Editor: Joseph Lalremruata Ph. 9436195390 News Editors: T. Laltanpuia Ph. 9774610424 Lallawmkimi Ph.

9774116769

Estd

1987

Joint Editor: Chawngthanpuia Ph. 961212253 Circulation Managers : Lalremruata H. Zoremmawia Lalmalsawmi Vanlalropuii

RAWNGBAWLTURACHHANDAM
KRISTIAN THALAI PAWL TUIKUAL SOUTH BRANCH CHANCHINBU KARTIN CHHUAK

HRILHTU (KARTIN CHHUAK) KUM 24-NA ISSUE NO. 46

NI 20.11.2011 TIH ZIAK A NI

PATHIANNI

TUALCHHUNG
Ni 14.11.11 (Thawh\an) zan inkhawm ban khan November thla Faith Promise hawn a ni a, Rs. 9020/- lai hmuh a ni a, member-te inpekna a lawmawm rualin, \an la sauh sauh turin kan inngen a ni. Ni 15.11.11 (Thawhleh) zan khan Kohhran Committee Room-ah Branch Committee neih a ni a, thurel tlangpui phek thumnaah dah a ni. Ni 18.11.11 (Zirtawp) zan khan Tuikual Kohhran Hall-ah Tuikual Veng chhunga Kohhran hrang hrang |halai ten Joint Fellowship neih a ni a, Kohhran tin a\angin item pakhat \heuh neih a ni a, kan Branch a\ang pawhin Group Singing mawi takin an zai a, member kal ten kan hlawkpui hle. Pu Malsawmtluanga te chuan a pathumna atan fanu duhawm tak an nei thar a, kan lawmpui hle. Ni 28.11.11 (Thawh\an) zana Group Nite kan hman tur atan Group hrang hrangte an inbuatsaih nasa tawh hle a, Group Nite hlawhtling tak kan hman theih nan \an i la sauh sauh ila, theihtawp i chhuah tlang teh ang u. Tun \um Group Nite hi a hmingah TITAMON NITE tih a ni dawn a, incheina chungchangah pawh hmeichhiain Mizo hmeichhe incheinaa nalh kan tih ber hmangin inchei tur a ni a, mipa lam pawhin suit hak vek theih nise tih a ni. Tukin zing khan kan K|P ten Kohhran member boral ta Pi Rumliani chhungte ralna leh inkhawmpuina hun hman a ni. ZAIPAWL HLA ZIR Zanin inkhawm ban hian Kohhran Zaipawl-in Krismas hla zir tur a ni a, hla zirna hun kan nei tan tawh loh avangin member-te \hahnemngai taka hla zir turin kan inngen a ni. - Conductor

Sermon:

