Editor: Joseph Lalremruata Ph. 9436195390 News Editors: T. Laltanpuia Ph. 9774610424 Lallawmkimi Ph.

9774116769

Estd

1987

Joint Editor: Chawngthanpuia Ph. 961212253 Circulation Managers : Lalremruata H. Zoremmawia Lalmalsawmi Vanlalropuii

RAWNGBAWLTURACHHANDAM
KRISTIAN THALAI PAWL TUIKUAL SOUTH BRANCH CHANCHINBU KARTIN CHHUAK

HRILHTU (KARTIN CHHUAK) KUM 24-NA ISSUE NO. 41

NI 16.10.2011

PATHIANNI

TUALCHHUNG
Pi Lalrimawii Hmar w/o Pu Zahmingthanga chu zun kawnga hna awm avangin Nazareth Hospital-ah enkawl mek a ni a, i \awng\ai pui ang u. Ni 10.10.11 (Thawh\an) zan khan Branch Sport thawhhnihna chu khar a ni ta a, Timothea Group pakhatna an ni a, Tita Group pahnihna niin Philemona Group pathumna an ni. Hemi zan hian Fancy Dress Night hmangin hun hlimawm tak hman a ni. Ni 10.10.11 (Thawh\an) zan inkhawm ban khan October thla Faith Promise hawn a ni a, Rs. 8700/- lai hmuh a ni a, a lawmawm hle. Ni 14.10.11 (Zirtawp) nileng leh zan khan Rev. C. Lalhmingthanga, Mission Veng ruaiin Pathianni chhun & zan leh Inrinni zan thuhriltute pualin Retreat neih a ni a, an hlawkpui hle. Nizan a\ang khan Pre-camping crusade neih \an a ni a, Pu Lalzuimawia, Speaker, Power of God Team-in Pathian thuchah a sawi a, vawiin chawhnu leh zanah chhunzawm leh a ni ang. Naktuk zan a\angin K|P pual Camping neih \an a ni dawn a, K|P member a tam thei ang ber luh tum ila, harhna dik tak kan chan theih nan \hahnemngai takin i \awng\ai ang u. ZAIPAWL HRIATTIRNA Zanin inkhawm ban hi Kohhran Zaipawlin Sunday School Hall-ah Inneih hla zir tur a ni a, member ten ngaipawimawhin \hahnem-ngai takin hla i zir ang u. - Conductor

Sermon:

NGAIHDAMNA THILTIHTHEIHNA Ephesi 4:32 - Rev. Vanlalzuata

Pathianin Kristaa a ngaidam che u ang bawkin inngaidam tawn rawh u. (Eph. 4:32)

