက အလုပ်ရှင်တိုင်း အဓိက လိုချင်ရေ

အချက်တချက်ပါ။ ဘဏ်လုပ်ငန်းမျိုးမှာဆိုကေ လုံးဝ မရှိမဖြစ် လိုအပ်စွာ တခုပါ။ ယင်းအတွက်နန့် အေပိုင်
မိန်းခွန်းမျိုးကို ဖြေရေခါ ကကောင်း ဂရုတစိုက် ဖြေတတ်ဖို့ အရေးကြီးပါရေ။ "ဘလောက်ထိ ယင်း လုပ်ငန်းမျိုးနန့်
ပတ်သတ်ပနာ ကိုယ် သိထားလေ။" ဆိုစွာမျိုးကို ဖြေထုတ်တေ အဖြေမျိုး ဖြစ်ရပါဖို့။

အိန်တာဗျူး လားခါနီးမှ ယင်းအလုပ်အကြောင်းကို စာတကြောင်းနှစ်ကြောင်း ကောက်ဖတ်လားဖို့ဆိုကေ အိန်တာဗျူး

မိန်းရေ လူတိကို စိတ်ကျေနပ်မှု မပီးနိုင်ဖို့ များပါရေ။ အိန်တာဗျူးရေ လူတိက လက်ရှိ လုပ်ငန်း အနိန်အထားတိနန့်
ပတ်သတ်လို့ ကိုယ် သိထားစွာတိကို နားထောင်ချင်နိန်ကတ်စွာပါ။ လုပ်ငန်း သဘောတရားကို အနည်းဆုံး နှစ်လ၊
သုံးလ အချိန်ပီးပနာ လေ့လာထားတတ်ဖို့ အရေးကြီးပါရေ။

မိန်းနိုင်ရေ မိန်းခွန်း နမူနာတိ (ဘဏ်လုပ်ငန်း)

က) အေလတိမှာ ထထူးခြခြား စီးပွားရေး တိုးတက်ပြောင်းလဲမှုတိက ဇာတိလ။ဲ (What has been the most
significant development in the economy in recent months?)

ခ) ကဗာ့ စီးပွားရေး ဈီးကွက်မှာ ဇာပိုင် ဖြစ်လာဖို့ မြင်လေ။ (How do you see the outlook for the global
markets?)

ဂ) ရင်းနှီးမြုပ်နှံမှု ဘဏ်လုပ်ငန်းကို လောလောလတ်လတ် တွန်းအားပီး ပြောင်းလဲဇီစွာက ဇာလေ။ (What's been

the main driver for change in the investment banking industry recently?)

လုပ်ထားသင့်စွာတိ

က) စီးပွားရေး သတင်းတိကို များများဖတ်ပါ။ (Read the business press - Financial Times, Economist)

ခ) ဂေါင်းစီး သတင်းတိနန့် ဈီးကွက် အချက်အလက် အကျဉ်းချုပ်တိကို ဂရုစိုက် ကြည့်ပါ။ (Focus on front-page

headlines, market data summary)

ဂ) ကိုယ် လျှောက်ဖို့ အလုပ်အတွက် ပို အသုံးတည့်ရေ သတင်းတိကို ရှာပါ။ (Think about the special media that
are relevant to the role you are applying for)

၃) လုပ်ရည်ကိုင်ရည်ကို နှိုက်ထုတ်တေ မိန်းခွန်းမျိုး (Competency-

(Competency-based Questions)

အိန်တာဗျူးရေ လူတိစွာ "အယင်က လုပ်ခရေ အပြုအမူရေ နောက်လာဖို့ အပြုအမူကို အကောင်းဆုံး ခန့်မှန်းနိုင်ရေ