- Rev. Vanlalzuata Lalpa i Pathian chibai buk la, ama rawng chauh bawl rawh

nthony-a chu Pathian thuhriltu a ni a; mahse a hun laia mite chuan a thusawi chu an ngaihsak lo hle a. Anthony chuan sum tam tak sengin intihhlimna leh ennawm chhuahna a siam ta a, chutah chuan mi tam tak an lo kal khawm a, an nui dur dur mai a. Hun tawp lamah chuan Anthony-a chuan Pathian thu sawina hun rem changah a hmang ta a. Mite hnenah chuan, Hemi hmuna lo kal tur hian tumah a bikin ka sawm lo che u a, engvangin nge in lo kal? tiin a zawt a. Mite chuan, Pandal luhna chungah sawn, Tupawh a duh apiangte tan tih ziak kan hmuh vangin a duh duh kan lo kal a ni, tiin an chhang a. Anthony-a chuan, A nih leh engvangin nge ei tur ka chhawp zawng zawngte hi a duh apiangin in ei hlawm? tiin a zawt leh a. Anni chuan, A duh apiangte tan a thlawnin ei rawh u tih inziak kan hmuh vang a ni, an ti a. Anthony-a chuan, A nih leh engvangin nge Tih ziak a ni tih hmanga Pathian thu ka sawi hi tumahin in awih si loh? tiin a zawt leh a. Chuta tang chuan a thu ngaithlatute chu an rilru a hneh \an ta a. Bible hi Pathian thu nung a ni a, Pathian thwk khum a ni tih chu kan pawm thei a, tumahin kan hnial lo. Amaherawhchu Tih ziak a ni tih hi keimahni tan kan pawm mai hlei thei lo hi kan harsatna a ni. Lal Isua ngei pawhin, Pathian Lehkha in chhiar ngun \hin, a chhungah chatuana nunna awma in rin avangin: chung Lehkha chu ka chanchin hriattirtu chu a ni si a. Nimahsela nunna nei turin ka hnenah in lo kal duh si lo, tiin a sawi a (Joh. 5:39). Pathian thu hi kan hria a, nimahsela kan hriat hi kan zawm ngam tlat lo va, Lal Isuan a ngaih pawimawh lai tak chu a hriat tamna lam aiin a zawm tam lam a ni. Kan ram Kristiante hian mahni zawm khawp chu kan hre vek tawh a, mahni hriat apiang zawm zel mi hi kan la tlem si a nih hi. Khawhar inah te, puipun nikhuaah kan insawi siak vak vak a, a sawi thiam thiam kha a zawm thiam thiam kan ni tlat si lo. Chumi avang chuan Pathian thu hi sawi loh tur tihna chu a ni hauh lo va, zawm hmasak phawta sawi erawh chu kan zir a pawimawh a ni. Mahni \heuh hi inenfiah ila, Pathian thu hi kan chhiar liam mai mai nge zawm kan tum tak tak? Entir nan, ...amah chu tupawh a ring apiang an boral lohva, chatuana nunna an neih zawk nan, (Joh. 3:16) tih ziak hi kan chhiar a. Tupawh a ring apiang, tih hian min huap ve a; nimahsela mi dangte tan emaw kan ti tlat \hin a ni. Ram tinah kal ula, Chanchin |ha hi hril rawh u, tih ziak hi ram thim veite tan chauh a ni lo va, mi zawng zawng tana thupek a ni a, mahse kan inbn si a. Sual chu sualin thungrul suh ula, malsawm hlauh zawk rawh u, tih ziak hi kan zawm dawn tak tak chuan, Mihring kan ni miau va, kan ti leh \hin a ni lawm ni? Pathian hnenah hian a malsawmna min vur turin kan \awng\ai \hin a, Tih ziak a ni tih hi zawm thei turin kan \awng\ai tam a \ul zual hle mai. Lal Isua leh a zirtirten zanriah an kil lai lem ziaktu hi Leonardo da Vincy a ni a. Vawi khat chu a \hianpa nen an inhnial chiam mai a, Vincy-a pawh chuan a \hianpa chu a hu nek mai a. Chumi zawhah chuan zanriah hnuhnung kil lai lem chu ziak zawm turin a dawhkanah a \hu leh a.
(Phek linaah chhunzawm a ni)

Agents : H. Lalfakkima Lalnunmawia V.L. Ruatdika Ralte Lalbiakhlua Lalthanzauva

HRILHTU KUM 24-NA
K|P THILTUMTE :

