Rishi Markande Ne Puchha Jabhi !

Daya Karke Brahmaji Bole Tabhi !!

Ke Jo Gupt Mantra Hai Sansar Mein !
Hain Sab Shaktiyan Jiske Adhikar Mein !!
Har Ik Ka Jo Kar Sakta Upkar Hai !
Jishe Japne Se Beda Hi Par Hai !!
Pavitra Kawach Durga Balshali Ka !
Jo Har Kaam Pura Kare Sawali Ka !!
Suno Markande Main Samjhata Hoon !
Main Navdurga Ke Naam Batlata Hoon !!
Kawach Ki Main Sundar Chopai Bana !
Jo Atyant Hain Gupt Deyun Bata !!
Nav Durga Ka Kawach Yeh, Padhe Jo Man Chit Laye !
Ush Pe Kisi Prakar Ka, Kabhi Kasht Na Aaye !!
Kaho Jai Jai Jai Maharani Ki !
Jai Durga Asht Bhavani Ki !!
Pahli Shailputri Kehlawe !
Doosri Bhramcharni Man Bhawe !!
Tisri Chandraghanta Shubh Naam !
Chauthi Kushmanda Sukhdham !!
Panchvi Devi Askand Mata !
Chhati Kaatyayani Vikhyata !!
Satvi Kaalratri Mahamaya !
Aathvi Mahagauri Jag Jaya !!
Nauvi Siddhiratri Jag Jane !
Nav Durga Ke Naam Bakhane !!
Mahasankat Mein Ban Mein Ran Mein !
Rog Koi Upje Nij Tan Mein !!
Mahavipati Vyohar Mein !
Maan Chahe Jo Raj Darbar Mein !!

Shakti Kawach Ko Sune Sunaye !

Man Kamna Sidh Nar Paye !!
Chamunda Hai Pret Par, Vaishnavi Garud Asawar !
Bail Chadhi Maheshwari, Hath Liye Hathyar !!
Kaho Jai Jai Jai Maharani Ki !
Jai Durga Asht Bhavani Ki !!
Hans Sawari Barahi Ki !
Mor Chadhi Durga Kaumari !!
Lakshmi Devi Kamal Aasina !
Brahmi Hans Chadhi Le Vina !!
Ishwari Sada Bail Aswari !
Bhaktan Ki Karti Rakhwari !!
Shankh Chakra Shakti Trishula !
Hal Musal Kar Kamal Ke Phula !!
Daitya Nash Karne Ke Karan !
Roop Anek Kin Hain Dharan !!
Bar Bar Charanan Sir Naoon !
Jagdambe Ke Gun Ko Gaoon !!
Kasht Nivaran Balshali Maa !
Dusht Sanharan Mahakali Maa !!
Koti Koti Mata Pranaam !
Puran Ki Jo Mere Kaam !!
Daya Karo Balshalini, Das Ke Kasht Mitao !
Chaman Ki Raksha Karo Sada, Sinh Chadhi Maa Aaoo !!
Kaho Jai Jai Jai Maharani Ki !
Jai Durga Asht Bhavani Ki !!
Agni Se Agni Devta !
Purabh Disha Mein Yendri !!
Dakshin Mein Barahi Meri !
Nairitya Maa Khdag Dharini !!

Vayu Se Maa Mrug Vahini !

Paschim Mein Devi Varini !!
Uttar Mein Maa Kaumariji !
Esan Mein Shool Dhariji !!
Brahamani Mata Arsh Par !
Maa Vaishnavi Ish Pharsh Par !!
Chamunda Dash Dishaoon Mein, Har Kasht Tum Mera Haro !
Sansar Mein Mata Meri, Raksha Karo Raksha Karo !!
Sanmukh Mere Devi Jaiya !
Pache Ho Mata Vijaiya !!
Ajita Khadi Bayen Mere !
Aprajita Dayen Mere !!
Udyotini Maa Shikha Ki !
Maa Uma Devi Sir Ki Hi !!
Maladhari Lalat Ki, Aur Brakuti Ki Maa Yashyaswini !
Brakuti Ke Madhya Traynetra, Yam Ghanta Dono Naasika !!
Kali Kapolon Ki Karn, Mulon Ki Mata Shankari !
Nasika Mein Ansh Apna, Maa Sugandha Tum Dharo !!
Sansar Mein Mata Meri, Raksha Karo Raksha Karo !!
Upar Ve Niche Hoton Ki !
Maa Churchka Amrut Kali !!
Jeebha Ki Mata Saraswati !
Danton Ki Kaumari Sati !!
Ish Kunth Ki Maa Chandika !
Aur Chitraghanta Ghanti Ki !!
Kamakshi Maa Thodi Ki !
Maa Mangla Ish Bani Ki !!
Griva Ki Bhadrakali Maa !
Raksha Kare Balshali Maa !!
Dono Bhujaoon Ki Mere, Raksha Kare Dhanu Dharni !

