Ang Tawag Ug Paglawig Uban Ni Kristo

The DCY Silver Jubilee Theme Song

Composer: Ms. Edgelyn Tesorio, former SCA Secretary General

Musical Arranger: Rev. Fr. Irvin Garsuta, Diocesan Music Ministry & Vocation

1
Nakadungog ka ba higala sa tingog Niya?
Sa hulagway sa palibot may nalantaw ka ba?
Sa ilawum sa kasingkasing nabati mo ba
Ang Iyang pagtawag sa pagpangalagad?

2
Sa wala pa ikaw lalanga, sa wala pa ikaw matawo
Gipili ka na Niya nga mahimong propeta.
Apan sa kabatan-on ikaw nabalaka.
Salig higala kay diha Kaniya, tanang butang posible na.

Chorus:
Kita iyang gitawag arun sa pagpangalagad.
Bililhong bahandi kita iyang gipili.
Sud-onga ug tagamtama ang bunga sa pagsanong ta.
Pasalamat ug pagdayeg niining maong gasa.
Busa padayon batan-on pagkabig ug pagpangulo.
Kalipay ug panagdait atong ipaambit.
Uban sa pagtuo, paglaum ug gugma maghiusa sa
Pagsaulog ug paglawig uban ni Kristo.

3
Sa gisamuk ug mangitngit nga kalibutan.
Gamiton ta atong kaabtik sa paghimo’g kabag-uhan.
Kay kita ang asin ug kahayag nga sa Iyang misyon gitahasan.
Diha sa gahum ug sa grasya sa Diyos.
Mapahiluna ki’ng tanan.

(Repeat Chorus)

Bridge:
O Kristo miingon Ka, sunod kanako.
Gitudluan Mo kami sa pagpanagat ug tawo.
Dili na kami mahadlok; nakig-uban Ka man kanamo.
Malipayon kami nga manglakaw ug magsangyaw sa gugma sa Diyos.

(Repeat Chorus)
Coda:
Lawig uban ni Kristo!
Uban ni Kristo!

Copyright © 2006 DCY-Tagbilaran. Silver Jubilee Theme Song

All rights reserved. 2006