Since 2006

ZAM Information Department

Volume 6, Issue 30 January 1, 2012

Estd. 2006

informing people, transforming lives

A pau thei lo mite aa ding pausak in la, a huh ding om lo mi cimawhte panpih in. Paunak 31: 8

Galtai Aa USA Tungte Vai Kumbei Pulakna

2011 sung tam tungzaw Abeisa khinsa kum 2010 in USA hongtung gampem phazah kiamsuk mah taleh ORR leh tualtanh sak (local resettlement) kipawlna tuamtuamte ma pankhopna tawh 2011 kum sungin mimal 102,500 USA hong tungthei uhhi. Tua lakah, - gambel dongtuak 56,379, - gam pemta 24,845, - Cuban/Haiti gamlal 11,114, - Nu le Pa keploh pemta naupang 7,120, - gambel dongtuak kumcinglo 1,400, - Special pemta visa tawh 1,033, - mi zuakte khotsa 565 leh - Amerasians 40 cih bangin ki zindo thei suak hi. Hih bangzah zin leh leng do beklo-in, nuntak khuasak thakna ding panpihna-ah gampi zum (federal government) tawh kizom in gamke zum (state government) leh tualsung vaipuak kipawlna (local agency) tuamtuamte thusiamna hang bek tawh hong piangzo suak hi. Gam tuamtuam pan a tungzah Mimal phazah in enkik lehangh: Kawlgam pan 16,901; Bhutan gam pan - 14,882; Cuba le Iraq gam pan - 9,415 tuak; Somali gam pan - 3,148; Iran gam pan 2,024 leh Eritrean gam pan - 1,980 cihbang ahihi. Leitung gam 65 phial pan hong kipan khia gambel minam tuamtuamte hi uh aa, gam nihna-ah kum tampi sung gentheih haksatna, launa leh bukcipna sung panin suahtak zalena leh nuntakna ding lungmuanna cih hamphatna lunggulh manin USA gam hong zuan a tamzaw phial ahihi. Hih pemtate USA gamke a tamzaw ah kikhen zau phial suak aa, Alaska, Wyoming, DC cihloh ah kizel gai hi. USA kumpi-in gambelte kaikhawm mawkmawk hilo-in munthak gamthak hong tun khit uh ciang na ngawn in kilam thakna ding athu ala tawh, sum leh pai tha tawh pilna leh kivakna kician anei mi tampi lamlahnate tawh pantah toto uh hi. 2012 aa ding 2012 sungin gambel pemta bangzah sangzo ding cih thu kikupna ah nunglam aa ki zasaksa ommah bangin, USA Department of Health and Human Service (DHHS), Department of States (DoS) te ki thukimnasa kumpipa Pu Obama tung ah ki puaklut khinzo ahihi. Hih kum 2012 sungah akigawm in mimal bangzah laakding cih leh koigam pan bangzah laak ding cih pen zaksak dingin ki khentat nailo suakphot ahihi. A hunhunin USA in galtaite huh Thu tuamtuam ziakin, USA gam ah 1900 zawh gambel a lomlomin hong tung hi. Galpi Nihna zawh ciangin tulai EU gamte pan inn sumh lo sumh teng ahualhual in hong tung uhhi. 1975 kimteh Vietnam gal huhau-in Indochina akici Lao, Combodia, Vietnam te panin a lomlom in hong tung hi.