နည်းလမ်း ဖြစ်တေ။" လို့ ယူဆတတ်ပါရေ။ ယင်းအတွက်နန့် အေမိန်းခွန်းမျိုးတိကို ဖြေရေခါ အယင်က လုပ်ခဖူးရေ
အလုပ်တိအကြောင်းကို စနစ်တကျ ဖြေတတ်ဖို့ လိုပါရေ။ လုပ်ရည်ကိုင်ရည် ဆိုစွာ ဇာလဲ။ ဆိုစွာကို အယင်ဆုံး
ကိုယ့်စွာကိုယ် နားလည်အောင် လုပ်ပါ။ အဗြီးမှ အကောင်းဆုံး နမူနာ တခုနှစ်ခုကို ရွီးထုတ်ပနာ ပြောဖို့လုပ်ပါ။ ရခရေ
အတွိအကြုံကိုလည်း ပြောပြပါ။ သူ မတူအောင် လုပ်ခနိုင်စွာလည်း ပါနိုင်ပါဇီ။
မိန်းနိုင်ရေ မိန်းခွန်း နမူနာတိ

က) အခက်အခဲတိနန့် နဖူးတွိ၊ ဒူးတွိ တွိခဖူးရေ အချိန်တခု ရှိခဖူးပါလာ။ (Can you think of a time when you've
overcome real obstacles?)

ခ) အုပ်စုလိုက်ထဲမှာ အအောင်မြမြင် လှုပ်ရှားခဖူးရေ အချိန် တချိန် အကြောင်းကို ပြောပြပါပလင်။ (Tell me about

a time when you've worked well in team.)

ဂ) တခြား လူတိနန့် ညှိနှိုင်းပနာ အောင်မြင်ခဖူးစွာ တခုကို ပြောပြပါပလင်။ (Describe a time when you've
negotiated successfully.)

လုပ်ထားသင့်စွာတိ

က) အနိန်အထား နန့် လုပ်ခဖူးစွာကို ပေါ်လွင်အောင် ပြောပြပါ။ (Describe the Situation or Task)

ခ) ကိုယ် စီစဉ်ဖူးခစွာကို ပြောပြပါ။ (Explain the Action you took)

ဂ) ရခဖူးရေ အကျိုးရလာဒ်ကောင်းကို ထင်ပေါ်နိုင်ပါဇီ။(Explore the Result you achieved)

၎) လုပ်ရဖို့ နိန်ရာအတွက် အရည်အချင်း ပြည့်မပြည့်ကို နှိုက်ထုတ်တေ မိန်းခွန်းမျိုး (Role-

(Role-specific Questions)

ဇာ အလုပ်မျိုးကို လျှောက်ပါဗျတ်ဇီ ကိုယ့်စွာကိုယ် စနစ်တကျ ပြင်ဆင်ထားဖို့နန့် အလုပ် သဘောတရားကို

အကောင်းဆုံး နားလည်ထားတတ်ဖို့ အရေးကြီးပါရေ။ ယင်းအလုပ်မျိုးကို နားမလည်ကေတောင် ယင်း အလုပ်ထဲမှာ
လုပ်နိန်ကတ်တေ လူတိဘားက စနည်းနာထားဖို့ လိုပါရေ။ အိန်တာနတ်၊ ဝပ်(ဘ်)ဆိုက်(တ်) တိမှာလည်း
ရှာဖတ်ထားသင့်ပါရေ။

အတတ်ပညာပိုင်း အလုပ်ဖြစ်လီ၊ အတတ်ပညာပိုင်းကို အသေးစိတ် အမိန်းခံရဖို့ ပိုများလီပါဗျာလ်။ ကကောင်း

ခက်တေ မိန်းခွန်းမျိုးကို မဖြေနိုင်ကေတောင် တတည်ငြငြိမ်နန့် အိန်တာဗျူးရေ လူကို အကောင်းဆုံး
အဖြေပီးခနိုင်တတ်ဖို့ အရေးကြီးပါရေ။

မိန်းနိုင်ရေ မိန်းခွန်း နာမူနာတိ

က) (ရုံးအုပ်ချုပ်ရေးပိုင်း) အဖွဲ့အစည်းတခုစွာ တခုဗြီးတခု အစီအစဉ်တိ ရွီးဆွဲစွာမှာ ဘလောက်ထိ အလေးအနက်

ထားရဖို့လဲ။ (For HR role) How much emphasis should an organisation place on succession planning?)

