becebile sesawushisa sawuqeda,
sabona ukuthi asikeneli, sayishisa
Iyodwa into edala umehluko phakathi
kweqiniso nalokho okungesilona iqiniso;
lowomehluko wukuthi iqiniso liyababa
kanti kuyilapho kutholakala
inkululeko khona (NgokuJohane
8:32). Alinambitheki neze olumini,
ezindlebeni, emehlweni, emizweni
nasengqondweni. Kanti yilo impendulo
kulesimo esimabhedukane emhlabeni.
Inkululeko iyinzuzo nesinkwa sokuphila
kwabayinikezayo kanti iyinkukhuleko
kwabanikezwe yona.
Ibaphendula izinkukhu ebese
ibakhukhula.
Izaga 6:27; 23:31-32
Lenkululeko ifana nalogologo okuthiwa
yi- Smirnoff.
Lalela-ke ngikutshele mangabe awazi;
► I- Smirnoff simhlophe sithe qwa,
sicwebile sithe cwe, kodwa
sinemisebenzi emnyama ethe tsu.
► I- Smirnoff siyabanda qa, wena
ungaze ucabange ukuthi sizokuqeda
ukoma noma ikubandise uphole, kanti
sithi sibanda sinjalo siwushisa
siwuqede umlomo, sidlule lapho
siyishise siziqede izibindi, Asigcini
lapho, kodwa umnotho nomcebo
wabantu abaningi ababekade
► Sithandwa kakhulu ngangokuba
uhulumeni ukhipha amalayisense
yaba yimilotha imindeni nemishado
eminingi.
Wo! mana ungasheshe ubaleke
ngisachaza lenkululeko yakho…
Njengoba ngikhuluma nje,
kunabashadikazi abashayo kanye
nezingane zabo, kuyakhalwa akekho
osula umunye izinyembezi. Abanye
babo sebaze baqoka ukwaphula
izivumelwano abazenza noMdali
wabo; ukuthi:-
Okukhlanganiswe wuNkulunkulu
akungahlukaniswa muntu ngisho
nangamalangabi esiminofu imbala.
NgokukaMarku10:9
Hhayi ! Unganaki bayoziphendulela bona
kuNkulunkulu abamenza isiwula. Umlilo
wesiminofu uyobe ungekho, Nami
ngiyobe ngingekho. Nenkululeko
yentando yeningi iyobe ingasekho.
► I-sminofu siyabiza kanti
siyathandeka, uma usuze waqala
ukusiphuza aba mancane
amathuba okuphuma kuso.
Uma ungena ekusiphuzeni, inkulu
inkululeko yokungena khona yedlula
ngisho nesango elikhulu elingenisa
izimoto, kodwa umnyango wokuphuma
kuso ungaphansi ngisho kwembobo
yenalithi yokuthunga izingubo.
okusidayisa ukuze sande nezwe
lonke. Ngisho kumabonakude
siyamakethwa.
► Inkululeko yaso yande kakhulu
ukwedlula eyabantu. Kukhomba
ngokusobala ukuthi siyawenyusa
umnotho wezwe, Lokho
okukhomba ngokusobala ukuthi ,
noma ngabe siyayishisa imindeni,
inkululeko yaso ngeke ize iphele
kuze kuphele abadayiselwa sona.
Ngisho lokhu ngoba kunabantu
osekwaze kwehluleka imizamo
kadokodela, naye waze wagcina
ethe: Ungabe usayeka
ukusiphuza isiminofu uma uke
wasiyeka nje, uzofa nokufa.
Abanye bagcina ngakho ukufa
yize bengasiyekanga ukusiphuza.
Mana kancane sengizoqeda.
Lalela-ke munt’ omusha, uma le-
nkululeko injalo, Uma abakhiqizi
balenkululeko bedla ngayo,
kanjengangoba abakhiqizi besiminofu
nabo bethola isinkwa , kanjalo
nohulumeni ethola isinkwa, lokho
kusho ukuthi umuntu okhululekile
yibona hhayi wena.