Francis MS Dawngkima K. Lalrodawla

PHEK 2-NA

ISSUE NO. 46 Ni 20.11.2011 PATHIANNI

Isua Krista rinna leh amah anna kawnga \halaite hruai. Kohhran kutke ni tura \halaite buatsaih. Kohhran hnathawh tihpuitlin. Krista Chanchin \ha puan darh. Kumtawp kan lo hnaih ta hle a, mitin ten kan rilruah Krismas lo thleng tur hlim leh nuam taka kan hman theihna turin inpuahchahna leh ruahmanna kan nei \an tawh a ni. Thawmhnaw thar mai bakah bungrua leh thil thar lei tur te rilruah a awm \an a, kan duhzawng te kan neih ngei theihna turin kan in ruahman \hin. He hun ropui tak lo thleng tur atan hian tisa lamah chuan nasa takin kan inpuahchah a, ruahmanna te kan siam \hin a, a hun a lo thlen meuh chuan kan tisa lamah chuan kan inpeih viau \hin a ni. Chutih rualin thlarau lama hlawk taka kan hman theihna turin ruahmanna te kan nei em le? Tisa lama kan inpuahchahna aia nasa hian kan rinna leh thlarau lama kan hlawk tlan theihna turin mitn te kan inbuatsaih tur zawk a ni ang. Kohhran programme hrang hrangte hlawhtling taka hman a nih theihna turin tun a\anga \awng\ainaa kan thlen \hin a pawimawh hle a ni. Thlarau lam Hnutetui.... SAKAWR PAHNIH Kan in piah lawkah chuan motor kawng a awm ruih mai a. Chu kawng lehlamah chuan phaizawl a awm a. Chutah chuan sakawr pahnih hi an tla \hin a. Hla deuh a\anga thlir chuan an danglamna pawh a hriat lem loh, mahse han din hnaih chuan sakawr pangngai an ni lo tih a hriat theih. Sakawr pakhat zawk mit chu chiang taka en chuan a del a ni tih a hriat theih a. Mitdel, engmahah \angkai lo tia hralh mai lovin a neitupa chuan duat takin a la enkawl a, riahna tur hmun \ha tak pawh a siam nghe nghe a ni. Ding chunga ngun taka i ngaihthlak chuan dar ri i hria ang. Khawi a\anga lo kal nge tia i hawikual chuan sakawr pakhat zawk, a te zawk a\anga lo chhuak a ni tih i hre thei ang. A neitupain dar a awrhtir a ni. A kal zawng chuan a dar awrh chu a lo ri a, chumi ri hmang chuan a \hianpa mitdel kal ngaihna hre lo chu a kaihruai \hin a lo ni. Rei tak dina han en vang vang chuan sakawr dar awrh zawk chuan a khat tawkin a \hanpa chu a va en zauh zauh a, a rawn zui leh zui loh a ngaihven ru reng \hin. A mitdel zawk pawh chuan zawi muangin a ri hriatna lam panin a rawn zui ve \hin a, a \hianpa chu a ring em em a ni. Heng sakawr pahnih neitu ang chiah hian kan tlin tawk loh vang emaw, harsatna kan neih vang emaw, rualbanlohna kan neih vang emawin kan Pathian hian min hlamchhiah mai lo. Min thlir reng a, harsatna kan tawh pawhin min pui theitu tur kan hnenah a rawn tir \hin a ni. A chang chuan sakawr mitdel ang mai kan ni a, kan nun kaihruaitu tur \hian min pe a, chumi te hmang chuan Amahin min hruai \hin. A chang chuan Amah hre lo te ama hnena hruai thleng turin sakawr dar awrh ang mai khan min hmang ve bawk \hin a ni.

KOHHRAN INKHAWM PROG. (20.11.2011)

|antu Chawhma : Pi Lalzuiliani Chawhnu : Pi Lal\hazampuii : Upa Thanhawla Zan : Pu Zosanglura

|antu Thuhriltu

Thuhriltu

NILAI ZAN (23.11.2011)

|antu Thupui hawngtu : Nl Rebecca Lalawmpuii : Pi F. Lalrintluangi

INRINNI ZAN (26.11.2011)

|antu Thuhriltu : Nl Vanlalropuii : Pastor K. Lalpiangthara

November thla Inkhawm Hruaitu Upa F. Lalhmangaiha November thla thilpek lakhawmtute Nl R. Lalnunhlimi Nl Rebek Lalfakawmi

Nl Remsangpuii Zai hruaitu turte (14 Nov. - 27 Nov., 2011) Pu K. Thanglura Pu Joseph Lal\anpuia

