Editor: Chawngthanpuia Ph. 9612122553 News Editors: Estd T. Laltanpuia Ph. 9774610424 Zonunsangi Hrahsel Ph.

9612121067
Nathan Lalchhanchhuaha

1987

Ph. 9862318685

RAWNGBAWLTURACHHANDAM

Joint Editor: Michael Ramdinthara Ph. 8974589638 Circulation Managers : H. Zoremmawia Lalmalsawmi Vanlalropuii Albert Lallawmsanga PATHIANNI

KRISTIAN THALAI PAWL TUIKUAL SOUTH BRANCH CHANCHINBU KARTIN CHHUAK

HRILHTU (KARTIN CHHUAK) KUM 25-NA ISSUE NO. 17

NI 22.04.2012

TUALCHHUNG
Ni 20-22 April chhung hian kan Kohhran-in Tuikual Pastor Bial Inkhawmpui kan thleng dawn a, khawmpui hlawhtling tak kan neih theih nan Kohhranhote \hahnemngai takin i \awng\ai ang u. Kan News Editor Tv Nathan Lalchhanchhuaha Kolkata zin chu ni 19.04.12 (Ningani) khan dam takin a lo haw leh ta. Pu H. Pachhunga chu in lama inenkawl chhunzawm turin Synod Hospital a\angin a lo chhuak a, i \awng\ai pui zel ang u. Ni 17.04.12 (Thawhleh) zan khan kan Kohhran Committee Roomah K|P Tuikual Pastor Bial committee neih a ni. Kan Kohhran-in Tuikual Pastor Bial Inkhawmpui kan thlen avangin vawiinah Sunday School a awm lovang. USHER LEH SEAT ARRANCEMENT Bial Inkhawmpuia Usher leh Seat Arrangement buaipui tur zawng zawngte dar 9:15 am-ah Biak In-ah kim vek tur a ni e. BUHFAI |HAM Naktuk zingah Buhfai |ham hralh tur a ni a, Pi Puii Group ten an buaipui ang. ZAIPAWL Bial Inkhawmpui neih mekah vawiin chawhma inkhawmah kan zai dawn avangin Zaipawl member-te inkhawm kal hma turin kan inngen e. - Conductor