Wena ngenkathi uthi uthokozela
inkululeko, yingenkathi wenziwa
inkukhu ebese ukhukhuleka kalula
ukhukhulwa yinkukhuleko oyibiza
ngenkululeko.
1
 Bathi: “Zidedele zibulalane,
isiminofu nomthengi waso sibone
ukuthi ubani oyohlulwa.”
Umthetho walo nje iqiniso, liyababa
kanti yilona esingathi yinkululeko
ngoba liyakhulula uma ulamukela
uphile ngalo.
Mina ngiyiNdlela , neQiniso ,
nokuPhila. Kusho UJesu.
NokukaJohane 14:6
Iningi labantu abasha oningi labo sebeze
bababadal manje, balahlekelwe incazelo
eyiyona yona ngenkululeko abathi
bayayithokozela.
Iningi lalabantu abasha asebekhulile
bababadala abaningi babo, bazi ukuthi
inkululeko ukuphila impilo ngaphandle
kokulawulwa nokuholwa, futhi
nomthetho uyabavumela.
Kodwa iqiniso libaba linjalo lithi:
Labo abaphila impilo bengalawulwa,
bengaholwa muntu futhi,
abakhululekile.
Ngeminingwane: International Christian Alliance, P. O. Box 273 , Eshowe 3815, Cell: 071 530 7855
E-mail: banjani@interchral.co.za noma: vakashela: www.interchral.co.za
Ngoba uma ungalawulwa muntu
ekuphileni kwakho ufana nesihlahla
esikhishiwe ezimpandeni zaso, okuthi
ekukhishweni kwaso some usuku nosuku
okwenza ukuthi sigcine sesome
ngokwanele ukuthi ;
Sikhothe amalangabi omlilo wolaka
lukaNkulunkulu oluzokwembulwa noma
yinini kusukela manje iningi lisalibele.
Ayi! Angilazi iqiniso ukuthi labanjani
ngoba liyababa nje!
Futhi uma sesiphumile ezimpandeni zaso
, ngale kokuthi siyafa, some ebese
silendela ukubaswa;
Okunye ngaso wukuthi siba sengozini
yokuthi sipheshulwe yiyo nke imimoya
ekhona emhlabeni. Uyayazi leyomimoya
nawe.
Kahle kahle beyingekho into embi
ngenkululeko, kodwa into ejika ibe yimbi
yisisekelo okwakhelwe phezu kwaso
inkululeko.
Ngesikhathi sokubandlululwa,
e-Ningizimu ne Afrika, njengomuntu
omusha ubungeve uphephile.
Ubuphephe kusukela esiswini sikamama
wakho kuze kube semshadweni. Ukuba
bekungenjalo angabe iningi lenu alisekho
emhlabeni ngoba angabe laklinyelwa
esiswini sikamama esakhulelwe njengoba
kwenzeka namhlanje.
Kanti yini le enithi nikhululeke kuyo?
Isizathu esikhulu esasidala ukuthi
uphephe kusukela esiswini kuze kube
semshadweni ngesikhathi
sokubandlululwa wukuthi abasunguli
bobandlululo bebesamsaba kancane
uNkulunkulu owuMdali wabo.
Yingakho ungasuswanga ezimpandeni
zakho lapho umunca khona
ukuhlakanipha, ukuphila nekusasa
eliqhakazile, Ngibhekise ezimpandeni
ezinguNkulunkulu kanye nabazali bakho.
Lenkululeko yakho ikwenza inkukhu
impela.
Kanti futhi iyakukhukhula ngempela.
Ungakafiki kulenkululeko yakho, bekade
ukhula kahle kabi, uphuphuzela sengathi
ufakwe isikhuthaza khaba ngoba
ubuxhume ezimpandeni zakho. Ubuthela
izithelo ezinhle, ufunda uze ugogode,
kodwa iningi lenu selaze lagogodwa yiyo
lenkululeko le.
