KTP : LEITAN SOUTH

ESTD : 1998 leitansouth_@rediffmail.com

Sual man chu THIHNA a ni ROM 6:23
Vol. XV No. 8 K.T.P. LEITAN SOUTH BRANCH CHANCHINBU BI-MONTHLY Dt. 19 May , 2011 (INRINNI)

NGAWIH THEIH
Aizawl North Area Mashihi Sangati Meet Vawi20-na chu ni19-20 May hian Leitan kohhran Biakinah neih mek a ni a. He hunah hian Speaker atan SB Gurung chu hman a ni.Speaker SB Gurung hi Leitan Bial Pro-pastor lo ni tawh a ni. Ni 19 ( inrinni) zan khan kan Kohhran Mashihi Sangati Zaipawl in hla an rem a ni. YMA Football Tournament-ah kan veng YMA chuan ni17 ( Thursday) khan a game hmasa ber atan Tuikhuahtlang YMA chu 5-0 in an hneh.Ni 22 ( karleh tuesday) khian an game hnihna an khel ang a, an tumpui tur te erawh hriat theih a la ni lo. Kan veng YMA team enkawltu hi Branch Leader Pu K Malsawmkima a ni a, squad ah hian kan member mi eng emawzah an tel a ni. Leitan Pastor Bial Fin. Secy.Tv. Lalawmpuia leh Nl.Carolyn Lalrammawii, Leitan Branch chu May ni 24 khian Leitan Biakinah an innei dawn. Tv. Lalawmpuia ( Opa) hi Bial hruaitu hlun niin Leader nihna te pawh a lo chelh tawh a ni. He hunah hian Leitan Pastor Bial Zaipawl chuan hla an rem dawn a, hei hi tun term thar Bial Zaipawl te zaina hmasa ber tur a ni. Lalruatfela Khiangte Kan thupui hi a dangdai viau mai thei, Ngawihtheih han tih tawp mai chu. Ngawihtheih hi thil tha nge a nih a thil tha lo tih hi ka ngaihtuah nasa thin a. Chutih lai chuan ka rilru ah " Mi A pawh a ngawih reng chuan mifing a ngaih a ni" tihte leh "Silence is Golden" ( Ngawihtheih hi Rangkachak anga hlu a ni) tihte a lo lang uarh uarh a, ngawih ngam te, ngawih theih te hi thil tha tak leh fing tak a lo nih dawn hi maw, chuvang chuan Silence is Golden ti a ban vai meuh in ka'n au rilru thuai thuai a. Chutih rual chiah chuan Thuthlunghlui zawlneite chanchin ka'n chhiar leh a, an ngawih theih loh zia leh an mahni zahawmna leh nunna hial chan huam a hlemhletna leh rethei hnuaichhiahna an dodal nasat zia kan chhiar chho a, tin thuthlungthar lam ah lah, Lal Isua'n Temple kawt a thil zuar te na tak mai in a hau a , an thil zawrh lai te thinrim tak chung in a paihdarh sak a ni tih te ka'n chhiar chhoh chuan Midum pachal Pathianthu thiam (Theologian) in "Silence is Sin" ( ngawihtheih na hi sual a ni) a lo tih chu a dik zawk ta mai a maw ni chu le ti in ka rilru thlak leh mai ka tum lai chuan ngaihtuahna dang ka nei leh ta a. Mathaia 12:34 ah chuan thinlunga khatliam chu kain a sawi thin a ni tih kan hmu a, Chu ti a lo nih si chuan kan ka (mouth) a kan sawichhuah thin te hi kan thinlung ah hian a lo in mung hmasa hle thin a lo ni awm a,chu ti a lo nih chuan kan thusawi hian kan mizia a tar lang in kan thinlung put hmang leh kan rilru luah tu pawh a lo ti lang chiang a, chu mi rual chiah chuan ka sawichhuah loh hi chu ka vei lo tlang pui tih na em ni ang? Chu ta tang chuan le, ka ngaihtuahna hmasa " Silence is Golden " tih te leh "Mi A pawh a ngawih reng" tih te chu mawl ang ang in kan chhui cho ve ta a. Enge a sawi tum ni ang aw ka tih lai chuan ti hian ka ngaihtuah ta a- Mi A chuan thil sawi awm leh awm lo a hre lo a, a hun leh hmun pawh a hre hek lo, a mawl zia a ti lang mai a ni, mahse a ngawih tlat erawh chuan a A tih hre lo tan chuan mi pangai a maw tih mai tur a ni a, chuvang chuan mi, a thu sawi hun leh hmun pawh hre lo, sawi awm leh awm loh pawh hre lo, mi rilru pawh dawn miah lo a thu sawi mai mai chu thil atthlak tak a ni a , chung mi te ai chuan ngawih hun hria hi an lo fing zawk a ni tih na a nih ka ring ta ber a.Chutih rual chuan Silence is sin tih kha ka'n ngaihtuah leh a, thil tha lo leh dik lo a ni tih hriatreng pawh sawi chhuak duh lo/ngam loh na te, a tha zawk leh kan thatpui tur zawk pawh midang ngaihdan a ni ve lem loh chuan ngawih bo pui mai duh na hi SUAL a ni e, a tih nate pawh ni in a lang. Heng thufing pahnihte hi thudik ve ve a ni a, a thlir na tlang a in an loh a vang leh a sawitum tak in an loh avang in inkalh ni awm tak in a lang a ,mahse thu inhmu tak a ni lawi si a ni tih ngaihdan ka nei ta a. Chutih lai chuan thinlung a khatliam Ka in a sawi thin a ni kan ti bawk sia, dik loh na vei na te, thudik hailan duh na te hian kan thinlung a luah teh chiam lo tih na zawk em ni ang?. Rampum huap a ni emaw kohhran / pawl thil ah a ni emaw kal dan Contd on page 3... ROM 6:23 Sual man chu THIHNA a ni

