Estd.

Kristian Thalai Pwl : Mission Vengthlang Branch .

1991

K|P THIL TUMTE 1. Isua Krista rinna leh amah anna kawnga \halaite hruai 2. Kohhran kut-ke ni tra \halaite buatsaih 3. Kohhran hnathawh tihpuitlin 4. Krista Chanchin |ha puan darh Kum 23-na, Issue No.08,

RAWNGBAWL TRA CHHANDAM

Kristian |halai Pawl, Mission Vengthlang Branch, 21 st Apr. 13, P-1

RINNA THILTUM
John. 3:14&15; Heb. 12:2; Phil. 3:20 Upa C. Zosangliana Tuifinriat kama Lawng lian leh Lawnglengte chu an mawiin an rinawm em em tih ka hria a, chuang mah ila min pilpui lovang, min zo em em ang tih ka ring a, ka chuang lem hlei lova. Lawng lian, tuia pil mai turah ka chuang ta a, chhanchhuaktu Lawngleng a lo kal a, a hmaa khawlai len paha vaukam a\anga Lawngleng ka en dan nen chuan a inang ta lo. Ka him nan tiin Lawnglengah chuan ka lut ta thuai a. Vaukamah him takin min thlen ta, Lawng leh Lawngpu kutah ka innghat hmiah a, ka him ta a ni. Chanchin\ha thute hi Hindu leh Mosolman te pawh hian, Ni e, a \ha khawp mai, Isua thusawite hi a \ha tak tak a ni... an ti a; mahse, chhandama an awm nan Lal Isua chu an ringin, amahah an innghat tlat lo. Keini Kristiante zingah pawh thu dik tak rina ring ve mai mai a awm theih tho. Lawngleng, vaukam a\anga en leh a chuana chuang an danglam ang hi rinna chu a ni. Thiltih avangin rinna chu a famkim. Rev. K. Lalrinmawia chuan, Pathian thu-in rinna a tih chu dik tura ngaihna, innghat thlap khawpa ring tihna a ni a. Chu chuan rin dan ang taka nung zui zel a kawk a; ring deuh roh, a dik loh hlau deuh bawk si chu ring a tling lo. Thuthlung Tharah, Isua Krista ringtute chuan Krista chu Chhandamtu a ni tih an pawm a, a zirtirna awihin a thu an zawm a ni. Chu chu Pathian thua rinna tih awmzia chu a ni. Ngaihtuah vang vanga kan awih ve tho, nunpui leh zawm kan tum chuan lem loh chu Pathian thua rinna a tling lo, a ti. Hebrai 11:1-ah Rinna hi thil beiseite awm ngeia hriatna, thil hmuh lohte hriatfiahna a ni tih kan hmu. Chu rinna chuan thiltum a nei a, kawng thumin kan sawi ang. 1. CHATUAN NUNNA KAN NEIH NAN : Johana 3:14&15-ah Tin, Mosian thlalerah rul a khaikan ang khan, mihring fapa hi khaikanin a awm bawk tur a ni; tupawh a ring apiangin amah avanga chatuana nunna an neihna turin. tiin min hrilh. Rinna chuan khenbehna/inpekralna min thlirtir a, min kawh hmuh a tum a ni, chu mi rin chu chatuana nunna a ni. Pathianin khawvel a hmangaih em em a, chutichuan a fapa mal neihchhun a pe a, amah chu tupawh a ring apiang an boral loh va, chatuana nunna an neih zawk nan. (John. 3:16) Rinna avanga khawngaihnaa chhandam inni, nangmahni thawh chhuah a ni lo va, Pathian thilpek a ni. (Eph. 2:8) Chatuana nunna hi rinna-in min kawhhmuh a tum chu a ni a, chu chatuana nunna nei tur chuan \awngkaa rin a ni lo, thiltih a ngai. Jakoba 2:24-ah Rinna avang ngawt ni lovin, thiltih avang zawkin miin thiam a chang \hin tih inhre ta. tih ziak a ni. Pathianin min hmangaihna leh khawngaihna hi thiltihin a lantir a, a fapa mal min pe. Chatuana nunna kan neih theih nan kuangkuaha nghah veng veng chu a ni lo, tih ve tur kan nei a ni. Rinna hi kan nunfiahpui a \ul a ni. 2. THILTIHTHEIHNA LEH CHAKNA : Hebrai 12:1&2-ah chuan Chutichuan, chhumpui nasa tak ang thlirtuten min hual vel avang hian, min tihnawk apiang leh sual keimahnia bet tlat chu i dah ve ang u; tin, Isua, kan rinna siamtu leh tifamkimtu lam chu enin, kan hmaa intlansiakna tur awmah hian CHHEL takin i tlan zel ang u. Ani chuan a hmaa HLIMNA awm avang chuan mualphona chu ngainepin Kraws chu a tuar a, Pathian Lal\hutphah ding lamah khian a han \hu ta a, tih thu kan hmu a. Rinna hian thiltihtheihna leh chakna min pe. Harsatna leh manganna kan tawhin, kan rinna siamtu leh tifamkimtu lam en lovin, Kei zawng ka rinna a chak lo em mai, rinna chak tak nei ila chu..., te kan ti \hin. Mahse, kan rinna nasat leh tlem lam ni lovin, ka rina (kan rinna innghahna) kha a pawimawh zawk. Pa Pathian kha a tha a \hum ta ang maia ngaiin kan rinna tihtam leh tihchak kan tum zawk hlauh a, kan rinna lam kan en a, Pathian zawk kan en a pawimawh. I rinna chak leh chak loh lam ni lovin, Pathian rintlakna lam ngaihtuah zawk tur a ni. Rinna awmphaw kan inbel chuan misual thal alh thei zawng zawng kan timit thei. He khawvel hneha ngamna chu rinna chauh hi a ni a, kan dampui thei a ni. Kan rin Isua hian a hmaa HLIMNA avangin MUALPHONA a ngainep a; keini erawh chuan chu HLIMNA chu hmuh kanin khawvel ROPUINA kan um fo. Rinna kawngah hian CHHELNA a tel. Keimahni min tihnawkthei leh sual keimahnia bet tlat hneh theihna chu rinna a ni. Amah kan chawimawi a, Amahah rinna kan nghah takzet chuan thiltihtheihna leh chakna kan nei ang. 3. ROPUINA LEH CHAWIMAWINA : Phil. 3:20-ah chuan Keini zawng Van khua leh tui kan ni si a, Van a\anga min chhandamtu Lal Isua Krista lo kal tur chu nghakhlel takin kan thlir a ni, tiin. Ropuina leh chawimawina, lalna leh thuneihna hi mihring hian a thlahlel duh khawp mai. Sum leh pai ngah hi mihringte ropuina teh nan Lal Isuan a hmang lo. Mihring ten ropui kan tih leh Lal Isuan ropui a tih hi a inang lo. He khawvelah ropui leh chawimawi ni lo mah se, rinnaa nghet taka awm chuan Lal Isua lo kal leh tur hi nghakhlel takin an thlir \hin a ni. Rinna chuan Lal Isua lo kal lehna min thlirtir a, ropuia ( ........Phek 3-na Column 2-naah chhunzawm )