Ngikhuluma nawe nje, iningi labantu
abasha abangakhululekanga
engqondweni , kodwa abakhululwe ejele
lokulawulwa,ukuqondiswa nokuholwa
abazali;
► Selakhukhulwa yilokhu ebelikubiza
ngenkululeko laze layophoseka
ophuzweni olunamandla; abanye
balabantu abasha bakhulelwe
izingane abangazi ukuthi
2
 bazikhuleliswe ngubani, Abanye
sebazizala, Abanye basazozikhulelwa
ngoba bakhululiwe ejele
lokucefezelwa abantu ababatshela
ukuthi benzeni ngempilo yabo.
► Abanye babo bacabanga ukuthi
bayakhululeka kanti bayakhukhuleka
baze bayophonseka phakathi
ezidakamizweni, nembobo
yokuphuma kuzona ayisencane!
ngisaba nokusho. Isizathu wukuthi
inkukhuleko uma usuyisuthi awube
usakwazi ukuhlehlela emumva.
► Abanye kuyimanje, basemajele,
abanye bahlushwa yizingane ezigula
njalo, kuthi kunjalo sebetshelwe
nokuthi : Esikhundleni lapho
bekufanele kungene amagama
amathathu elika Yise, eleNdodana,
nelikaMoya oNgcwele, sekungene
amagama amathathu aphethe ukufa.
► Abanye bateta ngokusikwa,
lobobuhlungu sekungobabo bodwa
impilo yonke.
► Abanye sekwaphenduka izitaladi zaba
amakhaya abo!
Qaphela , Vula amehlo, avule
ngokwanele , hhayi amehlo odwa,
vula nengqondo ukuze uqonde kahle
ukuthi uyadla noma, kudliwa
wena.Uyathokoza noma
kusetshenziswa wena ukuze
abathokozayo bathokoze ngankathi
Ngeminingwane: International Christian Alliance, P. O. Box 273 , Eshowe 3815, Cell: 071 530 7855
E-mail: banjani@interchral.co.za noma: vakashela: www.interchral.co.za
wena ufa. Uyakhululeka noma
uyakhukhuleka.
Izithelo zalenkululeko uyozidla
wedwa vonqo!
Qaphela! Noma libaba leliqiniso sale
usugwinywa libaba linjalo uthole
inkululeko okuyiyonayona.
Awungitshele kahle ukuthi kuyo leyo
nkululeko yokuzikhethela;
Uma usuzikhethele ukudayisa
ngomzimba, Ubani ozongenwa
yingculazi? Uhulumeni wenkululeko
yentando yeningi noma wuwe?
Ubani ozoma phambi kwesihlalo
sokwahlulela ngomhla wokuphela?
Uma usuphethwe yingculazi izinkampani
nezinhlangano zamazwe ngamazwe
zizonikela ngezimali ezinkulu. Kodwa
leyomali efike ngenxa yokugula kwakho
iyoza kuwe yini?
Liyababa ha! Uma lingababi akusilo,
kumbe usuke usulamukele waphila ngalo.
Uma usuzikhethele ukuphuma
ekulawulweni nasekuqondisweni abazali
bakho, Uma ungasashaywa ngoswazi
lapho wonile ,Ubani ozongena
ebugebengwini adutshulwe amaphiyisa?
Ingcono yini inhlamvu yesibhamu
kunoswazi?
Lingcono yini ijele kunoswazi?
Ikusasa lakho uthini ngalo?
Ingabe elakho ikusasa sekuyiyo imali
yesondlo sabantwana?
Angabe elakho ikusasa lilele emalini
yeziboneleo? Uwena owaziyo.
Kanti y ini Inkululeko?
Yikho yini ukukhululeka
ukungazihloniphi, nokungaba-
-hloniphi abanye abantu ngokuthi ugqoke
izimpahla eziveza amabele, isisu,
namathanga ngaphandle?
Yiyo yini inkululeko ukugqoka
izimpahla ezikuqinayo khona
kuzokaleka izitho zakho
zomzimba ebese kuhlukumezeka
abantu abaningi?
Uma sekukaleke izitho
zomzimba ; isitho somzimba
esiwu nxantathu “v” sivele
sinjengoba sinjalo. Uma
imifantu nemisele ebingeke
ibonakale ukuba ubugqoke
ngokuzihlonipha nokuhlonipha
3
abanye abantu. Usuke usekhona
yini unembeza nezimbeko lapho?