K.T.P.

LEITAN SOUTH BRANCH

CHANCHINBU BI-MONTHLY

PHEK 2- NA

EDITORIAL BOARD MEMBER

Editor : David Malsawmtluanga Joint Editor : PD Vanlalzawna News Editor : Joseph V. Renthlei Tv C Lalremruata P.C. Lalbiakdika Cir. Manager : R Lalawmpuii : H. Lalliansanga 9862846085 9862309973 9862680542 9862227970 9436722710 9436961343 8794540130

CHANCHINBU SEMTU TE
Hermon 1 - C Malsawmzela Zotui 1 Hermon 2 - David Lalrinawma Zotui 2 Zotui 3 Hermon 3 - Lalrinsiama Zotui 4 ATC - C Vanlalringa Rescue Home -Lalmalsawma Zotui 5 TV Centre - K Lalnunfela - Lalawmpuia - Lalrinchhana - Emmanuel Lalbiakdika - R Lalthakima - C Vansangzuala

Tunlai Zoram chhungah chanchin duhawmlo tamtak zinga Kohhran ngeng chhun thei ber niawm a lang chu Biakin suasam leh kan thalaite zinga Setana biak chungchang hi a ni ngei ang.Hetiang thil rapthlak tak lo punlun ta viau hi mi veng leh khaw dangah chauh thleng tur bika dah lo ila, kan kohhran ah ngei pawh hian a thleng thei a ni tih hria in a pumpelh hna hi kan thawh a, kohhran leh chhungkua ang pawha kan ngaimawh hi a hun tawh hle a ni. Kan naute leh kan fate hian eng thil hi nge an buaipui a, eng nge an hmuh tam, enge an ngaithlak tam? tih hi hi kan enpui a tul hle niin a lang. TV a kan thil hmuh te leh kan hla ngaihthlak tam tak hian kan rinna leh Kristianna hi indirect takin a tichhe thei a ni tih hriain chhungkua leh kohhran ang pawha kan fimkhur thiam a ngai hle mai.Tv leh media entertainment hrim hrim hi pawng hlauh leh tih tur tihna lam ni lovin ramri kham chin kan nei tur niin a lang. Setana hnenah ka thlarau ka hralh ti a khawvel pum hriata puang ngam zai ri te hi kan Kohhran mi pawimawh TV/ Tape/ Computer-ah te hian an lo ri lawng lawng fo mai lo maw. Hetiang hla leh music video te hi kan beng leh mitah piah lamah kan thalaite, thil thar leh dangdai lawm rual te thinlung leh rillru sukthlekah hian eng emaw chen chu tuh a nei em em ang tih hi thilchiang tak a ni. Nu leh pa tam tak te hi chu tunlai sap hla lar tak tak hla thu awmzia hre lo kan ni fur awm e. Hemi avang tak hian KTP leh Kohhran lam atang hian kan thalai te nunah MTV leh V Channel effect tam lutuk tur do dan tur ruahhmanna te hi kan siam a tul viau niin a lang. Chutih rual chuan tunlai thil hre lo em em leh midang titi naa bo lutuk em em a indah chu a tha hauh chuang silo. A eng hi nge tha a a eng hi nge thalo tih pawh hi hriat thiam har tak a ni si a. Mi tam tak chuan he Setana hmanrua hi ho leh ngaih pawimawh vak turah kan ngai lo hial maithei. Kan hmelmapa hi mi zawng zawng huat theih leh ngaih pawimawh em em tur hmanruaa hmang tur chuan a A biklo tih kan hriat a tha hle. Kan duhna leh kan chak zawng ngei mai hi tawktarh in kan hriat loh hlanin a aia thuk zawkah min hruailut fo thin a ni tih chu kan hre tlang vek awm e.