TUIKUAL PASTOR BIAL INKHAWMPUI VAWI 6-NA NEIH MEK A NI

uikual Pastor Bial Inkhawmpui vawi 6-na chu ni 20.04.12 (Zirtawpni) a\anga khan kan Kohhran Biak In-ah \an a ni. Khawmpui thlarau lam thupui chu Kohhran - Pathian Khawpui (Sam 87:3) a ni. Heng mite hi Khawmpui puipate an ni: Chairman : Upa Biaksanga, Tuikual Secretary (Sr) : Upa F. Lalhmangaiha, Tuikual South Secretary (Jr) : Upa Lal\hakima, Tuikual North Treasurers : Upa K. Rochhinga (Synod sum), Tuikual North Upa Zirliana (Bial sum), Tuikual South Zirtawpni chawhma lam khan Finance Committee an \hu a, chawhnu lamah Nomination Committee an \hu thung a ni. Zanah Pathian Biak Inkhawm neih a ni a, Upa Rozama, Bial Chairman-in Inlawmna a sawi a, Kohhran tin Secretary-te hnen a\angin report ngaihthlak a ni a, Tuikual North Kohhran Zaipawl an zai bawk. Bial Secretary Report a\anga a lan danin kan Bial chhungah hian chhungkua 998 kan awm mek a, nikum lam aiin chhungkaw 34-in kan tlem a, Kohhran member hi 5026 awmin member 24-in kan pung thung a, Dan Zawh Kim 3549 awmin Kohhran Upa 20 an awm mek bawk a, Minister 2, Tual Upa 7 leh Pem Upa 5 an awm a ni. Pathian Ram thilpekah kan Bial-in hma kan sawn nasa hle a, Dan Zawhkim Pakhat zelin Synod-ah Rs. 6983/- thawh ang kan ni a, Tualchhung-ah Rs. 5944 thawh ang kan ni. Kum hmasa aia kan thawh tamna chu Rs. 1039 a ni a, hmasawnna \ha tak a ni a, hmasawn zel tur pawhin \an la ila a \ha awm e. Missionary chawm lamah pawh tunah hian kan Bial chhunga Kohhran hrang hrang te Missionary chawm zat belhkhawm chu 160 a ni a, nikum aiin 7-in kan chawm tam a ni. Nimin nileng khan Rorel Inkhawm neih a ni a, Kohhran tin a\angin Rorel Palai kal an \ha hle. Rorel-ah hian Agenda (General) 8 a awm a, he thu buatsaih lai hian thurel kimchang kan hre hman ta lo a ni. Rorel Palaite tan hian ruai buatsaih sak an ni bawk. Zan lamah Pathian Biak Inkhawm neih leh a ni a, Thlarau lam thupui Kohhran - Pathian Khawpui (Sam 87:3) tih chu Rev. C. Lal\anliana, Tuikual-in thiam takin a sawi a, Tuikual Kohhran leh Bial Masihi Sangati Zaipawl an zai bawk. Vawiin chawhma inkhawmah a\angin chhunzawm zel tur a ni a, Upa T. Lallawmkima, Tuikual-in Pathian thuchah a sawi ang a, Tuikual South Kohhran Zaipawl an zai ang. Chawhnu inkhawm-ah Bialtu Pastor F. Laltlanthangan Lalpa Zanriah Sacrament a buatsaih ang a, Bial Zaipawl leh Tuikual North Kohhran Zaipawl an zai bawk ang. Zan inkhawmah Upa C. Rozama, Chairman kalchhuak hnen a\angin Pathian thuchah ngaihthlak a ni ang a, Tuikual Kohhran leh Bial Zaipawl an zai bawk ang. Bial Inkhawmpui Pathianin min hruai zel a, inkhawm pawh kan \ha \hin a, a lawmawm hle a ni. Vawiin nileng leh zan chiah Khawmpui hun kan nei ta a, Kohhran mipuite \hahnemngai lehzualin inkhawm \heuh turin kan inngen a ni.

Agents : Gospel Laltleipuia C. Lalfakawma H. Lallawmkimi

HRILHTU KUM 25-NA
K|P THILTUMTE :

Lalhriatpuii Sailo Francis MS Dawngkima Zosangpuia Ethelyne Lalrinzuali C. Lalremruata