ခ) (အတတ်ပညာပိုင်း) ဇာ နည်းပညာတိ ကျွမ်းကျင်ထားလေ။ (For a Technology role) What programming

skills do you have?)

ဂ) (ဈီးကွက်ပိုင်း) ဈီးကွက်ထဲက အကောင်းဆုံး တစိပ်က ဇာသူရို့မှာ ရှိလေလို့ ပြောဖို့လဲ။ (For a Marketing role)
Who would you say has the strongest brand in our market?)

္ဖ္ထ္ခ္လင်္ွဲံဃ) (ရုံးသတင်းပီးပိုင်း) ကုန်သယ်တယောက်ကို သတင်းအချက်အလက် ပီးဖို့အတွက် ဇာ ရင်းမြစ်တိက

အရေးအကြီးဆုံးလို့ ထင်လေ။ (For a Front Office role) What do you think are the most important sources
of information for a trader?)
 လုပ်ထားသင့်စွာတိ

က) ပြင်ဆင်စရာတိကို အများဆုံး ပြင်ဆင်ထားပါ။ (Do as much research as possible)

ခ) ယင်းနိန်ရာတိမှာ လုပ်နိန်ဗြီးသား လူတိနန့် စကားပြောပနာ စနည်းနာပါ။ (Talk to people already doing the
role)

ဂ) ကြိုတင်ပနာ မိန်းနိုင်ရေ မိန်းခွန်းတိအတွက် ပြင်ဆင်ထားပါ။ (Think ahead and prepare for likely questions)

အေလောက်ဆိုကေ "အိန်တာဗျူး တခုအတွက် ဇာပိုင် ပြင်ဆင်ထားသင့်လေ။" ဆိုစွာကို ညီချေ

သဘောပေါက်လောက်ဗျာလ် ထင်ပါယင့်။

အကိုကြီး အားကေ ဆက်ရွီးပီးပါမေ။ အေ BARCLAYS CAPITAL Interview Skills ကို iPhone App တခုအနိန်နန့်
Apple Store မှာ အလကား ရနိုင်ပါရေ။

သတိတရ

အကိုကြီး

ညီချေသို့ ပီးစာ (၁၄)

၁၄)

သို့
ညီချေ

အကိုကြီး အချိန် တစိချေ ရနိန်စွာနန့် ညီချေ ဘဝတက်လမ်းအတွက် စဉ်းစားတွေးခေါ်စွာမှာ အထောက်အကူ ဖြစ်စီဖို့

စာ တစိချေ ရွီးလိုက်ပါရေ။ အဓိက အကြောင်းရင်းက အလုပ် လုပ်နိန်ရေခါ "ကိုယ် ဇာပိုင် အလုပ်မျိုးကို လုပ်နိန်လေ။"
ဆိုစွာကို သိဇီချင်လို့ပါ။

လူမှုရေး ရှုဒေါင့်ကနိန် ကြည့်ပနာ လူတိ လုပ်နိန်ကတ်သမျှ အလုပ်တိ အားလုံးကို ခြွဲ ခမ်းကြည့်ရေခါ "အတ္တ နန့် ပရ"
ဆိုရေ အလုပ် ပုံစံ ၂ မျိုးကိုရာ တွိရပါရေ။ ကိုယ့်အကျိုးအတွက် လုပ်နိန်ရေ အတ္တအလုပ်နန့် အများအကျိုးအတွက်
လုပ်နိန်ရေ ပရအလုပ် ဖြစ်ပါရေ။

လူလို့ ဖြစ်လာကေ အတ္တ နန့် ပရ အလုပ် ၂ မျိုးလုံးကို မျှမျှတတ လုပ်လားတတ်ဖို့ လိုပါရေ။ ယင်းအတွက်နန့် အတ္တ
နန့် ပရ အလုပ်တိကိုလည်း ခွဲခြားမြင်တတ်ဖို့ လိုပါရေ။