GROUP NEWS Jeremia Group Ni 15 zan khan lehkhachhia zawngin hnatlang an nei a, member te an in ak bawr hlawm hle. Lehkhachhia atanga sumdawn hi an group Main Income a ni thei mai awm e. Regular leh a khat mawi tawk takin lehkhachhia hi an khawn thin tih hriain kohhran in tin te lo khawlsak turin an ngen a ni. Jeremia Group hi Group Night nei hmasa ber tur an nih avangin Group dang cho chhuahna turin Items hmuhnawm leh tha tak tak nei turin inbuatsaih nasat hle an tum niin thu kan dawng. Zakaria Group Thla kalta a Rescue Home fencing hna an thawhna bill Rs 5000/- lai an la. inhlawhna tur tha tak siamsaktu Rescue Home hotute chungah lawmthu an sawi a ni. Passport size thlalak duh tan he group hi a biak theih reng a ni a, kar khat tal nghah erawh a ngai. Malakia Group May ni 9 khan sum tuak nan sangha zawrh hnatlang an nei a, ni 17 khan Pickle zuarin hnatlang an nei bawk. Member hnatlanga thawkchhuak zawng zawng chungah leh an thil zawrh lo leisaktu te zawng zawng chungah group hruaitu ten lawmthu an sawi tak meuh meuh a ni. Hun remchan veleh NIHLIAP zawrh an tum a, nihliap mamawh zawng zawng te chu an Group nihliap zawrh ngei lo leisak turin min ngen a ni. PHOTO GALLERY

Rev. Liangkhaia

Mary Winchester

ROM 6:23 Sual man chu THIHNA a ni

K.T.P. LEITAN SOUTH BRANCH

CHANCHINBU BI-MONTHLY

PHEK 3 - NA

Pu PC Rodingliana , kan news Editor Tv. PC Lalbiakdika pa chu May ni 12 ( Sat) khan Aizawl Hospital-ah Postrate (Zun kawng lam) hlawhtling taka zai a, dam taka a lo chhuah leh theih nan i tawngtai pui ang u Leitan South Biakin thlang kawr chu Culvert siam mek a ni. Kan KTP hruaitu hlui Pu R. Lalhlunchhunga n a siam hna hi a thawk a ni. Hna zawh a nih hun chuan Agape Road ho kal kawng furpui ah pawh a nuam tawh hle turah ngaih a ni. Nl. Vanlalruati, kan Brangch atanga Karbi Anglong-a Missionary a awm mek chu Missionary Retreat hmang turin a lo haw mek a, ni 28 (Thawhtan) KTP inkhawmah khian hun a hmang dawn a ni. Kan Kohhran atanga Missionary te kan tawngtai naah i hre reng ang u. ATC Principal Rev. Dr. Vanlalchhuanawma chu Seramporeah Presentation nei turin a thang mek. A tih tur te tha taka a tih theih nan i tawngtai pui ang u. Dr. C Lalmuanthanga chu kar khat zet a hna tula India ram hmun hrang hrang a zinkual hnuin tluang takin alo haw leh ta. MI BIKTE PUAL