Mi fel chu a \henawm tan hruaitu a ni a, mi suaksualte kawng erawh chuan bona a thlen sak \hin - Thufingte 12:26

Kum 23-na,

Issue No.08,

Kristian |halai Pawl, Mission Vengthlang Branch, 21 st Apr. 13, P-2

Editorial Board
EDITOR JOINT EDITORS

: LALHRUAITLUANGA : SAIDINGLIANA SAILO MC. CHAWNGTHU

LALMAWIPUII CHAWNGTHU ZONUNSANGI

CIR. MANAGERS

LALDUHAWMA LALTHANMAWIA LAL|ANPUIA LAL|HAPUIA

Editorial
Mihring nun hi inzir nun a ni ti ta ila kan sawi sual tampui awm lo ve. Thil hrang hrang, kan nun ina a mamawh tur zirin kan hun leh nite kan hmang ral a ni deuh ber mai. Sum leh pai lah kan seng nasa ngiang mai. Neih thinglung khawng tak meuh pawn zirna avang chuan sum leh pai leh tha kan seng hreh hauh lo. Tumah dem tur kan awm hauh lo. Mihring nun hi inzir nun kha a ni miau a. Mahse, kan beisei erawh kan thleng vek kher lo. Chutih rual erawh chuan hlawkna erawh kan chhar vek a. Chu hlawkna hmang \angkai thiam apiangte chu mi hlawhtling kan tihte hi an ni.