PHEK 2-NA

ISSUE NO. 17 Ni 22.04.2012 PATHIANNI

Isua Krista rinna leh amah anna kawnga \halaite hruai. Kohhran kutke ni tura \halaite buatsaih. Kohhran hnathawh tihpuitlin. Krista Chanchin \ha puan darh. Kan hriat angin kan Kohhran-in Bial Inkhawmpui kan thleng mek a. Bial Inkhawmpui hi Bial chhung Kohhran inkhawmpui lian ber a ni a, ngaipawimawh viau tur kan nih laiin kan ngaipawimawh tawk lo \hin em aw a tih theih. Kohhran tin a\anga Palai ruatten an ngaihpawimawh \hin viau laiin Kohhran mipui nawlpui hi kan inkhawm \ha tawk lo \hin niin a lang. |hekhatin khawmpui thlen a, palaia ruat nih bawk si loh chuan inkhawm chawlh a ni mai alawm an lo tih fiamthu \hinte hi ngaihtuah zui tham tak a ni. Inkhawmpui ngaipawimawh tura inzirtir a \ul em em laia hetiang zawnga ngaihdan lo neih \hin hi ringtu puitling tan chuan thil inhmehlo tak a ni. Khawmpui hrang hrang kan neih tawhte ngaihtuahin a tir lamah midang ken chhuanlamin kan inkhawm lo a, a tawp zanah inkhawm miah loh aiah ti ni awm takin kan tam hluai \hin. Khawmpui-naa kala inkhawm hi midang tih tur ni lovin kan tih tur \heuh a ni tih hre thar leh ila, inkhawm kan tam na na na chuan khawmpui a hlawhtling a, Pathian pawh kan chawimawi lehzualin a hriat a ni. Tun \um chauh lo pawh hi khawmpui kan la hmang fo dawn a, palai kan ni emaw, ni lo emaw khawmpui ngaihpawimawh hi ringtu puitling ten kan tih tur pawimawh tak a ni tih hria ila, midang tih tur emaw, inkhawm chawlh emawa ngai mai tawh lovin mahni ngei kalin inkhawm \hin ila, Pathian a ropui ang a, khawmpui hlawk tak kan hmang thei ngei ang. Thlarau lam hnutetui.... CHHUNGKAW PAKHAT KAN NI Peng khatin a tuar chuan a peng zawng zawngin an tuarpui \hin. (I Kor. 12:26) Kohhran, Krista taksaah hian peng khatin a tuar chuan a dang ten an tuarpui chawk \hin. Kan nun hi a inkungkaih vek a ni. Kum 1964, Feb. 29 zan khan ringtu 150 lai mai chu Russia rama Barnaul khuaa Alexander Gustein-a inah an inkhawm a. Vawi leh khatah sipai officer 5 hi rui deuh phet phutin an lo lut a, hnawh darh vek an tum a, mahse an Pastor chu an din hual ta zawk a. A \hen chu pawna motor-ah chuan tang turin an nam lut rawk rawk a. An kal hma chuan Pastor chuan, Lo ngawi ru, a \hen chauh hruai ai chuan min hruai vek zawk rawh u, chhungkaw pakhat kan ni a, mi pakhat chunga thleng hi kan zaa chunga thleng tho a ni, a ti a. An leng vek si lova, mahse motor chu an zui zel a, motor dang police-te chuan an rawn tir leh ta a. Zai chung zelin rorelna in an thleng a. An la zai zel a, ringtute inpumkhatzia chu an hmuh chuan roreltute chuan mak an ti hle a, reilote hnu chuan an chhuah leh ta vek a. Kan tuarna, lusunna leh lawmnate hian min tipumkhat zel se a va duhawm em.

KOHHRAN INKHAWM PROGRAMME (Ni 22.04.2012)

Chawhma BIAL INKHAWMPUI Chawhnu BIAL INKHAWMPUI Zan BIAL INKHAWMPUI NILAI ZAN (25.04.2012) |antu : Bial Inkhawmpui Report Thupui hawngtu : Pu K. Manliana INRINNI ZAN (28.04.2012) |antu : Nl Vanlalropuii Thuhriltu : Pu Z. Dengthanga April thla Inkhawm Hruaitu Upa F. Lalhmangaiha April thla thilpek lakhawmtute Nl T. Zomuanpuii Nl Vanramtiami Nl Catherine Zothansangi April 23 - May 6 Zai hruaitu turte Pu K. Thanglura Pu Lalrinthanga April 23 - May 6 Hla hriltu Nl Lalhlimpuii April 23 - May 6 Keyboard tumtu Pu David C. Lianzama April thla Light & Sound duty turte Pu F. Lalrinawma Nl K. Lalthlamuani Tv Chawngthanpuia Nl H. Lallawmkimi April thla SS Thilpek lakhawmtute Nl Ethelyne Lalrinzuali

ZING |AWNG|AI INKHAWM HRUAITU TURTE

Thawh\anni Thawhlehni Nilaini Ningani Zirtawpni Inrinni Pathianni - Pu C. Vanlalhruaia - Upa Zirliana - Pi Lal\anpuii Hmar - Pi Vanlalhliri - Pu H. Pachhunga - Pi Laltlanthangi - Pi Zosangi

