Estd.

Kristian Thalai Pwl : Mission Vengthlang Branch .

1991

K|P THIL TUMTE 1. Isua Krista rinna leh amah anna kawnga \halaite hruai 2. Kohhran kut-ke ni tra \halaite buatsaih 3. Kohhran hnathawh tihpuitlin 4. Krista Chanchin |ha puan darh Kum 23-na, Issue No.05,

RAWNGBAWL TRA CHHANDAM

Kristian |halai Pawl, Mission Vengthlang Branch, 10 th Mar. 13, P-1

NGAIHTUAH ZUI ATAN

Upa H. Ngurthansanga

Khawvel sakhaw hrang hrang betute zingah Isua Krista ringtu, Kristiante kan tam ber. Amaherawhchu, tun kum zabi kal mekah hian Mosolman sakhaw betute an pung chak ber thung. Pathian nung, engkim tithei betute aia ralthuam chelek pawh hreh lo, Muslim ho an pung chak zawk ta tlat mai hi ngaihtuaha lungkhama neih tham a ni. A chhan lian tak pakhat chu nau piang titlem tura invenna (birth control) hi an practice ve loh vang a ni awm e. A chhan dang leh pawh a awm tho mai thei, khawvel thila mi hlawhtling, sum ngah, mi lar zingah Kristianna kalsana Buddhist, Mosolmana inlet an awm fo. Hei tak hi chu ngaihtuah zui ngai a ni. Zaithiam lar tak Cat Stevens te, Boxing lama mi ropui Cassius Clay (Mohammed Ali) te, Mike Tyson-a te, Muslim-ah an inlet. Buddhist sakhuaa inlet lemchang thiam Richard Gere te engvangin nge Kristianna kalsana sakhaw danga an inleh? Milar \henkhatin sakhaw danga an inleh chhan an sawi dan hi ngaihthah chi a ni hauh lo ang le! Keini chu sum hmuh nan, thiam thil hmanga mipui tihlimtu (entertainer) kan ni a, thuk takin sakhuana thil kan luhchilh ve hman lo. Chuti chung chuan thlarau lam nunah tuihal riau chang kan nei ve \hin a. Chung hunah chuan sakhaw rawngbawltute nun kan en a, thlamuanna kan zawng ve \hin. Kristian sakhaw rawngbawltu, thuhriltute Pathian thusawite kan en a, kan ngaithla a. Kan beisei loh tak kan hmuh \hin chu entertainment tho a ni a. Kan beisei, thil dang zawng zawng laka inkharkhip chunga Pathian pawl nun (meditation) kan hmuh loh hian kan bei a dawng \hin. Sport te, Music te, lemchantein mipui kan entertaina Pathian thuhriltu leh Minister \henkhat chuan Kohhran leh Bible hmangin mipui an entertain a kan danglam chuang em ni?! an ti a ni. Heng mite thusawi hian kan sakhua, kan biak Pathian hi a lo dik tawk lo tih a kawk hauh lova, mahse, rawngbawltute nunzia tam tak hi chuan Pathian hmel a lo hliah thei tih erawh a tichiang viau thung. Mosolman puithiamin Mosque a\anga thiam lo taka tlai tin Allah! ti a a au ruah ruah nitin \hin hi a ho i ti a, \hing i ti ve \hin em? Kumtin mai a nuai tel a Mosolman ho Meccah-ah lukhum var nen an bungbu sup sup \hinte hi atthlak i ti viau \hin mai thei. Lan mawi tum hauh lo, an biak pathian duhdan ni a hria a, thuawih nun leh titak hmel hian thlarau a tuihal Pathian zawngtute lungril a thleng a, Mosolman sakhuaah hian eng emaw a awm a ni ang a tih beiseina a siam \hin tih hi ngaihtuahzui tham a ni. Pathian biakna hi a tak tur a ni a, a puithu tur a ni. A puithu tawk loh chuan Pathian a thlen zo lo tihna phei chu a ni kher lo mai thei e. Mihring rilru zawk hian Pathian a hriatthiam dan hi a puithu a, a zahawm tlat vang a ni zawk. Puithu lo tak, hlimawm zangkhai takhaw haw nun nen pawh Pathian biakna hun hi hman theih a ni. Chu chuan mipui a hipkhawm a, \angkai tak angin a lang \hin mai thei. Mahse, puithuna a tel loh phawt chuan mihring tho hian ho a ti a, chu chuan a biak Pathian thlengin a hransan leh daih \hin a ni. Mizo Kristiante pawh kan inbihlet a \ul em aw? Kan hmun serh, Lalpa Maicham a \hu, chairman-ten mipui kan ti nui hluah hluah \hinte, Pulpit tlangah thusawitu zei taka a han phar vel leh, tehkhin thu nuizatthlak tak tak nen min han chawk hlim vel \hinte hian thinlung taka Lalpa chibai buknaah min hruai in kan chhungril nun a buatsaih tak meuh em? Kohhran leh Pathian pawh ngaihsak lo, nawmchenna a tlan, a tawpa beidawng thlarau hahchawlhna zawnga rawn inkhawm te, chhungril taka rilru lungngai em em te kan zingah an awm ve reng \hin tih hre chungin heng thute hi i ngaihtuah zui ang u. I Korinth 5:8 Chuvangin i kt ang u, dawidim hluia kut ni lovin, nunchhiat leh sualna dawidima kut hek lovin takna leh dikna chhang, dawidim telh lohvin i kut zawk ang u. CKTP ROREL INKHAWM REPORT A Hmun A hun : : Chanmari Kohhran Biak In, Lunglei 1st - 3rd March, 2013

