OCCUPATIONAL THERAPY PASIUNA: A.

Opening Prayer

Maayong buntag sa tanan. Gihangyo ang tanan sa pagtindog aron sa atong pag-ampo nga pangulohan ni Rae. Ginoo, karung adlawa, naa mi karun para manghatag ug kalingawan ug makatabang sa mga residente sa House of Hope. Nanghangyo kami Ginoo nga maanaa Ka sa among pagtipon- tipon ug sa kanunay sa among tapad nga wala untay butang nga mahitabo nga makababag sa kalambuan sa among aktibidad. Hinaut unta nga malipay pud ang mga residente sa among kalihukan karun. Salamat Ginoo, pinaagi sa imong Anak nga Hesu Kristo ug sa Balaang Inahan nga si Maria. Amen.

B. Orientation Maayong buntag sa tanan. Adlaw karon nga Martes alas otso sa buntag ug petsa uno sa sa Mayo, dos mil onse. Ako sa Rae, estudyante sa JH Cerilles State College. Inubanan ko sa akong mga higala nga sila Ivy, Ellene, Sheila, Roxanne, Leslie, Michelle, Geraldine, Sarah, ug si Joanna ug sa amoang clinical instructor nga si Mr. Ferdinand Malapo. Ania kami karon dinhi sa House of Hope aron matagaan kamo sa kalihukan nga usa ka pamaagi nga makalalum sa atong pag-ilaila ug makapadayag sa inyong gibati ug gihunahuna. Sa atong kalihukan, kamo mahimong tulay para makahatag ug makatabang kaninyo alang sa kaayuhan ug kalipay sa inyong tanan. Karon, sa dili pa nato sugdan ang aktibidades, amu kamong gihangyo magpailaila pud mu sa inyong kaugalingon. Sugdan nato diri sa atubangan. Karon, nagkailhanay naman kita, ato na nga pagasugdan ang atong Occupational Therapy.

LAGDA: Aron nga makapadayon ta sa mga buhatonon, naa tay mga lagda nga atong pagasundun. Nakabalo ba mo sa mga lagda?

1. Kung makasugod na kita sa kalihukan, dapat andam na ang tanan. 2. Kinahanglan nakapamahaw na ang tanan para dili gutomon. 3. Kinahangdan nakahuman na ug kalibang ug pangihi. 4. Kinahanglan mokooperar ug mulakip sa atong kalihukan. 5. Walay matulog o magsinamok sa kauban samtang aduna pay kalihukan. 6. Ug kung unsa ang atong nasugdan, angayan gayud kini natong tiwason. 7. Kung adunay mga pangutana, bahin sa aktibidadis, palihug ipa taas ang tuo nga kamot.

8. Dili magsinagbot sa salog. Tanan nga mga hugaw ilabay sa basurahan nga makita ninyo sa tuo nga bahin sa kwarto. Ug dugang pa, 9. Dili magsinikuhay , magsinipaay, ug magtinukluray. 10. Magmintinar ug insaktong distansya.

KAHULUGAN: Karong buntaga, aduna kitay Occupational Therapy. Unsa diay kining Occupational Therapy? Isa kini nga pamaagi nga makapresenta ug makahuluganun nga trabaho ug atong pakig-angay sa uban. MGA TUMONG: Pagkahuman niining Occupational Therapy, ang mga residente : 1. Marebyu kabahin sa trabaho. 2. Makabalo sa saktong paggamit sa huna-huna ug lawas adto sa pagtrabaho. 3. Makapadayag sa inyong mga talent sa pagtrabaho.

PREPARASYON Mga beads ug nylon nga gamiton sa aktibidades. IMPLEMENTASYON: Gihangyo ang tanan nga maminaw ug mopartisipar niining among pagabuhaton. Kining among ipaambit mahitungod kini sa butang na mapaambit nato ang atong kasinatian sama sa pagahimuon nato karon ang pag buhat ug mga bracelet o kwintas pamaagi sa mga beads ug nylon.

EBALWASYON: Ug karon naa ba kamoy pangutana sa atong gibuhat? Kung wala, magtawag ko karon sa inyo aron ipadayag kung unsa inyong maistorya bahin sa kalihukan. 1. Unsa inyong natun-an sa among gitudlo? 2. Unsa inyong nabati kamulo sa atong pagbuhat sa mga bracelet ug kwintas? 3. Unsa inyong maistorya sa atong kalihukan karong adlawa? 4. Kamulo sa among pagtudlo, unsa inyong nabati? Ug karon nga karong natapos ang atong aktibidades karong buntaga, ako ug akong mga kauban nanghinaut nga aduna kamoy nakat-unan ug labi sa tanan napagawas ninyo inyong mga gibati. Sa dugang, ako nanghinaut usab nga sa sunod namo nga ipa ambit kaninyo nga therapy, kamu usab mo kooperar. Daghang salamat. Diri natapos ang atong kalihukan karong adlawa ug maayong buntag sa tanan.