Vawiin Pangpar khawitu: Decoration Committee

HRILHTU

KUM 25-NA

ISSUE NO. 17 Ni 22.04.2012

K|P INKHAWM PROGRAMME Ni 23.04.12 (Thawh\an) Dar 7:00 pm BRANCH SPORT HAWNNA Hruaitu : Tv Joseph Lalremruata, Secy. |antu : Nl Cynthia Lalremliani Thilpek : Nl Rebecca Lalawmpuii lakhawmtute Lalmalsawmi Nl Vanlalhruaii Sport hawnna : Chairman, Sport Sub-Com. May prog. hlantu : Pu Joseph Lal\anpuia, Asst. Leader Project Fund Ip hlan a ni ang. Intihsiakna turte: 1. Bible Quiz 2. GK Quiz 3. Extempore Speech April thla chhunga Zai hruaitute : Pu C. Vanlalhruaia Tv Lalremfela Musician : Tv Lalrinchhana Tv Albert Lallawmsanga Sound Duty : Tv T. Lal\anpuia
K|P |AWNG|AI INKHAWM PROG.

PATHIANNI PHEK 3-NA KEIMAHNI Ni 15.04.12 (Chawlhni) |awng\ai Inkhawm dan:

Gro up Ja koba P e te ra Joha na T o ta l
Group Jakoa Petera Johana Chhimtu Total

Ink ha wm 15 17 14 46

Gro up C M 14 14 11

B ra nc h C M 15

Ni 16.04.12 (Thawh\an) zan Inkhawm dan:

Kal hma Inkhawm Gr. CM 3 28 18 2 25 16 6 23 14 1 77 Br. CM Thilpek Rs. 819 (Rs. 10.63 per head)

14

Bial Inkhawmpui kan thlen avangin K|P |awng\ai Inkhawm a awm lovang. TUIKUAL PASTOR BIAL MASIHI SANGATI INKHAWM PROG. Ni 22.04.2012 (Pathianni) Hruaitu : Pu R. Lalrinawma |antu : Pi Lalbiaknungi Zirtirtu : Pu Dilip Rana Naupang zirtirtu: Pi Lalbiakmawii Pi Lalbiaknungi & Pi Lungngaihdimi CHHUN DAR 12:00 : Pu N.B. Chhetri : Pu C. Lalthangliana ZAN DAR 7:00 : Pu T. Zoliana : Pi Lalbiakmawii : Pi Vanlaltlani

Hruaitu Thuhriltu

Hruaitu |antu Thuhriltu

Ni 25.04.2012 (Nilai) Zan Dar 7:00 Hruaitu : Pu Dilip Rana |antu : Pi Lungngaihdimi Thuhriltu : Pu Zahlira Happy Birthday to..... Pu Vanlalromawia Tv Ramherliana Tv H. Lalfakkima Nl Lalramthari Nl Vanlalduhsangi 27th April 27th April 28th April 28th April 28th April