နိဗ္ဗာန်မဂ်ဖိုလ်ကို ရည်မှန်းပနာ ရှိသမျှ ရွာမျက်နှာဖုံးတိကို အလှူအတန်းကြီး ပီးစွာရေ ပရအလုပ် မဟုတ်ပါ။

ကိုယ့် နောင်ရေးအတွက် လုပ်တေ အတ္တအလုပ်ရာ ဖြစ်ပါရေ။ ရွာထိပ်မှာ ပျက်နိန်ရေ တန်းထားကို အိမ်မှာ ရှိရေ
သစ်တို ဝါးစတိနန့် လားပနာ ပြင်စွာရေ အများအကျိုးကို ရည်ရွယ်ပနာ လုပ်တေ ပရအလုပ်မျိုး ဖြစ်ပါရေ။ သံသရာ
ဝဋ္ဋ်ဆင်းရဲက ကင်းလွှတ်ဖို့ တောခိုပနာ တရားကျင့်ကြံစွာရေ ပရအလုပ် မဟုတ်ပါ။ ကိုယ့်ဘဝ လွှတ်မြောက်မှုအတွက်
လုပ်တေ အတ္တအလုပ်ရာ ဖြစ်ပါရေ။ ရွာစွန်က ဆင်းရဲရေ အချေတိအတွက် ဆိုက္ကားသမား တယောက်က
ရှိစုမဲ့စု ဖေ့သာနန့် ဗလာစာအုပ်၊ ခဲတံ၊ ဘောလ်ပန်ချေတိ ဝယ်ပနာ လားပီးစွာရေ အချေတိ
အနာဂတ်အရေးကို မျှော်မှန်းပနာ လုပ်ပီးရေ ပရအလုပ်မျိုး ဖြစ်ပါရေ။ ဒေါင်တာဘွဲ့ ရဖို့ ညဥ့်မအိပ်ဘဲနန့်
ကြိုးစားနိန်စွာရေ ကိုယ့်အောင်မြင်မှုအတွက် လုပ်နိန်ရေ အတ္တအလုပ်ရာ ဖြစ်ပါရေ။ ၁၀ တန်းရာ အောင်ကေလည်း
ရွာက အခမဲ့ ပညာသင်ကျောင်းမှာ စာသင်ပီးနိန်စွာရေ ပရအလုပ် ဖြစ်ပါရေ။

အတ္တအလုပ်မှာ ရယူချင်ရေ မျှော်လင့်ချက် ပါနိန်ကေလည်း၊ ပရအလုပ်မှာ စွန့်လွှတ်တတ်စွာနန့်

တာဝန်သိတတ်စွာကရာ ပါနိန်ပါရေ။ "မြင့်မြတ်တေ နှလုံးသားပိုင်ရှင်တိက အသူရို့လဲ။" ဆိုစွာကို ညီချေ ခွဲခြမ်း
မြင်လာပနာ၊ "အသူရို့က ပိုလေးစားဖို့ ကောင်းပနာ၊ အကူအညီ ပီးသင့်လဲ။" ဆိုစွာကို သတိထားမိပါလိမ့်မေ။

ယင်းအတွက်နန့် အကိုကြီး လူတိနန့် ဆက်ဆံရေခါ ယင်းလူတိမှာ ရှိနိန်ရေ ရာထူး၊ ဂုဏ်ထူး၊ ဓန အင်အားတိကို