Hla Hriltu (14 Nov. - 27 Nov., 2011) Nl Zonunsangi Hrahsel Light & Sound duty turte Pu Joseph Lal\anpuia Tv T. Lal\anpuia

SS Thilpek lakhawmtute Nl K. Lalthlamuani Nl H. Lallawmkimi

Nl Ethelyne Lalrinzuali

ZING |AWNG|AI INKHAWM HRUAITU TURTE

Thawh\anni Thawhlehni Nilaini Ningani Zirtawpni Inrinni Pathianni - Pu H. Pachhunga - Pi Laltlanthangi - Pi Vanlal\huami - T. Upa Lalramchullova - Pi Lal\anpuii Hmar - Pi Darnghaki - Pi Vanlalhrliri

ISSUE NO. 46 Ni 20.11.2011 PATHIANNI PHEK 3-NA BRANCH COMMITTEE THUCHHUAK K|P |AWNG|AI INKHAWM PROGRAMME Ni 15.11.11 (Thawhleh) zan khan Kohhran ComNi 20.11.11 (Pathianni) chawhma dar 11:30 mittee Room-ah Branch Committee neih a ni a, thurel Hruaitu : Pu H. Lalchhuanawma, Fin. Secy. tlangpuite: 1. Sum dinhmun: Tuna kuta sum kawl lai chu Rs. 16,251 a |antu : Tv H. Lalthanzauva ni. Zai hruaitu : Tv H. Lalfakkima 2. 2012 OB thlan hun : Kum 2012 Branch Office Bearers thlan hun atan ni 19.12.2011 (Thawh\an) zan a ni ang. K|P INKHAWM PROGRAMME Kumdang ang lovin a hlawmin mi paruk thlanchhuah tur a ni Ni 21.11.2011 (Thawh\an zan) anga, heng mi paruk thlanchhuah te hian nihna an insiamrem Hruaitu : Tv Joseph Lalremruata, Secetary leh dawn a ni. Inthlanpui turin Kohhran Committee te sawm |antu : Tv David Zonunsanga an ni ang. Thilpek : Nl C. Lalnunpuii lakhawmtute Nl C. Lallawmsangi 3. Gift Exchange : Ni 19.12.2011 (Thawh\an) zan OB inthlan Thupui : Thuawihna - Khawtlang leh ramah zawhah Gift Exchange hman leh tur a ni ang. Gift Item atan Sawi hawngtu: Pu Zahmingthanga, Asst. Secretary hian Rs. 50-150 inkar man, eiral mai theih loh nise tih a ni. November thla chhunga Zai hruaitute : Tv Lalremruata & 4. Carol Service : Ni 22.12.2011 (Ninga) zan dar 8:30-ah Tv H. Lalremfela Christmas Carol Service hman tur a ni ang a, Sunday School Musician : Tv Chawngthanpuia & Hall-ah \anna hun hmangin vengchhung fankual tur a ni ang. Pu David C. Lianzama Vengchhung fankual zawhah Hall-ah let lehin refreshment Sound Duty : Tv T. Lal\anpuia tuihnai tak eiho tur a ni ang. KOHHRAN HMEICHHE INKHAWM PROG. Ni 22.11.2011 (Thawhleh zan) Chairman : Pi Lal\anpuii Hmar |antu : Pi Lalnguri Thilpek lakhawmtu : Pi Lalzuiliani Zaihruaitute : Pi P.C. Lalthanpari & Pi Lianbuangi Thuhriltu : Pi