Thurel: 1. Kum 2013 chhungin K|P in ram pum huapin Counselling Training Buatsaih rawh se. 2. Kan Kohhran Thurin Hrilhfiahna hi Branch tinin uar zawka kan zir theih nan CK|P-in hma la rawh se. 3. 2014 - 2015 kumpuan thupui atan I Pathian tawk turin inpeih rawh tih chu pawm a ni. 4. 2013 - 2014 K|P Budget atan Rs. 32,93,000 pawm a ni. 5. Kum 2015 K|P Rorel Inkhawm chu Mission Veng Kohhran-ah nghah a ni ang. 6. Kum 2016 K|P General Conference chu Champhaiah nghah a ni ang. Bial Reports: 1. Kum 2013-a Bial awmzat - 177 2. Kum 2013-a K|P member zat - 1,31,085 3. Kum 2012-a member thizat - 4,577 4. Kum 2012-a nupui pasal nei zat - 4,577 a) Biak In-a innei (42.33%) - 1,928 b) Hmun danga innei (57.87) - 2,649 5. Kum 2012-a |hawh\an zan inkhawm zat - 22.81% 6. K|P member Pro. Pastor a chhuak zat - 17 7. Missionary-a (SMB hnuai) chhuak zat - 171 8. Missionary a chhuak zat (SMB hnuai lo) - 108 Tisa leh thlarau lama harsatna nei, nun tuihala sim duh, Camping / Treatment centre-a lut duh te tan K|P in an awmman senso tumsak in an luhna tur a ngaihtuah sak thei reng e.

Hringnun hi a hlu a ni tih ring la i rinna chuan thudikah a chantir ngei ang - William James

Kum 23-na,

Issue No.05,

Kristian |halai Pawl, Mission Vengthlang Branch, 10 th Mar. 13, P-2

Editorial Board
EDITOR JOINT EDITORS

: LALHRUAITLUANGA : SAIDINGLIANA SAILO MC. CHAWNGTHU

LALMAWIPUII CHAWNGTHU ZONUNSANGI

CIR. MANAGERS

LALDUHAWMA LALTHANMAWIA LAL|ANPUIA LAL|HAPUIA

Editorial
Home Mission Beihpuithlak tihhlawhtlinna turin tunlai hian Group hruaituten hmala in an \ang hle a. Heng kan hmalakna hrang hrang te hi hlawhtling taka kan kalpui theih chuan kumdangah pawh a hranpa a Home Mission Beihpuithlak tih project a puang kher lova kalphung atana kan hman chhunzawm zel atana \ha te a nih hlawm avangin member tin ten a hlawhtlinna tur in \awng\aiin leh chet zia in theihtawp i chhuah ang u.