merica rama tualchhung indo (Civil War) laiin chhim leh hmar ramte chu bawih chhuah thuah an inbei nasa hle mai a. Chhim lam sipai pakhat chu hmar lam sipaiten an man a, khai hlum turin rip chhungah an khung a. Chu sipai chuan chaw an pek apiang hian thinrim takin Abraham Lincoln-a chu anchhia a lo lawh bawrh bawrh thin a. A mantute chu President Abraham Lincoln-a hnenah chuan an kal a, Ka pu, chhim lam sipai kan man khan amah chaw kan pek apiang hian i hming hi anchhia a lawh thin a, khai hlumna thupek min ziaksak la, kan lo khai hlum tawh mai ang e, an ti a. Abraham Lincoln-a chuan a lu a bu nghut a, lehkha a ziak nghal ta mawlh mawlh a, He lehkha hi zuk pe rawh u, a ti a. Sipaite chuan an pu lehkha ziak chu khai hlumna tur thupek ni ngeia ngaiin phur takin rip chhunga sipai chu an zuk pe a. Ani chuan a lo hawng a, a han chhiar chuan a mittui a tla ta zawih zawih mai a. Khati khawpa a hming anchhia ka lawh Abraham Lincoln-a hian min la ngaidam duh maw? tiin a tap ta a. Chu lehkha chu khaihlumna thupek a ni awzawng lo va, ngaihdamna lehkha a ni zawk. Chuta tang chuan chu tlangval ang reng renga Abraham Lincolna ngaisangtu hi an awm lo a ni an ti. Sual vanga thi ngei ngei tur tih inhriate chuan Pathian ngaihdamna awmzia hi an hre fiah thin. Ngaihdamna chu sual ngaihdamsakna mai angin an dawng ngai lova, nun thar neih phah nan an hmang thin a ni. Mi sual thiam loh chang, tihhlum ngei ngei tur khan thiam a lo chang ta a, thihna ata a chhuak a, nunnaah a lut ta!! A dinhmun thar chu A va lawmawm em, tihah a tawp mai lo va, simna thinlung thar leh nun thar a nei lo thei lo. Vawikhat chu school naupang pakhat hi a zir that peih loh avangin examnaah a fail a. A thiante chuan Ka pass, tiin an au rual a, an marksheet kengin an tlan hawng suau suau mai a. An headmaster pawh a lawm hle a, School varanda-ah chuan nui var var chungin a vei thauh thauh mai a. Nakinah chuan bathlar thim deuh laiah chu naupang thu kun reng mai chu a va hmu a. Naupang chuan a mittui a lo hru fap fap a, a fail-na marksheet chu a lo hum ran mai a. An headmaster chuan a khawngaih ta phut mai a, a banah kaiin officeah a kai lut a. A fail-na marksheet chu a pawh chhiatsak a, bawlhhlawh bwmah a paihsak a. Marksheet thar a siamsak a, chutah chuan khawngaih mark a pe a, a hmaa subject tina mark sawm den den hmu kha khawngaih mark a han pek tak tak chuan subject tinah mark sawmkua theuh a pe a, chu naupang chu distinction-ah a kai nghal nawlh mai a. Naupang chu lawm takin a tlan hawng ve ta vau vau mai a. A nu hnenah chuan Ka nu, a mak ka ti lutuk... tiin a mittui chu a parawl teuh mai a, a sawi zawm hlei thei lo va. A nute chuan a mark chu an han en a, Mama, i va han titha em em ve aw, a va lawmawm em, tiin an au chul a. Naupang mittui titlatu chu a maksheet a ni lo va, an headmaster khawngaihna chu a ni zawk. A marksheet a en apiangin an headmaster khawngaihna hmel chu a mitthlaah fiah takin a lo lang a, amak a ti tawp thei lo a ni. He naupang hian a thiam lohzia a hria a, khawngaihna avang chauhva titha hming pu a nihzia a hai lo a ni.
(Phek linaah chhunzawm a ni)

Agents : H. Lalfakkima Lalnunmawia V.L. Ruatdika Ralte Lalbiakhlua Lalthanzauva

HRILHTU KUM 24-NA
K|P THILTUMTE :