Angabe eyakho inkululeko eyobhema
nokubhukuda etshwalweni ekubeni
ungumuntu wesifazane?
Uma eyakho inkululeko kuyileyo;
Qaphela! Ukuthi ungathi uyakhululeka
kanti uyakhukhuleka;
Ungathi ukhululekile kanti
ukhukhulekile.
Nansi-ke incazelo ephephele
yenkululeko.
Okokuqala nje imbobo yokungena
enkululekweni incane, Kanti uma
usukuyo iyavuleka ebese uyakhululeka
empilweni yakho yamanje nasempliweni
yakho yangale.
Yonke impumelelo nenjabulo ithokozeleka
ngoba unokuphila noma uphila.
Awukwazi ukuthi ungathi ukhululekile
ekubeni ufa yindlala ,yizifo ezingelaphi,
kanye nawubugebengu.
Alikho ikusasa uma intsha ifa incane.
Inkululeko ingamandla angehlulwayo
avalelwe engqondweni . Lamandla
angamazwi noma IZWI elinamandla
elisiza umuntu ukuthi akwazi
ukubona umehluko phakathi kokuhle
nokubi; Kanti futhi linamandla
okulwa nokubi okuhlasela ingqondo
Ngeminingwane: International Christian Alliance, P. O. Box 273 , Eshowe 3815, Cell: 071 530 7855
E-mail: banjani@interchral.co.za noma: vakashela: www.interchral.co.za
yakho lize likunqobe ze
unganqotshwa yikho; ngoba uma
kuke kwakunqoba kungakuhola
kukuse emgodini ongenamkhawuko.
Futhi inkululeko ingamandla
okuthumba nokulawula nanoma yini
eletha ukungenami empliweni yakho
ikakhulukazi, egazini, emoyeni,
emndenini wakho, enyameni ,
emphefumulweni nasesimweni
senhlalompilo jikelele.
Uma unawo lamandla okuthumba zonke
lezizinto wazibeka ngaphansi kwesinabelo
sezinyawo zakho, uba usuyakhululeka
noma angabe uhamba kuphi. Awube
usawadinga ngisho nama-body-guards.
Kuthi noma ngabe uphonswa emlilweni
udlule ukhululeke khona kunjalo.
Zonke izidalwa okufaka phakathi umuntu,
uba namandla kuphela uma esendaweni
yakhe. Isihlahla sinamandla okuma uma
izimpande zaso zisemhlabathini. Inhlanzi
inamandla uma isemanzini kuphela.
Izimpande zomuntu lapho emunca khona
ukuphila, ziseZwini likaNkulunkulu. Kanti
izimpande zokuqala zengane ezelwe
zikumzali wayo.
Uma ingane ingekho ezimpandeni zayo
umzali, iyabuna, yome ipheshulwe
yimimoya ize iyopheseka ophuzweni
olunamandla, ezidakamizweni,
ebugebengwini obunhlobonhlobo,
ekulaleni ngaphandle komshado okuholela
engculazini, ukukhulelwa, nokulahlekelwa
ikusasa, kanye nokulindelwa ukulahlwa
ngomhlawuphela.
Lomhlaba ugcwele izikhukhula,
abaningi sezabakhukhula zababulala,
kodwa namhlanje siphonsa intambo
kulabo abasasele, Sithi bamba
intambo usinde. Abaningi
sezibakhukhulile zabafaka
ezidakamizweni , ebugebengwini,
ophuzweni olunamandla, emajele
abanye sebengenwe izifo
ezingelapheki, Kodwa noma kunjalo
sithi: Bamba nasi isandla
sizokutakula. Abanye sezabadilizela
imishado yabo, izingane
zakhukhuleka zaya kohlala
emigwaqeni. Abanye sezabaqedela
imisebenzi. Abanye sezabayekisa
izifundo ezikoleni.
Abanye babantu abasha asebashona
manje; angabe basizakala, inkinga
wukuthi bazibiyela bona ngamazwi
athi:-
“Angifuni umuntu angitshele ukuthi
ngigqokeni, ngikhulume kanjani,
noma ngenzeni ngempilo yami!”