.....contd phung leh hmalak dan ah mipui / member te intluktlanna (equality) leh dikna (justice) chanvo ti derthawng thei thil emaw pawl ang a kan kal zel na tur a tha lo thei thil sawichhuah /auchhuahpui hi chu a har deuh ni in a lang, Kum Zabi pariatna zawlnei te leh Lal Isua ang lo tak in, sawichhuak kan vang thei emai. Mahse chu chu kan thinlung a kan vei loh vang leh kan ngaih thah ve hrim hrim vang a sawi chhuak lo nge kan nih a, Mi huat kan hlauh vang te, mi ei loh kan hlauh vang te,mi te'n a sawisel peih hmuh a min hmuh kan hlau vang te, thlarau mi loh na ni tlat a kan hriat vang zawk tih pawh ngaihtuah tham tak a ni. Chutah chuan engvang a mi ei loh /huat hlau nge kan nih ang aw tih zawhna ka in zawt leh a - thiltitheibik leh zah bik kan neih vang nge ni a nga , mipui /member te hian fak hi kan lo lawm lutuk a, a tha duh vang a sawiselna lo pawm mai ai chuan dik loh na pawm duh lo a 'sawisel peih' chhuah a kan chhuah thin vang? Tih te ka ngaihtuah zel a , a chhan na erawh ka hmu chhuak thei ta chuang lo a. Mahse hei erawh rilru ah a cham reng - "Mahni tan leh midang tan pawh a tangkai lo kan Ka atanga a chhuah fo lai hian, Intluktlanna awm nan leh dik loh na hai lang a dikna tan a ngaih hun ah erawh chuan Mizo Kristian te hi kan ngawi thei fu emaw ni le?" tih mai te hi.

Inter Department ho hi sunday school nei turin midang Biakinah an kal sup sup laiin a ni lo lamah an kal rei tawh bik tlut tlut hle mai, Biakinah lawi te pawh a chakawm ve tawh alawm. Inter Zirtirtute Tunlai chu Angel Mawian Black Eyed Peas a ngaithla thin. Mister a ni tih hrelo an lo awm a ni awm e. A lenna apiangah tel keng tel tawh turin thurawn ka pe ta mai. Sena Neuva Section badminton Tournament chu min tanpui chu an vannei hle ang. KTP Sport kha chu rokhawlhna lian tak ka nei a, tun tum zet chu The Real Tete-a in hmu dawn. Tetea May ni 17, Nilaini khan Tv. C Lalrammuana s/o Upa C Thangvela leh Dr. Vanlalhmangaihi Hmar, Chaltlang Lily veng chu Leitan South Kohhran Biakinah an innei. Tv/Pu C. Lalrammuana ( Amuana) hi KTP tan mi tangkai tak, kan kohhran in dan hma pawha Leitan Branch KTP a OB nihna lo chelh reng tawh leh, kan Branch KTP din tan tirh laia hun leh tha thawh nasa tak a ni a. Zirna avangin Shillong lamah a hun tam zawk hmangin tunah hian Phd. a zo tep tawh a ni. KTP hi Chowkidar-a kan tang chu hlawkna tam tak kan hmu nghal pang mai. Chung zingah chuan Pu Lamawia Kawlni leh Pu Mazuala kal hma phah hi a lawmawm berin ka hria. Pu Lamawia Kan in thar hi chu ka nupui lawiluhna tur liau liau a ni, ka pa in Mama, mo thar leh in thar kan lawm rual dawn nia a ti Hmingthana

ROM 6:23 Sual man chu THIHNA a ni

K.T.P.