Inkhawm Programme
Ni 21.04.2013 (Pathianni) : Sunday School |antu : Pi Thangpuii (B/1) Zirlai 14-na : Hmelma laka venhimna Chawhnu - Pastor Bial fan Programme Baptisma Sacrament Zan - Pastor Bial fan Programme Zaipawl : Kohhran Zaipawl Thuhriltu : Pastor Lalbiakvulmawia Ni 24.04.2013 (Nilai zan) |antu : Nl. Lalropari (B/10) Item : Sacrament Dept. Thupui : Presbyterian leh Khawtlang nun Hawngtu : Pu Lalmuanpuia Ni 27.04.2013 (Inrinni zan) |awng\ai rual leh Thuhril |antu : Pi K. Lalhmangaihthangi (B/11) Thuhriltu : Pu C. Lalbiaktluanga Ni 28.04.2013 (Pathianni) : Sunday School |antu : Pi Lalhmingzami (B/7) Zirlai 15-na : |hianin a phatsan \awng\aina Chawhnu |antu : Pi Lalhlupuii (B/13) Thuhriltu : Upa C. Zosangliana Zan Zaipawl : Masihi Sangati Thuhriltu : Rev. Rokhuma

K|P INKHAWM
Ni 22.04.2013 Bial K|P Hruaitute Branch Tlawh Hruaitu : Nl. Sarah Lalnunmawii, Br. Treasurer |antu : Tv. Nicky Ramtharnghaka Ngente Nahuma Group Committee Thusawitu : Nl. Thangchhingpuii, Bial K|P Committee Member Zaipawl : Bial Zaipawl Spl. Item : Destined, MVT Branch Ni 29.04.2013 Home Mission Sub-Committee Night Hruaitu : Pu Malsawmtluanga, Br. Asst. Secy. |antu : Nl. F. Zonunmawii, H/M Committee Secretary Report : Nl. Lalromani, H/M Secretary Thuchah tawi : Pu Hmingthanpuia, H/M Chairman Special Items : 1) Home Mission Video clip 2) Home Mission Zaipawl 3) Drama 4) Worship Drama 5) Solo : Nl. Zothanpuii

NAUPANG INKHAWM
Ni 21.04.2013 Hruaitu : |antu : Hun hmangtu : Pangpar khawitu : Tv. Chawnghuliana Lalmuanpuii Pi Lalrinsiami Colney Lalrinchhani, R.Lalremsangi & Lallawmzuali

TLEIRAWL INKHAWM
Ni 21.04.2013 Hruaitu : Pu Lalnunfela |antu : Catherine Zomuanpuii (Ephesi Gr.) Bible Chang chhiar rual i/c - Lalremmuani (Galatia Gr.) Thusawitu : Dr. C.Lalhrekima, Mission Veng

MASIHI SANGATI

Ni 21.04.2013 Area Meet Thlirletna Chairman : Pu Lalrokhuma Zadeng |antu : Pu Nando Singh Ni 28.04.2013 Youth Fest Inbuatsaihna Ni 28.04.2013 Hruaitu : Dr. Hmingthanzuali Chairman : Pi Lalremsangi |antu : Sarah Huanthangmawii (Philipi Gr.) |antu : Pi Zopuii Bible Chang chhiar rual i/c - Solomon Rochanhlua (Korinth Gr.) Thusawitu : Evan Pu Lalawmpuia He khawvel hi kan khualzinna ram a ni a, kan cham chhungin mi dangte tan malsawmna nih i tum \heuh ang u