1990 kum khit USSR gam hong kitapna dung zui-in Caucasian suan pemta a lomlomin hong tung uhhi. 1995 East Europe gambuai tuamtuam huhau-in a lomlomin hong tung hi. 2000 kum pawlin East leh North Africa tualgal leh kial tunna hangin tampi hong tung uhhi. A zomin Kawlgam sung buaina, human rights omlohna hangin langpang sang naupangte leh mualtung mi tampi hong taii leuleu aa, tuni dong a kizom toto lai ahihi. 2003 Iraq galpi huhau-in, mi tampi hong taiikhia uh aa, a tamzaw USA hong zuan uhhi. Iran gamin biakna leh namneu gakcip lua-uh ahih manin tampi hong taikhia uhhi. Galtaite ki pantah mahmah USA gam ih tun khit ciangin, gam thupi pen khat ahih mah bangin, gammite-in deidanna omlo-in hong pawlbawl uh aa, mipilte laamsang in mihaite ih haina hong lak uhhi. Sang kahna ding panpihna nasia tak ki vaihawmsak aa, a tamzaw sumzon kawmin sang kikah ciat hi. Tu laitakin, nupa kop khuasak zia ding pattahna thusinna, ki gui-awk le kithahna pan kikep ziading thusinna, kum 18 cing nailote pattah lamlahzia ding thusinna, khantawn aa mikang lai sin ngeilote thusinna, natna zungthuk leh lungsim tawng natna kepcinna thusinna leh American Dream a cihcih uh khiatna man tak hilhcian thusinna cihbang thu tuamtuam ah kumpi-in sum (dollar) awn tampi zeekin gambel/pemtate pattahna dingin gelna kinei hi. Suahtakna a diklam aa zattheihna gam USA pen, vantung gam nopsakna malepna mun hilo aa, ih pianna pan suahtak zalenna bucing ngah khalo mi cimawhte tungah, amau aituam hi napi aa a zeekkhak loh uh piankenh zalenna (human rights) a ngahtheihna ding gam hizaw hi. Tua suahtakna a zeekzawh tantan phalna ngahna gam ahihi. Tua ahih manin, USA gam hong tunma gam nihnaah a om laitak un pilsinna, khut siamna kisinna, mikang lai leh pau kisinna-in hunte manpha takin a zeeksiamtein, USA gam hong tun phetin maban limci gige khat teiteiin na dawntuah ahihi. Hamphat hunpha (opportunity) tawh kidimna gam hi aa, ei zeekzawh zahzah ei aa ding ahihi. Hih thu-ah deidanna omlohna mun ahihi. Theihding:Pu Eskinder Negash, Director (Office of Refugee Resettlement) in agelh kum tawp laikhak tawh kizawi tawn aa ki gelhkik ahihi. ZOGAM MANG

Calendar Kum 2012 Deih Ngetna

Zomi maban vaihawmnate lawhcing mahmah ding; UNHCR pan Zomi tul tampite ciaptehna hong piaksak mengmeng ding; Ciaptehna ngahsa (UN ngahsa) khempeuh maban tektekah mazanna ding; Zomi galtai tul tampi ki-om lai ahih manin, hong muak ding gam thumna pen USA bangin gam thupi tampiin lampi hong hon ding; Zomi khatciat ih dinmun kitel in a munzui-aa pilvang zawhding; Zomi sung kimat-kihen, guta migilo tawh ki tuahkhakloh ding; UNHCR in, mihing khat ii hamphatna apiazo gam thumnate-ah hong puak na ding.