K|P INKHAWM
Ni 11.03.2013 Zaiho, Rilru Sawi, |awng\ai Rual & Thawhlawm Ip Lakkhawm @ R.C. Hall Hruaitu : Pu Benjamin Zothansanga, Br. Comm. |antu : Nl. Lalengmawii Khawlhring, Hagaia Gr. Asst. Secy. Zai Hruaitute : March Thla Zai hruaitu & Music Sub-committee. Ni 18.03.2013 Thusawi Inkhawm Hruaitu : Pu Hmingthanpuia, Br. Comm. |antu : Nl. Zoremthangi, Malakia Gr. Comm. Thusawitu : Pu Isaac Lalremruata, Br. Comm. Spl. Item : Zefania Group a\angin.

Ni 10.03.2013 (Pathianni) : Sunday School |antu : Pu R. L. Lalnuntluanga (B/12) Zirlai 9-na` : Hausakna rin atthlakzia. Chawhnu |antu : Pu Rohmingthanga (B/9) Thuhriltu : Rev. Lalnghinglova. Zan Thuhriltu : Upa Dr. Lalrintluanga Zaipawl : Missionary Training College

Inkhawm Programme

Ni 13.03.2013 (Nilai zan) |antu : Pi Malsawmtluangi (B/12) Item : Junior Department Report : Kohhran Hmeichhe Inkhawmpui Thupui : Presbyterian- Piantharna leh Chhandam nih inhriatna Hawngtu : Pu Ch. Rohmingliana Ni 16.03.2013 (Inrinni zan) |AWNG|AI LEH THUHRIL |antu : Pi P . C. Lalrinliani (B/7) Thuhriltu : Pu R. Vanlallawma Ni 17.03.2013 (Pathianni) : Sunday School |antu : Pi Lalbiakthangi (B/5) Zirlai 10-na ` : Pathian biak dan dik Chawhnu |antu : Pi Vanlalbeiseii (B/8) Thuhriltu : Rev. Lalhluma Sailo Zan Spl Item : Nl. Z. D. Lalchhanhimi Thuhriltu : Upa K. Roseia Ni 20.03.2013 (Nilai zan) |antu : Pu H. Rohlira (B/9) Item : Itermediate Department Thupui : Presbyterian Pastoral Ministry Hawngtu : Pu C. Lalriliana Ni 23.03.2013 (Inrinni zan) |AWNG|AI LEH THUHRIL |antu : Pi R. Lianhmingthangi (B/1) Thuhriltu : Pu P . C. Lalrinpuia

TLEIRAWL INKHAWM
Ni 10.03.2013 Hruaitu : Nl. Lalbiaktluangi Zote |antu : Vanlalmawii, Korinth Gr. Hun Hmangtu : Nl. Lalrosangpuii Bible Chang chhiar rual i/c - Lalduhawma (Korinth Gr.) Ni 17.03.2013 Hruaitu : Nl. Ruby Lalhuzami |antu : Chawngthanpari, Korith Gr. Thusawitu : Pu Lalnunfela Bible Chang chhiar rual i/c - Laltlanpuia (Philipi Gr.)

NAUPANG INKHAWM
Ni 10.03.2013 Hruaitu |antu Hun hmangtu Pangpar Khawitute Special Item Thusawi & Hlazir : Tv. R Lalnuntluanga : Ambrose Joel Lalhlimthara : Dr. E. Saipari : Lalrinchhani Ruthi Vanlalhruaii : Nazarene

BIAK IN A PANG PAR KHAWITUTE

March ni 09 - 15, 2013 Pi Laldinsangi (B-5) & Pi Lalrinkimi (B-5) March ni 16 - 22, 2013 Pi Ellen Lalhmingthangi (B-8) & Pi F. Lalmuanpui (B-8)