4
Nakuba kunjalo uJesu wayelokhu
ememezile ethi :
“Bheka ngimi ngasemnyango
ngingqongqotha, uma umuntu ezwa
izwi lami avule ngiyongena ngidle
kanye naye, naye adle nami”
Isambulo3:20
Nanamhlanje awakasuki lamazwi
ebhayibhelini; Alindele labo abafayo
ngaphakathi kwezibaya zamazwi
abawashoyo bazibiyela ngawo!
Sekungaze kubhubhe isizwe sonke
pho? Vula lowo manyango wenhliziyo
yakho engene UJesu asindise impilo
yakho!
Okungenani akusale sekuba khona
oyedwa ozosinda.
Kanti ubani ozosinda kulezikhukhula
ezibizwa ngenkululeko?
Izingane ziklinyelwa ezibelethweni
zomama bazo. Eziphunyukile zithi
ziphuma ezibelethweni zomama bazo
zibe ziphonseka esizibeni sezifo
ezingelapheki ingculazini; Ezinye zithi
ziphuma nje ziphonseke
ezidakamizweni. Ezinye zithi ziphuma
nje ziphonseke ekuzaleni yize zincane
zingashadile. Ezinye zikhulela emajele
nasemigwaqeni.
Kanti lomalusi oqashelwe
ukwalusa lesisizwe salezizimvu
uzelusa kanjani?
Ngeminingwane: International Christian Alliance, P. O. Box 273 , Eshowe 3815, Cell: 071 530 7855
E-mail: banjani@interchral.co.za noma: vakashela: www.interchral.co.za
Ubani osazokhula abe mdala, afunde
aqede, asebenze, ashade uma isizwe
sizalelwa ekufeni kanje?
Imishado exegayo uthi mayidilizwe.
Uthi azidle emasimini abanye abantu.
Kanti unjani lomalusi walezizimvu?
NginguMalusi omuhle. Umalusi
omuhle udela ukuphila kwakhe
ngenxa yezimvu.
Okhokhelwayo engesiye umalusi,
izimvu zingesizo ezakhe, ebona
impisi iza, ushiya izimvu, abaleke-
impisi impisi izidlozomele, izihlakaze.
NgokukaJohane 10:9-13
Umalusi okhokhelwayo akanandaba
nezimvu;
Njengoba ngikhuluma nje kunezimvu
esezingcwele emathuneni. Isizathu
zahushulwa zisesezibelethweni zonina
bazo. Ezinye wazisusa ekukhuselweni
abazali bazo namhlanje zilimele ;
zilamazwe ubugebengu, ezinye
zilamazwe izidakamizwa, ezinye
zilamazwe uphuzo olunamandla.
Ezinye zigwinywe yongculazi.
Uyaziyeka zizalele emakhaya
nasezikoleni.
Kanti ubani ozosinda kulolulaka
olungaka oluzayo lukaNkulunkulu
oluzakwembulwa noma yinini
kusukela manje?
Noma bezingazi, zawasebenzisa onke
amalungelo angazisebenzela. Kodwa
likhona nelungelo lokugcina
elingakaze lisetshenziswe lelo lungelo
elokuphila inguna phakade.
Noma ngabe beziluswe umalusi
ongazikhathaleli, kodwa ukhona
nomunye uMalusi ozazi ngamagma.
Igama lakhe uJesu.
Akusale sekusinda oyedwa!
Qaphela ukuthi lomlayezo wandulela
ulaka lukaNkulunkulu oluzayo.
Ozwile wangazithathela loMalusi
onguJesu, unecala.
Kodwa loyo ozwayo azithathele,
uzosindiswa, akasayi
nasekubhujisweni, kodwa uzakuphila.
Uma zingaluswa muntu zidla nala
kunenculazi khona. Zidla nasema
night-clubs, zidla ngi sho ne porn,
ngoba azelusiwe.
Kodwa uma zinomalusi zifunelwa
amadlelo aluhlaza.
Umalusi onguyenayena uya
zigwemela izinto ezizozibulala.
5
Kunaleligciwane okuthiwa i-freedom
of expression.
