BERGARAKO 2011ko MENDI BIZIKLETA MARTXA.

ARAUDIA.

1. ARTIKULUA. ANTOLATZAILEAK. Eusko Jaurlaritzako Kirol Entitateen Erregistroan izena emana duen Bergarako LOKATZA ZIKLISMO ESKOLA KIROL ELKARTEAk BERGARAKO MENDI BIZIKLETA MARTXA antolatzen du. Proba honen izate arrazoiak dira: 1. Debagoiena eskualdean zikloturismoaren zaletasuna jaso eta batuko duen proba egitea. 2. Ahal bada Lokatza Ziklismo eskolako ikasleentzako diru baliabide ekonomikoak lortzea. Horretarako, webgunean aurrekontua eta antolaketa balantze ekonomikoak aurkeztuko dira. 2. ARTIKULUA. ORDUTEGIAK. Irteera eguna, 2011ko urriak 02a da. Irteera ordua 09:00etan hasi eta 09:30etan amaitzen da. 13:30etan, antolakuntzak helmuga itxiko du, anbulantziak eta boluntarioak ibilbidetik erretiratuko dira. 3. ARTIKULUA. IZEN EMATEA. Izena emateko hiru aukera daude: a) Internet bidez, www.biciprecisionigartua.com webgunean. Azken eguna, irailak 30. b) Esku dirutan, Bergarako BICIPRECISION IGARTUA bizikleta dendan. c) Esku dirutan, proba egunean bertan, 07:30etatik 08:50etara bitartean. ( 1 / 5.

4. ARTIKULUA. PREZIOAK eta PARTAIDETZA MUGA. Federatua Aurrez Egunean bertan 8 15 . Ez Federatua. 10 19 .

a) Partaidetza muga: 200 parte hartzaile. Izen emateak onartzeko irizpidea hurrenez hurreneko ordena izango da. 5. ARTIKULUA. PARTE HARTZAILEAREN BETEBEHARRAK: a) Adinez nagusia izan behar da. Hala ez balitz adinez txikiko parte hartzaileak tutore heldu batekin parte hartu ahalko du. Horretarako, nahitaez, antolakuntzak emango dion adin txikikoaren kargu egitea orria bete beharko du. Hala ere, martxan parte hartzeko gutxieneko adina kadeteen lehen urtea izango da. b) Izen ematea egin ostean antolatzaileek emango dioten IDENTIFIKATZAILEA bizikletan eta ikus erraza den lekuan ipini beharko du. c) Zirkulazio araudia beteko du. d) Antolatzaileek emandako jarraibide guztiak beteko ditu. e) Proban parte hartzeko gutxieneko gaitasun fisiko eta teknikoak eduki behar dira. Horiek dituen edo ez erabakitzen duena parte hartzailea bera da eta berau bere buruaren jabe denez, erabaki horretatik erator daitezkeen ardura guztien erantzule izango da. Horregatik, gainontzeko partaideen eta norberaren segurtasuna arriskuan jar dezaketen gaixotasunak dituztenek parte hartzea debekatuta dute. f) Proba guztian zehar kaskoa eramatea nahitaezkoa da. Parte hartzaile denek lanabes eta ordezko gailuak, eta, baldintza meteorologikoen araberako arropa eraman beharko dute. Telefono mugikorra soinean eramatea gomendatzen dugu. ( 2 / 5.

g) Ibilbidea ez da trafikoari itxita egongo. Horregatik, parte hartzaileak zirkulazio arauak bete beharko ditu. Hauek ez betetzetik erator daitezkeen ardura eta erantzukizunak parte hartzailearenak berarenak izango dira. Antolatzaileek ez dituzte arau hauste hauetatik erator daitezkeen istripu eta erantzukizunak euren gain hartuko. h) Parte hartzaileak, uneoro, ingurumenari zor zaion errespetuz jardungo du. Horrela, zeharo debekaturik dago egokitutako ontzietatik kanpo inongo zaborrik botatzea. i) Araudi honetan zehaztutakoak beteko ditu. 8. ARTIKULUA. Izen emateak onartu eta ukatzeko eskubidea izango dute antolatzaileek. 9. ARTIKULUA. Parte hartzailea bera da bere jokabideen arduradun eta erantzule bakarra. Parte hartzaileak gerta dakizkioken (eta hirugarrenei sortaraz diezazkiokeen) arrisku fisiko, psikiko, erorketa eta bestelako lesioen arduraduna da. Horregatik ez die ez antolatzaile-erakundeei ezta beronen kolaboratzaileei ere konturik eskatuko eman daitezkeen istripu, gertaera edo lesioen aurrean. 10. ARTIKULUA. Parte hartzaileak dira proba aurretik, bitartean eta ostean; pairatu ditzaketen zor edo gastuen erantzule (norberaren jabetzak, galerak, lapurretak edota bizikleta edota bestelako osagaien matxura). Antolatzaileak ez dira horietaz guztietaz erantzule egiten. 11. ARTIKULUA. Antolatzaileek, ibilbide markaketa, anbulantzia-zerbitzua, dutxak, jatekoa eta edatekoa, proba uzten dutenentzako garraioa, mekanika-zerbitzua eskainiko dituzte. 12. ARTIKULUA. PROBA UZTEA. Proba uzten duten ziklistek antolatzaileei, lehen baino lehen, horren berri emateko ardura dute.

( 3 / 5.

Beren borondatez ibilbidetik kanpo joateko erabakia hartzen duten parte hartzaileek proba utzi dutela ulertuko dute antolatzaileek. Horrelako kasuetan, bai bere buruari eta baita hirugarrenei sor dakieken ardura eta kalteen erantzule izango dira parte hartzaileak.

13. ARTIKULUA. ANTOLATZAILEEK KANPORATUKO DITUZTE: Zirkulazio arauak betetzen ez dituztenak. Identifikatzailea ipinita ez daramatenak. Izena eman ez dutenak. Kaskoa ez daramatenak. Antolatzaileei eta segurtasunekoei kasurik egiten ez dietenak. Horiekin batera kanporatuak izango dira antolatzaileek jarritako instalazioak eta ekipamenduak errespetatzen ez dituztenak. Antolatzaileek ziklista bat kanporatuko dute baldin eta gutxieneko denborak betetzen ez baditu. Antolatzaileen ustez probaren izate arrazoiekin bat egiten ez duten parte hartzaileak. 14.ARTIKULUA. Araudi honetan jasotzen ez diren eta antolakuntzarekin zerikusia duten gaien gaineko erabakiak hartzeko eskubidea izango dute antolatzaileek. 15.ARTIKULUA. Antolatzaileek, eta halabeharrez balitz, ibilbidea, anoak, kilometrajea eta probaren data aldatzeko eskubidea dute. 16. ARTIKULUA. Parte hartzaileak proba honetan izena ematen duenean araudi hau beteko duela ulertzen da. Parte hartzaileak araudia ezagutu ez arren bete beharko du. 17.ARTIKULUA. Antolatzaileek parte hartzaileekin konpromisoa hartzen dute jasotako datu pertsonalak eta indarrean dagoen datu babeserako legediaren arabera elkarteko ekintzen antolaketarako baino ez direla erabiliko. Horregatik, emandako datuak erabili ( 4 / 5.

eta ikusteko baimena soilik eta bakarrik pertsona kopuru mugatu eta baimendu batek izango du.

( 5 / 5.