ZAM THUPUAK
ZSM Kumcin Kikhop Leh Panmun Kitelna
December 26, 2011 ni-in Zomi Social-welfare of Malaysia kumcin kikhop leh hong pai ding 2012 sung panmun nei, vaihawm nasem dingte mipi teelna hunpi khat, ZAM zumnuai ZEC-Maharajalela inndei-ah, Khua Kipawlna leh Pawlpi tuamtuam pan makai/tangmi mimal 50 valin ki bawlkhawm hi. Ankuang umkhop zawh teh Hunpi Masaah, ZSM 2011 makaite tungpan pulakna hun kinei masa hi. Kumcin Kikhop-ah Thuzekpi Thu Pulakna Kipat zia leh dinmun ZSM - Zomi Genvai Kipawlkhopna 2011 kum ciang dong Khasim Kizopna sum hong puak Pawlpi (13) leh Khua Kipawlna (9) te-in, kizopna hong nei hi. Genvai Kipawlkhopna-in, Pawlpite leh Khua Kipawlnate tang a nasem Pawlpi makai siate leh Khua makaite-in hanciam tak aa nong panpih man un nakpi takin lungdam hi. ZSM in, Malaysia gam sunga om Zomi bup kipawlkhopna kaht hi aa, tuahsiatna khempeuh hong van ahih manin, ih hihtheihna ciat pan, ma ih pan ciatding thupi hi. Theihsakna Pawlpi makaite leh Khua makaite-in, veina takpi tawh kumsum donna ding aa, sum ngahna laibu (receipt) nong lak peuhmah uh, asum tawh a manlang in hong apkik un, cih ki zasak hipah hang. Maikum ciangin, hih Sum ngahna laibu kizang nawnlo ding aa, kum 2012 aa ding, athak kihawm ding hi. Hong puakkik nailo te-in, na laibu uh na zangkeita un. ZSM tawh kisai-in, anu leh apa, kipawlna ah alut khit nak leh, naupang kha (2) nuaisiahte, pawlmi in kisang aa, sihna khat atuah zenzen leh ZSM in vaipuak kila ding hi. Kumsum ahih mah bangin, kum khat sunga kha 12 sungah, bangkha bang kha-in piata lecin, kum khat ai mah piakding ahihi. December kha beima ahih nak leh kum khat aa kisim hi. Hong sihsan Zomi te leh ZSM ZSM kipat khiat ma-in Zomi a si (43) ciang ki ciamteh zo hi. ZSM kipat pan tuciang dong Zomi a si (43) mah pha leuleuta aa, thu leh vaite ki vaihawm sak zo hita hi. ZSM in kum 2009 sungin, misi luang 3 vui hi. 2010 sungin, misi luang 20 lak ah luang 14 kivui hi. 2011 sungin, misi luang 20 lak ah luang 9 kivui hi. ZSM min tawh ih vui khak lohte ciangzong a thu a la leh bus tawh ahi zongin panpihna kipia veve zong om hi. ZSM Thukhun Etphatna Rev. Dr. Zam Khan Thang makaihna tawh ZSM Thukhun omsa khempeuh, kipsakkikna leh etphatna, kikupna zong kinei thei aa, kikupna pan thu ki ciamteh khempeuh kumcin kikhop a kihel khempeuh tung E-mail tawh kikhak khia khin hi. A laidal in a simnuamte-in zum ah zong kikan thei hi. 2012 Panmun Ding Kitelna ZSM 2012 sung aa semding mipi lampan makai telna hun sungah, ZSM Thudotpite-in hun khempeuh hogn makaih hi. Kikupnasa ommah bangin me piakna tawh Office Bearer ding (7) kitel khia aa, Advisor (6) zong a thakin ki telkhia hi; Makaipite (Office Bearers) President Pa Kam Lian Mung (016 995 6231) Vice President Tg. Tuan Sawm Tuang (016 254 4093) Secretary (1) Tg. Kap Lian Thang (012 620 2125) Secretary (2) Rev. Ngul Khen Pau (017 368 7250) Secretary (3) Pa Joseph Kam Tung Sang (012 920 5881) Treasurer (1) Pa Zam Cin Dal (016 205 3370) Treasurer (2) Tg. Thaa Mung (016 646 5375) Thudotpite (Advisors) Rev. Dr. Zam Khan Thang Rev. Philip Pum Khan Khai Sia Francis Do Lian Kham Pa Nang Khan Pau Pa Dai Kam Pa Suan Khan Mang ZSM Thuzekpi

January 1, 2012

Zomi Cup 2012 Kimawl Ding Khuate

Hih anuai aa Khua teng, Zomi Cup 2012 a lutding aa lutmanh a pia khin leh a kician khinteng ahi hi (Group kikhen hi nailo hi); Vangteh Saizang Mal Suangzang Buanli Len Nupa Suangzang Mualpi Voklak Suanghoih Phaiza Ngua Sing Saizang Heilei Laibung Laaitui Salzang Valvum Tuidil Mualbem Tuipi Tungzang Tuimui Tuikhiang Dalkhai Anlangh Sezang Khuadam Group khenna leh kikupna omding Ih kikupsa danin January 2, 2012 nai 1pm hun lianin, ZAM zum ah kikupna a kicing mahmah khat, hun tampi pia-in vaihawm kul ding hi. Hun sau piaksawm pah ni. Atung aa Khua te pan makai ahih kei leh tangmi a tawmpen khatta (pello) kihel hamtang kul hi. Lunglut nak leh zong, khat leh nih bek hilo, tampi kihel thei lua hi. Hoihzaw lai hi. Kikupna tawh ih vaihawm toh ciatciat hi aa, a kimawl ding Khua te hita kei leh, Zomi Cup leh Zomi Nam Ni maban a lunglut peuhpeuh zong kihel huai hi. Tua hilo-in, kikupna pan bangteng ki khentat thei masa lo, kan masa lo pi aa, ei leh ei lawmlawm ki hawmthawhna, ki mawhsaknate omsak vetlo ding hihang! Thusuah (media) a suaksak nuamte zong ki welcome hi. Kizopna ding: Tg. Kham (0163406743), Hau Khai (0123674665)