Leli yilungelo lokuqimba noma
lokuba nqunu kokumuntu
wesufazane kungakhathalekile ukuthi
ukuphi ngasiphi isikhathi. Futhi
leligciwane lihambisana nelinye
lokuthi ukhulume noma yikanjani
kunanoma wubani ophambi kwakho
nanganoma yisiphi isikhathi. Abantu
abasindayo kuleligciwane yilabo
abaliphekayo leligciwane.
Ukuqimba komuntu emzimbeni
akuqali kuwo umzimba, kodwa
kuqale kuqimbe ingqindo; Uma
ingqondo isiqimbile ingasembethe
kusuke sekonakele ngoba akabe
esakwazi ukuzibamba ekwenzeni
izinto ezingafanele.
Ukuqimba kuya kuya kwehlela
ngezansi kufike kumgumule
unembeza umuntu , kuphinde
kumgumule izimbeko;
Uma izimbeko zingasekho umlomo
ukhipha lonke uhlobo lwamazwi
emlonyeni munye ; amnandi nabayo
ngasikhathi sinye.
Kunezinto ezithi uma zenziwa abantu
besilisa kungabinankinga, kodwa
okuthi uma zenziwa abantu
besifazane zibe yihlazo nokwehla
kwesithunzi nempoxo.
Ngeminingwane: International Christian Alliance, P. O. Box 273 , Eshowe 3815, Cell: 071 530 7855
E-mail: banjani@interchral.co.za noma: vakashela: www.interchral.co.za
Kubi ukuphuza nokubhema komuntu
wesilisa kodwa kuwukubhubha
kwezwe uma lokho kwenziwa umuntu
wesifazane. Awungitshele nje:
Kubukeka kanjani uma umuntu
wesifazane esephuzile
esezishobingele?
Khona uma esebhema ugwayi
phambi kwesizwe aze abheme ngisho
owabashadikazi ewubhemela
ezipotini kubanjani?
Uma imindeni ebithembele komama
ababeziphatha ngesizotha
nokuzihlonipha ukuze kwakheke
imizi; liphi ikusasa lezwe uma kunje?
Kwenzekani ngesithunzi somsebenzi
akawenzayo nesomndeni neseziwe
uma esephuzile esenje?
Angeke sisabuza ukuthi nezingane
ziphile yona yini lempilo ngoba vele
sekunjalo. Maye wanciph’ umhlaba!
Sekumele nga kuyacaca manje ukuthi
kanti bewenziwelani umehluko phakathi
komuntu wesilisa nowesifaze.
Uma umuntu esenqunile
ngaphakathi; kuyadlula kubonakale
ngaphandle.
Uma umuntu esegunyulwe
unembeza, izimbeko kanye
nomqondo, akabe esakawazi
ukwehlukanisa okuhle nokubi ethi
enjalo ebe engathule emlonyeni.
Yingakho kungamthinti ndawo
ukugqoka isikhinjana sangaphansi
eside, kumbe idilozi elide elimbamba
ngqi kubonakale konke
obekuzobanakala uma engagqokile
ebese afaka amaqhokisi ashayele
phezulu abese etshela abantu ukuthi
ugqokile. Ethi uma eqhamuka noma
efulathele kuvele izinyama lapho
kugcina khona lesisambatho sakhe.
Akumnikezi inkinga ukuhamba
ngamabele ngaphandle, isisu
namathamanga nawo esobala.
Noma bedansa ngendlela esantuzisa
imilenze.
Awusakwazi ukubona umehluko
phakathi komuntu wesifazane
odayisa ngomzimba nongawudayisi.
Uma uthi uyamtshela ukuthi
uyakuhlukumeza, uthi bamba imizwa
yakho.
Sekufanele usebenzise igama
likaJesu uma uzokhuluma naye ngoba
usephunduke isimo.
Sekufanele umthandazele uma
uzokhuluma naye ngoba uthi ekuxhopha
ebethi wena awuwavali ngani amehlo
akho .Pho kwenziwe njani?
Asisale sesilindela usuku lokwehla
kolaka lukaNkulunkulu!
Ubulukhuni obedlula la sekungobomlilo!
6