Faith Promise: Ni 16.04.12 (Thawh\an) zan khan April thla Faith Promise hawn a ni a, hetiang hi sum hmuh dan a ni: Intiam Pe lo K|P Missionary M us ic Total Bial Fund zat zat Fund Fund 1940 1 795 620 525 30 6 1300 2 517 462 321 28 8 1720 3 650 545 525 28 7 1920 4 735 618 567 34 12 1905 5 660 705 540 47 9 1230 6 410 465 355 33 8 Total 3767 3415 2833 10015 200 50 Member ten kan intiamna kan ngai pawimawh a, a lawmawm hle. Chutih rual chuan pe lo kan la awm nual a, kan intiamna ngai pawimawh lehzual turin kan inngen nghal bawk a ni. May thla a\ang hian Missionary pahnih chawm belhin Missionary pali kan chawm tawh dawn a, tun thla Missionary Fund luh dan a\ang chuan Missionary pali chawmna tur Rs. 4000/- hi kan phak lo hle mai a, member-ten \an la lehzual ila a \ha awm e. Project Fund: Naktuk zan hi Project Fund Ip hawn hun hmasa ber a lo ni ta reng mai. Member eng emaw zatin an thehlut tawh a, la thehlut lo pawhin naktuk zan inkhawmah thehluhna hun a la awm tih hriain thehlut \heuh turin kan inngen a ni. Tlem lua a awm lova, mahni remchang ang ang kha ip-ah thunin thehluh mai tur a ni. Branch Sport: Kan nghahhlelh em em Branch Sport chu naktuk zan hian Sunday School Hall-ah \an a ni dawn ta. Sport hlawhtling tak kan neih theih nan member ten kan ngaihhlut a, a tam thei ang ber sport turin thawkchhuak \hin ila, kan chanvo \heuhte tihlawhtling turin theihtawp chhuah tlang ila, hlim tak leh hlawk taka hun hmang turin i inbuatsaih ang u. Branch Sport Programme: Ni 28.04.12 (Inrinni) Ni 24.04.12 (Thawhleh) A hmun : Tlangnuam Field A hmun : YMA Hall Hruaitu : Tv Michael Ramdinthara, Hruaitu : Pu Lavuana, Leader Asst. Secretary Items : Badminton (M&F), Chinese Checker (F), LTP (F) Items : Football (M&F), Thrawball (F), ABC Games Ni 26.04.12 (Ningani) zan (Tlangnuam Field kal nan hian Hruaitu :PuH.Lalchhuanawma, Bus hman tur a ni a, member Finance Secretary ten kan remchang ang ang Bus Items : Pingpong, Musical Fare thawhkhawm nise, lirthei Chair, Spelling Bee, Bible Reading Race, Spoon Race, Balloon keng thei theiin ken ni bawk se a lawmawm hle ang) Race Jakoba Group-te chuan ni 18.04.12 Z(Nilai) zan khan Electric Bill an tifel a, Bill pektirtu zawng zawngte chungah lawmthu an sawi a ni. Group T. Shirt an zuar chhuak tawh bawk a, member-te lei vek turin an inngen a, duh si chang lo tan Tv David Rualzakhuma hnenah inhriattir tur a ni.

HRILHTU

KUM 25-NA

ISSUE NO. 17 Ni 22.04.2012

PATHIANNI

PHEK 4-NA

PATHIAN FAK LEH AUH HUN - Digimalt Lal Isua chhandamna changtute kan ni a, Lal Isua neitute kan ni. Mahse mihring kan nih chhung hi chuan engkim kan ta a ni si a. Hlimna, lawmna, hlawhtlinna , lungngaihna, natna leh thihna thlengin kan ta a ni. Engkim hi kan ta a ni tih hre reng mah ila kan chunga harsatna a rawn thlen chang hi chuan hriat thiam a har kan ti thin a ni. Isua nei mah ila thlipui kan pumpelh thei lo: Marka 8:3541 kan chhiar chuan Isua leh a zirtirte kha lawngah an chuang a, khatia lawnga an chuan lai kha thlipui nasa tak a rawn thawk a, tui nasa takin a fawn bawk a. Hlau leh mangang takin an awm a nih kha. Lawngah khan Isua a chuang ve reng tho, mahse thlipui chuan nasa takin a nuai ta chiam chiam a nih kha. Lal Isua neitu ni mah ila, harsatna leh thihna te pawh kan tawk zel dawn. Koh tur dik tak: Khatia thlipuiin a nuai lai khan Isua chu a mu hil a, sangha man tu Petera te kha khang hun khirh khanah chuan an innghahna tur ber chu an ni mai, a chhan chu tuipuia lawnga che tla thin an ni a. Mahse koh tur dik tak an ko ta, engkim ti thei Lal Isua chu an ko ta a, a ni chu rawn thovin, "Ngawi la, awm hle hle rawh", tiin thli chu a hauva, a hauh zawh chuan a reh tha thuap a. Keini chu ni ila chuan Life guard te kan ko anga, lawng lian zawk te kan au bawk ang. harsatna kan tawh chang hian engkim tithei koh nachang hriat hi finthlak a ni. Pathian fak hun: Biak Inah te Pathian fakin kan zai a, kan lam bung bung thin, Pathian fakna hmun tur berah kan ngai thin. A nihna chen pawh a awm. Mahse Pathian thil tihtheihna tak tak hmuh kan duh chuan fak leh chawimawi hun dik tak hriat a pawimawh hle. Paula leh Sila te khan Pathian fak hun an hre chat chat khawp mai. Lungina an tan lai khan Pathian fakin an zai a, an lam bawk a. Lir a lo nghing a, an kawl bun zawng zawng a lo in phelh ta a nih kha. Daniela leh a thiante pawh khan Meipuia an paih dawn khan kha meipui atang khan Pathian chuan chhanchhuak dawn lo mahse lal dang chibai an buk dawn loh thu an sawi a, kha tah khan Pathian chu a va lawm tak em, meipuiah chuan an han paih ta ngei a, mahse an samzai pakhat pawh a kanglo a nih kha. Lungngaihna leh thihna kan tawh hunte hi Pathian kan fakna hun tur dik tak chu a ni. Heng harsatna kan tawh vek hnu pawha Ama chunga vui leh vaina kan chhak chhuah lohva kan fak hlauh zawk chuan Pathian chuan Malsawmnain min vur ngei dawn tih ka sawi ngam a ni. Source: lawrkhawm.com Englai pawhin LALPA chu ka fak ang a: Amah fakna chu ka kaah a chhuak fo vang. Ka nunna hian LALPA chu a chhuang ang a: Thuhnuairawlhte chuan chu chu an hria ang a,an lawm ang. Aw, LALPA chu mi fakpui ula, A hming chu i chawimawi tlng ang u. Sam 34:1-3