Nuchhungi Naktuk zingah Buhfai\ham hralh tur a ni a, heng mite hian an buaipui ang: Pi Zosangi Pi Rothangpuii Pi Zochhingpuii Pi Sangluaii Pi Thangrikhumi Pi Saizikpuii KOHHRAN HMEICHHE NI Ni 25/11/2011 (Zirtawp) hi Kohhran Hmeichhe Ni a ni a, hemi ni hian Hangi Lunglen Tlangah nilenga Bethel-na neih tur a ni a, Kohhran mite a tam thei ang ber kal i tum ang u. Bus hire tur a nih avangin kal tumte chuan in report hma tur a ni a, tin, tiffin pai \heuh tur a ni e. Zirtawp zanah hian Biak In-ah Inkhawmna neih tur a ni a, Programme hetiang a ni : Chairman : Pi Lianzauvi |antu : Pi Lianchhungi Thuchhiar : Pi Lal\anpuii Hmar 1-6 Pi H. Lalawmpuii 7-12 Inkhawm banah thingpui leh a hmeh tui tak eia in tur a ni e. PAVALAI FELLOWSHIP PROGRAMME Ni 20.11.11 (Pathianni) Chawhnu Inkhawm ban A hmun Hruaitu |antu : Pu Z. Dengthanga In : T. Upa Lalramchullova : Pu C. Vanlalvena |awng\ai rual leh hla zir nan hun hman a ni ang. 5. Group Result Puan : Group result puan hun atan ni 19.12.2011 (Thawh\an) zan a ni ang a, Group In-charge Tv Chawngthanpuia, Treasurer-in a puang ang. 6. Biak In leh a vel chei : Biak In leh a vel chei chungchang Kohhran Committee-ah thlen tura rel a ni. 7. Mixer hlui (Ahuja) tihral : Kan mixer hlui (Ahuja) chu a mamawhtu K|P Branch te hnena pek \ha tih a ni a, hemi rual hian sound system dang Amplifier pakhat, Speaker pakhat, microphone pakhat leh \uldangte pek tel a ni ang. Pek tur Branch chu Committee Member ten lo zir chiangin Committee leh huna ngaihtuah leh tur a ni ang. 8. General Conference 2012 a kal tur Sponsor : K|P, Zawlpui Pastor Bial hnen a\angin kum 2012 General Conference, Thenzawl-a neih tura an Bial chhhung member-te kalna tur Sponsorship Rs. 4500/- min dil a, min dil ang hian pek ngei nise tih a ni. YOUTH GROUP INKHAWM PROGRAMME Ni 20.11.11 (Pathianni) Chawhnu Hruaitu : Tv Lalrinchhana, Inter Ztu. |antu : Lalngilneii, Sacrament Dept. Zai hruaitu : Lalbiakhlua, Senior Dept. Zirlai : Chhiatni \hatnia awmdan mawi Sawitu : Nl PC Lalrinpuii, Senior Ztu. Zirtirtu inkhawm turte : Pu Lalvulluaia Khiangte Pu H. Lalchhuanawma Nl R. Lalnunhlimi Nl H. Lalhmangaihzuali Nl Lallawmkimi Happy Birthday to... Nl H. Lalchawimawii Tv Lallawmzuala Tv Chawngthanpuia Pu Joseph Lal\anpuia