ကြည့်ပနာ မဆက်ဆံပါ။ ယင်းလူတိ လုပ်နိန်ရေ အလုပ် ၂ မျိုးကိုရာ ခွဲကြည့်ပနာ ဆက်ဆံတတ်ပါရေ။ တော်ရေ၊
တတ်ရေ လူတိမှာ ချီးကျူးအားကျဖို့ ကောင်းရေ အရည်အချင်းတိ ရှိနိန်တတ်ကေလည်း လေးစားဖို့ ကောင်းရေ
ပရစိတ်ဓါတ်မျိုး ရှိချင်မှ ရှိနိန်တတ်ပါရေ။ "ယလောက်တော်ပနာ၊ တတ်နိန်ကေလည်း လူတိ ဇာဖြစ်လို့
မလေးစားကတ်လဲ။ မချစ်ကတ်လဲ။" ဆိုစွာ အရင်းအမြစ်က အေမှာ ရှိနိန်ပါရေ။

လူတိ ယောင်တိုင်း၊ လိုက် မယောင်ပါကဲ့၊ ညီချေ။ ကိုယ့်စွာကို စစ်မှန်ရေ အကြည့်အမြင်မျိုး မြင်တတ်အောင်

ကြိုးစားပါ။ မရှိသိမ့်ကေလည်း ရှိအောင် လုပ်ယူလားပါ။ မလုပ်ရသိမ့်ကေလည်း အဂုကပင် စ,လုပ်ယူလားပါ။
လူများတိ လုပ်နိုင်ရေ အလုပ်မျိုးကို ကိုယ် မလုပ်နိုင်စရာ အကြောင်း မရှိပါ။

"လူတိုင်း သီရဖို့စွာ ဖြစ်ကေလည်း၊ လူတိုင်း တန်ဖိုး ရှိရှိ အသက်ရှင်လားခကတ်စွာ မဟုတ်ပါ။" ကိုယ် သီလားကေ
ကိုယ့် မိသားစုလောက်ကရာ ရာသီတပတ် အမှတ်ရကျန်ခဖို့အစား၊ ကိုယ့် လုပ်ရပ်တိကို လူအများက အသိအမှတ်
ပြုပနာ၊ ယင်းလူတိ နှလုံးသားထဲမှာ ထာဝရ ကိန်းအောင်း ကျန်ခအောင် လုပ်ခရေ တာဝန်သိ လူသားတယောက်ပိုင်
အသက်ရှင်လားပါ၊ ညီချေ။

"ပရအလုပ်ကို လုပ်တေ လူတိရာ တဖက်သားကို နားလည်မှု ပိုပီးတတ်တေပိုင်၊ ယင်းပိုင် လူတိ များလာမှလည်း

တိုင်းပြည်စည်ပင်ဖွံ့ဖြိုးဖို့။" ဆိုစွာကို မမိပါကဲ့၊ ညီချေ။

ညီချေ၊ အလုပ် ၂ မျိုးကို ခွဲခြား သိမြင်ပနာ၊ ကိုယ့် စွမ်းအားတိကို သုံးသင့်ရေ နိန်ရာတိမှာ အကျိုးရှိရှိ
သုံးတတ်နိုင်ပါဇီ။

သတိတရ

အကိုကြီး

(ပရအလုပ်ကို အဓိပ္ပာယ် လွှဲမှားပနာ ကောက်ထားစွာ တွိရလို့ ထပ်ပနာ ဖြည့်ပီး လိုက်ပါရေ။ ပရအလုပ်ဆိုစွာ