TUIKUAL PASTOR BIAL INKHAWMPUI VAWI 6-NA PROGRAMME A hmun : Tuikual South Kohhran Biak In A hun : 20th - 22nd April, 2012 Ni 22.04.12 (Pathianni) chawhma 10:00 AM : Pathian Biak Inkhawm |antu : Thuhriltu : Upa T. Lallawmkima, Tuikual Zaipawl : Tuikual S Kohhran Zaipawl Ni 22.04.12 (Pathianni) chawhnu 01:00 PM : Lalpa Zanriah Sacrament |hehtu : Pastor F. Laltlanthanga Zaipawl : Bial Zaipawl & Tuikual N Kohhran Zaipawl Ni 22.04.12 (Pathianni) zan 07:00 PM : Pathian Biak Inkhawm : Thuhriltu : Upa C. Rozama, Chairman kalchhuak Zaipawl : Bial Zaipawl & Tuikual Kohhran Zaipawl LAWMPUINA Ni 20.04.12 (Zirtawpni) khan MBSE chuan Matric Exam result a tichhuak a, kan member heng mite hian an pass: Tv Jeremy Lalthanpuia - D (L in all subject) Nl Laldinpuii Hrahsel - I (L in Mizo) Nl Vanlalruati Zadeng - II Nl R. Lalrinzuali - II Tv Lalhruaizela - II Nl Lalmalsawmi - III Nl Lalhmangaihchhungi - III Nl Lallawmawmi - III Nl Mimi Lallawmzuali - III Tv Michael Lalnunmawia - III Tv Francis M.S. Dawngkima - III Matric pass thar zawng zawngte kan lawmpui tak meuh a, an zir zelna turah duhsakna kan hlan a ni. K|P-in kan tih \hin angin naktuk zan hian lawmpuina thilpek pek tur an ni a, inkhawm vek turin kan inhriattir nghal a ni. Hriat hmaih palh leh tih dik loh palh a awm chuan a Hrilhtu Editorial Board member-te hnenah inhriattir nise a lawmawm hle ang.

Bial Inkhawmpui palai zawng zawngte kan Kohhran huamchhunga zanriah ei vek turin kan sawm che u a, Kohhran chhungtinte kan theih ang tawka kan lo inbuatsaih ve na min tihhlawhtlin sak \heuh turin kan ngen che u a ni.

PUBLISHED BY THE KRISTIAN THALAI PAWL, TUIKUAL SOUTH BRANCH, AIZAWL. COPY - 200 PRINTED AT RINAWMNA PRESS, TUIKUAL SOUTH, PHONE - (0389) 2318308