Hringnun hi i hmangaih chuan hun khawhral suh - Brucee Lee

Kum 23-na,

Issue No.05,

Kristian |halai Pawl, Mission Vengthlang Branch, 10 th Mar. 13, P-3

KAL KAWNG THLAK

Khawvela pa thiltithei berte zinga an sawi thin chu a naupan lain tuihawkluankawrahte a riak \hin a, a thiantha leh a unaute chu maimawm leh sazu te an ni. Nu leh pa a neih loh avangin a nitin mamawh a thawhchhuah a ngai a; rel kawng siama hnathawkte chawchhun tur kengin a inhlawh \hin a, a nitin mamawh a phuhruk tawk tawk avangin a tan khawvel hi anchhia ang maia a lan chang a tam hle a ni. Zan khat chu ruah a sur vak vak mai a, a riahna tuihawkluankawrah chuan tui a rawn luang dul dul a, hreh tak chungin a riahna hmun chu a kalsan a tul a. Mi bathlara a riah ngawt chuan miin misual emaw tiin police an mantir daih ang tih a hlau si a. Riahna hmun zawng tur chuan khawlaiah a vak a vak a, a thawmhnaw chu a huh vek tawh avangin a khur hlawk hlawk bawk a. Rel chawlhbukah chuan lungngai takin a thu a, a hma lam hun chu thim vek mai hian a hria a. Puitling thawh ang hna han dil dawn se naupang mai ala nih avangin tumahin a dilna chu an lo pawmsak a ring lova. Rel chawlhbukah chuan eng emaw ngaihtuah niawm takin a zungtangte chu a chhiar nuah nuah a. A ding thut a, a hma zawnah chuan a tlan thuai a. In lian vak lo kawtah a ding ta ran mai a, kawngka awmna lam chu a pan a, zing dar 3 ah chuan kawngkhar chu a kik ta dat dat a. Zing dar 3 ni mah se, kawngkhar chu a kik nasat em avangin a neitupa, putara chuan kawng chu a rawn hawnsak a. Naupang chuan in neitupa hmel a han hmuh chuan a hlau hle a, mahse kawng dang zawh tur a hriat si loh avangin a thil sawi tum chu sawi lova kal a tum si lo. Aw khur deuh hlak hlak chungin, Ka pu, rel kawng siam turin min chhawr rawh, a ti ta tawpa. In neitupa chuan naupang chu a enchiang a, mak a ti hle a. Ka pu, ka thawhtheih tawk chu tlem hle mah se ka theihtawp ka chhuah ang a, midang aiin ka thawk rei zawk bawk ang. in neitupain a chhan hma chuan a ti leh a. Putara chuan naupang tanpui ngai a han hmuh chuan a khawngaih hle a, a hna dil dan chuan a rilru a hneh lehzual a. Tihtakzeta a dil avang chuan eng emaw tal tihsak chu a duh ta a. Inchhungah a hruai lut ta a, thawmhnaw a pek hnu chuan a hnathawhna pindanah a hruai lut leh a. Lehkha intelkhawm pek pahin, i thusawi khan ka rilru a hneh khawp mai, a hriat tawk lekin a sawi a. Lehkha i chhiar thiam chuan hetah hian i thawh tur a awm ang. Hnathawk tura lo kalte hming lam leh an chawlhhun siamsakte a ni ang a, i sawi anga i thawhrim phawt chuan kawng dangah pawh hma i sawn ngei ang, a han ti a. Naupang chuan lehkha intelkhawm chu a keu a, a thiam zawng tak mai a nih avangin a lawm hle a, rinawm tak leh taima takin a hna tura ruatah chuan a thawk ta a. Chuta tang chuan kawngthar chhar chhuak zelin, khawvela mi thilttheite zingah a tel ve thei ta a ni. A hna ngai, chawchhun pek kha thawk ta zel se eng dinhmunah nge a din ang? Putara kha zing dar 3 ah va kaitho lo ta se engtin nge a awm ang? Kan tih ngam loh thilte ti a, a tha anga kalkawng kan thlak chiah hian hlawhtlinnain mihring a zui thin a ni. (Naupang thawnthu Rahchhuahthei Vol-I David Lallawmawma ziak a\anga lakchhuah a ni e.) 11.03.2013 12.03.2013 13.03.2013 14.03.2013 15.03.2013 16.03.2013 17.03.2013 18.03.2013 19.03.2013 20.03.2013 21.03.2013 22.03.2013 23.03.2013 24.03.2013