Kum 23-na,

Issue No.08,

Kristian |halai Pawl, Mission Vengthlang Branch, 21st Apr. 13, P-3

HMANGAIHTU LEH HMANGAIH

man lai hian vawikhat chu nupa rethei tak mai hi an awm a. A pasal zawk chu nitin inhlawhfain a chhuak \hin a. An nitin mamawh chu harsa takin an thawkchhuak ve hram hram \hin a ni. Mahse chuti chung chuan hlim takin inhmangaih em emin an cheng dun a. Ni khat chu a nupui chuan a pasal hnenah chuan a sam ngil sei tak mai khuih mamna tur leh a inchei vena turin samkhuih leisak turin a ngen a; mahse a pasal chuan chutiang han leina mai tur a neih loh thu leh a ma sana bun lai ngei a hrui chat lek lek tawh pawh chu siamtirna tur emaw a thara thlakna tur emaw pawh a neih loh thu rilru hrehawm takin a hrilh a. A nupui pawh chuan thil awmdan a hriatin a ngen chhunzawm ta bik lo va. A nupui a hmangaih em emin a thil duh a sawi ang pawh a tihsak theih loh avang chuan a pasal rilru erawh chu a na hle mai a. Tichuan a pasal chu hnathawk turin a chhuak ta a. A kalkawngah chuan kawngkama sana chhe siamna dawr hi a hmu fuh ta hlauh mai a. A rilruah chuan engemaw hi a lo lut a, dawrah chuan lutin a sana bun lai chu a hralh ta daih mai a, a hralhna pawisa chuan a nupuiin a awh tak mai samkhuih chu a leisak ta thung a. Tlaia a hnathawk bang chu hlim takin in lam panin a lo haw a. A samkhuih lei chu a kut lehlama keng chungin phur takin in chhungah chuan a han lut a; mahse a beisei loh deuh mai thil a hmu ta tlat mai a hmuh chu a nupui kha a ni ta hauh lo, tuna a hmaa ding hi chu a sam a sei lo va, hmeichhe sam tawi a ni zawk tlat. Mak ti takin a nupui chu a han en a, a kutah chuan sana bunna hrui thar mawi tak mai hi a lo keng va mai a. Thil awmzia a han zawh chuan a nupui chuan a sam sei tak mai chu tanin a lo hralh a, a hralhna pawisa chuan a pasalin a mamawh tak mai a leina a neih si loh sana bunna mawi tak mai hi a lo lei chu niin. Chumi nupa inhmangaih tak maite chu rilru inhrethiam em emin ngawi rengin an inen vawng vawng a. Lawm avangin an biangah chuan hmangaihna mittui hi a luang ngiai ngiai a. An thil intihsak chu thil ropui leh sum tam tak man zawng a ni hauh lo, a ropui zawk chu an hmangaihte tana an inpekna chu a ni. Chumi avang chuan an nupa inhmangaihna pawh chu a lo nghet lehzual ta a.

Zing |awng\ai Inkhawm

22.04.2013 23.04.2013 24.04.2013 25.04.2013 26.04.2013 27.04.2013 28.04.2013 29.04.2013 30.04.2013 01.05.2013 02.05.2013 03.05.2013 04.05.2013 05.05.2013 Thawh\anni Thawhlehni Nilaini Ningani Zirtawpni Inrinni Pathianni Thawh\anni Thawhlehni Nilaini Ningani Zirtawpni Inrinni Pathianni Pi Siampuii Pu C. Lalliana Pi Lallianmawii Upa C. Zosangliana Pi Lalthanmawii Rev. Rokhuma Pi Hranghmingthangi Upa Lalramzauva Pi K. Lalrinthangi Pu Lalthangliana Pi Malsawmi Upa H. Ngurthansanga Pi Rodingi Sailo Upa C. Hmingthanga

( Phek 1-na chhunzawm........ ) kan lan theih nan leh chawimawia kan awm theih nan rinnaah kan awm a ngai. Rinna hian van khua leh tui nihna min pe a, A lo kal lehna hun pawh nghakhlel taka min thlirtirtu chu a ni. Amahah rinna nghat mite tan rorelna ni chu ropuina leh chawimawina ni a ni dawn. Chu hun chu mihring ten kan nghakhlel tur a ni a, kan nghakhlel lo a nih chuan inenfiah a \ul ang. 4. A TAWPNA : Keimahni taksa hriselna thu hlaah kan infiah fo, hmun hla tak takahte Damdawi In panin kan zin \hin; engvangin nge? Hrisel taka nun kan hman theih nan leh kan hlim theih nan a ni. II Kor. 13:5-ah chuan heti hian Pathian thu kan hmu Rinnaah chuan in awm emaw, nangmahni ngei inchhin \hin ula, nangmahni ngei infiah \hin rawh u.... Kan thlarau nun chhungril lam aiin pawn lam taksa ngai pawimawhin kan infiah fo, thlarau nun dam si lovin kan taksa a dam \hin a. Sikul naupang chuan a zirlai a thiam leh thiam loh fiah a tawk \hin a, ringtute pawhin kan rinna fiah hun kan la tawng dawn. Chuvangin, rinna-in a ken tel chatuan nunna, thiltihtheihna leh chakna, ropuina leh chawimawina kan nei em? Hun remchang awm theih tawh loh hnua infiah chauh lovin, tunah hian mahni inchhinin, infiah \hin ang u. Lalpan a thu malsawm rawh se. AMEN