Francis MS Dawngkima K. Lalrodawla

PHEK 2-NA

ISSUE NO. 41 Ni 16.10.2011 PATHIANNI

Isua Krista rinna leh amah anna kawnga \halaite hruai. Kohhran kutke ni tura \halaite buatsaih. Kohhran hnathawh tihpuitlin. Krista Chanchin \ha puan darh. Inrinni khan Thuhril rawngbawlna chelh chin te chuan retreat neiin hun an hmang a, naktuk a\ang hian |halai te pualin Camping buatsaih leh tur a ni a, chumi zawh lamah mipui pualin Camp neih leh tur a ni ang. Kan rawngbawltuten hma hruaiin bul an han \an hi thil \ha tak a ni a, an tih tur awm reng an ti a ni. Rawngbawltute hi mipui te hian kan dah sangin kan en dan pawh a dang bik hle a, Kohhran huangchhung piah lamah an nitin nundan thleng hian mipui te hian kan en bik a, anmahni ah beiseina sang tak kan nei \hin. Hetianga hma an hruai hi a \ha em em a, mipui te pawhin an hnung zuiin Camping kan neih chhoh turah pawh kan luh ve ngei chu a ngai dawn a ni.Siamtharna ngai lo tumah kan awm lova, kan zavai hian kan mamawh vek a ni. Kan hruaitute leh rawngbawltu chin te chauhin siamtharna an chan hian a tawk mai lova, Kohhran mipui zawng zawngten chang tlang vek ila, kan hlim dan te a inrual anga, hmalakna hrang hrangah pawh pheikhai rual takin kan kal thei dawn a ni. Chuvangin he hun \ha, kan hruaitute leh kan rawngbawltuten bul an lo \an tawh hi mipui ten an hnungzuiin Camp ah hian a tam thei ang ber luh tum \heuh ila, a hlawkna tak tak teltu chu keimahni bawk kan ni dawn si a. CAMPING...CAMPING Kohhran-in Camping a buatsaih tur chu naktuk zan a\ang hian Biak In-ah \an a ni dawn ta a. Ni 17-22 chhungin a thawhkhatna neih a ni ang a, hei hi K|P puala neih tur a ni a, ni 24-29 chhungin Kohhran mipui nawlpui tan buatsaih leh a ni ang. Camping puipa turin heng mite hi ruat an ni: Director : Pastor K. Lalpiangthara Secretary : Pu H. Deng\huama Manager : Upa Thanhawla Camping-a lut tur zawng zawngte zan inkhawm hman turin dar 6:00 pm-ah Camp hungchhung luh kim vek tur a ni a, Mutbu bakah Buhfai no 9, Bible leh Hla Bu, Pen leh Note book ken tur a ni ang. Speaker atan Pu Lalzuimawia, Speaker, Power of God hman a ni dawn a, Camping hlawhtling tak kan neiha, Thlarauva harhtharna dik tak kan neih theih nan Kohhranhote \hahnemngai takin i \awng\ai ang u. GROUP JOINT COMMITTEE Vawiin tlai dar 3:15-ah Kohhran Sunday School Hall-ah Group tin Committee Member chin te inhmuhkhawm tur a ni a, Group Night hman dan tur chungchang rel tur a ni ang. Group Committee Member chin ten ngai pawimawh ila, kohna hran siam a nih loh avangin hei hi kohna anga ngaih tur a ni e.

KOHHRAN INKHAWM PROG. (16.10.2011)

|antu Chawhma : Pi Vanhnuni Chawhnu Pre-Camping Crusade : Pu Lalzuimawia Zan Pre-Camping Crusade : Pu Lalzuimawia NILAI ZAN CAMPING INRINNI ZAN CAMPING FOLLOW-UP October thla Inkhawm Hruaitu Upa Zirliana October thla thilpek lakhawmtute Nl T. Zomuanpuii Nl Vanramtiami Nl Catherine Zothansangi Zai hruaitu turte (17 Oct. - 30 Oct., 2011) T. Upa H. Dawngliana Pu Lalrinthanga Hla Hriltu (17 Oct. - 30 Oct., 2011) Pi H. Lalawmpuii Light & Sound duty turte Pu Vanlalhruaia Zadeng Pu H. Zoremmawia SS Thilpek lakhawmtute Nl Lalchhanmawii Nl Lalremtluangi Nl Loicy Vanthianghlimi

Speaker

Speaker

ZING |AWNG|AI INKHAWM HRUAITU TURTE

Thawh\anni Thawhleh - Zirtawp Inrinni Pathianni - Upa Raldo\huama - Camping - Pi Lai\huami - Pu K. Lalengmawia

Ni 17 Oct. - 23 Oct., 2011 chhunga pangpar tui leih tur leh Pathianni a pangpar khawi turte : Pi Rothangpuii & Nl T. Zomuanpuii

HRILHTU

KUM 24-NA

ISSUE NO. 41 Ni 16.10.2011

PATHIANNI

PHEK 3-NA

K|P |AWNG|AI INKHAWM PROGRAMME Ni 16.10.11 (Pathianni) chawhma dar 11:30 Hruaitu |antu Zai hruaitu : Tv Joseph Lalremruata, Secretary : Nl Lalhnehpuii Sailo : Tv H. Lalchhuanawma, Fin. Secretary