Zing |awng\ai
Thawh\anni Thawhlehni Nilaini Ningani Zirtawpni Inrinni Pathianni Thawh\anni Thawhlehni Nilaini Ningani Zirtawpni Inrinni Pathianni Upa L. Ramthanga Pi F. Lalropuii Pu H. C. Vanlalsiama Pi R. Zahmingthangi Upa Dr. Lalrintluanga Pi Chhawnkimi Pu Nghaklianmawia Pi C. Biakchhingi Rev. K. Lungmuana Pi Khawlkungi Pu Vanlalbela Pi Thanmawii Upa Liansailova Pi Biaklalzawmliani

March thla Pastor Programme

Date Kalna Hun hman dan tur
8-10(Fri-Sun) Republic Inkhawmpui Lian 13 -21(Wed- (Kolkata, Thu) Kathmandu Ramthar Field Comt. Siliguri) 23 (Sat) Model Hun ruat hmanpui 24 (Sun) Model Zing-S.S.khaikhawm Jubili Zan-Thuhril MARCH THLA THAWHLAWM IP LUHDAN Group Tual Missionary Project Total chawmna 5,465 4,620 5,440 3,605 3,330 3,051 25,511 pual 4,275 3,415 4,560 3,125 2,345 2,493 20,213 15,060 12,260 16,290 10,710 8,870 9,050 72,240 chhung Nahuma 5,320 Habakuka 4,225 Zephania 6,290 Hagaia 3,980 Zakaria 3,195 Malakia 3,506 Total 26,516

Group Nah Hbk Ip sem 77 77 Ip lut lo 7 9

Zef 90 7

Hag 77 7

Zak 70 2

Mal 60 60

TT 451 32

KOHHRAN HMEICHHIA
Ni 12.03.2013 Hruaitu : Pi Hmingkhumi |antu : Pi Lalthlengliani (B/6) T/ Khawntu : Nl. Ramengmawii (B/6) Pi Laldinthangi (B/4) Thusawitu : Pi Malsawmi

PAVALAI INKHAWM
Ni 15.03.2013 THUSAWI INKHAWM Hruaitu : Pu P . C. Lalnunmawia |antu : Pu R. Lalchhuanawma T Khawntute : Pu Chawngsailova & Pu Saithangluaia Thusawitu : Pu C. Lalhmachhuana

MASIHI SANGATI
Ni 10.03.2013 AREA MEET ATANA INBUATSAIHNA Hruaitu : Pu R. Lalzawmliana |antu : Nl. R. Lalduhawmi

Pathian hmaa ka din hun chuan I talent mi pek kha ka damchhungin ka hmang zo vek tawh ka tih ka beisei - Erma Bombeck

Kum 23-na,

Issue No.05,

Kristian |halai Pawl, Mission Vengthlang Branch, 10 th Mar. 13, P-4

PROJECT PUAL- Home Mission Beihpuithlak Branch project Home Mission Beihpuithlak tih huangchhunga March thla chhunga hmalak theih pahnih a awm a group hrang hrang ten anmahni huam chhungah an bawhzui dan chu hetiang a ni:1) Group Committee ten mahni group huam chhunga K|P member awmna intinah \awng\aina neih (March May) . Hei hi thlathlum chhunga hmalak zawh hman tur a tih a ni a, group hrang ten hma an la \an mek. 2) Group tin ten thlatin inkhawm tur zat (target) insiama chumi tlin tura hmalak. (March). Group tinin March thla chhunga K|P inkhawm apianga inkhawm zat tur (target) insiamin Branchah an thehlut a chum zat tal chu a tlemberah inkhawm tling ngei tum hetiang hian \an an la:Nahuma Group: Member Zat: 172 , Target: 35 Group hruaitu ten Pathianni tlaiah a huhova group fangin group member-te an tlawhchhuak a, inkhawm tura sawmin, inkhawm lama \ang lehzual tura fuihna lehkha an pe chhuak vek. Habakuka Group: Member Zat: 173, Target: 35 Group hruaitu ten member te inkhawm tura sawmin group an fang a, tunah hian Upa Bial 2-na an fang zo \ep tawh. Member an tlawhchhuah na ah hianBible chhiar leh \awng\aina hun an hmang \hin a ni. Zefania Group: Member Zat: 204, Target: 35 Group hruaituten SMS hmanga member-te inkhawm tura sawm leh group fangin \an an la. Group committee member ten Thawh\an tlaiah mahni bial chhunga member-te inkhawm tura insawm in \an lak an tum mek bawk. Hagaia Group: Member Zat: 146, Target: 25 Group hruaituten group huam chhunga member zawng zawng fanchhuah tumin \an an la mek. Zakaria Group: Member Zat: 159, Target: 30 Group hruaituten mahni bialah \heuh member-te inkhawm turin an sawm \hin. Malakia Group: Member Zat: 147, Target: 25 Group hruaituten member-te hnenah inkhawm tura sawmna lehkha semin target zat an hriattir nghal bawk. PATHIAN THU AWIH ZIR TUR JOEL-A THUA Kan branch Committee member leh Zakaria Group Leader ni mek Tv. Joel Lianrinzuala S/o Rev. C. Lianhmingthanga chu Synod hnuaia Aizawl Theological College-a B.D zirtura thlan a ni. Pathian rawngbawl tura a zirna kawngah leh rawngbawl tura a kal zelnaah duhsakna kan hlan e.