KOHHRAN HMEICHHIA
Ni 23.04.2013 Upa Biala Inkhawm Ni 30.4.2013 Hruaitu : Pi Lalthanmawii |antu : Pi C. Lalzarzovi (B/1) T. khawntute : Pi H. Siamkungi & Pi Lallawmkimi (B/8) Thusawitu : Pi Tluangpuii

Pastor Bial Fan Programme

21st - 24th April, 2013 ..... Mission Vengthlang Kohhran 26th - 28th April, 2013 .... Model Veng Kohhran 1st - 4th May, 2013 .......... Mission Vengthlang Kohhran

PAVALAI PAWL
Ni 26.04.2013 Thusawi leh Thawhlawm Ip lakkhawm Hruaitu : Pu Lalmuanpuia |antu : Pu V. Lalrinliana T. khawntu : Pu Lalramliana (B/1) Thusawitu : Pu Laltlankima

BIAK IN A PANG PAR KHAWITUTE

April ni 20-26, 2013 Pi Lalrinsiami (B/5) & Pi Lalbiakliani (B/5) April ni 27- May 3, 2013 Dr. Lalbiakdiki (B/6) & Pi Hmingthanpari (B/6)

Pathian hi kan duh anga hruai tum lovin A duh anga min hruai theih turin i inbuatsaih zawk ang u

Kum 23-na,

Issue No.08,

Kristian |halai Pawl, Mission Vengthlang Branch, 21st Apr. 13, P-4

VANNEIHNA THURUK
Rozama Chawngthu Mipa naupang pakhat hi a \ap bai bai mai a. A \ah chhan an zawh chuan pheikhawk bun tur a nei lo a ni. Chutih lai tak chuan mipa naupang dang, ke lehlam bul a lo kal a. Ani chuan, Nang chu pheikhawk nei rih lo mah la, a bunna tur ke i nei a, engtikah emaw chuan i la bun mai ang. Kei chu pheikhawk chu sawi loh, a bunna tur ke pawh ka nei lo a nih hi, a ti reuh va. Naupang \ap chu a bang a, a inngaihtuah ve rauh rauh mai a, a lungawi thei leh ta a ni. Bible chuan engkim hi kan ta a nih thu min hrilh a. Bible ringtu, Kristian ni chung si hian a \ha lam chu kan chan ve tur, a \ha lo lam chu mi dang chan tura dah kan ching hle mai. Kan venga nupa tuak khat chu an fate sualna avangin an lungngaiin hrehawm an ti hle mai a. Kan veng chhunga harsatna nei lo deuh chhungkua nia an hriat te an ngaihtuah kual vel a. An nu chuan ka hming pawh a lam tel ve ta a. An pa chuan, An fate sual rih lo mah se, a hrisel loh em hi, pa ber hrisel loh avangin an buai ve hle asin, tiin a chhang a. A dikna chin a awm khawp mai. Mizoram a\ang pawhin Vellore khua hi a lar hle a, a lar chhan pawh damlovin an pan \hin tih kan hria a ni. Kan chhung zinga mi ngei, keimah ngei hi ka la kal ve ang tih chu ka ring duh lem lo. |awngka chuan kal ve thei kan ni chu kan ti a, kan kal ve tak tak chu kan ring ngai lo. Miin kansar an vei chuan thil danglam takah kan ngai tawh lo. Mahni ngeiin kan vei ang tih chu kan ring phal miah lo. Kal pawh an thlak \hin tih kan hria, ka kal hi thlak a la \ul ve ang tih chu kan ngaihtuah duh miah lo. Awmlai te leh tawhsual avang tein mi an thi \hin tih kan hria. Kan chhungkuaa thleng tur chuan kan ring ngai lo. Tlema natna khirh deuh emaw thihna emaw kan chhungkuaa a lo thlen hian vanduai bik riauva inhriatna a awm duh hle. Eng kan ti ta bik nge ni? tia chung lam thleng thleng dem mai a awl hle. Kan sawi tak ang hian kei pawh hian, Engati nge ka hrisel loh em em? ka ti fo mai. Vellore-a kal ngai khawpa ka awm phei chu ka ring ngai chiah lo. Mahse, ka kal a \ul ve ta mauh mai. Vellore-ah ka kal a, CMC & Hospitalah min dah lut ve ta ngei a. Ka awm chhungin ka lu na pawh a chhuak zing hle a, hrehawm ka ti khawp mai. Mahse, tuk khat chu ka awmna pindan pawna hawrawp nalh vak lo, Sap \awnga thu ziak Lawmna kim chu chan tawka lungawi a ni tihna intar ka hmuh chuan ka thinlung a khawih thar tlat. Mihring nunah hian tumahin vanneihna hlir kan dawng lo va, vanduaina hlir pawh kan dawng hek lo. Kan vanneihna chhut thiam lova, kan vanduaina kan chhut thiam lawi si hian min tilungngai \hin a ni. Khawvela mi vanduai ber nih tum ila, a har viau mai thei. Keini aia vanduai zawk, rethei zawk, na zawk an lo awm zel mai. Chutiang kan chhut thiam chuan kan dinhmunah kan lungawi thei dawn a ni. Vanduai ber nih theih dan awlsam ber chu malsawmna kan dawn chhut hauh lova, a chhe lam kan chan chhiar nghauh nghauh mai hi a ni. Chumi lehlam chiah chu: mi vannei nih kan duh chuan Pathian min pek - fuke kim, chaw ei tur, silh leh fen te leh thil dang tam tak hi chhut thiam ila mi vannei kan ni mai dawn a ni.