ကိုယ့်အကျိုး မပါဘဲ အများအကျိုးကို ရှေးရှုးပနာ လုပ်တေ အလုပ်မျိုးရာ ဖြစ်ပါရေ။ ပရအလုပ်ကို လုပ်တေ နိန်ရာမှာ
ဘလောက်ထိ အရင်းအနှီး ပြုရဖို့ဆိုစွာ မသတ်မှတ်ထားရေပိုင်၊ ဇာအချိန် ဇာအခါမှ လုပ်ရဖို့ဆိုစွာလည်း
မသတ်မှတ်ထားပါ။ ဥပမာ - ရွာလယ်က ရီမြောင်းပိတ်ပနာ ခြင်ပေါက်နိန်စွာကို ဝါးတလုံး ယူပနာ ထိုးပလိုက်ကေ
ပွင့်လားနိုင်ရေဆိုစွာကို သိယင့်သားနန့် ငါ အရာရှိ ဖြစ်ခါမှ လုပ်ဖို့ဆိုစွာက စိတ်ကူးယဉ်သတ်သတ်ပါ။ ဘဝ
ရည်မှန်းချက်နန့် ပရအလုပ်နန့် တခုလည်း မဆိုင်ပါ။ ပရအလုပ်ဆိုစွာ ကိုယ်က မြင်ရေခါ၊ ကိုယ်က
သိနိန်ရေခါ နိုင်သလောက် လုပ်ပီးရရေ အလုပ်မျိုးရာ ဖြစ်ပါရေ။ ရီမြောင်းမှာ ခြင်ပေါက်နိန်စွာကို မြင်စွာနန့်
အေခြင်တိစွာ ရွာက လူတိကို ဘလောက်တိ ရောဂါဘယ ပီးနိုင်ရေဆိုစွာ သိနိန်ရေ အသိမျိုးပါ။ ပရအလုပ် လုပ်ဖို့
ဘဝတခုလုံးကို ရင်းနှီးမြှပ်နှံစရာ မလိုပါ။ ကိုယ့် ဘဝ ရည်မှန်းချက်အတွက် ကြိုးပမ်းယင်းနန့် ရရေအချိန်မှာ ကာယ
တတ်နိုင်ကေ ကာယ၊ ဉာဏ တတ်နိုင်ကေ ဉာဏ၊ ဒါန တတ်နိုင်ကေ ဒါန နိုင်သလောက် လုပ်ပီးရရေ
အလုပ်မျိုးရာ ဖြစ်ပါရေ။)

ညီချေသို့ ပီးစာ (၁၅)

၁၅)

သို့

ညီချေ

အေနိန့်ခါ တစိချေ အားနိန်စွာနန့် အေလခါ ဖတ်ဖို့ အွင်လိုင်းက ဝယ်ထားရေ စာအုပ် ၁၂ အုပ်ထဲက ၃

အုပ်လောက်ကို ကောက်ပနာ ဖတ်ဖြစ်ပါရေ။ ယင်းအထဲက ညီချေအတွက် ဗဟုသုတ ဖြစ်ဇီနိုင်ရေ “အောင်မြင်ဖို့
ဥပဒေသ ၅ ခု” (ဝါ) “5 Laws of Success” ကို ညီချေ အလွယ်တကူ ဖတ်နိုင်အောင် ဆီလျှော်အောင်
ဘာသာပြန်ပနာ ရွီးပီးလိုက်ပါရေ။ အေစာအုပ်ကို Arina Nikitina က ရွီးထားပနာ ၂၀၀၆ ခုနှစ်မှာ
ပုံနှိပ်ထုတ်ဝေခပါရေ။

အောင်မြင်ဖို့ ဥပဒေသ ၅ ခု

စာအုပ် နိဒါန်းမှာ -

“အကျွန် အေ အောင်မြင်ဖို့ ဥပဒေသတိကို တွိရေခါ ကိုယ့်စွာကို ကကောင်း တုန်လှုပ်လားပါရေ။ အခြေခံ

လိုအပ်ချက်တိကို တခုလည်း မသိဘဲနန့် ကိုယ့်စွာနန့်ကိုယ် အငမ်းမရ ကြိုးစားနိန်ခလို့ အလဟသ ကုန်လားခရေ
အချိန်တိအတွက်လည်း ကကောင်း နှမြှောမိပါရေ။”

“အကျွန်စွာ အရူးတယောက်ပိုင် လုပ်ခဖူးပါရေ။ အယင်က အေပိုင် အချက်အလက်တိကို မရှာမိခလို့ပါ။”

“အကျွန်ရို့စွာ လမ်းစည်းကမ်းချက်တိနန့် လမ်းဘေးက ဆိုင်းဘိုးဒ် သင်္ကေတတိ သဘောတရားကို နားမလည်ကေ