ZCCM Pan Kumthak Muakkhawmding Sapna

Zomi a kuamah peuh, ko Zomi Catholic Pawlpi tawh kumthak muakkhawm ding kong zawn uhhi. Ani: January 8, 2012 (Sunday) Amun: St. Joseph Biakinn, Sentul Paidanding: Bus-Metro-57, U-2, 10 leh 224. LRT- Stesen Sentul Timor. KTM - Stesen Sentul. Kikhop hun: 10:30am - 12:30pm, Sun an (Lunch): 12:30pm Lasak hun: 1:45pm - 4pm Pasian phatna Lasa dingteng:Deih Mang&SuihLun (Sower Sisters), Kam, Lun San, Suanno, Vai, Micheal Thawng, Muan Cing leh ZCCM khangnote. Tiket RM10 ta-in Aung Nan Daw leh Chin Taung Tan ansai te-ah kingah thei hi. A kicingzaw theihnop leh 016 214 7076, 016 269 1351, 012 920 5881 leh 016 374 9423 te-ah ki dongthei hi. ZCCM

RST Interview Ding January 4 - Nang Lian Khup (79110C03600), Khai Mung (791-10C03603), William Mung No & Azi Dim Lam Lun (791-10C03606), Hau Sian Khai (791-10C03719). January 10 - Thang Deih Tung (791-10C04298) CO Class Kahding Pau Mung (MY118691) Jan. 4-9 (Room 3) Phone Nambat Thak Zaksak Pah Kisam UNHCR ciaptehna ngahkhin in, ih phone nambat piak masak zat nawnlohna khat ih neih phetin, a kisai UNHCR zumke tuamtuamte tung zaksak pah kisam hi. Amau hong kan ding hilo hi. RST pan bangin, galtaite a contact tak uh ciang a lemlo nimnum omtuak pahpah hi. Galtai dinmun tawh ih omsung khempeuh, eilam panin vaihawm ding a kisam thu leh vaite om tawntung hi. Khutme Mekding UNHCR zumpan zaksakna omkik nailo hi. Ma Pangkhawm Ding Zomi Nam Ni aa ding, Khua Kipawlna leh Pawlpite pan sum tawh ma pankhopna ih lah/neih tekding pen January 31, 2012 ni ma hi hamtang ding hi. ZND Committee Lai Siangtho Bu Kingahta Nunglam aate sang a dal leh a tuamdan hoihzaw hi. Atuamlo tawh - RM20, Atuam tawh - RM100. Kawllai tawh zong kingah hi. Bu tampi a vaikhak nuamte-in hong zasak un. Vai khatpeuh dottheihna: 014 220 1850, 014 643 0953 Nasep Zomi ansai-ah waitress semding, nasep hanciam numei 2 kinawh deih; Khasum - RM800. Ph: 016 205 3370 Nasep UN tawi mi (10) kideih; Kum 30 nuai; Nitha RM38; Kaal khat khatvei off. Kizopna ding: 012 367 4665 Sang Ap Kisangta ZEC-Bukit Tinggi pan sang ap kisangta hi: January 2-6, 2012. Kizopna ding: Sia Sangpi (010 277 7311) HELP College Kahtheihna Form te ZAM zum ah ki ngah hi. ZEC in UNHCR zum hong puaksak ding hi. Sum beina omlo hi. Bank Card A bawlnuamte-in, 012 367 4665 na hopih masa un. KHUAHUN HOIHLO A deuhdeuhin UN card tawi nailote sungtum pusuah, vaksuk vaktoh kidop huai mahmah hi!