HRILHTU

KUM 24-NA

Ni 21 Nov. - 27 Nov., 2011 chhunga pangpar tui leih tur leh Pathianni a pangpar khawi turte : Pi Zochhingpuii & Nl Zonunsangi Hrahsel

20th November 20th November 23rd November 25th November

HRILHTU

KUM 24-NA

ISSUE NO. 46 Ni 20.11.2011

PATHIANNI

PHEK 4-NA

Sermon chhunzawmna: Nimahsela a ziak chhunzawm thei ta hauh lo mai a, a hma lawka a \hianpa a hauhna avang chuan a inthiam thei ta lo va, a hmaa a thil ziak tur chu ziak chi niin a inhre ta lo va. A tho leh a, a \hianpa chu a zawng chhuak a, a hnenah ngaihdam a dil a, an inrem hnu chuan a ziak chhunzawm thei ta chauh a ni an ti. He thu a\ang hian zir chhuah ve tur tam tak kan nei wm e. Kan Lal Isua pawhin, Maichamah thilpek i hlan dawnin kal la, i unau va rem hmasa zet rawh, a ti a. Tu emaw haw reng chunga inkhawm te, Pathian biak te, \awng\aite hi Pathian thu a ni lo. Thu kan sawi dawnin, Keima nunah min lo en bik lo ula, tiin kan inhai vur sauh sauh va, kan duh tawk kan lim nghek zel a nih chuan Pathian thu hi a bukin kan \helh ngei ang. Hetianga kan sawi avang hian Pathian thu hi mi \ha ziktluakte chauhvin an sawi tur a ni tihna erawh chu a ni lo va, mahni tlin lohzia pawm chungin, insiam \hat tum ranin kan sawi tur a ni tihna a ni. Kan sawi tum tak chu tih ziak a ni, tih kha a ni a, chutah chuan lut leh tawh ila. Lal Isua kha Setanan kawng thumin a thlem a, Lal Isua pawhin, Tih ziak a ni ve bawk, tih hmangin kawng thumin a hneh a (Mat. 4:1-11). Heng thlemna chi thum Lal Isuan a hneh a\ang hian kan nitin nuna zir chhuah tur eng nge kan neih? tawi te tein lo thlir ila : 1. Lung chhanga chantir tura thlemna : Lal Isuan ni sawm li leh zan sawm li chaw a nghei tawh a. Setana chuan a riltamna nena inzawm, lung chhanga chantir turin a rawn thlem a. Nimahsela Isuan Deuteronomy 8:3 hmangin, Mihring hi chhang chauhvin an nung lo vang a, Pathian ka thu tin chhuakin an nung zawk ang tih ziak a ni, tiin a chhang thla a. Tun thleng hian Setana hian kan mamawh zawnah min thlem thiam em em zel. Hrawk chkna laka thlemna hi kan do zo lo fo \hin. Hausak kan duh a, mahni kut kawiha kan tlin dawn loh chuan hlep ru mai turin Setana aw kan hre \hin a. Thawk rim si lova neih \euh dante hi Setanan min kawh hmuh a, chutah chuan kan tawlh tlu \hin. Kan mamawh zawng tak nena inngheng reng thlemna hi do zo turin, Tih ziak a ni tih hi kan tan chhan ngam ve dawn em? 2. Temple chhip zum atanga tla thla tura thlemna: Isua hi Temple chhip zum atang hian tla thla ta sela, vantirhkohten rawn dawm kang leh sela, miten thilmak a nih avangin amah an rin phah huai huai ang a; nimahsela takna an nei si lovang. Lal Isuan thimak tihin a rawngbawlna bul \an a tum lo va, miten mi maksak tak anga an hmuha an rin phah a duh hek lo. Pathian Fapa a ni a, chhia leh \ha hriatna thiang taka miten an rin a duh a, Lalpa i Pathian fiah suh, tih ziak a ni, tiin Deuteronomy 6:16 hmangin Setana chun a hnial a ni. Tunlai hian thilmak tih te, awm dan maksak te, thusawi dan dangdaite hi mipuiten kan ngaisang hle mai. Thlarau thilpek zingah pawh hian a mak danglam dawng apiangte hian ngaihsan an hlawh niin a lang. Makna hmanga rawngbawl hi a thawm a na ngei a, a tlo si lo a ni.
(Column lehlamah chhunzawm a ni)