Do Hathon Ke Sab Angon Ki, Raksha Kare Jag Tarni !!

Shuleshwari, Kuleshwari, Mahadevi Shok Vinashani !
Chhati Stano Aur Kandhon Ki, Raksha Kare Jag Vasini !!
Hrudya Udar Aur Nabhi Ki, Kati Bhag Ke Sab Ang Ki !
Gumheshwari Maa Putna, Jag Janani Shyama Rang Ki !!
Ghutnon Janghaoon Ki Kare, Raksha Vo Vindhyavasini !
Tukhnon Ve Pavon Ki Kare, Raksha Vo Shiv Ki Dasni
Rakt Mans Aur Hadiyon Se, Jo Bana Sharir !
Aaton Aur Pit Vat Mein, Bhara Agna Aur Nir !!
Bal Budhi Anhkar Aur, Pran Apan Saman !
Sat Raj Tam Ke Gunon Mein, Phansi Hai Yeh Jaan !!
Dhar Anekon Roop Hi, Raksha Kariyo Aan !
Teri Krupa Se Hi Maa, Chaman Ka Hai Kalyan !!
Aayu Yash Aur Kirti Dhan, Sampati Parivaar !
Brahmani Aur Lakshmi, Parvati Jag Tar !!
Vidhya De Maa Saraswati, Sab Sukhon Ki Mul !
Dushton Se Raksha Karo, Hath Liye Trishul !!
Bhairavi Meri Bharya Ki, Raksha Karo Hamesh !
Maan Raj Darbar Mein, Deven Sada Naresh !!
Yatra Mein Dukh Koi Na, Mere Sir Par Aaye !
Kawach Tumhara Har Jagah, Meri Kare Sahaye !!
Hae Jag Janani Kar Daya, Itna Do Vardan !
Likha Tumhara Kawach Yeh, Padhe Jo Nischay Maan !!
Man Vanchhit Phal Paye Vo, Mangal Modh Basaye !
Kawach Tumhara Padhte Hi, Navnidhi Ghar Aaye !!
Brahmaji Bole Suno Markande !
Yeh Durga Kawach Maine Tumko Sunaya !!
Raha Aaj Tak Tha Gupt Bhed Sara !
Jagat Ki Bhalai Ko Maine Bataya !!
Sabhi Shaktiyan Jag Ki Karke Yektrit !

Hai Miti Ki Deh Ko Ihse Jo Pahnaya !!

Chaman Jishne Shradha Se Isko Padha Jo !
Suna To Bhi Muh Manga Vardan Paya !!
Jo Sansar Mein Apne Mangal Ko Chahe !
To Hardam Yahi Kawach Gata Chala Ja !!
Biyaban Jangal Dishaaoon Dashon Mein !
Tu Shakti Ki Jai Jai Manata Chala Ja !!
Tu Jal Mein Tu Thal Mein Tu Agni Pawan Mein !
Kawach Pahan Kar Muskurata Chala Ja !!
Nidar Ho Vichar Man Jahan Tera Chahe !
Chaman Kadam Aage Badhata Chala Ja !!
Tera Maan Dhan Dham Ishse Badhega !
Tu Shradha Se Durga Kawach Ko Jo Gaye !!
Yahi Mantra Yantra Yahi Tantra Tera !
Yahi Tere Sir Se Hi Sankat Hatayen !!
Yahi Bhut Aur Pret Ke Bhay Ka Nashak !
Yahi Kawach Shradha Ve Bhakti Bhadhye !!
Ishe Nitprati Chaman Shradha Se Padh Kar !
Jo Chahe To Muh Manga Vardan Paye !!
Ish Stuti Ke Path Se Pahle Kawach Padhe !
Krupa Se Aadhi Bhavani Ki, Bal Aur Budhi Badhe !!
Shradha Se Japta Rahe, Jagdambe Ka Naam !
Sukh Bhoge Sansar Mein, Ant Mukti Sukhdham !!
Krupa Karo Mateshawari, Balak Chaman Nadan !
Tere Dar Par Aa Gira, Karo Maiya Kalyan !!