AIZAWL WEST PRESBYTERY INKHAWMPUI VAWI 13-NA TLUANG TAKA ZAWH A NI Aizawl West Presbytery Inkhawmpui vawi 13-na chu Kanan Kohhran Biak Inah neih a ni a; Pathianni (9.10.11) zan khan a \iak a ni. Kum 2012 Presbytery (vawi 14-na) chu October 11-14, 2012 chhungin Tuikual Kohhran Biak In-ah neih a ni ang. Tun \um Presbytery-ah puipate chu : Moderator : Upa V. Thangzama, Dawrpui Vengthar Secretary (Sr) : Upa H. Ronghaka,Vaivakawn Secretary (Jr) : Upa Lalbiaksanga Ralte, Luangmual VT Thupui : 'Ringtute nghahfak - Lalpa lo kal lehna (Phil. 3:20)' Kum 2012 Presbytery puipa turte: Moderator : Pastor K. Lalhmuchhuaka, Dawrpui Vengthar Secretary (Sr) : Upa Lalbiaksanga Ralte, Luangmual VT Secretary (Jr) : Upa Laldawngkima, Tanhril Treasurer : Upa T. Rohmingliana, Dinthar Statistician : Upa H. Vanlalfaka, Tuikual North Zirtawpni-a rorelnaah Palai 387 an kal a. Presbytery chhunga Upa (Presbytery member) 220 zingah 208 lai an kal thei. Pro. Pastor hna mi 2 Synod-ah dilpui rem tih a ni. Ni 9.10.11 (Pathianni) chawhma inkhawmah Upa nemngheh inkhawm neih a ni a, he hunah Upa thlan thar mi 13 nemngheh an ni. Chawhnu inkhawmah Upa thi sunna hun hman a ni a, Upa thi 4 sun an ni. He hunah hian Tuikual Pastor Bial Zaipawl an zai bawk. Thlengtu Kohhran inbuatsaihna a fakawm hle. Inchei Nalh Bera Thlanchhuahte

TUIKUAL PASTOR BIAL MASIHI SANGATI INKHAWM PROGRAMME Ni 16.10.2011 (Pathianni) Chawhma Hruaitu : Evan P.C. Vanlalhruaia |antu : Namraj Chhetri Zirtirtu : Pu T. Zoliana Naupang Zirtirtu: Pi Mary Lalnunmawii, Pi Lalbiakmawii Chhun Dar 1:00 Hruaitu : Pu Dilip Rana Tantu : Pi Nirmala Ramtel Thuhriltu : Pi Lalbiakmawii ZAN DAR 7:00 Hruaitu : Pu T. Zoliana |antu : David L. Rana Thuhriltu : Pu C. Lalthangliana Thilpek lakhawmtu : P.C. Lalhriatkimi Ni 20.10.2011 Zan Dar 7:00 Hruaitu : Pu R. Lalrinawma |antu : Tv B. Siamliana Thuhriltu : Pu Lalmawia Thilpek lakhawmtu: Pi S.T. Zopari Happy Birthday to... K. Lalduhawmi Nl Lalmuanpuii Nl Vanlalhmangaihi 18th October 21st October 22nd October

Mipa Football Champion - Timothea Group

Group Champion - Timothea Group

Council for World Mission Face to Face Programme, Tuikual North Basketball Court-a neihah kan Branch-in Khuallam kan entir. Branch aiawha lam zawng zawngte chungah Branch Committee chuan lawmthu a sawi a ni.