ကား မမောင်းဝံ့ကတ်ပါ။”

“ရခဲတိုက်တာ တလုံး အလုပ် လုပ်ပုံ သဘောတရားကို နားမလည်ဘဲနန့် ယင်း ရခဲတိုက်တာ ပျက်နိန်ကေတောင်

မပြင်ဝံ့ကတ်ပါ။”

“ယကေလည်း အကျွန်ရို့စွာ အောင်မြင်ဖို့ အချက်အလက် တခုကိုလည်း မသိဘဲနန့် အောင်မြင်ဖို့အတွက် ဇာပိုင်

ကြိုးစားနိန်ကတ်စွာပါလေ။”

အောင်မြင်မှုဆိုစွာ လူတိုင်း လုပ်နိုင်ရေ အလုပ်တခုပါ။

“အဂင့်ဂင့် အောင်မြင်ချင်ကေ အေ ဥပဒေသ ၅ ခုကို အသုံးချတတ်ဖို့ရာ လိုပါရေ။”

“စိတ် မပါဘဲနန့် အေ ဥပဒေသ ၅ ခုကို အသုံးချကေတောင် အောင်မြင်နိုင်ပါရေ။”

တရက်ကို ဒေါ်လာ ၁ သောင်း ဝင်ငွေ ရအောင် လုပ်တေ အောင်မြင်မှုမျိုးကနိန်၊ အိုလံပစ် ဆုတံဆိပ် ရအောင်
လုပ်တေ အောင်မြင်မှုမျိုးတိအထိ အေ ဥပဒေသ ၅ ခုကို ကိုယ် လိုရေပိုင် အမျိုးမျိုး အသုံးချနိုင်ပါရေ။
အောင်မြင်ဖို့အတွက် အဆင်သင့် ဖြစ်ပါဗျာလ်လာ။

ယင်းပိုင်ဆိုကေ စ ကတ်ပါမေ။

၁) ဆန္ဒ ဥပဒေသ

“တခုခုကို လိုချင်ရေ ဆန္ဒက အတိုင်းအတာ တခုထိ ရှိမှရာ၊ ယင်းချင့်ကို ရနိုင်ပါရေ။”

မှန်ပါရေ။ တခုခုကို ကိုယ်က ကကောင်း လိုချင်မှရာ ယင်းချင့်ကို ကိုယ်က ရနိုင်ပါရေ။ “ဆန္ဒ

ဆန္ဒ” ဆိုစွာ အလွယ်တကူနန့်
ရပ်တန့်လို့ မရနိုင်ရေ တွန်းအားတမျိ
အာုးး ဖြစ်ပါရေ။

ကိုယ် လိုချင်စွာ ပန်းတိုင်ကို အယင် တွေးပါ။

• ဘလောက်ထိ ယင့်ချင့်ကို ကိုယ်က လိုချင်စွာပါလဲ။

• ဘလောက်ထိ ယင့်ချင့်အတွက် ကိုယ်က စွန့်လွှတ်နိုင်ပါဖို့လဲ။
• ဇာပိုင် အခြေအနေမျိုး ဖြစ်လာကေတော့ခါ လက်လျှော့လိုက်ပါဖို့လဲ။

ကိုယ်က တခုခုကို ကကောင်း ဆဆိုးရရွား လိုချင်လာဗျာလ်ဆိုကေ၊ ယင်းချင့်ကို လက်လျှော့လိုက်ဖို့ လမ်းကို

ရွီးချယ်ဖို့ ဆိုစွာ ကကောင်း မလွယ်ပါ။ ကိုယ့်စွာကို နည်းလမ်း တခုခုကို ရှာဖို့ (ဝါ) နည်းလမ်း တခုခုကို ဖန်တီးဖို့
လိုလာပါရေ။ ဇာနည်းကို သုံးသုံး၊ ကိုယ်က တန်ရာတန်ကြေး တခုခုတော့ခါ ပီးဆပ်ဖို့ လိုအပ်ပါရေ။