Sermon chhunzawmna:
Biak in chhip zum a\anga zuan thlak hi thuhriltute phei chuan kan chk zawng tak a ni lawm ni? Dangdai tak leh mak taka Pathian hnathawh beisei hi Pathian rin lohna a ni a, chutiang mite chu a mak loh hun hunah kan chau leh mai \hin a ni. 3. Setana chibai buk tura thlemna : He thlemna hi thlemna hlauhawm ber a ni a, a lawmman tur pawh a ropui a, khawvel ram zawng zawng neih theihna hial a ni. Judate chuan kan chenna khawvel hi Setana thuneihna hnuaia awm niin an ngai a, a thuneitu berin khawvel hi pek a tiam chuan a itawm ngawt ang. A neih theih dan tur pawh a awlsam na meuh mai, vawi khat a hmaa bawkkhupa chibai buk a ni. Nimahsela Isuan, Lalpa i Pathian chibai buk la, ama rawng chauh bawl rawh tih ziak a ni, tiin he thlemna hi a hnar a ni (Deut. 6:13). Tunlai khawvelah hian kan hlawkna tur a nih phawt chuan Setana hmaa bawkkhup nih hi kan hreh ta lo hle mai. Kut tling lova sum lak luh hmanga hausakte hi Setana biakna chu a ni. A hring a hranin Setana chu kan be hauh lo va, kan \awngkam chuan Lal Isua kan bia a, kan thiltih erawh chuan Setana kan be si a ni. Mite tih dan ve tho alawm, titute hi he thlemnaah hian kan tawlhthlu \hin a ni. Bible hi in tinah kan kawl a, Pathian thu a ni tih pawh kan hre \heuh mai; amaherawhchu tih ziak a ni tih hmang hian vawi engzat nge thlemna kan hneh ve tawh le? Ruk kan ruk dawnin, ru suh tih ziak hian min thunun em? awt suh tih ziakte hian rualawhna lakah min thunun em? Dawt kan sawi dawnte hian, Mahni thenawmte hnenah thu dik tak sawi \heuh rawh u, tih ziakte hian min thunun em (Eph. 4:25)? Miin min huatte hian, Nangmahni lam tal mi zawng zawng nen inremin awm rawh u, tih ziakte hian min hneh \hin em? (Rom 12:18). Thungrulh mai kan duh changte hian, Tu sual pawh sualin thungrul suh u, tih ziakte hian min khap thin em (Rom 12:17)? Kan mihring pianpui \hatna leh kan Mizo tlawmngaihna piah lamah hian eng chenin nge tih ziak a ni, tih hian min hruai le? Eng emaw chenah chuan Pathian thu Tih ziak a ni tih hi a hnawk kan ti hle zawk \hin. Kan chunga thil tisualte chu a phu tawka phuba lak kan duh laiin Pathian thu chuan, Ngaidam rawh, tiin min bia a. Vawi hnih vawi thum kan ngaihdam hnu pawhin a la sual zel tho va, a kaw tawp kan thleng ta nia kan inngaih laiin Pathian thu chuan, Vawi sarih ka ti lo, vawi sarih hmun sawmsarih ka ti zawk che a ni, tiin min lo hrilh a (Mat. 18:21,22). Chuvangin tih ziak a ni, tih hi a hnawk kan ti a, zalenna laka min daltu leh min phuar bettu hrui niin kan hre \hin. Nimahsela kan inngaihtuah chian tak tak chuan tih ziak a ni, tih hlutzia hi kan hria ang. Lal Isuan, Hlau suh, a tih hi keinin kan fate hnenah, Hlau suh, kan tih nen a inang hauh lo. Lal Isuan hlau suh a tih hi chu a hlauhawm loh bik a, a chhan chu Kei i hnenah ka awm zel ang, tiin min tiam zui vang a ni. Keini chuan ram ril taka kan fate kal tur hi Mama hlau suh aw, ti ta ila, an hnenah kan awm zui ve zel theih loh avangin a hlauhawm tho tho \hin. Lal Isua erawh chu englai pawhin kan bula awm reng a tiam a, a awm reng bawk. Chuvangintih ziak a ni tih hian kan nun kaihruai sela, hmangaihtu Pathianin keini a hmangaihte lehkha min thawnna thu a ni a, thutak a ni tih i ngaihtuah zui ang u.

PUBLISHED BY THE KRISTIAN THALAI PAWL, TUIKUAL SOUTH BRANCH, AIZAWL. COPY - 200 PRINTED AT RINAWMNA PRESS, TUIKUAL SOUTH, PHONE - (0389) 2318308