LAWRKHAWM
Ni 8.4.2013 (Thawh\anni) zanah khan K|P , Kulikawn Branch nen Joint Service neih a ni a, member hi kan vaiin mi 426 kan inkhawm. Kulikawn Branch hian ngaihhrui nan Thinga thuziak mawi tak leh Register (Minute Bu) kan Branch min pe nghe nghe a ni. April ni 16, 2013 (Thawhlehni) zan dar 7 khan Branch Committee ten R.C.Hall-ah sharing an nei a, kham lo takin zan dar 10:00 vel thleng hun an hmang. MBSE hnuaia Matric Result tihchhuah takah kan member \hahnem takin hlawhtlinna an chang a, kan lawmpuiin an zir zelna turah duhsakna kan hlan a, hlawhtling ve ta rih lo te pawh beidawng lo va \an la zel turin kan duhsak bawk e. April 18 (Ningani) chawhnu dar 1:00-ah khan Missionary Training College chuan Graduation Day hmasa ber chu Synod Conference Centre, Mission Veng-ah an hmang a, hetah hian B. Miss. (Batch hmasa ber) zir chhuak mi 13 hnenah certificate hlan an ni. Hemi hunah hian min sawm angin K|P ten eirawng kan bawl sak a, fatu tura thawkchhuak zawng zawngte chungah Branch Committee chuan lawmthu a sawi tak meuh meuh a ni. April ni 26 - 28, 2013 chhung hian Model Veng Kohhran-ah Mission Vengthlang Pastor Bial Inkhawmpui Vawi 8-na neih a ni dawn a, kan Branch K|P aiawha Palai turin Branch Secretary leh Pu R. Lalhmingliana, Branch Committee member-te ruat an ni.
|halaite |hian

April ni 24, 2013 (Nilaini) Dar 1:00 P.M. @ YMA Basketball Court Half-time Show ropui tak a awm dawn Final ropui tak hi \awiawm turin member zawng zawngte sawm kan ni e

Published by Kristian |halai Pwl, Mission Vengthlang Branch, Aizawl, Mizoram, 2013. Printed at K. L. Offset, M.G Road, Tuikhuahtlang. Phone - 9862725123