LAPAT KING PAMIGUNAM Agaganaka kupa inyang malati ku.

Walu keng mikakapatad, masanting ya obra kanta I tatang ku. Magaral la ngan college at high skul dening matua kung kapatad. Bigla ing pangamate nang tatang mi kanita. Tikman ming biglang misakab metung a pamilya uling mewala ya ing kabud ming manintunan. Dintang keng biglang kasakitan king bie ming mipa-pamilya. Mapilan a banua, atin nang meyari karening kapatad ku at misaup saup la kening pamagaral ming ikeng wali. Kayari kung high skul, mituknang ku keng pamagaral college, bale limang banua. Bista man ning kayanakan ku mekipagobra ku keng furniture at inyang agyu kuna kareng panakitan ku, sindu ku ing pamagaral kung college. Lugud ning Apung Guinu, ikwa keng ayari ing commerce. Dintang ing makiasawa naku at magsariling pamilya, tikman ku nanaman ing misakab kanita keng bie talasawa. Bista man eku kaburian ita. Dininan naku na naman pagsubuk ning Dios inyang panahun a ita. Mekatapito ya meopera ing kaluguran kung asawa, at mika anak kupang pre mature baby, anam a bulan among kapitna yamu iniang lumwal ya, ngeni mig graduate neng collge last week. Itang bunsu ku naman, angelo kabait na, blue baby

neman. Miras yang mahigit atlung banua at kinwa ne ning mayupaya. Gewa mi ngan miasawa intg agyu mi pero e mikalma. Inyang 1995 denasan mi mu naman ing pekamaragul a lahar nung nukarin ke makatuknang kanta king Cabalantian. Tikman ming misubsub na naman at misakab. Mewala ing egana gana at 36 hours keng e mengan uling tiu ke babo bubung. Pero eku sinuku at milako pag-asa keng Guinu. Uling aisip ke itang bage peparam namu kekatamu ing materyal a bage. Abanggit na nitang metung a pari kanaku kasi kanita. Ngana, nanu man binie nang materyal a bage ning Guinu, makananu man karakal, potang kunan na, iglap mu. Katataulian, mag atlu nang banua kanyan. Keni nake Sta. Rita makatuknang. Mika baradu naku man uyat pusu at dapat kung ma bypass. Tiisan ku ini kilub na ning atlung banua uling balu ku masyadung mal ing pa bypass. Nukarin ku kumang pera para maopera ku. Minsan akutang ku king GuinuObat Lord palaging aku ing dirinan mung kapagsubukan? Enaku man karetang taung sobra karok. Obat aku na naman ata ala na waring katapusan ine na palagi mukung sasakab keng bie at eku man kaburian. Balu yupo, mekibat yang palihim ing Guinu. Mika dalan ku nung makananu kung pa opera at ma bypass ku. Bista man ala

kung gastusan. Inaus nala rening kamag-anak ku, dening ka batch ku iniang high skul, deng kaluguran ku at maging dening taung magserbisyu keng gobyernu. Meging very successful naman ing meging operasyun ku kanita. Pasalamat ku naman karening taung ginamit ning Guinu kening panga opera ku. Manibat kanita Guinu, pengaku ku keka na lalu kung lumapit at maglingkud ku keka. Bista man ketang mengalabasan kung bie pane kung misasakab at ngeni tinikdo mu naku man pasibayu at dininan mukung kaduang bie. Kaya ngeni bro & sis miembru nake pu ning Couples for Christ keng milabas halos atlu nang banua. Inaus nakeng miasawa ning Guinu para magsilbi kareng kids, para ilapit mila keng kasalpatayanan kaya. Gewa dake pung miasawa bilang Kids Coordinator keti Sta. Rita. Kayantabe napu ini meging household leader kami mu naman ngening kasalukuyan. Manyaman Guinu ing magsilbi keka, at patuluy kaming magaral karening banal mung amanu at isabie mila. Balu ku Guinu detang minunang pangasakab ku king bie ku, ngeni ligaya at lugud ing pagsilbian daka.