LEITAN SOUTH BRANCH

CHANCHINBU BI-MONTHLY

PHEK 4 - NA

MAY 1-15 Meeting Chairman : Rev. Dr. Tlanghmingthang Key-boardist : Tv. K. Zoliana Zai Hruaitute : Pu C Ramsanga : Tv. C Lalremruata 05.05.2012 (Inrinni) Tantu : Pi Thuamliani 06.05.2012 (Pathianni) Tantu : Pi Zoremmawii Chawhnu : Rev. Lalthangpuia Fanai Zan : Upa C Thangvela 09.05.2012 ( Nilai) Tantu : Pi Khawllianmawii Thupui : Hawngtu : Pi C Lianzuali 12.05.2012 (Inrinni) Thusawitu : Pi Lalthanmawii 13.05.2012 (Pathianni) Tantu : Pi Ramhmangaihi Chawhnu : Rev. Lalchungnunga Zan : Upa C Lalawna Sunday School Thawhlawm Khawntu : April- June Nl. C Zothammawii Nl. Lalruatfeli Nl Lalrinfeli Pachuau Tv. Zonunsiama Tv. K. Lalzoliana Tv. P.C. Lalbiakdika Sunday School Training Thingpui lum tur te: 20.05.2012 1.Nl. Nancy Lalngaihzuali 2. Nl. Bethel Hmingthansangi 3.Tv. Lalnunmawia 4. Tv. C Lalrinfela

Keyboardist : Tv. Henry Lalawmpuia Zaihruaitu : Tv. C Lalrinhlua Thawhlawm Khawntu 1. Nl. Cecil Zothanpuii 2.Mimi H Lalremruati 3. Tv. C Lalrinfela 4. Jonathan Lalramhluna 20. 05. 2012 (Sun) : Kohhran Hall Hruaitu : Nl. Ramsiamliani Tantu : Tv. H Lalremtluanga 21. 05. 2012 (Mon) : Biak In Hruaitu : Pu PD Vallalzawna Tantu : Nl Bethel Hmingthansangi Sermon : Nl. Vanlalruati Faith Promise Hlantu : Pu Lalhmingmawia 27.05.2012 (Sun) Hruaitu Tantu : Kohhran Hall : Pu Lalhmingmawia Kawlni : Tv C Lalrinfela

14.05.2012 (Mon) : Evangelism Night A Hmun : Kohhran Hall Hruaitu : Tv C Lalremruata Zaiho leh Kristian Film en ho a ni ang.

Kan |hen Tak

PAVALAI INKHAWM PROGRAMME 21.05.2012 A Hmun : Pu Liandawla te in Hruaitu : Pu F Sanghnuna Tantu : Pu Zohmangaiha Sermon : Pu K Laldingliana Thilpek lakhawmtu : Pu H Lalfakzuala 28.05.2012 A Hmun : Pu Lalchhandama te in Hruaitu : Pu Peter Lalmana Tantu : Pu Zoramhmangaiha Sermon : Pu RT Vela Thilpek Lakhawmtu : Pu Lalrinngheta

Pu Albert Lalhmachhuana, Kum 38, Pi Lalhmangaihi, Zotui Veng fapa chu ni 17, zan dar 8:30 khan Aizawl Civil Hospital-ah pum lam thallohna avangin a boral a. Ni 18 khan Pastor K. Rolungmuana, Bialtu Pastor-in a vuiliam. Khawhar chhungte Thalaite Thian Editorial Board chuan kan tuarpui takzet a ni.

Mizo Bible Letlingtute L-R Pu Muka, Rev. J.M. Lloyd, Upa Vanchuanga Rev. Liangkhaia, Upa Sena, Rev. Saiaithanga, Upa Chhunruma, Rev. Thanga

Published by K.T.P. Leitan South Branch, Printed at TM Offset- Zodin Square, C- 260