LAW R K HAW M
Literature & Sports Sub-committee ten February ni 23 (Inrinni) khan Hmuifangah intuaitharna leh kalphung tur sawihona hun an hmang a, member ten nuam an tiin hlawkthlak an ti hle. Home Mission Sub-committee ten zan Home Visit rawngbawlna an nei mek. Music Sub-committee in Music room-ah music bungrua dah\hatna tur, chhuar Rs.1,000 (Sangkhat) sengin an siamtir. Kan Branch hnuaia zai group indin mek Nazarene music video hmasa ber Nang hloh ai chuan tih chu February ni 25 (Thawh\anzan) K|P inkhawmah Branch Leader in a tlangzarh. Nazarene music video hi Local channel hrang hrangah pekchhuah a ni. Central K|P Rorel Inkhawm, March 1-3 inkara Lunglei Chanmari Veng Kohhran Biak In-a neih zawh takah kan Branch a\angin Joel Lianrinzuala (Branch aiawh), Pu Vanlalhruaia (CKTP Committee member) leh Pu C. Lalchamliana (Synod Choir, Conductor) te an kal.

TUKVERH HAWNG I LA
Khuate a lo lum chhoh tak avangin Inkhawm laiin Biak in tukverh hi hawn vek theih ni se a \ha hle. Kan Biak in hi a lian hle a, chuvangin tlar lai pahnih a \hute tan hian boruak a uap hmain taksa lama harsatna neite tan phei chuan a hrehawm hle \hin a ni tih hi tukverh bula \hu apiang ten i hriatpui ang u. Harsatna kan neih avanga tukverh inhawng bula kan awm thei lo a nih chuan tukverh bul ni loah \hut nachang hriain \hutna kawhhmuhtute bulah pawh i sawi hreh lo ang u. SU LEH SU AU SU AU ANG AW . . . . . SUA SUA March 1, Zirtawpni khan Blanket suk thawhkhatna neih a ni a, he hunah hian Nahuma Group, Habakuka Group, Malakia Group leh Zefania Group (Bial 11 ) huam chhunga blanket suk niin mi 55 vel in blanket 149 zet an su a ni. Blanket suk thawhhnihna hi March 16 (Inrinnni), 9:30 A.M a\angin neih leh tur a ni a, Hagaia Group, Zakaria Group leh Zefania Group (Bial 3 leh Bial 4 ) huam chhunga blanket te suk leh tur a ni a, khuate a lo lum tak avangin thawhkhatna aiin blanket suk tur hi a tam zawk tura beisei a ni. Blanket su tur hian ruatbik awm lovin member pum huap a suk tur a ni a, member te blanket su turin thawhchhuah vek i tum ang u.

Blanket Suk Thawhkhatna Hlimthla

Published by Kristian |halai Pwl, Mission Vengthlang Branch, Aizawl, Mizoram, 2013. Printed at K. L. Offset, M.G Road, Tuikhuahtlang. Phone - 9862725123