#22

Ka u le ka nau hna, Pathian nih a kan zaangfahnak a nganmi ruangah hin, Pathian sinah a nung in pekchanhmi raithawinak bantuk in I pe tuah u; u rian ah aa pumpemi le cohlan awk tlakmi si tuah u; cucu biaknak taktak Pathian nan pek awk biaknak cu a si.

Hi vawlei kalning hin kal ve lengmang ti hlah u; sihmanhsehlaw chunglei in Pathiannih nan lungthin kha a dih-umnak in in thleng hna seh. Cu tikah a hami le Pathian nih a lawmhmi thil le athlingmi thil kha nan hngalh khawh lai; cucu Pathian duhmi a si.

Cu hnuah cun khua ka hun zoh i mibu nganpi, ahohmanh nih a rel in anrel cawk lomi kha ka humh. Annih cu phun kip, ram kip, holhkip le hrin kip chungin a rami an si i: Bawi hutdan hmai le Tuufa hmaiah cun puanrang aih in an dir i tuumhnah kha an i put.

Fak piin an au i, kan khamhnak cu Bawi hutdan cungah a humi Pathian le Tuufa sinin a rami a si, an ti.

Upa pakhat nih khan a ka hal i: Puanrang aa aihmi hna hi a hodah an si i khuazei in a rami dah an si, tiah a ka ti. Ka hngal lo, Bawipa, Nangmah nih na hngalh deuh lai, tiah ka leh.

Cun a ka thawh i, hi mi hna hi hremnak nganpi a ingmi kha an si. Tuufa thi chungah an puan kha an suk i an puan cu an vaar cang.

Cucaah cun Pathian Bawi hutdan hmaiah an dir i chun zan in biakinn chungah a rian kha an uan. Bawi hutdan cung in a humi nih khan a um pi hnai a ven hna, tiah a ti.