Mbah-mbah dodol gaman

Kedadean iki wes suwe, kira-kira wes ono 2 ulan. Pas dina iku sekitar jam awan.
Pas panas-panase srengenge, aku nyawang lewat cendelo kamarku, ono mbah-mbah
seng wes tuwo banget lewat nang ngarep omahku. Mbah tuwo iku dodolan gaman.
Dodolane iku ditumpakno gledekan seng rada gede lan dowo. Gledekan seng rada gede
lan dowo iku diseret karo dicantolno nang pundhake. Gledekan iku mau isine bek karo
gaman-gaman dodolane mbah-mbah tuwo iku. Iso kebayang kan?? Abote gledekan
iku?? Mbah-mbah tuwo mlakune alon-alon banget. Lan ketok ane dodolane iku gak pati
payu. Awake mbah iku endek, kuru, tapi sek ketok rosa nyeret gledekan seng abot mau
nang tengah panas-panase srengenge karo mbengok Gaman. . gaman. . gamane
buuk.. . . . Wes kulino paling yoo. Tapi emane, nek jam sak monoan penduduk nak
desoku iku akeh seng wes turu awan pegel mari nyambut gawe nang sawah. Aku
nyawang ae teko njero kamar. Sakno temen mbah tuwo iku. Mbah tuwo iku sempet
mandek nang ngarepe omahku, ngiup sediluk nang ngisore wit-witan jambu ngarepe
omahku. Mandek sediluk kanggo ngelurusno gegere lan ngombe banyu botolan
sanggune teko omah. Mbah tuwo iku lungguh sediluk nang ratan ngarepe omahku. Pas
aku ndunga mugi-mugi dodolane mbah-mbah iku ndang payu, cek ndang cepet mole,
dienteni karo keluargane nang omahe. Alhamdulillah e pas mbah iku ngadek lan arep
mangkat mane nerusake dodolane ono tonggoku seng metu teko omah lan marani
mbah iku.. dadakman tonggoku angkate tuku clurit. Pas takok, ketepak an mbah tuwo
iku yo dodolan clurit barang. Ndelok-ndelok, meleh-meleh rada suwe, akhire tonggoku
iku mau tuku clurit dodolane mbah tuwo iku. Gak nanggung-nanggung, tonggoku iku
mau langsung tuku 3 biji. Alhamdulillah 3 clurit iku mau dibayar Rp. 100.000,-.
Lumayan.. Maringono mbah-mbah iku mangkat mane nerusno dodolane. Sak during
mlaku ketok ane mbah sempet dungo, aku gak wer opo seng di dungakakake karo mbah
iku, tapi seng pasti dongane iku mesti dunga seng apik, lan insya allah di ijabah kaliyan
gusti Allah. Pas mbah iku wes gak ketok man aku ndungakno mugo-mugo mbah iku
mau selamet sampek tujuane, payu dodolane, lancer rejekine. . . lan liya-liyane, pokok
e dungaku apik kanggo mbah tuwo iku
MOCH AGUNG PUTRA N.
9E (14)