HRILHTU

KUM 24-NA

ISSUE NO. 41 Ni 16.10.2011

PATHIANNI

PHEK 4-NA

Sermon chhunzawmna: Misual ngaihdamte reng reng chu an chapo thei tawh lo va, khawngaih mark hmu an nihzia an hre chiang a, an headmaster Isua khawngaihna hmel chu an chhuang thin. Khawngaih an phu lohzia an hria a, chutichung chuan khawngaih an hlawh tlat si chu mak an ti a, an mittui a tla thin. Chhandamna hi khawngaihna hnathawh a nihzia an hria a, rawngbawlna pawh hi khawngaih rawngbawl hna a nihzia an hai lo. He khawngaihna rawngbawl hna hi a man chiang lo apiang an chapo va, khawngaihna avanga thawk apiangte chuan tih tur an neih tam poh leh khawngaihtu an fak mai thin a ni.Hla phuahtu pawhin he khawngaihna mak avanga thiam a chanzia a ngaihtuah neuh neuh va, kraws-a khawngaih mark hmu a nihzia chu mak ti takin Thil mak chhui sen loh kan Pathian, I thawh tinreng mak kan tih hian; Nimahse, i mi khawngaih hman, Engkimah mak kan ti ber a. Nangmah ang rengin tu nge awm? Min ngaidam zelin min la lawm, tiin a testimony chu khawngaihna behchhanin a puang chhuak a. Vawi khat pawh Wellington-a hmaah sipai sual fl bik hi an rawn hruai a. Wellington-a hnenah chuan, Ka pu, he sipai hi sipai dan angin hremna zawng zawng a chungah kan hmang tawh a; nimahsela a sual zual tial tial si a, banna thupek min ziaksak la, bng mai rawh se, an ti a. Wellingtona chuan, Sipai dan zawng zawng in hmang zo vek tawh maw? tiin a zawt let a. Anni chuan, Hmaih nei lovin kan hmang kim vek tawh, an ti a. Wellington-a chuan, A nih leh in ngaidam tawh em? a ti a. Anni chuan, Ka pu, kan la ngaidam hauh lo mai, an ti a. Wellington-a chuan sipai hnenah chuan, Tlangval, ka ngaidam a che, tiin a hrilh a. Chuta tang chuan sipai siam that theih tawh lohva an ngaih chu a tha ta em em a, sipai rual zinga tha ber pawl a tling ta a ni an ti. Ngaihdamna dawng fuhtu nunah chuan simna a piang ngei ngei thin a ni. Ngaihdamna chuan thiamchantirna a keng tel a, thiamchantirna chuan simna a keng a, simna chuan nun thar neih a hring chhuak thin a ni. Bible-a fapa tlan bo khan inthiam lohna mittui parawl teuh chungin a pa in lam a pan a. A pa fapa nih a beisei ngam tawh lo va, a chhiahhlawh nih dil a tum a. A pa erawh chuan ngaihdamna kimin a lo hmuak a; a chhiahhlawha siam chu a hnai lo mai, a fapaah pawh a tha tha changtu atan a lo lawm lut hmiah mai a. Zungbun tha ber a buntir a, puan tha ber a sintir a, pheikhawk tha ber a buntir bawk a. Sebawng no thau ber a talhsak a, ruai a thehsak nghal a. A khua leh tuite hnenah chuan a fapa thiam lohna reng sawi lovin, He ka fapa hi a bo va, a lo hawng leh ta a nih hi, a thi a, a lo nung leh ta a nih hi, tiin a puang chhuak a (Lk. 15:1ff). Chutiang chu nang leh kei pawh hian Pathian ngaihdamna kan chan dan chu a ni a, a ropui teh e. Kan sualte pawi ti a, sim a, Pathian hnena kan kir phawt chuan Pathianin kan sualte a hai der mai a ni lo va, Isua thisenin a lo thai bo va, mi bawlhhlawh ber kha mi thianghlimah min puang ta ut ut mai!! Boral hnu hi lawma khurin, Pathian ngaihdamna kan chang a; Sual chhiar sen loh ngaihdamna kim, Isua thisena lei tawh kha.