ဆန္ဒ ဆိုစွာ မီး နန့် တူပါရေ။ ကိုယ် လိုချင်စွာ မရကေ ရအောင် လုပ်ဖို့၊ ကိုယ့်ကို အပူ ပီးနိန်တတ်ပါရေ။
သတိထားရဖို့စွာက “မီ
မီး နည်းကေ အပူ အများကြီး မပီးနိုင်။” ဆိုစွာပါ။ ယင်းအတွက်နန့် အပူ အများကြီး ပီးဖို့ မီး
အကြီးသန် နန့် မီး ပြပြင်း ရှိဖို့ လိုအပ်ပါရေ။ မီး ပြပြင်း ဆိုစွာ ကိုယ့်မှာ ရှိရဖို့ ပြင်းပြရေ စိတ်ဆန္ဒ ဖြစ်ပနာ၊ ယင်း
တောက်လောင်နိန်ရေ ဆန္ဒမီးက လိုချင်စွာ အားလုံးကို ရအောင် လုပ်လားပါလိမ့်မေ။

ကိုယ့်မှာ ရှိရေ စိတ်ဆန္ဒက ဇာလောက်ထိ ပြပြင်းပပြ ရှိ၊ မရှိ ဆိုစွာကို သိချင်ကေ အောက်က နည်းလမ်းနန့်
စစ်ဆေးကြည့်ပါ။

စာရွက်ချေ တရွက် ယူပနာ “ဇာဖြစ်လို့ အေ ရည်မှန်းချက်ကို ဖြစ်ချင်ရစွာလဲ။” ဆိုရေ ဖြစ်ချင်ရေ အကြောင်းရင်းတိကို

ရွီးချလိုက်ပါ။ ယင်းအထဲက ရလာနိုင်ရေ အကျိုးရလဒ်တိကိုလည်း တန်းစီပနာ စရင်း လုပ်လိုက်ပါ။ ဖြစ်ချင်ရေ
အကြောင်းရင်းတိ ပိုများလီ၊ ဖြစ်ချင်ရေ ဆန္ဒ ပိုများလီပါဗျာလ်။ အကြောင်းရင်းတိ နည်းနိန်ကေတော့ခါ ဆန္ဒ
ယလောက်ထိ မပြင်းထန်ဆိုစွာကို သိနိုင်ပါရေ။

ကောင်းရေ အလေ့အကျင့် တခုက မိုးသောက်ဖက် အိပ်ယာက ထစွာနန့် အကျိုးရလဒ်တိ စရင်းကို တခေါက်စီ

အသေအချာ ဖတ်ပါ။ ယင်းပိုင် ဖတ်လိုက်တေအတွက် ကိုယ့် ရည်မှန်းချက်ကို တရက်လုံး သတိရနိန်ပနာ၊
လုပ်ချင်လာအောင် ပိုဗျာလ် တွန်းအားပီး၊ စေ့ဆော်နိန်ပါလိမ့်မေ။

“ဆန္ဒက အောင်မြင်မှုအတွက် အတားအဆီး ဟူသမျှကို ကျော်ဖြတ်နိုင်ပါရေ။ ဆန္ဒက ပွေးကောင်တိ

တောင်တန်းကြီးတိက ယက်ထုတ်ပလိုက်တေ မြေစာပုံတိပိုင် တစစီ တစစီ ဖြစ်အောင် လုပ်နိုင်ပါရေ။ ကိုယ်
လုပ်နိန်ရေ လမ်းကြောင်းထက်မှာ ဇာပင် ရှိနိန်ဗျတ်ဇီ၊ အားလုံးကို ရွိထုတ်လားပါဖို့။”

နောက် ဥပဒေသ ၄ ခုကိုလည်း အားရေခါ တပိုင်းစီ ခွဲတင်ပီးလားပါမေ။

သတိတရ

အကိုကြီး