Sermon chhunzawmna: Vawi khat pawh Scotland rama nu pakhat hian natna khirh tak a vei avangin damdawi inah a awm a. Doctor-ten hun rei tak an enkawl hnuin a lo tha chhuak leh ta a. A lo chhuah meuh chuan a dam chhung pawha a rulh sen loh tur damdawi in bill chu a ba ta mai a. Damdawi in Director chuan chu nu chu a khawngaih em avangin a ko va, a batna lehkhaah chuan Ngaihdam a ni e, (Forgiven) tih a ziak a, a hming a sign hnan ta a. Damdawi in office-a thawktute chuan chu chu an hriat ve loh avangin chu nu chu a ba an thing sek mai a. Nu chuan, Director-in min ngaidam tawh alawm, a tih pawhin, I hming zawnah i bat zat a la chuang a ni, dawt sawi suh, an ti tlat mai a. Nakinah chuan chu nu chu roreltute hmaah an khing ta hial a. Rorelna hmaah chuan, Ngai rawh, hei i hming leh i bat zat hi, tiin an entir a. Chu nu chuan, Ka hming zawn kha en phei zel teh u, a ti a. An han en phei chuan, remark column-ah hian fiah tak maiin, Forgiven, tih ziak leh Director hming sign chu an hmu ta a. Chutah meuh chuan a thingtute chu roreltu hmaah chuan an zak let ta hle mai a. Nakin lawkah chuan keini pawh hi rorelna lalthutthleng var ropui hmaah kan la ding vek dawn a. Chutah chuan kan sual avanga kan batna lehkha an rawn la chhuak ang a, min la kawh hmuh ang a, chuta tang chuan tumah insawi fihlim thei kan awm hauh lo vang le. Amaherawhchu ngaihdamna lehkha kan nei a, chu chu kan entir ve thung dawn a ni. Kolosa 2:14 thu hi chhiar ila, Batna lehkha, thupeka ziak, kan chunga awm, min dodal thina chu a thai bo tawh si a: chu ngei chu kraws-ah khengbetin a la kiang ta, tih kan hmu. Batna lehkha chu Eden bawhchhiatna kha a ni a, kraws chu a thai bona hmun chu a ni a, a thai botu chu Lal Isua a ni a, a thisenin a hming a sign a ni. He thiam chantirna thu hi sawiin Paula chuan, Thiam chantirtu kha Pathian a ni si a, tunge thiam loh chantir ang? Thi-a kha Isua Krista chu a ni si a, a ni, tho leha, Pathian ding lama min sawisaktu bawka kha a ni si a, tiin a sawi a (Rom 8:33). Rorelna hmaah chuan thiam loh min chantir theitu pakhat chauh a awm a, chu chu Pathian a ni a. Amaherawhchu thiam loh min chantir theitu ber kha thiam min chantirtu a ni dawn si a. Min hek chhe theitu pakhat chauh a awm a, chu chu Lal Isua a ni a. Ani chu Pathian ding lama min sawisaktu atan kan hmang daih dawn bawk si a. Ka hming hnaisai lo Pa hmaah Isuan a tan ang a; Van Jerusalem tharah khian, Awmna min siamsak ang. A tawp berah chuan, kan sawi tawh ang khan ngaihdamna dawngtu dik takte nunah chuan simna dik a piang nghal a. Simna chu sual tawh loh mai a ni lova sual huatna leh tenna a ni. Kan ramah hian sim hming pu chu kan tam viau va, a lawmawm a, nimahsela sual huatna leh tenna tak tak nei hi kan tlem deuh. Sual hi a huata kan huat loh chuan ti lo vang vang mah ila, tih leh duh hun a piang mai thin a, kan tlu leh mai thin. Tirhkoh Paula bawkin, Kan Lalpa Isua hriatna ropui bikzia avangin engkim ka chn vek a, hnawmhneah ka ngai a ni, a ti a (Phil. 3:8). Kan thianpa, a hming pawh sawi ta mai ila, Rev. J.L Kunga chuan Lal Isuan min ngaihdamna hian mi dangte ngaidam ve tura min tur nasatzia a hre chiang hle a. Pulpita ngaihdamna thu a sawi laiin, Aw, ka nupui hi uire sela, han ngaihdam ka va chk em, tiin a sawi ta a ni wm e. A ti lutuk deuh a ni mai thei a, amaherawhchu a thinlungah ngaihdamna awmzia a lan fiahna hi a entawn tlak khawp mai.

PUBLISHED BY THE KRISTIAN THALAI PAWL, TUIKUAL SOUTH BRANCH, AIZAWL. COPY - 200 PRINTED AT RINAWMNA PRESS, TUIKUAL SOUTH, PHONE - (0389) 2318308